‏حاول متتمسكش فى اللى سايب إيدك وعايز يمشي طول الوقت، ومتجريش ورا حد بيتهرب منك، قدر بس اللي يحترم زعلك ويبقى فاهمك من جواك، أنت غالى ووجودك أعزّ من إنك تتحايل على حد يكون جنبك أو إنه يحبك، أو حتى يقدرك، أي حد مش مُهتم يكسبك أو يحافظ على مكانتك عنده يبقى خسارته ليك والله مكسب

‏في اوقات من حياتك وانت حزين فيها تحس إن بيقف عندها الزمن، بتفقد كل قدرتك عن التعبير باللي انت حاسس بيه بيكون الكلام اصعب حاجه ممكن تعملها، وبينتهي الموضوع ده ب إنك مش بتلاقي حل غير انك تسكت وتنعزل عن كل حاجه شويه-اكتر م انت ساكت ومنعزل اصلاً- على امل إنك هتكون كويس لوحدك

‏الحب لو ماكانش الحنيَّة والوُدّ، والرحمة والإحترام ميبقاش حُب، الحب اللى يكسر بخاطرك ويهينك ويجبرك دائمًا ع التنازلات ميبقاش حُبّ، اللى بيحبَّك حقيقي عُمرك ما تهُون عليه، ولا هايقبل بزعلك بأيّ شكل من الأشكال، ولا يرضالك بِقلَّة القيمة، اللى بيحبَّك يشيلك فوق راسه وهو فخور بيك .

‏مفيش حاجة فعلاً تقدر تخلي الإنسان يحب حد أكتر من كُونه شخص حنين وبسيط فالتعامل معاه، الحنيه بالنسبة لى زى العلاج والسحر، مفيش أجمل من كون الشخص اللى معاك يبقي لين وكلامه سهل وروحه حلوه، حد لا بيقسى ولا بيتغاشم ف تصرفاته معاك. وبجد الحنيه الحقيقه بتبقى مفتاح للدخول لقلب اي حد

من الجدير بالذكر أن لما حد بيرتاحلك وبيحكيلك عن فترات الخذلان، والوجع اللي شافهم في حياته من ناس كان بيعتبرهم قريبين منه؛ أكيد مابيكونش حاطط في دماغه إنه بيسلمك رقبته!.. هو حكى عشان ارتاح، وحس بالأمان.. اتفك معاك بـ شوية فضفضة طالعين من القلب عنوانهم العريض "أنت مش هما".. ماتخذلش اللي شافك غيرهم.. دي ثقة مادام قبلتها فخلّيك قدها..

مفيش أحقر من إنسان بيقول كلام ف حقك من وراك، يتهمك بحاجات انت ملكش ذنب فيها ويوسخ صورتك فعيون حد بيسأل عنك ونفسه يقرب منك، إنك تشوف فعيون الناس نظرات كُره وإتهام لحاجة واحد بيكرهك ألفها ف دماغه علشان يطلعك حقير أو ياخد حد قريب منك الشخص اللي غروره منك بيحركه ده تتوقع منه أي شيء، بكُل طاقته هيحاول يبعد عنك صحابك ويفتن مابينكوا، لإنه وبكل بساطة مبيحبش يشوفك فرحان ولا عايزك تسند على حد وانت بتقع، وهو أول شخص مستني وقعتك علشان يشمت فيك.

الحب اللي حصل فيه هجر متعمد، جرح، وأذية؛ ماسمهوش حب.. الصداقة اللي ماكانش فيها دعم فى المر قبل الحلو ماكانتش صداقة لكن "علاقة مصلحة".. اللي ماكنش متمسك بيك بقدر تمسكك بيه مايتزعلش عليه، ويستحق مكانه يفضي للي يستاهل.. سموا الحاجات بأسماءها الصح، وحطوا الناس فى مكانهم الصح.

