Telegram Web Link
🌷أزهيري🌷

أنـتـه الـحـبـيـب الـذي مـــايـوم عـنـي.. بعد
ولو ساعه عني أبعدت وين ألگه مثلك.. بعد
عـديـت فـضـلـك عَـلـي بس ماحصيته.. بعد

يحسين مـدري أشكثر مطلوب ألـك.. ضليت
لـــولاك تـايـه إنـــــه ودرب الــعــدل.. ضليت
مــولاي يـا مـا ألـــي مـــن الــفــتــن.. ضليت

الـعـافـك يـتـيّـه الـدرب مـايـلـگه دربك.. بعد

                    🌷-----------------🌷-----------------🌷

بقلم خادم الحسين ع
الشاعر رعد الجريخي
 
هوسات لـ ابي الفضل ع
.
.
.


يالمــچنه يالــمعدل يـساس الساس
يالمتروس غيره امـن الجدم للراس
ياعــباس ماكــو اليـشبــه العـــباس

ها  
 الطين المنه امسوه
خلص يـوم الله السواك
------

السبعين الـف بالطـف انته من طبيت
يتلــولحــن والله ارگــابـــهم خـــليت
عــد عيــناچ زيــنب انـته مـن نـاديت

ها    
وروس العسكر وصلت
نص للكــوفـه ونـص للشام
 
حيدر تركي الكربلائي
هـلاهـل حـاره تـخـجـل الـمـا يـسـمـع
الـناس البـيـت حـيـدر تـدخـل وتـطـلـع
رسـول الله الـمـعـزب والـتـهـاني هـواي
عيـن مـكيـفـه بـيك وعيـن بـس تـدمـع
حـجي مـهـيـل وفـرحـه والـهـدايـه اشكـال
وامـك لـلـهـوه تـسـولـف بـلا مـطـلـع
نـاغـوك وشـهـكـت وخـضـر الـصـبـيـر
ومـن جـوه الـعـصابـه كـصـتـك تـلـمـع
مكـيف بـيك ابـوك يـحـوم گـام اعلـيـك
مـثل الـسيف مـن يـحوم عـلى المـصـرع
مـن الله الـورد هـذا الجـابه الـك جـبـريـل
بعـطـره شـما تـشـم مـا راح ابـد تـشبـع
شـحـلاتـك يـا ابـو الاكبـر يـا عـزيـز الـروح
يـبـهـر يـا بــحــر  يــا رزن  يـمـسـنــع
مـحـضـريـلـك عـكـال وصـايـه مـوش كـمـاط
مـن هـسـه الـحـوافـر فـوت كـعـهـن كـع


مـولـود الـسـلامـه مـولاي يـا أبـا عـبـدالله ♥️


انور السهلاني

#اللهم_عجل_لوليك_الفرج
مُتَفضِّلٌ، فِي كلِّ شَيءٍ، مُكرِمٌ..
قَمرٌ وما فِي الأرضِ غَيرُ ضيائِهِ ..

قد أثقَلَتْ فِيهِ السما فتمخّضت
وبِـ (يا علي ) وَلَدتهُ في إصغائِهِ

صَلّت علَىٰ عينيهِ كُلُّ نُجُومِها
وتجنَّنت مُذ لاحَ بَرقُ سَنائِهِ

هُوَ سيّدٌ،. هُو خادِمٌ، فَمَن الذي
يسري علىٰ وجهينِ نَغمُ إبائِهِ..؟!

ما صَاحَبَ العُوجَ القلوب مِن الورىٰ
إلا الحُسينَ، فكانَ كُلُّ غِنائِهِ..

مِنْ قَبل أنْ يَرمِي اللِّثامَ، خَديمُهُ
إن يظمأْ المَولَىٰ سَقاهُ بمائِهِ..

لم يَعلُ طَرفٌ مِنهُ، عِنْدَ أميرِهِ
يَضحَىٰ هلالًا، دُونَ فقدُ بهائِهِ!!

قَد زُقَّ مِن شيخِ الوجودِ عُلُومَهُ
ما كانَ يَجهلُ غَيرَ ذيْ بَغضائِهِ..

فِي السّلمِ سَهْلٌ،فِي الحُرُوبِ مُمِيتُها
المَوتُ يَخشَىٰ صَمتَهُ بِلقائِهِ..

كلَّت، بهِ أهلُ الحِجا ، فتجمعوا
فتزيَّلوا ، فتقابلُوا بِفنائِهِ..

لا حاجَة للشمسِ بعدَ وجودِهِ..
قمرٌ أضاءَ الأرضِ قبلَ سمائِهِ ..

