نعي
يجسد قصة اولاد مسلم (ع) كامله

1_ الفصل الاول نعي تعريفي

مصيبتهم مصيبه تهـز الجبـال
يتامه واليتم يا ناس چتـــــال
فـرو للبـراري باصعـب الحـــال
وتطلبهم يويلي كوم الانـــذال

شسـوي للزمـان الخان بيهـم
فـرو والـعـده ادور عليهـــــم
طول الليل يگضونه ابچيهـم
وياهـو البعـد بالغربه يجيهـم

ما صـارت مثلـه وما اضن تصيـر
يسيرون ودربهم للمنــــيه يسير
تاهو بالبراري واليتيـــــــه يحير
مكسور الكلب وشينفع التجبـــير

2 _ الفصل الثاني موقف السجن

فـك بـاب السجـن كـالولـــــه وتهل العيـــــــــــــن
ارحــــم حالـنـــه وهدنه لخاطر سيد الكونــــــين
سمـع كلمتهـم ونـاشد عنهـم يــــــا اصل يــــا دين
كالوله النبي جدهم يتــــــامى ويمه مسجونــــين
حــــــــن بحنت الثكلـــــــه ودلاله انفطر نصيـــن
صرخ واتحسر السجان واعذروني يصيح الحين
شكل الجـدكم الهـــــادي وانتم بيش مطلوبيـــــن


3_موقفهم بعد خروجهم من السجن

ايام السجـن خلصـت وردو للمصيبـة اردود
وين الوجه ينطونـه بغربـه والـدرب مسـدود
حالتهم تشيب الراس ما خصلت ليالي السود
خـوف بخـوف كضوهـه عليهم كاتبه المعبود

عاداهم زمان الشـوم وباب القدر صــــــارو
الليل مخيم عليهم ويم ناس الغـــرب دارو
بهذا الحال شافتهم عجوز وبالامر حــارو
ضيوف اليوم احسبينه ودموع الجفن سالو

4 _موقف ضيافتهم عند العجوز

عرفتهم ولـــــد مسلــم    وصــاحت يا هله بيكم
شرفتــــو اعتاب الدار     الليلة بعيني اخليكــــم
شعدهه الناس مجتمعه     وكلهه ادور عليكـــــم
جدكم سيد الكونيــــن     ويريت الباري يحميكم

يروحلكم نذر عمــري       اتنادي واتجر حسـره
شمخليه الشمس بيكم      الملامح كلهه متغيـره
حاجوني يبعد اهلــــي     ليش وجوهكم صفـره
هديتو ركن حيلــــــــي    ودلالـي انهـدم صبــره

خدامه اصيرلكـــم       كالت والدمع جـــاري
الليلة شكبر حضي       وصرتو بيهه خطاري
بيكم ريحة المختار       وشعت بالفخر داري
شتريد الخلق منكم       وانتم رحمة البـــاري

5 _موقف التوديع بينهم في بيت العجوز

واحد كــــــال للثاني خلينــــي اشم عطـرك
جنهم بالخبر يدرون يليلي اتريض ابفجرك
ضل امخيم عليهم اطيور ولاذو بكتــــــــرك
باجر اه من باجر نهاره الفاجعه يخبــــــرك

خلهم بيك مرتاحين سكن لا تزول بســـــــاع
علايم للاجل بانت باجر ما تلمهم كـــــــــــاع
ضلامك طوّله وخله وصيرلهم امن واشراع
حاربهم زمان الشوم بغربه واكلهم ضـــــاع

كلهه الناس تطلبهم وعليهم صبت الاحقـــــاد
بيهم جائزة يردون وارضات الدعي ابن زياد
يليل اطفال وارحمهم مــــــا جنك بعد تنعــــاد
ضلامك هاي ساعاته وفجرك ابد مـــا يـــــراد

6_ موقف عندما وجدهم الحارث في بيته
بدموع الحــــــزن ضلو      ولا واحد اليرعــــاهم
بعد كل الهضم والضيم       قصة الحارث وياهم
كسرو خاطر السجــان       لمن سمــــع قصتهم
لجن شلفايده الاقــــدار        بيد الحــارث انطتهم

