شفت زينب عتب مو قلق ع العباس
والعباس و العباس ماقصر

محمد وجيه

خاف الگاع اتميل ابزينب
ذب اچـفوفه اتگـض الگاع

اياد عبد الله

ياحسين الدنيا ظلمة..
وانت كل ذرة تراب تلامسك مشروع نجمة

محمد المسعودي

_لاتبجين
يانشغة البرحي ويادموع التين ..
لاتبجين..
يازهكة اللبوة وياصبر شاهين ..
لاتبجين..
تهز مريم
النخلة ورطب منها يطيح..
وتهزين الليالي يطيح منها سنين..


سعد محمد الحسن 🤎🕊️

أعظم ما كُتب في حب الامام الحسين عليه صلوات الله في قصيدة يحسين بضمايرنا للشاعر عبد الرسول محيي الدين🤎🕊️

كال اللي يزور حسين
عليه مية ذهب يدفع، رسم زيارته يكلفه
دفعنا وكل شخص منّا
ويشعر بعده ما وفه...

كال اللي يزور حسين
من ايده ينكطع جفه
نطينا جفوفونا بالحال
واجينه نزورك بلهفة

شنهو الذهب ؟ شنهو المال
اليحب يتوطن الحتفه

سلام الله عليك يا سيدي ومولاي يا ابا عبدالله.. 💔

صباح الموت زينب ذبحوا الخـير.

وداعا... مع انتصار الدم على السيف🤎🕊️

اليوم مغربة يا عمة السادة.. 💔

بس لله شكـيت وماشكـيت الـناسَ
كـلشي اليختنك بـ أرض الطفوف يموت
وعاشت بلخنگ بس جربة العباس
وصينيـة القاسم كـبر بيهاا الياس..