خدر الفواطم لنشر القصائد الحسينية

عبدالله هـــاي اخــر دللــول
يمه ارد الولي عليك مجتول
مــذبـوح الوليلك يغالـي
مابيه اشوف المهد خالي
عبدالله هـاي اخـر دللول
ــــــــــــــــــــــــــــــــــــــ
لا يمه لامومنذبح نايم اسم الله اعلـى اسمك
ذبلان يبني من التعب والعطش غيـــر رسمك
بس ليش احسـك تنلجـم لوراد جفـي يلـزمك
عبدالله يمه من شوكت صار المناغــه يلجمك


مذبـوح لو نــايم يلــوليـد
عطشان غير الماي شتريد
طاري الذبح ماجه اعلى بالي
مـابيه اشــوف المهـد خـــالي
ــــــــــــــــــــــــــــــــــــــ
عبدالله يبنـــي شغَيَّرك ذبــــلان مــو بالعـــادة
يل جان جف ابن النبي لخدك اليضوي وسـاده
بوجهك يبو وجه الحلو يتصابحـــون الســـادة
لا يمــه مـــو مـالت سهــم ركبتك مـــال كَلادة

مالك عرف يمه ويالسهام
المثلك كَلادة لركَبته ولام
يالركَبتك كَمرة وتلالـــي
مابيه اشوف المهد خالي
ــــــــــــــــــــــــــــــــــــــ
يمدلل وذاك الربه ماي اعلى رملــه اتبــــده
المثلك زغيرون شعجب باللحد بدل مهــده
بمثلث يحز منحرك حرملــة ويـــاك شعنده
عليمن يعبدالله السهم نحرك تكَطعه الوردة

ليمت تفز من نومتك هــاي
شارب دمه وماضايك الماي
راح بسهم نحرك دلالي
مابيه اشوف المهد خالي
ــــــــــــــــــــــــــــــــــــــ
عليمن يعبدالله الذبح يبني العطش موكافي
يبست شفافك يالولد حته اكثر من شفــافي
زغيرون مالك كل ذنب والصوبك متعــافــي
مذبوح جابك والدك حسبالي جــابك غافــي

جابــــاك اليه مغمض العيـــن
ذبحوك ثاري بحضن الحسين
ساكت وصوتك جان عالي
مابيه اشوف المهد خــالي
ــــــــــــــــــــــــــــــــــــــ
شمسرع متت وانت الصبح يايمه تتناغه وياي
اطيتك لبــوك وامنت كــل ظنتي شـوية وجـاي
وينك ووين المعركة عمرك سنة وموش هــواي
كَبلك ولا صارت طفل ينذبــح من يطلب مـاي

من كَطع نحرك كَلبك شكَال
يالمنذبح من دون الاطفـال
ردتك لوكت الشيب والي
مابيه اشوف المهد خالي
ــــــــــــــــــــــــــــــــــــــ
حرموك من شم الهوا وياك شلهم ذولي
ذبحوك يبني وكل امل بالدنيا ماخلولي
اخـــر دللو يـولــد يمـه وبعـــد مالولـي
المن دللولج بعـد مــات الولــد كَالولـي

من لهفتي ومن شوغتي عليك
ميـت والـــوليلك وانــاغيـــك
والشافني يبجي اعلى حالي
مابيــــه اشوف المهد خــالي
ــــــــــــــــــــــــــــــــــــــ
ميت يبعد امك صدك موغافي يصبي عيني
والعشرة منا وانتهت بس هالسنة وتجفينـي
جانت سلوتي بكعدتك من تفز وتنـــاغينــي
عبدالله اذا صوتك سكت ياصوت اليسلينـي

ماطوليت بعشرتي ويـاك
واحد شلون يهون فركَاك
بالدنيا يوليدي شبكَـــالي
مابيه اشوف المهد خالي

رائد الناشي
اللهم عَجِّل لوليك الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K views16:47

خدر الفواطم لنشر القصائد الحسينية

خدر الفواطم لنشر القصائد الحسينية pinned «بعون الله ومحمد وآل محمد قصائد محرم الحرام 1446 هــ 👇»

16:47

خدر الفواطم لنشر القصائد الحسينية

((الهودج يشيل))


ضعن ناوي أعله سفره
عمــــــايم كلها خـضره
بده الهــــودج يشيل
وحده بضعنه الكفيل .. قاصد نينوى
"""""""""""""""""""""""""""""""""""'''''''''''

ودع والهــــواشم بالمــــــدامع حال
وضلت طفله عنده والليالي اطوال
لزمت باب گلبه والضــعن من شال

