خدر الفواطم لنشر القصائد الحسينية

استشهاد الزهراء ع

حسين نظرة عينك اتأذيني
من. تگلي اشلونچ اتبچيني
***
عيف الاشلونچ وشخبار الضلوع
وحده من اعيوني بس تجري الدموع
ويه كل نغزة ضلـع لجلك الـوع

فكري يم طف كربله ايوديني
+++++++++
شو تعال اتقرب احضني ابأديك
مالي حيل ارفعلي چف واحتويك
انته تبچي عليه وآنه ابچي عليك

وضعك الابچي دمه امخليني
+++++++++
لو گلت يايمه شبگيني بحنان
ارتوي يالزهره من حضنچ امان
وخايف الچم ضلعيچ اليحضني چان

احچي من ابعيد وتحاچيني
+++++++++
خايف اعله ضلوعي حالي هسه زين
شلون رض ذيچ الحوافر ياحسين
ضلوعك التتناثر الما ادري وين

اهناك تسمع مني صوت اونيني
++++++++
هناك انشدك ليش نايم عالتراب
گوم نام ابحضني ضلعي يُمه طاب
اگعد اترجاك ما اسمع جواب

وابقى الطم فوگ سطرة عيني
+++++++++
يُمه هذا اوياك خاتمته الكلام
لو شفت عباس بلغله السلام
گله امي الزهره توصي اعله الخيام

من تراعي زينب اتراعيني

ثائر الربيعي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

1.99K views03:16

خدر الفواطم لنشر القصائد الحسينية

#نعي

السيده زينب عليها السلام عند نعش امها فاطمه عليها السلام


انا بحلم لو صدك يمـــــــــي
المطروحه هاي اجنازة امي
يعني اليتيمه صــــار اسمي
واسود يظل للموت هدمي
ــ
فلو الچفن خل احــاجيها
زينب اگلها ياهو ليــــــها
نار البضلعج دوت بيـــها
يم المحنه جاوبيـــــــــها
ــ
طلعت ثوبــــــــــج گمت اشمه
مضموم يم زينب بدمــــــــــــه
الصدري امن ادنيه ظل يلجمه
ماشفته كون العيــــــــــن تعمه
ــ
حاجيني يمه جلمه وحـــــده
الماعنده ام جفنه اشيســـده
خليني انا اونينــــــي اهوده
لاجن ونين حسين شـــــــده
ــ
شتصير زينب بالله شتصير
بوالدها لو بخوانها اتحيــــر
للباب من اعيونها اتديـــــــر
تسمع بضلعج صوت تكسير
ــ
اتطشر شملنه واشيلمــــــه
شوفي اشعملتي بينه يُمــه
ياهو الفراگج ما مهدمـــــــه
ظل زلمه يتوجه اعله زلمــه
ــ
طحتي يخيمتنه الجبيــــره
ويتّمتي زينب واهي ازغيره
اخوتها يمها وجنها اسيــــره
حيرة اوداعج والله حيـــره
ــ
روحي بريت الذمه روحي
ماراح ابطله اعليج نوحي
بس مري بالعاشر يروحي
بيّه تره يكثرن اجروحــي
ــــــــــــــــــــ ــــــــــــــــــــ

علي محسن الزيادي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.2K views03:16

خدر الفواطم لنشر القصائد الحسينية

كُلَما تنفسَت .. تألّمت .. فاطمه
ــــــــــــــــــــــــــــــــــــــ
اكثر شي بالزهره ايأذي الكسره البالخاطر مضمومه
مية حسره وآخ اتطلّع بين الگعده وبين الگومه
بالبيت وتخجل من حيدر وتتنفس گوه المظلومه
العين اتغطيـهه ابشيلتهه خـاطر متبيّن ملطومه

ضَعُفت من حزنِها .. وأنها .. فاطمه
ــــــــــــــــــــــــــــــــــــــ
من تمشي اثنين ايكضوهه عاشت مقهوره ومتوجعه
من اتصلي اشلون اتصلي اتخر واتطيح بأول ركعه
اتصور وصلت بيهه الحاله من تتنفس توگع دمعه
حيطان البيت اتحن الهه وصارت تشبه خيط ابشمعه

لطموها وبكت .. لله شكت .. فاطمه
ــــــــــــــــــــــــــــــــــــــ
ازغار الحسنين وتاخذهم البيت الاحزان وتبقه اتحن
ولو شافت جاهل بالشارع تتذكر شوغات المحسن
ماعبرت عشرين الزهره وبشيلتهه الشيب امبين
لو صار المغرب تتوجه يابويه اتصيح امن ايأذن

اوليس ياابي .. بنت النبي .. فاطمه
ــــــــــــــــــــــــــــــــــــــ
من گد مامحنيه الزهره ومكسوره وكلش ضعفانه
الوادم گامت متميزهه اهلال امقوس لو انسانه
ايد اتكض الحايط بيهه وايد اعله العين الخجلانه
اتباوع لحسين وتتأذه باچر يبقه ابلا دفانه

وغداً يبقى الحسن .. بلا وطن .. فاطمه
ــــــــــــــــــــــــــــــــــــــ
حيدر گلهه اليوم اشلونچ يالضلعچ كلش اذاني
مادامك عايش گالتله معناهه ابنص الخير آني
گللهه انتي الايه الكبرى گالتله وانته التقراني
كل الناس اتعيش ابعالم وآنه اوياك بعالم ثاني

فارتقب يامصحفي .. ستختفي .. فاطمه
ــــــــــــــــــــــــــــــــــــــ
بآيات القرآن اترتل وچنها اتموت اشويه اشويه
اكثر شي يوجع بالفارگ الـمغرب واتزيد الحنيه
وهيه ابوكت المغرب ماتت صدّيقه واعظم شخصيه
ومثل المهدي الغاب اعلينه ظلت عالوادم مخفيه

دفنوها بالبكاء .. وبالخفاء .. فاطمه

محمد الجماسي

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

1.79K views11:03

خدر الفواطم لنشر القصائد الحسينية

جلست فضه مع زينب ع في ليله من ليالي عزاء الزهراء ع فأقامت فضه مجلس العزاء بقراءة مقتل الزهراء ع التي كانت شاهد عيان فيه..  فكان دخوليت العزاء….

