فزاعيه للقاسم صلوات الله عليه
اليوم صاح العباس
جاسم يبنه
الما ايعزب للضيف
موش امن اهلنه
ــــــــــــــــــــــــــــــــــــــ
والنعم من عودك وتربيته
طلعك زلمه كلف من بيته
كامل امكمل مثل شخصيته
كوم لف اعله المتن جفيته
يبن إخوته والصيت
لليفزعلنه
المايعزب للضيف
موش امن اهلنه
ــــــــــــــــــــــــــــــــــــــ
جان ابوك امعزب بديوانه
انبوس اديه وانكله يامولانه
عاش فتره من الزمان اويانه
وانته ياجاسم صرت قربانه
من كريم اهل البيت
عندك محنه
المايعزب للضيف
موش امن اهلنه
ــــــــــــــــــــــــــــــــــــــ
امعوذك إبخت الحسن يهلاله
شيل سيفك واذبح العياله
الساده همه بالحرب خياله
وآنه اريدن ضربتك كتاله
والحسين يناديك
أنته أملنه
المايعزب للضيف
موش امن اهلنه
ــــــــــــــــــــــــــــــــــــــ
اعيوني مشتهيه تشوف أفعالك
كوم غطي كربله بخيالك
من تريد اتموت اموت ابدالك
وآنه لازم ضهرك وابرالك
المات ويانه ابخيت
وانزفه كلنه
المايعزب للضيف
موش امن اهلنه
ــــــــــــــــــــــــــــــــــــــ
يبن اخوي استوه خظر ياسك
أتدنه ليه وخل ابوسن راسك
لاكن ابكد الخيام احساسك
ويسوه كل الجيش شسع امداسك
اليوم جاسم ردناك
تطلع مثلنه
المايعزب للضيف
موش امن اهلنه
ــــــــــــــــــــــــــــــــــــــ
كله عد عيناك امرك واجب
العين ماتعله ابد عالحاجب
استاذي أنته وآنه اصغر طالب
حالف اسحك بيهم اكبر شارب
الماشرد من جسام
بالحومه فنه
المايعزب للضيف
موش امن اهلنه
محمد الجماسي
#اللهم_عجل_لوليك_الفرج
اليوم صاح العباس
جاسم يبنه
الما ايعزب للضيف
موش امن اهلنه
ــــــــــــــــــــــــــــــــــــــ
والنعم من عودك وتربيته
طلعك زلمه كلف من بيته
كامل امكمل مثل شخصيته
كوم لف اعله المتن جفيته
يبن إخوته والصيت
لليفزعلنه
المايعزب للضيف
موش امن اهلنه
ــــــــــــــــــــــــــــــــــــــ
جان ابوك امعزب بديوانه
انبوس اديه وانكله يامولانه
عاش فتره من الزمان اويانه
وانته ياجاسم صرت قربانه
من كريم اهل البيت
عندك محنه
المايعزب للضيف
موش امن اهلنه
ــــــــــــــــــــــــــــــــــــــ
امعوذك إبخت الحسن يهلاله
شيل سيفك واذبح العياله
الساده همه بالحرب خياله
وآنه اريدن ضربتك كتاله
والحسين يناديك
أنته أملنه
المايعزب للضيف
موش امن اهلنه
ــــــــــــــــــــــــــــــــــــــ
اعيوني مشتهيه تشوف أفعالك
كوم غطي كربله بخيالك
من تريد اتموت اموت ابدالك
وآنه لازم ضهرك وابرالك
المات ويانه ابخيت
وانزفه كلنه
المايعزب للضيف
موش امن اهلنه
ــــــــــــــــــــــــــــــــــــــ
يبن اخوي استوه خظر ياسك
أتدنه ليه وخل ابوسن راسك
لاكن ابكد الخيام احساسك
ويسوه كل الجيش شسع امداسك
اليوم جاسم ردناك
تطلع مثلنه
المايعزب للضيف
موش امن اهلنه
ــــــــــــــــــــــــــــــــــــــ