وُلِدَ الذي ما كانَ غيرُهُ بارقًا
لا قبلَ لا من بعدُ مثلَ وفائِهِ..

هُو حينَ جاءَ الليلُ نحو خيامِهِ
بِلِحاظِ عَينهِ شقَّ عتمَ غشائِهِ..

وتقمّصُ العطشَ الشديدَ وما شكا
يَسقِي، و ما يُسقِي لهيبَ ظِمائِهِ..

مُذ ذاقَ كفيهِ الفراتُ غدا لهُ
طعمٌ، فما أحلىٰ جميلَ عطائِهِ..!

بابُ الحُسينِ وأيُّ بابٍ مثلُهُ..؟!
مَن لم يُعافَ، بِهِ منالُ شِفائِه....

يا أبا الفضل العباس..


قاسم المالكي
ترف كلش ترف عباس ..... بس شيلزمة من يغضب
سمعت اخبارة من الناس .... يوم اعله النهر من طب
لو طگ العرج بالراس .......الوصلة ابراسة ما تنضب
((شداها وطاحت من راسة))

علي هادي الخزعلي

يخيال وبطل ياحيد ..شمرتك حيل مملوحة
من تصعد ع الكحيلات ...التراب ابرجلك اتلوحة
من گد ماطويل الراس ...الغيمة الفوگ ممسوحة
( ومن تسجد توصل للغيمة)

علي هادي الخزعلي
هوسات لمولاي ابا الفضل العباس

اجه الكافل عطر مزيون بس العطر ما ينباس
اقيسه بيا بشر لو اريد والعباس ما ينقاس
شحجت ام البنين وصار لمن جابت العباس

لمن طلكت جابت غيره
ــــــــــــــــــــــــــــــــــــــ
اريد اعرف هناك شصار لمن شافه ابو الحسنين
باس جفوف ايده وكال اجه الجانت تريده العين
ضل يرجف خجل واحساس لمن سمع طاري حسين

يمكن كام وشك كماطه
ــــــــــــــــــــــــــــــــــــــ
ما كمل الساعه وصار شايل أدب لاعضيده
لو يسمع بطاري ضعون يطك شريان بوريده
استحه لمن وكفله حسين شاله و مدله جف ايده

كله اعذرني مكمطين ايدي
ــــــــــــــــــــــــــــــــــــــ
وجه عباس خيط شموع ما ينشاف بالقنديل
نزل عباس آيه وخير لكن صعب بالتأويل
روايه تكول لمن صار كاع اهل المدينه تميل

يا كاع تشيل البي غيره
ــــــــــــــــــــــــــــــــــــــ
اهل بيت الله كلهم هيج بس عباس موسوعة
اذا رايد اعرفه شلون اضيع باول فروعة
شبر لو راح منه حسين يبجي وتنزل دموعة

كلهم خلو حسين بروحي


اللهم عجل لوليك الفرج
علي الحسن

#اللهم_عجل_لوليك_الفرج
هوسات مشطّره



بعض منهم شــرد مــن شافه وحده ايصول
وبعضهم گــال عــيــب اشلون ارد مــذلــول
واحــــد جــيــش يكتل هــــذا مــا مـعـقـول

من شافوا زوده|ذكّـرهـم عـوده|گالوا حـاصوده    

            من طبهم كالوا حاصوده

              💛----------------💐--------------💛

حصدهم سيف ابوفاضل مثل مايحصد الْمنجل
اليشرد بـي بخت خلّص الضـل المـوتته اتعجل
حـيـرهـم كـمـر هــاشــم يــوم الساحته اترجـل

بس جرد سيفه|يـخـتـار بكيفه|منهم رد حيفه  

               بس هوه المنهم رد حيفه

              💛----------------💐--------------💛

خــيــل بــخــيــل ردمــت والــشــرد مبخوت
يــدرون الــوصــلــه ابــــلا جــــدال ايــمــوت
بالــحــومــه يصير اعــلــــه الــكـفــر لاهــوت

زيـن ايعرفونـه|معروفه افنونه|كلهم يــدرونــه  
           
              مايرحم كلهم يدرونه

              💛----------------💐--------------💛

بقلم خادم الحسين ع 
      الشاعر رعد الجريخي
#أبوذيات

بعين الناس خل أزغـــر ولكبار
إلك يحسين أظل خادم ولكبار
أمشِّي اعليك عبـــد الله ولكبار
حبل ملگاك لتگطعه امن اديه
-—————————————

الخـادم عبد بس لحسين ملاّچ
بزاده العنـده علّه ايطيب ملاچ
اشكبرها بخدمتك لوصير ملاچ
واَداوي بزادك الناس اعله اديه
—————————————-