فضه تـقـره بالمصيبه .. لـزينب وتبچـي الغريبه
بالبـاب والحـايط شـفت عـصرها
وبيده النذل فوگ الوجن سطرها .. وتبچي الغريبه
………………………………

فضه تحچي بالجـره .. وجـمره بيـها موجـره
لزينب وعالخد تصب بحرگـه الدموع
تگـلها بعيوني شفت .. فاطمه وبذني اسمعت
من عـصرها ابـابـهـا طـگـات الظـلـوع

التمـو عله امـچ زلـم بالـثلث مـيه
هـذا يعـصر هـذا يسطـر بالزچـيه
وانـي محـتاره يزيـنـب وشـبـديه

امـچ الـتمـو علـيها .. كـلهم يضربون بـيها
وتـصـرخ يزيـنـب من ألـم كسرها
وبيده النذل فوگ الوجن سطرها ..
………………………………
كلشي يازينب شفت .. وريت ساعـتها متت
اركـضـت عـنـهـا اوخـرهـم لـچــني
زلـم والطاحـت مــره .. وياهـو عـنـها وخـره
حيل يدفعـني وعلى عيني يطگـني

زيـنـب ارد احـمـيـهـا لكن يمنـعـوني
ومن هذيچ اسياطهم راحت امتوني
وگـمـت افـزع الوادم ومـايسمـعوني

الوادم اتشوفه يطگـها  ..وام حسن محـد لحگـها
ومحـد فزع لامـچ واجـه وحضرها
وبـيده النذل فوگ الوجن سطرها ..
………………………………

من الدفع ذاك انشلع .. الباب فوگـاها وگـع
جـذوع وثـگيل وطبگ امـچ على الگـاع
مشتعل نـار وجـمر .. وفوگ فاطم يستـعر
من الدخان اختنگت وشم الهوى وضاع

احمر البسمار حامي وطـب بالظلـوع
وفاطمه ظلت تـون من عـنده وتلوع
تبچي والسوط بمتنها تحسه مطبوع

دمها يجري من متنـها .. ودمها يجري من جفنـها
ومن الحلگ تجري الدمه وصدرها
وبـيده النذل فوگ الوجـن سطرها ..
………………………………

اجو چـتاله العلي .. وفضه صاحت لحگي الي
بدال حيدر طاح محسن مـني مذبـوح
برمحه طگـاني النذل .. ومات الحگيني الطفل
ويه محسن گمت احسها طلعت الروح

ورحت اركض ليها بس گوه اوصلتها
وبالدمـه غرگـانــه يازيـنـب شـفـتـها
وگـوه شلت امـچ بحـظني وسندتـها

وخايفه الچم ظلعـها .. وامسح بأيدي دمعـها
تـتـعـثـر امــچ وانـعـمــه نـظــرها
وبيده النذل فوگ الوجن سطرها ..
………………………………

التهـظم وتـكسر ظـهر .. مات حيدر بالقـهر
الضيغم الضرغام وسفـه مچـتفـينه
مدخن بوجهه الزعل .. وعمداً اگبال الفحل
الثاني راد ايطگـها ثاني اگبال عينه

وصاح حيدر تدري مچتوف بوصيه
انچـانك زلمـه صدگ بـس فـل اديـه
وارد اشـوف اشلـون تگـرب للزچـيه

استرجلت من اعرفـتني .. الوصيه امـچـتفـتـني
ولولـه الوصـيه مـا تـمـس ظـفـرها
وبيـده النذل فـوگ الوجن سطرها ..


الشاعر عقيل الحسناوي..

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.13K views13:02

خدر الفواطم لنشر القصائد الحسينية

طفله وعمري خمس اسنين .. وشفـت الـزهـره بــين النار
مـنــا امـي جــاي اتـمــوت .. ومـنــــا غـربـه ويــن انـــدار

من شفت الحرگ عالباب .. گلت باجر يشب صيوان
ومن داسو حدود البيت .. گلت بـاجـر اطـب ديوان

ويلاه .. بـخامس اسنـينـي اتعذبت
ويلاه .. اتطـيح امـي گدامي شفت
ويلاه .. واسمع شتم جدي الرسول

عالباب .. اتلث ميه اجوها بالحطب
عالباب .. وخـد امي گدامي انضرب
عالباب .. وكـسرو ضلع امي البتول

بخامس سنه .. وحيلي انهدم
اشحـالــي اذا. .. تــوگع خـيم

..............................

كـل لــيـله امــي گـدامـي .. تـتـلوه و الـمها ايــزيـد
ومن تدعي بصلاة الليل .. مــا تگـدر تـشيل الايــد

امي وهايه حــالـتـهــه .. حگي امن ابجي ما انلام
تون مـن لوعة البسمار .. مــا خـلاهــا حـتـه اتــنـام


مكسور .. خـاطـرهـا مــن كـلمة وإن
مكسور .. ضـلــع امـي والـدنيه حزن
مكسور .. گلبي عليهه وگـمت اصــيــح

شيفيد .. جرح امـي ماضـنه يطيب
شيفيد .. وحيدر علي اگبالي غريب
شيفيد .. من يمشي كل خطوه يطيح

اسمع ابوي ..ااهنــا حـجه
يـا فاطـمة .. صـاح وبجه

...............................

