هاي كليات الاوقاف والمحافظات الي بيها كلية الامام الكاظم والي بيها كليات الامام الاعظم تقبلكم عربي وانكليزي واسلامية الكليات معترف بيها وموجودة بالدليل وتابعه للأوقاف لكن شهادتها حال اي شهادة أخرى

هاي البصمة جانت تسوي واهس للدفعة 25 وحبوها واعتمدوا عليها هسة تعيدها للدفعة 26

جماعة العربي راجعوا هاي الاسئلة حاولوا تحلوها

🟢مرشحات اللغة الانكليزية
♦️الفرع الصناعي والحاسوب
🔸الدور الثاني 2025
🟣إعداد: الاستاذ محمد الياس

طلاب الدفعة ٢٥
هواي يجوني بالخاص استاذ نريد قسم بي تعيين ويودينا كلية بيها تعيين؟
الجواب طبعا كل دراسة بيها تعيين لو مخلص ابتدائية هم تتعين لو ماكو شهادة هم تتعين ف القسم الي ترتاح بي روحله لان الدراسة بحد ذاتها مابيها خلل او شي يمنعك من التعيين التعيين يجي من الدولة ف اذا الدولة فتحت درجات تعيين فكل دراسة مشمولة بالتعيين اوالعقود اذا الخلل مو بنوع الدراسة وانما الامر راجع للدولة هي الي تخطط وتطلق درجات وظيفية تشمل كل دراسة واقرب مثال عليكم التثبيت الاخير مال العقود كلها تثبتت بكل الدوائر ويحملون انواع الشهادات يعني مثلا اني طلابي بالصناعي متخرجين اغلبهم تعيين اما ع تربية او الكهرباء او لبلدية او المهني نفسه او دائرة الزراعة او الصحة فكل دراسة لها تعيين فتوكل على الله وانتظر رزقك رب العالمين هو الي يوزع الارزاق ويرسملك مستقبل انت ما كنت اصلا تتوقعه
https://www.tg-me.com/lakblakb

طلاب المهني راح احجيلكم شغلات يمكن محد يحجيلكم بيها بخصوص نوع دراستك ....
اول شغلة خلينا نتفق أنه انت كبشر ما تعرف رزقك وين ونتفق أن الأمور والاقدار كلها بيد الله شئت أم أبيت ومن هذا المنطلق لا تستنكف من أي دراسة سواء معهد أو كلية أو أي قبول مثل ما گلنالكم كل دراسة بيها تعيين الخلل مو بنوع الدراسة وانما الخلل أنه لازم الدولة توفرلك تعيين هذا جانب معروف لكن الجانب الي ما منتبه علي انت الجانب القطاع الخاص وممكن رزقك وقدرك بالقطاع الخاص يعني انت كخريج لحام مثلا وتكمل معهد تكدر تفتح مشروع أو تشتغل مع صاحب معمل حدادة انت كخريج تبريد تكدر تشتغل بالسبالت أنت كخريج كهرباء تكدر تشتغل كهربائي حتى وأغلب الكهربائيين بالمحافظات هم خريجين مهني صناعي وانتي كطالبة فنون راح اسولفلج عن بنية تخرجت قبل حوالي خمسة سنوات من هاي قناتي نفسها حاليا هي تدير ما يقارب خمسة روضات ودور حظانة بعد ما كملت فنون صارت تكدر تحصل موافقات ودرست رياض اطفال بالكلية فكرت هي وزوجها دعمها تگول استاذ فتحنا روضه صغيرة واجرنا بيت رتبناها وخلت وياها بنات تعين وياها نجحت الروضه بعد شهرين تكول بعد ما تكفي فتحنا الثانية وهم عينت بيها مجموعة بنات وخريجات وهم قبطت وإلى أن فتحت خمسة روضات وحظانات وعينت وياها أكثر من 30 موظفة هي وزوجها تگول استاذ هسة صرت اني بس الصبح افتر على الأماكن واشوف الوضع والشغل ماشي وارجع للبيت وكل شهر اصفي حسابي وخير من الله بعد ما كان وضعها المادي متوسط الحال حاليا تگول وضعنا اختلف وشفنا رزقنا الي الله مقدرة بهاي الشغلة شاهد كلامنا ادرس وسوي عليك ورزقك الله راح يسوقه لك باي فرصة فقط تحتاج منك دعم وإسناد وتتوكل على الله
https://www.tg-me.com/lakblakb

هذا دليل الكليات المسائية مالت العام الماضي من الملحة نشرته لان مالت هاي السنة بي اضافات أكثر بس حتى تفهمون أنه المسائي ينزل دليل مسائي مثل هذا وين ما تشوف قسمك يعني الكلية تقبلك هذا يسمو القسم المناظر وهاي السنة راح يضيفون بعد كليات تصفح

وهذا دليل الكليات الأهلية مالت العام الماضي هم تصفح بي وراح ينزل غيره مالت هاي السنة وتشوفه بس انت ما تنطي مجال