#xayrlikech #kechinma

Баъзида бирор нарса учун кураша бошлаймиз. Аммо ҳиссиётлар чалғитади: мақсад йўқолиб, курашнинг ўзи қолади. Бу эса ҳаётимизда ҳеч қачон тугамайдиган, бесамар жанглар бошланди, демак...

Шу хатони қилманг, оғайни.
Хайрли кеч.

© Байрам АЛИ

@BeshinchiTomon

#musiqa #ruhiyat_manzaralari

Жуда одобли йигит бўлмасам-да, каналимизни анчадан бери кузатадиган катта ёшли инсонларнинг ҳурмати учун, клипини қўймадим. Аммо қўшиқ ҳам, клип ҳам менга жуда ёқди. Айниқса оҳанг, хонанданинг овозидаги ҳасрат...

Ким билади, бунчалар дард билан у нима ҳақида куйлаяпти?

👉 @BeshinchiTomon

#xayrlikun #iqtibos

КОНФУЦИЙДАН ЭСКИРМАЙДИГАН ҲИКМАТЛАР:

•••
Мабодо нафратланаётган бўлсанг, демак сени енгибдилар.

•••
Майда-чуйда ишлардан ўзини тия олмаслик, улуғ ишларни ҳалок қилади.

•••
Қадимда одамлар ўзларини етукроқ қилиш учун ўқирдилар, ҳозир ўзгаларни ҳайрон қолдириш учун ўқимоқда.

•••
Сени билмасликларига қайғурма. Сени билишларига чиндан ҳам лойиқмисан, мана бунга қайғур.

•••
Қадимда одамлар кўп гапиришмаган. Улар ўз сўзларига етолмай қолишдан хавотир олишарди.

•••
Ўзингдан сўра: «Мен қайси ишни бажаришни шунчалар истардимки, буни текинга бажаришга ҳам рози бўлардим?»
Бу саволга жавоб бера олсанг, сен ҳаётдаги вазифангни тушунган бўласан.

👉 @BeshinchiTomon

#iqtibos

Эркак бошини ерга қўйса, дам олади ⸺ хотиржамлик туяди. Чунки у тупроқдан яралган. Аёл эса эркакнинг (эрнинг) кўксига бошини қўйса, хотиржамлик туяди. Чунки у қовурғадан яралган.

⸺ Икром Шариф

@kitobjavoni_KJ

#xayrlikun #iqtibos

Ё дунё яратасиз ёки дунё сизни яратади!

© Жек Никольсон

👉 @BeshinchiTomon

#iqtibos

Болалигимда ҳайвонот боғига боришни ёқтирардим, чунки ҳайвонларни севардим. Катта бўлгач, ҳайвонот боғини кўрарга кўзим қолмади, чунки ҳайвонларни ҳамон севаман.

⸺ Сарвар Раҳимий

@BeshinchiTomon

#ruhiyat_manzaralari #tahrirsiz_xayollar

Бир ками раъйингга қараш қолувди,
Айт, шуни ўзимга кўраманми эп?!
Бир ками рухсатинг сўраш қолувди,
Севмайинми,
севайинми ⸺
сени, деб?!
Ахир ўзингмасми сўрамай кирган,
Эшигин қоқмасдан,
қалбим кулбасин?!
Энди ётсирама буёғига ҳам:
Артиб чиқ...
Ғуборин...
Бундай ётмасин!

⸺ Байрам АЛИ

👉 @BeshinchiTomon

Жаҳонгир Отажонов - Истайсизми

🎧 Истайсизми, йўқми гардун айланар, истайсизми, йўқми қайтиб келаман...

Иқбол Мирзо шеъри

👉 @beshinchitomon

#xayrlikun #rivoyat

Бир чўпон қўй боқиб юриб, Лангар тоғ этакларида ҳазрати Ҳизрга йўлиқибди.
⸺ Аё, ҳазрат, якка-ю ёлғиз фарзандимни дуо қилинг, токи бахти баркамол бўлсин, ⸺ дубди у. Шунда ҳазрати Ҳизр жавоб берган экан:
⸺ Дуо фарзандингга бўлса, бу ишни ўзинг қила қол, бўтам. Холбуки, Олло даргоҳида ота дуосининг тоши Ҳизр дуосидан оғирроқдир...

