من كالت ابوي الليله اريده
رقيه ركضت وشبكت حميده
وتكلها البقيه في حياتج
كل احنه يبت مسلم خواتج
ــــــــــــــــــــــــــــــــــــــ
تدري البنيه تنكسر من تفتقد والدها
يخنكها كلشي بغيبته وغير الدمع ما عدها
ما ترجع ايام الابو وكعدت كبل شيردها
ويا ناس المضيعه تره تحتاج اليساندها
لو راح الابو ويتم بناته
تبقه بالكلب بس ذكرياته
انه ادري الليالي امشيباتج كل احنه يبت مسلم خواتج
**
اغلب الناس امن الزمن ومن الفراك اتعاني
وهوه التعود عالجرح غير الدمع شيتاني
يالحالج ايفطر الصخر وضعج صدك اذاني
احنه خواتج للابد وحسين ابوج الثاني
انته امدلله وماريد تبجين
هديتي بدمعتج حيل الحسين
بت الغالي يالماكو بغلاتج كل احنه يبت مسلم خواتج
**
صاحت يبويه اشعطلك يالخذت كل احلامي
كل طفله يم والدها اجت وشبكت علي كدامي
من كثر نوحي وحيرتي ما بيه اشيل اجدامي
ما حسبت يمشي الابو وظلمه تصير ايامي
كلهن ركضن التمن عليه
هاي تبوس راسي وذيج اديه
وصاحن بالصبر يقوه ثباتج كل احنه يبت مسلم خواتج
**
كلهن بنات حسين اجن بفكد الابو يصبرنها
بين الخيم يمشن سوه ولو طاحت ايلزمنها
صارت تره الجان الكلب يا ناس خايف منها
العباس اجاها بدمعته وبشوكه ضل يحضنها
لا تبجين كلها وانه يمج
فدوه يروحلج يبنيتي عمج
ورقيه اتنادي لتكرب وفاتج كل احنه يبت مسلم خواتج
***
ما ينحمل ثاري الهجر للماكو منهم رده
مو ماي هذا العل درب كل عمري هذا اتبده
صاحت يبو طول الحلو شيردها ذيج الكعده
تكدر تضمد اكبر جرح جرح الكلب شيضمده
للكوفه تحن وتريد ابوها
من مسلم حميده يتموها
ودعيله تكللها بصلاتج كل احنه يبت مسلم خواتج
**
حطت اديها اعله المتن وتكلها طيبه امتونج
باجر حميده بكربله يضربوني ويضربونج
مني التراجي تنوخذ وانتي بجمر يجوونج
انه بحبل وانتي بحبل وعيوني يم عيونج
رايح تحترك باجر خيمنه
وين نروح لو ذبحو زلمنه
باجر تلهب النار بعباتج كل احنه يبت مسلم خواتج
***
تمت
تحسين الخفاجي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
رقيه ركضت وشبكت حميده
وتكلها البقيه في حياتج
كل احنه يبت مسلم خواتج
ــــــــــــــــــــــــــــــــــــــ
تدري البنيه تنكسر من تفتقد والدها
يخنكها كلشي بغيبته وغير الدمع ما عدها
ما ترجع ايام الابو وكعدت كبل شيردها
ويا ناس المضيعه تره تحتاج اليساندها
لو راح الابو ويتم بناته
تبقه بالكلب بس ذكرياته
انه ادري الليالي امشيباتج كل احنه يبت مسلم خواتج
**
اغلب الناس امن الزمن ومن الفراك اتعاني
وهوه التعود عالجرح غير الدمع شيتاني
يالحالج ايفطر الصخر وضعج صدك اذاني
احنه خواتج للابد وحسين ابوج الثاني
انته امدلله وماريد تبجين
هديتي بدمعتج حيل الحسين
بت الغالي يالماكو بغلاتج كل احنه يبت مسلم خواتج
**
صاحت يبويه اشعطلك يالخذت كل احلامي
كل طفله يم والدها اجت وشبكت علي كدامي
من كثر نوحي وحيرتي ما بيه اشيل اجدامي
ما حسبت يمشي الابو وظلمه تصير ايامي
كلهن ركضن التمن عليه
هاي تبوس راسي وذيج اديه
وصاحن بالصبر يقوه ثباتج كل احنه يبت مسلم خواتج
**
كلهن بنات حسين اجن بفكد الابو يصبرنها
بين الخيم يمشن سوه ولو طاحت ايلزمنها
صارت تره الجان الكلب يا ناس خايف منها
العباس اجاها بدمعته وبشوكه ضل يحضنها
لا تبجين كلها وانه يمج
فدوه يروحلج يبنيتي عمج
ورقيه اتنادي لتكرب وفاتج كل احنه يبت مسلم خواتج
***
ما ينحمل ثاري الهجر للماكو منهم رده
مو ماي هذا العل درب كل عمري هذا اتبده
صاحت يبو طول الحلو شيردها ذيج الكعده
تكدر تضمد اكبر جرح جرح الكلب شيضمده
للكوفه تحن وتريد ابوها
من مسلم حميده يتموها
ودعيله تكللها بصلاتج كل احنه يبت مسلم خواتج
**
حطت اديها اعله المتن وتكلها طيبه امتونج
باجر حميده بكربله يضربوني ويضربونج
مني التراجي تنوخذ وانتي بجمر يجوونج
انه بحبل وانتي بحبل وعيوني يم عيونج
رايح تحترك باجر خيمنه
وين نروح لو ذبحو زلمنه
باجر تلهب النار بعباتج كل احنه يبت مسلم خواتج
***
تمت
تحسين الخفاجي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
الامام الحسين ومصرع ابالفضل روحي فداهما
أرجع وياي يابعد چلاي
زينب منتظره لجودك
ماتدري بكطع زنودك
.......
يبو فاضل اخوك انه ارد شلونك من دونك
تموت ام الخدر خايف إذا ماشافت عيونك
اباب الخيمه منتضرين تسگيهم يتانونك
تخليني ارد شلون وحدي ومايشوفونك
تشبحلي عيون منتضره ام عون
يل دمك غطّه خدودك
ماتدري بگطع زنودك
.......
الاخو المثلك يبو فاظل بهذا الحال ماينعاف
كل ما أگومن اتعثر مصابك چتفاني چتاف
طحت ورايتك طاحت واخوك وحيد هسه أنشاف
ماخاف عله روحي تهون يخويه عله الخدر ينخاف
تسمع شكواي ظل خالي الواي
عسكر يرجف بوجودك
ماتدري بگطع ازنودك
.........
الدنيا أخلاف وجهك ليل مابيها أشوف أنهار
هاي بياوكت عباس اخوك حسين ظل محتار
يكون الموت خيرني أكيد وياك هسه اختار
يعايف نار بالدلال وبخيامك يخويه النار
انته الوفاي ماردنه الماي
اگعد وحرسها حدودك
ماتدري بگطع زنودك
.........
سهم عينك يبو فاضل گلي شلون تجبيره
اطلعه تنشلع عينك يخويه حيرتي حيره
يوجهك من اشوفه أرتاح جمال الله بتعابيره
أعوفك وأرجع بياحال باصرني يبو الغيره
أعداك يصيحون. وبيه يشمتون
يل زودي خويه بزودك
ماتدري بگطع زنودك
..........
الك موقف يبو فاضل محد مثلك امسويه
يتارس جودك وضامي ونار الچبد تسعربيه
كل هذا العذر واتصيح المثلك حيره شنسميه
اشوفن جودك اتحسر يمن عمرك تبده عليه
من طاح الجود انطيته أزنود
تروي الخدر مگصودك
ماتدري بگطع زنودك
...........
خادم اهل البيت ع
فلاح طالب الماجدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
أرجع وياي يابعد چلاي
زينب منتظره لجودك
ماتدري بكطع زنودك
.......
يبو فاضل اخوك انه ارد شلونك من دونك
تموت ام الخدر خايف إذا ماشافت عيونك
اباب الخيمه منتضرين تسگيهم يتانونك
تخليني ارد شلون وحدي ومايشوفونك
تشبحلي عيون منتضره ام عون
يل دمك غطّه خدودك
ماتدري بگطع زنودك
.......
