خدر الفواطم لنشر القصائد الحسينية

يالتناشِد عالعقيله اشلونها
اتغيَّر ابطف النوايب لونها

عن وضعهه اتخيَّل ابعين العَقِل
من عگب وليانهه الخلصو چتل
ادموعها اعله حسين والكافل تِهل
وخُوَت من كثر البواچي اعيونها

اشتحسب امن اجروح زينب واشتِعِد
بعدما بالطف گضت أهل المجد
للسبي وذيچ المخاطر تستعد
او وسفه بنت المرتضى يسبونها

آه من درب السبي وضيم اليسر
ابگلب زين اعبادها يسعر جمر
ايشوف عمته اخلاف عباس البدر
تالي ضل يحدي الشمر بضعونها

چلمة البويه وهَله ويَمدَلِّله
هاي كلهه غابت ابطف كربله
ضلَّت ابكيف الشماته العايله
والحچايه التذبح ايسَمعُونها

اتلاثه واثمانين لوعه امن الضِّمَه
والشفاه الصارت ابلون السِّمه
چم مصيبه العَذِّبَت بِت فاطمه
اشصار بيهه الباري كان ابعونها

يكسر الخاطر ضعن بيت الإبَه
ابگاع صَحره والوجوه امترِّبَه
روس اهلهه اعله الرماح امخضِّبه
والشماته عَمداً ايهزُّونها

ابكربله وبالكوفه والشام الجره
خَلَّه نيران الگلوب اموجَّره
نبقى نبچي وننحب البت حيدره
والخَدَم كل مآتم ايواسونها

سيد علي الموسوي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.6K views07:40

خدر الفواطم لنشر القصائد الحسينية

0:49

2.4K views07:40

خدر الفواطم لنشر القصائد الحسينية

#أبوذية

مولاتي العقيلة روحي فداها

يفز گلبي بتوالي الليل .. ويريد
هلي .. وابيش اسكته انوب .. ويرد
هَيج ويرجع العباس .. ويرد
وحريج السبي يطفه الواج بيه

#اللهم_عجل_لوليك_الفرج

2.3K views10:03

خدر الفواطم لنشر القصائد الحسينية

البدايه بحرگ الاخيام
نهاية قصّتي الشام
علي ابچو يخدّام
لقد حانت وفاتي
ــــــــــــــــــــــــــــــــــــــ
دارت الليالي وكلشي مابقالي
والبالاعيون يسكنون غفو بالـمگبره

واحد ابحوافر وصله وصله صاير
واعله الارماح قصص راح يسولف منحره

وواحد ابغيابه راحت المهابه
صابه عامود والازنود هوت عالگنطره

وأنه المابين هامه ونحر يجري
عله التل خلصت ثلثين عمري
وحگ حيدر طلع من شيلتي الشيب
واخيرا راح انام ابوسط گبري

اريد اشويه ارتاح
من احچاية الراح
السوط ايورم الاصفاح
وأثر خله بعباتي
ــــــــــــــــــــــــــــــــــــــ
عمري بس مناحه ماكو استراحه
وآنه ماوين درت عين طلع سوط الشمر

ابنيت الـزچيه وانوخذ سبيه
والله مأسات حرامات اطبن للقصر

بار الـمحمد بالجنازه اصعد
من ألاگيه اراويه الامتون الحمر

وعلي التابوت من ايفگه بيده
ثلث شغلات يلگاهن اكيده
العبايه البيهه دم والشيب والسوط
ويصيح احاه زينب ياوحيده

صار العمر خمسين
وبعدني ابچي عله احسين
المناحه ودمعة العين
مثل صومي وصلاتي
ــــــــــــــــــــــــــــــــــــــ
من عرش وقاري امشي بالصحاري
واليشمتون يحطون عله اجروحي الملح

زينب اسمي هيبه وأصبحت غريبه
اجناحي مكسور والاطيور تموت إبلا جنح

بالخرابه اغفه گطره گطره اطفه
عمري انباگ والافراگ ظلام بلا صبح

والاجروح الـيلچمني چبيرات
واتلاگن قديمات وجديدات
اهل الشام اجو يمنه يهـوسون
خوات احسين جبناهن سبيات

