Жиноят ишлари бўйича Яккасарой туман судининг қарори билан мушукка шафқатсиз муносабатда бўлган хорижлик фуқарони 5 сутка муддатга маъмурий қамоққа олинди. Норози бўлган ҳуқуқбузарнинг адвокати томонидан киритилган апелляция шикояти Тошкент шаҳар судида қаноатлантирилмасдан қолдирилиб, биринчи инстанция судининг қарори ўзгаришсиз қолдирилди.

Telegram

Бош қомусимизнинг 62-моддасига мувофиқ фуқаролар атроф табиий муҳитга эҳтиёткорона муносабатда бўлишга мажбурдирлар.

Аммо Поп туманида яшовчи ҳамюртимиз Фозилжон Маюсупов зиммасидаги ана шу фуқаролик бурчини “унутиб” қўйди.

Гап шундаки, Наманган вилояти экология, атроф-муҳитни муҳофаза қилиш ва иқлим ўзгариши бошқармасининг тегишли буйруғига асосан Поп туман Экология ва атроф-муҳитни муҳофаза қилиш соҳасидаги назорат бўйича туман бўлими томонидан Ўзбекистон Республикасининг 1992 йил 9 декабрдаги “Табиатни муҳофаза қилиш тўғрисида”ги қонуни ижроси ўрганилганда Ф. Маюсуповнинг Поп ихтисослаштирилган ўрмон хўжалиги Парда Турсин участкасига қарашли ер майдонидан 10 туп терак дарахтларини ўзбошимчалик билан кесиб ташлагани аниқланади. Бу ҳаракати билан Фозилжон Ўзбекистон Республикасининг 2018 йил 16 апрелдаги “Ўрмон тўғрисида”ги қонуни 34, 39 ва 55-моддалари ҳамда Вазирлар Маҳкамасининг 2014 йил 20 октябрда қабул қилинган “Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида”ги қарорининг 37-моддаси талабларини ҳам бузади. Энг ачинарлиси, Она табиатга, ўсимлик дунёсига 14 миллион 817 минг сўм зарар етказган.

Шундан сўнг Фозилжон Маюсупов Маъмурий жавобгарлик тўғрисидаги кодекснинг 79-моддаси 1-қисмига асосан базавий ҳисоблаш миқдорининг бир баравари миқдорида жарима жазосига тортилган. Лекин Фуқаролик кодексининг 985-моддасига биноан, ғайриқонуний ҳаракат (ҳаракатсизлик) туфайли фуқаронинг шахсига ёки мол-мулкига етказилган зарар, шунингдек юридик шахсга етказилган зарар, шу жумладан бой берилган фойда зарарни етказган шахс томонидан тўлиқ ҳажмда қопланиши лозим.

Бинобарин, Наманган вилояти экология, атроф-муҳитни муҳофаза қилиш ва иқлим ўзгариши бошқармаси фуқаролик ишлари бўйича Чуст туманлараро судига даъво аризаси билан мурожаат қилиб, ҳуқуқбузардан ўсимлик дунёсига етказилган 14 миллион 817 минг сўм зарарни ундиришни сўради.

Конституциямизнинг 68-моддасида “Ер, ер ости бойликлари, сув, ўсимлик ва ҳайвонот дунёси ҳамда бошқа табиий ресурслар умуммиллий бойликдир, улардан оқилона фойдаланиш зарур ва улар давлат муҳофазасидадир” дея қайд этилган.

Ўзбекистон Республикаси “Ўсимликлар дунёсини муҳофаза қилиш ва ундан фойдаланиш тўғрисида”ги қонунининг 15-моддасида эса ўрмон фондига кирмайдиган дарахт ва буталарни кесишга фақат санитария мақсадларида ҳамда бинолар, иншоотлар ва коммуникациялар қурилиши билан боғлиқ ҳолдагина маҳаллий давлат ҳокимияти органларининг Ўзбекистон Республикаси Табиатни муҳофаза қилиш давлат қўмитаси билан келишилган қарорига биноан йўл қўйилиши белгиланган. Ана шу асосларга таянган суд даъвони қаноатлантириб, Фозилжон Маюсуповдан ўсимлик дунёсига етказилган зарарни ундириш юзасидан ҳал қилув қарори қабул қилди.

Шу тариқа ўзбошимчалик фуқарога қимматга тушди.

Отамурод СИДДИҚОВ,
фуқаролик ишлари бўйича
Чуст туманлараро судининг судьяси

Telegram

Олий суд жамоаси Давлат хавфсизлик хизмати ходимларини 26 сентябрь - Ўзбекистон Республикаси Давлат хавфсизлик хизмати органлари ходимлари куни билан самимий муборакбод этади.

Сизларга зиммангизга юклатилган ғоятда шарафли ва ўта масъулиятли вазифаларни адо этишингизда мустаҳкам соғлик, метин ирода ва куч-қувват тилаймиз.

