راسك من تعله فوگ الرماح
ضل راس الزمن لليوم نازل


الگاطع

شديتك نذر خيط بضريح إمام
ما عندي بخت يرجعلك يفلّك..!

ناظم الحاشي 🤎🕊️

ما اجينه بكيفنه هاي الحياة"
صبلي خل اشرب اموت بكيفي....

_صاحب الضويري🤎🕊️

إذا مو بيك أسولف آنه ما موجود!
لأن بس بيك اسولف كل وكت آنه
تدري أنت بمكانك ويم بيه يصير؟
بس شوية وخر تطلع هنانه.
مو بس آنه احبك! آنه وآنه هواي
وبعد من عندي عشرة نحبك ويأنه
أدري انت بشر بس هالخضار منین ؟
ابو البستان شافك حرگ بستانه!
الورد من شاف طولك بس علي مريت مايقبل بعد یگعد بسندانه
ادري شلون رايك يعني كلنا نموت!
گول نموت كلنا منين دفانه ؟
الحانه وداعتك سكّرت ناس هواي
وبس أنت الوحيد السكر الحانه
بتهوقن امس لو سامعك ما صار
يم صوتك امس چا گعدن الحانه
يلوموني من اشوفك اسکت من الخوف!
عمي الشاف طولك ضيع لسانه ربك بالخلق سواك بس سواك
وآنه وذوله مدري شلون سوآنه

علاء ال ياسين🤎🕊️

يمه دين الفقرة متعب
خل نبدله بغير دين..؟

اغربل ماي اشوة.... "
ولا اكول انساك!

محسن الخياط 🤎🕊️

خل جفك ثلج..
والعازة مشعل نار.. "
حتى يذوب جَفّك لمّن تمدله
٠
سعد محمد الحسن 🤎🕊️

شـص وعـد بدو بالصحـره ماتبرز
قفل وبـاب جامع دومك منشـز
وأبد ماتنحزر كلساع اشوفك لـون
رگبـة زاجل وتَعـبت الـ يركز
متناقض والمكرهني بـالصبـار
شـو فاتح ذراعه ومِن احضنـه أيـبز
آه ياگلبي يـ الما بـرد مِنك يوم
كـلساعَ وتلوحـه النار ..چف يخبز

تلهث ايامي وعُمر تركِض وراك
والدقايق غُربة واللحظه قطار
دير وجهك ما يهمَ بجروحي خير
واضحه احچاياتي وحروفي نهارّ
اوياي طبعك يشبه اوضاع العراق
خير للغرُبة وعله اهله يصير نار
رگضت شهكاتي ودموعي وراك
شلون ركضة عوزنه بوكت الحصار
اگبال غيرك بين بروحي الفراغ
ويمَ خريفك لبست روحي خضار
فخطت خلگی وبعد زعلك طويل
و درب الملاكه علي شبعده صار


علي رشم

يهنيالي بصحبتك يا رفيج الروح
كرنفل والكرنفل من بعيد يفوح

مرتضى حرب 🤎🕊️

خذني يمَّك
گبُل لا يخلص صبُرنه
ويطفىٰ دم وجُوهنه وتِطلع صفر
خذني يمَّك
بعد ماظل كُل عذر لا تعتذر
خذني يمَّك
گبُل لا يم الصُفر ينحَط صُفر
- جبار رشيد

معلّم من اغص ما اشرب من البير
البير يريد ناس تدنگ الهامه

ثامر سعد🤎🕊️

الله الله شكد كبير..!