Бугун бир хабар ўқиб қолдим;

“Чилонзорда омадсизлигидан азият чекиб, ўзини кўприкдан ташламоқчи бўлган йигит қутқариб қолиниб, жаримага тортилди.”

Шаблон бўйича ишлаш ўзбекчиликнинг қон-қонига сингиб кетган. Ўзи омадсизликдан ўламан деб турган бўлса, “шунчалик омадсиз эканман шу ишни ҳам бажаролмадим, мана жаримага тортишди” деб турган бир йигитга психологик кўмак, мотивация бериб, муаммоларини ҳал қилишга хизмат қилсаларинг бўлмайдими? Жаримани тўлаб кейин ўзини ўлдирса қабулми? Жаримаистон давлати!

Ўзига ишонмайдиган раҳбарлар атрофида доимо “хўп бўлади” дейдиган шахслар бўлишини афзал кўришади. Самарали раҳбарлар эса ўз ғояларига қарши чиқа оладиган шахсларни афзал кўришади. Финляндия бўлишимиз учун, мактаб/университет очиш шарт эмас, қолиб ичидаги фикрлаш тарзимизни ўзгартиришимиз керак.

Дунёдаги энг бечора одам кўзлари бўлиб, лекин узоқни кўра олмагандир (дальновидность/vision)

Мюнхен шаҳрининг марказидаги Мариенплац майдонидаги эски Ратушасида (ҳокимият биноси) узундан-узун Украина ва Исроил байроқлари осилган.

Тушунаман Россия Украинага бостириб кирди, демак Украина халқи мазлум бўлиб қолмоқда, лекин 1947 йилдан бери юз минглаб фаластинликларни қириб келган ва сўнгги 8 ойда 50 мингга яқин фаластинликни ўлдирган Исроил шунда мазлум Фаластин эса золимми?

Ғарбнинг икки юзли стандартлари.

Бу дунёда яшамоқдан чарчаган гўдаклар бор!

Қўл билан санаса бўладиган қавми лутни ҳимоя қилгандан кўра, бегуноҳ фаластинлик болаларни шунақа чиқишлари билан ҳимоя қилишса яхши бўларди. Бугун Қозоғистондаги хорижий элчилар ЛГБТ ҳимоя куни учун махсус видео чиқаришган. Биздакилар тақлид қилишмаса бўлди.

🇺🇿 С корабля на бал деганларидек, бугун Мюнхендан келиб Тошкентдаги UESS университетида “Эволюцияни янгилаш: амалий тилшуносликнинг 21-аср тил ўқитишга таъсири” номли маърузам билан халқаро конференцияда қатнашдим. Янги инсонлар билан танишдим, янги дўстлар ортирдим. Магистр ва PhD талабалари билан танишдим. Педагогика, методология ва лингвистика талабалари учун “Summer school” қиламиза.

Агарда сифатли таълимга ва инсон ресурсларига ҳақиқий маънода эътибор қаратилмаса (хўжамкўрсин тадбирларсиз) Ўзбекистон учинчи давлатлар орқасида қолиши мумкин.