امي اگبالي اشوفنهه .. تغـطي بجفـهه جي محروگ
مـعناها انـا هم باجر .. اضــم بجـفوفي فوگ النوگ

بـعدني بـخامـس اسنـينـي .. وشفت السطره فوگ العين
گـلت يـاروحـي شيـضـل بـيج .. لـو صـار الـعــمر خمسين


لو صار .. يـا روحـي خـمسـين العمر
لو صار .. جدمي يدوس اعله الجمر
لو صار .. بعـاشور جا شيضل عليج

ياروح .. مـوتـي قـبل لا تـنسبـين
ياروح .. باجر تره يطيح الحُسين
ياروح .. ويلتف حبلهم فوگ اديج


بداري اهون .. ولااا بالفله
بـاجـر اضــيع .. ابــكـربله

............................


راحت امي من البيت .. وصار اظلم نهاار البيت
ابجي وادري ماترجع .. بس طفله وگلت ياريت


اول ليله مــرت خـــوف .. بدون امي وثگيله اهواي
بعد عندي حزن وادموع .. و الله الـساتر امـن الجاي

ضليت .. ادعي الله لو يطلع حلم
ضليت .. وتـرجعلي امـي وابتسم
ضليت .. كــل ليله ابجي و انـهظم

يا باب .. بـشرني لــو امــي اجـت
يا باب .. وگـلـلهه زينب مــاغـفت
يا باب .. اشلـون اكبر وماعندي ام

هذا العمر .. مــابي طعم
المن اعيش .. ومالي ام

...............................


ضليت اعله هـذا الـحال .. لـيـلـيه ابـجـي مـاضـل حـيل
وكبرت بدمعتي وهظمي .. وشفت ابن امي جوه الخيل

كـبـرت ودمـعــتي بـعيـنــي .. وكـبر بيه الهظم والنوح
الـربـيت اويـا وعشـت اويـا .. شـفـتـه ابـكربـله مذبوح


مذبوح .. الجبت العمر ويا سوه
مذبوح .. من الگفه بطف نينوه
مذبوح .. بـصف النـهـر مـيت ضمه

ناديت .. يـا فاطمـه يــمـه اشبعد
ناديت .. لا ضل اخو ولا ضل ولد
ناديت ..لـحـگـيلـي يــمـه فـاطـمــه

شوفي اشعمل .. بينه الزمن
ضـاعـن بـنـات .. ام الحـسن


ابو حميدة الشويلي

اللهم عجل لوليك المنتقم الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.3K views22:01

خدر الفواطم لنشر القصائد الحسينية

عصرت باب وحافر خيل    
ينراد الزينب چم حيل

اليوم الوالد يمهه الحاضر    
باجر بالطف تكسر خاطر
٠٠٠٠ ٠٠ ٠٠٠٠
بعدهه ابسن طفولتهه وشسوه الدهر بيهه
شافت امهه خلف الباب تلوذ وما يحاميهه
نسطرت والسطرهه يگول خل زينب نبچيهه
هاي النار نفس النار  باچر بيهه نچويهه

دموعج فوك خدودج سيل
اليل الطف مو هذا اليل

بين النار وبين الحافر   
باجر بالطف تكسر خاطر
٠٠٠٠ ٠٠ ٠٠٠٠
حزن زينب فلا موجود  مثله ونگدر نفسره
خلف الباب وبياحال شافت فاطمه الزهره
ماتت امهه بالحسرات بين العصره والسطره
الحزنها كل حزن بالكون يوادم  ماوصل ذره


الحزنج مايوصل يعكوب
دمعه بعينج كل غروب

وصعبهن يايوم العاشر
  باجر بالطف تكسر خاطر
٠٠٠٠ ٠٠ ٠٠٠٠

البنيه التموت امهه تعيش ابلوعه وبغربه
مثل زينب يتيمه اتصير وبهذا العمر صعبه
علي بياحال شافاهه حضنهه وأشتكى لربه
يوصيهه الصبر شديه ونار الطف چوت گلبه

بالطف يامحنه تشوفين
من خيمه الخيمه تركضين

يشيّب باچر حته الناظر
باجر بالطف تكسر خاطر
٠٠٠٠ ٠٠ ٠٠٠٠
إبتدى أول جرح بالباب ونار الخيم نفس النار
هي شافت ظلع مكسور باچر خيل موبسمار
حافر يتبع الحافر ويصير الأخو طشّار
يتسلب على الغبره وراسه على الضعن يندار

فوك الرماح الراس يصير
بصبرج حيرتي التفسير

مجروحه وعالضيم تكابر
باجر بالطف تكسر خاطر
٠٠٠٠ ٠٠ ٠٠٠٠
نعش امهه تشوفه انشال وصارت للحزن خيمه
وسرح بيها الخيال بعيد وخذاهه للطف وضيمه
باچر كل دَلال يروح يويلي بطرت الهيمه
يتيمه ام الخدر ويلاه وشمر ما يرحم ايتيمه

مجتوفه وللشام اتروح
مذبوح ايصبر مذبوح

وياهه يصير الماصاير     
باجر بالطف تكسر خاطر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.43K views11:47

خدر الفواطم لنشر القصائد الحسينية

عالباب محنيه مـــــــن كثر الدفع

يميل الباب ياخــــــذ بيهه ويردهه
ناس اهواي وام حســــين وحدهه
ترا البلبيت فاطم يامره ابگــــدهه
وادم موش اجاويد وجـزو حدهه