تانوتي تصـــيح بصوت
عثره بعـــثره ركضـــتها
وزينب من بعيد تشوف
فوگ الگــــــاع طيحتها
أنه من عدكـــم خذوني
بـــويه حسين صيحــتها
يـــاعمي گـــــمر هاشـم
وصف ما ألـــها حــيرتها

حبل حيره ويضبها
جمر يســري بگلبها
متـــــن طفله ويميل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

يافــــرگتّ أهلها والدمع مــرسوم
وتلوم الزمن بالحــسره مـــن اتلوم
سفرتكم طويله يالـــگلت چــم يوم

ماشين بهضــم ماشــين
ويـــــن الــروح مــنواها
لاميته آنه مـــــن الضيم
ولا بيـــــــاش انــســـاها
ضعونك گوطرت بالليل
گلـــي ويـــن والگـــــاها
ضل بس الجسد بالبيت
بس گلبي مشه ويــــاها

هيه الروح وحـده
وعد حسين عنده
ودمع گـــــلبي يسيل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

منتضره خبـــر تتمنى دگت باب
وهلبت لن يرد حسين والاحباب
ماتدري ببوها بــــالخدود اتراب

طايــــح والشـــمر ياويـل
متــــربع عـــــلى صــدره
وزينب من خيمها تشوف
مــــــن إيگــــــطع بنحره
تـــركض والخـــــيام بنار
ويـــــادرب الركض عثره
وياحافي الجدم ياحــيف
زيــــنب تسحگ الجمـره

خويه حسين نادت
يلحگ عـــود رادت
انــــذبح ذاك الدليل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

بعد ماكو خبر والعيله فوگ النــوگ
وعفيفات الشرف ياوسفه طرم سوگ
مذبوحه السوالف خل يموت الشـوگ

عمتچ عالهزل بالسوگ
بحــزنچ موتي يَـــعّليله
رساله بــالخيم راحــت
بعد شنــــــهي تــوديله
لا ضل جاسم وعــباس
والاكبر منهــــدم حـيله
وللشام الضعن مگيــود
منهــــو بهاي نشــكــيله

بعد ياهو اليجيلچ
برمح ذاكه خليلچ
الزمـــــن بيكم يعيل
وحده بضعنه الكفيل .. قاصد نينوى

عبد زينب
محمد الابراهيمي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views09:00

خدر الفواطم لنشر القصائد الحسينية

Audio

2.0K views09:00

خدر الفواطم لنشر القصائد الحسينية

#محرم

 ليلة العليله

وي ما ضعنهم گام يمشي
حسيت رأساً شاب رمشي
اويــلاه .. هــلي راحــو .. اويــلاه

***

عليله بس ابين الهم صحيحه وكلشي مابيه
الحقــيقه واگـــفه انـي بالـگوه اعــله رجليه
گلت بلكت يصيحولي اويانه امـشي يعلويه
اهديــماتي بدياتـي بــس مــحد نـــده لـــيه
 
بساعتها چن انگطع هرشي
حسـيت رأسا شاب رمـشي
اويــلاه .. هـــلي راحو .. اويـــلاه

***

بعد ماودعونــي وصار نيتـهـــم يخــلوني
وي ماشالت الناگه رجلها طاحن اعيــوني
هلي وحنان ادريهم هلـي مومال ينسـوني
وراهم حافيه اركض بلكــت لن يشوفوني
 
من مالتـــفتــو راح كلـشي
حسيت رأسا شـاب رمشي
اويــلاه .. هلـــي راحــــو .. اويــلاه

***

بــده يبــعد ظـعن اهلي وشـوفي بعد ميلوحه
وافرفح گمت من راحو چـني طويره مذبوحه
الروحه رايــحه العاشــور شله مچــلب بروحه
اليلوحه الــف وتسعميه شيطــيبهن اجــروحه
 
بدلالي نـابت رمح وحشي
حسيت رأسا شاب رمشي
اويــلاه .. هلـــي راحو .. اويــلاه

***

شـــلت ايدي اودعهـــم وچــن انشــــال تــابوتي
مــدري اشــمات بيه وگام مايطلــع بعـــد صوتي
مــن ماصدو اعلـيــه حيــلي استـــشهد وقــوتي
طحت عالكاع چن جثه وصحت توه بتده موتي
 
عالكاع اهيس طاح نعشي
حسيت رأسا شـاب رمشي
اويــلاه .. هلي راحـــو .. اويــلاه

***

العـوده شــوكت ماگالو يوم ثنين عــشر أيام
حتى اعــرف اتانيهم واتـجرع غصـص والام
وين الله ويردولي نـحور وماكــو بيها اسهام
وين الله ويــردولي وعليــهم ماتـوج لــخيام
 