كلوله النبي المختـــــار       مبعوث البشر جدنـــــه
ارحمنه لصغر سنـــــه        واطلق كيدنه وهدنـــــه
مصيبتهم تشيب الراس      الغيور اجرح عيونــــــه
اليتيم الوادم تكرمــــــه       وحرمة يتمه مصيونه

بيهم ما جرت عـــاده       يولي وحاله مختلفه
جرحهم للمات يعيش       بينه وابد ما يشفــه

7_ موقف الحارث يضربهما ويجرهما بالحبل

بحبل جراهم الحارث     وحالتهم تهز الكـــــون
ما عدهم ذنب واطفال    ليش بحبـــــل ينجرون
ظالم ما رحم كلبــــــه     وهمه بداره يتوسلــون
بخوف وضرب لوعهم     وعليهم حـــاقد الملعون
جرهم بالحقد للمـوت      ودمعهم تـــارس الخدين
تجري عيونهم سكتــه    وايد بايد مجتوفيــــــن
مــا جنهم ولـــد مسلم    وجدهم سيد الكونيـــن
بهذا الحــــال خلاهم      القــدر ومكدرات البيــن

8_ موقفهم عند الصلاة
صلاة الموت صلوهه واجلهم كرب عليهم
يويلي شلون حالتهم وكلهه بعيد اهاليهــم
الدهر لوعهم بجوره وظالم ما رحم بيهــم
بيد الحارث انطاهم وصار الموت تاليهــم
امرهم سلموه لله وعليهم يفتر المحتـــوم
دمعهم بالجفن سايل دمع متالم و مظلـــوم
عرفو نية الحارث وازدادو حزن وهمـوم
يدرون الاجل كرب وعليهم بالمنيه يحـوم

9 _ موقف قطع راسيهما على شاطئ الفرات

عليهم ما عطف گلبه      ومثل البشر ما چنـــــه
كلهم انتم اختــــارو       الاول ياهو اذبحنــــــه
الچبير يگله يا ظالم       بالاول انـــــي اذبحني
ما اكدر تصد عيني       اخوي بذبحه تجرحني
صاح الاكبر بلوعــه       ومدامع بالجفـــن حـدر
تخسر اخره ودنيــه       وخصمك فاطمه وحيدر

ابوذية
فگدهم بالدليل اجروح   خلــه
وكـدام الصغير انذبـح    خلــه
صاح ابصوت يا ملعون    خلـه

شتكل هناك للباري ونبيـــــه
*---------*-----------*
گالوله  يحارث  عــــوف.. يدنه
يتامه والنبي المختــــار .. يدنه
شهر  سيفه و عليهم گام.. يدنه
و بيهم  عاد  يوم  الغاضرية
÷÷÷÷÷÷÷÷
✍بقلم خادم الحسين ع
الشاعر رعد الجريخي

أبيات ابوذيه الى الإمام الحسين عليه السلام 


عليك الدمعــه كـــل عمـري     لــهــلها
يمن حبك صفــه لـــروحي      لهو الها
أحلــفــك بالبقـــت تبچـــي      لـهلــها
العليلــه بالحشر عينك  باچـر عليه

*-------*-------*-------*-------*

روحي أعليـــك مـا شـافت     يهلــها 
لمصابك ظل دمّه اجفونـي     يهلــها 
باچــر روحــي  بالمحشــر     ياهو ألها
غيــرك يا أبو سكنــه ورقيـــه

**
الشاعر
موسى البديري

https://www.tg-me.com/Alhos77com

ابو ذيات الليلة العاشره :
وصايا الامام الحسين عليه السلام لزينب الكبرى

يزينب بالچ اتموتين ........... لو عاتّ
الشمر . نحري اويلوعچ راد ... لوعات
وصيتي: ارويحتچ لو عَلَي .... لا عات
اغلجي العين لتصدين اليه ....

واخبرچ باچر اعليه ........ تره اداچ
الخيول . اومن تگصديني .... تردچ
بالچ تسحگ اضلوعچ ..... تره الدچ
كلف . وازيد كلافه امن المنيه ...

كلف باچر يزينب صبر ....... ولماي
تراهو اشما بچيتي ايزود . . ولماي
بين التلّه تحتارين ........... والماي
لا للشط وصلتي او لا اليه ....


