عفت كلشي مطشر وليك اعتنيت
وعفت ناس تسوه روحي وجيتلك
ردت اكلك بيه ألم بس ما حجيت
وكتلك من البارحه شتاكيتلك
وسولفت يمك شعر بس ما صغيت
كلت ما يسمعني ودنيتلك
وسولفت بذنك غزل وتسامريت
وشفتك تمل الحجي وغنيتلك
انا كاتلني التعب وانتَ انتجيت
ردت اكوم وبياعلي ورديتلك
كبل ما اجيلك متت بس احتييت
اشاهدت شفت الجفن حنيتلك
بلون وجهك والجفن ما فرقيت
الفرق كله بنيتك وعديتلك
صغير وابجي وحروز بأسمك علكيت
وهذا جيبي ولا حرز ذبيتلك

أياد عبدالله

نقاش بين شخصين...

انا شسويت كول وهاك عناي
انا ردت ابمحنتي اصير عوني
سؤال اسأل ولو بالجذب عني
محنتي انتَ وسؤالك فرج ليه

اعوفن محنتي وأشرك محنتاك
وانتَ على الغرب فاضت محنتك
بعزاي جفوف عذال محنيتك
تضحك والنكاب انطبع بيه

افه لا والحسن ما يوم حنيت
اديه اله ابفرحتك ولك حنيت
نسيت بيوم ضهري عليك حنيت
ولك حته استحيت من الزجيه

اثم ظنك ضميري مرض لا غاد
استغفر ما نسيت اليوم لو غد
من اشوفك جاي كوه اشتمر لا غاد
ولك شكم ركضت طويريج بيه؟

أياد عبدالله

على صخره اتدحرج ما يخضّر عود
أعرفه وزرعته وعاندت وأصبر
لأن عود الزرعته انطاني كلمه يعيش
شلونك من أزرعك ؟ رد عليه: أثمر ...
وعاندت الكمر يطلع وأمد بالشوك
وزدت لهفه ومحنه وما عرفت اجزر ...
خذت ذبة النهر من يزعل وي الريح
يذب لومه إعله روحه وبالجرف يطبر .
وأشوفه الروج عالي والعواصف موت
كلبي وما يهم ويجازف ويبحر
عمر خلصته عايش خشبة الكصاب
عليها گبال عيني بفرحتي يوذِّر .
وما اكلب بعد جبت العمر محماس
الدله التنمدح .. والكمكم يخدّر .
وبعد فوگ الرمل ما ادگ وتد وانساه
والخيمه وحبلها وي الهوه تجرجر ..
واشبه طيحته من يوكع الفخار
اليسند ينكسر .. والمستند يكسر ...

سمير صبيح🥀

لان عود الزرعته انطاني كلمة يعيش

بعض الابوذيات للفيلسوف عبدالحسين حلفي

ها تعبني حبك هايذاني
دخت ها ياصلاتي هايذاني
إكول ألتوبة ما حب هايذاني
أهد إذني ويرد حبك علية

مدلل ماتهيد أنت وناهد
وتكظني حيل متهدني وناهد
علي إتهد وكومنلك وناهد
وأصير وياك حتى إنهد علية

الحزن دامي بسبب زعلاك...ترادم
تعال وباوع عيوني... تره دم
اعله مودك ضلعي ويه ضلعي... ترادم
وعلى مودك كمت اهد انا عليه

حته الحايط فراكك... حتاني
اتاني وماتجي لكن...حتاني
مو بس انتَ تتكلب...حت اني
كمت وياك اتكلب عليه