📄 وەڵامی گەنجێکی سەلەفی بۆ عبداللطيف الكردي

بەشی 3⃣

👈 (بۆ تەحەدداکەت)

کەسێ لەفیتنە و تانە کۆڵ نەدا
قبوڵی نــاکەین داوا و تەحەددا

زەمـانێ داوای دانیشتن کرا
لەبۆ چارەسەر هەروەکو برا

بۆچـی ئەوکاتە نەهــــــاتیتە پێش
ئێستا وابوویتە زەردەواڵە و مێش

کاتێ زانایان بانگهێشتیان کردی
بۆچی جەنابت ئەو کات نەهاتی

ئەوەی تـۆ دەیڵێی قسەی بێ کەڵکە
بەسە خۆڵ کردنە چاوی ئەو خەڵکە

لەبری تەحەددا و داوا و دانیشتن
لە خـــــــودا بکە داوای لێبووردن

پەشیمان بەوە لە گومڕاییەکان
لەتانە و تەشەر لەدرۆ و بوهتان

هەرچەند هاوارکەی یان بناڵێنی
لای سەلەفییەکـان تۆ بێ بەڵێنی

کەسێ خــــائین و فێڵباز و بەدی
چەواشەکاری دەرچوو لە حەدی

بۆیە پێت دەڵێم مەیکە تەحەددا
تەوبەیە نەصوح بکە لای خـــودا

با بێ ئەدەبی و تانەدان بەس بێ
لە زانــــایان یاخود هەرکەس بێ

شێخ ڕەبیع و زانـایان بڵێن چی
بەهۆی لادانت بویتە بیدعەچی

بۆیە با بەس بێ هات و هاوارت
ئەزانین زۆرە ئێـش و ئـــــازارت

کەدەستیان خستە سەر ئێش و برین
دەیهـاوی قسەی خـراپ و نــــاشرین

سنگ دەرپەڕاندن سودی نیە بــــۆت
دانیشە و سەیرکە حاڵ و باری خۆت

دانیشتن لەگەڵ تــۆدا بێ سودە
فێڵ و خیانەت لەلات مەوجودە

لەبەر چاو خەڵک خۆت مەکە بەشێر
نیـشانی مەدە ئــــــــــازایـی و بوێـر

ئـــازاییت لەوا ئەکەوێ بە دیار
لەبەر خاتری خوای پەروەردگار

لە خراپەکانت پەشیمــــان بیتەوە
خۆت لەگومڕایی و فێڵ بگریتەوە

کۆتا ڕێنماییم بۆ شوێنکەوتوانی
لە بۆ دافـیع و دەمـــــــــارگیرانی

بەسە واز بێنن بەدوای چی کەوتوون
هەتا کەی دیفـاع ئەکەن لە مەفتوون

ئەگەر بە ڕاستی ئێوە سەلەفــــــــین
شوێن حەق بکەون بەوپەڕی یەقین

بەهۆی گومڕایی و لادانی هەندێ
نمونەی حجوری بکەن بە پەندێ

واتان لـێ نەکـــــات لەحەق لا بدەن
دیفاع لەهەڵەی هیچ کەسێ مەکەن

لە کـــــــۆتاییدا دەڵێم بە مەفتوون
بەسە فێڵ کردن بەسە گومڕا بوون


✍🏼 دیوانی فیردەوسی

ئەی ئەو کەسەی بەدوای عەیبی خەڵکیەوەی
دەڵێم لە خــــــــــــــــــــودا بترسە بەر لەوەی

عەیب و عــــــــارت دەربکەوێ هەر لە دونیا
دە کـــــــــــۆڵ بدە چیت بۆ دەبێ تۆ بەوەی