ابو فاطمة الطائي
https://www.tg-me.com/Alhos77com

فتحة عزاء ليلة العليله ع

اه يحسين ومصابه
*1*
بعد شلي بحياتي اخلافك شتسوه
اموتن لو رحت ياصاحب النخوه
ايتبده الماي اذا يمشي على العلوه
عليله إنه يبويه وروحي تتلوه
اه يحسين ومصابه
*2
شعجب كلي عفتني وما اخذتوني
بمحاملكم اعاين تهمل عيوني
ليش إنه الوحيده الما ذكرتوني
بعد فتره هلي وجنكم نسيتوني
اه يحسين ومصابه
*3
يلجمني الحنين وروحي لهفانه
حشمته الضعن خلاني ما تانه
دزيت الكتاب الهسه ما جانه
احس كلي عليله وروحي ذبلانه
اه يحسين ومصابه
4**
الهجر يكتل يبويه وتكتل الفركه
وأنه روحي احس من هسه محتركه
يمر بيه الهوى بس ما الي خلكه
مثل شجره وتطيح من الغصن وركه
اه يحسين ومصابه
*/*5***
ما ترجع اعرفك بويه ما ترجع
لو كتلي سفر هيج إنه ما اقنع
يفسر روحتك بخدودك المدمع
وداع الليله أريدن منك إنه اشبع
اه يحسين ومصابه
**
خادم الحسين عليه السلام
كرار عبد الحسن المحمداوي
https://www.tg-me.com/Alhos77com

منهاج شهر محرم الحرام ١٤٤٤
نعي بحق العليله


راحو هلي وخلوني وحدي
وحدايهم للموت يحدي
والهجر هوه المرد جبدي
بلحظة وداع اللي يرحلون

ليش الاعزاز بساع يرحون
واعله  الفراك بلهفه ينوون
كلما اصدهم تجري العيون
يخلون أهلهم وسط الظنون

بظنونكم ضلت بحيره
يالرحتو عنها لغير ديره
لطيوفكم ضلت اسيره
هلبت على روحي تحنون

ياهلي بين اظنون واظنون
عفتوني مدري بحالي شلون
للباب اصد بلكي ترجعون
عنكم ادور مثل مجنون

صديتله وكلي تضلين
بويه عليله وماتكدرين
ابجي واصد العين بالعين
هلبت على حالي يعطفون

كلما اعاين واصد عالباب
اتنطر امشي ويه الأحباب
خافن اضل ويطول الغياب
والمشو عني مايرجعون



محمد دعبل النوري
السبت
١٥ /٧ ٢٠٢٣ م
٢٧ ذو الحجة ١٤٤٤ هـ

https://www.tg-me.com/Alhos77com

عظم الله أجورنا وأجوركم…
*
ابو ذيات الهلال(فاطمه العليله)
*
تمنيّــت إبفــرح عاشــور هليّـــت
شجاك إشما تهل إبحزن هليّـــــت
إكسرت كَـلبي ودموع العين هليّت
على إمصاب الحسين إبن الزچيّه
***
عليله وكَـلبي ما هــوّد هل إيون
وهله إبكلمن يواسيني هلاويــن
شهر عاشور أنشدنّـك هلي وين
صدك ظلـّــو جثث بالغاضريّــــه
***
دليلي إبحزن ما فــــد يــوم منسر
وبچيت الضعن أبوي اليوم منسر
مشــو عنـّي ولَـوَنْ تدرون منسر
عمامي وزينب وسكنــه ورقيّـــه
***
مشيتوا من يظـــل بالـدار يمّــاي
وأصيحن عمهّ زينب نوب يمّـاي
أنشدچ مــن نزلتـو ويــن يمّــاي
أخاف الطفــل يعطــش لـو رقيّـه
***
عليله وروحي ما تحمل بهــاداي
وأنوحــن حيـــل مابيّـــه بهـاداي
لطمت إشكثــر لمصابـك بهـاداي
أدك صبح ومسه بثـنيــن إديّـــه
***
الحاج
ابو يحيى السويطي

https://www.tg-me.com/Alhos77com

ابوذيات زينب ع

روحي من الهضم بالشام  لابــت
ولاخيمه الـتلمني صفـت  لا بيت
رديــــت  ولا  خــــــوان  لابـــت
تسليـني عگب موتـت رقيه ..

