Төкмө акын Асылбек Маратов УКМКдан эскертүү алганын айтты


Төкмө акын Асылбек Маратов 26-мартта Улуттук коопсуздук боюнча мамлекеттик комитетте (УКМК) болуп, эскертүү алып чыкканын Фейсбуктагы баракчасына жазды. Бирок кайсы ишке байланыштуу жана эмненин негизинде эскертүү алганын тактаган жок.

Ал “Т-Медиага” порталына “Быйыл 17-январда Элмирбек Иманалиевди эскерүү кечеде саясий окуяларды кошуп ырдадым эле. Ошол сөздөрүм үчүн эскертүү алдым”, - деп айткан. УКМК бул тууралуу комментарий бере элек.

17-январда Бишкектеги Токтогул Сатылганов атындагы улуттук филармонияда “Төкмө келсе төр бошот” долбоорунун алкагында Элмирбек Иманалиевди эскерүү айтыш-концерти болгон. Асылбек Маратов концертте коомдогу айрым көйгөйлөр, мамлекеттик карыз, салык, кымбатчылык маселеси тууралуу төккөн. Ал республикалык "Айтыш" коомдук фондунун төрагасы.
https://smarturl.click/YzmGV

Жаңылыктар | 26.03.2025 | Жогорку соттун төрагасы Медербек Сатыев сөгүш алды

• Судьялар кеңеши Жогорку соттун төрагасы Медербек Сатыевге, Ош облустук жана Сузак райондук сотунун жетекчилерине сөгүш берди. Буга башкы соттун иш сапарынын чыгымын аймактагы соттор көтөргөнү себеп катары айтылууда.

• Сауд Арабиясында Украина жана Орусиянын делегациялары менен өз-өзүнчө сүйлөшүүлөрдөн кийин, АКШ Кара деңизде аскердик аракеттерге тыюу салуу боюнча макулдашуу жетишилгенин жарыялады. Ошентсе да азырынча тынчтыкка жетишүүдө бир топ тоскоолдуктар бар.

• Төкмө акын Асылбек Маратов Улуттук коопсуздук боюнча мамлекеттик комитетте болуп, эскертүү алып чыкканын билдирди. Бирок кайсы ишке байланыштуу жана эмненин негизинде эскертүү алганын тактаган жок. https://youtu.be/TgM30ZJpQxM

Төкмө акын Асылбек Маратов УКМКдан эскертүү алганын айтты

Төкмө акын Асылбек Маратов 26-мартта Улуттук коопсуздук боюнча мамлекеттик комитетте (УКМК) болуп, эскертүү алып чыкканын Фейсбуктагы баракчасына жазды. Бирок кайсы ишке байланыштуу жана эмненин негизинде эскертүү алганын тактаган жок.

Ал “Т-Медиа” порталына “Быйыл 17-январда Элмирбек Иманалиевди эскерүү кечеде саясий окуяларды кошуп ырдадым эле. Ошол сөздөрүм үчүн эскертүү алдым”, - деп айткан. УКМК бул тууралуу комментарий бере элек.

Азия чемпионаты: Кыргыз балбандары бир күмүш, бир коло алды

Иорданиянын борбору Амман шаарында өтүп жаткан күрөш боюнча Азия чемпионатында грек-рим күрөшүнөн 67 кг салмакта Раззак Бейшекеев күмүш, 77 кг салмак ченинде Ырыскелди Максатбек уулу коло медал алды.

Бул мелдешке грек-рим күрөшүнөн жалпы 10 балбан барган. Калган спортчулар утулуп калышты.

Командалык эсепте беш алтын, үч күмүш байге менен биринчи орунду Иран, үч алтын, эки күмүш жана бир коло медал менен экинчи орунду Өзбекстан, бир алтын, бир күмүш жана төрт коло байге менен үчүнчү орунду Жапония курамасы алды. Төртүнчү орунду бир алтын, төрт коло менен Түндүк Корея, эки күмүш жана эки коло менен Казакстан бешинчи орунду алса, Кыргызстан командалык эсепте алтынчы орунга жазылды.