صفينه ابطبت السوگ
نتلّبد وره الـنوك
كلشي بعيني محروگ
حته ذكرياتي
ــــــــــــــــــــــــــــــــــــــ
عمة الهواشم واشبعت شتايم
ماكو فزاع يجي بساع يردني للوطن

ارد اشوفن اهلي يازماني گلي
اشمالك وياي تره اهواي شفت منك محن

عالرماح اخوتي ياعيوني موتي
والحچي صار للاحجار واديه ورمن

واگول ايهون حزني ودمعة العين
رقيه أتموت خل تموت مرتين
بس الـمشكله بالشايل الروس
بس ايميل يوگع راس الاحسين

ثكيله طيحة الراس
والاثگل نظرة الناس
عگب اعيون عباس
ولاثمره بحياتي
ـــــــــــــــــــــــــــــــــــــ
آخر الاريده واختم القصيده
كون عباس عله الراس يحط اجنازتي

آنه زينب أخته وبعيوني شلته
چنت اباريه واسميه كفيلي وهيبتي

شو مشه وجفاني وما سمع حناني
قادر ايگوم يجي اليوم ينشف دمعتي

علي الرد الشمس گبل النهايه
ومو صعبه عله العباس هايه
يحظر دفنتي وبدموعه عباس
وداعًا يختي يكتب عالعباية

أنه الماعندي خوان
وصرت من غير دفان
بعيده عن الاوطان
هذن هنه صفاتي

الشاعر محمد الجماسي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K viewsedited  12:41

خدر الفواطم لنشر القصائد الحسينية

ضهورهم موش العمايم مايله
غير هاي الليله زينب شايله
ــــــــــــــــــــــــــــــــــــــ
ادلالهم مچفيه من البارحه
موش هينه ام عون منهم رايحه
نسمع ابكل بيت هاشم نايحه

دموعهم فوگ الشوارب سايله
غير هاي الليه زينب شايله
ــــــــــــــــــــــــــــــــــــــ
لبسو اسود والجفافي امشمره
والخواچي اعله المتون امكوره
والعگل لم عون كلها امكدره

وبالخواصر حيل اديهم عايله
غير هاي الليله زينب شايله
ــــــــــــــــــــــــــــــــــــــ
الناس تنشد والذهان مسودنه
ليش هاشم لحـاياهــا امطينه
هاي اختمن والزلام امصرفنه

وليش محد يحچي من اتسايله
غير هاي الليله زينب شايله
ــــــــــــــــــــــــــــــــــــــ
اليوم هاشم مالهم للحي خلگ
اليوم عدهم صار چن يوم الطبگ
بل أخير اخيولها الما تنسبگ

درو نعش ام اعون محد شايله
غير هاي الليله زينب شايله
ــــــــــــــــــــــــــــــــــــــ
اليوم زينب ضاله ابنص الغرب
وهاشم اعليهم صبح گطعه الدرب
ودو الطارش يبلغ بالحرب

وبعد كلمن بيهم ايرد عايله
غير هاي الليله زينب شايله


علي ميران

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.7K views09:16

خدر الفواطم لنشر القصائد الحسينية

#ابوذيات
لمصيبة سيدتي زينب عليها السلام

هلي ما خبر عن حالي ... وصلهم؟
جفوني ابكربلا او گطعو ... وصلهم
ريت الحيل الي يرجع ... واصلهم
واگلهم عل جره والصار بيه ....

صرت ما فرزن ايميني ... ويسراي
كِتلني الي جره بالطف ... ويُسراي
منو العباس يتعنه ........ ويسراي
او يگله الليله خل يلحگ عليه ...

التصد اچفوف ابو السجاد ... يومين
زين اتضل تشم الهوى ........ يومين
زينب ماتت امن السبي ...... يو. من
ضربها الشمر يم راعي الحميه ...

ارى عباس بطيوفي ... وارى ماي
نشدته . الدوه هم ينفع .. وراماي
يخويه اليمشي مو ينذب .. وراه ماي
الشام احجار شو ترمي عليه ....