اخـوتـي الفـارگـونـي  وجفوني
الدمـع نـار بفـگـدهم  وج جفوني . حرگ الجفون
انــه ابـديـون تـــالي    وجفـوني
وكل الناس تـتـفـرج عليه ..

بنات حسين نار الطف  عمـتهن
ركـضـن واليـسـلبـهـن   عمـتهن
مـرعـوبـات ويــدورن   عمـتهن
بيها ايلوذن من اسياط اميه ..

چلـت كربله بوحـشه   وخـيمات
وخدر ماضل بعد النه  وخـيمات
شبيدي والزلم تفـتر   واخي مات
احشمـن بعــد ينـغـر عليه ..

كـعـبـه والـحـزن بالـهـم  يطفنه
احترگنه وما فزع واحد  يطفنه
شنو شتاخـذ بـعـد اكـثر  يطفنه
اخوتي اتذبحت واني سبيه ..

وكـتنه الضيم بالطف  عمه بينه
وسياط الجيش كلـها  عمه بينه
ركضنه وشفنه طايح  عمه ابينه
بالحومه وترض بيه اعوجيه ..

يخويه مصابك اشعـظمه  هز النه
ومن تعب السبي وضيمه   هـزلنه
ركــبـنـه بـــلا هـودجــنـه   هـزلنه
ودخلنه السوگ گبل المغربيه ..

الشاعر عقيل الحسناوي..

https://www.tg-me.com/Alhos77com

عباتج والخيم وثنينهن سترج       
محتركات وانتي ايتامج بكترج
ــــــــــــــــــــــــــــــــــــــ
عباتج والخيم يابت علي الكرار
سترج هالثنين ودوت بيهن نار
شلون بهل فله وعدج ايتام زغار
اعتبي اعلى اخوتج يازينب نعذرج
ــــــــــــــــــــــــــــــــــــــ
نار البالخيام ونار تاكل بيج
وتجيبين هاي الخيل تسحك ذيج
يازينب يخويه عمت عيني عليج
محد من اخوتج عدل ويحضرج
ــــــــــــــــــــــــــــــــــــــ
نوبه اعلى النهر نوبه اعلى جسم حسين
من الخوف شفتج هايمه تركضين
اسمعـــج وين اخوي الجابني تصيحين
مابين الزلم والصوط اكل ظهرج
ــــــــــــــــــــــــــــــــــــــ
من طحتي اعلى وجهج صحت اخ وصاح
وياي الحسين وكام مثلي وطاح
شلون نكوم ليج وروسنه اعله رماح
وراحت فدوه يختي اعمارنه لعمرج
ــــــــــــــــــــــــــــــــــــــ
احشمنه واشوفه مكسرة ضلوعة
ويحشمني ويشوف جفوفي مكطوعه
عليج تسيل دم دموعي وادموعه
من فوك الرماح ورسونه تنظرج
ــــــــــــــــــــــــــــــــــــــ
بين الخيل اشوفج مدري شتدورين
مدري على الخنصر لو على الجفين
روحج رايحة وكل ساع تنهطرين
متدوهنه وتاه منالوجل فكرج
ــــــــــــــــــــــــــــــــــــــ
يزينب وحدج والخيل حاطت بيج
شافت طاح اخوج وكلها ركظت ليج
تنطكين وانه تشوغ روحي عليج 
وهيسه بظهري كل سوط اليجي لظهرج
ــــــــــــــــــــــــــــــــــــــ
هد حيلي النذل من طكج اعلى العين
وانه اعللنهر والحيــل اجيبه منين
عميه عيــوني ساكت وانتي تنطكين
وجدامي الشمر يتعمد يصطرج
ــــــــــــــــــــــــــــــــــــــ
يربات الحيود الماتعرف الخوف
طكاج الشمر وعيون اخوج تشوف
يخويه اتعذرج مـا بالزنود جفوف
ولا بالروح رده وترد وتنصرج
ــــــــــــــــــــــــــــــــــــــ
شلون الكومه للمجتوف بسهامه
وبعد لاعين لاجفين لاهامه
مو عباس اخته تلوج جدامه
وبالمقطوعه اديه يازينب شبصرج
ــــــــــــــــــــــــــــــــــــــ
يبت المانقاسو بالوغه برجال
الدنيا افترت ومن حال صرتي بحال
وسفه اعليج شدو معصمج بحبال
وصرتي بايد وادم ضيعت كدرج