كله عد عيناك امرك واجب
العين ماتعله ابد عالحاجب
استاذي أنته وآنه اصغر طالب
حالف اسحك بيهم اكبر شارب
الماشرد من جسام
بالحومه فنه
المايعزب للضيف
موش امن اهلنه
محمد الجماسي
#اللهم_عجل_لوليك_الفرج
ليلة الوحشه
كربله كربله.. الليله اسمعي اعتابي
كربله كربله.. ليش اخذتي احبابي
ــــــــــــــــــــــــــــــــــــــ
كلشي مات بعيني لمن طاح اخونه
وجيت اليطلبله دم الناس اجونه
حركو الخيمه علينه وفرهدونه
أمن الركض والسوط كلش تعبونه
كربله كربله.. النار اجت لثيابي
كربله كربله.. ليش اخذتي احبابي
ــــــــــــــــــــــــــــــــــــــ
كربله وطيحة كمر هاشم جبيره
راح اخونه وراحت اوياه العشيره
طكو بعامود راسه ونزف غيره
وانمسح اسم الاميره وصرت اسيره
كربله كربله..والشمر سلابي
كربله كربله..ليش اخذتي احبابي
ــــــــــــــــــــــــــــــــــــــ
كربله وحتى الطفل ذبحو ضحكته
وبقت من الضربه تتلولح ركبته
رغم ماميت يناغيلي سمعته
زينب ومن القهر وجهي لطمته
كربله كربله.. والهظم دك بابي
كربله كربله..ليش اخذتي احبابي
ــــــــــــــــــــــــــــــــــــــ
فكد الاكبر كّبر بروحي النواعي
والشمع من عكب جاسم ماله داعي
كربله ايريد الزمن يلوي ذراعي
ياهو الايخلصني من حزني وضياعي
كربله كربله.. الطف صبح محرابي
كربله كربله. ليش اخذتي احبابي
ــــــــــــــــــــــــــــــــــــــ
ابليلة الوحشه اليفكدون الغوالي
يعلكون اشموعهم واتضل تلالي
وانه ماواحد بجه اوياي وقرالي
يادلالي الضاع وينك يادلالي
كربله كربله.. مني ضاع احسابي
كربله كربله..ليش اخذتي احبابي
ــــــــــــــــــــــــــــــــــــــ
وجهت وجهي وصحت يابوالمحنه
ياعلي وينك يبوالحمله افزعلنه
احسين ابنك احظر الليله وادفنه
الحوافر من سحكهن كطعنه
كربله كربله.. منج استغرابي
كربله كربله..ليش اخذتي احبابي
محمد الجماسي
#اللهم_عجل_لوليك_الفرج
كربله كربله.. الليله اسمعي اعتابي
كربله كربله.. ليش اخذتي احبابي
ــــــــــــــــــــــــــــــــــــــ
كلشي مات بعيني لمن طاح اخونه
وجيت اليطلبله دم الناس اجونه
حركو الخيمه علينه وفرهدونه
أمن الركض والسوط كلش تعبونه
كربله كربله.. النار اجت لثيابي
كربله كربله.. ليش اخذتي احبابي
ــــــــــــــــــــــــــــــــــــــ
كربله وطيحة كمر هاشم جبيره
راح اخونه وراحت اوياه العشيره
طكو بعامود راسه ونزف غيره
وانمسح اسم الاميره وصرت اسيره
كربله كربله..والشمر سلابي
كربله كربله..ليش اخذتي احبابي
ــــــــــــــــــــــــــــــــــــــ
كربله وحتى الطفل ذبحو ضحكته
وبقت من الضربه تتلولح ركبته
رغم ماميت يناغيلي سمعته
زينب ومن القهر وجهي لطمته
كربله كربله.. والهظم دك بابي
كربله كربله..ليش اخذتي احبابي
ــــــــــــــــــــــــــــــــــــــ
فكد الاكبر كّبر بروحي النواعي
