#ألم_سبي_حرم

~~~~اللهم عجل لوليك الفرج ~~~~


ألـــم ســـبــي حـــرم
مكاني خـالي بالخيم
القدر عنـك حجـبني -- اسـنيـن بــعــدك
رحــــــت الـــك زرت
زياره الناحيه وشفت
بكثر ناس التـحـبـني -- اجـروح عنــدك

~~~~~~

أنا الحـجـه يجــد -- اجيـت اعلـه الوعد
كــــــــلامــــــــي
على ذاك الضـعن -- ونزوحه امن الوطن
ســـــــــلامــــــي
بني عمــرو العلى -- خــذتـهـم كــــربله
عــــمــــامـــــــي
انسلب كلشي الك -- وقـريت بمـقـتلك
اســـــــامــــــــي

وهــب الــك وهـــب
زهير ومسلم الذهب
يمن تحــسبهم انتـه -- شـلـون ولــدك
زلـــم صــــدك زلـــم
حبيب وعابس ونعم
وكع وانتـه حضنـته -- اجـروح عندك

~~~~~~

الـهــي ايـسـاعـدك -- طلـعـت لـوحـدك
تــــــــحـــــــاور
يجد ضـاع البخَت -- وعلـيك اتجمعت
عـــــشـــايــــــر
شعمل بيك الحجر -- عظم راسك كسر
وتــــكـــابـــــــر
الشـفاه امفـطـره -- العـيون امحـومره
وعــــســـاكـــــر

شـمـس ظــهـر ضـمـه
واگول شصار بفاطمه
اجـت تمـسـح بديـهه -- اتــراب خــدك
شـعـجـب سكـت عـلي
وتنادي بويه احضر الي
النـجـف ندبت علـيـها -- اجروح عندك

~~~~~~

شكثر غايب عشت -- وعليك شگد متت
يــــــــجــــــــــدي
قـمـيـصـك ألبـسـه -- وســهم اتــلمــسه
اعــلــه جــــبــدي
الشـمـر حـز النـحر -- ويوجـهك عالنـهر
تـــــــــــحــــــدي
الگـمر ذاك الـوكـت -- يـناديني اسمعت
يـــــــمـــهـــــدي

كـــتــب ألــي أثــر
دعاء الندبة عالنهر
اليه تصـيح روحـه -- انــريــد وعــدك
تـــجــي الــك عـــلــم
وتروح من الله للخيم
حسبت بگد جـروحه -- اجـروح عندك

~~~~~~

اخذ روحي الالم -- اعله فسطاط الخيم
هــــضـــيــــمـــه
شفت مهرك بچـه -- وفـقط كلـمه حـچه
ظــــلـــيـــــمـــه
هُنـا طـايـح طـفل -- هُـنا سـلبـو حـجـل
يـــــتـــــيـــمـــه
سكينه اويه الغرب -- رقــيـه تـنـضــرب
جـــــريــــمـــــه

صــعــب تــره مــره
تطيح وتبـقه حايره
العيون اعليـهه كلهه -- وچـــــان ردك
گـمـت طحـت گـمـت
بلا راس وبعد طحت
إنا ضامـي تگـلـهـه -- اجـروح عــندك

~~~~~~

بعمر نوح النبي -- عـشت عمر السبي
وعــــــــبـــــرتـــــه
منو سامع خـبر -- سـوالـف مـن نـحر
ســــــمـــعــــتـــــه
الرمح عنده گلب -- بچه اگبال الغرب
مــــنــــو انــــتــــه
قبل صـلة الرحم -- اكـو صلة الخيم
عــلـــه اخـــــتــــه

بـــقــــه تـــره گـــمر
برماحه حتى لو نحر
يضوي اعله الحـياره -- بلــيل بُعـدك
الــى مــتـــى اضـــل
انــادي عـباس الكـفل
جوابه واعـتـذاره -- اجـروح عــندك

~~~~~~

الحزّن صلّى قصر -- بوسط ذاك القصر
ضـــــعـــيــــنــــه
المصـايـب لـلزلم -- الصعب من ينشتم
عــــلـــــيـــــنــــه
يزيـــد بفـــرحـته -- يـــبشــر جـــدّتـه
بــســــــبـــيــنـــه
عـــــدلنــاهـــه ابدر -- ومـحمد ينكسر
بـحـســـــيـــنــــه

صحـت تُشـل عـسن
يزيد ايدك بكل زمن
تذلنه بهـالقسـاوه -- تــريــد قـصــدك
الحــصل نصـر فتـح
قريب وداعـة الذبح
كــلام الحـــره داوه -- اجروح عنـدك