بروحتهم نهد صرح عرشي
حســيت رأسا شـاب رمشي
هلي راحو اويلاه
***
حيدر تركي الكربلائي


خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views13:30

خدر الفواطم لنشر القصائد الحسينية

2:05

2.2K views13:30

خدر الفواطم لنشر القصائد الحسينية

ذبّيت اعله عتبة بابك احلامي..
ظامي ودمعِتك ترويني يا ظامي
.
.
يحسين الگلب لوما هواك ايموت..
وَلا بيه خير بس الإنته بيه مبخوت
الدنيه ابلايه نورك ظلمه چالتابوت..
وتمر بس ابعزاءك أجمل ايامي..
.
.
.
أطلْگ الدنيه يمّك والدليل ايذوب..
واعطّل ساعتي وألبس عزاءك ثوب..
ابعزاك الوكت يابو اليمّه ما محسوب
وقليل اعليك اگضّي اويه اللطم عامي
.
.
.
يمن فضلك فلا ينعد علَي يحسين..
أحس ماي الأشربه اوياك يصبح دين
ليليّه امن اذكرك كون اوصّي العين
بَلا دمعة حزن يا عيني لا تنامي..
.
.
.
عله الماظل محامي ايذود عن اهله..
وَلا ظل عذب ريجه اليابس ايبلّه..
ابنص گلبه الحْنيّن شابچه النبله..
عاري اعله التراب ايصيح يخيامي..
.
.
.
وآه اعليك حگك ينخطف لونك..
تفر بالبيده نسوانك عله اعيونك..
هانت من شفت ظعنك يذبحونك..

مهتوك الخبا ومتن الحرم دامي
.
.
.
أويلي اعله العقيله المن وگع ستره
طلعت عله التله وشبچت العشره..
صاحت عالترب يالما نشف نحره..
نشف دمعي وولا ظل عنديِ امحامي
.
.
.
چفيلي اعله النهر لاوي العمد راسه..
طاح وعگبه تدري ابگلبي واحساسه
يطيح ابشده تالي الطاح عباسه..
طحت يا خويه درب الذله جدامي

يوسف صوفان

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.0K views08:59

خدر الفواطم لنشر القصائد الحسينية

(( خرج الحسين ))

خَرَجَ الحسينُ من المدينةِ خائفاً
كــ خـروجِ مـوسى خائفاً يتـكتَّمُ
وقَدْ انـجلى عن مكــةٍ وهو ابنُها
وبـــهِ تشـرَّفَتِ الحـطيمُ وزَمْـزَمُ
لـَـمْ يــدرِ أينَ يُـريحُ بُـدنَ رِكابِهِ
فــكأنَّما الـمأوى عـلــيهِ مُـحـرَّمُ

ويــن رايــح سيــدي واليـا مـكان
ماكـو بالغــربه الــيسد من غربتك
وادم اتــريـدك رمـح وادم خيـول
ماكو عدهه اسمالله ناس التانتك
امــنين ماتنــدار دم باچر تـشوف
والارض متروسه بس من خوتك

وين رايح ....
حسين باچر كلشي رايح
وين رايح ....
باچر اعلى الغبـره طايح
وين رايح ....
الـيا ذبح واليـا صـوايح .... وين رايح

حافر يدوسك باچـر بالفله
وطــر عيـالك هيـمة كربله
باچر رماح ونوگ وسلسله
                  "" "" "" "" "" "" "" "" "" "" "" ""
يــآ أيُـهّا الـضّعـنُ علـىٓ مّهـلاًِ فقـدّ
الـمآءُ يغدُ ضِـدكُمّ جَنــبَّ الــعِدئّ
ضـمّأنّ غــدِاً فـ عيــآلكُم تتــلّضَىُ
يهوٓ على شطِ الفُراتِ كّفِ السِقئّ
وتُبـآصرُ الأنــضــارُ مّن يـهوٓ غدِاً
مـّن يهوٓ فـي الــبيداء دمً إِرتوئّ

باچر يفـت الـعـطش گلـب العيـال
ورده ورده تـذبــل اوجـوه الزغــار
اشـلون ضد اهـله يصير ويستراح
وشاهد اگلوب الحـرم محترگه نار
ارجـــع الگاصـدهم ابـلا ذمه نـاس
اتموت اعيـالك عطـش تسلبهه دار