✍🏼 دیوانی فیردەوسی

ئەوەی هــاندەری بەرشە و ڕیاڵە
بەڕاستی دەڵێم کەسێ بەدحاڵە

چی دڵێکت خۆشە بە بێ باوەڕان
موشریك و فاسق تابڵێی گومڕان

بۆیە بزانە ئەوانت خۆش بوێت
ڕۆژی قـیـامەت لەگەڵت ئەبێت


✍ دیوانی فیردەوسی

واز لەڕیش بێنە جەنابی بێ ڕیش
ڕیش هێشتنەوە بەشێکە لە ئیش

زمان ڕابێنە لەسەر زیکری خــوا
نەك لەسەر تـانە لە ڕیش و عـابا

گــــاڵتە کردنت بە دروشمەکان
دینت ئەتاشێ لای ئەبا ئیمــان

ڕیش یاخود عابا و نیقابی خوشکان
چی زیانی داوە لە تۆی سەرگەردان

سۆعبەت نەمـــاوە لەم سەر زەمینە
بدوێی دەربارەی دروشمی ئەم دینە

گەر خاوەن ڕیشێك هەڵەی ئەنجام دا
هیچ پێویست نـاکـا مێش بکەی بە گا

خەتای ڕیش نیە و خۆی تاوانبارە
بەرامبەر بە دین سەرپێچی کارە

تکایە بەس بێ تـانە و تەشەردان
گــاڵـتە کـــــــردن و قسە فڕێدان

دەربارەی ڕیش و نیقاب و عابا
با نەکەونە بەر عەزابی خـــودا

✍ دیوانی فیردەوسی

سەردەم سەردەمی عەرزی فەسادە
زۆرینەی خەڵک بێ تەقــــــوا و زادە

خەریكی پــــارە و سەفا و ڕابواردن
قسە و کرداریان شەیتان پێی شادە


✍🏼 دیوانی فیردەوسی

دونیا کەی جێگای کەیف و سەفایە
جێگای ئیمان و چـــاکە و تەقــوایە

خۆت ماندوو بکە بۆ ئـــــاخیرەتت
خـۆشی و ئیسراحە لە بەهەشتایە


✍🏼 دیوانی فیردەوسی

هاوار خەڵکینە وەرنەوە خەبەر
مــــردن نزیکە با نەیکەن زەرەر

مەکەونە دوای هەواو ئـــارەزوو
نەبـــــــــا لەم دینە بتانخاتە دەر


✍🏼 دیوانی فیردەوسی

مردن لەزەت و خۆشی دونیای برد
کەچی ئێمەش وا ، غـــــافڵین لەوە

لە خراپە و تاوان کێ قازانجی کرد
بـیـرێ لە قــەبـر و قـیــامەت کەوە


✍🏼 دیوانی فیردەوسی

بۆ خاوەنی NRT 4 !!



فیسق و فجور و فەسادی لادە
زەرەری هەیە بۆ کـــاکە و دادە

کەناڵ دامەنێ گەر پارەت زیادە
بیدە نەخۆش و بێ مـاڵ و مادە

پرۆژە و کەناڵت پڕ لە فەسادە
مەڵێن قەیناکە خەڵکی ئـازادە

خەڵکی هان ئەدەی بێنە سەر جادە
دڵـت بە فـیتنە و ئــــــــاژاوە شـادە

ئەگـەر کـەسێکـی نیتە ئـــــــیرادە
کەم خۆت بنوێنە سەرو گوێ بادە

پەشیمان بەوە لەم کات و وادە
ئا بەم حـــاڵەوە ناکەی ئیسفادە

خاوەن مینبەرین پەردەی چاو لادە
مـوسڵمـــان دژی خـراپە و ئیلحـادە

کە تۆ خــــراپ بی دەیڵێم ئیعـادە
جارێ خۆت چاکە حاڵت زۆر بادە

قەت وا نەزانی ئەمەی تــۆ زادە
لەخوا بترسە گەر خوات لەیادە

لەفەیسبوك دەیکەی پۆستێکی سادە
کـەسی هـەمە جـۆر لە لای تۆ ئـــــادە

لە ئەم جیلی ئایفۆن و ئایپادە
کـەسێ خـراپی بەدەر لە ڕادە

پێویستمان نیە بە ڕادیۆ و کەنـاڵ
لە لایەن کەسی خراپ و بەد حاڵ



✍🏼 دیوانی فیردەوسی

۲٠۱۸/۱۲/۲۷شەوی هەینی.