الدنيه او لا جرح يدّي .... شِفت بي
متت والناس تتبسم ..... شفت بي
الشام الشام بس لوعه .... شفت بي
انا اجنازه او يسموني السبيه ....

ابو فاطمة الطائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

3.2K views10:18

خدر الفواطم لنشر القصائد الحسينية

أللهُمَّ صَلِّ وَسَلِّم عَلى مُحَمَّد...وَآلِ مُحَمَّد

في النِّصفِ مِن شعبان ذا مِيلادُ عَدلِ الله
مّهديُ آلِ المصطفى سُبحانَ مَن سَوَّاه

( نورُ الله ) مهدينه ...وعِشَّاگه اتسمِّينه
عيد اصبح ميلاده...وهل اهلاله اعلينه

للخلگ يومه...بانت اعلومه
والگلب بِسمه...تنجلي اهمومه
الليله نحييهه...ونجتمع بيهه
ليلة الفرحة...حَگ نِسمِّيهه
اللهم صل وسلم على محمد...وال محمد

أزكى الصلاةِ على النَّبِيِّ وَآلِهِ نُهدي
لِلعَسكَرِيِّ وَنَرجِسٍ في مَولِدِ المَهدي

وانبارك للزهره...ابميلاد الننتظره
والينه وأحبابه...مسروره ومبتشره

حگهه دنيانه...تفرح اويانه
هذا ابوصالح...نوره ضَوَّانه
للحفل جينه...وكلنه نادينه
هله يالغالي...هله مهدينه

اللهمَّ صَلِّ وَسَلِّم على مُحَمَّد....والِ مُحَمَّد

نَدعُو الإلهَ بِحُرمَةِ الأقمارِ من هاشِم
يارَبَّنا عَجِّل لنا في طَلعَةِ القائِم

بالطافه وابنوره...يمليهه المعموره
أنصاره وخِدَّامَه...تِترَقَّب لِضهوره

أمره كل ليله...ردنه تعجيله
كل عَزَه ومَحفَل...نبقى ندعيله
لَمَّه يلفينه...ابنوره مهدينه
تغمر الفرحه...كل ليالينه

اللهمَّ صَلِّ وَسَلِّم على مُحَمَّد...والِ مُحَمَّد

سيد علي الموسوي

2.8K views09:14

خدر الفواطم لنشر القصائد الحسينية

1:17

2.5K views09:14

خدر الفواطم لنشر القصائد الحسينية

وداعْ.. آخر مسه اوياكم
وداع.. بالجنّة أَلگاكم

براسي دمه اِو طبره
وْعيني علهْ الفقره
____
آخر ليل ..و آخر بويه احْچيهَا
ملك الْموتْ .. اْمتاني الْروح اَنطيهَا

للحاجب الطبره تره .. وصلت بعد ما منها
ترجعلي عافيتي و ارد ..يا بويه مَا شوفنها
قالع لي باب اِبخنصري .. هسه ايدي مَا شيلنها

عجيب .. انه الشلع خيبر
عجيب .. لشيل ايدي ما اگدر

دمعي .. حزن يقرة
وعيني .. عله الفقرة
___
لاحظتوه .. اصفر صاير لوني
چان السيف .. مسموم وطبروني

باچر مثل هيچي وكت .. بمچاني بس شمعتكم
شموني حبّوني ابشبگ .. ريحة علي امودعتكم
باچر تفطرون ابّچي .. وينفك سجن دمعتكم

غياب .. والدمعة سبّاگه
غياب .. يم الله نتلاگه

يمنه .. تجي الزهرة
وعيني .. عله الفقرة
____
شهگة موت .. بالليل اتانيني
واسمع صوت .. يم اذني ايحاچيني

والنبرة سامعها اشكثر .. كلش اعرف النبرة
يله تعال النه علي .. اتصيحلي جاي الزهرة
عافيتك اترد من تجي .. وبيدي تموت الطبرة

تعال .. وچفوفي بچفوفك
تعال .. خل محسن ايشوفك

ابني .. عطش نظرة
وعيني .. عله الفقرة
_
يمي احسين .. خل يگعد صيحولي
بس ماريد .. بالماي اتنگطولي