ابفِطِرتي اشما أثوِّب من الحسين
ولا عنـــدي بثــوابي مِنَّ الحسين
أنا كلشي الملكتـــه من الحسين
بشـــر ماريــد غــيره ايمِـن عليه
—————————————
لزين العابدين "ع

چذب كلمات مَدحي اعليك يازين
يكـاتب بالصحيفـــه ذهَـب يازين
هــنيئـاً للمــــجـالس بيـك يازين
ينكهــة ســـــالفـتنه بكل مســيه
—————————————-
للخدمه

شي بالفرحه ظل سهران شيبات
وقرار العشگ للمعشوگ شيبات
اكبَرِتْ گالوا او لاحَن بيك شيبات
صحت للخدمه دافع خوش دِيَّـه
——————————————
للعباس "ع

اخيــول وزلم من عباس شطين
خوف، وغير هذا الصيت شطين
الجود ايكفِّي ماي اعدال شطين
لأن ابَّـطنــه ذب ســر الزچــــيه
__

وگف عل مــاي لاكن صاحب الماي
غيور، او نَفَس ماظل صاحب الماي
بكثر مايسگي سمّوهْ صاحب الماي
ولَهسه بجوده ظـل مـــاي لــ أخيه
——————————————

سل سيفه اِبـرِگاب اعــداه بشاط
وراسه امن الغضب بركان بشاط
بقصد شـــمَّرهم العباس بشاط
حتى يفيض يوصــــــل يم رقـيه
——————————
موال للعباس"ع

عباس حب السبط واهل السبط بي سره
كض رسن مهره بعزم صوب النهر بي سره
والماي جابه وإجه وشجم گلب بي سره

ومن شافته أم الخدر صاحت هلا بكافلي
صح آنه ميته عطش بس شوفتك كافلي
مطبوعه ظلت طبع بيدك حرز كف إلي

يابو الوفه وهالحرز حيدر دفن بي سره
—————————————-


✍️مرتجى الحساني
لمولاي علي الاكبر عليه السلام



جمالة .. حِلالة .. نزل من الله كامل
شحلاته .. بصفاته .. مطر وبحرگة نازل
المطر محد يردة .. الشمس شامة اعله خدة
~~~

اليشبه وجه جدة
غيمة ضوه بخدة
اسم علي بزندة .. علي علي

شمس مغرب عله اخدودة وگمر طاح ابحظنها
حرف راء بإسم حيدر حواجب عينة چنها
حُظَن سيفة وبقة يبوسة حَظِن ام اعله ابنها
المرة الجابت علي الاكبر الف رحمة اللبنها

بخيالة .. وكمالة .. امير الطف تكنّه
يحبّن .. يوكرن .. العصافير اعله متنه
الحنان بگلبة شدة .. الشمس شامة اعله خدة
~~~

الله العلي رادة
قائد عله القادة
سيد وابن سادة .. علي علي

بشر وجه اوگفه يضوّي الضوة اعله اعيونه شمرة
نهار اتسوي ليل الله فقط لمعة إظفرة
وسيعة اعيونه وايشوف الگمر بعيونة قطرة
جميل وكل بشر امّي يظل يم وجهه يقرة

دخيلة .. بشليلة .. ورد من الله خضّر
محمد ..تجدد .. اعله هيئة وجه الاكبر
الجمال اشگد يحمدة .. الشمس شامة اعله خدة
~~~~

شمس ظهر ضاوي
عله الحرب ناوي
اول عطش راوي .. علي علي

طلع و اسم الله بعيونه مثل طلعة حمامة
ترة الحومة بحر من دم سفينتها ابتسامة
الفضول ايكتلة الابعيد اللمح طولة بخيامة
يشد اگلادة لو گاعد يشد وصلة لثامة

اليشوفة .. بچفوفة .. كواكب مو محابس
مقاتل ..يعادل .. سبعمية فوارس
عدد محّد يحدّة ..الشمس شامة اعله خدة
~~

زفة الحرب گايل
تربية الكافل
شارة وبخت شايل .. علي علي

اعله گاع الطف رجع خيبر شفت مشهد تكرر
مثل مرحب واجه لحيدر إبن غانم والاكبر
جحاجيح العرب كلها الوضع عدهم تغيّر
گُبَل بالعشرة بصمولة إلاكبر هوّة الامهر

الهواشم .. يوادم .. فخر واشرف قبيلة
تحدي .. توّدي .. الثگيل اعله الثگيلة
ملك طبها وتحدة .. الشمس شامة اعله خدة
~~

شهم سبع قادم
يگضي الحرب قاسم
وارث بني هاشم .. علي علي

هوه بشبچة اشيلزمونة وحرز امة بذراعة
نيازك تجدح بسيفة وعِمَة الگمرة بشعاعة
الحرب گامت توضتلة وسمع سمعاً وطاعة
شحلاهن لمة ارموشة صلاة وبالجماعة

ابدلالة .. وخصالة .. الگطن يم لونة اسود
اعله عينة ..ويمينة .. قروا سورة محمد
النجم شافة وتبدة .. الشمس شامة اعله خدة
~

زار العلم يلّة
وتوكل اعله الله
يم العرش صلّة .. علي علي

بشر صوته اذا يحچي يبيّن من وريدة
تحبة الحومة حب قاتل تگلة انت الاريدة
صگر والجو الك كلة وتجيب ابعد طريدة
يزرقاء اليمامة انت وتموت اعله البعيدة

قسمها .. حسمها .. يسويهم گناطر
خزرتة ..وسطرتة .. مثل ثگل الحوافر
تهزة احچاية وحدة .. الشمس شامة اعله خدة
~~~~
علي هادي الخزعلي