الاخو المثلك يبو فاظل بهذا الحال ماينعاف
كل ما أگومن اتعثر مصابك چتفاني چتاف
طحت ورايتك طاحت واخوك وحيد هسه أنشاف
ماخاف عله روحي تهون يخويه عله الخدر ينخاف
تسمع شكواي ظل خالي الواي
عسكر يرجف بوجودك
ماتدري بگطع ازنودك
.........
الدنيا أخلاف وجهك ليل مابيها أشوف أنهار
هاي بياوكت عباس اخوك حسين ظل محتار
يكون الموت خيرني أكيد وياك هسه اختار
يعايف نار بالدلال وبخيامك يخويه النار
انته الوفاي ماردنه الماي
اگعد وحرسها حدودك
ماتدري بگطع زنودك
.........
سهم عينك يبو فاضل گلي شلون تجبيره
اطلعه تنشلع عينك يخويه حيرتي حيره
يوجهك من اشوفه أرتاح جمال الله بتعابيره
أعوفك وأرجع بياحال باصرني يبو الغيره
أعداك يصيحون. وبيه يشمتون
يل زودي خويه بزودك
ماتدري بگطع زنودك
..........
الك موقف يبو فاضل محد مثلك امسويه
يتارس جودك وضامي ونار الچبد تسعربيه
كل هذا العذر واتصيح المثلك حيره شنسميه
اشوفن جودك اتحسر يمن عمرك تبده عليه
من طاح الجود انطيته أزنود
تروي الخدر مگصودك
ماتدري بگطع زنودك
...........
خادم اهل البيت ع
فلاح طالب الماجدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
اخي اخي لا ترحل
اخي اخي فراكك حل
اخي اخي شلون الحل
..................................
يعباس انكسر طولي اجيتك للنهر كوه
الجدم يتعثر بممشاه اه ياريحه الخوه
العمر من دون اخو شيفيد مثل مرورة الكهوه
بكل خطوه اعيش اجم جرح
و سنيني ليل بلا صبح
جن راسي مرفوع برمح من طيحه الكافل
يمته اوصل لراك النهر
وانظر لاخوي انه الكمر
كل الدرب رمح وحجر ياخويه ابو فاضل
حزن حزن بدموعي
حزن حزن موضوعي
حزن حزن بضلوعي
........................................
وصلت للكافل وشفته وبجيت من الحزن والهم
هيبه هاشم اعله الكاع وبعينه السهم سلهم
وصل صاير كمر عدنان المه شلون ما ينلم
حيرة اخو بطيحه اخو
عباس من كلي منو
حسباله من جيش العدو طفه السهم عينه
بعيونه تربان ودمه
وشفافه يبست بالضمه
انه صرخت يافاطمه الموت جا وينه
دمع ودمه بعيونك
دمع ودمه وشلونك
دمع ودمه لضعونك
................................
حضنته وسولفت وياه جان ينازع بروحه
حرت انه بعمد مصيوب احضنه منين مالوحه
اخوي بكل كتر مطعون خفت الجمهن جروحه
من ايده ضل بس الزند
بين النخل رايح وارد
يحسين للموت استعد من كطعه جفوفه
وا ضيعتاه يا ابا الفضل
بجفاك ماضلن عدلل
وزينب سبيه اعله الهزل وبحبل مجتوفه
سبي سبي من بعدك
سبي سبي يالفكدك
سبي سبي بس وحدك
...................................
اول مره اسمعها الخويه بأخر انفاسه
كفال الخدر خجلان جان الماي بأحساسه
وهو الخوذه وي سهام كلهن هشمن راسه
الخوذه من كد الضرب
براس الكمر رادت تطب
ومن عينه الدمايه تصب عاللحيه الدمايه
ودعني اخوي وبالدمع
وداع الاخو يكسر ضلع
عمض عيونه بهالوضع يجروحي الهوايه
جرح جرح بعيوني
جرح جرح بضنوني
جرح جرح بضعوني
.....................................
يخويه شلون ارد لام عون شيوصلني لخيماتي
الحيره البيه من عباس شسولف انه لاخواتي
المفارك اخو ياناس يعيش بغربه اهاتي
محتار انه ويه الحرم
وشلون لو يم الخيم
تمنيت بيه شجم سهم ولا عايش الحيره
شحجي ويه زينب عالكمر
لو تدري طايح عالنهر
خايف تموت من الخبر ديره حزن ديره
عطش عطش والغربه
عطش عطش شكد صعبه
عطش عطش للجربه
................................
الشاعر شاكر محمود الگيم
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
اخي اخي فراكك حل
اخي اخي شلون الحل
..................................
يعباس انكسر طولي اجيتك للنهر كوه
الجدم يتعثر بممشاه اه ياريحه الخوه
العمر من دون اخو شيفيد مثل مرورة الكهوه
بكل خطوه اعيش اجم جرح
و سنيني ليل بلا صبح
جن راسي مرفوع برمح من طيحه الكافل
يمته اوصل لراك النهر
وانظر لاخوي انه الكمر
كل الدرب رمح وحجر ياخويه ابو فاضل
حزن حزن بدموعي
حزن حزن موضوعي
حزن حزن بضلوعي
........................................
وصلت للكافل وشفته وبجيت من الحزن والهم
هيبه هاشم اعله الكاع وبعينه السهم سلهم
وصل صاير كمر عدنان المه شلون ما ينلم
حيرة اخو بطيحه اخو
عباس من كلي منو
حسباله من جيش العدو طفه السهم عينه
بعيونه تربان ودمه
وشفافه يبست بالضمه
انه صرخت يافاطمه الموت جا وينه
دمع ودمه بعيونك
دمع ودمه وشلونك
دمع ودمه لضعونك
................................
حضنته وسولفت وياه جان ينازع بروحه
حرت انه بعمد مصيوب احضنه منين مالوحه
اخوي بكل كتر مطعون خفت الجمهن جروحه
من ايده ضل بس الزند
بين النخل رايح وارد
يحسين للموت استعد من كطعه جفوفه
وا ضيعتاه يا ابا الفضل
بجفاك ماضلن عدلل
وزينب سبيه اعله الهزل وبحبل مجتوفه
سبي سبي من بعدك
سبي سبي يالفكدك
سبي سبي بس وحدك
...................................
اول مره اسمعها الخويه بأخر انفاسه
كفال الخدر خجلان جان الماي بأحساسه
وهو الخوذه وي سهام كلهن هشمن راسه
الخوذه من كد الضرب
براس الكمر رادت تطب
ومن عينه الدمايه تصب عاللحيه الدمايه
ودعني اخوي وبالدمع
وداع الاخو يكسر ضلع
عمض عيونه بهالوضع يجروحي الهوايه
جرح جرح بعيوني
جرح جرح بضنوني
جرح جرح بضعوني
.....................................
يخويه شلون ارد لام عون شيوصلني لخيماتي
الحيره البيه من عباس شسولف انه لاخواتي
المفارك اخو ياناس يعيش بغربه اهاتي
محتار انه ويه الحرم
وشلون لو يم الخيم
تمنيت بيه شجم سهم ولا عايش الحيره
شحجي ويه زينب عالكمر
لو تدري طايح عالنهر
خايف تموت من الخبر ديره حزن ديره
عطش عطش والغربه
عطش عطش شكد صعبه
عطش عطش للجربه
................................