هاي وادم ....
ماتــحب كل طـاري هاشـم
هاي وادم ....
ابخيل تسحگ كلشي نايم
هاي وادم ....
باچــر اتـسلـــب العــمـايم .... هاي وادم

اتعطش عيالك وتشيلك رمح
وتسبي عيالك بالنوگ الصبح
ومن الضــماير غيـرتهم تشح
                  "" "" "" "" "" "" "" "" "" "" "" ""
رُمحً عــلى رُمحً تــصفُ رِجآلهّمّ
عـلّمُ المـــنِيةِ شــآهرينّ بكّـفـِـهمّ
لايـسلمُ منــــهُم أحـد والـكلُّ ذىّ
اجسآدُهمّ فوقّ الثرىٓ اجسـآدُهمّ
سبعـينّ رأسً عــ القناةِ رَؤسـهُـمّ
والعآدياتِ تدُوسُ أضلُعّ جِسمهُمّ

عـميـه باچـر خيـلهـم لـمــن تـدوس
ماتعـــرف ازغــير لا تـعــرف چبــير
تطــلع ابهــيمه ركــض كــل الزغـار
ويعمي دخان الـخيام اشچم امــير
الهيمه مد الشوف هيه الحيره هاي
والزغـار التصعــبه لـو بـاچـر تحـير

حيره حيره ....
الفشله من تعثر امــيره
حيره حيره ....
الطفل مايعرف مصيره
حيره حيره ....
الكلفه ماعدهم عشيره .... حيره حيره

الكلفه العلآوي خيمتهن تشب
والصعبه زينب غربه وتنتحب
يعذب اليــتامه ياماي الـشرب
                  "" "" "" "" "" "" "" "" "" "" "" ""
تُســبىّ غدِاً فّــوقَّ النيآقِ أمّيرةً
تُسبــىّ إلـى أرضً غــدِاً لآترحمُ
تّخشىّ عِيونّ النآضرينّ فمآ لهاّ
غــّيرُ الدِمـوعِ تَصـبراً وتــكّتـمُ
والقآئمينّ على السّبييِّ قّلوبهُم
أقسىّ مّن الجَلمودِ قلبً أعظّمُ

باچــر اعلــى النوگ يســبون الـدلآل
وديـره ديــره تـفـتر اعــيالك غــرب
احجــار حداي الــضعن گلبه خبيث
مايــرف مـنه رمـش وكـت الــدرب
الصعبه اخت عباس تركب عالهزيل
وتمشي مچتوفه ابحبل وي الغرب

شام باچر ....
تـدخل ومكســوره خاطر
شام باچر ....
ودمع يجري من النواضر
شام باچر ....
امشيبه من ضيم الحوافر .... شام باچر

سوگ الشـــماته مسبـيه تطر
والاكثر اصعب تدخل للقصر
اتنام ابخرابه من بعد الخدر
                  "" "" "" "" "" "" "" "" "" "" "" ""
خادم السلطان
سيد محمد الياسري


خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views12:21

خدر الفواطم لنشر القصائد الحسينية

1:52

2.1K views12:21

خدر الفواطم لنشر القصائد الحسينية

#تلبيات_الحسين روحي فداه

رَبِّي لَبِّيكِ بْمُصَابِي وْغُرْبِتِي
وِبْسَهَمْ گَلْبِي وْعَذَابِي وْطِيحِتِي
وْبِثْنَعِشْ طَبْرَه عْلَه نَحْرِي وْذَبْحِتِي
وِبْضُلُوعِي الْتِنْهِشِمْ فُوگِ الثَّرَى
-----------------------
رَبِّي لَبِّيكِ بْرَضِيعِي وْمَقْتَلَه
يِنْذِبِحْ مَا بِينِ ادَيَّه بْكَرْبَلَه
بِالسَّهَمْ يِگْطَعْ رُگُبْتَه حَرْمَلَه
ظَامِي يِسْگُونَه الدِّمَه مِنْ مَنْحَرَه
-----------------------
رَبِّي لَبِّيكِ بْگُمَرْ عَالْمَشْرَعَه
يِنْطُبُرْ رَاسَه وْيِطِيحِ بْمَصْرَعَه
وِالْچُفُوفِ بْكِتْرَه وِيلِي مْوَزَّعَه
وْيِنْكِسِرْ ظَهْرِي عْلَه حَالَه وْمَنْظَرَه
-----------------------
رَبِّي لَبِّيكِ بْعَلِي وْجَاسِمْ سِوَه
مِنْ يِنَامَوْ عَالتَّرَابِ بْنَيْنَوَه
يِنْطِفِي بْطِيحَتْهُمِ بْعِينِي الضِّوَه
وِبْدِلِيلِي جَمْرَةِ الْهَمْ مِسْعِرَه
-----------------------
رَبِّي لَبِّيكِ بْحَبِيبِ وْصُحْبِتَه
چَمْ عَزِيزِ الْيِنْطِي بِالطَّفْ مُهْجِتَه
يْضَحِّي كِلْ غَالِي وْيِقَدِّمْ رُگْبِتَه
بَاعَوِ الدِّنْيَه بْجِنَانِ الآخِرَه
-----------------------
رَبِّي لَبِّيكِ بْنِسَائِي الْحَايِرَاتْ
مِنْ يِرِكْضَنْ بِالْبَرِارِي حَافِيَاتْ
خَايِفَاتِ وْنَاحِبَاتِ وْصَايِحَاتْ
مْسَلِّبَاتِ وْعَالْمَهَازِلْ دَايِرَه