والشمع من عكب جاسم ماله داعي
كربله ايريد الزمن يلوي ذراعي
ياهو الايخلصني من حزني وضياعي
كربله كربله.. الطف صبح محرابي
كربله كربله. ليش اخذتي احبابي
ــــــــــــــــــــــــــــــــــــــ
ابليلة الوحشه اليفكدون الغوالي
يعلكون اشموعهم واتضل تلالي
وانه ماواحد بجه اوياي وقرالي
يادلالي الضاع وينك يادلالي
كربله كربله.. مني ضاع احسابي
كربله كربله..ليش اخذتي احبابي
ــــــــــــــــــــــــــــــــــــــ
وجهت وجهي وصحت يابوالمحنه
ياعلي وينك يبوالحمله افزعلنه
احسين ابنك احظر الليله وادفنه
الحوافر من سحكهن كطعنه
كربله كربله.. منج استغرابي
كربله كربله..ليش اخذتي احبابي
محمد الجماسي
#اللهم_عجل_لوليك_الفرج
سبحانه من سواه
هذا الفتى شمحلاه
واحسين ابوه سماه علي علي الاكبر
ــــــــــــــــــــــــــــــــــــــ
شكلك عن جماله
حلو حته بقتاله
اجه وجايب رساله
الهداية البشر
طقوسه حيدريه
القياده فاطميه
الملامح هاشميه
مثل عمه الكمر
زلمة الزين والاحسين يكله والنعم
ياعلي فوت عله الموت واريدك مبتسم
لوحه من نور بالانحور ظربتك تنرسم
يستاهل التشجيع
واليدنه يمه ايضيع
ابوجهه الكمر غطاه..علي علي الاكبر
ــــــــــــــــــــــــــــــــــــــ
شعل اول شراره
سطع مثل المناره
بثبوته واقتداره
خلتله المعركه
ابن غانم مصيره
السقر راح وسعيره
كطع روس الجبيره
منو اليتداركه
سبع الأسباع والإبداع يخطه بطبرته
شورطه اوياه بكر تاه خسفله هامته
يمنه وايسار يطب صار عجيبه سرعته
ماخله ترمش عين
درب الهزيمه امنين
تاه الفزع منواه..علي علي الاكبر
ــــــــــــــــــــــــــــــــــــــ
جبير بكل نفوذه
عكد عالرايه عوذه
ردم خوذه اوي خوذه
كطع حته الهوه
سحگ روس الافاعي
الذبح سواه جماعي
غنم ماالهه راعي
يشردهم سوه
ضل يرجفون ينادون اجتنه العاصفه
شي ركض راح قسم طاح الاكبر خوفه
سيفه رسام والاحلام رسمهه بمعرفه
واتبسم العباس
كله يرفعة راس
اسمك حرز معناه علي علي الاكبر
ــــــــــــــــــــــــــــــــــــــ
يهالتسمع مقالي
حقيقه ومااغالي
هذوله اهل المعالي
بني هاشم كفو
والاكبر من كلامه
نشم عطر الشهامه
كشف معنى التزامه
بحديثه اوي الابو
يالابو صاح عالارماح اذا راسي انوضع
يعني قد حان الاذان واسم الله ارتفع
إن وقعنا على الموت واذا هوه وقع
مااخلف الميعاد
ابقه عله استعداد
والذبح مايخشاه..علي علي الاكبر
ــــــــــــــــــــــــــــــــــــــ
الشهيد الاولاني
محمد جنه ثاني
بصفاته والمعاني
يسمونه النبي
يقاتل عن عقيده
الطبر عالروس عيده
بقه الطاير يصيده
وسبه العسكر سبي
تعرف الجيش رجف ليش لان صكاره طب
گامت اتميل والادخيل تصيح أمن الركب
شردت الروس بقه ايدوس على أخشوم العرب
من الزغر خيال
سيفه وعلي كتال
وامخورس الافواه..علي علي الاكبر
محمد الجماسي
#اللهم_عجل_لوليك_الفرج
هذا الفتى شمحلاه