الشاعر شاكر محمود الگيم
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
كفيلچ علتراب ودم على اعيونه
المن بيه والوادم يطشرونه
يزينب هسه متنه
انذبح ويصيح اختنه كفيلچ
------------------------------------------
عمت عيني اعله اخوچ أم عون لا چف بيده من شفته
زينب خويه سهم العين ما ظل حيل
چا شلته
حظنته ومن حظنته احتار احس بالجربه خانگته
گلي الماي خويه حسين وسفه رمال شاربته
ما ظل ماي لسكينه وتشربه
سهم العين هين هايه صعبه
عزيزه هواي بنتك رادت الماي
حنينه وما ارد كل التطلبه
كون بگلبي سهم الجربه مو بيهه
ابدي عيوني اريد وما ابديهه
بتنه سكينه بتنه
انذبح ويصيح اختنه كفيلچ
--------------------------------------
گتله الخوه لا متموت بيني وبينك الزهره
يبعد عيوني يا عباس اخوك المنكسر ظهره
تعال وياي عوف الگاع متوسد رمل صحره
راسك بالحظن خليه يلوجهك ضوى الگمره
وجهك صار كله تراب وسفه
دم فوگ العيون وهاي كلفه
گمر هاشم بدون چفوف تاليه
وعلى ارمال المعارك هيچ يغفه ؟
شگلچ خويه زينب يحچي بالگوه
اسمعه يگول حلوه وياكم الخوه
تره الزهره بختنه
انذبح ويصيح اختنه كفيلچ
--------------------------------------
زينب ماله چف محتار احسه يريد يشبگني
ما يگدر عمود الراس صابه وچنه صوبني
ذاك اليرهب الفرسان دم عيونه موتني
صاح (حسين ) ( زينب آه ) خويه الموت ماخذني
همه خيامچن ما همته عيون
وهمه شلون اظل الوحدي شلون
احط راسه اعله حظني ويرد للگاع
تظل وحدك يگلي ومن يهجمون
الف وسفه يخويه والزلم موتى
بعد عباس بالطف ما يصح صوته
الترب والدم تحتنه
انذبح ويصيح اختنه كفيلچ
--------------------------------------
اختنگ بالعبره حس بالموت ساكت صوته وانفاسه
صحت يا خويه اخوك احتار والموت اقترب جاسه
وانتي اتخيلي بهالحال اخوچ ومات عباسه
انذبحت بدون سيف هناك من حظني وگع راسه
طحت وياه ميت فوگ التراب
يا طيحة اخو يا طيحة الشاب
لو ما بالخيم زينب والاطفال
چا يكتلني يم عباس المصاب
بعد مامش ظهر لحسين لا حامي
مات الكله غيره وطيح خيامي
اگله اختك نختنه
انذبح ويصيح اختنه كفيلچ
-----------------------------------
مات وانه صرت وحيد وحدي وما يصح كافل
الدموع النزلت الفرگاك صاحتلك يبو فاضل
شگد وادم تگطع بيك تطعن بس تظل كامل
راسك علترب يا حيد بس مرتفع ما نازل
ضعت هسه بمماتك والحچي هواي
بدونك يابو فاضل محد وياي
العطش لچفوفك الطاحن على الگاع
النهر قطره بجبينك طولك الماي
نام وانه اروح هناك لخيامك
نقيم اعليك مجلس انه وايتامك
بچينه وما سكتنه
انذبح ويصيح اختنه كفيلچ
رعد الفريجي - محرم 1447
ثوابها الى روح والدتي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
المن بيه والوادم يطشرونه
يزينب هسه متنه
انذبح ويصيح اختنه كفيلچ
------------------------------------------
عمت عيني اعله اخوچ أم عون لا چف بيده من شفته
زينب خويه سهم العين ما ظل حيل
چا شلته
حظنته ومن حظنته احتار احس بالجربه خانگته
گلي الماي خويه حسين وسفه رمال شاربته
ما ظل ماي لسكينه وتشربه
سهم العين هين هايه صعبه
عزيزه هواي بنتك رادت الماي
حنينه وما ارد كل التطلبه
كون بگلبي سهم الجربه مو بيهه
ابدي عيوني اريد وما ابديهه
بتنه سكينه بتنه
انذبح ويصيح اختنه كفيلچ
--------------------------------------
گتله الخوه لا متموت بيني وبينك الزهره
يبعد عيوني يا عباس اخوك المنكسر ظهره
تعال وياي عوف الگاع متوسد رمل صحره
راسك بالحظن خليه يلوجهك ضوى الگمره
وجهك صار كله تراب وسفه
دم فوگ العيون وهاي كلفه
گمر هاشم بدون چفوف تاليه
وعلى ارمال المعارك هيچ يغفه ؟
شگلچ خويه زينب يحچي بالگوه
اسمعه يگول حلوه وياكم الخوه
تره الزهره بختنه
انذبح ويصيح اختنه كفيلچ
--------------------------------------
زينب ماله چف محتار احسه يريد يشبگني
ما يگدر عمود الراس صابه وچنه صوبني
ذاك اليرهب الفرسان دم عيونه موتني
صاح (حسين ) ( زينب آه ) خويه الموت ماخذني
همه خيامچن ما همته عيون
وهمه شلون اظل الوحدي شلون
احط راسه اعله حظني ويرد للگاع
تظل وحدك يگلي ومن يهجمون
الف وسفه يخويه والزلم موتى
بعد عباس بالطف ما يصح صوته
الترب والدم تحتنه
انذبح ويصيح اختنه كفيلچ
--------------------------------------
اختنگ بالعبره حس بالموت ساكت صوته وانفاسه
صحت يا خويه اخوك احتار والموت اقترب جاسه
وانتي اتخيلي بهالحال اخوچ ومات عباسه
انذبحت بدون سيف هناك من حظني وگع راسه
طحت وياه ميت فوگ التراب
يا طيحة اخو يا طيحة الشاب
لو ما بالخيم زينب والاطفال
چا يكتلني يم عباس المصاب
بعد مامش ظهر لحسين لا حامي
مات الكله غيره وطيح خيامي
اگله اختك نختنه
انذبح ويصيح اختنه كفيلچ
-----------------------------------
مات وانه صرت وحيد وحدي وما يصح كافل
الدموع النزلت الفرگاك صاحتلك يبو فاضل
شگد وادم تگطع بيك تطعن بس تظل كامل
راسك علترب يا حيد بس مرتفع ما نازل
ضعت هسه بمماتك والحچي هواي
بدونك يابو فاضل محد وياي
العطش لچفوفك الطاحن على الگاع
النهر قطره بجبينك طولك الماي
نام وانه اروح هناك لخيامك
نقيم اعليك مجلس انه وايتامك
بچينه وما سكتنه
انذبح ويصيح اختنه كفيلچ
رعد الفريجي - محرم 1447
ثوابها الى روح والدتي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
رجع من النهر مايل
حاير والوجه ذابل
كلتله شبيك خويه وصاح
يزينب مات ابو فاضل
____
للخيم رد يمشي كوه
يصيح هاي شلون بلوه
شيوجعك لمن سئلته
كال يازينب الخوه
راح الجان يسواله عشيره
يازينب خسارتنه جبيره
حرت من ياكتر اشبك العباس
متطشر وذر صاحب الغيره
خسرنه الجان ساندنه
بعد عباس ماعدنه
ياخويه كفيلج راح
يزينب مات ابو فاضل
___
وكف يمي وكال اخبرج
انكطع راس حزام ضهرج
بعد مايرجع كفيلج
خويه الله يعظم اجرج
الطمن صاح يازينب الطمن
و ونن عالأخو اليستاهل الون
اول تالي هيج عيون عباس
بصفهن واكف وبيه يتيهن
شمسوي السهم بيهن
يازينب امطفيهن
النضر من عين اخيج راح