#اللهم_عجل_لوليك_الفرج
👍1
هوسات الى مولاي الأمام علي الأكبر،،ع،،
‘‘‘‘‘'‘‘'‘‘‘‘‘‘
تخلبص مـــــايهم والعسكر أتطشر
وحــتى الگاع بيهم شــردت وتعثر
من سمعت أجاكم چف علي الأكبر

هااااا
وهوس عباس الچف أيده

----------

هــــوس أبوفاضل والعلي الهوسه
تنگط مـرجله وبس شعر متروسه
شاف الخيل راس الفارس أدوسه

هاااا
والموت اتحير من شافه

----------
أيهر صـــــوتهم والمـــــــــوت يتسله
وشاف الخوف طبهم والحچي أتعله
عله ذيــــچ الرگب سيفه أشكثر صله

هااااا
وعباس أتنومس بفعاله

-------
✍️
خادم أهل البيت،،ع،،
أبوحسين السرگودي.
أفـراح شعـبـان

حـلاة الحُب يگـلبـي بس للحسيـن
واشكـل ذِمتَّـك من تعشـگ اثنـيـن
يگـلبـي...يگـلبـي

حُب حـسيـن حُـب اللـه...وحُب المصطفى وحيـدر
وحُـب الزهــره والعـتـره...الـ مـن كل الخَـلِـق أطهـر
عاشگ عيش بس خادم...يگـلبـي بخـدمـتَّـك تكـبـر
تـرى المـا يخدم حسينه...دنــيـــا وآخــــره يــزغــر

إواضـح دربـه ما يحتـاج مـن ويـن
واشكـل ذِمتَّـك من تعـشـگ اثنـيـن
يگـلبـي...يگـلبـي
ــــــــــــــــــــــــــــــ١ــــــــــــــــــــــــــــــ

حِـب حـسـيـن يا گـلبـي...وعِيـش إمـأمـن بحـبـه
شما تنسـى وتِـزِل تلگـاه...بــيــده يـــردك لــدربـه
رغـم كـل السـهــام البـي...وفـاتـح للمُـحـب گـلبـه
غريب حسين بس يَـمَـه...ولا واحـد يحس غربـه

الوحيـد الما يسألـك جـايني منيـن
واشكـل ذِمتَّـك من تعشـگ اثنـيـن
يگـلبـي...يگـلبـي
ــــــــــــــــــــــــــــــ٢ــــــــــــــــــــــــــــــ

النـور شمـا يشـع طبـعـه...بعـيـونـك تـشـوفـه إلا
ونـور حسـيـن مـن الـلـه...حـتـى الأعـمـه يـنـدلّـه
المـا يـگـدر يـزوره بيـوم...لضـعف الحـال أو علّـه
بس ينوي يحس حسين...بعظمته لبيته يوصَـلّـه

ويجي اوياه الگمر بس سالم العيـن
واشكـل ذِمـتَّـك من تعـشـگ اثنـيـن
يگـلبـي...يگـلبـي
ــــــــــــــــــــــــــــــ٣ــــــــــــــــــــــــــــــ

المـلـوك بكـل وكت لـليـوم...الفـقـيـر اتـبعـده واتطـرده
وتِـقَـرب العنـده مال وجاه...وصــدر ديــوان بـالگـعـده
وكلشي انخلق لاجل حسين...بس شوف العطف عنده
يـم جــون وگـعـد عـالـگــاع...وخـلـه الخـد عـلى خـده

