انا الكط الراوية وبمشتهاي
وتنحني العيطه علي بعثوكها
هذا انا من صباي والناس المعاي
ما تميز الحوم من غرنوكها
ناس ما تعرف تحط ذيج على هاي
حتى ما تندل مكان احلوكها

عبد الكريم القصاب🥀

يمه اخافن يمه غطيني بسواد الشيلة

كاظم الكاطع

عاشرنة التعب والاه والحرمان
كلها لخاطرك ولخاطر عيونك

سمیر صبيح

لفحة ريحتك
جابت طيور الماي
حنطة وراخية ومشتهية تتمرد


#لــ جوآد الحمرآني

ولو صرت فانوس والروحك ضويت
من يكول الشمس محتاجه الضواك..! ؟

_ناظم الحاشي🤎🕊️

بـيـه المستــحه شــگد طـمّع النــاس
طمع حلگ المساحي بمستحه الطين

- ناظم الحاشي 🤎🕊️

شح مايك علي ونت تعرفني شلون؟
لو اموتن عطش عطشان ماكلك
يل مامیزت بين الورد والشوك
مامجبور اجيبن ورد واشتلّك
جفوف اللزمتك لازم تحلَّك يوم
وهم ترجع والزمَك وابَد ما احلَّك
شديتك نذر خيط بضریح امام
ماعندي بخت پرجعلك يفلَّك...

ناظم الحاشي🤎🕊️

أذا نفرض مُخير انتَ لو عين
انا ارضه انعمي بس جفك يكود
أحبك من إِلى وأطيك تفسير
يعني من الجدم للراس مريود
عليه عيون سود يمرن هواي
مثل ذني البجهك ما شفت سود
واخيراً ما اطول بالحجي وياك
محبتك رحمة الله ولالهَ حدود

أياد عبدالله الأسدي

اجه بعد الغياب وكال محتام
وتسالمنا شبگ جن ماي والماي
تلاكينا برغم ماجانت وجوه
ملامحنا انمحت من بجيه وبجاي
عاتبته خزر ما گالي شبيك
بجه ونزلت دمعته وكرب حذاي
گال احجيلي فدوه شلونك اليوم
كتله شلوني وعندي اجوبه هواي
صفنت بعينه ساعه وغيرت لون
عينه اغيار اليكدون حفاي
كال هواي تصفن كتله معذور
عيونك عكل شيخ تريد حجاي
گال بغيبتي لاكوك شمات
كتله وداعتك صدكاني وعداي
كال اني الك لاكتله غلطان
انا والخلفوني نحبك هواي
گال ارخصني اشمك كتله مرخوص
كرب شماني شم هروم مشاي
من كد ماترف كضيته منا
بعدها ايدي على راسه وحومرت هاي
گتله الشمس تجوي گال اجه الليل
الشمس ماتدني يمي رموشك فياي
اول ماكعدنا تراب والنوب
مسحت دموعه والله الطين جواي
و گفنا وکال اروح وارد اوصيك
شد حيلك وكتنا سموم وعياي
اريدك من اروح تنام مرتاح
شنام وجفن عيني موالفه حياي
انا ما طابكلي جفن من روحتك ذيج
هسه تريد انام بروحتك هاي

الشاعر اياد عبدالله الاسدي

صبح كلك صبح
ورموشك مرايات.
ونگوط وربيع بطولك معلگ



محسن الخياط

ذكرى وفاة شاعـر الحُب والانسانيـه والثلج والنار جبار رشيد

المات ومامخـلف يعـتبر مـات
وشعـرك شـال أسمك صـار الأولاد

تره الماجارحك ومغرب بعيد
چنه مگابلك وأيده اعله الزناد..