هدو اعليـــــــهه يوم الغاب حيدر

كلما يندفع عالـــــــــزهره يطبگهه
ضاگت بيهه والدخــــــان خانگهه
بيتك ياعلي الشـــــــمات تحرگهه
مو فاطم تموت وينــــوخذ حگهه

وشلون طگـــوها والزهره ام ابوها

يانار الهضيمه الماطفـــــــــت بيهه
تون الليل والبســــــــــــمار ياذيهه
علي امگابلهه بالحسرات گـاضيهه
شلون الزهره وادم تعتــدي اعليهه

الليل مـــــــانامه علي ذب العمامه

شيعهه ودفنـــــــهه وروحه مالومه
علي من هالمصيبه ثگــلت اهدومه
گعد يم الگبر ويســــــولف اهمومه
قاتل فاطــــــــــمه لابد يجي يومه

باچر اگبالچ ابو صـــــــــــالح يعلگه

خادم القصيده
شاكر الصيمري

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.29K views03:27

خدر الفواطم لنشر القصائد الحسينية

الامام علي يتكم عند دفن الزهراء روحي فداهم
.
.
.

رديت وانـه ابگلبي حسره
والبيـت بـي ريحـة الزهره
امنتذكر .. اتحـسـر .. اتــنطـر
المــوت

__

السمه احـس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمـه وينــچ والـصـده حاچاني
تــوَك الزهــره ادفنــتــها گــال لـي وبچاني

انهاريت ماضل حيل بيه
وَنيـت عــالزهـره الزچيه
واتـعـثر .. اتحـسر .. اتنــطر
المــوت

__

چــنت مــن بيــتي اطـبه اتــرد الــي عافــيتي
هسه احـسن روحــي تطــلع لو دخلـت البيتي
الله وحده هـــوه يـــدري ويعــلم ابوضــعيتي
امنيتي بس الموت هسه اوين احصل امنيتي

اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
المــوت

__

امـن انظـر الوجه الزچـيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي

مديت دمــعاتي عـــلى الباب
وخطيت حزني بوجه التراب
واتطشر .. اتحــسر .. اتنــطر
المــوت

__

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها عالوجـه مسطوره

خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
المــوت

__

لمــن زيــنـب ناشــدتنــي ويــن امـــي رايـــحه
الاعمه شاف دموع عينــي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه

احتاريت زينب شرد اگلها
حسيت هالمحنه اشـثگلها
واتوذر .. اتحسر .. اتنطر
المــوت
__
تمت والحمد لله
حيدر تركي الكربلائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.15K views11:18

خدر الفواطم لنشر القصائد الحسينية

صوت ٠٢٩.m4a

2 MB

1.61K views11:19

خدر الفواطم لنشر القصائد الحسينية

ميمر
لا تبتعد للزهره رد
أم الحسن بيها اعتقد
معروفه مترد معتاز او متخيّب اليگصدها
___

يامن عصيت او تيهت درب الله
واذنوب عندك تمنعك توصلّه
واتگول آنه الما ركع لا صلّه

امنين الدرب
واشلون اطب
وانه امتلك اسود گلب
او شيطاني الكل البوب ياصاحبي اموصدها
___

لو رايد اتدوّر صدگ عل توبه
واتدوّر الله او ما تعرف ادروبه
وكل الذنوب ابدفترك مشطوبه

اسمع الي
قُل ياعلي
طخ راسك او لا تعتلي
واسلك طريق الزهراء وابدمعتك مهّدها
___

من غير فاطم لا تدوّر مسلك
هيه التعدلك . ترفعك . واتوصلك
البيها ايتمسك للأبد ما يهلك

صَفْ نيتك
هِلْ دمعتك
اخلص او قدّم خدمتك
گللها راجع ندمان . ثق دمعتك متردها

___

گللها جايبلچ دمع من روحي
الليله ابچّي الما بچو من نوحي
الليله اداوي بالدموع اجروحي

واملي الجفن
حسره او حزن
يعگوب اتعبه من أون
يل طايحه ابير اهموم او لا قافله التنجدها
___

گللها جيتچ شارد امن اذنوبي
امن الساعه ما امشي بعد مگلوبي
انوب المعاصي واللهو مو ثوبي

دربي الشجن
مالي وطن
بس مجلسچ يم الحسن
اوهاي الخدامه للموت امعاهدچ ما هدها
___

شدّيت روحي چن علگ بالمنبر
خاطر المجلس عنّه ما أتأخّر
ارد ابچي لمصابچ دمع دم احمر

وعله الضلع
اهمل دمع
حد ما دليلچ يقتنع
چا روحي ابلايه ارضاچ مولاتي اشضل عدها
___

يم المكارم والشرف والعفه
امن الدفه هاذي دنيتي للدفه
ابچفه كلها والعزاء ابچفه

تسوه الارض
طول ابعرض
تسوه النظر تسوه النبض
ياگعدتي اويه الخدام وارويحتچ اسعدها
___

جيت اعله بابچ فاطمه واتوسل
رايد ايديچ ابدنيتي تتكفل
خليني بس درب المجالس اندل

يل زهره اود
اصبح عبد
والغيرچ ايدي ما امد
يامن ادي متروسات ابخيرچ گبل مامدها

___

عفت آنه ربعي وشلتي وكل صاحب
وجيتچ كسير وكل طلب ما طالب
يامن ابخيرچ ماچل آنه او شارب

افضالج غدن
ما ينحصن
يا كوثر او جنة عدن
ويّاچ اضل حي او ميت بس هاي انه الرايدها

___

ابو فاطمة الطائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

❤1

1.82K views12:21

خدر الفواطم لنشر القصائد الحسينية

((أدفن منو))





ما أدري جاي ادفن منو شو چني أدفن روحي
آنه علي يا فاطمه وشلون أخيط جروحي

يافاطمه ....