وجـون لگـلبـه سولف هالكلمـتـيـن
اشكـل ذِمـتَّـك من تعـشـگ اثنـيـن
يگـلبـي...يگـلبـي
ــــــــــــــــــــــــــــــ٤ــــــــــــــــــــــــــــــ

وعلي من غير ابو اليمـه...يگـلـبـي اتـذلَّـك ذنوبـك
بِعَد عنك يگـلبي ابليـس...چـيف حسين محبوبـك
تِـــوزع مــــاي عـالــزوار...والـله البخـت بحبِـوّبَـك
لومـا خـادم انت حسيـن...چـا مفضـوح بعـيـوبـك

الفضل كِلّه بخدمتّه وأصبحت زيـن
واشكـل ذِمـتَّـك من تعشـگ اثنـيـن
يگـلبـي...يگـلبـي
ــــــــــــــــــــــــــــــ٥ــــــــــــــــــــــــــــــ

تِـحَـزَم ويـن ما تسـمـع...ذكـر حسيـن واتعَـجَـل
يگلبي ما يحب حسين...والـلــه بــس المـعَــدَل
وإذكر إسمه دوم هواي...حـتـى هـواي تـتـهيّـل
إقـبل تعـبه حـد المـوت...وراحـة غيره لا تقـبل

لغـيـره بـذمـتّـك لتـخـلـي أي ديـن
واشكـل ذِمتَّـك من تعشـگ اثنـيـن
يگـلبـي...يگـلبـي
ــــــــــــــــــــــــــــــ٦ــــــــــــــــــــــــــــــ


أحمد البصراوي العبادي
👍1
شعبان كِلّه انوار .. و إسـمك نَـوَّر
مولاي يوم العيد .. يوم إلـ تِظهَر
ــــــــــــــــــــ
حلـوه الولاده بسّ الأحله منها
يوم إعـله ميمونك تِشِد رِسِنها
وعدانه غيـرك ياهو يلْوِي إذِنها
الطايل لسنها گوم وگص لِسِنها

اللّبْسَوا ثِياب إگصار .. جِر بيهم جَر
مـولاي يـوم العيد .. يوم إلـ تِظهَر
ــــــــــــــــــــ
حـلوه الــولاده والجـميل البيـها
الطلعه البهيّه الـ عنـدك إنتانيها
والفرحـه تكمـل يـوم لِتْصفيها
طبّت علي إبـ خيبر تِجي وتنهيها

غزواتــك إثمـانين .. سـوّيها أكثر
مـولاي يـوم العيد .. يوم إلـ تِظهَر
ــــــــــــــــــــ
نُطْبِگّـ كِتاب الغَيِبه يوم إنشـوفك
وجـه وگفـه إنقبّل نريد إچفوفك
نتـرٍك اهلنـا ومســتحيل إنعـوفك
يمته النوارس ترتوي من اجروفك

كشخه وعليك إثياب .. سِندِس أخضر
مـولاي يـوم العيــد .. يوم إلـ تِظهَر
ــــــــــــــــــــ
انعيش الظهور وما نعيشه إطروحه
وكل شـيعي گدّامك يقـدّم روحـه
الشايل جِرُوح إتداوي كل إجروحه
دَولة عــدِل وســـوالِفَك مملوحه

حِلْم أنبيـاء هــواي .. يمّك خَضّـر
مـولاي يـوم العيد .. يوم إلـ تِظهَر
ــــــــــــــــــــ
الشيخ المُفيد إتگلّـه مـا ناسـيكم
إحنه إلمرضكم نِمرَض ونِشْفيكم
گبْـل آدم اللـه الخالـق إمسـوّيكم
قادتنه إنتم واحنه نفخـر بيكم

ولـ آيـة المِشـكاة .. إنتـو الجَـوهَر
مـولاي يـوم العيد .. يوم إلـ تِظهَر
ــــــــــــــــــــ

مهدي التقي

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
فرحنه    ابمولدك     يلفرگتك     عله
نحبك    بس   نريد    الملگه    نندله
بعد  ما ظل  أمان الدنيا مالت  خوف
تعبنه  من    الظلم   والآه       والذله
يمهدي  بلا صدگ عشنه وي اليصلون
بنينه احنه المضيف  وباگو       الدله
شگلك وانته   تدري  بفزعة  البستان
من صارت صدگ    لا ثمر     لا  سله
لا چلمة صدگ   والناس  صم    تراب
مطحونه   بفقر   والعوز   ذوله  اهله
نريدك   والبيوت    الحبتك  بس  آه 
كلشي   اتحملت  والصعبه هم  سهله
تعال الشوفتك نذرت  هواي     اولاد
بس   رادت    ترابك    كون   توصله
يا  كسرة   گلبنه  أگبال ياهو  الچان
ويا   خله   الابد  ما تنحسب    خله
انتظرناك  بهلا  وهلبت  تجينه بيوم
بس هو انتظارك ماكو  منه    احله