حسن خنافر العاملي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views01:08

خدر الفواطم لنشر القصائد الحسينية

المن محرم جايني اهلالك
حسبالك انسه جروحي حسبالك
كل الدمع وشلته وليل اليمر ما نمته
****
يا محرم عذبتني وكلشي من عندي خذت
انه زينب عالمدامع من زمان تعودت
جوه الترب ضميت الحنان
والمكبره ما بيها بيبان
ايساعد كلبها التفكد اخوان
وعكاستي البلبيت حيطان

اشلون التراب اخواني غاطيهم وحر الشمس غير معانيهم
اليسوه العتب ودعته وليل اليمر ما نمته
***
نسمه جايب من اهلنه الضلو بديرة غرب
تدري شهرك من يجيني يكطع نياط الكلب
كل يوم اشوف حسين بالماي
اشويه الدمع وجروحك اهواي
جيب الينوح ويبجي وياي
ضل الحسين بعازة افياي

وهيه الهضيمه الوادم تباوع
وسهم الحسين امن الضهر طالع
وبعيونه يحجي ويخته وليل اليمر ما نمته
*
احزام ضهري ودعاني وعفته فوك المشرعه
السهم شفته بعينه نابت والجفوف امكطعه
بكد ما يفكر جان بالجود
بالطف نسه امكطعين الزنود
تمنيت اخوي وياي موجود
ويمسح الدمعه الفوك الخدود

بصفه العلم ملفوف اشوفنه عباس راح امنين اجيبنه
واحله كمر ضيعته وليل اليمر ما نمته
****
يا محرم شرد اسولف شيبتني كربله
عله اخيمنه الخيل هجمت وسلبوها العايله
بعيوني اشوفنهم يحركون
وصياطهم ما خلت امتون
وين اخوتج زينب يصيحون
مات الحسين بحالج اشلون

وخدري انسلب من راحوا خواني وصوط الشمر ناديت اذاني
دمعته رقيه بذمته وليل اليمر ما نمته
**
يا محرم كافي كتلك خلصت عمري دمع
كلشي غربه الشام غربه وناري تلهب بالضلع
انه الغريبه وهذا حالي
وطبع الغريبه اتريد والي
ومن اخوتي محد بكالي
ما ينحمل ضيم الليالي

بالشام اكبر هضمه سووها السوك العبيد النوك جابوها
وضيم الخرايب شفته وليل اليمر ما نمته
*
تمت
تحسين الخفاجي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.6K views09:20

خدر الفواطم لنشر القصائد الحسينية

2:01

2.0K views09:20

خدر الفواطم لنشر القصائد الحسينية

ابجرح الطف شفت طاحن عمودين
كـســرن بالمـواجـع ضـهـر الحسـين
هـنــه ثــنــينـهن طـاحــن لــعـبــاس
عـمـود ابخيـمـتـه والـثـاني بالـراس


راح عباس،،،،اعلى وجه حسين بين،،راح عباس
على الراس،،،تگابلنه ولطمنالة على الراس

لـيل لـيل اعله الـبـواچي والـخـيـم ماتـنـچـهب
الـبـلمـهـد شـيسكـته خاطر يقتنع ماكو شـرب
شمرت كل طوس اهلنه لان ماضل عدنه حب
الـمـاي الـبـچـف ابـوفـاضل مـاي ماشايل ذنب

فّـي عباس چـان ارمـوش عالـعين
بـس ابـماي جـودة ايعدل الحـسين
الچان ابماي اروحه يوزع احساس
عـمـود ابخـيـمـته والـثـاني بالراس

٭٭٭٭٭٭٭٭٭٭٭٭٭٭٭٭٭٭٭

اخذ روحي،،،الچان فّي دوم اعلى راسي، ،اخذ روحي
عاف نوحي،،،دمعي طاح اعلى الترابة،،،عاف نوحي

