"قلبٍ صفق من بين محنيّ الأضلاع
وعينٍ تهل دموعها من ولعها"
-محمد السديري.

"من أربع سنين ومهجة الروح فيها حرق
نتيجة ندب عينٍ سهمها تمثناني

وساع العيون الساحريّة طعنهن زرق
لها نظرةٍ من صابته طاح وجعاني

سقى الله اليا قام يتكاشف علي البرق
وأنا أشوف زوله بين ربعي وخلاني

تفتح لعيني يوم أشوفه وساع الطرق
وأنا قبل أشوفه مثل يعقوب عمياني

تهشم نظيره من هميل الدموع الزرق
عمي لين جابوا له قميص ابنه الثاني"
-عبدالله بن عون.

‏"مع الناس شفي فالهوى شف متشبّع
وإن جيتك كلامي من صميم الحشا نابع" -إستثناء عليه الكلام.

‏"ليـا جيت أتوقى من لهيب الشوق عن رمضاي
تفييت الرموش اللي تظلَل من مظاليلي"
-أحمد تركي.

‏"أصابعي مَرت على ليلك بروق
وأنتِ تطفين البروق بجديلة"
-غزل غزالٍ،خُلاب.

"انشدوا وجه الرياض وصوت جده
‏والجنوب وضحكته وعيون حايل

‏وانشدوا هضب الحجاز المستبده
‏يوم هلّ الغيم وادرجّت تسايل

‏عن لعوبٍ طارف الخصله تكده
‏العنود الّي بختها ما تمايل

‏لا يغطي هالشعر مرباع خده
‏ثم يموت الورد وتموت المثايل".

‏"من كثر ما في مجلسه من رياجيل
‏يدور فيه العود الأزرق لحاله"
Vs
‏"أنت في مجدك جلابيب مدح المادحين
والله إن مدحك يعطر به الشاعر فمه".

‏"جل شان الّي عطاك المحبة والقبول
العزيز الّي جعل لك بين خلقه منزله".

‏"مرتني الصبح منتشيه ومختاله
‏يلعب نسيم الصبا بأطراف قذلتها".

اللحظة الي اجفل فيها من ملامسة شعري لوجهي ولما ينتثر فجأه لحظة شاعرية يصورها الشاعِر هنا في بيتً له الجزالة زحولٍ تجسد الوصف والموصوف معاً:.
"ناسلٍ روحي على متنك مثل نسل الجديلة"
ابتداءً من:.
‏"فات من يدّك وهي تسوي جديلة
خصلةٍ طاحت على عينك تواسي".
نهاية بـِ:.
"الخصلتين اللي تغطّي على العين
أحلى من خصال الرجال الحميدة".
-فُرات فتَّان تحدر من أعلى جبيني❤️.

Vs
"أتحلوى عذابٍ منها لو تزايد
‏ولو تأشر على موتي بأقوم أتهيّا

‏ما جمعني معاها قرب دمّ وعوايد
‏لكن الله زرع بيّ فالمحبة حميّا"
-استملح المحبوب يوم يتحُلوى جرح محبوبه!❤️.

"‏الجادل اللي زينها زايدٍ نُوف
‏وملبوسها ضافي وزادَ بفخرها

‏يا عين حر لأبرق الريش ناتوف
‏لا طب في جول الحباري سعرها

‏إن كان فيك من الولي يالغضي خوف
‏ارحم سقيمٍ زار نفسه خطرها

‏أنت السبب بإغضاي عيني عن الشوف
‏ما فيه غيرك زول يملى نظرها"
-‏عبيسان الحميداني.

"والله إني زاهدٍ في غير وجهك لو تباعد
‏بيني وبينك سهوم الحظ ورماح المنيّة"
-‏عامر بن مبشّر،فِي مثياقً وثيق.

"اليا برزت ليلة فرح بين الحريم
ما منهن زولٍ يساوي ظلّها

رماحها ما تضرب إلا بالصميم
تهزم معاليقي بها وتحتلّها".

"شميت لي ريحٍ خطيرٍ على الروح
‏ريحان والريحان سمٍ ذحاحي"
-‏ابن زويبن.
Vs
"‏كني كسيرٍ شم له عود ريحان
‏نوبٍ يفيق ونوب يذهل ذهليا"
-‏جزاء صالح الحربي.

"والحب تأثيره على القلب سلطان
جاير ولا راعيه للعذل بمطيع

وأول مداخيله على قلب الإنسان
تجاذب النظرات بين المواليع

سرايرٍ يعرف لغاها بالأعيان
تفتح مشاريعٍ و تلغي مشاريع

بين الثنين اللي لهم بالهوى شان
ماهم بخالين العقول القراقيع

وليا لقى بقلوب الأثنين مسكان
وثقله توزع بين الأثنين توزيع

سيطر و كبرت قيمته عند الأثنان
ما دام سره ما عبث به و لا ذيع

وأول غرابيله اليا من الأظعان
راحت قسوم وكل ناسٍ عطت ريع

وتفاختوا من عقب ما هم بجيران
ليا شيف للنجم الجنوبي تلاميع

ونياتهم راحت من العد شتان
وكلٍ على فاله يذب المخاويع

ومن كان مقرونٍ مع البدو بقران
أمسى على كبده جديد المراقيع

وأصبح يعدي في نبا كل مزبان
جسمه معافى والضماير مواجيع"
-عبدالله بن عون.

‏"من لا يقاسم فالطعام الذيابه
‏يموت جوع ولقمته مشتهيها

‏ومن طق باب الناس ينطق بابه
‏ ويذكّرونه في علومِ نسيها

‏ومن لاتفقد كل جابه وجابه
‏لا جاته الزلات يصبر عليها

‏ومن لايثمن فالمجالس جوابه
‏الطيّبه يبطي وهو يحتريها

‏و اللي يضيع فالملاقا ركابه
‏ يجلس ويتركها لمن يمتطيها

‏ومن لايصد القوم ماينغزى به
‏والنايفات يموت ما يعتليها

‏واللي يسولف في ظهور القرابه
‏اخير منه اللي تحني يديها

‏واللي يقيّل في بيوت الخرابه
‏ لو تطرده منها يروح ويجيها

‏وان مات والا عاش محدٍ درى به
‏يجهل علوم الطيب لو يدعيها

‏ومن لايهاب الناس محدٍ يهابه
‏ويرضى بها من هو لغيره رضيها

‏واللي يحسب الرزق يؤخذ نهابه
‏اليا انهبوه القوم لا يرتجيها

‏ومن لايفصّل فوق جسمه ثيابه
‏ياشين لبستها بعد يشتريها

‏والفعل يفرق والملامح تشابه
‏ولا للمواقف غير من يحتميها

‏واللي كلامه سيف صدره نصابه
‏و قدام ينطق كلمته يحتسيها

‏وكلن تسجل سيرته في كتابه
‏اما لها و الا تسجل عليها"
-وصايا بها ساسً مايجهل كل عاقل.

"امسك ايدين الشعور اليا تحرر
‏لا يجي لقلوب ناسٍ ما تحلِّه

‏وأنت مثل الفزعة الّي ما تكرَّر
‏كل طيّب وده إنك موقفٍ له".