  كلمات الخادم / رعد الفريجي

#اللهم_عجل_لوليك_الفرج
هـلا بـمهــدينه و بميــلادة

اجه التتباها بسمه السادة
------
شمع شاعل اله ..  وضحكتي مهيله

اجه البي كربله .. ترفع الراس


انولد سر قل هوه .. وشرح صدر الهوه

و خجل منه الضوه ..  ونوره ينباس

احبه بفطرتي .. حبيبي و كشختي

و اشوفة بفكرتي .. المهدي عباس

وريث الغيرة هاي اعيادة

اجه التتباها بسمه السادة
•••••••••••
اجت نرجس اله .. تلوليله بهله

يكشخة كربله .. و جايب الثار

تگمطه برايته .. وتبوسه بگصته

طفل بس يمنته .. بيها فقًّار

جماله اليوسفي .. اشوفه بمصحفي

دخيله اشگد وفي .. وگلبه جمّار

الورد واگف قصاص و نادة

اجه التتباها بسمه السادة
•••••••••••
ضحكتي امعلّمة  ..  اطشها اعله السمة

اجه البي فاطمة .. بوجهه ترتاح

افرحي و شمّلي .. يروحي وهلهلي

فرحتي بگد علي .. وتسوه الافراح

هلا من كل گلب .. الى من اسمه حُب

اترسله الدرب .. كله قدّاح

احب المهدي حب ازيادة

اجه التتباها بسمه السادة
•••••••••••
انتظرته وانتظر .. الى شيب الكبر

و انه اتمنه الگبر .. بيته بي باب

احس بي لو ظهر .. حبيبي المنتظر

واسمعه بمحتظر  .. اسمي ينجاب

واگله اتشيبت .. وسفيرك بي همت

ورسايل خضرت .. وگلبي سرداب


گلب عندي وظهورك رادة

اجه التتباها بسمه السادة
••••••••••
علي هادي الخزعلي

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
ابوذيات
لمولد الامام المهدي



نخيت الّي انشقله الگمر وانطار
يدلّيني الفكر بالعشگ وانطار
الك يالمهدي اضل ملهوف وانطار
تبرّد جمر كل فرگاك بيه
.........

الك يسره رفعنه وأيد يمنه
يمن غيرك فلا للگلب يمنه
يريت ابكربله ابهل يوم يمنه
ونزور وياك گبر ابن الزچيه
........
بحبك ماعرفت الجزع والياس
يمن عيسى امامه اتصير والياس
بميلادك شعلنه شموع والياس
ومهجنه انطشهه لجلك واهليه
......
الشاعر محمد حسن ضغيم

#اللهم_عجل_لوليك_الفرج
((ابو صالح حبيبي))




أناجيك بسكوت الهم
يالعينك ملاها الدم .... ابو صالح حبيبي

أناجيك بگلب مهتم
وأحسك تنزف أمخيم ..ابو صالح حبيبي
****

يمته تعود
رسمناك اعله شجرةّ شوگ
وخَضر سلسبيلك ياس
يالزعلان من الناس
تعال بداعةّ العباس .... يالموعود

تعال الدنيه ملتنه
بسعر أتراب سامتنه
على الموبيش باعتنه ... حبيبي

تعال وفك مگايدنه
چا يمته وتعايدنه
كسر خاطر تشاهدنه ... حبيبي

الحچي مايخلص بحُبك
الحزن مايخلص بگلبك ..ابو صالح حبيبي

بمعنى أنحبك أنحبك
يل ما يختلف دربك ... ابو صالح حبيبي
***

دربك وين
ياشمعةّ ضلام الليل
ياعطر اليحبه الهيل
عفناك ولبسنه الويل
وانته تصيح هاي الخيل ... فوگ حسين

هاي الخيل اجت غاره
المخيم ضاعت اخباره
عيونك هيچ محتاره ... حبيبي

شوفك ألمن أتصده
هذا الجيش شيرده
وتعاين جدك الوحده .... حبيبي

ضل بيك الجرح يحدي
وتنادي حسين ياجدي ... ابو صالح حبيبي

كون آنه انفطر چبدي
لجلك راح اضل وحدي .. ابو صالح حبيبي
*

هجرك موت
وسنين التمر ميتات
ذيب ويطرد أعله الشات
ماضلت بعد چلمات
يالمهدي ترى الشمات ... بينه تفوت