~~~~~~

بعـد كــل هالامـــر .. العلــيلـه تنتــظـر
بــــعــــدهــــــــه
عطرهه باليـسر .. ويـموت بــلا عــطـر
وردهـــــــــــــــه
خذتـني الفاجـعـه .. عــلـى ام الاربـعـه
ونِــــشـــــدهـــه
تنـادي بـخدمـتك .. وتــگــلـك فـدوتك
ولــــــــدهــــــــه

إنــــه طــحــت دمـــه
الى العليله امن السمه
تره القاروره عينـي .. وعـــيـن جـــدّك
بــــعــد ألـــم رحــــت
لسان ابن حذلم صرت
ولگيت بگـد سنـيـني .. اجـروح عنـدك

~~~~~~

الـف عـام الدرب .. ودمع عيـني يصـب
دمـــــــــايــــــــه
بظــهوري للمـــله .. اســولف كــــربلــه
حــــكـــايـــــــــه
ألــي عالمــشرعه .. چــفوف امگـطــعه
اعـــلـــــه رايــــه
اجي واذبــح نـذر .. اثـنعـش ناگة يسر
ورايـــــــــــــــــه

ارد ارد وعــــــــــد
وغيابي ينتهي يجد
وتشوف الناس بيه .. شــلون فكــــدك
قـسم قســم قــسم
اجيـهم جيـة العـلـم
وبعد ما تبقـى بيـه .. اجـروح عـــندك

~~~~~~~~~~~

الشاعر حمزة السماوي


@AsoaatHoseneua
قــنـــاة إبــداعـــــات حـســـــيــنـيـة


https://youtu.be/lvdRRZgvyO4

🎤أداء #الرادود_الحاج_باسم_الكربلائي

✍🏻كلمات #الشاعر_حمزة_السماوي

┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛

#يحدي_بيه_الشوگ

~~~~~~~~~~~

كل مسيه * يحـدي بـيه * يحدي بيـه * الشوگ


مـن اهـد ما دفـعو الجـنه
الـنـفـس گــوات اشـمـنـه
مـيـتـه بـكـــربلـه اتـمـنـه ... يــدنـيـا
من شفت الصـدر يـنـرض
جفن عيني بعجل غمـض
حسـيني ابيـش يتعـوض ... يــدنـيـا

يا زمانـي .. تـعــــبانـي .. تـعبـــانـي .. النــوگ

~~~~~~

انـداس بـيا ذنـب صـدره
ضلوع حسيـني مطـشره
نـامـت بالـگـلـب حـسـره ... يليــلي
مثـل مــاي النهـر مـتـنـي
صـياط الغــربــه اذتــنـي
اوگــع وامـشـي خلــتـني ... يلـيلي

الهاشميه .. بـس عليـه .. بـس علـيه .. تلــوگ

~~~~~~

تـكـتـل سـاعــة الـفــرگـه
وانـه بدمـعاتي محــترگه
مثل حسيـني ويــن الگـه ... يـروحي
صرت محرومه من كلشي
حرت من يا درب امــشي
انـه المـحـد رفـع نعــشي ... يـروحي

من سبـونه .. طبـبـونه .. طبـبـونه .. الســوگ

~~~~~~

اصبح ومسي مجـروحه
انه اعله حسيني مذبوحه
هــذاك النــازع بـــــروحه ... علــيـه
گـطـعت الهيـمه عطـشانه
وراس الغــالــي ويــانـــه
شـفت حـسيــني ذبــلانه ... عـليــه

ياحسرتي ..من ضحكتي ..من ضحكتي .. تبوگ

~~~~~~

سـبـب واحــد يـمـوتـنـي
غريـبــه الدنـيا خلــتنــي
النــاگـه العــرجه اذتــني ... يخـــويه
انــه الـمــحــد فـزع ليـه
كلــهـا تــگــلي مسـبـيــه
عگـب عيـنك يبـو رقــيه ... يخــويه

صدرك انته .. ما عرفته .. ما عرفته .. مسحوگ

