( نعي + ابوذيات )
في رثاء ام المصائب زينب عليها السلام.


عگب آلامها وهمها ومحنها
زينب ماتت الليلـه بحـزنـها
بديار الغرب موش بوطنـها
مصايب كربله المرن عمنـها
ماتت ماحضـر واحد دفِنـها

الليلـه ام الخـدر ماتـت غـريبـه
مصايب عاينت بالطف عجيبـه
لچن سلب الخدر اعظم مصيبه
كلف جرح السبي وايّس طبيبه


بجلالة فاطمــة زينب.           اجلها
وسافه وبالغرب گرّب            اجلها
منّ خـوتــها ماواحــد.           اجلها
ماتت بالغرب بت الزچيــــه



المصــايـب شيّبـن زينب.         لونها
يذوب الصخر من يسمع.         لونها
الليلــه مـن الحـزن ماتت         لونها
بالطف وي ابوالاكبر سويــــه


زينـب بالصبــر ماصـح           كفلها
مصـاب حسيـن سلاّها.           كفلها
ماتــت ماحضــر يمــها.           كفلها
گطيع چفوف سبع الغاضريــه

خادم أم المصائب زينب عليها السلام
سيد زيد الفحام

https://www.tg-me.com/Alhos77com

ابوذيات بحق مولاتي الزهراء عليها السلام


شالو  النعش  واركض  وراها
علي   بليل    للزهره    وراها
امي  وين   أشوفنها    وراها
بدليلي  نارها   ضلت   سريه

┄┉❈❥❀❥❈┉┄
بدليلي  نارها  واجرت   وحشاي
وديرتها  مظلمه   بكت   وحشاي
فكدها  يفرهد   بحيلي   وحشاي
اون   ضليت    والدمعه    جريه


┄┉❈❥❀❥❈┉┄
وراها  رفعت   جفي   ويومي
وانده ريضو وخذوني ويومي
تمنيت  الاجل   يلفي  ويومي
ولا شمن  هوه   بعد   الزجيه


┄┉❈❥❀❥❈┉┄


تمت بعون الله تعالى))
بقلم العلويه ✍ام رائد زوين)))


https://www.tg-me.com/Alhos77com

قناة:
نعي كرناوي مع ابوذية ......للخوان



كسر ظهري زماني ابشيلة الخوان
حيلي راح مني والجسم نحلان

مااجر الجدم لا انكل الخطوات
ما اشيل الهدم فوك الجتف ثكلان

تنشدني المنازل وين اهلها وين
اكلها بس صور ظلت على الحيطان

عمت عيني عليهم حملوا شبساع
امر ابدارهم والكه النزل خلوان

خلف بالكلب فركاهم اجروح
فركه اعزازنه بالروح ماهان

كطع بيه الاخو من حمل وشال
واموتن من اشوف امسددة البيبان

يحزام الظهر يارفعة الراس
محلى كعدتي اوياكم يالحنان



ابوذية ..........



اديه ابيوم شال الاخو ...ماتان

صحت تاني يهالحداي ...ماتان

مو ميه اهل ادموع...ماتان

على ابن امي الرحل وابعد

//////////هوسات//////////

زينب طالعه دور تنشد وين طاح حسين
تعثر بالمشي وتكوم طرت كوم الملاعين
تصايح عليها الناس يخت حسين شدورين
(((وعلكناه /راس بن امج وعلكناه)))

$$$$$$$$$$$
بطلي من الدواره وايسي منه
ومن جيته يزينب كطعي الضنه
ودينه عليه خيول داسنه
(((((صاحت يحسيني //من سمعتگ

.


ام البنين عليه السلام بلسان الحال

انازع والمنيه اليوم ................  حنيت   حانت
او لشوفت ابني العباس  .......... حنيت
دعيت الله اوچفوفي ابدمع    ... حنيت
يربي اسويعه رد عباس عليه ........

كأني بها تتحقق امنيتها و تراه قبل المنيه فتخاطبه

الهوه من شفتك الريتي ... طَب الها
لچنّ الروح ما ينفع ......... طِب الها
امنهد الشام ما دگت ........... طبلها
الچتل عباس . وانه ميتات اديه ....

امتوني الگبل هزنّك .............. ولالن
انحِلن . وادموعي ايصبن ...... ولا لن
هظمني الشامت الگلبه  ........ ولا لن
يگلي اشعجب شو دارچ  خليّه .......

اون والنوح فت عظمي ...... وشاله
ييمه او عيني ما بيها ......... وشاله
اذا الجناز اجه النعشي  ..... وشاله
ابحليبي اعليك :  حط جودك عليه ..... 