هذا ابني رايح ينذبح .. والدم لفوگ ايذبه
ابني يذبحونه عدل .. والسانه مثل الخشبه
وابنه الزغير الينفظم .. من نحرة يبقة يحبه

رضيع .. واتخيلوا الصورة
رضيع .. والرگبه منحورة

سهمه .. فصل نحرة
وعيني .. عله الفقرة
____
زينب وين .. لا تنحب سكتوها
نص الليل .. يم راسي اتگعدوها

بالذر شفت مشهد سبي .. وايد ابحبل مچتوفة
يابوية ضميلچ دمع .. باچر وراچ الكوفة
واعيونچ اتدور گلب .. حدر الثگال اتشوفة

حسين .. يمچ يذبحونه
حسين .. ميت يسحگونه

وصدره .. حدر ظهرة
وعيني .. عله الفقرة
___
علي هادي الخزعلي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.2K views09:41

خدر الفواطم لنشر القصائد الحسينية

#نعي

خل ينسمع صوت النوايح
اليله علي بمحرابه طايح
من السمه جم صوت صايح
يابو اليتامه وين رايح

هاليله ضهر حسين مكسور
ولازم صفاحه وعالولي يدور
نريدك تضل للبيت ياسور
والنه محنتك مو للكبور

بويه الدوه لو ينشره بعين
عباس ينطي عيونه الثنين
لو غربت ياحيل الحسين
هاي المحنه نجيبهه منين

مغورجه العين وتذرف دموم
وملجوم يتچه اعلى ملچوم
واحد يگل للثاني مالوم
مطبور ابونه بسيف مسموم

من الخوف بويه ذابله ام عون
تعاين عليك وتصرخ شلون
ياهل المحنه لا تموتون
بس ضلو يمنه واخذو العيون

فراك الحنين يلوع الروح
ويخلي بيهه جروح وجروح
بويه علي ياحيف مطروح
ومخلي كلشي ابيتنه ينوح

ياهل المحنه جاينه العيد
والروح هاي تريد وتريد
وانته علينه ياعلي بعيد
فركاك كوه موش بالأيد

ياسامعيني صيحو وياي
زينب تريدك ياعلي فياي
ولمن يمر وكت العطش ماي
وتچايه لو ضكتني دنياي


مصطفى حرب
يقرأ بثواب والدي
المرحوم حرب جبار

2.1K views11:42

خدر الفواطم لنشر القصائد الحسينية

ياعلي
(موشح)

يـجـري دمـه وهـامـتـه امعَصبينهه
زيـنـب ألـلـيـلـه الدمـوع ابـعـيـنـهـه

*------------------------*------------------*

زيـنـب ألـلـيـلـه تـشـاهـد حـيـدره
مـنـظــر الـهـامـه گـلـبـهـه كـسّــره
يـامـره الحـملـت حـزنـهـه يـامـره

حآيرّه اتضـل الـعـمـر وسـنيـنـهـه

*-------------------------*------------------*

انصبغت ابدمه الصميده شـيبـتـه
الَـعِـيّـن ابـسـيــف فـالـق هـامـتـه
امصعب الـكـرار ابـوهـه شـافـتـه

امدوهنه وتسأل حسن وحسنهه

*------------------------*------------------*

ابـشهـرِ الـصيـام ولفتهه الـنـايـبـه
ينطبر راس الـوصـي مـاحـاسـبّـه
جـرحـه ما ضنن طبيب ايـطـيّـبـه

لـلبـواچـي اتـريـد نـاس اتـعِـينـهـه

*----------------------*-----------------------*

الـعـقـيـله امصابهه ايبچي الـسـمـه
مـايـفـيــده إدواه حـمـاي الــحـمــه
شـافـتـه وذكـرت مصيبـة فـاطـمـه

حــارت أبـيـن الـوصـي وابـيـنـهـه

*---------------------*-------------------*

بـاچـر ابـنـوح الصـميـده اتـودّعَـه
وبـاچـر ابواب الـدمـوع امـشـرّعَـه
لـلـمـمـات اتعيش هـاي الـفـاجـعـه