~~~~~~

فــارگــنـي اعــز نــاســي
وشـيب كـل شـعر راسـي
الله يســـاعد احسـاســي ... غـــريبه
يـهنــياله الدفــن روحــه
قــبل لا ينـسـمـع نــوحـه
عشت كل عمري مجروحه ... غـريبه

يالســبيه .. مو علــيه .. مــو علــيه .. تلـــوگ

~~~~~~~~~~~~~~

الخادم
حسين عبد الجليل المالكي



https://youtu.be/Vgpj-PVZVNE

أقبلني آخر زاير
بس لا تكسر لي خاطر 💔

الى موطني الجريح

طور يافاطمة يم الحسن للمبدع عمار الكناني


،،،،،

ياموطني دار الزمن

الباگ الشعب باع الوطن

خيرك صبح للاجنبي

وآنته انبعت بارخص ثمن

،،،،،،،،،،،،

ياموطني تنزف الم وجروحي نفس جروحك

مااگدر اسمع ونّتك كل شوغه توجع روحك

لا توگع اثبت ياجبل ضل منتچي اعله صروحك

خافنهه نبلة حرملة لو صوباها تلوحك

محتاج الوذ اب حضرتك

وتظمني اريد ابرايتك

اشتدت اعلينه المحن

يابختك او ياشارتك

،،،،،،،،،،،

صوت الثكاله بكل وكت بيهه المواجع غافيه

من تمسح دموع الهظم بس ايدك انته الشافيه

بسنيني ارش جرحك شفه وسنيني ابد موكافيه

افديك بسنين العمر بس كون تبقى بعافيه

ياموطني يطيب الجرح

يشرق عله وجهك صبح

وبليلك ايطر الفجر

ماتسمع ابطاري الذبح

،،،،،،،،،،،،

باعوك ماعدهم ذمم ياموطني وباعونه

يوميه ياسيد الامم بجروحك يفجعونه

ماتت ضمايرهم وكت محتاج منهم عونه

ماغزر وياهم ملح كل طيبك ينكرونه

ياموطني من كل كتر

صاعد عله صدرك شمر

بيك الحراير تنسبي

وولادك انذبحو غدر

،،،،،،،،،،،،

اولادنه نزف للگبر وين الحلو وين الترف

من دمه صارت حنته والامهات الهم تزف

بالعلم شد جرحه او وگف مبتسم وباسمك هتف

قربان الك ضحى العمر رواك من دمه النزف

حتمن لان شيعة علي

صار الذبح عاده لهلي

في كل سنه طف كربله

ليل الحزن ماينجلي

،،،،،،،،،،،،

ام محمد الحجاج

🎤أداء #الرادود_عباس_الطليباوي

✍🏻 كلمات #الشاعرة_أم_محمد_الحجاج/ العبادي

┏━━━ • 🏴 • ━━━┓

@AsoaatHoseneua

┗━━━ • 🏴 • ━━━┛

فراق الحبيب

الليالي الفاطمية



عافوني وراحوا
وچم باچر اباچر مشت يمته يردون
وين الگبل چانوا
أعزازي وعليه من الهوى والله يخافون
مثل الدمع سالوا
لو سال عالخد الدمع ميرد للعيون

....................

يجروحي ماتطيبي .. الا التقي بحبيبي
وردة ولگت ماي
حالف اذا اجالي .. حافي الاگي الغالي
بجروحي الهواي

بس الصدى ايردلچ عليهم من تصيحين
ياروحي عدله ألمن بعد چا ماتموتين
دنياه ماتسوه المشوا عنه العزيزين

حنيني .. و ونيني .. البُعدهم

شالوا اهل روحك
حدر الترايب ياعلي وخلوك محزون
مثل الدمع سالوا
لو سال عالخد الدمع ميرد للعيون

....................

تلگه الخليله عافه .. يابس حچي عله شافه
للملگه ضماه
يرسم عله الترايب .. صورة حبيبه الغايب
ويتعاتب اوياه

بدمعي اكتب ابأسمك گمت واشتم بالحروف
من گد صفنتي خدودي گامت تاكل اچفوف
وحلفت العيون اتعمي بس طيفك تشوف

هيامي .. وغرامي .. بهواكم

شمحلاها لو عادوا
ويندگ علي بابي وافك بابي ويطبون
مثل الدمع سالوا
ولو سال عالخد الدمع ميرد للعيون

....................

شالفايدة ابچينه .. الراح مايجينه
ومترده الدموع
ماينگطع عويلة .. دافن بديه خليلة
ايظل گلبه مشلوع

يمشي وتظل برويحتك چلماته الحنان
وتطلع صوره اتظل عليك منين ماچان
مرات واحد دنيته يلگاها بأنسان

خيالي .. اعله حالي .. بچالي

لحبابي الغابوا
حالف اطش روحي نذر لمن يرجعون
مثل الدمع سالوا
ولو سال عالخد الدمع ميرد للعيون

....................

تلطم تگطع ادينك .. واتدگ سنة عله عينك
ومايرجع الراح
هيهات ماترده .. مي عالرمل تبده
شيلمه لو طاح

يمسي المسه والبيتي ارد چن طير مصيوب
مفارگ واصيحن لا هله بجيتك يالغروب
وامطشر اعيوني انتظار بكل الدروب

حسرتي .. جمرتي .. چوتني

نشتاگ واشتاگوا
بس يوگف اتراب الگبر بين اليحبون
مثل الدمع سالوا
ولو سال عالخد الدمع ميرد للعيون

....................

ابچي وشنو الجنيته .. الضيعته مالگيته
ظل جرحه ماطاب
شال النظر من عيني .. من عالبتول اديني
هالت بالتراب

شما حزنت اعليچ الخلگ يم حزني متصير
من الطم اعليچ اختلف لطمي ابسامير
والآم الضلوع ادعي كون بضلعي اتدير

يروحي .. وجروحي .. الحِنينة

يافاطمة امنيتي
كون انه مو انتي الذي بطولچ يدفنون
مثل الدمع سالوا
ولو سال عالخد الدمع ميرد للعيون

.....................

الشاعر علي عويز الشويلي


قناة إبداعات حسينية @AsoaatHoseneua


https://youtu.be/_6RnVmW8-Zc

#حنانيكِ