واحسين ابوه سماه علي علي الاكبر
ــــــــــــــــــــــــــــــــــــــ
شكلك عن جماله
حلو حته بقتاله
اجه وجايب رساله
الهداية البشر
طقوسه حيدريه
القياده فاطميه
الملامح هاشميه
مثل عمه الكمر
زلمة الزين والاحسين يكله والنعم
ياعلي فوت عله الموت واريدك مبتسم
لوحه من نور بالانحور ظربتك تنرسم
يستاهل التشجيع
واليدنه يمه ايضيع
ابوجهه الكمر غطاه..علي علي الاكبر
ــــــــــــــــــــــــــــــــــــــ
شعل اول شراره
سطع مثل المناره
بثبوته واقتداره
خلتله المعركه
ابن غانم مصيره
السقر راح وسعيره
كطع روس الجبيره
منو اليتداركه
سبع الأسباع والإبداع يخطه بطبرته
شورطه اوياه بكر تاه خسفله هامته
يمنه وايسار يطب صار عجيبه سرعته
ماخله ترمش عين
درب الهزيمه امنين
تاه الفزع منواه..علي علي الاكبر
ــــــــــــــــــــــــــــــــــــــ
جبير بكل نفوذه
عكد عالرايه عوذه
ردم خوذه اوي خوذه
كطع حته الهوه
سحگ روس الافاعي
الذبح سواه جماعي
غنم ماالهه راعي
يشردهم سوه
ضل يرجفون ينادون اجتنه العاصفه
شي ركض راح قسم طاح الاكبر خوفه
سيفه رسام والاحلام رسمهه بمعرفه
واتبسم العباس
كله يرفعة راس
اسمك حرز معناه علي علي الاكبر
ــــــــــــــــــــــــــــــــــــــ
يهالتسمع مقالي
حقيقه ومااغالي
هذوله اهل المعالي
بني هاشم كفو
والاكبر من كلامه
نشم عطر الشهامه
كشف معنى التزامه
بحديثه اوي الابو
يالابو صاح عالارماح اذا راسي انوضع
يعني قد حان الاذان واسم الله ارتفع
إن وقعنا على الموت واذا هوه وقع
مااخلف الميعاد
ابقه عله استعداد
والذبح مايخشاه..علي علي الاكبر
ــــــــــــــــــــــــــــــــــــــ
الشهيد الاولاني
محمد جنه ثاني
بصفاته والمعاني
يسمونه النبي
يقاتل عن عقيده
الطبر عالروس عيده
بقه الطاير يصيده
وسبه العسكر سبي
تعرف الجيش رجف ليش لان صكاره طب
گامت اتميل والادخيل تصيح أمن الركب
شردت الروس بقه ايدوس على أخشوم العرب
من الزغر خيال
سيفه وعلي كتال
وامخورس الافواه..علي علي الاكبر
محمد الجماسي
#اللهم_عجل_لوليك_الفرج
بسم الله الرحمن الرحيم
وصلى الله على الباكين على الحسين
السلام عليكم خدام الحسين
بعون الله وعناية مولاي صاحب الزمان
سيتم نشر قصائد العشرة الأولى
من ديوان هذا العام
على شكل ملف بصيغة الوورد و pdf
وبعدها يتم نشر الألحان كاملة
ومن ثم تنشر قصائد كل ليلة
مع الحانها بشكل مفرد
ونسألكم الدعاء
لصاحب العصر والزمان ولخدامكم
#اللهم_عجل_لوليك_الفرج
وصلى الله على الباكين على الحسين
السلام عليكم خدام الحسين
بعون الله وعناية مولاي صاحب الزمان
سيتم نشر قصائد العشرة الأولى
من ديوان هذا العام
على شكل ملف بصيغة الوورد و pdf
وبعدها يتم نشر الألحان كاملة
ومن ثم تنشر قصائد كل ليلة
مع الحانها بشكل مفرد
ونسألكم الدعاء
لصاحب العصر والزمان ولخدامكم
#اللهم_عجل_لوليك_الفرج