أشتنّسّي وشيبَت علـي امخضبينه

*-----------------------*-------------------*

المصايـب بـس علـيـهـه امـسـجَـلـه
بـعـد هـيـهـات الـفـرح تـسـتـقـبلـه
تـسـتـمـر بـجـروحـهـه الحد كربـله

چـن اشاهدهه العده امـسلبـيـنـهـه

*--------------------------*------------------*

خادم امير المؤمنين روحي فداه
✍الشاعر رعد الجريخي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.1K views16:08

خدر الفواطم لنشر القصائد الحسينية

حاجيهم - خل ولدك يعـيشون
لا تسكت - يابويه ويـــمــوتون
لا تــمشي وتـيـتـمهم
ماطايــب جرح أمهـم
ــــــــــــــــــــــــــــــــــــــ
خلـيلي جفــنك منفتح - لا تـسد عــين وتمشي
هيه الحـــياة بلا علي - ماتــسوه كلشي وكلشي
يــتغــير ويصبح عدم - والدمـــعه تاكل رمشي
من ياخــــذونك بالنعش - هم أنه أروح بنعـــشي

وعيونك – كلبي ينترس شيب
وبدونك - تصير الدنيا تعذيب
ضل ياحيدره يمهم
مـــاطايب جرح أمهم
ــــــــــــــــــــــــــــــــــــــ
ياعلي الخاطر زيـنبك - أرجع مثــــل يوميه
من تكـعد بنص عيلتك - وتســـــــولف أبحنيه
التكـول بالطبره السبب - والـــمشكله مو بيه
أنته بطبرتك تـنقـبل - لا ترحـــل بلا جيه

من ترحل - ضحكة زينب تــروح
ماتــــنحل - عشرة كلبي والنوح
غيرك ياعلي شعدهم
ماطايــــب جرح أمهم
ــــــــــــــــــــــــــــــــــــــ
أبحلوك يــبويه أدللت - ما أريد أضوكـن مرك
مايــبقه شي ماينخسر - عـد زينب من تخسرك
أبنضراتك أشعر للحسن - تـكله البقـــيه بعمرك
ماأريد أشـــتم الهوه - وأنته تـــــنام بكبرك

مو أنته - تعـوف الحـبك يحير
سالفــته - وي أغـصانك الطير
بفكــدك ينسمع ونهم
مــــــاطايب جرح أمهم
ــــــــــــــــــــــــــــــــــــــ
ياشــد حــيل الــمبتـلي - يابا الحسن شد حيلك
بالبيــت كلــشي ياعلي - يناديك ضـل أدخيلك
مابــيك تكعــــد لا تهم - بس أكعـد أنتجيلك
وجفوف يم ضهرك نذب - وبكلوبـــــنه أنهفيلك

ضل ألنه - من تهاجر نضيع
والـــدنه - بينه غـيابك يبيع
عيالك ماكبر سنهم
مـــاطايب جرح أمهم
ــــــــــــــــــــــــــــــــــــــ
ماتكدر أتجر النفس - ياعمت عيني شبيدي
وجهك أتغـير ياعلي - وبـردت جـــفوفك بيدي
مابيك طاقه عالحجي - جا صيح بس أوليدي
ياعيد روحي بغــيبتك - باجر شسوي بعــيدي

تعـطشني - أنه بــــعازتــــك ماي
تـضيعني - وتدري بالسبي جاي
وحبابــــك تـــشيبهم
ماطايب جرح أمهم

الخادم عبد الجليل المالكي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.4K views09:16

خدر الفواطم لنشر القصائد الحسينية

1:27

2.2K views09:17

خدر الفواطم لنشر القصائد الحسينية

لازمني گلبي
سترك يربي
صوت الوحي صاح
بس لا علي راح .. استر يربي
....
بالامس خطار اجه حامي الحميه
وگال زينب بويه خل نفطر سويه
اشكثر سولفنه وذكرنه امي الزچيه
الفجر من صار الزمت گلبي بأديه

