"وألبّسك جزل القِصايد قِلادة"
تماماً مثل:.
"على جيدك تلبّي لك قِلادة لُولها حِجاج
هنا كان الشِّعر موضِع سجودة موضع قلادة"
Vs
"شغف قلبي ضياء لُول القلادة في ترايب عاج
هنوفً كل موضِع من جسدها موضع قِلادة".

"يادَلع متعدي،الحد يابَدْر البُدور"
-ابن الذِيب.

"غير اضمك ضُمة المَوْت لصاحب القبُور".

"أنت ضحكة كل،ثَغْر وعلة كل زور".

"والزحول العصاه أهل الفعول السمان
‏كلبوهم تحت سيف الغرام ضعفا"
-سعود بن مبارك.
Vs
"‏كبار وننطح القاله ولكن فالغرام صغار
تزعزعنا رهيفات الخصور ان هب طارقها"
-عامر بن مبشّر.

Vs
"‏أحفظي مبخوت الأبيات في طابوق عود
ولا خليها على الصدر سلسال ارقبه".

‏"يا سرع طرقة..رمشها وارتفاعه"
-كما قول صيّاف.

"هلا وأسمى القصايد تنحني لك خود تلو الخُود
‏هلا وأنتي بدونك وش مصير الشِّعر وأمجاده؟❤️".

"‏ما بغيت الشِّعر والشعر ابتلاني
‏كلما صديت لزمني خطامه

‏شاعرٍ مرهي وخادمني لساني
‏مستعد أحط هامه فوق هامه

إن مدحت ارفع على سهيل اليماني
‏وإن هجيت ادفن تحت ساحل تهامة

‏يا ترف ما عاد في بطني معاني
‏لاعبيني واسجعي سجع الحمامة

‏اطربي سمعٍ ما يطرب للأغاني
‏اضحكي لليل و يوّدع ظلامه

‏ويش ابي فالبدر وانتي بدر ثاني
‏فيك شامة والبدر مافيه شامة

ارفعي راسك على الجوزاء تراني
‏انا ابوك الّي رفع راسك مقامه

‏احمد الله يوم شيّدت المباني
‏لا على جرفٍ هيال ولا عدامة

‏متنفي من عريبين المجاني
‏بنت شيخانٍ يردون الجهامه

يا ترف لو ما كتاب الله حداني
‏والكتاب أعرف حلاله من حرامه

‏لامنع الخطاب من قاصي وداني
‏مثل منع الزير سالم لليمامة

‏و لو ما أحسب شرهة طوال اليماني
‏والله إنك ما تحطين اللثامة

‏اللثامة فوق هطلان الأذاني
‏وانتي الّي تستحقين العمامه

زال باقي لي على الدنيا ثواني
‏والله إنك ما تشوفين الندامة

‏وإن سبقتك كل من فالأرض فاني
‏سامحيني والوعد يوم القيامة"
-وصل العطياني.

تعجبني الحفاوة والترحيب بالضيف كما قول مطلق الطايعي فيه:.
"بيتٍ هله طرمان ماهوب مدهول
الضيف يبغي له فصيحٍ يهلّي".

"ياللي لعذبات المثايل مشاويق
وين المنصة؟..وأبعدوا عن طريقي"
ابن زويبن،في بداية منبرٍ مايلحقه شكه❤️.

Vs
"‏إن كان متذوقين الشعر جمهوره
‏انا الشواعير بأنفسهم جماهيري"
-عبدالله بن زويبن.

"ما شفتها إلا ساعةٍ مستزلّة
يوم العياد ويوم ذبح الضحايا

بالماقع اللي شافها النجع كله
تلعب نهار العيد بين الصبايا"
-محمد خلف الخس.

"يا وجودي وجد مجروح الفوادي
من هنوفٍ ثوبها يجرح نهدها

شافها بالملعبة يوم العيادي
طشت الشيلة وماحت في جعدها"
-ابن زويبن.

"إليا زعلت ظبيٍ من الرمي خايف
‏واليا رضت شيخٍ يهنّى بنوماس❤️".

‏"شمسٍ تدف الغيم كنها تغاير
أهل الأراضي بالضيا تحتها وقوف"
-نايف مطر.

"‏حبيبك يا حبيبي من سلالة هل دروع وحرب
ولا يعشق من أصناف الجواهر كود فاخرها"
-ضيدان بن قضعان.
Vs
"وأنا طموحي للثقال من الجواهر يالخفيف
ماني بدور عملةٍ ما ينعرف صرَّافها"
-محمد ابن الذيب.

"‏جدايل حبيبي ما تبي مشطها العاجي
تحرّى من الغربي نسيمٍ يلاعبها"
-مساعد الرشيدي.

"أنتِ - يا أبعد من رخى اللّحظات والحظ الجميل، و يا أقرب من المرحبّا على طوارف شفتيه"

Vs
‏"أنتي؟
وجهك تمتمات الشوق من خلٌ لـ لخليل!
لذْةٍ..ما عاشها إلاّ من يطوْل الشوف فيه

بك وقار الصمت
لا خيّم على الشخص النبيل
وإن تكلمتي ماعاد أحّس فـ الدنيا نبيه".

‏"كيف أعرفك…
وأرتضي من بعد عرْفك في بديل؟
وأنتي أغلى من دموع الحق ومياااااه الوجيه

شعرةٍ من وجهي،وفي وجهي الطيّب دخيل
حافظك عن ساخط النيات وهروج السفيه"
@eaer9 ❤️.