Бош прокуратура ҳузуридаги Департаментнинг Бағдод тумани бўлими ва ДХХ ходимлари ҳамкорлигида ўтказилган тезкор тадбирда “Ватанпарвар” ташкилоти Бувайда тумани бўлими инспектори З.Т. фуқаро Т.З.ни ҳайдовчилик гувоҳномасини олиш учун имтиҳондан ўтказиб, “В.” тоифадаги ҳайдовчилик гувоҳномасини олиб бериши эвазига 1 000 АҚШ долларини олган вақтида ашёвий далиллар билан ушланган.

Шунингдек, Департаментнинг Қонликўл тумани бўлими ва ИИВ ходимлари ҳамкорлигида ўтказилган тезкор тадбирда фуқаро И.Ш. фуқаро А.Қ.нинг ишончига кириб, унинг суд қарорига асосан бекор қилинган ҳайдовчилик гувоҳномасини гўёки юқори лавозимда ишловчи танишлари орқали қайта тиклаб бериш эвазига 1 500 АҚШ долларини олган вақтида ашёвий далиллар билан ушланган.

Бош прокуратура ҳузуридаги Департаментнинг Тошкент вилояти бошқармаси ходимлари томонидан ўтказилган тезкор тадбирда валюта айирбошлаш билан шуғулланиб келган Ш.И. (муқаддам судланган) 4 000 АҚШ долларини фуқаро Қ.Ш.га 49,4 млн сўмга сотган вақтида ашёвий далиллар билан ушланган.

Шунингдек, Департаментнинг Шайхонтоҳур туман бўлими ходимлари томонидан ўтказилган тезкор тадбирда валюта айирбошлаш билан шуғулланиб келган Р.С. 4 000 АҚШ долларини фуқаро Ш.Қ.га 50 млн сўмга сотишини айтиб, шундан 2 000 АҚШ долларини берган вақтида ушланган. Ашёвий далил сифатида олинган пуллардан 100 АҚШ доллари қалбаки эканлиги аниқланган.

Департаментнинг Тўрткўл тумани бўлими ходимлари томонидан ўтказилган тезкор тадбирда валюта айирбошлаш билан шуғулланиб келган Р.К. ва У.М. фуқаро М.Х.дан 2 000 АҚШ доллари ва 150 000 россия рублини 45,8 млн сўмга сотиб олган вақтида ашёвий далиллар билан ушланганлар.

Бўстонлиқ туманидаги дала-ҳовлида 1,9 млрд сўмлик электр энергиясидан ноқонуний фойдаланилганлиги фош этилди

Термиз туманида фуқаронинг бузилишга тушган уйи учун 623 млн сўм компенсация ундириб беришни ваъда қилган шахс ушланди

Бош прокуратура ҳузуридаги Департаментнинг Янги Наманган тумани бўлими ходимлари томонидан ўтказилган терговга қадар текширувда ЯТТ “Ғ.С.” “Ишонч” МФЙ ҳудудидаги новвойхонасида умумий фойдаланишдаги табиий газ тармоғига ўзбошимчалик билан тўғридан-тўғри уланиб, 299,6 млн сўмлик табиий газдан ноқонуний фойдаланганлиги аниқланган.

Шунингдек, Департаментнинг Оҳангарон тумани бўлими ходимлари томонидан ўтказилган терговга қадар текширувда “М.О.” фермер хўжалиги раҳбари М.Б. тижорат мақсадида сув насосини электр тармоғига ўзбошимчалик билан тўғридан-тўғри улаб, 109,8 млн сўмлик электр энергиясидан ноқонуний фойдаланганлиги аниқланган.

Вазият 24 | Фарғона вилояти

Бош прокуратура ҳузуридаги Департаментнинг Тошкент вилояти бошқармаси, ДХХ ва Божхона ходимлари ҳамкорлигида ўтказилган тезкор тадбирда қонунга хилоф равишда дори воситалари савдоси билан шуғулланиб келган Р.Я.нинг (муқаддам судланган) бошқарувидаги “Spark” русумли автотранспорт воситаси Тошкент шаҳри, Яшнобод тумани Тузел-1 мавзесида тўхтатилиб кўздан кечирилганда автомашинадаги сумкачадан сотиш мақсадида сақлаб келинган 500 дона “Зардекс” номли кучли таъсир қилувчи дори воситаси ашёвий далил сифатида олинган.

Мазкур ҳолат юзасидан Жиноят кодексининг 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Беруний тумани бўлими ходимлари томонидан ўтказилган тезкор тадбирда ЯТТ Д.А. савдо дўконида 374 дона “Қаратау” номли қалбаки акциз маркали алкоголь маҳсулотларини сотувга қўйганлиги аниқланиб, ушбу маҳсулотлар ашёвий далил сифатида олинган.

Шунингдек, Департаментнинг Нурафшон шаҳри бўлими томонидан ўтказилган тезкор тадбирда “Sh.L.” МЧЖ раҳбари З.Н. озиқ-овқат дўконида тегишли рухсатнома олмасдан алкоголь маҳсулотлари савдоси билан шуғулланиб келганлиги аниқланиб, дўкон савдо растасидаги 11 турдаги алкоголь маҳсулотлари ашёвий далил сифатида олинган.

