جابوك بـرساله وطشروك بخـيل
وردوك برمح مِن جيتهُـم كامل..

مولاي ترا الكاصد عليهم موش اجاويد.. 🕊️

‏وحق طيف اليمر العين والطاف
اخَذ طوفان دمعي الغرگ والطاف
انا بروحي العطش والماي والطف
وسبي ونار وصهيل خيول بيه!

علي رشم🤎🕊️

شمسين طاحن ع النهر
لو شمس طاحت والكمر.. ؟

سيد سعيد الصافي 🤎🕊️

معذوره الدموع عليك ما تنشف
ومعذوره الگلوب تهيم بيكم شوگ
وتتعفر جباه الناس بأرض الطف
أجيال وعصور تعاگبت وأزمان
ودمك يا شريف الدم بعد ماجف
ياأول رفض لمصافح العفنين
ويا أول نعم للموت من يحتف
وياأشرف أسم ..سماك جدك بيه
ويا بزغت بدر..شع بالسمه وشرف
يالموتك..خلاص من الظلم والحيف
وگبرك باب كعبه وگبتك مصحف

عريان السيد خلف 🤎🕊️

روحَك من طحت صارت وتد بالكون
واستندن عليه ما طاحن السبعة

_سمير صبيح 🤎🕊️

صار السهر مدرسة العيون
وكثرن غياباتـچ يـ الأحلام

كاظم اسماعيل الكاطع

اجيت الليلة اودعكـم ماظن للصبـح باقي
هذا المنحني عـودي وهـاي الذابلة اوراقي

كاظم اسماعيل الكاطع

حـال العقيله زينب(عَ)

عشره الخـيل وبجسمـه تـرك بي
الحـافـر ضلع ماسالم تَرك بي
مـات حسين صاحـولي تـَركبي
بهزيله وخليّ اخيچ عَ الوطيه..

موقف يهد الرواسي
مر عليه....!
حيرتي من فوك مهري بلا ادية؟
مدري اطيح ع الوجه مدري ع ظهري
وانه كل هذا وافكر شنهو عذري!
سامحيني......

المره من ينكسر يمها الگزاز تخاف!
شنـي يكسرون يمهاا ضلوع موتاهـاا

سعد شميل

من درت ظهرك عرفتك
للمصايب مستعد..!