#Диққат

⚡️⛔️ Барчани огоҳлантиринг: Бугундан,  Янги Ўзбекистон кўчаси бир ойга ёпилади

9 июлдан 9 августгача «Янги Ўзбекистон» истироҳат боғи яқинида автотранспорт ҳаракати ёпилади. Сабаби, бу ҳудудда Ер ости ўтиш жойини таъмирлаш ишлари олиб борилмоқда.

Истироҳат боғи чегараси бўйлаб Миллий Боғ кўчаси томон айланма йўл ташкил этилди. Ҳайдовчилардан эҳтиёт чорасини кўришлари ва маршрутни олдиндан ўзгартириш сўралади.

Бизда биринчисиз 👉 @BIRINCHI_UZ

#Диққат #Тезкор
❗️Биринчи президентнинг катта қизи Гулнора Каримова Исломовна иши юзасидан Ўзбекистон Республикаси Ҳукуматининг расмий баёноти

БМТ Инсон ҳуқуқлари кенгашининг Ўзбошимчалик билан ҳибсга олишлар бўйича ишчи гуруҳи томонидан Г.Каримованинг жиноий жавобгарликка тортилиши юзасидан қабул қилинган 17/2025-сонли мулоҳазасига жавобан Ўзбекистон Республикаси Ҳукумати қуйидагиларни маълум қилади:

1. Ҳукумат Ишчи гуруҳнинг фикри Манба томонидан тақдим этилган бир томонлама субъектив маълумотлар асосида шакллантирилгани, Ўзбекистон Ҳукуматининг бу борада расмий жавоби тақдим этилгани, аммо у расмий процессуал муддатлар туфайли эътиборга олинмаганидан ташвиш билдиради. Бундай ёндашув БМТ органлари амал қилиши зарур бўлган холислик ва беғаразлик принципларига путур етказади.

2. Ўзбекистон ўзаро ҳурмат, халқаро ҳуқуқ нормаларига риоя қилиш ва икки ёқлама стандартларга йўл қўймаслик тамойилларига асосланган мулоқот ва халқаро ҳамкорлик учун ҳамиша очиқ.

3. Г.Каримовага нисбатан барча жиноий ишлар жиноят ва жиноят-процессуал қонунчилик нормаларига қатъий риоя қилган ҳолда, шунингдек, мамлакатнинг халқаро мажбуриятларини, жумладан Фуқаролик ва сиёсий ҳуқуқлар тўғрисидаги халқаро пакт қоидаларини инобатга олган ҳолда қўзғатилган ҳамда кўриб чиқилган.

4. Ҳимояга бўлган ҳуқуқ ва одил судлов ҳуқуқи жиноят процессининг барча босқичларида таъминланган. Г.Каримова мустақил равишда танланган ёки белгиланган тартибда тайинланган ҳимоячиларга мурожаат қилиш ҳуқуқига эга бўлган. Жиноят ишига оид материаллар билан танишиш, қарорлар устидан шикоят қилиш ҳамда ҳимоячи билан мулоқотнинг махфийлиги тамойилига риоя қилинган.

5. Г.Каримова иши бўйича суд қарорлари ваколатли судлар томонидан оғир ва ўта оғир жиноятлар, жумладан солиқларни тўлашдан бўйин товлаш, жиноий даромадларни легаллаштириш, давлат мулкини ғайриқонуний ўзлаштириш, фирибгарлик ва давлатга жуда катта миқдорда зарар етказган бошқа жиноятлар содир этилганлигини тасдиқловчи етарли далиллар асосида чиқарилган.

6. Г.Каримованинг 2014 йилда гўёки ўзбошимчалик билан ҳибсга олингани, узоқ муддат уй қамоғила сақлангани, “ошхонадаги суд” ва бошқа шу каби даъволар асоссиздир. Барча процессуал ҳаракатлар ва суд муҳокамалари процессуал қонунчилик нормалари ва талабларига тўлиқ мувофиқ ҳолда ўтказилган. Ҳозирги вақтда маҳкума суд қарорлари устидан қонунда белгиланган тартибда шикоят қилиш ҳуқуқига эга.

7. Ўзбекистон Республикаси Ҳукумати мазкур иш бўйича сиёсий сабаблар мавжудлиги тўғрисидаги даъволарни қатъиян рад этади. Ҳуқуқни муҳофаза қилувчи ва суд органларининг барча ҳаракатлари фақат судланувчининг жиноий ҳаракатларни содир этишдаги айбини тўлиқ тасдиқловчи ҳуқуқий ва далилий жиҳатларга асосланган бўлиб, унинг қонуний иқтисодий фаолияти ва/ёки сиёсий мавқеи ёки қарашларига дахл қилмаган.

8. Шу нуқтаи назардан, 2022 йилда Швейцария Конфедерацияси билан Ўзбекистон Республикаси Ҳукумати ўртасидаги Битим доирасида Г.Каримова илгари жиноий йўл билан орттирган ва қайтарилган молиявий маблағлардан Ўзбекистон Ҳукуматининг ислоҳотлар дастурини қўллаб-қувватлаш ва БМТнинг Барқарор ривожланиш мақсадларига эришиш учун фойдаланиш мақсадида “Vision 2030” жамғармаси ташкил этилганини таъкидлаймиз. Жамғарма бошқаруви БМТнинг Кўп томонлама шериклик траст жамғармаси орқали амалга оширилмоқда.

9. Ўзбекистон инсон ҳуқуқлари соҳасидаги халқаро мажбуриятларини виждонан бажариб келмоқда ва БМТ механизмлари, жумладан махсус тартиб-таомиллари билан конструктив мулоқотни қўллаб-қувватлашга тайёрлигини тасдиқлайди.

10. Ҳукумат халқаро тузилмаларда ўз обрўсини ҳимоя қилиш, шунингдек, ишончли ахборотни манфаатдор томонларнинг кенг доирасига тушунтириш бўйича кейинги қадамларни қўйиш ҳуқуқини ўзида сақлаб қолади.

Бизда биринчисиз 👉 @BIRINCHI_UZ

⚡️Президент топшириғи: Йўлларда тартиб ва адолат таъминланади

Барча ташкилот ва маҳаллаларда асоссиз ўрнатилган тақиқловчи белгиларни олиб ташлаш топширилди.

Идора ва вазирлик ходимлари “парковка” қилиб олган ҳудудларга фото ва видео камералар ўрнатилиб, жазо муқаррарлиги таъминланади.

Давлат хизматчилари жамоат транспортида юришга намуна бўлиши керак.

Бундан буён Ҳукумат рўйхатида бўлмаган раҳбарлар хизмат машинасига йўлда устунлик берилмайди.

Бизда биринчисиз 👉 @BIRINCHI_UZ

❗️Президент: “Жаримани тўлаб қўйдим-ку” дейиш даври тугади

Президент ташаббуси билан янги тизим жорий этилади:
➖ Қарама-қарши ҳаракат, қизил чироқда ўтиш 1 ойда 2 марта такрорланса – 1 йилгача чегирма берилмайди;
➖ 1 ойда 10 тадан ортиқ қоидабузарлик – 6 ойгача ҳайдовчилик гувоҳномасидан маҳрум этиш;
➖ 2–3 баробар ортиқча тезлик учун ҳайдовчилик ҳуқуқидан маҳрум қилиш ҳақида қонунчиликка ўзгартиш киритилади.

Янги “Сурункали қоидабузарлар” дастури орқали тартибсизликка чек қўйилади.

Бизда биринчисиз 👉 @BIRINCHI_UZ