~~~~~~~

حنانيكِ...بِنا دهرُ الأَسى مَرَّا
حنانيكِ...جرَعنا بعدَكِ المُرّا
ومنذُ البابِ حتّى الغيبةِ الكُبرى
نناديكِ أغيثينا أيا زهرا
حنانيكِ
~~~

أيا زهراء ندعوكِ...بيا زهراءُ نرجوكِ
فأنتِ العالَمُ المحجوبُ في أنتِ
مِنَ الأُمِّ الرساليّهْ...إلى البنتِ الإماميَّهْ
جمعتِ السرَّ بينَ الأمّ والبنتِ
لِأنَّ القبرَ قدْ أُخفِي...وأنتِ الكهفُ للكهفِ
على الأرواحِ نأتي أينما كنتِ
لهُمْ دينٌ ، ويا زهرا لنا دينُ
مجانينٌ بمعناكِ مجانينُ
أمانَيْكِ...ألا يا سِدْرةَ العَلْيا
أمانَيْكِ...لنا في الدينِ والدُّنيا
بسطنا عِندَكِ اليُمنى مع اليُسرى
نناديكِ أغيثينا أيا زهرا
حنانيكِ
~~~

بتولَ اللهِ يا فاطمْ...قَصَدْنا إسْمَكِ الراحِمْ
سجَدْنا ثُمَّ قُلنا عِنْدَهُ :حِطَّهْ !
هوَ الإسمُ الإلٰهيُّ...هوَ اللغزُ السَّماويُّ
كـ"بسمِ اللهِ" فينا ربُّنا خطَّهْ
وهذي نُقْطةُ "الباءِ"...تُوازِي نُقْطَةَ "الفاءِ"
وغيرُ المرتضى مَنْ يعرفُ النُّقْطهْ ؟!
أيا زهرا عليٌّ كفْؤُكِ الأوْحَدْ
فَمِثلَكِ لمْ تلِدْ كلاَّ ولمْ تُولَدْ
بعينيكِ...حفظتِ صاحِبَ البيْعهْ
بعينيكِ...لهذا كانتِ الصفْعَهْ
تُرى أينَ المداوي عيْنَكِ الحمرا ؟!
نناديكِ أغيثينا أيا زهرا
حنانيكِ
~~~

لنا وعدٌ معَ الدَّمعهْ...على المظلومةِ البضْعهْ
وكانَ الوعدُ للزهراءِ مفعولا !
جثونا نسألُ الدَّارَ...نرى في البابِ مِسْمارا
فكيفَ الشَّوكُ أدمى الزهْرةَ الأولى؟
هيَ القدِّيسةُ العُظمى...أمِنْها كَسَّرَ العظْمَا
ظلاميٌّ غدا بالكُفْرِ مجبولا ؟!
أحقاً أقْبَلَ الحطّابُ بِالفأْسِ؟
وما بالى بمعنى آيةِ الكُرسي!
بجنبَيْكِ...سماءٌ تحضنُ الأرضَا
بجنبَيْكِ...عمودُ الكونِ قدْ رُضَّا
وبالمأساةِ جبّارُ السما أدرى..
نناديكِ أغيثينا أيا زهرا
حنانيكِ
~~~