Ахборот 24 | Тошкент шаҳри

Бош прокуратура ҳузуридаги Департаментнинг Давлатобод тумани бўлими ва божхона ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган А.Р.нинг (муқаддам судланган) “Cobalt” русумли автомашинаси “Янгиқўрғон-Наманган” йўналишида ҳаракатланиб келаётган вақтида тўхтатилиб кўздан кечирилганда, хорижда ишлаб чиқарилган 2 500 қути “Milano New york” ва 1 500 қути “Esse Change” номли акциз маркасиз тамаки маҳсулотларини сотиш мақсадида олиб келганлиги аниқланиб, ушбу тамаки маҳсулотлари ашёвий далил сифатида олинган.

Бош прокуратура ҳузуридаги Департаментнинг Бухоро шаҳри бўлими томонидан ўтказилган терговга қадар текширувда фуқаро Ғ.С. “Чорбахосса” МФЙ ҳудудидаги новвойхонада тижорат мақсадида умумий фойдаланишдаги газ тармоғига ўзбошимчалик билан уланиб, 200 млн сўмлик табиий газдан ноқонуний фойдаланганлиги аниқланган.

Шу каби, Департаментнинг Сардоба тумани бўлими томонидан ўтказилган терговга қадар текширувда “B.S.” фермер хўжалиги масъул шахслари тижорат мақсадида умумий фойдаланишдаги электр тармоғига ўзбошимчалик билан уланиб, 128 млн сўмлик электр энергиясидан ноқонуний фойдаланганликлари аниқланган.

Департаментнинг Тошкент тумани бўлими ходимлари томонидан ўтказилган терговга қадар текширувда ЯТТ “Д.Д.” хонадонидаги новвойхонасида тижорат мақсадида газ тармоғига тўғридан-тўғри уланиб, 127,3 млн сўмлик табиий газдан ноқонуний фойдаланганлиги аниқланган.

Бош прокуратура ҳузуридаги Департаментнинг Ангрен шаҳри бўлими, ДХХ ва ИИБ ходимлари ҳамкорлигида ўтказилган тезкор тадбирда кучли таъсир қилувчи ҳамда психотроп моддалар савдоси билан шуғулланиб келган Ф.Ю. фуқаро Х.М.га 10 дона “Зардекс” номли кучли таъсир қилувчи дори воситасини 1 млн сўмга сотган вақтида ашёвий далиллар билан ушланган.

Шундан сўнг, давом этган тадбирларда Ф.Ю.га дори воситаларини етказиб берувчи шериклари Ш.Н., С.Н., Ф.Ё. ва М.Н.лар ушланиб, улардан 49 дона “Зардекс” номли дори воситаси, 2 дона полиэтилен пакетга ўралган “гашиш” ҳамда “марихуана” моддаси ашёвий далил сифатида олинган.

Мазкур ҳолатлар юзасидан Жиноят кодексининг 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) ва 273-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) билан жиноят иши қўзғатилиб, терговга тегишлилиги бўйича юборилган.

Бош прокуратура ҳузуридаги Департаментнинг Пахтачи тумани бўлими томонидан ўтказилган терговга қадар текширувда фуқаролар Ш.Х. ва Ғ.С. “М.О.” фермер хўжалиги раҳбарининг хабардорлигисиз, хўжаликнинг “Жахонобод” МФЙ ҳудудидаги биносида 932,9 млн сўмлик электр энергиясидан ноқонуний фойдаланганликлари аниқланган.

Шунингдек, Департаментнинг Оқдарё тумани бўлими томонидан ўтказилган терговга қадар текширувда “L.Y.” НТМ ва “N.B.” МЧЖга қарашли бинода МЧЖ раҳбари С.Т. 641,5 млн сўмлик табиий газдан ноқонуний фойдаланганлиги аниқланган.

Бош прокуратура ҳузуридаги Департаментнинг Учтепа тумани бўлими ходимлари томонидан тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда фуқаролар С.Н. ва бошқалар яширин цех ташкил қилиб, “M.A.” МЧЖ томонидан ишлаб чиқариладиган “Арсенал” номли пайвандлаш электродининг қалбаки нусхасини ишлаб чиқариб, фуқаро Н.С.га 66 қути қалбаки электродни сотган вақтида ашёвий далиллар билан ушланган.

Тадбир давомида, яширин цехдан умумий баҳоси 855 млн сўмлик 17 турдаги 36 760 қути электрод, маҳсулот ҳақида маълумот берувчи қалбаки штрих код маркировкалар ва бошқа ишлаб чиқаришда фойдаланилган товар моддий бойликлари ашёвий далил сифатида олинган.

Вазият 24 | Қашқадарё вилояти

Бош прокуратура ҳузуридаги Департаментнинг Учтепа тумани бўлими ва божхона ходимлари ҳамкорлигида ўтказилган тезкор тадбирда қонунга хилоф равишда тиббий буюмлар савдоси билан шуғулланиб келган Д.И. ва Д.Т. фуқаро У.Ш.га хорижда ишлаб чиқарилган 3 турдаги 7 600 қути хирургия игна ипини 10 000 АҚШ долларига сотган вақтида ашёвий далиллар билан ушланган.

Тадбир давомида, уларнинг ёнидан сотиш учун олиб келинган умумий баҳоси 214,5 млн сўмлик 23 турдаги 13 621 дона сифати кафолатланмаган тиббиёт буюмлари ашёвий далил сифатида олинган.