رائد الناشي

#اللهم_عجل_لوليك_الفرج

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ

مامر يوم يشبه ذاك يوماي
شفت عباس بالزندين يوماي
گلت خافن يريد اضماد يوماي
وانا ثنيناتهن صعبن عليه
------------------
على ايتامي العطاشه يزود هماي
طاحوا عالرمل ضنوه هماي
بالهودج ضربته بحيف هماي
اطبرت راسي على مصاب العليه
--------------------
تعاي وشوفي اهل حيدر يساره
عگب البالغدر طاحت يساره
من بعد الشتم كلهم يساره
على الهزل خذوهم گوم اميه
------------------
المصايب تيهني امنين وجهاي
حرت وين انطي بالخيمات وجهاي
اطفي هاي بيده الشمر وجهاي
حرگهن للخيم كلهن عليه
--------------------
گلبي بيوم عاشر صار بيداي
خيم والجيش وآنه بوسط بيداي
انطيت الجود للعباس بيداي
ما ادري الاخو يروح امنديه
-------------------
دخيل حسين ابو اليمه دخله
الف سهم الذي بجسمه
دخله
ذبحته ايلوج عالغبره دخله
اعله صدره اگعدت يرفس للمنيه
-------------------
بناته حسين يوم الطاح يرهن
حسراته عليهن جمر يرهن
شاف الشمر صوب النار يرهن
سمعهن صاحن باسمه سويه
-------------------
اخوي الي يبارحني برحته
غطه النحر شو عني برحته
ذبحته ياشمر خله برحته
دخلي الراس يم ابن الزچيه
--------------------
نهاني الوكت عن النوح منهاي
ابن زياد عني نشد منهاي
انهضمت وسال دمع العين منهاي
تجاهلني ونشد منهي السبيه
-------------------
بعد ماضل بالدمع ياناس وشلاي
شفت الشمر حز الراس وشلاي
عگب عين الاخو الذبحوه وشلاي
غير اليسر ومچتفات اديه
--------------------
السيد.    
كريم دانه الاعرجي

https://www.tg-me.com/Alhos77com

وحگ مسلم وحگ هاني وطوعـه
وفي لحسين أظل بآمره وطوعه
گلبي إشما أعذلـنـّـه وطــوعــه
يگلـّي الطوع طوع إبن الزجيــّه
***
مصاب إحسين أبد بالكون ياجـد
مشه إبدرب الشهاده وعرف ياجد
صاح إبصوت فتني العطش ياجد
يراعي الحوض يالتسگي البريــّه
***
الدهر چم حيد چم رگبه حَز نـّه
ولا واحد حـــــزن مثله حِزنـّــــه
گبـــــل ما ينخلــــق آدم حزنـّـــه
وَيْ ثوب الحزن نكبـــــر سويّــه
***
مَثـل لحسين أبد ألگــه ولاجــد
وسبحان الخلگ شخصه ولاجـد
أمه الزهره أبو حيدر و لاجــد
محمد سيـــّد الكـــل البــريــــّه
***
إعيوني إمن البجي ياناس كـفـّن
على اللي جاد دون حسين كفيّن
إلك كفيّن يالعبـــــاس كفـّـــــن
كفو مـنـّك يبـــن حامي الحميّه
***

   خادمكم
أبو يحيى السويطي


https://www.tg-me.com/Alhos77com

هوسات بحق ابي الفضل ع

شـاف الـجـيـش مـحـرب لـلـخـيـم دنّـه
گـل لـحـسـيـن  ابـشــر  كـلـه  ابـيـدنــه
لاحــيــدر  ابــوي  ولا شــبــل  مـــنـــه

لـو واحـد يـسـلـم مـن سيـفـي

*------------------------*-------------------*

يـحـسـيــن  وغـلاتـــك  مـايـهـمـونــي
اتــمــنــه الــعـدد  كـلـهــم  يـلاگـونــي
بلكي اهـواي اگـول واتـرس عـيـونـي

الـسبـعـيـن اشـويـه الـبـتـاري

*---------------------------*------------------*

شـال الـرايـه يتبختر شبه حيدر  الـكـرار
واشباه الزلم رجفت والعسكر دخل بنذار
خله الخيل تترادم موعباس چنه اعصار