***

بكل ذرةّ اتراب التمر بخدودچ آنه أتعذب
ضلع وبسامير الهجر يافاطمه گمت انحب
مو ثوبي بس يمّ الحسن كليّ عليچ مترب
هجرچ تولاني چَويّ عمري بغيابچ يصعب

عمري شحاله
دمع وساله
من يبچيله
من ينعاله

ياهو اليْسَكت دمعتي ياهوّ اليصبر نوحي
آنه علي يا فاطمه وشلون أخيط جروحي

يافاطمه ....

*

من خَلصت من الدفن وإيدي على خاصرتي
كون آنه مدفون بلحد يافاطمه ومو انتي
ياكلمةّ الله البل عرش يمّ زينب وسالفتي
عفتيني يالزهره دمع روحي مشت من رحتي

رحتي بسكته
وعمري ادفنته
فاطم گلبي
يمچ عفته

بيدچ گمت ألزم وأون يافاطمه لتروحي
آنه علي يا فاطمه وشلون أخيط جروحي

يافاطمه ....

***

بالعَدله گمت أعثر بچي وتوسل برجليه
خَلَنيّ أرد يم الحسن وحسين والعلويه
خاف أعثر أگبال الزلم وتضحك الناس أعليه
بالگوه أتباوع گمت كل حيل ضل مابيه

حيلي أتهدم
گلبي أتألم
خنگةّ روحي
گوه من أشتم

وي حيلي بيتي المنهدم وصارن شتات صروحي
آنه علي يا فاطمه وشلون أخيط جروحي

يافاطمه ....

***

يَمْ بابي من آنه أوصلت تاخذني حيره وروعه
أسمع بواچي من ورى باب الثچيله أجذوعه
لن زينب ويمها الحسن وحسين طش دموعه
زينب زغيره وشَيبت چيف أشكثر موجوعه

امچ راحت
امچ ماتت
غربه ودمعه
سنيني التاهت

آنه النهر بس ياوسف يَبْستّ هذيچ أسفوحي
آنه علي يا فاطمه وشلون أخيط جروحي

**

باچر دمع يابو الدمع باجر يزينب حيره
چبد الحسن من ينثلم يابلوه من تصويره
خيل وعلى حسينچ تمر ياجرحچ بتعبيره
وعالهزله مچتوفه بحبل يبنيتي صرتي إيسيره

عله بعله
صعبه الهزله
وبيد الحادي
ويجر حبله

أتعنه يمچ بالأسر وأتعنه يم مذبوحي
آنه علي يا فاطمه وشلون أخيط جروحي






عبد زينب
محمد الابراهيمي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.15K views21:01

خدر الفواطم لنشر القصائد الحسينية

خيبر ثجيله اعله الزلم وبچفي شايلها
وهسه بنعشها ام الحسن ما اگدر احملها
يصعب فگدها هواي
شيل النعش ويّاي
يا أبا ذر .. يا ابا ذر
...
آني يبو ذر حيدره الما رجف گلبي بميدان
لو جاع سيفي بمعركه ياكل بروس الفرسان
ترجف اچفوفي اعله النعش ما چني داحي البيبان
هَدِمَت حيلي فاطمه وما بيه اشيل الجثمان

كلشي احس بيه نحل حته الهوه بريتي
گابلني خل اشبع بچي راح ادفن ام بيتي
بيه گصت دنياي
شيل النعش وياي
يا ابا ذر .. يا اباذر
...
تذكر يبو ذر فاطمه عشرتها جانت عشره
من طيبها حته النمل أمّن ابيت الزهره
يا ذنب عدها فاطمه تنعصر ذيچ العصره
أحاه يا كسر الضلع بضلوعي اهيس كسره

تغفه بنيني وآنه اجي عالزهره اتطمن
ولا مره نامت فاطمه عالجانب الايمن
ميت ضوه عيناي
شيل النعش وياي
..
چانت يبو ذر فاطمه مثل الشمس تضوي الدار
ايحرگون بابي بيا زمن وثيابها تشب بالنار
البسمار من صاب الصدر اتعده لظهرها البسمار
مثل الخيال ام الحسن صارت بعد هذا الصار

مره بده وكت الفرض ومن رادت تصلي
الزملي ظهري يا علي بچفوفك تگلي
ماكو دوه لهالداي
شيل النعش وياي
..
راحت يبو ذر فاطمه هالليله اودع اضواها
لازم گبل خيط الفجر اتوادع انه وياها
والگه محمد بالگبر من چفي يتلگاها
اسود متنها من الضرب وسطرة عدو بعيناها

بس ليله وحده وتنتهي عشرة المرضيه
باچر يبو ذر فاطمه بالبيت ماهيه
بعيوني ما ظل ماي
شيل النعش وياي
...
من ادفن بچفي الدوه اجروحي البُعد يلچمها
وللبيت ارجع وحّدي وبالباب اشوفن دمها
طبع البنيه التنهظم تگعد تسولف لمها
وزينب ابنيتي مدللـه ليش الدهر يتمها

راحت تظل مكدره لآخر نفس بيها
تفگد اهلها بكربله والشمر يسبيها
شوف شكثر بلواي
شيل النعش وياي
....
خادم الحسين ( عليه السلام)
كرار حسين الكربلائي
( ابو كميل)

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

❤1

2.36K views03:35

خدر الفواطم لنشر القصائد الحسينية

((قال سليم))