يزينب مات ابو فاضل
___
كتله خليني اشوفه
كال احسلج نعوفه
بيمن تحضنين اخيج
زينب انكطعن جفوفه
يزينب طاحن ايساره ويمينه
لكيته ميت ويبجي علينه
شتروحيله هو البي مكفيه
بيش يشوفج المطفيه عينه
ارحمي بحاله يازينب
لو رحتيله يتعذب
خلي بموتته يرتاح
يزينب مات ابو فاضل
___
كال اوصيج بخواتج
والبقيه في حياتج
اليوم ذبحو ابو فاضل
وتحترك باجر عباتج
يزينب باجر يسحكون صدري
مادامات راح حزام ضهري
وفوك الرمح من تلكين راسي
لتلطمين زينب خويه اصبري
صح العطش مثل السل
بس طاري الهزل يكتل
اخ الشام كله اصياح
يزنب مات ابو فاضل
____
حسين صارت عينه حمره
يصيح خويه ويجر حسره
وهو وسو يمه الشماته
راح اخو وانكسر ضهره
ضل حسين وحده ابلا عضيده
صاحو بعد صعبه يشيل إيده
انحنه ضهره وكسرنا على العباس
خل نتحاوطه ونكطع وريده
نذبحه ونسبي اخياته
ونحرك حتى خيماته
الساند ضهره بالطف طاح
يزنب مات ابو فاضل
قاسم الغزالي
قصائد محرم (@mohram11)
#اللهم_عجل_لوليك_الفرج
حاير والوجه ذابل
كلتله شبيك خويه وصاح
يزينب مات ابو فاضل
____
للخيم رد يمشي كوه
يصيح هاي شلون بلوه
شيوجعك لمن سئلته
كال يازينب الخوه
راح الجان يسواله عشيره
يازينب خسارتنه جبيره
حرت من ياكتر اشبك العباس
متطشر وذر صاحب الغيره
خسرنه الجان ساندنه
بعد عباس ماعدنه
ياخويه كفيلج راح
يزينب مات ابو فاضل
___
وكف يمي وكال اخبرج
انكطع راس حزام ضهرج
بعد مايرجع كفيلج
خويه الله يعظم اجرج
الطمن صاح يازينب الطمن
و ونن عالأخو اليستاهل الون
اول تالي هيج عيون عباس
بصفهن واكف وبيه يتيهن
شمسوي السهم بيهن
يازينب امطفيهن
النضر من عين اخيج راح
يزينب مات ابو فاضل
___
كتله خليني اشوفه
كال احسلج نعوفه
بيمن تحضنين اخيج
زينب انكطعن جفوفه
يزينب طاحن ايساره ويمينه
لكيته ميت ويبجي علينه
شتروحيله هو البي مكفيه
بيش يشوفج المطفيه عينه
ارحمي بحاله يازينب
لو رحتيله يتعذب
خلي بموتته يرتاح
يزينب مات ابو فاضل
___
كال اوصيج بخواتج
والبقيه في حياتج
اليوم ذبحو ابو فاضل
وتحترك باجر عباتج
يزينب باجر يسحكون صدري
مادامات راح حزام ضهري
وفوك الرمح من تلكين راسي
لتلطمين زينب خويه اصبري
صح العطش مثل السل
بس طاري الهزل يكتل
اخ الشام كله اصياح
يزنب مات ابو فاضل
____
حسين صارت عينه حمره
يصيح خويه ويجر حسره
وهو وسو يمه الشماته
راح اخو وانكسر ضهره
ضل حسين وحده ابلا عضيده
صاحو بعد صعبه يشيل إيده
انحنه ضهره وكسرنا على العباس
خل نتحاوطه ونكطع وريده
نذبحه ونسبي اخياته
ونحرك حتى خيماته
الساند ضهره بالطف طاح
يزنب مات ابو فاضل
قاسم الغزالي
قصائد محرم (@mohram11)
#اللهم_عجل_لوليك_الفرج
#ليلة_السابع
#حيرة_الحُسين_بفقد_قمر_العشيرة
ياخويه عباس ياخويه عباس
……………………………………………
ظُهر والخيمه طر بيها الحزن صايح
بلايه اجفوف بيمن يلزم الطايح
عمت عيني وسط عينك سهم لايح
تضل اخيمنه المن والاخو رايح
من السهم ماتنسد العين
ماضل وجع ماجاس الحسين
ياخويه عباس
ياخويه عباس ياخويه عباس
……………………………………………
لگيت شكد حچي بعيونه ضل خامل
خليته بحصيره ومو جسد كامل
بچيت بگد بچي الثكله عله ابو فاضل
الدمع مايكفي للفاگدله اخو كافل
الماخله دمعي ينزل بيوم
تالي الزمن عباس ملچوم
ياخويه عباس
ياخويه عباس ياخويه عباس
……………………………………………
تلگني چبيره الگسره مو سهله
طاح الچان من يحچي الحچي يعدله
شيضل بحسين لو راح البخت كله
ينسوان الخيم عد راسه اگعدله
گون البواچي ترجع المات
لگضي العمر ياخويه ونات
ياخويه عباس
ياخويه عباس ياخويه عباس
……………………………………………
السهم بعيونه ما اگدر اغمضهن
الهظمني من البنات يگعدن بعمهن
يـريدنـه يـرد بـس مايجـاوبهـن
هظيمه الجابهن مايگدر يردهن
يابويه عمچن موته وازاه
اقرن عله روحه الاويلاه
ياخويه عباس
ياخويه عباس ياخويه عباس
……………………………………………
عباس القلعاوي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
#حيرة_الحُسين_بفقد_قمر_العشيرة
ياخويه عباس ياخويه عباس
……………………………………………
ظُهر والخيمه طر بيها الحزن صايح
بلايه اجفوف بيمن يلزم الطايح
عمت عيني وسط عينك سهم لايح
تضل اخيمنه المن والاخو رايح
من السهم ماتنسد العين
ماضل وجع ماجاس الحسين
ياخويه عباس
ياخويه عباس ياخويه عباس
……………………………………………
لگيت شكد حچي بعيونه ضل خامل
خليته بحصيره ومو جسد كامل
بچيت بگد بچي الثكله عله ابو فاضل
الدمع مايكفي للفاگدله اخو كافل
الماخله دمعي ينزل بيوم
تالي الزمن عباس ملچوم
ياخويه عباس
ياخويه عباس ياخويه عباس
……………………………………………
تلگني چبيره الگسره مو سهله
طاح الچان من يحچي الحچي يعدله
شيضل بحسين لو راح البخت كله
ينسوان الخيم عد راسه اگعدله
گون البواچي ترجع المات
لگضي العمر ياخويه ونات
ياخويه عباس
ياخويه عباس ياخويه عباس
……………………………………………
السهم بعيونه ما اگدر اغمضهن
الهظمني من البنات يگعدن بعمهن
يـريدنـه يـرد بـس مايجـاوبهـن
هظيمه الجابهن مايگدر يردهن
يابويه عمچن موته وازاه
اقرن عله روحه الاويلاه
ياخويه عباس
ياخويه عباس ياخويه عباس
……………………………………………
عباس القلعاوي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
من توادعنه -- شكد طولنه
راح أحجيلج -- خويه شكلنه
ماتدرين الغالي شكلي
لو ميت وياه أحسلي
ــــــــــــــــــــــــــــــــــــــ
بفاتحتي رحت أقره ركض - ونعــشي دمعـتي أتشيله
وأكسرت خاطر دمعـــتي - سمعـــتني أخوي أشكيله
بحلوك شـــــماتي طحت - وبالغــــربه صعبه العيله
يالفرهــــــدك مني النهر - هـــــــجرك علي شد حيله
أكعــــد لــمني - من جف حزني
مضيعك وأبجي - يمضـــــــــيعني
مايكدر يحجي وأشرلي
لو ميت وياه أحسلي
ــــــــــــــــــــــــــــــــــــــ
قربت أذاني للــثغــــر - مقــــــصودي أخذ رايه
لا كتـني عينه البل سهم - ما أشوفـــــــها أمغطايه
حاول يحاجــــيني الكمر - والدم خــــــنك لحجايه
ماكال لا كــني أفهمت - زينب بــــــدون أحمايه
عيوني يمطرن - جروحي يسعرن
بس أصـــوره - كــــــبالي أيمرن