تـتـراجـف مـنّـه الـخـيـالـه

*------------------------*--------------------*

كـون الـيـلـزم الـرايـه زيـن ايـعـرف معناهه
وگبـل لتطيح عالتربان چـفـه ايطيح وياهه
سبع تنعام من عباس تحجي الزوده خلاهه

بـس  هوه  اللاگـتـلـه  الـرايـه

××××××××××××٤××××××××××××
✍خادم العباس (ع)
     الشاعر رعد الجربخي

https://www.tg-me.com/Alhos77com

الله يعين كلبك سيدي ومولاي
على مصاب الغريب الماشرب ماي
&&&&&&
تبجي اعليه يوميه صباح وليل
تزد ادموم عينك وي دمعهه يسيل
بكلبك نار من حرك الخيام تهيل
كون أكدر اساعد سيدي ببجاي
&&&&&&
ماتطفه جمرته ابكلبك اموجره
شيبرد النار وانت تشاهد الحره
تدير العين وجدك ساكن الغبره
يبو صالح ماترحم ابد دنياي
&&&&&&&
الله يعين كلبك يابعد روحي
خلهه تزيد  لجلك ونتي ونوحي
والله جروح كلبك سيدي جروحي
كله يهون لجلك يابعد عيناي
&&&&&&&
عفيه اعليك ياسيدي شتشيل
هم عمتك من جلجل عليهه الليل
لو الأطفال والوادم عليهه تعيل
لو حرك الخيام ومااجاهم ماي
&&&&&&
شنهي هموم كلبك سيدي كثرن
من يوم السقيفه اعليك يتعنن
وضلع امك الزهره بيهه يتحنن
سهم البين هو للكلب رماي
&&&&&&&
شوكت تكوم فدوه سيدي لثارك
وبين الناس نسمع سيدي اخبارك
نريد وياك يامولاي نتشارك
نصرنا وياك يحله سيدي ومولاي
&&&&&&&
الشيعه وياك كلهه تكوم فد كومه
وكل واحد يموت بساعته ويومه
شهاده نريد بين ايديك موسومه
مشتاكين يامولاي الهه هواي
&&&&&&&
وكل واحد يرحل وبيومه
وندريهه الساعه ومعلومه
يم حيدر تحلالي النومه
&&&&&&&
خادم خدام الحسين عليه السلام
الحاج ابواياد البيجاوي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ

https://www.tg-me.com/Alhos77com

ابوذيات عن العليله

عليله وجسمي ناحل حيل بي داي
همـس بذني ابوي حـسين بيـداي
يگلي ذكـرى اريد انطـيچ بيـداي
سحب من ثوبه خيط وحط بديه
.
يبويه الهظم مايسكن وسكنه
ويابيت البعد عندي وسكنه
رقيه وياك هم راحت وسكنه
وانه الظليت بحضان المنيه
.
ترك فرگاك بضلوعي ورم له
وانت الطف الك ينطر ورمله
اجه جسام ودعني ورمله
تگلي شدي حيلج عالبليه
.
عليهَ النوح متفصل وراهم
عليله وكل حزن بيا ورا هم
راحو هلي وعيوني. وراهم
تهل دمع ودمه وي كل مسيه
.
تشب نيران فوگ الداي بالماي
سَرت كل البلام وغرگ بالماي
بعد وجهي ولاينشاف بالماي
اشوفك طايح وعمتي سبيه
.
وحگ جدي اليعرفونه نبي الهم
يبويه صرنه بفراگك نبي الهم
يريته ينبت بگلبي نبلهم
ولا يوصل خبر موتك اليه

.
حسن الموالي الفاطمي

https://www.tg-me.com/Alhos77com

ابوذيات الى السيده فاطمه العليله عليها السلام
*-----*-----*-----*-----*

اگلوب أهلـي صبــر هاگـــد   يحملون
أسبـــاع بحـــرب لـو رادوا   يحملون
اگبالــي ضعــونهــم گامــو   يحملون
خــذوا روحــي وتوسدت المنيــه 

*-----*-----*-----*-----*

بعدكــم روحــي بـس ونــي   لهوألها
ودمــوعي كالجمــر عالخد     لهلــها
مشــو والعيــن مشبــوحـه     لهلــها
عليله وبلكــي يلتفتـــون أليـــــه