@azattyk_radiosu

❗️БШК Бишкек шаардык кеңешинин депутаты Мусагул уулунун мандатын алды

Борбордук шайлоо комиссиясы (БШК) 26-марттагы отурумунда Бишкек, Баткен шаардык жана Алай аймактык жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуп, бош калган мандаттарды жергиликтүү кеңештердин депутаттыгына талапкерлерге өткөрүп берди.

Анын ичинде Бишкек шаардык кеңешиндеги “Эмгек” фракциясынан депутат болгон Амантур Мусагул уулунун мандаты Сыргак Майрамбек уулуна берилди.

18-мартта Улуттук коопсуздук боюнча мамлекеттик комитет Бишкек шаардык кеңешинин депутаты Амантур Мусагул уулу кармалганын билдирген. Атайын кызмат ага “2024-жылдын октябрь айында шайлоо компаниясын каржылоо максатында WhatsApp мессенжери аркылуу өзүн УКМКнын төрагасы Камчыбек Ташиев катары көрсөтүп, алдамчылык жолу менен партиянын мүчөсүнүн 30 миң доллар алган” деген айып койгон.

@azattyk_radiosu

‼️Бишкекте негизги аянттарда митинг өткөрүүгө салынган тыюу дагы узартылды

Бишкектин Биринчи май районунун аймагында 2025-жылдын 1-апрелинен 30-июнуна чейин нааразылык акцияларын өткөрүүгө чектөө киргизүү өтүнүчүн сот канааттандырды.

Биринчи май райондук соту 2022-жылы март айында эле Бишкектин Ала-Тоо аянтында жана Эркиндик бульварынын темир жол вокзалынан аянтка чейинки тилкесинде, Жогорку Кеңештин айланасында жана анын жанындагы Панфилов паркында, өкмөт үйүнүн алдында жана анын жанындагы Турсунбаева атындагы бакчада митинг-пикет өткөрүүгө тыюу салган.

Жогорку соттун, Орусиянын Кыргызстандагы элчилигинин, Улуттук коопсуздук боюнча мамлекеттик комитеттин (УКМК) жанындагы жерлерде, Ички иштер министрлигинин (ИИМ) алдында да тынч жыйын өткөрүүгө чектөө киргизилген.

Акция өткөрүүнү каалагандар Бишкектеги Максим Горький атындагы бакчага гана чогулса болот.

@azattyk_radiosu

Мэр Бишкектин Айтматов көчөсүн кеңейтүүдө 66 үйдүн дубалы бузуларын айтты

Бишкек шаарынын мэри Айбек Жунушалиев Чыңгыз Айтматов проспектисин кеңейтүү ишинин алкагында Киргизия конушундагы 66 үйдүн дубалынын бир бөлүгүн бузуу пландалып жатканын билдирди.

Мэр президенттик администрациянын “Ынтымак ордо” имаратынын жанындагы конуштун тургундарына кенемте төлөп берүү маселеси боюнча да маалымат берди. Ал Киргизия конушундагы ар бир тургунга 10 сотыхтан көп жер бөлүнгөнүн, мунун мыйзамдуулугу каралып жатканын кошумчалады. Азырынча буздурулган дубалга кенемте төлөө же баш тартуу тууралуу чечим чыга электигин, бардык документтер текшерилгенден кийин гана чечим кабыл алынарын айтты.

“Биз азыр кенемте маселесин караган жокпуз деп билдирдик. Анткени биз мыйзамдуулук маселесин карап жатабыз — алар жерди кантип алышкан, жалпы план кантип бекитилген. 1997-жылы эле аларга кенемте берилбей турганы кабарланганбы. Ушунун негизинде биз чечим кабыл алабыз”, - деди ал.

@azattyk_radiosu

27-мартта Кыргызстан менен Кытайдын чек арасындагы “Торугарт” өткөрмө бекетинде катуу шамалдан айрым жүк ташуучу автоунаалар менен алардын чиркегичтери оодарылып кетти.

@azattyk_radiosu

Айпери Медет кызы Азиянын үч жолку чемпиону болду

27-мартта Иорданиянын борбору Амман шаарында өтүп жаткан күрөш боюнча Азия чемпионатында Айпери Медет кызы 76 кг салмакта кыз-келиндер күрөшүнөн алтын медал алып, Азиянын үч жолку чемпиону болду.