Telegram

❗️Ўзбекистон Республикаси Олий судининг интерактив хизматлари порталининг имкониятларидан фойдаланинг!

✅ МУРОЖААТ
Жиноят ва фуқаролик ишлари бўйича судларда, маъмурий ва иқтисодий судларга электрон шаклда мурожаат қилиш

✅ НАМУНАЛАР
Фуқароларнинг судларга мурожаат қилишда ҳужжатларнинг тайёр намуналаридан фойдаланиш

✅ КАЛЬКУЛЯТОР
Тўланиши лозим бўлган давлат божи миқдорини аниқлаш

✅ ҚАРОРЛАР ТЎПЛАМИ
Судлар бўйича барча якуний суд қарорларини тўлиқ ёки мавҳумлаштирилган матнда олиш

✅ ЭЛЕКТРОН ТЎЛОВ ТИЗИМИ
Барча тўловларни, шу жумладан, давлат божини ҳисобга олиш ва тўлашнинг ягона электрон тизими

✅ СУД МАЖЛИСЛАРИ ЖАДВАЛИ
Ишларни суд мажлисида кўриб чиқишга тайинланган санаси ва вақти ҳақида онлайн тарзда хабардор бўлиш

✅ ЭЛЕКТРОН ҚАБУЛ
Олий суд раҳбарияти қабулига электрон рўйхатдан ўтиш

✅ МАЪЛУМОТ
Жиноят ва фуқаролик ишлари бўйича судларда, маъмурий ва иқтисодий судларда ҳал қилув қарорларига шарҳлар

✅ ОНЛАЙН КУЗАТУВ
Жиноят ва фуқаролик ишлари бўйича судларда, маъмурий ва иқтисодий судларда ишлар ҳолатини онлайн кузатиб бориш

✅ ВИДЕОКОНФЕРЕНЦАЛОҚА
Суд мажлисида видеоконференцалоқа тизими орқали масофадан туриб иштирок этиш

✅ СУД ХАБАРНОМАСИ
Ишда иштирок этувчи тарафларга суд хабарномаларини ва чақирув қоғозларини онлайн тарзда олиш

✅ TELEGRAM орқали мурожаат
Мурожаатларни TELEGRAM-BOT орқали йўллаш

✅ АПОСТИЛЬ ҚЎЙИШ
Суд ҳужжатларига апостиль қўйиш ҳақида электрон мурожаат юбориш

✅ ОНЛАЙН СУД ҚАРОРИ
Суд қарорларини онлайн олиш

Telegram

#турмуш_чорраҳаларида

ОИЛА – МУҚАДДАС МАСКАН

Фарзанд тарбияси ва таъминоти билан боғлиқ жараён ота-она зиммасига алоҳида масъулият юклайди

Дунёда ота-оналик мартабасидан улуғроқ бахт бўлмаса керак. Аммо ҳаётда бундай юксак мартабадан воз кечадиган, ўз дилбандидан юз ўгириб, уларни тирик етимга айлантираётган кимсалар ҳам учраб туради.

Қонунда фарзандига етарлича ғамхўрлик кўрсатмасдан, уларнинг соғлиғи, жисмоний, руҳий, маънавий ва ахлоқий жиҳатдан бекаму кўст камол топишларига қайғурмасдан келаётган ота-оналар суд тартибида ота-­оналик ҳуқуқидан маҳрум қилиниши белгилаб қўйилган.

Албатта, ота-оналик ҳуқуқи фуқароларнинг энг олий ва дахлсиз ҳуқуқларидан ҳисоб­ланиб, улар бу ҳуқуқдан қонунда бевосита ва аниқ белгилаб қўйилган асослар мавжуд бўлган алоҳида ҳолларда охирги чора сифатида маҳрум қилиниши мумкин. Ота-онанинг болаларга муносабати хусусиятларини аниқлаш мақсадида, ота-оналик ҳуқуқидан маҳрум қилиш тўғрисидаги ишлар, қоидага кўра, суд мажлисида жавобгарнинг иштирокида кўриб чиқилади.

Шу ўринда ҳаётий мисолга эътибор қаратсак, Жавлон Тоштемиров билан Жамила Камолхонова (исм-шарифлар ўзгартирилган) ўзаро турмушлари давомида қиз фарзандли бўлишган. Аммо Ж. Тоштемиров фарзандини боқиш, таълим-тарбия бериш каби зиммасидаги мажбуриятларини бажариш ўрнига уни онаси билан қаровсиз қолдириб, ташлаб кетади. Ўзи эса, бошқа бир аёл билан турмуш қуриб, фарзандли бўлади.

👉 Батафсил

Telegram

Бугун соат 21.55 да "Milliy" телеканалида "O'tkir tergov" лойиҳасининг навбатдаги сонини томоша қилинг!

Telegram