Бош прокуратура ҳузуридаги Департаментнинг Наманган шаҳри бўлими ва ДХХ ходимлари ҳамкорлигида ўтказилган тезкор тадбирларда фуқаро М.А. фуқаролар М.С. ва А.К.нинг ишончига кириб, 2 000 АҚШ доллари эвазига Корея давлатига ишга юборишини айтиб, олдиндан 1 000 АҚШ долларини, яна бир ҳолатда фуқаро Р.М. фуқаро М.Б.ни 40 млн сўм эвазига Словакия давлатига ишга юбориши учун келишилган пуллар ҳисобидан 600 АҚШ доллари ва 2,8 млн сўмни олган вақтида ашёвий далиллар билан ушланганлар.

Бош прокуратура ҳузуридаги Департаментнинг Булоқбоши тумани бўлими ходимлари томонидан ўтказилган терговга қадар текширувда ЯТТ “М.О.” “Қумгузар” МФЙ ҳудудидаги ҳаммомида умумий фойдаланишдаги газ тармоғига ўзбошимчалик билан уланиб, 169,4 млн сўмлик табиий газдан ноқонуний фойдаланганлиги аниқланган.

Шунингдек, Департаментнинг Андижон шаҳри бўлими ходимлари томонидан ўтказилган терговга қадар текширувда “F.H.” оилавий корхонаси масъул шахслари меҳмонхона биносида умумий фойдаланишдаги электр тармоғига тўғридан-тўғри уланиб, 166,7 млн сўмлик электр энергиясидан ноқонуний фойдаланганликлари аниқланган.

Вазият 24 | Сурхондарё вилояти

Бош прокуратура ҳузуридаги Департаментнинг Бекобод тумани бўлими, ДХХ ва ИИБ ходимлари ҳамкорлигида ўтказилган тезкор тадбирда М373-сонли магистрал йўлида ҳаракатланиб келган “Lacetti” русумли автомашина тўхтатилиб кўздан кечирилганда, фуқаро И.С. хорижда ишлаб чиқарилган умумий баҳоси 87,5 млн сўмлик 2 500 қути акциз маркасиз тамаки маҳсулотини ўтказиш мақсадида олиб келаётганлиги аниқланиб, ушбу тамаки маҳсулотлари ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.

Вазият 24 | Бухоро вилояти

Вазият 24 | Қорақалпоғистон Республикаси

Бош прокуратура ҳузуридаги Департаментнинг Бўстонлиқ тумани бўлими томонидан ўтказилган терговга қадар текширувда фуқаро Т.М. ва бошқалар “Дўстлик” МФЙ ҳудудида жойлашган уйда умумий фойдаланишдаги электр тармоғига ҳисоблагичдан ташқари тўғридан-тўғри уланиб, 216,4 млн сўмлик электр энергиясидан ноқонуний фойдаланганликлари аниқланган.

Шунингдек, Департаментнинг Шароф Рашидов тумани бўлими ходимлари томонидан ўтказилган терговга қадар текширувда “Q.-A.” фермер хўжалиги масъул шахслари тижорат мақсадида сув насосларини электр тармоғига ўзбошимчалик билан улаб, 123,8 млн сўмлик электр энергиясидан ноқонуний фойдаланганликлари аниқланган.

Бош прокуратура ҳузуридаги Департаментнинг Нурафшон шаҳри бўлими, ДХХ ва Божхона ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган И.Э. “Шова” маҳалласида жойлашган уйда 140,6 млн сўмлик 7 турдаги жами 8 400 қути тамаки ҳамда 30,6 млн сўмлик 12 турдаги 780 дона дори воситаларини ўтказиш мақсадида сақлаб келаётганлиги аниқланиб, ушбу маҳсулотлар ашёвий далил сифатида олинган.

Бош прокуратура ҳузуридаги Департаментнинг Юқоричирчиқ тумани бўлими томонидан ўтказилган тезкор тадбирда валюта айирбошлаш билан шуғулланиб келган М.К. фуқаро К.Ш.га 4 000 АҚШ долларини 49,2 млн сўмга сотган вақтида ашёвий далиллар билан ушланган.

Шу каби, Паркент туманида фуқаро Ф.И. (муқаддам судланган) 3 500 АҚШ долларини 42,9 млн сўмга сотган вақтида ашёвий далиллар билан ушланган.

Яна бир ҳолат, Уйчи туманида фуқаро М.С. 4 200 АҚШ долларини 51 млн сўмга сотган вақтида ашёвий далиллар билан ушланган.