Ekologik holat va muammolar yuzasidan matbuot anjumani bo‘lib o‘tdi

Buxoro shahridagi “Ishga marhamat” monomarkazining majlislar zalida Buxoro viloyati Ekologiya, atrof-muhitni muhofaza qilish va iqlim o‘zgarishi boshqarmasi tomonidan matbuot anjumani tashkil etildi.

Mazkur anjumanda boshqarma tomonidan so‘nggi yillarda amalga oshirilgan ishlar haqida batafsil axborot berildi. Jumladan, tabiiy resurslardan oqilona foydalanish, yer osti boyliklarini asrash, atmosfera havosining sifatini yaxshilash, o‘simlik va hayvonot dunyosini muhofaza qilish hamda ekologik holat boʻyicha olib borilgan amaliy ishlar yuzasidan axborot berildi.

Tadbirda viloyatda faoliyat olib borayotgan ommaviy axborot vositalari vakillari — matbuot kotiblari, jurnalistlar va blogerlar ishtirok etdi. Matbuot anjumani jarayonida ishtirokchilar o‘zlarini qiziqtirgan savollar bilan murojaat qilishdi, soha mutaxassislari esa batafsil javob berishdi.

Buxoro viloyati Ekologiya boshqarmasi matbuot xizmati

O‘zbekiston Respublikasining "Suv va suvdan foydalanish to‘g‘risida"gi qonuni hamda sohaga oid boshqa normativ-huquqiy hujjatlar ijrosini ta’minlash maqsadida, viloyat prokuraturasi huzurida tashkil etilgan ishchi guruh bilan hamkorlikda Buxoro viloyati Ekologiya, atrof-muhitni muhofaza qilish va iqlim o‘zgarishi boshqarmasining Suv, yer resurslari va yer osti boyliklarini muhofaza qilish bo‘limi xodimlari tomonidan Buxoro shahri hududida joylashgan suvni muhofaza qilish zonalari, sohilbo‘yi mintaqalari hamda suv obyektlarining sanitariya muhofaza zonalari holati o‘rganilmoqda.

Mazkur tadbirlar doirasida suv obyektlaridan foydalanishning amaldagi tartibga muvofiqligi, sanitariya-gigiyena talablari va ekologik me’yorlarga rioya qilinishi holatlari atroflicha tahlil qilinib, aniqlangan qonunbuzilish holatlarini bartaraf etish bo‘yicha tegishli choralar ko‘rilmoqda.

Buxoro viloyati Ekologiya boshqarmasi matbuot xizmati

Бухоро шаҳрида "Раҳбар ва ёшлар учрашуви" бўлиб ўтди

Бухоро шаҳридаги "Саҳид Зарафшон" меҳмонхонасида Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров, "Микрокредитбанк" АТБ Бошқаруви раиси ўринбосари Шахло Ибрагимова, вилоят ёшлар ишлари бошқармаси бошлиғи Шавкат Раҳмонов, Бухоро вилояти ҳокимининг ўринбосари — оила ва хотин-қизлар бошқармаси бошлиғи Ҳафиза Артикова иштирокида "Раҳбар ва ёшлар учрашуви" ташкил этилди.

Учрашувда вилоятнинг турли ҳудудларидан ташриф буюрган 300 га яқин фаол ёшлар қатнашди. Тадбир давомида ёшлардан 20 дан ортиқ таклиф ва фикрлар тингланди, уларнинг аксарияти долзарб ва амалий мазмун касб этгани билан эътиборга молик бўлди. Шунингдек, 10 нафар ёш томонидан илгари сурилган муаммолар ва ташаббуслар асосида "Йўл харитаси" ишлаб чиқилиб, уларни босқичма-босқич ҳал этиш юзасидан чора-тадбирлар белгиланди.

Тадбир якунида фаол иштироки билан ажралиб турган ёшлар ташкилотчилар томонидан эсдалик совғалари ҳамда китоблар билан тақдирланди.

Мазкур учрашув ёшлар билан очиқ ва самимий мулоқотга замин яратиб, уларнинг ташаббусларини қўллаб-қувватлаш ҳамда долзарб масалаларни биргаликда ҳал қилиш йўлида муҳим платформага айланди.

Buxoro viloyati Ekologiya boshqarmasi boshligʻi Jamol Nosirov hamda viloyat Prokuraturasi boʻlim boshligʻi Dilshod Zaripov ishtirokida viloyatda yashil bogʻlar va yashil jamoat parklarining hozirgi holati boʻyicha tanqidiy yigʻilish oʻtkazildi.
Yigʻilishda tuman va shahar oʻrmon xoʻjaligi masʼullari, viloyat Ekologiya boshqarmasi maʼsul xodimlari ishtirok etdi.

Yigʻilishda, mavjud kamchiliklar va ularni bartaraf etish yoʻllari belgilab olindi Shuningdek, ekologik holatni yaxshilash uchun zarur choralar koʻrish taklif qilindi.

Buxoro viloyati Ekologiya boshqarmasi matbuot xizmati