*-----*-----*-----*-----*

ونّــي بكــل كتـــر بالـــدار    يــدواي
عليهــم والگــلــب تنــــور     يــدواي
سلوتي انتم يلب احشـاي    يــدواي
مشيتو أوسدت روحي المنيه 

*-----*-----*-----*-----*

الشاعر
موسى البديري

https://www.tg-me.com/Alhos77com

نَعي لاستشهاد مُسْلِم بن عَقيل رَضِيَ اللَّهُ عنْهُ

مافاد النصْح بالخلگ مِن راد
ابوطاهر يوَجْه النَّاس مافاد
ألگالوله أَلَك أَرْوَاح وَأَجْسَاد
بطمَع وبخوف تبعَّوا راي جَلَّاد
مِثْل نار الوعود انگلبت إِرْمادْ
غدْر ذاك الزَمَان الْيَوْم ينعاد
نَفْس ذيچ النُّفُوس وذيچ الأَحْقاد
نْظَرْ صَوْب الْمَدينَة وبلدمع زاد
سَلَامِي علَيَك نَادَة يبو السجَّاد
طبْع الگوم خويه غَدْر وعْناد
الچتل أَهْل الْحَمِيَّة عدهُم أَعْياد

الشاعر حسن لعيبي الحريشاوي

https://www.tg-me.com/Alhos77com

نعي الى مسلم ابن عقيل  //ع



غـريـب ومـا ألـه نـاصـر
              وگـوم أجـمّـعـت ضـده

مـاهـم الـزلـم والـخـيـل
             وزلـزل جيشهه الـوحـده

وارث حـيـدره بـزوده
                وفـنـون الحـرب عنده

بـچـفـه ايلاعب البـتـار
                 ثابت ماخـلـف وعـده

مسلم  ونـعـم  مـنـه
             والكون أنحنه الـمـجـده

السفاره احگوگهه انطاهه
                  وما دنـگ لبن هـنـده

سوّه البالحرب ماصار
               وصـارت عالزلـم شـده

عليهم ضاگت الكوفه
                 رغـم  العـدد  والـعِـده

بسمه ايسولف التاريخ
                 لليوم أبمجد بـعـده

*---------------------*-------------------*
ابوذيه


راســه بــس للآه الـكـون .. وطّاه
وجدمه بزود درب المجد ..  وطّاه
نذر عمره لـبـو الـسـجـاد  .. وطّاه

وأله التاريخ ضل ياخذ تـحـيـه

*--------------------*-------------------*

✍خادم الحسين ع
الشاعر رعد الجريخي

https://www.tg-me.com/Alhos77com

آه متني من السياط وبعد آه.. 
والله تحرگني لون البس عباه.. 
وينه ذاك الجابني وبيده لواه.. 

اختك ام الخدر تحميهه غرب
………… 
چفوفي  بيهن اثر من نار الخيام.. 
وريحة العطّاب بهدومي حرام.. 
لا ابو يمّي ولا اخوه وعمام.. 

باچر بقصر الشماته شلون اطب
…………………………………… 
نص الليل واسمع ونة اطفال… 
دنيت الگيتهه مرعوبه العيال… 
ياعمّه نظرنه وشفنه الخيال... 

چا وين الزلم ياعمّه ماجَوْ
………… 
تعالو خل تغطيكم عباتي… 
لملّي اليتامه ياخواتي… 
هيجي ماحسبت الهه حياتي… 

وحيده ام الخدر واحبابي ماتو
……………………………… 

طگني بسوط فوگ المتن ..آه آه
بلا وعيي وصحت عباس.. آه آه
ميت بس سمعته يصيح ..ها ها

شلون افزع وانه مگطوعه اديّه
……………………………… 
يختي سهام شوف العين… طفَّن
النار يصيح عن الخيم… طفّن
عندي بكربله تدرين… طفّين

اخوي على الارض واختي سبيه

سيد علي المدني


كلمات الشاعر الرادود علي ابوسما الديواني
               
سكـنـه اعلـيـك تـنـشـد       مـايــه ويـنـه
وَعـد عـمـــي نـطـانــي       مـايــه ويـنـه
 حمام الدوح ونـــــــي        مــايـــونــــه
ضــرب واسياط عــمـــي الـحـﮓ عـلـيـــه
                   