مـن مشـه عباس اخيي روحـي رفـت مو لـواه
الهضمني شلون اودعـه وماكو مـاي اشمر وراه
هـنانه معروفه اليـفارگ كسـرة الـخـاطر سراه
باوعت لحـسين وحدة وماكو اخـو لازم گـفاه

خـرسـة حـچـايتة الماعندة خـوان
ايـد اعله الضـهـر وايـد اعلة تربان
الهوة عباس عدنه وطيب الانفاس
عـمـود ابـخيـمـتـه والثاني بالراس

٭٭٭٭٭٭٭٭٭٭٭٭٭٭٭٭٭٭٭

شلي بالماي،،،اذا مو انته يمي،،، شلي بالماي
تعمه عيناي،،،اذا ماشوف طولك،،،تعمه عيناي

يـحـفـر ابـروحـة شـريعة لو سمع طاري الـعـطـش
نــهــر مــن جـودة يـطيـح ويـــم الاخيام انـفـرش
يـاشـريـعـة لـعـين زيـنـب ضـامـة لــطـولك نـعـش
مــن وگــع عــبـاس كـلشـي صـارلـي ليـل اهدعش

گالو طاح واسمع صوت السيوف
مال حسين شفتة وذب الچفوف
هنا شـفـنـه شكثر تتشمت الناس
عـمـود ابـخيمته والثاني بالراس

٭٭٭٭٭٭٭٭٭٭٭٭٭٭٭٭٭٭٭
للمحنه،،،طالبتك يخويه،،،، للمحنه
اتروح عنه،،،مو بحساب كلبي،،،اتروح عنه

مـن كـرم حيلة ابو فـاضـل مامخلي ابروحـه دم
چان حتـه حـسـين يفـرح مـن يـرف يـمـه العلـم
مـن رمـو سـهـم اعلـه اخية ركـظ يتلـگـة السهـم
حسين حس طاح ابو فاضل ركظ طيحها الخيم

صـاح حســين زينب راح الـفياي
گّطع روحه اخـوچ وماشرب ماي
من دم راسة شفته تارس الطاس
عـمود ابخيـمته والثـاني بالراس

٭٭٭٭٭٭٭٭٭٭٭٭٭٭٭٭٭٭٭

الوحدة الحسين،،،كاسر خاطري،،الوحدة الحسين
چنة ميتين،،ذبلنه اخلاف عينك،،،چنة ميتين

مـن تـگـابـلـنـة وگـعـدنه ولـمـة اخـواني گـضــت
راح عــــبــاس وبـــعــدهـا مــاكــو عـلـوية روت
حسين حاير شفته وحدة وعينه عالشامت بقت
الـمـالة اخـو بالـغـربة يفگد حيلة وعـيونـه عمت

اول مـرة هـيج حسـين محتار
يخط جدمه وعلينه گوة يندار
بله شـلـون لـو گـدامي ينداس
عمود ابخيمته والثاني بالراس



حسين علي الگرغولي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K views11:39

خدر الفواطم لنشر القصائد الحسينية

2:32

2.5K views11:39

خدر الفواطم لنشر القصائد الحسينية

رسالة شوك ودتها العليلة
تسلم على حسين وتشتكيله
تكــول بهذا الكتاب
متت من كعدة الباب
يهلي فراكَكم مـــابيه حيلـه
ــــــــــــــــــــــــــــــــــــــ
بسم الله ابدي وبسمك الثاني
يمن بالدار انوح عليه خلاني
اكتبلك رسالة بدمعي واحزاني
وغير الدمع بويه شعنده المتاني

اريد اطيك مكتــوب
واكلك وحشه الغروب
والمفارك شلون يكضي ليله
ــــــــــــــــــــــــــــــــــــــ
من الكَاعدة بدرب الخذه الغالي
للخلانـي حال الضيم يا حـالي
شلونك يالصورك ساكنه ببالي
رد بويه لمجانك لايظل خالي

يبويه خلافك البيت
مثل ملكَه الزواتيت
يهيج الدمع ويزود مسيله
ــــــــــــــــــــــــــــــــــــــ
اذا تنشدني عن الحال مو طيبة
يبويه شلون حال المالها حبيبة
يومية بضعون الرايحة مجلبة
وارد من الطريج لدارك مشيبة