ابو فاطمة الطائي

.https://www.tg-me.com/Alhos77com

يحادي الضعن بالله بهون      سوگه

بدنه مورمه جفوفه و      سوگه

بس الشام لو طبيت.   ......سوگه

اخاف احجارهم تاذي رقيه


✍نور  الولایه  الفاطمیه

https://www.tg-me.com/Alhos77com

يبو فاضل دليلي الهضم ،،،حاشه
ترد كلمن نخاك بضيج ،،،،، حاشه
جبير الكوم لو حشمت ،،،،،حاشه
تحلها بس ردت عطفك عليه

╌────═❁═────╌

اجفوفي لغير بابك ٠٠٠مايريدن
وانه ادري لو نخيتك ٠٠٠مايردن
احلفك بلي صاحت ٠٠٠مايريدن

اريدن حاجتي تكضيها اليه

╌────═❁═────╌


✍ نور الولايه الفاطميه

https://www.tg-me.com/Alhos77com

#نعي لفقد الأحباب:
                                             ------------

هنا يالمگــــبرة يالبيــج اهلنـه
بيج اعزازنه الكلهـم مــــحنــه
بيج الزين والصــــاحب دفنـه
بيــج النـام بـيه عـازه لكـبرنه


ايا درب النجف شمسوي بيـنه
بيك اجــــــم عـزيـز الدافنينه
بيك البـيه محنـه يحـن علينه
نامــو باللحـــــد وتـفـارگيــنه

اتانـيهـم بعـــد لــو ما يــردون
ما شبعانه منهم شوف العيون
ترا فگد الحبايب ما ظن يهون
اعزاز اشگد عليه بيه يـــدرون

فارگنـي العزيز ومگدر انسـاه
يحن گلبي لگعدته وذاك ملگاه
يا محله گعدته من اگعد ويـاه
يا وسفه وحسافه اتراب غطاه


هيبه العنــده اخو يا ناس هيـبه
وَنَه ابن امي دفنته امنين اجيبه
يا ناس الاخـو فگـده مـــصـيـبه
البيت الماله اهل وحشه تصـيبه


                                     ----------------
✍️حيدر عبدالله السعيدي

https://www.tg-me.com/Alhos77com

عليه الحرگ داري........من يعت به
وكسر بل باب ضلعي...من يعت به
وهوه مصيوب فوكج...من يعت به
هويت انه وهوا ابني بين اديه

╌────═❁═────╌

اعله دفع الباب فاطم لون....عنها
احد ماسطر جف النذل.........عنها
وين الي حضر سلمان...........عنها
عجب ماحاضر الزهره الزجيه
╌────═❁═────╌

✍نور الولايه الفاطميه

https://www.tg-me.com/Alhos77com

بين عتابها(للقوم)
ورضاها وتسليمها لأمر الله
كأني بأم الحسن في أخر لحظاتها
فتحت(عينها)وقالت بصوت خافت
آه :

=::=::=::=::=::=::=::=::=::=::=::=::=::=::=::=::=::

ما تدروني من أنا؟........ وعلي من؟

أناشدكم    عصرتوني .....  عليمن؟

ولكن يكفي    بارينا   ........ عليماً

وأنه لوجهه  ووجه   حيدر   هديه

=::=::=::=::=::=::=::=::=::=::=::=::=::=::=::=::=::

ثم أنها ادارت بصرها نحو قبر أبيها(ص) وقالت بلسان الحال:

عگب عينك علينه الناس ....... مالو

وگد    ماونن  انه  عليك ......... ملو

حزني   عليك   عالأيام ........ ما  لو

يبويه  إنصب    ليالي  تصير    هيه

=::=::=::=::=::=::=::=::=::=::=::=::=::=::=::=::=::

حكم هذا الزمن ياناس ..... آه  مر

گبل ناهي أبوي وچان............. آمر

على عبده النذل ياحيف......... آمر

بسوطه    يلوع    متوني    واديه

=::=::=::=::=::=::=::=::=::=::=::=::=::=::=::=::

بيتم فتحت عيني  ب آه ... شبيت

وحياتي ويه نار  الباب  .....  شبت

الحرگ بابي يعالم ترى .. شب بيت

زينب    و      الضعن     بالغاضريه

=::=::=::=::=::=::=::=::=::=::=::=::=::=::=::=::=::
جهاد البصيراوي


https://www.tg-me.com/Alhos77com

حيلي من المصايب باد...... ونحل

وأدور للنوايب والگه...... ...ونحل

يلزهره اعله بابج رحت. ... ونحل

العسر ونزاح كل هم العليه

✍نور الولايه الفاطميه


https://www.tg-me.com/Alhos77com

ريت الباب مو من خشب ٠٠٠ينجار

وخلفه لو يلوذ البشر٠٠٠٠٠٠٠ينجار

بس فاطم عليهاليش ٠٠٠٠٠٠ينجار

وتوجر واصبحت ناره سريه
╌────═❁═────╌


الباب منين وكتي ٠٠٠٠يابه ليه

يحيدر شحمل انه ٠٠٠٠يابه ليه

وبعد اكثرمصايب٠٠٠٠يابه ليه

اشوف هناك بأرض الغاضريه

*╌────═❁═────╌
✍نور الولايه الفاطميه



https://www.tg-me.com/Alhos77com

.