⸺ Онам айтган ривоят

👉 @BeshinchiTomon

Жонтемир, энам мени қўйиб сизга мухлис бўлганларини кечириб юбордим, дўстим! Биииир кейинги йиллардаги расмларингизни кўрсатиб шу мухлисликка нуқта қўймоқчи бўлиб юрувдим, майли-йей, индамадим)

#iqtibos

Катталарнинг ёш болага ўхшаб қолиши фожиа эмас. Ҳақиқий фожиа ⸺ болаларнинг биз катталарга ўхшаб қолишидир.

© Рабиндранат Тагор

@BeshinchiTomon

#iqtibos #munosabatlar

Оскар Уайльд аёллар ҳақида:

— Эркак ҳар доим аёлнинг биринчи севгиси бўлишни хоҳлайди. Аёллар эса бундай масалаларда донороқдир: улар эркакнинг сўнгги севгиси бўлишни исташади.

— Аёлларнинг ажойиб туйғулари бор. Улар аниқ ва равшан нарсадан ташқари бошқа ҳамма нарсага эътибор беришади.

— Аёллар учун дўст йўқ. Улар ё ёқтиради ё ёмон кўради.


👉 @BeshinchiTomon

#xayrlikun #kechinma

Сиз севиб бажарадиган ҳар қандай иш ⸺ ижод ва ҳар қандай ижод, ҳаётга ташналикдир. Мен буни уч-тўрт кундан бери саҳар туриб ҳовлимиздаги қулупнай ва гулларга сув қўйишни канда қилмаётган олти яшар қизимнинг ҳаракатларини кузатиб тушундим...
Хайрли кун.

⸺ Байрам АЛИ

@BeshinchiTomon

#mulohaza #umr_manzaralari

2001 йил 11 сентябрда АҚШда содир бўлган даҳшатли терактдан бир йил ўтиб Америка газеталарида эълон қилинган турли мақолалар кишини ўйга солади.
Масалан, Йирик компаниялардан бирининг раҳбари 11 сентябрдаги ҳужумлардан арзимас тасодиф туфайли омон қолганини билдиради, маълум бўлишича, у ўша куни ўғлини биринчи марта боғчага олиб боришига тўғри келган. Шунинг учун, йўлдан адашган.

Бошқа бир йигит эса бўғирсоқ олиш учун навбатда қолиб кетади.

Бир аёл соат уйғотгичи кечикиб жиринглагани учун ухлаб қолади ва ишига кечикади.

Кимдир Нью-Жерсидаги тирбандликда ушланиб қолган.
Яна биров автобусга кечиккан.
Бир аёл кийимига кофе тўкиб юборгани учун, кийимини алмаштиришга кўп вақт сарфлаб юборади.

Кимнингдир машинаси ўт олмагани, яна кимдир қўнғироққа жавоб бериш учун изига қайтгани туфайли ҳамон тирик.

Яна бир ходим ўша куни минг уриниб, такси тута олмаган. Сўнг бундай бузилган кайфиятда ишга боришни маъқул топмаган.

Ўша куни эрталаб янги пойабзал кийиб ишга отланган, лекин оёғида қабариқ пайдо бўлгани учун ишига боролмаган одам билан боғлиқ тасадиф, айниқса, ҳайратланарли. У дорихонада кириб, дока сотиб олмоқчи бўлади. Навбат кутиш жараёнида кўнгилсизлик рўй бериб, анча пайт қолиб кетди. Тушуняпсизми, у бугун айнан шу кўнгилсизлик туфайли ҳаёт!
Шу мақолаларни ўқигандан бери тирбандликда туриб қолсам, лифт узоқ куттирса, телефонга қайта-қайта жавоб беришга тўғри келса, болалар секин кейинса, машинамнинг калитини тополмасам, хуллас ғашимни келтирувчи майда-чуйда ташвиш-муаммолар содир бўлса, ўзимча ўйлайман: эҳтимол, Худо менга яхшиликни раво кўрмоқда!

⸺ Игорь Губерманнинг 2003 йилда ижтимоий тармоқдаги саҳифасига жойлаган пости.

👉 @BeshinchiTomon

#xayrlikun #iqtibos

«У сенга 20 цент берди, мен 2 с
цент. Табиийки, сен уни мендан кўра яхшироқ деб ўйладинг. Чунки у кўпроқ берди-да. Лекин билмайсанки, унда 200 цент бор эди, менда эса фақат шу 2 цент...»

© Икром ШАРИФ

#НУРИДДИН
@BeshinchiTomon