غيابك يجّلب الحيره
مانفهم تقاديره
ومامعروف ياديره ... حبيبي

أفزع وأنشر الرايه
صرنه سيدي أحچايه
يا قائدنه والآيه ..... حبيبي

سلبو أرثك الغالي
المو والي صبح والي ... ابو صالح حبيبي

والناصي صبح عالي
وخذو ألقابك أگبالي ... ابو صالح حبيبي
****

يمته ألگاك
ليش الماله داعي وياي
وينك ياشريچ الراي
يانغمه التبچي الناي
عطشانين ألك ياماي ... من فرگاك

ألك ياماي ونينه
يباجي من أهالينه
نريدك بس تحاچينه .... حبيبي

الحچي وي غيرك مبعثر
يالناحر صحاري البر
بالفرگه الگلب وجر .... حبيبي

نيران الهجر هَزله
زينب صعّدت التله ... ابو صالح حبيبي

أنچوَت يالمهدي چم طفله
وچم سياف وتوله .... ابو صالح حبيبي
***

عمتك هاي
تركض والسياط اتلوح
متنهه يا حليف النوح
الزلم مذبوح يم مذبوح
ونسوان وخيم وجروح ... يابلواي

الثارك روحي منتضره
تعال وهَود الحسره
ثار الباب والزهره ... حبيبي

ثار النار والخيمه
ثار التركض بهيمه
ورقيه ضلت إيتيمه ... حبيبي

يالمهدي الگلب شَيَبّ
غريبه عمتك زينب ... ابو صالح حبيبي

وستر العفه مترب
ونضرنه سيدي حَدَب ... ابو صالح حبيبي


عبد زينب
محمد الابراهيمي


#اللهم_عجل_لوليك_الفرج

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
ذكريات وحنين... وألم غربه وونين
عطش خوه وعذاب... ومعانات السنين

بچت زينب،، على أخوتها ،وعلى العشره المضت
گلب يلهب،، وتهل دمعه،، على الخوه الگظت
بحزن تنحب،، وهي بغربه،، يهاشم غمضت
حرمه بظعن عازتها خوان
من تلتفت ماهمه الأحنان
موت الغرب مو للمداليل
لا من أخو لا يمها صيوان
……………………

دمع آه ونحيب.... وجرح فاگد طبيب
وبدت بالذكريات... غريبه أعله الغريب

تحن سكته،، بگلب ضامي، وسوالفها الجرح
يكف يمته،، الحزن منها،  تهدم چم صرح
الدمع قصته،، ومئاسيه،  بألم من تنشرح

راح الدلال وذيچ الخيام
قصه طويله وي أللام
عگب النشامه وراي الحيود
براي الأعادي تروح للشام
…………………
بدت رحلة ضياع... بعد أخر وداع
بسبيها بالدروب... فقط دمعه المتاع

حزن ثكله،، وظعن فاگد، أعز رايه وگمر
على الهزله،، مشت تالي، عگب ذاك الفخر
ولا سهله،، الجدم زينب، مشه اليمسح أثر

عگب أيد أخوها اتغير الحال
چف العفاف أنشد بالحبال
وذباح أهلها بيها حداي
وعگب الكفلها تكفل أعيال
……………
أنتظار وعذاب... حده ظعن المصاب
حزن ليل وجروح... عطش خوه وغياب

على أخوتها،، مدامعها، وحزن طول العمر
شماتتها،،، الي يسبوها ،ويدخلوها القصر
مصيبتها ،،جرح ضامي، وخيم نار وخدر
تالي الظعن يحدونه شمات
أربات الشرف صارن غريبات
وي أهل الله يندار الزمن حيف
فوگ الهزل يبقن أميرات

✍️حسين حمدان الدلفي

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
اليوم أربعين اجروحي// و محد اجه ياروحي
اسم الغريبه لايك وياي
بيوم اربعيني ولا اخو جاي
*
المغربيه أصعب وكت _ من تنتظرلك غالي
ولا دمعه طاحت عالكبر _ مو هذا جان ابالي
محتاجه والله صوت اخو _ يوكف نعي يقرالي
الغربه رسمتني جرح _ ومحد يخوتي بحالي

مشتاكه اشم ريحتهم// واحله خبر جيتهم
مشتاكتلهم كلش هواي
بيوم اربعيني ولا اخو جاي
*
تراب الكبر شامت أحس _ جي بالغرب مدفونه
والنووم ابعينه السهر _ ياموت سد اعيونه
بيوم اربعينه المندفن _ عاده هله يزورونه
واخواني لو مو كربله _ كبري فلا يعيفونه

