‏عندما تتفوق رابطة المحبة على رابطة الدم:.
"ما جمعني معه قرب دم وعوايد
لكنّ الله زرع بي فالمحبّة حميَّا".

"‌حبيبي ربيت بقلبً أبيض وصدرً رحب
والإنسان مهما غاب يشفق على المربى

إذا ماجمعنا الاسم يكفي جمعنا الحب
ذويّ الحب أقوى رابطه من ذويّ القربى".

وفي قرهُود الأريام ايضاً:.
‏«يكفيك أنَّها إمرأة تفهمُ الشِّعر
بل إنَّها تغفو وتنام
على بيتٍ من القصيدة
إمرأةْ ما أن تلمحُ طيفها
إلّا ويأتيك المطلعُ والقافية»
-يكفيك!..انها ارث الشِّعر النبطِ والفصَيح❤️.

"‏أبطيت ما عيّنت الاخبار من يم
ناب الرديف مطرّق الثوب تطريق
يا قبلة اللي يلبسن المحزم
البيض كل قصارهن والعماليق
وجدي عليها وجد من له ولد عم
ذْراعه الأيمن ليا نشِّف الريق
طشوه بالميدان نثّارة الدم
لا أخذ قضاه
ولا سمح به
ولا سيق"
-ابن زويبن.

"‌"في حياتي كلّها ما بلغ سمعي كلام
أحلى من كلمة مْن العايدين بفمّها"
-رشيد الدهام.

‏"آتحرّى العيد في طلعة هلالك
يوم كلٍ في مصلى العيد صلّى

في لثامك ليل ما غطّى جمالك
مدري وجهك نور ولاّ صبح والّا

أدري إنّ الليل مهما كان حالك
ما يحجب البدر لا منّه تجلّى"
-سعود مهدي.

وفِي البدِيع زلالاً:
‌"الا يا عيون موحشٍ ما بعد لزم
عدّا كل صقارٍ بشبكه و لا لزمه

على القلب نارٍ ولعت في قرى حزم
وحطوا عليها من دقاق الحطب حزمه

يقاويك ابن جدلان بالصبر و العزم
لكن حبك الصافي تغلّب على عزمه

تراني دخيلك ياوليفي من الهزم
تموت العرب ولا يقولون منهزمه".

"يا هلال العيد يوم تْطلّ ما عيّنت درة؟
‏درةٍ تشبه صباح العيد يوم يجيك بادي

‏عايديني بالعيون اللي بها طيب ومضرّة
‏بعد أخذتي العيد في عينك وفي عيني سهادي

‏من جعل فيك إبتهاج العيد ووصالك مسرّة
‏وتسرقين الدهشة لْحالك وغيرك لي ينادي".

"العنِق عنِق الرَّيم،والخصِر شبرين🦌".

"في سرايا المرتضا عبّاس افَنْدي
شفت شيٍّ ما يبي مني شهاده

الحواجب  سيفها سيفٍ  سَرَنْدي
مع عيون مقرنسٍ  حزّة  هداده

كنّ شامة  خدّها  وشي الفرَنْدي
غادةٍ ما مثلها في البيض  غادَه

النحر ترسٍ من  النوع  الهدَنْدي
كنّ واقف ردفها صاحب سعاده"..

"في محبّة ربّة الحسن الخَوَنْدي
كنّ  عيني  للسهر  مركز   قِياده

عندها من كلّ شي ماهوب عِندي
ليتني  من   فوق   لبّتها   قِلاده

جادلٍ  تلعب  بنا  لعب  العَبَندي
قهوةٍ  فنجالها  سكّر  زياده

فرو كشميري وبالتفصيل سِندي
ليت لي من كفّها الناعم وساده"..

"فارسية  طَرْز  والقفطان  هِندي
رَبعها من حسنها في حرب اباده

آتوطّى  شايك   العشب   العلَنْدي
في رضا مَن دونها خرط القتاده

وانا في خدمة عنود الصَّيد جِندي
حبّها   فرضٍ    وطاعتها   عباده

من خزام الروض والعطر الروَنْدي
امطر الوسميّ ونجم الوسَم عاده".
-ناصِر بليغ اللِسان،عظيم البيان فرعون الشِّعر❤️.

"يارقبة غزيّلٍ غِرّ ياحَقْو الفهَد
فيك من صبحك بياضٍ ومن ليلك سواد

ياغضيض الطَّرف ابو حرفْ ياغضّ النهِد
يا جمالٍ ما ذكر في البلاد وفي العباد

من يشوفك عن حسن غيركم صدّ وزهد
وكل من مرّك تمرّه ذعاذيع البراد

لو لمح زينك رضيعٍ تكلّم في المهد
ويتحرّك لو يشوفك حصا الارض الجماد

ولو يشوفك فرخ طيرٍ بلا ريش استهدّ
يا جمالٍ ينقلب منه حرف السين صاد".

"عشت في فرقاك عِيْش الشِّريد المضطهد
لين صار الهم مني على راس الشَّداد

آه من قصر الأيادي ومن قلّ الجهَد
وآه من كذب الأماني ومن بعد المراد

بين من يرعى نياقه ومن يرعى القهَد
قمت اقصّ جْريرتك من بلاد اليا بلاد

يا كثر ما سقت عشواي واشتلت الوهَد
من وراك وقدت خيلٍ تِقْاد بلا قِيْاد".

"وش ينوبك من عيونٍ تعرمشها السهَد
وش ينوبك لا تطاير من العين الرَّقاد

ومن عنا راعي فؤادٍ تعذَب وانلهَد
امسي فْوادي معي واصبح بليّا فؤاد

في شتا ليلٍ خلا برْد وامطار ورهَد
زدتني فوق الغبينه غبن والهم زاد

كان ما ربُّوك ربعك على حفظ العهَد
ابذل الوصل صْدِقه تنفعك يوم المعاد

يا قراح الماء البويرد ويا طعم الشَّهد
لا متى وعروق قلبي عليكم في حداد".
-ناصر الفراعنه.

"يا شبه عذرىً نهار العيد مهتمّه
تزهى لعشّيـقها وهوه يخازرها

بعيونها الخرس ترسل سرها يمه
وهوه بعينه عن اسراره يخبرها

يتعب بتوصيفها الاعشى وذو الرمه
عسى اقشر العين عينه ما تناظرها".