ياهلا بهذا الظعن ياهلا بهذا الظعن
ياهلا بهذا الظعن واهل الظعن والرايه
ــــــــــــــــــــــــــــــــــــــ
ميّت سـلام .. ظعن الامام .. تنحني الهامات اله
بجية الشفيع .. ودم الرضيع .. جنّه صارت كربله
چانت سراب .. ونزف الرگاب .. رافع الهه المنزله
كل الهله ببو علي والجاي وياه
وبگمر هاشم ياهله وبرفة إلواه
والشهر نستقبله
بالدموع السايله
ومن بعد هذا اللطم تتحضر المشايه
ــــــــــــــــــــــــــــــــــــــ
لو هل هلال .. شهر الوصال .. يحتضنه بمجلسه
سيدنه جاي .. حضروله ماي .. نروي شفته الیابسه
احسين النجاة .. وهاي الحياة .. كلهه شذره بمحبسه
بيد الحسين الكون سبحه والخرز ناس
واتراب ابواليمه نصوغه اعگال عالراس
الدمعه محسوبه بنهر
الشمعه تتحوّل قمر
المجلس ابجنة عدن وام الحسن ملايه
ــــــــــــــــــــــــــــــــــــــ
ظعن الإباء .. طب كربلاء .. و شرفانه بجيته
مقدم عظيم .. واجمل نسيم .. ظل يهب من خيمته
الرايد ينول .. معنى القبول .. خل يرخص دمعته
والما لحگ هذا الظعن كل عمره خسران
خنصيح وآ ويلي على المذبوح العطشان
هيه الحياة بلالطم
ماالهه معنه ولا طعم
والعالمجالس يعترض بعيونه حط سلايه
ــــــــــــــــــــــــــــــــــــــ
جاب العيال .. جاب الدلال .. والعفاف الزينبي
جاب الشباب .. جاب الحجاب .. وكل بخت ال النبي
بس من يطيح .. بالطف ذبيح .. زينب تروح بسبي
باچر الاكبر ويه جاسم من يروحون
تنصب عليهم بالمخيم فاتحه ام عون
وسيد الحب والعشگ
ابخيل باچر ينسحك
واحنه ماننساه ابد منطين لامه احچايه
ــــــــــــــــــــــــــــــــــــــ
بهذا الزمان .. ماكو امان .. غير السفينه الناجيه
تيه وضياع .. وأعظم متاع .. دمعه تجري بتعزيه
يبقه الحسين .. دنيا ودين .. وهاي الـمجالس باقيه
والشايل اباله الظعن يتنفس اخيام
وادموعه ماتنشف ابد واعيونه متنام
احسين اجانه ابرحمته
احسين لـمنه بخيمته
وايريد وادم مخلصه ووادم صدگ وفايه
محمد الجماسي
#اللهم_عجل_لوليك_الفرج
ياهلا بهذا الظعن واهل الظعن والرايه
ــــــــــــــــــــــــــــــــــــــ
ميّت سـلام .. ظعن الامام .. تنحني الهامات اله
بجية الشفيع .. ودم الرضيع .. جنّه صارت كربله
چانت سراب .. ونزف الرگاب .. رافع الهه المنزله
كل الهله ببو علي والجاي وياه
وبگمر هاشم ياهله وبرفة إلواه
والشهر نستقبله
بالدموع السايله
ومن بعد هذا اللطم تتحضر المشايه
ــــــــــــــــــــــــــــــــــــــ
لو هل هلال .. شهر الوصال .. يحتضنه بمجلسه
سيدنه جاي .. حضروله ماي .. نروي شفته الیابسه
احسين النجاة .. وهاي الحياة .. كلهه شذره بمحبسه
بيد الحسين الكون سبحه والخرز ناس
واتراب ابواليمه نصوغه اعگال عالراس
الدمعه محسوبه بنهر
الشمعه تتحوّل قمر
المجلس ابجنة عدن وام الحسن ملايه
ــــــــــــــــــــــــــــــــــــــ
