.
يكلبي شبيك بعتابي _لمتناي
شعجب عباس ماتانه_ لمتناي
السوط البسبي يوجع_ لمتناي
وكمت من الظرب ماشيل اديه



علاء الزيدي

غابت بالطفوف حسين٠٠٠٠ ٠٠شمسااه
وجسمه من السحك والذار ٠٠٠شمسااه
ابن امي اعله صدره امس ٠٠٠شمسااه
اشفاف النبي اليوم الاعوجيه

╌────═❁═────╌

اصيحن مره ليك ومره ٠٠لما
جسم ابنك يحيدر كوم٠ ٠٠لما
ومابطلت دوس الخيل ٠٠لما
تناثر جسم اخيي اعله الوطيه
╌────═❁═────╌
✍نور الولايه الفاطميه

https://www.tg-me.com/Alhos77com

نعي  للاحباب 

تسعر نار  كلبي من   يمرهم
يلبسم يادوه جروحي يمرهم
لامن طارش  اليكصد  يمرهم
ولا همه بعد  يحجون جيه

...............
ماجوني  واشكي الحال عدهم
ولامرت  علي   فرحه   بعدهم
هواي  عتاب  للكطعو   وصلهم
.............
يامن كطعتو الوصل عني
اعزاز  ايام فركاكم عمني
تره النوح  والونه كضني
............
يكعدات  اهلنه ما تصحين
وشال الفرح ويه المبعدين
يروحي شفاد ونج لا تونين
...........
ونج  يروحي بعد  مافاد
واهلج مشو لدروب الأبعاد
وكتج جزه  ولابعد   ينعاد
............
يكلبي بثكل اجبال همه
جذب ماي التبده  مانلمه
خليها على اهلها العين تعمه
............
يون الفاكد الاحباب خله
تعمه اعيون الفاكد اهله
شالو وشال الفرح   كله

✍ام زينب كربلاء

https://www.tg-me.com/Alhos77com

ابوذيات

الصادق صار مثل حسين  طف له
بـداره الـنــار مـا فـــــزاع  طف له
بـذيـچ الـنــار تركـض شاف طـفله
ولـطم راسـه وصرخ آه يارقـيه..

وسف دار العلم والحسب والجاه
عـليـه اشـرار هـالـمنـصور  وجاه
وعلى الصادق هـذاك الـدار وجاه
وغدت نسوانه تـتراكـض سويه..
الشاعر عقيل الحسناوي..
https://www.tg-me.com/Alhos77com

نعي


هليت لا هـــــــــــليت يهلال
بيك الحــــجي وشلون ينكال
وتدري بحـــملنه وياك هلمال
بس الحرم نمـــــشي ويجتال

بس الحرم نمشـي ويلظعون
وكفار بخت حســين يحدون
وهل المـــــحنه عيب يدون
بارس الخو گامـــو يهوسون

ايامك انته الــــــــيوجعني
منهن يظل للــــموت حزني
هوه الـــــدهر ون عله وني
لحـــــــــــبالهم من جتفني

بحبــــال شدونه وره النوگ
وسلعه صفينه بطبت السوگ
هذا العلينه يــــــلوك ميلوگ
نمشي سبايه بجدم محروگ

بسوگ طــــــــبينه ومشينه
وگامت عيون تصــــد علينه
بحجار شو گطــــــفو ولينه
فوگ الرمح صــــــابو بعينه

ابو سلام الجابري

»»★الابوذيه★ »»

يزينب ارد اسالنجن.•.•.ون ابني
يون بلحومه وانه اسمع.•.•.ون ابني
الولد لو شب يزفونه.•.•.ون ابني
*تزفه سيوف واسهام المنيه*

▣========▣◈▣========▣

يهل تسالني عن زينب.•.•.شبيه
مثل نار الخيم روحي.•.•.شبيه
الهادي هذا لو الاكبر.•.•.شبيه
توذر جسمه بارض الغاضريه


#بقلم_نورالولايه الفاطميه

https://www.tg-me.com/Alhos77com

#ابوذيات

لمصيبة سيدي ومولاي جعفر الصادق عليه السلام :

ليالي البين للصادق ...       لونّه
يون او چبدته انفطرت ...  لونّه
سمّ احشاه يا شيعه .....    لونّه
ابجبل شامخ يخر اعله الوطيه ..


گضه عمره يون او أبد ...   ما عن
يگول العمتي كل بشر .... ما عان
يوم اعبيهن امن النار ......  ماعن
ابنص عدوان ما عدهم حميه  ...


عُمر ينعه او مصاب الطف ... يِشيعه
يون عل منگطع نحره ........ يشيعه
احسين ايگول ما واحد ...... يشيعه
ثلث تيام ضل اعله الوطيه ........

سيف الدهر چم مره ....     حزّ انه
ولا نگطع على الصادق ..      حزّنه
اعيونه بس بچي او مدمع ...حزنه
گضه عمره ابنواعي الغاضريه ..

وين ابتعد ساس الدين ....   ون شال
مشه والحيل عگبه ضعف .... ونشال
الصادق شيعوه الناس .......  وانشال
وابو اليمه تدوسه الأعوجيه .....