راح لصلاته
مدري لوفاته
شو اسمع صياح
بس لا علي راح... سترك يربي
...
من طلع روحي اطلعت من جسمي وياه
وانه ظليت اعله نار الدمعه والآه
صوت جبرائيل اعرفه يصيح ويلاه
خاف مكروهك نزل سترك يألله

يا ربي استر
واحفظلي حيدر
فجر الحزن لاح
بس لا علي راح .. سترك يربي
...
واگفه اعله باب ودموعي حزينه
وينه حماي الحمه يا ربي وينه
ساعه لن شفته اخوتي شايلينه
راسه دامي وبالعمامه معصبينه

الدين واصوله
اسم الله اعله طوله
دم العرش ساح
بس لا علي راح .. سترك يربي
...
گتله بويه يا علي سولف الي شبيك
ان شالله جرحك يغالي ما يأذيك
والدي خيمه اعله راسي الله يخليك
بويه يشبه دم طبرتك مدمعي اعليك

وتدعي اليتامه
يگوم بسلامه
تودعنه الافراح
بس لا علي راح .. سترك يربي
...
بويه يالعطر الله نشتمه بعباتك
انته تدري يا علي شمكبر غلاتك
من اشوكت ما تگدر تكوم لصلاتك
وتدري ما تسوه حياتي بلا حياتك

بويه اجه العيد
لا ترحل بعيد
گلبي شكثر ناح
بس لا علي راح .. سترك يربي
...
بويه يالهجرك عذاب يعذب الروح
كل نفس بانفاسي بعدك ينثر جروح
وياك اخذني يا علي لو رايد تروح
لا تخلي زينبك للدمعه والنوح

بعدك يبو حسين
انطي الوجه وين
عطر الحزن فاح
بس لا علي راح .. سترك يربي
...
خادمهم
كرار حسين الكربلائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.2K views10:48

خدر الفواطم لنشر القصائد الحسينية

#أبوذيات

على النوح الدهر طشنه ولمنه
وبعد ما تهده ونتنه وألمنـه
أجانه العيـد لا أبونه ولا أمنـه
صرنه أيتام حمّاي الحميـه

يبويه أهلال عيـد الفطر هل هل
ودمع عيني عليك أدموم هل هل
يبويه الشامت بهـل يـوم هـلهل
لچم گلبي ونهـاري اظلم عليه

دمع عيني دمه من العين منسال
ودليلي من المصــايب دوم منسال
على هامك السيف اشلون منسال
وطبر راسك يحماي الحميـه

ريض يا نعش برجاك مرهان
مو تدري الگلب بالنوح مـرهان
جزّن حلوه الليالي وبقن مـرهن
وبعد هيهات وكتي يحن عليه

عگب عيناك أدگ الصبر والهم
وبعد هيهات أجافي النوح والهم
على المطبور راسه بسف والهام
أنوح ولا تهيد الـروح بيه

الدهـر وياي سـوه الراد ما راد
ومصابك يـا علي لحشاي مارد
يبويـه الگلب راد وياك مـاراد
عليه تبعد يحماي الحمـيه

الدهر عالنوح هـددني وعيده
وحزن أم الحسن رده وعيده
الگلب بحزانه متگبع وعيده
صار هموم وآلام ورزيـه

بزغر سني وچفوفي الدهر لاون
ولا دمعه التسلي الروح لاون
يبويه رايح ليـا صوب لاوين
أجانه العيد ونعيّد سويه

الشاعر موسى البديري

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.5K views10:49

خدر الفواطم لنشر القصائد الحسينية

لسان حال بنت الامام الصادق
روحي فداهما


شگد سولفت عن حرگ الاخيام
ودارت علـينـه بـويـه الايـام
شفته الحرگ بعيوني
بس لا بعد يسبوني
+++++++++++
بحرگ الخيم بس الحرم هيچ اسمعت من عندك
هسه الحمد لله عدل بعدك ولذنه بسدك
ماعدنه چويات اطمئن ليش الدموع بخدك
تتمنه اخو مثل الگمر من شفت روحك وحدك