ظعن الإباء .. طب كربلاء .. و شرفانه بجيته
مقدم عظيم .. واجمل نسيم .. ظل يهب من خيمته
الرايد ينول .. معنى القبول .. خل يرخص دمعته
والما لحگ هذا الظعن كل عمره خسران
خنصيح وآ ويلي على المذبوح العطشان
هيه الحياة بلالطم
ماالهه معنه ولا طعم
والعالمجالس يعترض بعيونه حط سلايه
ــــــــــــــــــــــــــــــــــــــ
جاب العيال .. جاب الدلال .. والعفاف الزينبي
جاب الشباب .. جاب الحجاب .. وكل بخت ال النبي
بس من يطيح .. بالطف ذبيح .. زينب تروح بسبي
باچر الاكبر ويه جاسم من يروحون
تنصب عليهم بالمخيم فاتحه ام عون
وسيد الحب والعشگ
ابخيل باچر ينسحك
واحنه ماننساه ابد منطين لامه احچايه
ــــــــــــــــــــــــــــــــــــــ
بهذا الزمان .. ماكو امان .. غير السفينه الناجيه
تيه وضياع .. وأعظم متاع .. دمعه تجري بتعزيه
يبقه الحسين .. دنيا ودين .. وهاي الـمجالس باقيه
والشايل اباله الظعن يتنفس اخيام
وادموعه ماتنشف ابد واعيونه متنام
احسين اجانه ابرحمته
احسين لـمنه بخيمته
وايريد وادم مخلصه ووادم صدگ وفايه
محمد الجماسي
#اللهم_عجل_لوليك_الفرج
مُحّرمٌ جاء واللهُ قد شاء
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
هل موسم اجروحي 00 محرم محرم
ابچي اعله مذبوحي 00 محرم محرم
حزني كربلائي مايخلص عزائي
ــــــــــــــــــــــــــــــــــــــ
آنه ناذر كـل حياتي 00 للحسين وخدمته
مره الطم بالـمجالس 00 مره أطوف بحضرته
والحمد لله شهر عاشور اجاني
وماخلص عمري ولهسه عايش آني
امحضر ادموعي واعدن بالثواني
كل عمري ياريته 00 محرم محرم
بعيوني خلّيته 00 محرم محرم
لحسين انتمائي مايخلص عزائي
ــــــــــــــــــــــــــــــــــــــ
الله سوّاني حسيني 00 وانترس گلبي عشگ
كل محرم بالمجالس 00 شمعه اصير واحترگ
ينسطر خد الشمر لو ادگ صدري
تطفه نيران الخيم لو دمعي يجري
أمن الزغر طابع الزنجيل اعله ظهري
تَكويني بالفطره 00 محرم محرم
يچوي الگلب ذكره 00 محرم محرم
للضامي بكائي مايخلص عزائي
ــــــــــــــــــــــــــــــــــــــ
العشره الاولى من محرم 00 اذكر اخيول العشر
طشّرت جثة امامي 00 ورضرضت منه الصدر
ومن اثر هذا السحگ شوف الرزيه
وصلت اظلـــوعه الحضن بنته رقيه
وزينب اوي الروس اخذوهه سبيه
عاشور احزاني 00 محرم محرم
لوّعني بچاني 00 محرم محرم
ثار الله ندائي مايخلص عزائي
ــــــــــــــــــــــــــــــــــــــ
ابو فاظل من اذكره 00 جمره توگع دمعتي
وبس احلفه بخدر زينب 00 والله تخلص حاجتي
من اطب الگبره كون اچفوفي اضمهه
الخاطر اچفوفه الوگع منهن علمهه
واذكر الهامه العمد لّـمن هشمهه
ذابح هوه انفاسي 00 محرم محرم
ضيّعلي عبّاسي 00 محرم محرم
للكافل ولائـي مايخلص عزائي
ــــــــــــــــــــــــــــــــــــــ
اذكر المهدي وكـــلامه 00 بالزيارة الناحيه
عله مصاب احسين عيني 00 مو دمع دم باكيه