" ملحوظه " الجروب مش هيكون للرغي أو تعارف هدفه أننا نسمع بعض ونفيد بعض ايه . لو حد شايف أن ف فكره تاني احسن يبعتها هنا @Anon_22bot

ملحوظه تانيه يشباب هو مش هيكون عباره عن فضفضه وبس لا هنساعد بعض ف نطور من نفسنا سواء دراسياً أو عمليا هنشارك ورد يومي هنشارك بودكاست واللي حابب يقدم نصيحه هيقولها لكل وهيكون في يوم في الاسبوع هنلعب لعبه مسليه جدا وهنستفاد منها برضوا .

الجروب يا الشباب لو حد حابب يدخل 🩵.
https://www.tg-me.com/+N6BTVw-_cw5iYzFk

ايه مافيش ناس بتدخل ليه هو عامل الجروب لنفسي ولا ايه 🤡

مش من حقك تعبر عن مشاعر أنت مش متأكد منها تجاه حد.. فيه ناس بتتعلق بكلمة، وعد بيتقال منك وبيصدقوه، فيه لسه ناس صادقين في مشاعرهم وبيتعاملوا مع اللي بيتقالهم بجدية، بيتمسكوا بالوعد وبيلزموا نفسهم بكلمتهم.. مش من حقك تبقى عيل مع شخص أنت في عينه كبير؛ أعتقد ده ذنب أكبر من أي حد يتحمله

‏حقيقي العشرينات سِن مُريب جداً، إللي هو إنت شخصية تافهه عنده ١٠ سنين ولا شخصية ناضجة ماشية في الأربعين،هتلاقي نفسك مريت بـ مواقف المفروض مكنتش تمر بيها في الوقت ده، شخصيتك مليانة تناقضات وعقلك آلة مبتبطلش تفكير، شخص مزاجي كل دقيقة بحال، أسوأ وأسرع فترة عُمرية هتمر بيها فـ حياتك .

اللي مش في الجروب ده مفوت علي نفسه قعده رايقه حتي اسالوا الناس اللي في الجروب 🤙.

انزل اتمشي الصبح بدري ف مكان بتحبه ، شغل قرآن وانت قاعد ف البيت ، افتح الشباك وخلي الشمس تدخل اوضتك ، اسمع اغنيه بتحبها ، اقرأ كتاب ، اشتري لنفسك حاجات بتحبها ، اتصور صور جميله ، اقعد كده تأمل شكل السما الجميل ، اعمل لنفسك اكله بتحبها ، اشرب مياه كتير ، استشعر كل النعم اللي ربنا محاوطك بيها ، صلي واشكره ، حب نفسك ، ساعد حد محتاج ، اعمل اي حاجه بس متسيبش نفسك للحزن يبلعك.

محدش بقي مهتم بالقناه خالص 💔

‏هيمر عليك شخص وهتحبه بشكل مش طبيعي، وحتى لو علاقتكوا إنتهت مُستحيل تنسى حُبك ومشاعرك تجاهه، مُمكن تحاول تطلع الشخص من جواك، لكن من المُستحيل تقدر تطلع من قلبك الذكريات اللي عيشتها معاه كلها، أحياناً بتوحشنا الحاجات اللي عيشناها أكتر ما بيوحشنا الشخص نفسه .

القلوب دايمًا بتحس، مهما اللي قُدامك اِتلوّن وعمل نفسه حبيب وصديق وأكتر حد بيحب الخير ليك .. قلبك هيكشفه، قلبك هيقرى كُل اللي جواه، سواء كان حُب أو كُره، طيبة وقلب أبيض ولا حِقد وغيرة، تقدر تضحك على أي حد إلا القلوب.

القلوب دايمًا بينها مراسيل، واللي ما بيخرجش من قلبكو مُستحيل يدخُل قلبنا.

‏العتاب محبة لكن كُتره مزلة، علشان كدا أنا ضد إنك تقعد تعاتب الشخص على نفس الحاجة أكتر من مرة، لإن مفيش حد مش واخد باله طول الوقت، هما واخدين بالهم وعارفين بيعملو إيه، وبما إن زعلنا مش مهم عندهم وبيكرروا اللي بتضايقنا، وزي ما العتاب محبة للي قدامك الإنسحاب برضو محبة لنفسك .