عن لسان السیده زینب (س)
__

الدهر یحسین صوّبنی بهامای
و عینی من البچی ماظل بهامای
وینه اللی یشارکنی بهامای
صحت محّد یردّ الصوت الیّه

✍️الشاعر ملا جهاد الصوفی

https://www.tg-me.com/Alhos77com

العده جوره اعله فاطم٠٠٠٠ها شملها

بحقد طكَهه وضلعهه٠٠٠٠٠٠هاشم الها

وايده اعله ام حسن مدها

سطرها احمر غده خدها

وحرمه وفضه بس عدها

عجب وينه الشمس ردها

الفاطم لا حضر لا ٠٠٠هاشم الها

احضرت من هجموا عليها الزجيه

✍نور الولايه الفاطميه

https://www.tg-me.com/Alhos77com

..
هذا ما اوصت به فاطمة

تلــوج وظـل دليــلي لايج وياك
وصبرك يبو الحمـلــه لايج وياك
شكو واحد ظلمني لايجي وياك
من اتشيل نعـــشي وتمشي بيه

عفه دهري اليساوي الفحم بالليل
فجعني ودمعـي بالوجنات بالليل
اشيل اجنازتچ مجـــــــبور بالليل
واضيّع گـــــبرچ الطاهــــــر بديه

✍ فراس المحمداوي


https://www.tg-me.com/Alhos77com

ابو اذيه عن لسان امير المؤمنين
وهوه يرثي الزهراء  عليهما السلام

...........................

اسنين العمر من بعدج لحدهه
وأبجي الدنيه من حدهه لحدهه
علي من نزل الزهره لحدهه

نسه روحه ومشه يم الزجيه
.............................

ابفكدهه ادموم الي نزفن يرحاي
وبعدهه مايجن نوحج يراحاي
بقه يطحن قهر گلبي يراحاي

اطحني اشما بقه بالروح اليه

...............................

روحي اليوم مهظومه حسنهه
على الوياي عشرتنه حسنهه
بقه يبجي على الزهره حسنهه

يكول امي مشت وأگطعت بيه

................................
الشاعرة ام ابراهيم الحلفي


https://www.tg-me.com/Alhos77com

بوذیه حق مولاتنا الزهراء (ع)


دموعی عله مشت هلیوم        تنهال
روحی من تتطب للدار          تنهال
یتراب الحد لوردت            تنهال
بهیده وصيك ویضلع  الزچیه


✍انتظار الریاحي

https://www.tg-me.com/Alhos77com

.

نهظمنه خلاف عينج زهره...يمنه
جنتي   اليسره  النه وبعد...يمنه
الكعده  وياج حلوه  وانتي...يمنه
من    نتلم   سوه  ونكعد   سويه


خادمةالسيده الزهراء والسيده رقيه ع
(( ا لشاعره  ام  زهراء   الفاطميه ))


https://www.tg-me.com/Alhos77com

يبو فاضل دليلي الهضم ،،،حاشه
ترد كلمن نخاك بضيج ،،،،، حاشه
جبير الكوم لو حشمت ،،،،،حاشه
تحلها بس ردت عطفك عليه

╌────═❁═────╌

اجفوفي لغير بابك ٠٠٠مايريدن
وانه ادري لو نخيتك ٠٠٠مايردن
احلفك بلي صاحت ٠٠٠مايريدن

اريدن حاجتي تكضيها اليه

╌────═❁═────╌


✍ نور الولايه الفاطميه

https://www.tg-me.com/Alhos77com

دفع بابي وكسرلي ضلوع٠٠لاهاب
وحرك بيتي علي والنار ٠٠٠لاهاب
ولا واحد حمه والريح ٠٠٠٠لاهاب
يطفي النار من شبت عليه
╌────═❁═────╌

العده ابدار النبي جمعت ٠٠حطبها
وصاحت اي وان فاطم ٠٠حطبها
وشعلها واسعرت ناره و٠٠٠حطبها
بسمار وكسر ضلع الزجيه
*╌────═❁═────╌

✍نور الولايه الفاطميه

https://www.tg-me.com/Alhos77com

ابو ذيات الزهراء عليها السلام

كسر ضلعج ييمه شلون بسمار
زادي والشرب بعدج صار بسمار
ردت طيفج يمري بحلم  بسمار
نمتي بالكبر  وكطعتي. بيه


قبلج  ريت. المقدر.  يجدماي
عسى مشلول ماتخطي يجدماي
نار الوجرت ماضن  يجد ماي
ع امي مشتعل جانون  بيه


بقلم العلويه ام رائد زوين


https://www.tg-me.com/Alhos77com