والمــاراحت ويــاك
ولاهـــا الشيب بجفــاك
وعليها هدومها صارت ثجيلة
ــــــــــــــــــــــــــــــــــــــ
وبعد شخباركم يهلي الجفيتوني
بعدني ببالكم يو لا نسيتــــونـي
لهسه رسومكم مطبوعة بعيوني
ولهسه بحلكي جلمة ياهلي اخذوني

بعدني اتذكر شلون
مشت جدامي الضعون
واذكر من صحت عدكم دخيله
ــــــــــــــــــــــــــــــــــــــ
يهلي اشكيلكم من طالت المـــدة
ينطر الفجر وانه اعلى هل كِعدة
واركض من اشوفن ضعن يتعده
وطاح الباب من الروحة والرده

نشف ماي البالعيون
هلي ليمت تردون
الجدم بفراكم بالكَوه اشيله
ــــــــــــــــــــــــــــــــــــــ
اذا جاكم كتابي وكون تقرونه
عن عبدالله اريد انشدكم شلونه
يبويه بهيده كلش من تكعدونه
وكلوله شكثر مشتاكه لعيونه

كلولـه اختك تكـــول
يبعــدالله دللـــول
شلونك يالاخذ حيلي برحيلة
ــــــــــــــــــــــــــــــــــــــ
سلام لعمتـي بدمـوعـي كاتبتـه
عزيزة كَلب اخوها الما مفاركتـه
اريد اشكيلهـــا الضيــم التحملته
وعليك انشدها خاف تضم عليه انت

واكلها بدمعة العين
يعمه شلونه الحسين
خافن وادمه الظلت جليلة
ــــــــــــــــــــــــــــــــــــــ
يبويه الروح حيل لعمي ملهوفة
كله تكول ليمت فاطمة تشوف
قبله بهامته وسلم على جفوفه
عليكم مدري ليش الكلب بي خوفه

كل لعمي عباس
العليلة تكول لاباس
بس يدير باله اعلى العقيلة

رائد الناشي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K views11:05

خدر الفواطم لنشر القصائد الحسينية

كض بيرغه وفرع حبيب وناده
هاي الزلم بأمرك يسد الساده

كض بيرغه وسيفه وهتف بأصحابه
وين الليوث الكاسرات الغابه
اهل الحميه الماتفر بطلابه
عدها المراجل بالموازم عاده
؛؛؛؛؛؛؛؛
وين اليلبسون الزرد بالهيمه
وين اليردون الزلم والجيمه
تنخانه بت حيدر وسط هالخيمه
وين الصگور الناشبه الصياده
؛؛؛؛؛؛
اهل الحميه وبالحرب گصايه
ماطاحت الهم بالحرايب رايه
انصار الحسين وكفو الوفايه
موت الكتايب لوتصير ازياده
؛؛؛؛؛؛؛؛؛
موت الزلم بالموزمه المعروفه
واهل السيوف الباشطه المعكوفه
خلونه نگصد للحسين انشوفه
ونگله ربعك بالحرب سداده
؛؛؛؛؛؛؛؛
سداده ربعك والرگب نطيها
هاي الارض فوگ الزلم نطويها
راية محمد جدك نعليها
ونذل نواصيها وندوس القاده
؛؛؛؛؛؛؛؛
هذا الجمع باجر نظيگ ادروبه
ونطير اعگوله ونگص اعيوبه
بيض السيوف اعله اليمن منصوبه
زرع الكفر واحنه الهم الحصاده
؛؛؛؛؛؛؛؛
سيدنه باجر خل نگر عيونه
ونراوي عدوانه العذاب اشلونه
ذوله احنه ربعه وفنهم يگربونه
واحنه السباع الغاضبه الطراده

خالد هذال الفيصلي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K views08:00

خدر الفواطم لنشر القصائد الحسينية

ابوذيات وهوسات غديريه



عله الكونين يا حيدر ... علي انت
او گدام الخلگ حبك .... علنته
الغدير .او كلشي يشهدلك .. علي انت
أمير ابأمر خلاق البريه ........

مو بل گاع بل قمه ... محله
علي او غيره لهل دنيه .. محله ما حله
حبل الوصل وي حيدر .... محله
واجدد بيعتي صبح او مسيه ...

الك هامات كل الخلگ ... نصن
يمن بولايتك آيات ...... نصن
علي الليله جسمت الگلب .. نصين
نص بلحفل نص جالك هديه ...

الشكر لـ لله گلبي .... انتمى لك
علي او للكون كله ... انت مالِك
ألي حيدر يلايم ..... انت ما لك
غير النار والهم والأذيه ....

مقامك ياعلي يصعب ... وصوله
منو مثلك اله جوله ..... وصوله
گلت للوصّفك رابع ......... وصوله :
الله اختاره أول مو بديه .....