قـــال سـلـيـمٌ قــلـتُ يـــا سـلـمـانُ
هــل دخـلـوا ولــم يــكُ اسـتـئذانُ
فَــــقَـــالَ إِي و عِــــــزَةِ الــجــبــارِ
ومـــا عــلـى الــزهـراءِ مــن خـمـارِ
لـــكـــنـــهــا لاذتْ وراءَ الـــــبــــابِ
رعــــايـــةً لــلــسـتـرِ والــحــجــابِ

ستر الله اندفع بابه
وهيه تصيح يـا يابه
ونار البـــــاب لهابه .. اويلاه

يـــاسلمان دحـچيلي
يالتدري انمرد حيلي
على الزهراء يــاويلي .. اويلاه

اجــــوها
وروعوها .. وبيــدهم نار
سبــــوها
ونبتـــــو .. بالضلع بسمار

على الزهراء ياويلي ...
""""""""""""""""""""""""""""""""""'''''''''''

فــمُـذ رَأَوهـــا عـصـروهـا عـصـره
كــادت بـنـفسي أن تـموتَ حـسره
نـــــادت أيــــا فــضــةُ أسـنـديـنـي
فــقــد وربـــي أسـقَـطُـوا جَـنِـيـنِي
فَـأسـقَطَت بـنـتُ الـهـدى وا حـزنَا
جَـنِـيـنَها ذاكَ الـمـسـمَى مُـحْـسِـنا

محسن طاح بالخنگه
شلون تشيله محترگه
ياويلي العده اتسحگه .. اويلاه

عتبت بيتـــها مجـمره
وهيه بروحها الـعصره
ضلوع الزهره متكسره .. اويلاه

دفـــعــها
وعصرها .. وكَسر ضلوع
سطــرها
وتــــركها .. اتلـوج وتلوع

على الزهراء ياويلي ...
""""""""""""""""""""""""""""""""""'''''''''''

ولــلــســيــاطِ رَنَـــــــةٌ صَــــدَاهَـــا
فِــي مَـسْـمَعِ الـدَهْرِ فَـمَا أَشْـجَاهَا
والأَثَـــرُ الـبَـاقِـي كَـمِـثْـلِ الـدُمْـلُـجِ
فـي عَـضُدِ الـزَهْرَاءِ أَقْـوَى الحُجَجِ
ومــن سَــوَادِ مَـتـنِهَا اسْـودَ الـفضا
يـــا سـاعـدَ اللهُ الإمــامَ الـمـرتضى

عايش والنفـــس گوه
ليــــل الله يمـــر بلوه
ساكت بس عرف هوه .. اويلاه

ساكت والدمع عشره
گوه امفارگ الــزهره
دفنها وندفـــن عمره .. اويلاه

هضيمه
وضليمه .. ساكن البيت
يفاطــم
ينــــادي .. يگول حنيت

على الزهراء ياويلي ...
""""""""""""""""""""""""""""""""""'''''''''''

ولَـــسْــتُ أَدْرِي خَــبَــرَ الـمِـسْـمَـارِ
سَــــلْ صَــدْرَهَـا خِــزَانَـةَ الأسْـــرارَ
والـــبـــابُ والـــجِـــدَارُ والـــدِمَــاءُ
شُــهُــودُ صِـــدْقٍ مَـــا بِــهَـا خَــفَـاءُ
لَـكِـنَ كَـسْـرَ الـضِـلْعِ لَـيْـسَ يَـنْجَبِرْ
إلا بِــصِـمْـصَـامِ عَـــزِيــزٍ مُــقْــتَـدِرْ

باچر يذبح الجاني
باچر يحرگ الثاني
باب الزهره ومتاني .. اويلاه

باچـــر يفضـح الــزمره
الهجمو ويلي عـالزهره
المهدي وانگضه صبره .. اويلاه

يهـــاشم
يــــوادم .. سطرو العين
يشيـــعه
وحسافه .. ذبحو حسين

على الزهراء ياويلي ...

الشعر الفصيح
السيد محمد مهدي القزويني
عبد زينب
محمد الابراهيمي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

👍1

2.85K views04:10

خدر الفواطم لنشر القصائد الحسينية

Audio

2.14K views04:10

خدر الفواطم لنشر القصائد الحسينية

اتجاوز الحد وسطرهه بعينهه
وشاهِد البسمار بينه وبينهه
☆☆☆☆
تعنه هوه وزمرته شايل حطب
گلبه شايل غيض وأحقاد وغضب
هالزنيم الماله اصول ولا نسب
خله ام حسين عالي ونينهه
☆☆☆☆☆
النار شبّاها وحرگ بيت الرسول
الناس گالو (إنّ في الدارِ البتول)
جاوب بچلمة وإن وابده يگول
ورعب زينب والحسن وحسينهه
☆☆☆☆
غيره ما عنده وسطر خد فاطمه
وفوگ خدهه ياوسف اجره الدمه
اغضب الباري وملائكة السمه
وماعرف سر فاطمه وتكوينهه
☆☆☆☆
رفس باب الدار وانصاب الضلع
البالحرب صوته ابد ما ينسمع
والخيانه چانت بروحه طبع
وين تاريخه ابدر وحنينهه
☆☆☆☆
يتمّ حسين بعملته والحسن
خله حسره بروحهم طول الزمن
سنين فاطم من وكت شو گوّضن
شكثر حنّو للوفه بچفينهه
☆☆☆☆
فرّقو بين الخليل ومهجته
وسفه ابو الحسنين عاشر دمعته
راحت اويه الزهره ذيچه عشرته
الله يحرگ باللظه جبتينهه
☆☆☆☆
ثار عدنه وننتظر يوم الظهور
بيد ابو صالح نخليهه الامور
يحاكم اهل الفاينه واهل الفجور
بسم فاطم محكمه مسمينهه
☆☆☆☆

