"‏اللي مخلٍي حبها ما ينسى
غير القباله والملاحه والجمال

فيها ذكا ماهوب في روس النساء
ومروةٍ ماهيب في روس الرجال".

"‏تفهمين الشِّعر ولا تجهلينه
قابلك ربي بليّا شاعرية"
-فلاح السبيعي.

"‏لا هي حص لا ياقوت لا جوهرٍ مطروح
تقل فضةٍ مصبوبةٍ من مناجمها"
-محمد الخس.

"‏جادلٍ في ذمة الشمس مرهونه
بيّنت شمس الضحى من محياها".

"‏من يلوم فيك الذايقه كل ما تختال؟
لك من القصيد أطلال ومن القمر طلّه".

‏مشهد الحضور،بعد الغياب الواضح تمثل في:.
"عادت وليفة هاجسي،عادت مزعلة النِساء".

"‏اليا حضر يغني عن الكل وينوُب
و إن غاب..ما كلٍ يسد بمحله"
-نبذه.

"‏إتمخطر من على الحضار تحقير وتعالي
وتمخطر بالجمال اليوسفي في كل ديره

وان طغت فلت جديل كنه ليل من الليالي
يلهب فواد الامير ويكحل عيون الاميره".

"‏و ان مشت والكبر ماخذها من ابواب الدلالي
حاكم عقب المرض شعبه مسوي له مسيره

وان تعرضها الحكيم اللي يقدم في الرجالي
تلعن ابو جده وتكسب رضاه وتستشيره".

"‏لاعتزت والقوم مقفيتن على كبار الغوالي
هبّلت بمجري الهياب وشيوخ العشيره

عزوتي ياعزوتي ياعصبتي يالي والي
اصلحو بيني وبين اللي فعايلها كبيره

والا انا باسوق عمري لأجلها والعلم تالي
ياتباشير النصر ياسكرة الموت الاخيره"
-محمد بن ابن الذيب.

"نظرات حدَّ،السَيْف عدوان
تدعي القلوب القاسِية تلين❤️".

يابعد روحّي يالأريـام والله انك الرفيق اللي اتباهى به فحلي وترحالي يابعد حييّ وحيّاني ❤️. .

‏يا بعد كل عنق ويا بعد كل جيد
‏ويا بعد كل جرحٍ فـ الضماير ندب

‏سو ما ودك تسويه بس الاكيد
‏سٍيف وصلك عدال وسيف صدك حدب

‏أتحاشى لـ جيت أوصف عيونك وأحيد
‏يا وسيع العيون ويا طويـل الهدب

‏لو يشوفونك اللي ودهم بالقصيد
‏كان فاضت مداينهم .. قصيد وأدب ❤️ .

"‏صعب أنك تنساني وأنا غيدٍ لعوب
عندي قلوب الأوادم مثل خاتم يدي

وأنت لو أنك تبي تسج عني أو تتوب
ما عاد فالثنتين حيله ما يمدي تهتدي

لا أستمالت يمّ قلبك ذعاذيع الهبوب
بـ أتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق يا وين تغدي".

‏محمد المقحم يوم خويّه غرّز فالبر قال:.
"شفت يوم أنك مغرّز تدري وشهو ذنبك؟
كل شيٍ يعشقك حتى الطريق الطيني

أنت تدري بأن كل حزومك إللي جنبك
كل حزمٍ يقول..يا ليته يغرّز فيني".
-وهنا يكون استغلال المشاهده الشِّعرية في تصويرها بـ أبهى حِله❤️.

أشعر بالإمتنان لقصيدة المدح التي اؤمن بصدقها دون معرفة الممدوح،يقول الشاعر:.
"قالوا عملية سعد قلب مفتوح؟
قلت الله الله..مثل بيبان بيته"
-هنا تشعر انك تعرف سعد،حتى انك تتمنى له الشفاء وربما تتساءل عن وضعه الصحيّ،استطاع الشاعِر خلق صلة انسانية بإستخدام الذكاء العاطفي،لا المبالغة.

"‏يوم حطيت الأوادم خلف ظهري
ما قدرت أحطك..إلا في يميني".
Vs
"غيرك لامنه اقبل علي قفّيت قفّاية زمان
‏ولا أنت من تقبل عليه يموت ما أعطاك ظهره".

"‏مابغيتك بالحرام ومابغيتك بالظلام
مابغيتك غير بالعز الشريف المهتدي

مابغيتك بالتلاعب مابغيتك بالكلام
مابغيت إلا اخوك يصير خال لولدي".
-رجالٍ تشهد له أبياته في حبٍ عفيف وشاعِري.

Vs
‏
"اضحكي هذا الحزن لو يسكن عيونك اطيح
أنتي عيونك لي طموح وأنا طموحي أسعدك".

‏"أعزّك لأنك تعرف قيمة مثلي وشرواي
أنا ماني من يعرف رداه وينجهل طيبه".