بلغنا قابَ "ضلْعيكِ"...بكيْنا نزْفَ متْنَيْكِ
فإبليسٌ عليكِ أنزَلَ السَّوطَا
شَهِدنا "سورةَ العصرِ"...هوتْ منْ شدِّةِ العصرِ
عرفنا أنَّهُ لمْ يرحَمِ السُّقْطَا
سَمِعنا لطَمةً رَنَّتْ...بأسماعِ السَّما طنَّتْ
فهبَّتْ زينبٌ كيْ تَجْمَعَ القُرْطَا
جرعْتِ الموتَ أحقاداً "سقيفيَّهْ"
وكانَ الذنْبُ أنْ كُنتِ "غديريَّهْ"
بِزَنديكِ...سياطٌ لِلمدى تشهدْ
بِزنديكِ...كَمِثلِ الدُّملُجِ الأَسوَدْ
ونفسُ السوطِ يُلوى فوقَنا جهرا
نناديكِ أغيثينا أيا زهرا
حنانيكِ
~~~

ونادَيْنا أيا فِضَّهْ...أقيمي للعَزا فرْضَهْ
لنبكي ضلعَ أمِّ الكَونِ مكسورا
فهذا الدمعُ مطلوبُ...وعندَ اللهِ محبوبُ
خذي يا فضةٌ منهُ قواريرا
بلِ الأجفانَ فُتِّيها...وفوقَ الجُرحِ رُشِّيها
مع المسمومِ والظامي بعاشورا
أمامَ البابِ جئنا .. نُخلِصُ النيَّهْ
نظمنا باسمِكِ الأضلاعَ : لطْميَّهْ
كطفليكِ...يتامى هذه الليلهْ
كطفليكِ...أسلنا لِلبُكا سيْلَهْ
لنا قد عظمَ الباري بِكِ الأجرا
نناديكِ أغيثينا أيا زهرا
حنانيكِ
~~~

هَبِينا يا بْنَةَ المُرْسَلْ...حروفَ الصَّبرِ كيْ نسْأَلْ
عنِ الماضي بماضي الموتِ في الهيجا
أظلَّ السيفُ في الغِمْدِ؟...يرى مولاهُ في القيدِ
فما أقوى ! وما أتقى ! وما أحجى !
هوُ المعروفُ : كرارُ...وذاكَ الرجسُ : فرَّارُ
بيومِ الحربِ لا لمْ يمتطِ السَّرْجا
سلوا بدراً، سلوا أُحْداً، سلوا خيبرْ
فهلْ تدري لها ربَّاً سوى حيْدرْ ؟!
لضلْعيكِ...حنَى الكرارُ أضلاعَهْ
لضلْعيكِ...تمنَّى موتَهُ الساعَهْ
وبتْنا مِثْلَهُ بالأكبُدِ الحرَّى
نناديكِ أغيثينا أيا زهرا
حنانيكِ
~~~

مصابُ البابِ يمتدُّ...بنارٍ ما لها حدُّ
ظُلاماتٍ إلى أرضِ الميامينِ
"عراقُ" الجُرحِ ناداكِ...أيا زهراءُ رُحْماكِ
على حُبِّ الحُسينِ اليومَ نجِّيني
برغمِ الكسرِ والضعْفِ...أديري راحَةَ الكفِّ
دُعاءٌ واحدٌ يا أمُّ يكْفيني
أعيدي بابْنِكِ المهديِّ أنفاسي
عليكِ اليومَ أقسْمتُ بِعباسي
بكفّيكِ...ألا يا رحمَةَ الرَّبِّ
بكفّيكِ...خُذيني وامسحي قلبي
أنا والنخلُ والنهرانِ كالأسرى
نناديكِ أغيثينا أيا زهرا
حنانيكِ
~~~