خـذانـي الــشـوﮒ يـبـن امــي    وحـنـيــت
وﭽـفـوفـي امخضـبـه ابـدمـك    وحـنـيـت
امـصـابـك خـويـه رك حـيـلـي    وحـنـيــت
يـبـو الاكـبــــر شــجـاك اﮔــطــعــت بـيـــــه
                 

يـدهــري اشـمـالك انـتـه اويــاي     خَــــوان
خـذت مـنـي اعــــــز واشــلــون     خــــوان
لاروح الـبــﮕــت لاجســـــــد       خـون خـوان
اســهـــامــك مــاخـطـــت بــالـغــاضـريـــــه
                

اضعــون حـسـيــن مـن شـدت     رَحَـلــهـــه
تـطحـن والـصـبـــر روحـــــــي    رحـه الـهــه
حـسـيــن ابـكـربـلـه وعـبــاس    راحوا الـهــه
وبــﮕــت تـنـطـر يـجـوهــه ابـكـل مـســيـــــه
               

                (( نــعـــــــــي ))

صـاحـت زيــنــــب ودم تـبـﭽــي الاعـيــــون
ﮔــظـوا اهــلـــي ذبــح بـالـطـــف يـنــزفـــون
ابــد مــاحــاســبــه اخــوانـــي يــروحـــــون
صـفــت منـهـم خـلـيــه اوحـشــه الاضـعــون
              

يـعــبـــاس ارد اعـــاتـــب ويـــن الاوعـــــود
اعــذرك لـو ﮔــلـــت مــﮕـطــوعـه الازنـــــود
خـويـــه اتـرس الـجــود ولـلـضـعــن عــــود
ﭽـبـد سـكـنــه تـره امن الـعـطـش مــمــرود
              

ويـن الـﮕـــال زيــنـــب يـخـتــي بـحـمـــاي
حــرﮔــوا خـيـمـــتـــي لَــحـــﮓ يــرجـــواي
ردتــك يـبــو فـــاضـــل تــفــزع ابــهـــــــاي
تــتــــلاوع اطـفــالــــي ورادت الــمـــــــــاي


           كلمات الشاعر الرادود
       ميرزا علي ابوسما

#القاسم
نعي للقاسم
بحر طويل

.
ياعمه انشدنچ ... ليش حسين هل دمعه
وليش اتعنه للخيمه ... بحسره خمّد الشمعه
وليش اگبال اسم جسام
بچفوفه يدگ ضلعه
خبريني يبت حيدر ... يعمه احتارت افكاري
......
يعمه الحاله مو سهله ... اشوف الغالي يتحسر
شما رمله اجت يمنه ... يبقه انظرله مايگدر
شنهي الصار ياعمه .. بكل خطوه اصد يعثر
وي دمعات عينه الروح ... بيها تشتعل ناري
....
راح حسين للحومه ... يركض منذهل فكره
آ يالحسن ومصابه ... يصيح وحسرته بصدره
وگف وانحنه اعله بنادم ...يشبگه ويجذب الحسره
جابه وشايله بيده ... ودمعه اعله الوجن جاري
......
وصل وبأيده ان شايل ... جسام وينوح اعليه
ودم من النحر ينزف ... من شاله وصبغهه ايديه
صحت بصوت ياعمه ... ابوي وجاسم اتلگيهه
ولن رمله تصيح اليوم ... ياويلي انهدم داري
.....
الشاعر محمد حسن ضيغم

المولاي علي الاكبر (ع)


شـبـيـه الـمـصـطـفـى لـلـظـيـم.. يابه
وگــع وحـسـيـن يـــم الـخـيــم.. يابه
انكـسر ظـهري يصيح ابـصـوت.. يابه

يــالأكـبــر ضـاگـت الـــدنـيـه عــلـيــه

                                        *---------------*---------------*

الامام الحسين يخاطب ليلى ام علي الاكبر

يـلــيــلـــه ونّــتــچ ويّـــاي.. وحـدي
على اوليدي انــوح الـيـوم.. وحـدي
انكسـر ظهري وْ أنـه تدرين.. وحـدي

أبـكـثر طـعـنـاتـه خـلـه اجـروح بـيـه

                                        *---------------*---------------*

✍خادم الحسين (ع)
الشاعر رعد الجريخي

https://www.tg-me.com/Alhos77com