ابو فاطمة الطائي

..https://www.tg-me.com/Alhos77com

أبوذيات الأمام الصادق،،ع،،
---------
غــزاك الشيب مــاخــلــــه شعرباك
أســـــود والوجــع نفســـه شعرباك
يصـادق لــوردت أعــــرب شعرباك
نحــر والرمـح بچه أزغر سبيه
-----------
لحـــــــد الأن چـــف والحـزن داراك
أعله أچفه ومثل ويعت شاب داراك
أنشــــــدك مــــــن ولتهه النار داراك
بالك هـــــــم مـــشه للغاضريه
----------
أبنيتك هــــــم بچيتلهه بدمعاك
أعله همهه والحزن بين بدمعاك
شنهـــــو الرايده ورادك بدمعاك
تزور حـسين جدك كل مسيه
----------
البقيع الهســه نسمع صـوت ضل بيه
نحـــيب وللحـزن موجــــود ضلْ بيه
وسف دين اليحرسه أهواي ضل بيه
أبهـــــدم أگبوركـم يبن الزچيه
----------
بين الحـــــر فرق والچان ماحار
وطفح ذنب اليضدكم حارماحار
مايعـــــــــرف گبركم مثل ماحار
عرف قيمة الـــــدره الهاشميه
---------
✍️أبوحسين السرگودي...

https://www.tg-me.com/Alhos77com

نعي لفقد الاحباب...

آخ شكثر عـــدنه اعزاز ماهم
مشو والعين مشبوحه وراهم
نذكـــــــر گبل نگعـــد اوياهم
تـذوب ارواحنـــه لو ذكرناهم

حزين ومضلم وموحش نزلهم
نـوم المگـــبر يمكــن حله الهم
نســو احبــــابهم وديـار اهلهم
بعــد هيـــهات ما يلتم شملهم

ضلت بس صورهم ماليه البيت
يهل دمع الحزن لو بيهه صديت
وعلي ليامنه الفاتت اشتـــاگيت
نرد نگـعد سـوه اويــاهم تمنيت

عليـــكم ما ألــوم الدمع..  ياهل
يريحــة زعفران اتفــوح..  ياهل
بچفاكم گمت انوحن نوح.. ياهل
ولطـــم عل وجــه بثنين اديـــه

✍كامل السعيدي

https://www.tg-me.com/Alhos77com

نعي الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب

عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي

اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه

لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين


اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان

صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم

*
الشاعر
تحسين الخفاجي

https://www.tg-me.com/Alhos77com

ابوذيات اول محرم
وتبديل راية الحسين

انه الثابت ولامخــتــلف   رايـه
وعشگك واعداني بمــلك   رايـه
مراسيم وعزه وتبديــــل   رايـه
اليله اول جرح لحسيــــن  بــيه

الدمع لحسين مالومــه   من يهيل
وعذره الصبر من أيحت   من يهيل
يعاشور العزه هــلالك    من يهيل
اختنگ وخيام زينب توج بيــــــــه

 الزمن لوله مجالسـهم     بي ضعنه
 هلال الحزن لمن هــل     بضعنـــه
حسين ايه واجه شايـل     بضعنـــه
قرابين الوجه سيد البـــــــــريـــــــه

ضعن متكون مــــــن ايات     بايات
وصعدوا للشرف من غيـــر     بايات
اليله اول ليالي حســـــــين    بايات
بأرض تسمه أرض الغاضــــــــــريه

الشاعر محمد هادي الفهداوي



ليلة ١/محرم الحرام /١٤٤٤ هجري
https://www.tg-me.com/Alhos77com

ابيات ابوذيه
جروحي لاتضن بعدك    شلتها
ومشي دروب السبي ابنيتك  شلتها
رقيه  اتعبت  عود انه    شلتها
طاحت اسف ماشالنها اديه

انه بنت النزل هايم    وحلها
 رگد حيلي عله الراحو   وحلها
احبالي اشلون افلنها   وحلها
وصار اشهور مشدوده بديه

وينك يا رفيج الدرب     يرباي
لضعنه الشامت امن ابعيد يرباي
الشمربل حبل بين الناس  يرباي
الخجل موتني موگصات اديه

سلام البهادلي
https://www.tg-me.com/Alhos77com

ابوذيات.  مولد الامام الرضا ع


من ابعيد نور الله يضامن
ضريحه وللبشر رحمه يضامن
اجيك وبالكلب لهفه يضامن
لحضرتك والتمس نورك بديه

الك اجمع حروف الحب وخطّيت
ومشيت بشوگي للمحفل وخطّيت
هموم الدنيا اعديها وخطّيت
بسبب ميلاد ابن سيد البرية


الگلب بجناح الك راجع وعايد
ولا يخلف بعد لجلك وعايد
اهني فاطمة وحيدر وعايد
كلمن حاضر ايهني الزجية

https://www.tg-me.com/Alhos77com

اضل يمك لون بيدي     ولاضل
بيد الغرب يبن امي       ولاضل
بموتك جسد ماضلي.   ولاضل
منك مايضل شيضل اليه


