. ياعمر.... ماخذنه وين
وكل درب خطواته دين
ونته وين اتريد بينه ...!
الروح صبخه.... وشتلة الفرحه تموت
والعمر بستان حنظل من عگب ضحكة التين
وحته لو نضحك امكابر...
فارغه اسلال الگلوب وضحك المكابر حزين
وياعمر ماخذنه وين
احلامنه وماتت شباب
وسكرت ابكاس العذاب
وصرخه بينه اتصيح.... ليش امعذبين
امعذبين... امعذبين... امعذبين
ومن وعينه...
نفطر ابطور النعاوي ونكشخ ابثوب السواد
حته ثوب العيد چادر والكحل صوغة رماد
ونبقه وي كل الأماني امسافرين
وصاح بينه الحادي صوت
صوت غيمه اتريد تمطر
غيمه شربتهه الأحلام وغيمه مطرتهه السنين
وياعمر ماخذنه وين ..
ابيا محطه انذب حزنه
ابيا مطر نغسل تعبنه



#كاظم_العطشان