TASH ከፍራሼ የተላከልኝ መልዕክት!
(ፍራሼ እኔን የምትጠራኝ 'ቀላሌ' ብላ ነው።)

የእኔ "ቀላል" ምነው ጠፈህ? እኔኮ ሰሞኑን ስትጠፋ እንደተለመደው መጀመሪያ አካባቢ ተደራራቢ Duty ደርሶህ መሰሎኝ ነበር። ግን በዛው የውሃ ሽታ ሆነህ ስትቀር ገና ከመሄድህ በፊት full strike ÷ full strike ስትል ሰምቼህ ስለነበር 'full strike' የሚባል ወረርሽኝ እንደ Covid ያለ ተነስቶ ተልከህ መሰለኝ።

ቀላሌ በጣም ስትቆይ'ኮ ናፍቀኸኝ ነበር።ደግሞም በጣም ፈርቼ ነበር። ወረርሽኙ በዛው አንተን ቢገልህስ ብዬ።ሰው ብልጥ ነው በቤቱ ተቀምጦ እናንተን ከፊት ያሰልፋል።

እኔኮ ከሁሉም ፍራሾች የአንተ ስለሆንኩ በጣም ዕድለኛ ነኝ። ምክንያቱም አንደኛ ብዙ አትተኛብኝም።ገና ከመተኛትህ በርግገህ ተነሰተህ ወደ ሆስፒታል ትበራለህ። ሁለተኛው ደግሞ አትጥለኝም።አስበኸዋል መቼ እንደገዛኸኝ?! ገጠር ይዘኸኝ ሄድክ ተመልሰህ ደግሞ ከተፈጠርኩበት አድስአባ አመጣኸኝ። የሆነ ሰው ተሸክመኸኝ ሲያይህ "ጥንብ አይጥል" ሲልህ ሰምቼ ነበር።ምን ማለት ነው?!ቀላሌ።

እና እንደዚህ ናፍቀኸኝ ሳለህ አንድ ቀን በሩ ጓ ጓ ... ይላል። መጣህልኝ ብየ ከመጓጓቴ በላይ የፈራሁት ይበልጣል።
አሁንም 'ጓ ጓ ... ' ይጮሃል። በጣም ይደጋገማል። በመጨረሻ ተሰበረ።

ልክ በሩ ሲሰበር የደንብ ልብስ የለበሱ ሰዎች ግርርር...ብለው ገቡ። ብዙ ናቸው። ብዙ ዕቃ ያለህ መስሏቸው ነበር።

ከዚያ አንዱ 'ከትከት ብሎ ሳቀ። ተሳስተን  ከዘበኞቹ ቤት ነው የገባነው በሉኝ።" አለ።
ሌለኛው ቀበል አድርጎ ደምጹን ቀነስ አድርጎ ይሄ ሰው strike ባያደርግ ነበር የሚገርመው።እስካሁን መታገሱ ራሱ ያስመሰግነዋል¡"   ክክክክ.... አለ። ይህኔ ነው strike ማለት ኑሮ መሮህ በቃኝ ብለህ መውጣትህ የገባኝ።

እንደት ደስ እንዳለኝ አትጠይቀኝ።
ቀላሌ በቃ ስትመለስ ትቀይረኛለህ።ድጋሜ ያ የአጥንት ስብስብ የሆነ ሰውነትህ አይወጋኝም። እልልል ... ጀግና እያልኩ ደስ እያለኝ።ሲያፌዙ ቆይተው አንገቴን አንቆ አንጠልጥሎ አነሳኝ አንዱ። ወስዶም ወዲያ ከመንገዱ ዳር ወረወረኝ። እኔ ብቻ እንዳልመስልህ "...ያች አብራኝ ከሀገር ሀገር የምትዞረው በረት ድስትህም ጭምር ናት።"


በጣም ደስ አለኝ። ለመብትህ ሰልፍ የወጣን ነው የመሰለኝ...
◉ድጋሜ ሮሮህን መስማት አልፈልግም።
◉ድጋሜ አይጥለውም እንዴ ሌላ ፍራሽ አይቀይርም እንደ የሚል አሽሙር መስማት አልፈልግም።
◉ድጋሜ በችግር ርቦህ እንቅልፍ አጥተህ ስትገላበጥ ማየት አልፈልግም።

ስለዚህ ቀላሌ እኔም ይሄው እንዳየኸው Strike አድርጌያለሁ። Now or Never!