Ал финалда индиялык Ритика Худаны 7:6 эсебинде утту. Кыргызстандык балбан акыркы 30 секундда төрт балл алып, жеңишке жетти. Медет кызы индиялык балбан кызды буга чейин 2024-жылы Парижде өткөн Жайкы Олимп Оюндарынын чейрек финалында да жеңген.

Амман шаарында 25-мартта башталган Азия чемпионаты 30-мартта аяктайт.

25 жаштагы Айпери Медет кызы ушуну менен Азия чемпионатынын финалында алтынчы жолу күрөштү. Ал буга чейин эки чемпионатта жеңишке жетсе (2022-ж., 2024-ж.), үч жолу күмүш байге алган (2020-ж., 2021-ж., 2023-ж.). https://www.azattyk.org/a/33362200.html

Кыргызстанда жер титиреп, Таласта беш үйдүн дубалдарынан жарака кетти

Сейсмология институтунун маалыматына ылайык, 28-мартта (саат 04:42де) Казакстандын аймагында күчү очогунда 5,5 магнитудасына жеткен жер титирөө болду.

Жердин силкинүүсү Кыргызстандын Талас районунун Көпүрө-Базар айылында 5 балл, Чүй облусунун Жайыл районунун Кара-Балта шаарында жана Бишкек шаарында болжол менен 4 баллга чейин сезилген.

Силкинүүнүн очогу Көпүрө-Базар айылынан 20 чакырым түндүктө, Бишкек шаарынан 133 чакырым түштүк-батышта болду.


Өзгөчө кырдаалдар министрлигинин (ӨКМ) маалыматы боюнча, Талас облусунун Каракол айыл аймагынын Көпүрө-Базар айылында 5 үйдүн дубалдарынан жарака кеткен. Ушул тапта жабыркагандар жана кыйроолор тууралуу маалымат такталып жатат.

Жердин силкинүүсүнө байланыштуу Кыргызстанда айгай жарыяланып, Өзгөчө кырдаалдар министрлигинин борбордук аппаратында жана Кризистик кырдаалдарда башкаруу борборунда жыйын өттү. https://www.azattyk.org/a/33362609.html

Өкмөт чакан бизнес патент системасына кайтарын билдирди

Министрлер кабинетинин төрагасы Адылбек Касымалиев кызматка киришкендеги 100 күнү тууралуу “Слово Кыргызстана” гезитине маек берип, экономика, салык системасы тууралуу да комментарий берди.

“Биз салык механизмдерин, анын ичинде электрондук товардык-транспорттук коштомо кагаздарды (ЭТТК-ЭТТН) колдонуу тартибин карап чыктык. Негиз болсо, өзгөчө чакан бизнесте патенттик системага кайтабыз. Жүз миңдеген кыргызстандыктар базарларда адал эмгек менен үй-бүлөсүн багып жатканын түшүнөбүз. Өкмөттүн алардын жашоосун оорлотуу максаты жок”, - деди ал.

Жаңы салыктык реформалардын алкагында Кыргызстанда 2024-жылдын 1-июлунан баштап соодадагы патент жоюлуп, көзөмөл-кассалык машинени (ККМ) милдеттүү колдонуу тартиби күчүнө кирген.

ККМ – бул товар сатуу жана кызмат көрсөтүү үчүн керектелген эсептөөчү аппарат. ЭТТК – товар, жөнөтүүчү, алуучу жана жеткирүүчү транспорт каражаты жөнүндө маалыматтарды жана башка маалыматтарды камтыган электрондук документ.

Кыргызстанда базарларда соода-сатык менен алектенген ишкерлер ККМдин киришине каршы бир катар нааразылык акцияларын өткөргөн. https://www.azattyk.org/a/33362634.html

Жер титирөөдөн Таласта 17 үйдүн дубалдарынан майда жарака кетти

Өзгөчө кырдаалдар министрлиги (ӨКМ) 28-мартта болгон жер титирөөдөн Талас районунун Каракол айыл аймагынын Көпүрө-Базар айылында 17 турак жайдын дубалдарынан майда жарака кеткенин билдирди.
Маалыматка караганда, аларды ичинен 11 үй камсыздандырылса, алты турак жай камсыздандырылган эмес. Авариялык абалдагы турак жайлар жок. Ушул тапта тактоо иштери уланып жатат.
28-мартта (саат 04:42де) Казакстандын аймагында күчү очогунда 5,5 магнитудасына жеткен жер титирөө болду.