وذر جسمك مگطعينه.       وخيلاك.  وخيالك
اضن هم بيه الف طعنه.     وخيلاك
خذوهن ذبحوا كومك.       وخيلاك
بعد ماضل اخوا بالغاظريه


بضهر عاشور مامن أخوا.  ضلاي
سبوني وگمت قط مااصد ضلاي
گلت للروح يم حسين.     ضلاي
وموتي بگربله بهاي المسيه


اسألكم الدعاء
خادم ابي الاحرار
ضياء الكناني
https://www.tg-me.com/Alhos77com

نعي للامام الحسن عن اخيه الحسين
-----------------------------
يبن امي العزيز ونظر عيني
نويت اتروح عني وما تجيني
اخوك وما بطل نوحي اونيني
يعين الله الاخو الفاركَ اخيه
-------------------------------
مكَبل للمـــــــــنية شلون حاله
ومغــــمض العين ودمع ساله
وچبدتة بالطشت كلها كَباله
شلون بحال زينب هالمسية
---------------------------------
راح الچان الي بالبيت ونسة
يحزام الظهري وانكَطع هسة
يبو محمد شلون الروح تنسة
يريت الموت ياخذنة سوية
------------------------------------
اطلب للدار ماهو ابن امي بيها
مظلــمة تنوح من شايل وليها
خطارك يخــــــوية شحاچيها
راعي البيت شال وكَطع بية

أسالكم الدعاء رائد الاسدي


.https://www.tg-me.com/Alhos77com

ابو ذيات
•••
مصابك گلب كل شيعي   مراده( مرّده)
ورحيلك هالمحب بالسم  مراده
يباب الحاجة المحقق.     مرادة
يگاضي احمول كل حاجة عصية
••
بربوع انفوسنا بهاليوم عمّ آه
على المسموم مثل الحسن عمّاه
الظلم للمعتصم والجور عمّاه
وسگى ابن المصطفى سمّ المنية
•••
المدينة و كاظمية العزه      ينشاد
بجموع الخدم طور النعي    ينشاد
الجواد محمد اسمك صرح  ينشاد
رمز مثّل نبذ كل طائفية
•••
ناظم الفضلي الكربلائي ٢٠٢٣


..https://www.tg-me.com/Alhos77com

نعي لذكرى شهادة الامام الباقر عليه السلام (٧) ذو الحجة ( مجاريد)

•••
طر المدينة ليل الأحزان
وتوشحت أسود هالأكوان
الباقر تغدره آل مروان
مسموم جبده شعظمِ المصاب
•••
بطيّات روحه شچم رزية
وبگلبه چم طعنة قوية
والشافه يوم الغاضرية
غيّب فرحته و من زغر شاب
•••
يمحمد تره الشيعة و مواليك
تاذّت من سموم اللي تأذيك
بجزع وبحرگة المدمع تناديك
يشمس الخير يابدر الهدى الغاب
•••
بضميرك لسا صرخات اليتامه
خلت جم أثر يدّي وعلامة
كأنْ مو طف جرى قامت قيامه
بعينك لسه صورة حرگ الأطناب
•••
ناظم الفضلي

.https://www.tg-me.com/Alhos77com

ابوذيات اول محرم
وتبديل راية الحسين

انه الثابت ولامخــتــلف   رايـه
وعشگك واعداني بمــلك   رايـه
مراسيم وعزه وتبديــــل   رايـه
اليله اول جرح لحسيــــن  بــيه

الدمع لحسين مالومــه   من يهيل
وعذره الصبر من أيحت   من يهيل
يعاشور العزه هــلالك    من يهيل
اختنگ وخيام زينب توج بيــــــــه

 الزمن لوله مجالسـهم     بي ضعنه
 هلال الحزن لمن هــل     بضعنـــه
حسين ايه واجه شايـل     بضعنـــه
قرابين الوجه سيد البـــــــــريـــــــه

ضعن متكون مــــــن ايات     بايات
وصعدوا للشرف من غيـــر     بايات
اليله اول ليالي حســـــــين    بايات
بأرض تسمه أرض الغاضــــــــــريه

الشاعر محمد هادي الفهداوي



ليلة ١/محرم الحرام /١٤٤٤ هجري

https://www.tg-me.com/Alhos77com

ابو ذيه بحق الامام الجواد ((ع))

يمن بابك قضه الحاجه مردهه..
مصابك بالحزن روحي مردهه..
دنيه بدون  خدمتكم  مردهه..
بخدامتكم صبح عنوان اليه

الشاعر رعد الجريخي

https://www.tg-me.com/Alhos77com

.
ترا احزامي وگع عباس ونحل
وحس حیلی انهدم یاخوي ونحل
تلوم الناس لیش احسین ونحل
قلیل امن ارد اون صبح ومسیه

الهضم گوا وحگ عینک جرعته
یه عباس الشمر بانت جرعته
اگبالی اتخوصر او یشرب جرعته
امنبچی ابسکرته یضحک علیه

خالد السویطي

https://www.tg-me.com/Alhos77com