ጥያቄህ ካልተመለሰ ግን የምር እንጃልህ መጨረሻህን።

ያንተው ከጥንት እስከ አሁን ብቻ ፍራሽ!!!
30/09/2017።

በ ዶ/ር ስሜን አልነግርህም

Photo :- በትናንትናው ዕለት ጥቁር አንበሳ ሆስፒታል የ R ሐኪሞች በር ተሰብሮ ዕቃቸው እንድህ በሚያሳዝን ሁኔታ ሲወረወር የሚያሳይ ነው።

" በአማራ ክልል ከስራ ተባረው የነበሩት 5 የጤና ባለሙያዎች ወደ ስራ ተመልሰዋል ፤ የታሰሩትም በሙሉ ተለቀዋል " - የአማራ ክልል የጤና ባለሙያዎች ማህበር

በአማራ ክልል ከሰሞኑ የሀኪሞች የመብት ጥያቄ ጋር በተያያዘ ከስራ ተባረው የነበሩ 5 የጤና ባለሙያዎች ወደ ስራ ሲመለሱ ታስረው የነበሩ 32 ቱ ደግሞ መለቀቃቸውን የአማራ ክልል ጤና ባለሙያዎች ማህበር ለቲክቫህ ኢትዮጵያ ገለፀ።

በማህበሩ የአባላት ጉዳዮች ተጠሪ ዶ/ር ሙሉቀን አስራት ለቲክቫህ ኢትዮጵያ እንደተናገሩት በደብረ ታቦር ሆስፒታል ይሰሩ የነበሩና በመላ ሀገሪቱ በጤና ባለሙያዎች ከሚነሳው ጥያቄ ጋር በተያያዘ " በስራ ገበታችሁ አልተገኛችሁም " በሚል ምክንያት ከስራ ተባረው የነበሩ 5 የህክምና ባለሙያዎች ወደ ስራ ተመልሰዋል።

በተመሳሳይ በባህር ዳር ከተማ በሚገኘው ፈለገ ህይወትና አዲስ አለም፣ በደባርቅ፣ በመተማ እንዲሁም በደብረ ታቦር ሆስፒታሎች ይሰሩ የነበሩና ከ10 ቀን በላይ ታስረው የነበሩ 32 የጤና ባለሙያዎች መለቀቃቸውን ዶ/ር ሙሉቀን አክለው ገልፀዋል።

የተፈቱት የጤና ባለሙያዎች አብዛኛዎቹ ፍርድ ቤት ያልቀረቡ ሲሆን አንዳንዶቹ በሀገር ሽማግሌዎች ድርድር የተለቀቁ ናቸው ያሉት ዶ/ር ሙሉቀን በባህር ዳር ከተማ በሚገኙት ፈለገ ህይወትና አዲስ አለም ሆስፒታሎች ይሰሩ የነበሩት ግን ፍርድ ቤት በዋስ ይለቀቁ ብሎ ከወሰነላቸው በኃላ ፖሊስ ያለ ምንም ምክንያት ከ5 ቀን በላይ አስሮ አቆይቷቸዋል ብለዋል።

በባህር ዳር ከተማ በሚገኘው በአዲስ አለም ሆስፒታል ይሰራ የነበረውና ለ14 ቀን ታስሮ ባለፈው ሳምንት በዋስ የተለቀቀው ዶ/ር ምትኩ ተገኘ እሱና ባልደረቦቹ ከታሰሩ በኃላ ፍርድ ቤት ቀርበው " በዋስ ይለቀቁ " ተብለው ቢወሰንላቸውም ፖሊስ ሳይለቃቸው ሳምንት እንዳቆያቸው ገልጸዋል።

" በኃላም ፖሊስ ለፍርድ ቤቱ ' ምርመራዬን ጨርሻለሁ ' ብሎ ለወረዳ ፍ/ቤቱ አቀረበ ወረዳ ፍርድ ቤቱ ደግሞ ለከፍተኛ ፍርድ ቤት ላከው ከፍተኛ ፍርድ ቤቱ በዋስ ሊለቀን ችሏል " ብሏል።

በእስር ቆይታቸውም ምንም አይነት ሰብዓዊ የመብት ጥሰት እንዳልደረሰባቸው ገልጿል።

ሁሉም ታሳሪዎች የተፈቱትና ከስራ የተባረሩት ወደ ስራ የተመለሱት ባለፈው ሳምንት እንደሆነ ዶ/ር ሙሉቀን አክለው ገልፀዋል።

ቲክቫህ ኢትዮጵያ
ባሕር ዳር
#TikvahEthiopiaFamilyBahirdar

@tikvahethiopia