فَراشاً هائماً صِرنا...بقنديلِ الضيا دُرْنا
بهِ نحيا إذا ما ازدادَ إحراقا
فأنتِ دوْحةُ الخُلْدِ...مِنَ الهادي إلى المهدي
لديكِ قدْ فتَحنا اليومَ ميثاقا
عقدناهُ مِنَ الذَّرِّ...ووقَّعناهُ لِلْحشرِ
سيبقى القلبُ بالزهراءِ خفّاقا
رفعناكِ شعاراً عالياً فينا
لإنّا قدْ خُلِقنا فاطميّينا
ولبَّيْكِ...هتافُ الكلِّ يا فاطِمْ
ولبَّيْكِ...إلى أنْ يثأَرَ القائمْ
فمَنْ إلّاكِ في الأولى وفي الأُخرى
نناديكِ أغيثينا أيا زهرا
حنانيكِ
~~~

الشاعر علي عسيلي العاملي

🎤أداء #الرادود_الحاج_باسم_الكربلائي

✍🏻كلمات #الشاعر_علي_عسيلي_العاملي

┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛

#يالحبيبه

~

ليليه اعـله گـبرچ ما اعـوفه .. يالحبيبه
بالتربان وجهچ وين اشوفه .. يالحبيبه
مشتاگ الكلامچ والحـروفه .. يالحبيبه
وحدي ويه الليالي

~
صعـب من امشـي جـناز
وادفن بـــــيدي العـــزاز
يزهرة حياتي دفــنتچ بــيديه
اعله وجهج هلت التراب
واحس حتى الگلب ذاب
يريت المنـيه خذتــنه ســويه

روحي روحي .. حاطتها المصيبه
روحي روحي .. من دونچ غريبه
روحي روحي .. من عندي سليبه

غالي الهوه لكـن والله عنـدي .. انتي اغله
بيچ ايصيح گلبي ويه چبدي .. انتي اغله
اكتبها بدمعتي فــوگ خــدي .. انتي اغله
مثلچ ماكو غالي

~
وحـشـه تصــير البيـوت
لو دگ بابهــــــا المــوت
وانا بيتي موتچ اخذ كل فرحته
اتانـــي هـــدوة اللـــيل
والملم گـــــوه بالحــيل
بحنيني او ونيني الگبر من وصلته

گلــبي گلــبي .. مابطـل ونيـــنه
گلــبي گلــبي .. مخنوگ بحنينه
گلبــي گلــبي .. دگــاته حــزينه

كل دگه اليدگها وياها حسره .. من الهضيمه
وانه الضيعچ والضـاع عمــره .. من الهضيمه
لاخر يوم تبقى بروحي جمره .. من الهضيمه
عگبچ هذا حالي


~
ما ارش الگــــــبر مــــاي
دموعي السالن اهــــواي
اعله گبرچ اصبهن واجيم المناحه
شلونچ يم الحســـــــين
شحال الضلع والـعــــين
واذا تسأليني انه بلايــــــه راحه

عيــني عــيني .. مايطبگ جفـــنها
عينــي عينــي .. سهــرانه بحـزنها
عينــي عينــي .. راح الشوف منها

راح الحيل مني وثگل حملي .. يالعزيزة
هاي الدنيا غربة وانتي اهلي .. يالعزيزة
لا مو جزء مني انتــي كلــي .. يالعزيزة
غيرچ ما حلالي

~
صرت احضن بالتـــــراب
ماكــــــو بالــگـــبر بــاب
وامدله ايديه وافتحه واشوفچ
ولا انتــــــي تگعـــــدين
والجيـــــتي تگـــومــين
ولا اگدر ابقى ولا بيه اعــوفچ

گبــرچ گبــرچ .. احضن بي واشمه
گبــرچ گبــرچ .. بأحــساسي الــمه
گبــرچ گبــرچ .. بدمــــوعي اكلمه

احچي وياه واگله ماخذتني .. يالخذتها
ماخذ مني روحي وعذبتني .. يالخذتها
سهم ابنص دليلي صوبتنـي .. يالخذتها
ابچي ونوحي عالي

~
اعله گبرچ مثل الشـموع
ذبت حـسرات ودمـــوع
غفت عيني لحظة واجه الصوت اليه
علي عوف الگــبر گـــوم
زينب عافــــت النــــــوم
تريــــدك تجـــيها وتســألك علــــيه

يمـــه يـمـــه .. صاحت ياهضيـمه