الله ابمحكم التنزيل خصك والامر واضح
لان الربع ممصوخين وانت ياعلي مالح
گال انت الامير اتصير رغم كل طالح او صالح

(والكون أبأيدك سُكانه)


بالدم والگلب والروح اجدد وي علي البيعه
اوكلما هل غدير انعاد صحت محبوبي مابيعه
ما طايع ألٓه الكون كلمن علي ميطيعه

(فرقان الأمه ايسمونه)


يا با الحسن بايعناك عل حلوه او عله المره
او دربك ما نعوفه ابيوم لو دربك صبح جمره
علي التصبح أمير اعليه هاذه حضه اشكبره

(يل حبك نعمه امن الباري)


امبارك ياعلي التنصيب هاذه التاج يحلالك
يمن كل الرسل تهواك او كلها تسجد اگبالك
علي ابهل فرحه رايدصك وادخل جنتي ابجالك

(واتنومس گدام اعدائي)

عقلي ابغير ابو الحسنين لا يقبل ولا قانع
احبه من چنت بالذر او حبه بالگلب ناگع
او هذاك الي يگول اعليه : علي ترتيبه الرابع

(ودّوله دكتور ايشوفه)


ابو فاطمة الطائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.8K views12:46

خدر الفواطم لنشر القصائد الحسينية

هاليوم هالــــــيوم تنصيب الولي
للــــــدوم للــــدوم والينه علــــي
*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان مـــن ينادي هاليوم هاليوم تنصيب الولي
للناس أمره أصبح جلي
**
نعلنهه هـــــــاي البيعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمـــع هاليوم هاليوم تنصيب الوالي
حيدر شمس ما تنجلي
*
الشاعر موسى البديري

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views12:31

خدر الفواطم لنشر القصائد الحسينية

علي مولا .. علي مولا .. علي مولا
---------
مـتيــم بــيــك ياحيـــدر واريــدك
وفضل تحسبني واحد من عبيدك
انــه التـــايه انــه المحـــتاج ايدك
امـــروتـــك لاتگـــــلي مــا اريـدك
اروحن وين .. يـنور العين
انـه ابليــاك .. صفر ليدين
يبسـم الله / علي
 ينـور الله / علي
علي مولا .. علي مولا .. علي مولا

---------

جنوني بــيك ياحيدر جــنوني
وغيرك ماتشوف احـد عيـوني
كـ التــمــار مـــيثـم عــيــروني
وعـــن امحـــبتك ماغــيـروني
الگلـب ناداك .. اعيش اوياك
واحس بالموت .. انـه ابلياك
يحرز الله / علي
يـذكر الله / علي
علي مولا .. علي مولا .. علي مولا

----------

ادگ يوميه بابك واستـجيرك
فقير وانتـه ماتـطرد فقـــيرك
رحمتك واسعه وماكو نظيرك
اسيرك فــدوه لاتعتـق اسيرك
صحت ماريد .. اروح ابــعـيد
يتيم ارجوك .. واشوفك عيد
يعين الله / علي
يسر الله / علي
علي مولا .. علي مولا .. علي مولا

--------

عشت طاريك لحظه لحظه اني
وعن ذكــرك فلا يــغفــل لساني
طــاري الــغيـر اســد منـه اذاني
تره يكفــر الخـــله ويـاك ثـــاني
علي الاوحد .. علي الامـجد
علي ومثلك .. فلـــم يـــولد
يــــبـاب الله / علي
وحجاب الله / علي
علي مولا .. علي مولا .. علي مولا

----------

بايعتك علــي من واني بالـذر
وعشگتك والعشگ بيه تجـذر
وگبل ماگول يمـه گلت حيدر
غير انته الــذي سـاكن بالابهر
اموت اعليك .. افكــر بيــك
وحلم عمري .. ابوس ايديك
جنان الله / علي
امـان الله / علي
علي مولا .. علي مولا .. علي مولا

-------

علي وشقــيمة النـــاس التحـــبك
عـــلي وانته يــحبـك حـــيل ربك
الخليفه الصدگ بس انته نحسبك
بدربــك نبقـــه لامنــعـــوف دربك
امير الكـون .. الميقـتنعون
فلا يقدمون .. ولاايأخرون
يـأيــد الله / علي
يسيف الله / علي
علي مولا .. علي مولا .. علي مولا
-------
حيدر تركي الكربلائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K viewsedited  13:03

خدر الفواطم لنشر القصائد الحسينية

Audio

2.2K views13:03

HTML Embed Code:
<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>