آنه جدي الشيّعو جسمه بحصيره
وآنه عمتي اوي الشمر راحت اسيره
المهدي آنه وقصة احزاني چبيره
شيب رمـش عيني 00 محرم محرم
بي ذبحو احسيني 00 محرم محرم
أظهر كل رجائي مايخلص عزائي
محمد الجماسي
#اللهم_عجل_لوليك_الفرج
ابچي اعله مذبوحي 00 محرم محرم
حزني كربلائي مايخلص عزائي
ــــــــــــــــــــــــــــــــــــــ
آنه ناذر كـل حياتي 00 للحسين وخدمته
مره الطم بالـمجالس 00 مره أطوف بحضرته
والحمد لله شهر عاشور اجاني
وماخلص عمري ولهسه عايش آني
امحضر ادموعي واعدن بالثواني
كل عمري ياريته 00 محرم محرم
بعيوني خلّيته 00 محرم محرم
لحسين انتمائي مايخلص عزائي
ــــــــــــــــــــــــــــــــــــــ
الله سوّاني حسيني 00 وانترس گلبي عشگ
كل محرم بالمجالس 00 شمعه اصير واحترگ
ينسطر خد الشمر لو ادگ صدري
تطفه نيران الخيم لو دمعي يجري
أمن الزغر طابع الزنجيل اعله ظهري
تَكويني بالفطره 00 محرم محرم
يچوي الگلب ذكره 00 محرم محرم
للضامي بكائي مايخلص عزائي
ــــــــــــــــــــــــــــــــــــــ
العشره الاولى من محرم 00 اذكر اخيول العشر
طشّرت جثة امامي 00 ورضرضت منه الصدر
ومن اثر هذا السحگ شوف الرزيه
وصلت اظلـــوعه الحضن بنته رقيه
وزينب اوي الروس اخذوهه سبيه
عاشور احزاني 00 محرم محرم
لوّعني بچاني 00 محرم محرم
ثار الله ندائي مايخلص عزائي
ــــــــــــــــــــــــــــــــــــــ
ابو فاظل من اذكره 00 جمره توگع دمعتي
وبس احلفه بخدر زينب 00 والله تخلص حاجتي
من اطب الگبره كون اچفوفي اضمهه
الخاطر اچفوفه الوگع منهن علمهه
واذكر الهامه العمد لّـمن هشمهه
ذابح هوه انفاسي 00 محرم محرم
ضيّعلي عبّاسي 00 محرم محرم
للكافل ولائـي مايخلص عزائي
ــــــــــــــــــــــــــــــــــــــ
اذكر المهدي وكـــلامه 00 بالزيارة الناحيه
عله مصاب احسين عيني 00 مو دمع دم باكيه
آنه جدي الشيّعو جسمه بحصيره
وآنه عمتي اوي الشمر راحت اسيره
المهدي آنه وقصة احزاني چبيره
شيب رمـش عيني 00 محرم محرم
بي ذبحو احسيني 00 محرم محرم
أظهر كل رجائي مايخلص عزائي
محمد الجماسي
#اللهم_عجل_لوليك_الفرج
سيدي ابا عبد الله
امن الشباچ اكلمك
كون بعيني اضمّك
وايغار أمن اشمّك
يحسين الهوه
ــــــــــــــــــــــــــــــــــــــ
چاليش احب اني السهر
غير أنته عايش بالنظر
خايف اذا جفني انطبگ
ألچم تفاصيل النحر
مو اله اطب ابحظرتك واجريهه دمعاتي
متغيب عني صورتك متكوّنه بذاتي
مثل الشمس تطلعلي من كل اتجاهاتي
ياشمس المنيره
اشوفك بالبصيره
بأنفـاسي الاخيره
أنته الـمحتوه
ــــــــــــــــــــــــــــــــــــــ
مأتم عزائك مأتمي
عالم غرامك عالمي
اعلنهه گدام البشر
إنّي الى الطف انتمي
ماريد دنيه إبلا بچي والمابچه امقصر
الغيم اليزاعلّه نهر يحسين مايمطر
وابچيلك آنه أمن الظلع مولاي للخنصر
بيك اعيوني ذابت
الدعواك استجابت