Жердин силкинүүсү Кыргызстандын Талас районунун Көпүрө-Базар айылында 5 балл, Чүй облусунун Жайыл районунун Кара-Балта шаарында жана Бишкек шаарында болжол менен 4 баллга чейин сезилген.

Силкинүүнүн очогу Көпүрө-Базар айылынан 20 чакырым түндүктө, Бишкек шаарынан 133 чакырым түштүк-батышта болду. https://www.azattyk.org/a/33362670.html

БШК депутат Султанбай Айжигитовдун мандатын алды

Борбордук шайлоо комиссиясы (БША) 28-мартта Жогорку Кеңештин депутаты Султанбай Айжигитовдун мандатын алды.
Жыйында Улуттук коопсуздук боюнча мамлекеттик комитеттин (УКМК) бөлүм башчысы Жеңиш Сейитов Султанбай Айжигитовду 2021-жылы депутаттыкка талапкер кылып каттоодо “Президентти жана Жогорку Кеңештин депутаттарын шайлоо жөнүндө” мыйзам бузулганын айтты. Ал Султанбай Айжигитов талапкер болуп катталуу үчүн Борбордук шайлоо комиссиясына (БШК) кылмыш жоопкерчилигине тартылганы тууралуу маалыматты бербей, жашырып койгон деп эсептейт.
Боршайкумдун төрагасы Тынчтык Шайназаров Султанбай Айжигитовго байланыштуу УКМК БШКга берген маалыматтарды айтып берди.

“2020-жылдын 14-февралы Чүйдүн Сокулук районунун өкүмү. Айжигитов Султанбай Абдрашитович Кылмыш-жаза кодексинин 112-беренесинин1-бөлүгү боюнча жеңил жаракат келтирүүгө байланыштуу күнөөлүү деп табылсын, аны жазык жоопкерчилигине тартуунун эскирүү мөөнөтү аяктагандыктан жаза белгиленбесин”, - деген Шайназаров Чүй облустук соту 2021-жылдын 10-июнунда райондук соттун өкүмүн күчүндө калтырганын айтты.

Башкы прокурордун биринчи орун басары Баймурза Маатов Султанбай Айжигитов соттун өкүмү тууралуу маалыматты БШКга шайлоонун алдында бергенде азыркы маселе көтөрүлмөк эмес деди.

Султанбай Айжигитовдун адвокаты жана депутат өзү мандат алуу мыйзамсыз экенин айтты. Жыйынтыгында Боршайкомдун 12 мүчөсүнүн 11и Султанбай Айжигитовдун мандатын алууну колдоду. Бир гана мүчөсү Нурлан Койчукеев “каршы” болду. Эми Султанбай Айжигитов Боршайкум чечимине каршы сотко даттанса болот.
https://www.azattyk.org/a/33362826.html

Азаттык: Кечки радио эфир | 28.03.2025 |

Өзгөчө кырдаалдар министрлиги (ӨКМ) 28-мартта болгон жер титирөөдөн Талас районунун Каракол айыл аймагынын Көпүрө-Базар айылында 17 турак жайдын дубалдарынан майда жарака кеткенин билдирди.

Маалыматка караганда, алардын ичинен 11 үй камсыздандырылса, алты турак жай камсыздандырылган эмес. Авариялык абалдагы турак жайлар жок. Ушул тапта тактоо иштери уланып жатат https://www.youtube.com/watch?v=oKFnWOFXP-w

Жаңылыктар | 28.03.2025 | Украинага Европанын бейпилдик күчтөрүн жайгаштыруу сунушталды

• Борбордук шайлоо комиссиясы Жогорку Кеңештин депутаты Султанбай Айжигитовду мандатынан ажыратты. Ал чечим мыйзамсыз болгонун айтып, атайын кызматтын төрагасы Камчыбек Ташиевге каршы президентке кайрылганын билдирди.