بۆ خوشکانی نیقاب


ئارامت هەبێ ئەی تــاجی سەرم
من لە ئـــــازار و خەمت خەبەرم

خــــودای میهرەبان بێ ئاگا نییە
لەزوڵم و تانەی کەسی بێ شەرم


✍🏻 دیوانی فیردەوسی

پۆشاکێکی سادە و ساکار
بێ بریقە و نەخش و نیگار
بۆتە چقڵی چاوی
کەسانێکی پیس و بەدکار
کەسانێکی یاخی لەدین
کە خەریکی بێ ڕەوشتین
ئەو نیقابەی ئەیکەنە سەر
بێ زیانە و بەبێ زەرەر
ڕێگرە لە نیگای چاوی
داوێن پیسان و فێڵاوی
ئازادییە بۆ سافیرە
بەڵام بۆ نیقاب و عابا
زمانی هاوشێوەی تیرە
ئەی ئەو کەسەی ڕقت لێیە
دەرکەوێ نیقاب و عابا
پێش ئەوەی ڕۆحت دەربچێ
تەوبە بکەی بۆ لای خودا


✍🏻 دیوانی فیردەوسی

شەوی دوو شەممە
٥ ی ذوالقعدة ١٤٤٥.

پۆشاکێکی سادە و ساکار

سوێند بەو خودایەی کە نابێ زەلیل
ڕێ پێدراو نیە بانگ دان بە تەسجیل

هیچ عوزر نیە لەلادێ و لەشار
عیبادەتێکە بۆ پەروەردگـــــار

پێویستە لەسەر کەسی موسڵمان
بڕۆنە مزگەوت بۆ نوێژ و بانگدان

عـولەمـا فەتوایــان داوە کە نابێ
ملکەچی حەقبە و لەسەری ڕابێ

عیبادەت بکەن بە پــاکی و بەڵگە
نەوەك بەعەقڵ و زۆری کۆمەڵگە


✍ دیوانی فیردەوسی

جـــــ👟ــــولەکە


تف لە ستەم و بێ ویژدانیتـــان
لەکوفر و فەساد بێ ئیمــانیتان

لە بێ بەزەیی و دڕندەییتــــان
غەزەبی خودا بڕژێ بەسەرتان


✍🏻 دیوانی فیردەوسی

کەسانێ بێ دین وە بەد ڕەوشتـان
خۆیان کردووە بەدۆستی شەیتان

بە ڕق لە دژی موسڵمــــــان ئەڵێن
تاوان لاناچێ بەقوربانی و خوێن

بە دروشمی ئیسلام زۆر نیگەرانن
کە ئەنجام ئەدرێ وە لێی ئەڕوانن

دەڵێن سەرمەبڕن ئاژەڵانی ژیر
پارەکەی بدەن بە کەسی فەقیر

قوربانی دەکەین بتەقێ دڵــتان
بەسیەتی ڕق و خۆهەڵخەڵەتان

ئەوانەی کەوا قوربانی دەکەن
وەها یارمەتی فەقیران ئەدەن

بەس ئێوەی حاقید دڵ پڕ لەکینە
زۆر داخ لەدڵن بەرامبەر ئەم دینە

خۆتان خەریکی فەسادی و فیتنەن
بەرامبەر ئیـسلام دەم درێژ مەکـەن


✍ دیوانی فیردەوسی

کە ئیشیان پێتە تۆیان لەبیرە
بەڵام تۆ وانیت دڵـت فـەقیرە

وەكو بــرایەك تێکەڵیان دەبی
لەپێناو خودا بێ بەرژەوەندی



✍🏻 دیوانی فیردەوسی

وریابە نەکەن دروشمی ئـاین
بکەنە باسی گاڵتە و پێکەنین


✍🏻 دیوانی فیردەوسی