ضايع ماكو ناس أدلي
لو ميت وياه أحسلي
ــــــــــــــــــــــــــــــــــــــ
شميت صدره وأرجفت - راح الصدر اليضمني
ماباقـــــيه ذكرى أللي - من هالضــــــياع تلمني
ياسهم أيـــدي أتحركه - أيلجمه وأحــس يلجمني
شميته وأمنــــــيتي يرد - عــــباس أخوي يشمني
دمعة عيني - تصب تجويني
ميت كتــــله - رد أحييــــيني
رايح الحسينك شمخلي
لو ميت وياه أحسلي
ــــــــــــــــــــــــــــــــــــــ
بيبان صبري أتخلخلن - وجفني عبرتي أتخنكه
مرتــــين أدور كربله - ومثـــل الكمر ما ألكه
يشرد من وداعه الكلب - يرجــــع وداعه يلحكه
حسيت راسي عـالرمح - من شـــهك أخر شهكه
أبين أحضاني -- مــــات وأني
جلـــمة خويه -- أتكـض أللساني
تابوت أغيابه أمفصلي
لو ميت وياه أحسلي
ــــــــــــــــــــــــــــــــــــــ
رديت ميت عالخيم - حــزني البعــيد أيسمعه
مابيه شي ما منهدم - محـــــترك خيط بشمعه
حماي خيمتــنه مشه - جيبي الفواطم تـــــــنعه
عــباس يازينب وكع - عالشاطي هـــــوه ودرعه
ساعه أتطشر -- ساعه أتكسر
الموت بنحري -- ضل يتعــــثر
منتضرين الوادم جتلي
لو ميت وياه أحسلي
عبد الجليل المالكي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
راح أحجيلج -- خويه شكلنه
ماتدرين الغالي شكلي
لو ميت وياه أحسلي
ــــــــــــــــــــــــــــــــــــــ
بفاتحتي رحت أقره ركض - ونعــشي دمعـتي أتشيله
وأكسرت خاطر دمعـــتي - سمعـــتني أخوي أشكيله
بحلوك شـــــماتي طحت - وبالغــــربه صعبه العيله
يالفرهــــــدك مني النهر - هـــــــجرك علي شد حيله
أكعــــد لــمني - من جف حزني
مضيعك وأبجي - يمضـــــــــيعني
مايكدر يحجي وأشرلي
لو ميت وياه أحسلي
ــــــــــــــــــــــــــــــــــــــ
قربت أذاني للــثغــــر - مقــــــصودي أخذ رايه
لا كتـني عينه البل سهم - ما أشوفـــــــها أمغطايه
حاول يحاجــــيني الكمر - والدم خــــــنك لحجايه
ماكال لا كــني أفهمت - زينب بــــــدون أحمايه
عيوني يمطرن - جروحي يسعرن
بس أصـــوره - كــــــبالي أيمرن
ضايع ماكو ناس أدلي
لو ميت وياه أحسلي
ــــــــــــــــــــــــــــــــــــــ
شميت صدره وأرجفت - راح الصدر اليضمني
ماباقـــــيه ذكرى أللي - من هالضــــــياع تلمني
ياسهم أيـــدي أتحركه - أيلجمه وأحــس يلجمني
شميته وأمنــــــيتي يرد - عــــباس أخوي يشمني
دمعة عيني - تصب تجويني
ميت كتــــله - رد أحييــــيني
رايح الحسينك شمخلي
لو ميت وياه أحسلي
ــــــــــــــــــــــــــــــــــــــ
بيبان صبري أتخلخلن - وجفني عبرتي أتخنكه
مرتــــين أدور كربله - ومثـــل الكمر ما ألكه
يشرد من وداعه الكلب - يرجــــع وداعه يلحكه
حسيت راسي عـالرمح - من شـــهك أخر شهكه
أبين أحضاني -- مــــات وأني
جلـــمة خويه -- أتكـض أللساني
تابوت أغيابه أمفصلي
لو ميت وياه أحسلي
ــــــــــــــــــــــــــــــــــــــ
رديت ميت عالخيم - حــزني البعــيد أيسمعه
مابيه شي ما منهدم - محـــــترك خيط بشمعه
حماي خيمتــنه مشه - جيبي الفواطم تـــــــنعه
عــباس يازينب وكع - عالشاطي هـــــوه ودرعه
ساعه أتطشر -- ساعه أتكسر
الموت بنحري -- ضل يتعــــثر
منتضرين الوادم جتلي
لو ميت وياه أحسلي
عبد الجليل المالكي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
حگه الحسين بطيحتك يتغير
شفت المهر رد للخيم يتعثر
ماينعرف رايح جاي
يصرخ يشيال الواي
ــــــــــــــــــــــــــــــــــــــ
يالعايف اختك تنتظر
ما تدري بالصاير
حسينك رجع حاير
العسكر اعليه داير
لحد ما تگرب للخيم
اعرفنه ابو اليمه
كلسا عثر جدمه
بعازة اخو يلزمه
مشيت الفاگد تنعرف
من بعيد يتلوه
بي موجره الخوه
يحتظر كل خطوه
يكسر الخاطر بالمشي
ردلنه متخوصر
واعله العده ينضر
يضحگون من يعبر
من شكله وضعك ينعرف يالكافل
مو ذاك ابو طول الحلو رد مايل
لمن گعد خويه وياي
يصرخ يشيال الواي
ــــــــــــــــــــــــــــــــــــــ
هسه انه احير بيا اخو
بالردلي يتعثر
لو بالبقه موذر
دوهني ابو الاكبر
كل ما تگرب للخيمه
الگه اثر من رد
يم طولك امدد
شفت الدمه عالخد
متشابگ وياك اشكثر
من حيرته علومه
وريحتك بهدومه
ونترست الحومه
شسويت يحزم الضهر
بحسين وعياله
جا وگف دلاله
ريتك شفت حاله
كل ولده طاحو ما رجع يتلوه
اشايف حسين ورد الي مو هوه
گلي شلگه وتاه الراي
يصرخ يشيال الواي
ــــــــــــــــــــــــــــــــــــــ
عباس اول ما رحت
حسين نعصر كلبه
وبي فرحت الغربه
مجانك ولا طبه
يم خيمتك راح ورجع
ردلي وشفت وضعه
من يحجي ما سمعه
مخنوك بالدمعه
ويگلي خاف انه بحلم
ماهوه بالوادم
عباس ضل نايم
ولاكتر بي سالم
يختي اخلي بالحضن
يرد للترب شفته
ما رضه من شلته
لو بيدي ما عفته
يحط خده اخيج اعله رمل جدامي
عباس مات اعله النهر بس ضامي
الخاطرنه ماشارب ماي
يصرخ يشيال الواي
ــــــــــــــــــــــــــــــــــــــ
سولفلي حالك شيبت
يعينه الله ابو سكينه
من شافك ابعينه
گال الي اموذرينه
سولفلي اول ما وصل
كلي شفت جسمه
وجفوفه مو يمه
يصب للنهر دمه
حيرني ارسه المنشطر
لا ينشد ويرهم
لا يصح ليه مرهم
العامود ما يرحم
ماكو اثر لعمامته
دورت ما هيه
مدري انه مابيه
لو يمي مدميه
من جفوفه وعيونه النزف والهامه
تغيرت الگاع وضيعت لعمامه
يگلي نزف دم هواي
يصرخ يشيال الواي
ــــــــــــــــــــــــــــــــــــــ
يالماشي عني ما گلت
شلون بكلب زينب
بياحيل اضل انحب
من ابطي تتسلب
وحسين اذا ضل للضهر
ما وذره العسكر
بلياك ما يكدر
ويموت ابو الاكبر
بكل الاحوال الوحد اضل
من غيرك شعندي
ما طالعه الوحدي
لا ينسطر خدي
خليت حسبتي شكثر
كل ساعه الي حسبه
يابو الفضل صعبه
وگفتي ويه الغربه
ماعرف الراي ابكربله من دونك
ياهو اليرد لأرض الوطن بضعونك
دوهني الحسين بهاي
يصرخ يشيال الواي
ــــــــــــــــــــــــــــــــــــــ
مو حمل صحرة نينونه
موش انت تدريني
بهودج مخليني
مرعوبه تلگيني
شلون اوگف بنص الزلم
وكربله ما ترحم
ماكو مره تنضم
وهاي الي ما ترهم
