الترسيخ
#التربية

اصلا هو يموت على بنت عمته
شوفي شلون يباوعلها ... شلون يحضنها
وووي يخبلون
من يكبرون ذولي لازم يتزوجون

(ونعيد ونزيد ونصقل ونرررررسخ)

منو ينطي الحق ان نقرر مستقبل الطفل من هو صغير بناء على تصرفات طفوليه وعفويه؟؟

هو ممكن يكون كلام (للضحك)
بس بس بسس

شكد ممكن هذا الكلام يترسخ بدماغ الطفل او الطفله ويحس هذا امر مفروغ منه !

هيج كلام لازم نحذر اشد الحذر ان نتداوله امام الاطفال
الطفل هذا حيكبر حتتغير اهتمامته حيشوف دنيا غير وهو صغير حتكون عنده اولويات غير عن الي كانت عنده

وقد يبقى اسير هاي الفكره وكانه / كانها
محكوم عليهم بالسجن المؤبد لشخص معين

هذا مثال ،،،، والواقع يحمل العديد من المشاكل التي تقع تحت اطار هذا المفوم
سلبا وايجابا

من امثالها : ( انت لازم تدرس طب، انت اصلا طبيب ، من تكبر شتصير؟؟؟ لازم تصير طبيب !! وووو )
القائمه تطول

المختصر

لاترسخ افكار انت رايدها بعقل الطفل
(لاتمد لا للعرف ولا للدين ولا للاخلاق اي صله)

القصد
الترسيخ هذا ضروري نستخدمه حتى نرسخ المبادئ والاخلاقيات واساسيات تحكمنا ك انسان و ك مجتمع

لكن الخيارات الاخرى
احذر واحذر
ان ترسخها

لان هيج حتقفل على عقله الباب قبل مايفتحه اصلا

د.اسماء البدري