تركض علينه امفرع الراس
لمن صحت وينك يعباس
وآنه الزمتها امتوني
بس لا بعد يسبوني
++++++++++++
بعيوني اشوفك بس گلت عني تظم الآمك
اتهمس بصدرك گمت مامش كسر بعضامك
لا سامح الله لو متت وجسمك تخيطه اسهامك
ماعدنه زينب بالسبي ياهو اليلم ايتامك

بويه اطمئن ما ابچي عالماي
عندي المهم تبقى اننه وياي
لو عالهزل ركبوني
بس لا بعد يسبوني
+++++++++++
تدري آنه من شفت اللهب بالخطوه صارت عثره
ويه الحرم ما روكضت من حجره وادخل حجره
بمچاني اموت احسن گلت لاخدي چف ايسطره
خو هسه اموت اولا رمح راسك عيوني تنظره

يكسر گلب حال النساوين
بالي مشه لعيال الاحسين
بهالموقف وبچوني
بس لا بعد يسبوني
++++++++++++
والكاظم اعليه ركض ياخويه وينك صحته
جاني وصحت بعدك عدل لو بعده ذبحك وكته
لا تگصد الصوب النهر جرح النهر سامعته
اسكينه لا ماي ارتوت لا عمها رد الاخته

خل يحترگ خل يوگع البيت
بس تبقى انته گبالي ياريت

من ترحل ايسلبوني
بس لا بعد يسبوني
++++++++++
مو احنه اهل بيت النبي والواجب ايقدرونه
بيتك مزار اهل العلم شمسوي ويحرگونه
يالصادق ونفرظ متت عندك گبر يبنونه
مثل الحُسين بكربله واحبابك ايزورونه

گبرك بعـد هـم مثلـه ينـزار
بي حضره لو بس رمله وحجار
وزوارك ايذكروني
بس لابعد يسبوني

ثائر الربيعي


خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.1K views11:24

خدر الفواطم لنشر القصائد الحسينية

#ابوذيات

للامام الصادق عليه السلام

موش ادموع يتجارن ..      تره دم
او حتى بالحلم عينه ..      ترى دم
گأنه الخيل ينظرها ......     اترادم
اعله صدر احسين يوم الغاضريه...

عليه ما مِل من الدمعات .  وسأم
الصدره باللطم لحسين ...   وسّم
مات امن القهر والجور ...   وسّم
ويتامه الليله عگبه الجعفريه...

وبلسان حاله عليه السلام يقول:

أنا الما وجع دلالي ....      ولا ذانِ
غير الركضن العمتي  ...     ولاذن
وحگ الشرع . والمذهب . والآذان
دمعهن أشد من السم عليه .......

ابو فاطمة الطائي

1.7K views00:58

خدر الفواطم لنشر القصائد الحسينية

ادعوكَ ربي بلسان المُظطر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي بجاه الامهدم مقامه
توجني بشرف تاج الخدامه
واضل خادم حسيني للقيامه
كرامه وياهو يوصل هالكرامه

بِفاطمٍ وضِلعُها المُكَسر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي اقريت كل قصه وروايه
لكيت احسين سلطان البرايه
الهي اجعلني باكي عالسبايه
واشك ثوبي واسوي الثوب رايه

كَعابسٍ بالعشقِ أو كَقنبر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي بشيبة الصادق وجبده
مااعيشن بدونه ساعه وحده
احسين الخير كل الخير عنده
أمرنه باتباعه النبي جده

وَقولهُ على الملأ تَكرر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...
الهي اجعلني للضامي مناصر
اريد اشبع لطم وامشيله زائر
واحس ابصدري دوسات الحوافر
واموت وآنه اباوع عالمناير

وَفي طريقٌ الحرمينِ أُقبَر
بٌجعفرٍ بِجعفرٍ بِجعفر
اجعلني خادم الحسين
اجعلني خادم الحسين
....
الامام الصادق اهواي بخطابه
يكول ابجو عله احسين ومصابه
حركو خيمته وسلبو ثيابه
وزينب كعدوهه بالخرابه

فالبحرُ دَمعّ والسماءُ مِنبَر
بِجعفرٍ بِجعفرٍ بٍجعفر
اجعلني خادم الحسين
اجعلني خادم الحسين
...
الهي ايفرح الصادق بكائي
عليل وبوسة المنبر دوائي
واريد الزهره تتقبل عزائي
وتسجلني حسيني كربلائي

والساقي في يومُ الحسابِ حيدر
بِجعفرٍ بِجعفرٍ بِجعفر
اجعلني خادم الحسين
اجعلني خادم الحسين
...