من امشي لازم محملي
الوادم يعرفونك
ما تغفل اعيونك
ولا امشي من دونك
حيرت حتى البالمهد
محتار يم محتار
گعدو ازغار اكبار
اعليك ادمع مدرار
طبتي وياك وطلعتي بنص غربه
الماي الخذك يابو الفضل ما شربه
يالگطعت خويه جلاي
يصرخ يشيال الواي
بسام قابل الياسري
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
شفت المهر رد للخيم يتعثر
ماينعرف رايح جاي
يصرخ يشيال الواي
ــــــــــــــــــــــــــــــــــــــ
يالعايف اختك تنتظر
ما تدري بالصاير
حسينك رجع حاير
العسكر اعليه داير
لحد ما تگرب للخيم
اعرفنه ابو اليمه
كلسا عثر جدمه
بعازة اخو يلزمه
مشيت الفاگد تنعرف
من بعيد يتلوه
بي موجره الخوه
يحتظر كل خطوه
يكسر الخاطر بالمشي
ردلنه متخوصر
واعله العده ينضر
يضحگون من يعبر
من شكله وضعك ينعرف يالكافل
مو ذاك ابو طول الحلو رد مايل
لمن گعد خويه وياي
يصرخ يشيال الواي
ــــــــــــــــــــــــــــــــــــــ
هسه انه احير بيا اخو
بالردلي يتعثر
لو بالبقه موذر
دوهني ابو الاكبر
كل ما تگرب للخيمه
الگه اثر من رد
يم طولك امدد
شفت الدمه عالخد
متشابگ وياك اشكثر
من حيرته علومه
وريحتك بهدومه
ونترست الحومه
شسويت يحزم الضهر
بحسين وعياله
جا وگف دلاله
ريتك شفت حاله
كل ولده طاحو ما رجع يتلوه
اشايف حسين ورد الي مو هوه
گلي شلگه وتاه الراي
يصرخ يشيال الواي
ــــــــــــــــــــــــــــــــــــــ
عباس اول ما رحت
حسين نعصر كلبه
وبي فرحت الغربه
مجانك ولا طبه
يم خيمتك راح ورجع
ردلي وشفت وضعه
من يحجي ما سمعه
مخنوك بالدمعه
ويگلي خاف انه بحلم
ماهوه بالوادم
عباس ضل نايم
ولاكتر بي سالم
يختي اخلي بالحضن
يرد للترب شفته
ما رضه من شلته
لو بيدي ما عفته
يحط خده اخيج اعله رمل جدامي
عباس مات اعله النهر بس ضامي
الخاطرنه ماشارب ماي
يصرخ يشيال الواي
ــــــــــــــــــــــــــــــــــــــ
سولفلي حالك شيبت
يعينه الله ابو سكينه
من شافك ابعينه
گال الي اموذرينه
سولفلي اول ما وصل
كلي شفت جسمه
وجفوفه مو يمه
يصب للنهر دمه
حيرني ارسه المنشطر
لا ينشد ويرهم
لا يصح ليه مرهم
العامود ما يرحم
ماكو اثر لعمامته
دورت ما هيه
مدري انه مابيه
لو يمي مدميه
من جفوفه وعيونه النزف والهامه
تغيرت الگاع وضيعت لعمامه
يگلي نزف دم هواي
يصرخ يشيال الواي
ــــــــــــــــــــــــــــــــــــــ
يالماشي عني ما گلت
شلون بكلب زينب
بياحيل اضل انحب
من ابطي تتسلب
وحسين اذا ضل للضهر
ما وذره العسكر
بلياك ما يكدر
ويموت ابو الاكبر
بكل الاحوال الوحد اضل
من غيرك شعندي
ما طالعه الوحدي
لا ينسطر خدي
خليت حسبتي شكثر
كل ساعه الي حسبه
يابو الفضل صعبه
وگفتي ويه الغربه
ماعرف الراي ابكربله من دونك
ياهو اليرد لأرض الوطن بضعونك
دوهني الحسين بهاي
يصرخ يشيال الواي
ــــــــــــــــــــــــــــــــــــــ
مو حمل صحرة نينونه
موش انت تدريني
بهودج مخليني
مرعوبه تلگيني
شلون اوگف بنص الزلم
وكربله ما ترحم
ماكو مره تنضم
وهاي الي ما ترهم
من امشي لازم محملي
الوادم يعرفونك
ما تغفل اعيونك
ولا امشي من دونك
حيرت حتى البالمهد
محتار يم محتار
گعدو ازغار اكبار
اعليك ادمع مدرار
طبتي وياك وطلعتي بنص غربه
الماي الخذك يابو الفضل ما شربه
يالگطعت خويه جلاي
يصرخ يشيال الواي
بسام قابل الياسري
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
محرم العباس
وجهك ماي الخيامي
شلون اطيح گدامي
گلبي عليك ضل ضامي
،،،،،،،،،،،،،،،،،،،،،،،،،،،،،،،،،
يحزامي يالطولك نهر
موضهري لا عمري نكسر ... بعدك يعباس
خويه انته مو بس ابن أبو
والله انته اكثر من اخو ... يالكلك احساس
ابكثر ماصافن عليك ودمعتي تحير
يابوفاضل فوگي صاير يوگف الطير
النهر كتلك عوفه ابد مايسوه تفكير
المايقدر حيرت اختك ماله تقدير
انه حسين تدريني
بعدك راح تحنيني
نحل الجيش وحزامي
،،،،،،،،،،،،،،،،،،،،،،،،،،،،،،،،،،،،،،،،،
ستبطيتك وصار الدوي
لشاطي اجيتك منجوي .. اتلگه الحسين
التگلي ارجو المعذره
مايگدر ايصافح تره .. الماعنده جفين
گوم يحزامي الجبير شجم گلب صاح
بنادم امن يطيح اخيه ابسرعه ينلاح
من ارد اختك شگلها حته ترتاح
مات اخونه وجفه الايسر عالنهر طاح
عثرت عين بجروحك
طلعت روح وي روحك
جيب الماي اليتامي
،،،،،،،،،،،،،،،،،،،،،،،،،،،،،،،،،،،،،،،،،،،،،
حاجيني ياريحت هلي
لاتسكت بداعت علي .. سولفلي اشبيك
يالحالك يبجي الوحي
ياخويه ابد لا تستحي .. سويت العليك
تحجي ماتگدر عرفتك مستحي هواي
يروحلك فدوه يغالي الشاطي والماي
شيل روحك للمخيم ورجع اوياي
فوگ طولك خويه طولي تبده بهداي
عوف الجود وجفوفك
يكفي هواي بس شوفك
بلايه جفوف وتحامي
،،،،،،،،،،،،،،،،،،،،،،،،،،،،،،،،،،،،،،،،،،
عالشاطي خل نضل سوه
لو للخيم نرجع سوه .. لو رايك بهاي
لاتخجل انهض ياعذب
من النهر جان الذنب .. للخيمه ماجاي
ادري ما تگدر عليه اديره مگفاك
شماله جودك خويه ضل يرافس وياك
والله تستاهل اموت امگطع احذاك
انه معصوم واصيحن كلنه بحماك
جودك مات وي مايه
وطاح الحيل والرايه
صحتك گوم يالدامي
،،،،،،،،،،،،،،،،،،،،،،،،،،،،،،،،،،،،،،
يم النهر ميت عطش
مايرهم الطولك نعش .. ياضهري عباس
زينب اخيتك رادتك
ودتني ليك وصاحتك .. التشيب الراس
الزلمه لو مر بمصيبه اتصبره التهون
والمره التبقه وحيده تصبر اشلون
باجر بطيحت خيمنه تروح الضعون
يابو فاضل تطلع اختك بين العيون
باجر نوگ مكشوفه
واخت حسين مجتوفه
وياها اتروح أيامي
العبد ابوفايز الرافضي
الفاتحه على روح والدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
وجهك ماي الخيامي
شلون اطيح گدامي
گلبي عليك ضل ضامي
،،،،،،،،،،،،،،،،،،،،،،،،،،،،،،،،،
يحزامي يالطولك نهر
موضهري لا عمري نكسر ... بعدك يعباس
خويه انته مو بس ابن أبو
والله انته اكثر من اخو ... يالكلك احساس
ابكثر ماصافن عليك ودمعتي تحير
يابوفاضل فوگي صاير يوگف الطير
النهر كتلك عوفه ابد مايسوه تفكير
المايقدر حيرت اختك ماله تقدير
انه حسين تدريني
بعدك راح تحنيني
نحل الجيش وحزامي
،،،،،،،،،،،،،،،،،،،،،،،،،،،،،،،،،،،،،،،،،
ستبطيتك وصار الدوي
لشاطي اجيتك منجوي .. اتلگه الحسين
التگلي ارجو المعذره
مايگدر ايصافح تره .. الماعنده جفين
گوم يحزامي الجبير شجم گلب صاح
بنادم امن يطيح اخيه ابسرعه ينلاح
من ارد اختك شگلها حته ترتاح
مات اخونه وجفه الايسر عالنهر طاح
عثرت عين بجروحك
طلعت روح وي روحك
جيب الماي اليتامي
،،،،،،،،،،،،،،،،،،،،،،،،،،،،،،،،،،،،،،،،،،،،،
حاجيني ياريحت هلي
لاتسكت بداعت علي .. سولفلي اشبيك
يالحالك يبجي الوحي
ياخويه ابد لا تستحي .. سويت العليك
تحجي ماتگدر عرفتك مستحي هواي
يروحلك فدوه يغالي الشاطي والماي
شيل روحك للمخيم ورجع اوياي
فوگ طولك خويه طولي تبده بهداي
عوف الجود وجفوفك
يكفي هواي بس شوفك
بلايه جفوف وتحامي
،،،،،،،،،،،،،،،،،،،،،،،،،،،،،،،،،،،،،،،،،،
عالشاطي خل نضل سوه
لو للخيم نرجع سوه .. لو رايك بهاي
لاتخجل انهض ياعذب
من النهر جان الذنب .. للخيمه ماجاي
ادري ما تگدر عليه اديره مگفاك
شماله جودك خويه ضل يرافس وياك
والله تستاهل اموت امگطع احذاك
انه معصوم واصيحن كلنه بحماك
جودك مات وي مايه
وطاح الحيل والرايه
صحتك گوم يالدامي
،،،،،،،،،،،،،،،،،،،،،،،،،،،،،،،،،،،،،،
يم النهر ميت عطش
مايرهم الطولك نعش .. ياضهري عباس
زينب اخيتك رادتك
ودتني ليك وصاحتك .. التشيب الراس
الزلمه لو مر بمصيبه اتصبره التهون
والمره التبقه وحيده تصبر اشلون
باجر بطيحت خيمنه تروح الضعون
يابو فاضل تطلع اختك بين العيون
باجر نوگ مكشوفه
واخت حسين مجتوفه
وياها اتروح أيامي
العبد ابوفايز الرافضي
الفاتحه على روح والدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
مقدمة ليله العباس س
.
.
.
يامحله الوداع بهالمسيه يهل الغاضريه
بين حسين ابواليمه واخيه
***
اباب الخيمه اعاين واخوتي بعيدين / بــس بكـلبي جـمـره
اشعر بالـحچي يـهل الخيم مو زيـن / وجوه اخواني اقــره
وي عـباس شفته من حچه الحسين / حط ايده اعله ظهره
كسرتنه الچبيره يابــدر العشيره
صاح حسين ودموعه جريه
***
اسأل والسـؤال ادري يـــشيب الراس / والـــــمدمــع تـبده
الشمس تشبگ گمر هم شفتو ياهالناس / يامحلى المـــوده
شفت حسين اخويه من شبگ عباس/وحط ايده اعله خده
شلون تلاگه الاثنين ابوفاضل والحسين
وفجئه عيونهم صدت عليه
***
صد صوب الشريعه حسين اخويه وگال / ياكافل خــواته
اهنا يبــــقه اخـــــوك وحـــيد يالكـفال / هنا تبدي الشماته
وراك حــسين راســه اعله الرمح ينشال / وتتـسلب بنـاته
خيماتي يحرگون ونسواني يسلبون
وزينب ياگمر تمشي سبيه
***
تعوف حسين حاير وحده ماضنـيت / مابين الجــحافل
ياكبش الكــــتيبه ورايـــة اهل البيت / يعــگال المراجل
قــَلـــت حيلتـي ماترضـــه لو نـاديت / بعدك يابوفاضل
الله شمصيبه دلالي تصيبه
رزيه ومامثل هذي رزيه
***
من راد الاذن عـــباس من حـــسين / حسيت المــصيبه
شفت دمعات ابوالاكبر على الخدين / وتعـــاله نحيــــبه
صد ليـــه ويـــكلي باجـــر تصيرين / زينــب ياغـــريبه
امن حچايات الوداع تنحب گامت الگاع
مو هين تره وداع المنيه
***
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
.
.
.
يامحله الوداع بهالمسيه يهل الغاضريه
بين حسين ابواليمه واخيه
***
اباب الخيمه اعاين واخوتي بعيدين / بــس بكـلبي جـمـره
اشعر بالـحچي يـهل الخيم مو زيـن / وجوه اخواني اقــره
وي عـباس شفته من حچه الحسين / حط ايده اعله ظهره
كسرتنه الچبيره يابــدر العشيره
صاح حسين ودموعه جريه
***
اسأل والسـؤال ادري يـــشيب الراس / والـــــمدمــع تـبده
الشمس تشبگ گمر هم شفتو ياهالناس / يامحلى المـــوده
شفت حسين اخويه من شبگ عباس/وحط ايده اعله خده
شلون تلاگه الاثنين ابوفاضل والحسين
وفجئه عيونهم صدت عليه
***
صد صوب الشريعه حسين اخويه وگال / ياكافل خــواته
اهنا يبــــقه اخـــــوك وحـــيد يالكـفال / هنا تبدي الشماته
وراك حــسين راســه اعله الرمح ينشال / وتتـسلب بنـاته
خيماتي يحرگون ونسواني يسلبون
وزينب ياگمر تمشي سبيه
***
تعوف حسين حاير وحده ماضنـيت / مابين الجــحافل
ياكبش الكــــتيبه ورايـــة اهل البيت / يعــگال المراجل
قــَلـــت حيلتـي ماترضـــه لو نـاديت / بعدك يابوفاضل
الله شمصيبه دلالي تصيبه
رزيه ومامثل هذي رزيه
***
من راد الاذن عـــباس من حـــسين / حسيت المــصيبه
شفت دمعات ابوالاكبر على الخدين / وتعـــاله نحيــــبه
صد ليـــه ويـــكلي باجـــر تصيرين / زينــب ياغـــريبه
امن حچايات الوداع تنحب گامت الگاع
مو هين تره وداع المنيه
***
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
#نعي مصرع
أبي الفضل العباس روحي فداه
شيسوّي بأخـــيّه الأخــــــو لوراح
يهد الحيل فگـــده ويحني الصفاح
شحال حسين من شاف العلم طاح
تخوصر يم عضيده وطاح الحسين
لگا مخسوف هامــه السّهم بالعين
وشافـــــه مگطّعات چفوفه الاثنين
طحت و بطيحتك حيلي هدمـــــته
يخويه وبيرغك عالگاع شـــــفته
گمت عنّك ويمّك حيلي عـــــــفته
التّفگد هيچ أخـــــو شيصبّر اخته
گلّي بياوجه للخيم أرجــــــــــــع
وشجاوب زينب اختك لون تسمع
يخويه اعله النّهر جسمك تگطّع
عنّك راح أرد يابو المـــــــــروّه
بظــهر مكسور عنّك أمشي گوّه
و أعوف بمصرعك چلمة الخوّه
الشّاعر // أبو سجّاد الجعفري
#اللهم_عجل_لوليك_الفرج
أبي الفضل العباس روحي فداه
شيسوّي بأخـــيّه الأخــــــو لوراح
يهد الحيل فگـــده ويحني الصفاح
شحال حسين من شاف العلم طاح
تخوصر يم عضيده وطاح الحسين
لگا مخسوف هامــه السّهم بالعين
وشافـــــه مگطّعات چفوفه الاثنين
طحت و بطيحتك حيلي هدمـــــته
يخويه وبيرغك عالگاع شـــــفته
گمت عنّك ويمّك حيلي عـــــــفته
التّفگد هيچ أخـــــو شيصبّر اخته
گلّي بياوجه للخيم أرجــــــــــــع
وشجاوب زينب اختك لون تسمع
يخويه اعله النّهر جسمك تگطّع
عنّك راح أرد يابو المـــــــــروّه
بظــهر مكسور عنّك أمشي گوّه
و أعوف بمصرعك چلمة الخوّه