حيدر بشار الدراجي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.76K views10:12

خدر الفواطم لنشر القصائد الحسينية

((رجع فاطمه))


شلــــنه أدينه وندعينه
وندعت حتى السمه
صحنه ربي بس بچينه
ربي رجـــــع فاطمه

حسين مانشفت دمعته
بـگـلبه مابـردت جمرته .. شلنه ادينه

"""""""""""""""""""""""

يـا رئــوف .. أرئـــف بــحـال اليـتامه
يـا عطوف .. رجـــع امــــي بالسلامه
يــا كلـــيم .. خــل تصـيحلنه بأسمنه
ربي شوف .. مّكسره ضلوع الحمامه

وكَسرو جنح الحمامه الچانت تفيي علينه
والمدامع جرحتنه ماي وتبده مندينه
تكبر الصفنه بخلگنه العبره خنگتنه وبچينه
تعثر الدمعه بجفنه واحنه سكته من بچينه

كلشي يبچي واحنه نبچي
حــتى حايطنه انحنه
بـــــالمغيســـــــل طببوها
وصارت اللحضه بسنه

وحيدر انسمعه بحسرته
بـگلبه مابــردت جـمرته .. شلنه ادينه

"""""""""""""""""""""""

امــي ويـن .. تعـلگت بلــساني چلمه
امــي عين .. والــتــروح أمــه شيلمه
شو بطيت .. بـــويه هلبت تگعد امي
يـالحسـين .. طب عليها وشمها شمه

بلكت من تشمها تگعد والضلع من عدها طايب
بلكت تگلك رجعنه لا تفكرون بخرايب
خويه شوف عيون اخيتك ذبلت ودلالي ذايب
گمت احسنها قريبه طفوفك ونار وترايب

ياهضيمتنه اعــله أمنه
بلوه ياشر البـله
گبل لاتمشي حچتلي
عنك وعن كربله

عــاري ويـظل بغربته
بگلبه مابردت جمرته .. شلنه ادينه

"""""""""""""""""""""""

گلبي طـاح .. وحيـدرى نسمع نحــيبه
بــــويه راح .. گــــلبـك ورايــح حـبيبه
بويه ليــش .. نسمعك تصيح المصيبه
شنهو صـار .. وگـــلبك نــحـس بلهيبه

شو صريخك عالي بويه مرت ايدك يم ضلعها
شو تون يابويه حيدر ميته وتهل بدمعها
تصيح آه الغاضريه گلبي يابويه السمعها
مو مصاب الباب بويه اي مصابي الي فجعها

شلون بينه أمنه راحت
وحتى بشفاها الجرح
دم اشوفن من حچيها
كثـــــر ما گالت رمح

يمــسح الـدم بعبـرته
بگلبه مابردت جمرته .. شلنه ادينه

"""""""""""""""""""""""

آ يــليل .. يــخلص بلا أمي غربه
آ يـويل .. الفاگد أمه يموت گلـبه
يا أبوي .. لاتـسـد الـجـفن لحضه
يا أبوي .. أرد اشـمـن بـيها ضربه

عشت وي كل ضربه بيها چنت وياها من اجوها
چتفوك ورحت انته وهمه من بعدك ولوها
بويه من طگوها طگه عالتراب وطيحوها
وحتى من طاحت شفتها وفوگ كل هذا اشتموها

سوطه يجرح من ضربها
خدها شفته المنچوي
تحط اديها وهوه يضرب
اطيـــــــح بويه وتلتوي

حـيـدر النـار بشهگته
بگلبه مابردت جمرته .. شلنه ادينه

"""""""""""""""""""""""

لا تــروح .. ويــن بالــضـلمه بنعشها
بالجروح .. الــمگبره بجرحه فرشها
بـــويه لا .. بـــالــتراب شــلــون بيها
بـــويه لا .. حرگو الشجره ويه عشها

فرهدو بسمةّ ثغرنه والحمل يابويه مايل
اليوم كل الدنيا هيمه والضعن هاليله شايل
بذني چن اسمع عليله تگول اريدن بالمحامل
تصيح بويه حسين اخذني عمه زينب دمع سايل

وحنه نمشي وهيه تعثر
وبتعد عنها الضعن
كلشي رايح كلشي ميت
وقترب چبد الحسن

والنحر قربت ذبحـته
بگلبه مابردت جمرته .. شلنه ادينه

عبد زينب
محمد الابراهيمي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

👍1

2.91K views12:19

خدر الفواطم لنشر القصائد الحسينية

Audio

2.34K views12:19

خدر الفواطم لنشر القصائد الحسينية

"كوم خليها الرواية امنشرة"
:
:
كوم يا حيد الزلم وابن الاسود
وخلي ذوالفقار لمجاده يعود
يا كلف يل ماكو مثلك بالوجود
انهض ابراية علي او قيم الحدود
فاطمة لليوم خدها ما بَرَه
:
:
يا صلد يل كاسر اخشوم الزلم
مامش ابكل الخلك مثلك شهم
يلي طود الكفر بيدك ينهدم
كوم واطلب ثارها او شد العزم
"واصلب الجبتين من فوك اشجره "
:
:
يا شديد القوة ما حان الأمر
او تشفي للزهره جرحها والكسر
لسه جفها بي أثر ذاك الجمُر
ما بگه بالروح يالمهدي صبر
يمتى سيفك عالضهدها تشهره
:
:
كوم يا ثار السمه او ثار الضلع
يلي عينك تصب من دم الدمع
انهض او اكصد تُهامة بالجمع
او خلها كلها عالظلمها تِطِّلع
او هوّ يحجي ابعظمة السانه الجره
:
:
امك اتناطر يمهدي جيتك
تِظْهِر او تبني كبرها ابيمنتك
او تِهْدِم اكبور السقيفة رادتك
اِقْدِم او شنها عليهم حملتك
يا عظيم الشان يا ذو المقدرة
:
:
يا سليل المجد يربات الفحول
يلي عجزت تُوْصِفك كل العقول
ماكو غيرك ياخذ بثار البتول
حكم خلفة هند بيمينك يزول
يمتى ترجع يا سليل الطاهره
:
:
يمتى يالموعود ميقات الوعد
عالعهد وياك نبقى عالعهد
نصبر اشما طال يومك وِشْبعد
الامل يالمهدي وحقك ما برد
نبقى يومك يابوصالح ننطره
:
:
فاضل عباس الخزاعي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