ادري المسافه بعيده// حسين اعله صدره وليده
ميت رضيعه وماشرب ماي
بيوم اربعيني ولا اخو جاي
*
الله يساعدجن صحت _ يجروحي ماترتاحن
مايرهم الجن اي دوه _ من خيامي كلهن طاحن
بنيات اخيي عله الجمر _ سحكنه زينب صاحن
ايام مرني وعلي _ لجماتهن ما راحن

ماكو دوه يداويجن// وعباس ما مر بيجن
مجروحنه انه وظايع ادواي
بيوم اربعيني ولا اخو جاي
*
ياروحي ماكو ولا خبر _ خنكتني حيل العبره
مو من طبعهه بهالظرف _ تبطي عليه الزهره
ياروحي ركزي عله الدرب _ تعرفين انه شمنتظره
رف كلبي وانه اعرف شكو _ رفت الرايه الخظره

امي جذب تنساني// متعنيه وي اخواني
لشوفتهم انه هذا مبجاي
بيوم اربعيني ولا اخو جاي
*
اسمع نحيب عله الكبر _ هيج احزان البيه
جرح الخرابه ماهده _ واعرفت هاي ارقيه
جرح السبي فرفح الم _ تذكر شكو مسبيه
وجرح الطشت يرايد دمع _ تناشغ سمع علويه

كالتلي عمه شلونج// كتلهه بشري امتونج
جتني رقيه وكعدت وياي
بيوم اربعيني ولا اخو جاي
*
كل هذا ظل عندي امل _ كلت الفجر يوصلني
يجروحي كلتلهه الصبر _ لازم يجي الكافلني
ولو شاف اديه ينهظم _ بيهن حرك يسألني
بس انه اكله ولا تهم _ يكفي سؤالك عني

اكثر شخص تانيته// البين ادي ربيته
ربيته بيدي وادري وفاي
بيوم اربعيني ولا اخو جاي
*
تمت ____ علاء الزيدي

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
((تولعت))


مـــــن زغري وتــولعت بغرامك
نسيت الناس بس اذكر خيامك

حسين حسين يا ابا عبدالله

"""""""""""""""""""""""""""""""""""''''''''''''

اول مــــا افـــتلــن مــــــني الگــــيود
اشوف احساسي وي طاريك مشدود
يبــو بـاب وگــلب مايـــوم مــــسدود
دثــرني بعــشگ يـا منـــتهى الـــجود

كل لحضه التمر يكبر حنانك
يالبّنص الگلب صـاير مكانك

حسين حسين يا ابا عبدالله

"""""""""""""""""""""""""""""""""""''''''''''''

كــل حروفنــه يــم بابــك تليــــن
المفروض اعلى بابك تنطق العين
يبو سورةّ عشگ من نقره ياسـين
مو ياسين صرت اقراها يحــسين

يــا كعبتنه وتخبل محبــته
حتى البل سمه قبلتهم انته

حسين حسين يا اباعبدالله

"""""""""""""""""""""""""""""""""""''''''''''''

يا أقــدس عشــگ وتـحبه العيون
يـالمســـير دفـو يــم اليــــــبردون
شگد شايل محنه الخاطر ام عون
مو قصةّ عقـل بـس بـيك مجـنون

عــزيز ارواحنه وهمنه بجمالك
تجينة انته وفلا تگطع وصالك

حسين حسين يا ابا عبدالله

"""""""""""""""""""""""""""""""""""''''''''''''

اگول اسمك وگلبي الوحده ينجاس
يــا اتـرف عـزيـز وتنـگط احـــساس
تنطي الناس بــس ماتــعرف النـاس
الرمح گلك تعال وجـيت بــس راس

امد چفوفي طماع ابعطائك
اريد دموع مــولاي بعــزائك

حسين حسين يا ابا عبدالله

"""""""""""""""""""""""""""""""""""''''''''''''

كلشي البية الك ومسودن اعليك
يالموديني الك چا ويـن اوديـــك
بس احتار واتـعب ويـن اخلــيـك
يـــالتسوه العمر هنيالي احاچيك

العاقل مادرى من صار مجنون
لذلك ما الومن عابس وجـــون

حسين حسين يا ابا عبدالله


عبد زينب
محمد الابراهيمي

خدر الفواطم
لنشر القصائد الحسينية (
@Alfoatm3)

#اللهم_عجل_لوليك_الفرج
2025/07/14 11:13:20
Back to Top
HTML Embed Code: