ابوذية لابا الفضل ؏

سهلـه اعـليك يا عبـاس.  حِلـها
الشده البيـــها مـحد ليه.  حَلـها
ماظل حيل روحي الباد.  حِلـها  (حيلها)
روحـي اتمرمـرت من هالقضـية

الشاعره هاجر الزينبية

https://www.tg-me.com/Alhos77com

@ابوذيات بحق بطلة كربلاء زينب ع



الدهر ثكل عله زينب حملها
من واليانها  ماضل.  حملها
مثل بلواها. ما واحد. حملها
يهد جبال. ياثكل. الرزيه



الحزن والهم. هداها واشلها
الدنيه ليش مانصفت واشلها
تصيح اجروحي ماتنشل واشلها
شبدر مني اويعيل الدهر بيه


دهرها بالمئاسي شكد بلاها
يهد الراسيه. زينب. بلاها
اليتامه وين منواها. بلاها

خيمة يتامه  حسين. هيه


جم لوعه حملت زينب عفاها
الدهر من جوره مامره عفاها
شله عله التشهد أملاك ب عفاها
تكضي العمر دمعتها جريه


تمت بعون الله بقلم الشاعره ام رائد زوين


https://www.tg-me.com/Alhos77com

أبو ذيات للعقيلة زينب ع
*
گضيت آنه الزمان ابأه ويّ اه
ويا ضيم اليجي ايجر ضيم ويّاه
فگد أمي الگلب نيران ويّاه
وچَمّل ناري ضيم الغاضرية
*
احترگنه ابنار طفنه وگوم طفنه
وسبب هالنار يالمنتظر طفنه
عماتك على البلدان طفنه
سبايه وبينه تتشمت أمية
****
حرت بين الشتم والضرب والتل
وهَدني الركض بين الخيم والتل
صرت آنه كفيله اعيال واته ال
جنت كافلني  وعيالي سوية
***
مصابك يالگمر اصبح ورم صاب
دليلي العاش بمصيبة ورى امصاب
اعيش امصاب ويعدي واره امصاب
من جدي النبي للغاضرية
***
امصار السبي ابدلالي ورم صار
أفر امصار خلاني ورى امصار
عَلَي امصار تتفرج واره امصار
تتناشد عَلَي مَنهي السبية؟
****
شربت امحبّتك يحسين وان مال
الدهر ما بدلتهه ابملك وان مال
خدمتك ما يملهه الگلب وان مال
أبدله من يصح غيره ابأديه
*
شربت الصبر من امي لمن دار
عليهه قنفذ ابسوطه لمن دار
ابوي احترگ باب الهه لم اندار
على الطگني ويصد ابعينه ليه
***
المرار اخلافكم لينه  ولف صار
يأمر صار اله انجاوب والف صار
ألف تشتم والف تشمت والف صار
ايصيح ابحجر أرموا الخارجية
***
سگاني الدهر من كاسه ولا حد
رَدّه وخَلّه لدموعي واله حد
عبرهه الزينب احدوده ولا حد
بقه من عدهن الا ومَر عليه
***
الشاعر قاسم الساعدي المندلاوي

https://www.tg-me.com/Alhos77com

ابوذية

لـوَن غيري يـشـوف الخيل.. گل بـي
الصبر . وآنه صحت بهداي.. گلبي
گلب حسين مـثلـه انداس.. گلبي
واحس أبكل نـِفس حافر عليه


خادم الحسين ع
الشاعر رعد الجريخي

https://www.tg-me.com/Alhos77com

منهو الغمض عيونج ٠٠٠٠٠وسدها
الكفل لو داحي خيبرها ٠٠٠وسدها
غريبه وماوصل واحد ٠٠٠٠وسدها
بلحدها بت علي هاي المسيه


مصابج بت علي روحي ٠٠٠نحلها
سبيه وحتى عرش الله ٠٠٠نحلها
بيوم اجاسر ومحد ٠٠٠٠٠٠٠٠نحلها
الشمر من كادها وسب الزجيه

نور الولايه الفاطميه

https://www.tg-me.com/Alhos77com

أبو ذية للإمام الكاظم                                                             
*
على الكاظم يضل دمعي علامة
ابذكره الگلب ما يهدأ علامه
مثل الطفل من ايحن على امّه
أحن لزيارته بالكاظمية
***
الروح ابشوگ للمسموم هامات
وتطخ يم بابه عگب السجن هامات
وينه الصاح يم الجسر ها مات
بقه ثورة ويهز الناصبية
*
إمام اوما يصح حجة بدالاك
يعرفك خصمك وبغضه بدآ لاك
عمر وابسجنه يالكاظم بدّا لاك
ابگيد وسلسلة ومحجر واذية
*
من دارك الگيد وسجن داراك
وانته مهبط الأملاك داراك
يتظاهر أمام الناس داراك
وبالسر جَرّعك سم المنية
*
على جسر الرصافة نعش بي راح
وصي للهادي للكونين بي راح
حماميل اربعة شالته بي راح
يدفنونه ابغياب الجعفرية
***
الرشيد اتطاوع الأمره يردلاك
وهوّه الأمر بي يعلم يرد لاك
لحم جسمك ثگل گيده يَرَد لاك
وعشت ويّه السلاسل للمنية
***
دنه موتي ابسجن هارون وادّيت
العليّه وخبر عن موتتي ودّيت
اشوفاً شيعتي ابيا حال ودّيت
گبل موتي لچن يصعب عليه
***
يليل اشكثر بالآمي سهرتاك
وطالت ويّه الم گيدي سهرتاك
يودعك سهر من عندي سهر تاك
ويمر انهاري هم ظلمة عليه
***
سيل الهم مرد چبدي سلا سيل
على البالسجن وابجدمه سلاسيل
مو گيده ولا سجنه سلا سيل
هدم حيله الجرى اعله الجعفرية
***
إلك مسجد صفه مولاي سجناك
وعلى دنيه ومناصب زور سجناك
اليا ساعة نناشد يظل سجناك
وطلعتك عدل لو بامر المنية
***
عُمُر گيد الحديد اوياه يبراه
وكسرنه ابفگده كلش صعب يبراه
من دمّه الرشيد شلون يبره
واهو ابفعلة طعن خير البرية
***
الخلاصي امن السجن أصبح وله
لأي
ودليلي الاهلي والشيعة وله لاي
لا اشوفا أنه أحبابي ولا اهلاي
واموت ابغربتي امگدر عليه

الشاعر قاسم الساعدي المندلاوي

https://www.tg-me.com/Alhos77com

ابو ذيات للإمام الكاظم //ع//
على لسان الزهراء //ع//


أنــه الـزهره وزمــاني ويــاي  .. عاده
وصفتلي اويه الحزن والنوح ..  عاده
فــگــد مــوسـى عليــه الباب .. عاده
لــچــم ضلعي وســرت نيران بــيــه

بقضاء الـبــاري اسلّم  دوم ..  ورضه
وبچه الحالي سمه المعبود ..  ورضه
الــربط سـاگ الغريب بگيد ..  ورضه
عــاد امصيبة المــحــسـن عــلــيــه

اشوكت تظهر يمهدي امك ..  يسرها
روحــي الــفــرح ما لحظه ..  يسرها
الــرصــافـــه يجرح بگلبي ..  يسرها

العلّي خلوا نــعــش موسى رمــيــه

✍ بقلم خادم الحسين ع
     الشاعر رعد الچريخي

https://www.tg-me.com/Alhos77com

نعي


ويـنـه الـيـروح ويـگـطـع الـبـيـد
ويطـوي الفيافي ودرب الـبـعـيـد
ايحشّم هـلـه وكـومـه الاجـاويـد
ايگلهم  طـريـح الكاظـم اوحـيـد

بـالــچـن فـرد فـزعـه يـفـزعــون
ويَـمـه الاهـل كـلـهـم يحـضـرون
هـذا الـعـلـيـه اتــهــل الــعـيــون
وذاك الـيـشـيـلـه فـوگ الـمـتـون

الـيـمـه عـويـل الـنـعـش ينهـاب
وعازتهه عـازه ادمـوع الاحبـاب
نـنـصب عـزانـه بـهـذا الـمصـاب
لــمـــن يـجـي لــلــثـــار طَـلّاب

✍خادم موسى ابن جعفر
الشاعر رعد الجريخي


https://www.tg-me.com/Alhos77com

ابوذيات لاستشهاد الامام
موسى بن جعفر الكاظم عليه السلام

لزم باب السجن ظالم وسدها
هدم سور الشريعه يضن وسدها
بغداد انته راعيها. وسدها
صفت يابوالرضا بدونك خليه

يروح الباري قدسها وجلها
بسلاسل معتني الظالم وجلها
گاصد موتها يگرب. وجلها
روح الكاظم الفوگ الثريه

يلكاظم مقامك نور ولطاف
فاز بحظرتك من زار ولطاف
عزمك من عزم عاشور ولطاف
ذليت الوجوه الناصبيه

وحگ للخير من ربك رسلهم
بظماير. شيعتك تدري رسلهم
وسفه اربعه. الظالم رسلهم
بنعشك للجسر يبن الزچيه

الشاعر حسن لعيبي الحريشاوي

https://www.tg-me.com/Alhos77com

نعي عن لسان علي بن سويد أحد اصحاب الامام الكاظم عليه السلام  مخاطبا الامام  وجنازته بعد وفاته مسموما

يبو ابراهيم روحي الصبر ذَوَّبها
عليك الشيعه من تنشد شجاوبها
ينشدون الفرج يايوم  گلتلهم
الجمعة وهلأجت چاوين صاحبها
اجنازه وللجسر گدامي وَدوَّها 
صرت مهظوم متحَيَّرٌ واراقبها 
على امتون الزلم بعيوني اشوفنها
چن روج الحزن علروح جايبها
عمال اربعة على الجسر حطوها
بعالي الصوت اشوف الشامت يسبها
يبو إبراهيم ياهو اليحضر الساعه
ويطالب گوم غداره ويحاسبها
ميت والسلاسل حزت اچفوفك
يروح  شگد حليم على الخلگ ربها
جنازه بلا اهل يمها العده تفتر
اسف موحال هذا ولايناسبها
موكافي الطفوف وكافي عملتها
عليهم دنيا ماتخلص نوايبها
ياهو للمدينه يعتني ويروح
وابطال الهواشم كون يندبها
العشيرة المادرت لامن خبر سمعت
بالسم گضه نحبه ومات راهبها

الشاعر حسن لعيبي الحريشاوي

https://www.tg-me.com/Alhos77com

نعي  للكاظم ع عن  لسان  معصومه ع

هلي  يموتون   بالغربه  وعدهم
افز  بليل    اذكرنهم    وعدهم
اعزازي  شالو   بسكته  وعدهم
بنات  بدارهم  تنتضر  جيه
...........
تناطر  باهلها   ومالفوها
بيوم المشو    ماودعوها
وشلون حال الشال ابوها
............
اليلة  عله  ابوها  كابلنها
موته  وصلها وزاد  ونها
الحسرات والونه كضنها
.........
ياريت لا مرني  علمهم
ولاودو  البتهم  خبرهم
اعزاز  مالي افراك منهم
.........
الجاب لي علمه  نشدته
من  شافني صبت دمعته
علم الابو صعبه  عله بته
.........
من  جابو علومه  شكالت
لطمت راسها والعين سالت
يضعون  اهلنه  وين شالت
.........
عسا  يومهم  لامر  عليه
ماخله روح وحيل بيه
وعليك  غلبتني  المنيه
..........
جاني العلم والحيل هداه
وتمنيت  وكت الموت وياه
اسمع الونه  واكعد  احذاه
..........
كالولها   ميت   بالاسجون
ومحد حاضر من سد العيون
السم  كطع  جبده  يكولون
..........

✍أم زينب كربلاء غير مبري الذمه من يأخذ الكلام اويحذف الاسم

https://www.tg-me.com/Alhos77com

الشاعر سيد زيد الفحام,
( ابوذيات + نعي ..... في رثاء الإمام موسى بن جعفر عليه السلام )

جنازه عله الجسر ضلت.       يهلها
نشيّعـها بحـزن گومـوا          يهلها
اليحب الكاظم الدمعه.         يهلها
يذكره ويذكر الزهره الزچيه


آه عليــك يالمسـمــوم         منّاه
حديد الگيد دمك سال.       منّاه
منّا انحـــب وانعـــاك          منّاه
عله جدك ابچي ذاك الضل رميه


مو بس دمعي دم عيني.      لهاليك
السمّك بالحشــر خاسر.        لهاليك
شكثر حنيــت يالكاظـم.       لهاليك
ولا شفت الأهل حد المنيه


جرح گلب الرضا المسموم      بعداه
عله الكاظـم نجيــم الآه.        بعداه
الدنيـــه تغيــرت والكون        بعداه
بسجن هارون مات ابن الزچيه




نعـــي
موسى بن جعفر مات مسموم
گضّه العمر مسجون مظلــوم
واجب نهـل دمــوع ودمــوم
نواسي الزچيه بنوح هاليوم
---------------------------
مات بسجن هارون حملوه
نعشه بجســر بغــداد خلوه
والسندي يصرخ لا تشيعوه
رافضي بلا تشييع عوفــوه
--------------------
الشيعه بحزن تبچي وتسمعه
تنـاخت علـه الكاظــم تشيّعه
شالت وليـها وتجــري دمـعه
عله الروس للمــدفـن تودعه
-------------------
الكاظم غريب ومات وحده
لكـن تـواره ونــزل لحــده
بس الغريب حسيـن جـده
مطـروح محد حضر عنده
-----------------
حسين الشهيد ابن الزچيــه
عالغبره ضل عــاري ورميـه
سحگت عليه خيل آل اميه
وبلا دفــن ضـل عالوطيـــه

خادم الإمام الكاظم عليه السلام
سيد زيد الفحام

https://www.tg-me.com/Alhos77com

(ابوذیه )

عن لسان فاطمه العلیله (س)
____
جفنی من البواچی خلص مایه
عله الخلّه ابدلیلی اجروح مایه
گضه عمری و ابوی حسین مایه
و اظل انعه  لمن  تدنه  المنیّه

✍️الشاعر ملا جهاد الصوفی


https://www.tg-me.com/Alhos77com

قصيده لمناسبة مولد علي الاكبر عليه وعلى آبائه التحية والسلام


يوم اهدعش شعبان      فــرحانــه دنيــانـه
فرحــان ابو السجاد      والشيعــه فرحانــه
بمولد الأكبــر علــي        بمولد الأكبر علـي

*

لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده

نفس النبي المختار         رب العــلا انطانه
فرحــان ابو السجاد        والشيعه فرحانـه 
بمولد الأكبــر علــي         بمولد الأكبر علـي

* 

أمـلاك ربنــا گصدتـه طشـت أريـج ويـاس 
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس

عمه الگمر فرحــان        والحـــره ويانـــه  
فرحــان ابو السجاد       والشيعه فرحانه
بمولد الأكبــر علــي       بمولد الأكبر علـي

*

بشعبان هـل وجهه البهي يوم اهدعش منه 
ومـــن حنّــة الجنـــه المهــد  أمــلاك حنّـنه 
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه

عطــر النبوه أهنــاك          مــوجود بركانه
فرحــان ابو السجاد        والشيعه فـرحانه
بمولد الأكبــر علي          بمولد الأكبر علي

*

حگنــه نصفگ بالفــرح ونهنــي ابـو اليمــه 
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه

بي احنــه متمسكين         بحسين مولانــه
فرحــان ابو السجاد         والشيعه فرحانه
بمولد الأكبــر علـي         بمولد الأكبر علـي 

*
الشاعر
موسى البديري

https://www.tg-me.com/Alhos77com