محمد الجماسي
خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج

2.2K views06:05

خدر الفواطم لنشر القصائد الحسينية

وينه اليعتني لعباس ابو الشيمة
ويكله اعلى زينب داويه الخيمة
ــــــــــــــــــــــــــــــــــــــ
وينــه اليعتنــي للمشرعه بهمه
للخلاني ابــوي بــركبتـه ذمـــه،
طبو خيمتـــي سبعين الف زلمه
وصارت من عجاج خيولهم غيمه
ــــــــــــــــــــــــــــــــــــــ
وين اليعتني بهمه ويشد حيله
للعبــاس عـــن الحــال يشكيله
تلاحك نارهم لاتوصل الشيله
يبـن النــزل بالدين وتعــاليمه
ــــــــــــــــــــــــــــــــــــــ
اكلك يبو فاضل خاف ماتدري
ذوله كبال عيني تجاسمو خدري
انــه العاليـــه الماينعـرف كدري
شلون انعاف عد المالهــم قيمـه
ــــــــــــــــــــــــــــــــــــــ
شلون ابين وادم غـرب عفتــوني
مدنجه والسياط ادك على متــوني
دخــان المخيــم تــارس عيــوني
وادم حـــاقدين ومـــالهم شيمـــه
ــــــــــــــــــــــــــــــــــــــ
اهــل العقــل كالت لــو وليت اعفي
ولوني بلا رحم والسوط اكل جتفي
اطفيهــا بعبـــاتي النــار مـاتطفـي
سلبوني وحرمكــم ناحـره الهيمه
ــــــــــــــــــــــــــــــــــــــ
منهــا  البالخيـــم خليت محتركه
ومنها يطيح حدر الخيل وتسحكه
نســـوان وتلاكت وي زلــم ملكه
عثرت بالعبي من لاكت الجيمة
ــــــــــــــــــــــــــــــــــــــ
رقيــه تنعنتك تـرجيــه ماعدها
اخبرك واحد منالكــوم فرهدها
خايب كتله هدها وكـال ماهدها
ماتلحك يجف الما غفه اغريمه
ــــــــــــــــــــــــــــــــــــــ
خويه النوم مثلك ماهو ولامه
فرع موش مالت تلبس عمامه
نسوان الغريب اطيح جدامــه
يمعلـــم المــايحتـــاج تعليمــه
ــــــــــــــــــــــــــــــــــــــ
يــاعبـــاس يالمــاتقبـــل الــذلـــه
من طحت اعلى زينب بينت خله
نســـوان ونطيـــح كبــالهم فشلــه
وسبت والــدي الجـانت خداديمـه
ــــــــــــــــــــــــــــــــــــــ
احشم بيـــك مــاتكعد يحاميهـــا
اختك بالجمــر محتركه رجليها
مــاظلت خيــام ونستجن بيهـــا
حتى اعليك نلطم والعزه نجيمه

رائد الناشي

2.5K views01:31

خدر الفواطم لنشر القصائد الحسينية

#نعي

مولاتي العقيلة روحي فداها

ارْكوب الجمَل مالِيش حيله
او حدّاينه جاسي دِليله
ايْحثِّ السَره انْهاره اوْيه ليله
او لو ذعَّر الناگه الهزيله
او طاح الطفل ياهو اليشيله
و اعله النهر نایم چفیله
و أنا مرَه امحيَّره ابعَيله
و امنين اجيب اليهِد خيله
او يوصل لعد حامي دخيله
ابوادي النجف دمعه يسيله
او يصيح يا شیخ الجبيله
يشيَّال الِحْمول الثجيله
بنتك عگب عِزها ذليله

*ميرزا عادل أشكناني*

2.1K views13:34

HTML Embed Code:
<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>