ولو شمس الله غابت
الگاك الضوه
ــــــــــــــــــــــــــــــــــــــ
چنت آنه ماعرف الصدگ
بس من ضگت مر السحگ
گمت ابثوابك سيدي
الطم لطم أهل العشگ
لمن سمعت ابمقتلك شيب اشتعل راسي
بس أنته ناسي الباقي لا اهلي ولا ناسي
من اذكر الخيمه تشب دخانه بأنفاسي
علمودك حبيبي
آهاتي ونحيبي
ياجرحي وطبيبي
يالذكرك دوه
ــــــــــــــــــــــــــــــــــــــ
الحمدُ لله خدمتي
صارت مناره بدنيتي
مادام اكون ابمجلسك
محد يلوث فطرتي
أنته شمس عمري التشع وانته ضوه احلامي
لو ماحنانك چا ضعت بذنوبي واوهامي
من مجلسك لزيارتك گاضيهن ايامي
امن امشي للزياره
اصفن عالمناره
واناجيك ابحراره
كون انظل سوه
ــــــــــــــــــــــــــــــــــــــ
لو موتي اجه البابي يدگ
ابوسط النعش من اختنگ
يمكن اشگ بيدي الچفن
واركض اشمّك ياعشگ
آنه ادري ربعي وكل هلي لـمّن يشيعوني
گبل النجف يابو علي يمّك يجيبوني
وانته والزهره فاطمه يحسين طمنوني
احسين اعطف عليه
مثل بنتك رقيه
بتابوت المنيه
لوعمري انطوه
محمد الجماسي
#اللهم_عجل_لوليك_الفرج
امن الشباچ اكلمك
كون بعيني اضمّك
وايغار أمن اشمّك
يحسين الهوه
ــــــــــــــــــــــــــــــــــــــ
چاليش احب اني السهر
غير أنته عايش بالنظر
خايف اذا جفني انطبگ
ألچم تفاصيل النحر
مو اله اطب ابحظرتك واجريهه دمعاتي
متغيب عني صورتك متكوّنه بذاتي
مثل الشمس تطلعلي من كل اتجاهاتي
ياشمس المنيره
اشوفك بالبصيره
بأنفـاسي الاخيره
أنته الـمحتوه
ــــــــــــــــــــــــــــــــــــــ
مأتم عزائك مأتمي
عالم غرامك عالمي
اعلنهه گدام البشر
إنّي الى الطف انتمي
ماريد دنيه إبلا بچي والمابچه امقصر
الغيم اليزاعلّه نهر يحسين مايمطر
وابچيلك آنه أمن الظلع مولاي للخنصر
بيك اعيوني ذابت
الدعواك استجابت
ولو شمس الله غابت
الگاك الضوه
ــــــــــــــــــــــــــــــــــــــ
چنت آنه ماعرف الصدگ
بس من ضگت مر السحگ
گمت ابثوابك سيدي
الطم لطم أهل العشگ
لمن سمعت ابمقتلك شيب اشتعل راسي
بس أنته ناسي الباقي لا اهلي ولا ناسي
من اذكر الخيمه تشب دخانه بأنفاسي
علمودك حبيبي
آهاتي ونحيبي
ياجرحي وطبيبي
يالذكرك دوه
ــــــــــــــــــــــــــــــــــــــ
الحمدُ لله خدمتي
صارت مناره بدنيتي
مادام اكون ابمجلسك
محد يلوث فطرتي
أنته شمس عمري التشع وانته ضوه احلامي
لو ماحنانك چا ضعت بذنوبي واوهامي
من مجلسك لزيارتك گاضيهن ايامي
امن امشي للزياره
اصفن عالمناره
واناجيك ابحراره
كون انظل سوه
ــــــــــــــــــــــــــــــــــــــ
لو موتي اجه البابي يدگ
ابوسط النعش من اختنگ
يمكن اشگ بيدي الچفن
واركض اشمّك ياعشگ
آنه ادري ربعي وكل هلي لـمّن يشيعوني
گبل النجف يابو علي يمّك يجيبوني
وانته والزهره فاطمه يحسين طمنوني
احسين اعطف عليه
مثل بنتك رقيه
بتابوت المنيه
لوعمري انطوه
محمد الجماسي
#اللهم_عجل_لوليك_الفرج