الشّاعر // أبو سجّاد الجعفري
#اللهم_عجل_لوليك_الفرج
#مقتل ابي الفضل العباس ع
ساكت ليش راجع ها يبعد اختك
امدنك شو رجعت وكاض خاصرتك
-----------------------------
ساكت شو رجعت و رحت للخيمة
طيحت العمود وصحت ابو الشيمه
احاجي حسين و احسين التهى بضيمة
ميته ولا مثل هذا العصر شفتك
----------------------------
رحت بلونك و رديت مو لونك
واثار البجي امبين على اعيونك
شو ما تحجي خوية وي اليحاجونك
اتنازع ويه روحك بالخيم عفتك
-----------------------------
امدنك راجع وجدمك يخط بالكاع
جنه من ايدك العباس اخيك ضاع
مو طبع من انشدك ما ترد ابساع
ولا جن زينب اختك واجت ناشدتك
-----------------------------
شو كضيت خاصرتك وتبجي ادموم
ما شفتك رجيج بكثر هذا اليوم
داير خيمة خيمة العباس كمت اتحوم
وصحت الله ولحد خوية ضيعتك
-----------------------------
كافي من النشد طر الكلب نشدج
زينب مات اخوج وراح من عندج
دمعة اتودي بيج وحسرة التردج
كتلك واليموت من القهر يفتك
-----------------------------
ما كتله لخواتك كوم رد وياي
اموت بموتته واعدل بكلمة جاي
فگدة البين بحيلي وثگل ممشاي
ما كتله اعله نار اختك مناطرتك
-----------------------------
اخادم احمد داود
محرم الحرام 1447
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
ساكت ليش راجع ها يبعد اختك
امدنك شو رجعت وكاض خاصرتك
-----------------------------
ساكت شو رجعت و رحت للخيمة
طيحت العمود وصحت ابو الشيمه
احاجي حسين و احسين التهى بضيمة
ميته ولا مثل هذا العصر شفتك
----------------------------
رحت بلونك و رديت مو لونك
واثار البجي امبين على اعيونك
شو ما تحجي خوية وي اليحاجونك
اتنازع ويه روحك بالخيم عفتك
-----------------------------
امدنك راجع وجدمك يخط بالكاع
جنه من ايدك العباس اخيك ضاع
مو طبع من انشدك ما ترد ابساع
ولا جن زينب اختك واجت ناشدتك
-----------------------------
شو كضيت خاصرتك وتبجي ادموم
ما شفتك رجيج بكثر هذا اليوم
داير خيمة خيمة العباس كمت اتحوم
وصحت الله ولحد خوية ضيعتك
-----------------------------
كافي من النشد طر الكلب نشدج
زينب مات اخوج وراح من عندج
دمعة اتودي بيج وحسرة التردج
كتلك واليموت من القهر يفتك
-----------------------------
ما كتله لخواتك كوم رد وياي
اموت بموتته واعدل بكلمة جاي
فگدة البين بحيلي وثگل ممشاي
ما كتله اعله نار اختك مناطرتك
-----------------------------
اخادم احمد داود
محرم الحرام 1447
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
اهوازي
واويلي على العباس واويلي على حالي
ضل اعلنهر مطروح وانا. بعازت الوالي
واويلي على العباس. زينب صاحت بلوعه
گصدتله بضلام اليل. زينبكم ال مفجوعه
طايح شافته موذر. چفوف لغالي مگطوعه
صاحت علگمر عباس. وونت ونه مسموعه
تگله يا بعد عيني ،، ، اگعد ليه يل غالي
ياويلي على العباس. ويا ويلي على حالي
____
واويلي على العباس. حاله ما يسر خاطر
وسفه الينذبح مثلك. يل چنك اسد كاسر
خويه بعازتك ضليت. تدري بليله العاشر
تمنيتك تعين حسين. شفته املوع وحاير
خويه بعازتك كلنه،،،، حسين وانا وطفالي
يا ويلي على العباس. ويا ويلي على حالي
،_
واويلي على العباس . چفه بيا كتب مرمي
كلام يشيب الرضعان. ومنه ينگشط جسمي
اخوي. مخضب بدمه. جسمه من النبل مدمي
مو گتلك يركن البيت اريدك كل وكت يمي
ردتك كل وكت يمي ،،، اخوي ونبض دلالي
يا ويلي على لعباس ،ويا وياي على حالي
____
واويلي على العباس . لمن واعد اسكينه
وگالتله يعمي. اليوم. اريدك كون تروينه
تگله من لعطش عمي. جف گلبي وشرايينه
تعنه المشرعه الوالي. شايل جوده بيمينه
يجيب الماي المشكر ،، تعنه بهمه كفالي
__
واويلي على العباس. من صاب العمد رأسه
يرفس عادته المذبوح. كون نگطعت انفاسه
أخيه من الخيم يركض راح الصوب عباسه
من چان الگمر وياه. اخوي ولا هضم جاسه
گلتله شصاير وتركض ،، بس لا صار البالي
____
واويلي على العباس. من رد الولي محدب
يتتم بلحجي ويبجي. يوگف مره ويحسب
عليمن يتجي من يميل. ينسه بل هوه يچلب
من. راح بشبابه ورد. راسه من الهم مشيب
الدنيا ضلمت بعيوني ،،ضايع مني أهلالي
-__
الشاعر سلام عزيز السعيدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
واويلي على العباس واويلي على حالي
ضل اعلنهر مطروح وانا. بعازت الوالي
واويلي على العباس. زينب صاحت بلوعه
گصدتله بضلام اليل. زينبكم ال مفجوعه
طايح شافته موذر. چفوف لغالي مگطوعه
صاحت علگمر عباس. وونت ونه مسموعه
تگله يا بعد عيني ،، ، اگعد ليه يل غالي
ياويلي على العباس. ويا ويلي على حالي
____
واويلي على العباس. حاله ما يسر خاطر
وسفه الينذبح مثلك. يل چنك اسد كاسر
خويه بعازتك ضليت. تدري بليله العاشر
تمنيتك تعين حسين. شفته املوع وحاير
خويه بعازتك كلنه،،،، حسين وانا وطفالي
يا ويلي على العباس. ويا ويلي على حالي
،_
واويلي على العباس . چفه بيا كتب مرمي
كلام يشيب الرضعان. ومنه ينگشط جسمي
اخوي. مخضب بدمه. جسمه من النبل مدمي
مو گتلك يركن البيت اريدك كل وكت يمي
ردتك كل وكت يمي ،،، اخوي ونبض دلالي
يا ويلي على لعباس ،ويا وياي على حالي
____
واويلي على العباس . لمن واعد اسكينه
وگالتله يعمي. اليوم. اريدك كون تروينه
تگله من لعطش عمي. جف گلبي وشرايينه
تعنه المشرعه الوالي. شايل جوده بيمينه
يجيب الماي المشكر ،، تعنه بهمه كفالي
__
واويلي على العباس. من صاب العمد رأسه
يرفس عادته المذبوح. كون نگطعت انفاسه
أخيه من الخيم يركض راح الصوب عباسه
من چان الگمر وياه. اخوي ولا هضم جاسه
گلتله شصاير وتركض ،، بس لا صار البالي
____
واويلي على العباس. من رد الولي محدب
يتتم بلحجي ويبجي. يوگف مره ويحسب
عليمن يتجي من يميل. ينسه بل هوه يچلب
من. راح بشبابه ورد. راسه من الهم مشيب
الدنيا ضلمت بعيوني ،،ضايع مني أهلالي
-__
الشاعر سلام عزيز السعيدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج