موش انت البّالي ولا انت المقصود
مدري شلون رهمت وانتَ صرت انتَ

_عطا السعيدي 🍃

انصحك بالصبر يا كلبي المجرّح

_جابر الكاظمي 🍃

اتلاگينا او وگف كلشي بحركة الكون
بس خطواتك اوخطواتي احس بيهن
أودگ السر الأحدب وسط روحي أجراس
وفتلت اوراق الجنت طاويهن
الشارع شالنت حد ما وصلنا الغيم
وأنتحرن جروحي وچلبت بيهن
ها نتلاكا هسه وها الراح ايهون
زعلانات مني وبيك اراضيهن
وانا مابينك ومابينهن محتار
تلچمهن وگلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ما اكلك شلون ومنو اليبديهن
منك خطوة مني ؟المهم خطوة أتصير
متهمني المسافة المهم نمشيهن
ولو محتار بس شاءت الصدفة أتصير
اشوفك والسنين الضايعة الگيهن
بس احتارمن لاحن بعيني دموع
ينتظرن شسوي احبسهن؟ ابچيهن ؟
وارد مجبور اموتهن بعين الشوك
على گد ما اعبرك وارجع ارثيهن
انت احلم بالاحلام الضالات انقاض
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لا وكتنت ايضيع
ميل ايعد ثواني وخطوة تمحيهن
انت تيهت روحي گلت وين تروح
يم روحك سوية وهسه نلگيهن
حلم غمضت بي عيني أوگفت وياك
بي يمك حچيت المستحي احچيهن
بجيت اوبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنا وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريده وردت اخليهن
انتهه كلشي وبديّ سديت باب الشوك
وانترسن عيوني ويردن اچفيهن
ومالوليت من رادت اسراري تنام
دك نايك بروحي گمت اغنيهن

ايهاب المالكي

انا بروحي الندم نايم وقانع بيك
خايف لوگعد حاچيني شيحلها
شما گلبك شبچ وأدگلي أخذني شراع
أضحك عالسفينة الريح شنگلها
السلم بالعرض تقنعمن يعليك
مَلحتك يا گلب مليت بطلها
گتلك عاندتني شلون جمرة وريح
سعف يابس غراك وگلت يحملها
وگتلك يم نهر تشتلها مو صحراء
مو تدري العطش والشمس تكتلها
شيقنع السمج بره أحسن من الماي
الگذلة بيا وجه سجين تنسلها
ولتگلي الذنب بالعين مابريك
ما بين حزنها الدمع يخذلها
يبست عالعواج أسمعني : لو مو نار
خشبة ومو حديدة شلون تعدلها
شعجب يم الصحيحة تربط الجرباء
شنو البيك أختلف مو جنت تعزلها
كل ذاك الحجيته وياك خارج قوس
بس هاي التجي بقوسين دخلها
گلها العاندت : حاشاه رب الكون
يمهلها نعم، لا تظن يهملها

سمير صبيح🥀

القاء التاريخي🥀

كلمة حبيبي انتهت
شختارلك كلمة
وأنتَ بحلاتك شعر
وبمشيتك نغمة
امشي على نبض الكلب
يالزحمتك رحمة

كاظم الرويعي

اه يا ملك غيري وحبيب عيوني

زيد الهاجري

همـزين عنـدك دمـع مـن تخلـص اعــذارك .

غني محسن

يضل ذچرك خيالي و يمشي وياي
و طولي لغير طولك ما ظن يلوك..
و اشيلك عل المتن شيلة جنانيز
و اون عليك ون الجايها طلوك..
على فراكك نمت نوم النواطير
و اسولفلك حچي ما كالته حلوك..
يعيطه التعبت حيل الصواعيد
و من تثكل تطخ يلطبعك اعثوك..
ملح حچيك يشور باليخونون
و طعم حچيك يطيب الحچيه مفسوك..
اصوغ عيوني ديره لجيتك هاي
و امش مرخوص لاچن حدك ادنوك..
كل ذني الأوصاف توالمن بيك
ربيع و واحه خضره و طير غرنوك..
و براد فياي بيك و مكسر و ليل
و المرود كحل من عينك يضوك..
و حتى بمشيتك ما بيك تقصير
يلن مشيك مشي النيبر عل الفتوك..
و چوي موش اعله عليه فراكك وياي
يلن عمره الجمر ما طفه معلوك..
هذاك انه دمع ما شالته عيون
شمع دمعي اعله طوله و عمري محروك..



عزاره الجياشي.. 🤎

يخامه الما تصح بالسوك والريف
ذبلك ردن منك خاف نشتاك

هي غربة
وليلة صعبة
وجية المشتاگ خوف


كاظم اسماعيل الكاطع

اه يا ملك غيري وحبيب عيوني

زيد الهاجري

ناظم الحاشي

أذگرچ يلحَـنينه بضوجه ألروح
وإذا چان ألجِبل ينزاح هّمي
أشگال ألوَرد بالعطر ويفوح
وما يوصل ألعطر بشيله أُمي .

جبار رشيد

شنهي اليجبرك عالصبر
وشنهي اليجبرك تنتظر
إلمن تحن.

كاظم الكاطع

انه دمعي بلا گلب يبچي عليك !..
تمرد على الجفن ماظن ينصلح..

بگلبي ضل يتلاشى حبك بيه
مات مثل موت الليل ويـ جية الصبح..

سرك بعيني سهر مر بيه ليل
من تجيني الشمس سرك ينفضح..

باقي اثر ضحكه على شفافي تعال
الفرگه بس دمعات ضحكاتي تشح..

"انه بيت هموم صاير جرحي باب
لا تدگ الباب چف ايدك ملح"..

مناوب جروحي عمر يدعن عليك
بكل مسية جروح يدعيلك جرح..

ماي منتظرك تجي شو ما اجيت
"لا تموت الگاع تتيتم فلح.."

روحي فراشة اعتنت مليانه شوگ
ليش ورداتك خذن دور الرمح..

تمر سچينك هوى واشهگها حيل
وانت تشتم عمري وتگلي انذبح..

انه زارعلك ضحك ملگه وحنين
وانت زارعلي خناجر للصلح!..

"عفت جرحك جاهل بروحي ومشيت
بيش اقنعه بيا عذر وشگد يلح..

حتى جيران الجرح صاحوا عليه
عمي خل نرتاح جاهلكم وكح..

"جروح عدنا تريد ترتاح وتنام
الله ما وصاكم بسابع جرح"..


ذبحني واكل لحمي المات والناي
بسبب حزني تبدل طور وناي
الى كلمن سألني شلون وناي
وني ،وونين امي ، ويتامى بمغربيه

#علي_خلف