جن بريتي مجلبه حديدة شص
نامت بالحم اله تشكلها

تشكلها وتنام وياها طول بطول
احط راسي على متنك وابجي ها شتكول؟
يالشوفتك ثمن سنين بيه تحول
واوصافك فضاضي وليل كذلها

كذلها وتلاكن بيك جم لذه
خيطلي الجرح بيديك جم نفذه
انا من اشتم هوى بطاريك اتغذه
وكل لحظه التمر كوه اماطلها

اماطلها بحزن واصارع ويه اليل
يابو هدوم حلوه وكوه بيه تعيل
لوذني بشليلك هذا انا دخيل
ومن تدخل عليك الروح شتكلها؟

حسن البركي...

يابو هدوم حلوه وكوه بيه تعيل

طاحونة حزن مابطلت روحي
تحن وتدور وتلاكيك
كالو ماتجي وجذبت ومتانيك

ياواحة بنفسج وازود واطعم
ابيعك وانخبص واندم
ابيعك واندم واشريك

ياذاك الذهب لوبي رخص تتشمت الفضه
واعديلك جثيره جروح
وامطرلك محنه وبالتعشكه ارضه

وحكك طيبة  اليوفون طيرة ماي
لابد ريشها تنفضه

ابو ظاهر🥀

غشني الكلام الحلو
ثاري البداية شغف ينتهي بآخرها

_محمد صلاح 🤎🕊️

على شوگي ونفس جفني اليتانيك
احن وللزعل ما منطي لزمه
بموعد جيتك كون اندل الميل
وسطي على الدقايق حتى اقدمة
اني مناطرك نظرة غصن جان
اخضر بس قبلت تعوفه يضمه
بررلي سبب عطر البلا روح
وليش الشمس تطلع بيها عتمه
حرت وجهك يتراوالي مرات
واقع لو لإن مشتاگ ارسمه
اخر نظرة صوغة تضل بلعيون
عد اليگضي شوفه وعينه تعمه
على سنيني ضنكني الموت بچفاك
وعلى مهلة رجعتك گمت احشمه
ربك باقيات چم سنة وياي
عزلت لشوفتك ونطيته سهمه
رحت بس اني ما راضيلك تروح
ضعف موقف وگفتك ردت احسمه
حرت من وادعتني اتشاهد اشتاگ
احروف الموادع چانت ازمه
بديك الخاليات شماخذ وياك
بس هذا البعدك ردت افهمه
اذا ريتي بعدها وياي چا ليش
ما تقبل تفوت بصدري نسمه
لا يكمل بعد حلم البلياك
ولا گلب اليريدك يلا هدمه
كل ظني چنت بيك الضوه يعيش
فاتتني الصبح ما تبقى نجمه
و ما فاهمك بس اني معذور
گدام امنياتي السر اكتمه
تجرحني وشوفك بس ابريك
ووصيك استغل اجروحي غشمه
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
اشك برجعتك وتلاگفك خوف
وعزفك للظنون البيه نغمه
امنيتي على ما گد ارمش انساك
اقل شي على بعدك گلبي اعلمه
لو ناسي من الاول لا صفگت ايد
ولا عل ذكريات الليل اقسمه
من تالي صعب نسيانك يصير
مثل البلكبر يتغير اسمه

ايهاب المالكي

ابو وسام

من القصائد الجميلة للشاعر سعد الشميل

عاتبتك گبل ظني العتاب يفيد
و اني ادري النهر ما ينعدل مجراه
يطش على الجمر ماي و يسمعك صوت
و ما تعرف الماي .. الجمر صاح اشاه
گتلك ضل عوج نقطة ضعف ما بيك
الشص حگة انوكل لمن عدل مكفاه
تضم سرك بجرة تريدة ما ينگال
يجي غراب و يشمر بالحصو و يلگاه
شطرنج الوكت چدمك ضروري يتيه
ورة كل خطوة بيضة .. السودة تتلگاه
و جرب جيب بدوي و حطه بالبستان
و اخذ الناي منه و گله عيش هنا
يحرثلك الگاع .. يجمل البستان
بس غفلة و يزرف خشبة المسحاه
اهلال العل مناير گمر يمته يصير ؟
جاب العمر وحده بلايه نجمه وياه
الثعبان ارد اميزه صاحي لو سكران
شو كل الدهر يتمايل ابممشاه
دحفر ساجية لبستانك المسكون
بطران المطر بالصيف تترجاه
يحجيلي بحرب و ملاگه مال سيوف
و هو زنجار سيفه واصل ليمناه
الرمح مثل القلم بس يفرق المضمون
موش على الورق يكتب بصدر اعداه
يگلي بلا عتب تگطع احبالك ليش
غير ادري النهر ما ينعدل مجراه

سعد الشميل

دخيلك لا تصدلي بعينك التذبح
انا مجرح كبل وارحم بالمجرح
هرني بداعة الله
،أرحمني أترجاك
أي موضوع عن العشك لا تفتح
ولك تعبني ذكرك ،، غادر التفكير
أشعندك بالعقل بس تسرح وتمرح
شلك بمتحاني وساعه ما قاريك
حتى منرد أغشن بيك ما انجح
يسمر مالي حيلك
وانتَ حسنك جيش
بطرك روحي وشفتني جايني مسلح
بارود العمر شفتك دخلت انذار
خايف من شرار العيونك التجدح
متأخرة الجفوف الليل غطه البوب
لتدك باب كلبي الوكت ما يسمح
منو الدلاك جرفي الغافي من سنين
وياهو العلماك بطيش بي تسبح
مفاتيحي بديك شجابهن يفلان
وصفت روحي بمزاجك تقفل وتفتح
خايف من صدك عاشكني حد الموت
وخايف ماتضل وياي ماتنصح
طولك عيد جاي ايريد اليلاكيه
ركض وجهي وتذكر مو وجه يفرح
غنه حجيك يعمي يريد كعدت ليل
ومساية اغروب روحي أغناك ما يصلح
من كتلي احبك تعرف شسويت
لو اشرح الحاله اسنین اضل اشرح
اتحبني اشعلمك ما خفت  مرتديت
مافكرت مرة اشوف حل اصلح
تاه من شوكت جفنك بدرب الليل
ومن يمته عليك الصبح ما صبح
دمعتين أمسحت وتسبني طول اليوم
ومن عيني عليك ادمایه کمت امسح
يسمر مالي حيلك وانتَ حسنك جيش
بطرك روحي شفتني وجايني مسلح

الراحل جبار رشيد🥀

دگ دكتين ارداف گلبي وسكت ليش
مثـل اللعب وياك ميتله دوشيـش

الكاطع

وفراگك مناجل تشلع عروگ السنين

كاظم إسماعيل الگاطع

انا صيار امس
هاي السنين منين

_عطا السعيدي 🤎🕊️

صدفه اجينه و صدفه رحنه
و العمر كله صِدَف
و گطرهَ گطره وما درينـه
ينشف الماي و نشـَف

لـ كاظم اسماعيل الگاطع

بعض الابوذيات للعراب ناظم الحاشي