👍1

2.5K views03:23

خدر الفواطم لنشر القصائد الحسينية

فاطمه اعيونج تگلي ناويه الليله الرحيل
ماحميتج سامحيني وانا حماي الدخيــل
ــــــــــــــــــــ ــــــــــــــــــــ
عندي جم احجايه اگلج والسوالف كلها ليج
مانسيت انتي الوديعه امن النبي وايدي بديج
بحجري باخر نفس يبجي اهواي وصاني عليج
وگتله خيمه اعله الزجيه انا من بعدك بديل
ــــــــــــــــــــ ــــــــــــــــــــ
يتماني الهادي مثلج هالتشوفينـي وحيــــــــد
الكوم صارت كلها ضدي وانتي صرتيلي عضيد
انتي والهادي اديّـــــــــــه وراح اظل ابلايه ايد
مدري انتي الكافلتني مدري بيّج انه الكفيل
ــــــــــــــــــــ ــــــــــــــــــــ
شلون اغمّض عين حمره شلون الفّج بالجفن
جم ضلع مكســـور منج گولي يمْيتمه الحسن
ايموت الف موته ابونينج علي وظل ابلا وطن
مثلج اگضي الليل كله اونين وادموعي تسيل
ــــــــــــــــــــ ــــــــــــــــــــ
جنت ادري الگوم تهجم عله الدار وتحتـــــرگ
وادري تنطگين لاجـــــن ماشفت جف اليطگ
هسه شفت العين والخد شفت المتون الزرگ
حيره يام بيتي شسوي وانظر الجسمج نحيل
ــــــــــــــــــــ ــــــــــــــــــــ
سكّتَت سيفي الوصيــــــــه وناري بيّه موجّره
كل جرح بيج بدليلي منج ارجــــــــو المعذره
شلون اردّنها الوديعه والضلوع امكســـــــــــره
وصلي للمختار عذري وعفته گليله عليــل
ــــــــــــــــــــ ــــــــــــــــــــ


علي محسن الزيادي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.32K views05:12

خدر الفواطم لنشر القصائد الحسينية

ياموت ليش من الصبه اتيتمنه
ماخذت روحي الا تاخذ امنه
اثمنطعش بس ذبحو  احلامج
تيتمنه وحنه بعازت ايامج
ــــــــــــــــــــــــــــــــــــــ
المكسور خاطر من زغر خانكته دوم العبره
وشلون اليفاركله ام  و ازغير باول عمره
محني يظل طول العمر وازغر احجايه اتكسره
ياناس انه امفاركلي ام ويا ام ياناس الزهره

طاريه لو مر ينكسر خاطرنه
ويابيت بعدج يمه راح ايلمنه
تمنيت اموتن يمه كدامج  
تيتمنه وحنه بعازت ايامج
ــــــــــــــــــــــــــــــــــــــ
ياليل الفراك اليمر يصعب عليه ا شطوله
كل هذا ماصدك ابد امي  مشت معقوله
التفكدني جانت كل مسه هسه ابنعش مشيوله
وجدامي ماشالني ابد يايمه احس مشلوله 

للمكبره رجليه ماعانني
معقوله امي اتروح وتزعلني 
متعيني يمه مكسره عظامج   
تيتمنه وحنه بعازت ايامج
ــــــــــــــــــــــــــــــــــــــ
الموت مايرحم يجي ياخذ الروحك بيهم
ويلجمك ابلب الكلب ويخنكك ابطاريهم
تخلص ايامك بس تحن وامنيتك اتحاجيهم
بالمكبره سكنو بعد بالبيت ماتلكيهم

يمه على بختج فدوه بس حاجيني
فراكج يايمه بكل وكت ماذيني
حتى الملائك تون خدامج 
تيتمنه وحنه ابعازت ايامج
ــــــــــــــــــــــــــــــــــــــ
معقوله يوم اباكمله ماشوف بيه اجفونج
وشلوون اعيش ابدنيتي يايمه انه ابدونج
وخواني كل صبح او مسه يفكدوج مايلكونج
نكسر الخاطر من بعد يايمه ذيج عيونج

احنه النصبر الوادم ايصبرونه
وحسين نزلت دمعته من عيونه
وزينب تون يايمه كدامج 
اتيتمنه وحنه ابعازت ايامج
ــــــــــــــــــــــــــــــــــــــ
وردة حياتي وسافرت  يبست جميع اغصاني
ولينشد عليه يجي بالمكبره يلكاني
هوه التموت امه بعد بالدنيه جا شمتاني
تنساني كل هاي الخلك بس امي ماتنساني

نار البعد يم الحسن تجويني
الشامت شسوي لمن يلاكيني
جويات اشوفا يمه بجدامج
  تيتمنه وحنه بعازت ايامج


حسين الزيدي


خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

👍1

2.19K views04:09

HTML Embed Code:
<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>