يــمـه يمــــه .. عفتيني يــتيــــمه
يمـــه يمــــه .. هــاي الدار هــيمه

بينچ بين زينب گـلبي حاير .. ياعذابه
والمشـدوده روحه بالمگـابر .. ياعذابه
وللتخلص حياته بس يكابر .. ياعذابه
يكبر جرحي تالي




الشاعر وسام الشويلي

@AsoaatHoseneua

https://youtu.be/_rwlmB4qPDk

🎤أداء #الرادود_محمد_الجنامي

✍🏻كلمات #الشاعر_وسام_الشويلي

┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛

#بيتي_المگبرة


بيتي المگبره وبات الصـبر بيه
حلوه الموته ويه الميت اعليه
ما عفت الگبــــر وآثـــاره بيه
حتى اترابه ما طاح امن اديه
حبيبي حبيبي
~

أول اغـــروب يا جـــروحــي
أمشي عالگاع الخذت روحي
ابغار الأسنين حــزني يوحي
وگلت ياروح عــــني روحي

طاحت اعيوني امن البچي ودرب المگابر دربي
امشي و ارد اعله الگبر حد ما يبين تعبي
وامنهد ماودع هله ظل گوه ينبض گلبي

حيلي انهد وانه الكل حيل عكازه
خشبه وتثگل ابصاحبها الاجنـازه
ابگد ضيمــــــي تمنـــيت المــنيه
حتى اترابه ما طــاح امن اديـــه
حبيبي حبيبي
~

وحشت البيت عذبـــتني
من التوابيت هدل متـني
ذيچ الوجوه العيشـــتني
وصلت الموت وفارگتني

مو من عوايدها الهجر ولا بالجفه اتعذبني
وادم اذا ساعة غبت بشلونك اتعاتبـــــــني
گد مااهتمت بيه أحس مخلوقه حتى اتحبني

الما مر يوم اذا ماشايفه ابداره
صعبه ادور امن الوادم اخـباره
گمره وماتت اعلـوم المـــــسيه
حتى اترابه ما طاح امن اديــه
حبيبي حبيبي
~

درب الاعزاز عــندي صايـر
من الاگلـــــوب للمــــــگابر
عمري لو موت لو مخــاطر
بير مدفون وين اســــــافر

الوصفوه ابو الگلب الجلد حالي اليحرك احساسه
ميت ومرات البشر تطلع اهــــمومه ابراسه
مو كلمن ابيومه الأجل كلمن يموت ابناسه

هاي سوالف الما طابن اجروحه
ايعاتبمن اذا باگ اللـــحد روحه
كاتب عالگبر لو ما الوصـــــــيه
حتى اترابه ما طـــاح امن اديه
حبيبي حبيبي
~

بيني مابين مـوتي شـــهگه
حتى الاحلام كلـــــها فرگه
ابدرب اليموت ماكو مـلگه
لو يجي ابطيف ما اصدگه

الگبر الزچيه من رحـــت ماريد ادلي ابسره
احچي اوي گبر المصطفى عن لاتموت العشره
امن الگبر اسمع يا علي اتسلم عليك الزهره

اشلون اخفي الجرح والمبعد ايشوفه
مثل الحاول ايضم مايه بچـــفوفه
انه ابحلمي ما عفت الزچــــــــــيه
حتى اترابه ما طاح امن اديـــــــه
حبيبي حبيبي

~

الغاليه اتمــــوت وي حلــــمها
التسوه الاسنين ســــاعه يمها
ابخوفي ياناس شــــلت همها
اموصي الأبيات تخفي اسمها

خافيها بعيوني ومشت ما ادري وي يا دمعه
واليمشي محضون ابنعش بس الاحلام اترجعه
مو مال سكته وعاذلي يتمــنه نعيي ايسمعه

ابغيم اچفوفي نجم ادموعي ضميته
ذاك آنه التموته الراحــــه الأبيــــته
ماي وشدتي اتبين اعــــــــليه
حتى اترابه ما طاح امن اديه
حبيبي حبيبي

~~~

الشاعر ياسين حميد الصالحي

🎤أداء #الرادود_علي_الساعدي

✍🏻كلمات
#الشاعر_ياسين_حميد_الصالحي

┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