چیرۆک chyrok 15352

چـیرۆکی کـاریـگه‌ر

687 viewsچاوڕه‌ش‌گیان💚, edited 15:33

ئەم چارەنوسی کچێکی جوان بوو لەدەست دایکێکی بێ ڕەحم، دایکێک لەوەتەی هەیە بێڕێزی بە مێردەکەی دەکات.

کچێک میهرەبان دەڵێ تەمەنم بوو بە 18 ساڵ دواتر ماڵێک هاتنە خوازبێنیم بۆ کوڕەکەیان، کاتێک دانیشتن و ڕویان کردە باوکم بۆ ئەوەی داوای منی لێ بکەن دایکم لەناو مەجلیسەکە وتی ڕوو بکەنە من نەک باوکی، دواتر میوانەکان پێیان عەیب بوو ڕێک هەستن، دایکم قسەی کرد، باوکی کوڕەکە وتی ئەگەر نسیب بێ دێینەوە، بەڵام نەهاتنەوە.

دوای ئەوە 6 ماڵی تر هاتن بۆ داوام لەهەمویان دایکم خۆی هێنایە پێش و لەناو مەجلیسەکە باوکمی دەشکاند، منیش زۆر پێم ناخۆش بوو، چونکە زۆرمان بەدایکم دەگوت دایە گیان کە تۆ مێردت ماوە ئیتر نابێ تۆ قسە بکەی، بەڵام بێ سود بوو.

ئاخر کە دەڵێن بەهەشت لە پێر پێی دایک دایە ناکرێ ئێمه نەوێرین قسەیەکی جوان یان نسحەتێکی نەکەین، زۆر جاریش باوکم لەبەر خۆیەوە دەگریا چونکە دایکم لەناو خەڵکدا دەیشکاند، ئەو لەبەر خاتری ئێمە نەیدەویست لێی جیاببێتەوە، زۆر جار بە من و خوشک و براکانمی دەگوت لەبەر خاتری خودا و ئێوە تەڵاقی نادەم.

شەوێکی تر میوان هاتن کە ئەمە حەوتەم جار بوو، بۆ ئەمەیان نەمزانی بۆ خوازبێنی منە، دوای کەمێک دانیشتن وتیان هاتووین بۆ خوازبێنی کچەکەتان، لەوێش دایکم دەمی خۆی هێنایە پێش و باوکمی شکاند، منیش خۆمم پێ نەگیرا کە باوکم ئاوا بە داماوی بینی، هەستام و وتم دایکە بەهەشت لە ژێر پێی تۆدایە بەلامەوە گرنگ نیە، بەڵام لەسەر قسەی تۆ شوو ناکەم و لەم ماڵەدا باوکم خاوەن بڕیارە نەک تۆ، دایکم وتی گەردنت ئازاد ناکەم، وتم کەیفی خۆتە ئازادی مەکە.

کچەکە دەڵێ: ناکرێ ژن ڕیش سپی و خاوەن بڕیاربن، دەکرێ پرس و ڕاوێژیان پێ بکرێ، بەس ناکرێ هەر میوانێک هات مێردی خۆی بشکێنێ، دەکرێ لەدانیشنی خێزانی ڕازی نەبێ، بەس ناکرێ لەناو خەڵکدا بڕیار بدات، ناکرێ لەبەر ئەوەی دایکم دڵی ناسکە حساب بۆ باوکم نەکەم، لەکاتێکدا باوکم بە نەهامەتی و کرێکاری ئێمەی پێ گەیاندووە، جگە لەوەش هەرچی دایکم پێی خۆش بوبێ باوکم بۆی کردووە، ئیتر چۆن دەبێ ژن هێندە بێ ویژدان بێت.

دوای ئەو شەوە کەس نەهاتەوە بۆ داوام، چونکە هەموو کەس ئەوەی بیستبوو لەماڵی ئێمەدا دایکم خاوەن بڕیارە، دوای یەک ساڵ باوکم وەفاتی کرد، من زۆر وێران بووم بە مردنی باوکم، کات هات و ڕۆیشت هەموو جارێک لەماڵ و سەرقەبران دایکم بۆ باوکم دەگریا، منیش ڕۆژێک وتم دایکە جارێکی تر بۆ باوکم مەگری، دایکم وتی بۆ؟ وتم ئەگەر ژنێکی باش بویتایە بۆ باوکم هەموو جارێک نەتدەشکاند، یان بێڕێزیت پێ نەدەکرد، دایکم وتی گەردنت ئازاد نەبێ لەسەر ئەوانەی بە منی دەڵێی، وتم سوێند بەخودا باکم پێ نیە، چونکە باوکمت زۆر شکاند و زۆرت گریاند.

دوای 2 ساڵ ماڵێکی تر هاتن بۆ داوام، ڕویان کردە براکەم، بەس ئەمجارە دایکم قسەی نەکرد، منیش وتم شوناکەم، چونکە باوکم نەماوە تا بڕیار بدات، ڕێزی براکانم دەخەمە سەرسەرم، بەڵام من شو ناکەم، دایکم هاتە قسەو وتی من هەڵەم کرد تۆ لەبەر خودا هەڵە مەکە و شوو بکە، منیش وتم باشە ئەوە شووم کرد، بەمەرجێک دەبێ لەسەر گۆڕی باوکم مارەم بکەن تا ڕۆحی شادبێ کە من لەبیرم نەکردووە، هەمویان ڕازی بوون.

دوای هەفتەیەک منیان مارەکرد لەسەر گۆڕی باوکم، بەڵام بە ئامادەبوونی ژن و پیاوێک لە ئاوان و ژن و پیاوێکیش لە ئێمە تا نەبێتە بێڕێزی کردن بە گۆڕستان، وە بە جلێکی جوان و پۆشتە و بەڕێزەوە چوینە سەر گۆڕی باوکم، کە مارەش کرام وتم باوکە گیان، بەڵێن بێ من قسە لە قسەی مێردەکەمدا ناکەم لەناو خەڵک و نوێژ و عیبادەتی تۆش من تەواوی دەکەم، چونکە بە بێمرادی مردی.

کچەکە کە ئێستا هاوسەرگیری کردووە دەڵێ، زۆر عەیبە بۆ هەندێ ئافرەت دەمی خۆیان دێنە پێشەوە لەناو خەڵکدا و حساب بۆ مێردەکانیان ناکەن، شەرمە بۆ هەر ژنێک تا مێردی هەیە ڕێزی لێ ناگرێ و دوایش کە مرد بۆی دەگری، وە سەرفرازی و ڕەحمەت لەوانەش کە ڕێزی مێردەکانیان دەگرن و انشااللە خودا لێیان ڕازی دەبێ، داواش لە هەر ژنێک دەکەم کە تا ئێستا ڕێزی مێردەکەی نەگرتووە بەخۆیدا بچێتەوە و لەمەودوا ڕێزی بگرێ، چونکە پەشیمانی دوای مردن هیچ قیمەتێکی نیە.

713 viewsچاوڕه‌ش‌گیان💚, 10:05