صيرلهم مثل شجرة..
واخذ من النَخَل عِبرة.!
يَموت ومَا يدنّك رَاس..

_خضيّر هادي 🤎🕊️

عريان السيد خلف

البارحة جيت على بالي
البارحة عيوني بجت جوة المخدة

_مرتضى مطشر🤎🕊️

كطَف رِجلي واَكول الجَن كَطْف طين

_جواد الحمراني🤎🕊️

تراب الطَف حطّيته بالغربيل
ما يتغربل من الدم...!!

_سعد شميل 🤎🕊️

سمير صبيح يكول عندي كاظم الكاطع اعز من ابوي.. 💔

بعد موتك يكاظم جزّت الروح
سديت الصبر وانطيتك المفتاح

_سمير صبيح 🤎🕊️

يا صَديجي اليعْرض اعلى الضيج لو ينكَص وريدَه
يا وَفي وعادَة اليوفي يطيح بالسهلة وشديدة

عريان السيد خلف 🤎🕊️

ي ام نَغل لا تبجين انستره لو توم
بس كونج تكفين مو حبلة كل يوم

_سمير صبيح 🤎🕊️

القصيدة الكاملة بعنوان ليره :

كف يجف افراكهم ..كف لاتعتني ..
كفني من جنه وجنت ..
ويام ناسيهه ونستني
لاتكحلني ابصورهم
وك مراودهم عمتني ..

وعيني ..!
عيني لوحه مشركه ..
بالك تدك وتبسمر الطيف اعله جفني ..
وانه ماعايز حزن ..

عاين ..بعدني بثوب حزني ..
كفني ..باعوني رخيص او غيرهم وادم شرتني
.
.
رخصوني..
ضيعوني ..
جنت ليره اعله الدرب وعيونهم ماوجدتني!!
جنت ليره ..اتلوح اعله اصدورهم ..
لاجن كلايدهم شبه ..وما والمتني ..
.
.
كف يجف افراكهم ..عين العشت بيهه انكرتني
كربوني ..ذبو الشص ونتل كلبي الجرفهم والسوالف دللتني
سمجه خطار اعتنت
واعله الزهر شصهم عزمني ..

ذبلوني ..وجفلو من عيني حتى النوم ..
طار وماخفك جنحه اعله جفني
.
.
يوم الموادع نسوني ..
وحته روحي المشت وياهم نست ماودعتني !!
لاترد بيه الدربهم ..
جيت منه اوحيد بس دمعي يزتني ..
جيت من درب العشك مكسور خاطر
سحكو اسنين المودة
ومشو اكليبي الوفي ابسجة خناجر ..
.
.
لبسو دنياي غيم
او فورو اعليه الحزن داير مداير
كون اشك كلبي واشوفك ..!
چا كلت عفيه عليك شلون صابر !!
.
.
چنت شمعه اضويلهم لاچن عواصفهم طفتني
وچنت ليره اعله الدرب وعيونهم ماوجدتني
وعيونهم ماوجدتني ..!

اجيت الليلة اودعكـم ماظن للصبـح باقي
هذا المنحني عـودي وهـاي الذابلة اوراقي

كاظم اسماعيل الكاطع

آنه المن تنشده شلونك يچذب

سعد شميل