• 30дан ашуун өлкөнүн лидерлери Парижде Украинага жаңы жардам көрсөтүүнү убада кылышты. Саммитте Европанын бейпилдик күчтөрүн Украинага жайгаштыруу маселеси талкууланды.

• Кыргызстандын өкмөтү чакан бизнести кайрадан патент системасына кайтарууну караштыра баштады. Соодадагы патент былтыр жоюлуп, ишкерлер көзөмөл-кассалык машинени милдеттүү колдоно баштаган. https://youtube.com/live/0QBM6QmDU3Y

Борбордук шайлоо комиссиясы Жогорку Кеңештин депутаты Султанбай Айжигитовду мандатынан ажыратты. Ал чечим мыйзамсыз болгонун айтып, атайын кызматтын төрагасы Камчыбек Ташиевге каршы президентке кайрылганын билдирди.

Мьянмада зилзаладан каза болгондор миңден ашты

Мьянманын бийлиги 28-марттагы магнитудасы 7,7ге жана 6,4кө жеткен катуу жер титирөөдөн набыт болгондордун саны кеминде 1002 кишиге жеткенин, 2376 киши жабыркаганын билдирди. Бул тууралуу 29-мартта Би-Би-Си AFP маалымат агенттигине таянып жазып, куткаруу иштери уланып жатканын белгиледи.

AFP агенттиги каза болгондор жана жабыр тарткандар тууралуу Мьянмадагы аскердик өкмөткө таянып жазды. Куткаруучулар табигый кырсыктын курмандыктарынын саны дагы өсүшү мүмкүн экенин белгилөөдө.

Мьянманын ири шаарларынын бири Мандалайдагы куткаруу кызматынын өкүлү “жоготуулар абдан көп” экенин Би-Би-Сиге билдирди. Кайталанган жер титирөөлөргө карабастан куткаруу иштери түнү менен жүрдү. https://www.azattyk.org/a/33363707.html

Орозо айт намазы жума мечиттерде окулат

Кыргызстанда эртең 30-мартта Орозо айт намазы жума мечиттерде окулат. Бул тууралуу Кыргызстан мусулмандарынын дин башкармалыгы кабарлады.

Айт намазы 07:30да башталат. Ага чейин, 06:15тен баштап баяндар айтылат.

Ички иштер министрлигинин басма сөз кызматы бул күнү коопсуздук күчөтүлүп, Орозо айт майрамына карата 9 миңден ашык милиция кызматкери коопсуздукту камсыздай турганын билдирди.

Орозо айы быйыл 1-мартта башталган.

Былтыр коопсуздуктан улам Орозо айт намазы облус, шаарлардын аянттарында эмес, мечиттерде гана окулган. Бир канча жылдан бери Орозо айт жана Курман айт намазы Бишкектин эски аянтында, облус борборлорундагы аянттарда окулуп, ага он миңдеген киши катышып келген. 2020-жылы коронавирус пандемиясынан улам намаз мечиттерде гана аралык сактап окулган. https://www.azattyk.org/a/33363726.html

Азаттык: Кечки радио эфир | 29.03.2025 | Мьянмада зилзаладан каза болгондор миңден ашты

Мьянманын бийлиги 28-марттагы магнитудасы 7,7ге жана 6,4кө жеткен катуу жер титирөөдөн набыт болгондордун саны кеминде 1002 кишиге жеткенин, 2376 киши жабыркаганын билдирди. Бул тууралуу 29-мартта Би-Би-Си AFP маалымат агенттигине таянып жазып, куткаруу иштери уланып жатканын белгиледи.
AFP агенттиги каза болгондор жана жабыр тарткандар тууралуу Мьянмадагы аскердик өкмөткө таянып жазды. Куткаруучулар табигый кырсыктын курмандыктарынын саны дагы өсүшү мүмкүн экенин белгилөөдө.

Мьянманын ири шаарларынын бири Мандалайдагы куткаруу кызматынын өкүлү “жоготуулар абдан көп” экенин Би-Би-Сиге билдирди. Кайталанган жер титирөөлөргө карабастан куткаруу иштери түнү менен жүрдү. https://www.youtube.com/watch?v=Bkr0UeHAM0M