بديت مقتنعه ان مهما حكيت وشكيت ح يطلعوك نفسيه وعندك شعور مبالغ فيه وتحب تنكد ومتعب الناس معاك ، لدرجة يخلوك تحس روحك رزين عليهم بالشكل يلي يخليك تلتزم الهدوء غصب عنك وتنسحب ، ورغم الخراب يلي يصيرلك في داخلك والوجع والصعوبه يلي ح تواجهها في انك كتمت كل شي فيك وماتحكيش الا ان ح يريحك الشي هدا من ناحية انك مش ح تتوجع من الناس ولا ح تلقى منهم كلام بايخ وهزوه يخلوك تندم .

وفعلياً كل ما تكبر ح يكبر معاك الباب يلي يطلع جمل .

و انا زي علامة ع طريق ساحلي ، ترشد كل الناس للطريق الصح وتقعد هي عالقه في نفس المكان .

﴿ يَا أَيُّهَا النَّاسُ اتَّقُوا رَبَّكُمْ ۚ إِنَّ زَلْزَلَةَ السَّاعَةِ شَيْءٌ عَظِيمٌ ﴾

‏حُباً بالله لا تعمُروا حزناً في قلب أحَد .

"أنت ‏مواساتي الوحيده في هذا العالم "

العزله مش كئابة
الكئابه هي شوفت البشر “)

‏﴿ قُلْ إِنَّ اللَّهَ قَادِرٌ ﴾

⁣تعالو رَحبو بيا ونتعرفو ع بعض 🥹.

لا إله إلا أنت سبحانك إني كنت من الظالمين

12:42 am ..

جي الليل وجي معاه التفكير المُفرط والحنيّن للماضي والتعب والجهاد النفسي اللي كنت فيه طول النهار وانت تحاول تغطي ملامح وجهك الحزينه بضحكه مُزيفه …

بنحطلكم حاجات من كِتاباتي القديمه
للذكرى …

الخذلان !
و شعور هدت الحيل يلي تصيرلك لما تكتشف قداش كنت رخيص عند اغلى شخص عندك ، لما تكتشف انك كنت ولا شي عند يلي كانلك كل شي ، لما تكتشف انك كنت عايش في كذبه كبيره ويلي يزيد يهدلك حيلك اكثر ان هالكذبه كانت فيها راحتك ، لما تكتشف ان اعز صحابك مصاحبك لمصلحة ، لما توقف تكلمهم يوم وتلقاهم مش مدورينك وتكتشف ان هما معاك لانك انت تكلم فيهم ف مجرد ما توقف ح يوقفو ، لما تكتشف انك تعطي بدون مقابل !
ديما نقول ان حني مساهمين في عثراتنا وفي هدات حيلنا ، حني يلي نعطو للشخص اكبر من حجمه وننعمو من ناحيته ومعش نشوفو في شي الا ان الشخص هدا هو الكُل في الكُل ، وفي اول مطب في حياتنا معاه ح نلقوه راخي بينا وطالق يدينا ، هني ح يجيك اول كف و ح ترجعله انت وتمسك يديه من جديده واضحي ع خاطره بالشي يلي كنت مستحيل اضحي بيه ، مش ح يعطيك مقابل لتضحيتك هادي غير الكلام ! ، الكلام يلي مافيش اسهل منه في حياتنا كلنا نعرفو نتكلمو وقت الكلام بس مش كلنا نفعلو وقت الفعل ! ، ح يجيك منه كف يفيقك من يلي انت فيه ، و ح تفيق لروحك في اخر الطريق ؛ لو نحسبو لمكانة الشخص في حياتنا ومانتصرفوش بقلبنا ونخلو عقلنا هو يلي يتحكم فينا طول الوقت بدل قلبنا هلبا حاجات ح يتغيرو ، ح نبطلو نعطو للناس اكتر من حجمهم ح نبطلو نتعاملو ع انهم محور الكون ، و ح يبطلو هما يستغلونا ويكسرونا ويهدو حيلنا !
كون قوي لنفسك ، كون قوي لقلبك ، خليك عايش بمبدء ان حتى اقرب شخص ليك مش ح يكمل معاك طريقك للنهاية ، معش تعطي لحد اكبر من حجمه ، اعطي ع قد ما تاخد حِب ع قد ما تنحب ح تلقى روحك ماشي صح ويرتاح قلبك .

إسراءْ ..

خليك عارف ان يلي نزلو دموعه ع خاطرك ، هو مش دمعته قريبه بس انت اعز ما عنده ،
ويلي قالك خليك جنبي هو مش ضعيف بس كان قُربك يقوي فيه ، يلي ما عرفش ينساك ماكانش صعب ان ينسى بس مش قادر يستوعب غيابك ،
يلي كان ديما يضحك في وجهك ويساير فيك هو مش جوه حلو ، بس داس كل شعور في قلبه
ومبينلك ضحكته يلي يشوف انك تستاهلها ،
يلي غير من نفسه ع خاطرك هو مش من طبعه ان يتأقلم مع اي وضع بس كان شايف ان اي حاجه ليك انت تهون ،
يلي مشيت وخليته وانت عارف انه من غيرك ولا حاجه ح يجي وقت ويثبتلك انه من غيرك هو كل حاجه !
بس عزة النفس بعد الفراق جبااارة ، عمرك ما ح تنسى شخص حبيته ، ويلي ما قدرتش تحبه اليوم مش ح تقدر تحبه غدوا ولا لبعده طول ما قاعد تجبر في روحك عليه ،
رحلة الدُنيا طويله ما تنتهيش ، بس الحياه تبهت في عيونك في جزء معين من حياتك !
، مافيش حد طالب حاجه من غيره كل يلي يبيه اي شخص ان حد يتقبله زي ماهو بمزاجيته بعيوبه وميزاته مايكونش مستحق ان يبرر ويزيف روحه باش يعجب غيره ويكون معاه ،
ف كونو لطفاء بِبعض ! الخاطر يلي ماتعرفش تجبره ما تكسراش خليه لغيرك يمكن يقدر !
رفقاً بناسكم وقلوبهم .

إِسرَاءْ ..

في مواقف تصيرلنا في حياتنا تكون ك اشارة من ربي ان يلي مكمل فيه انت غلط يلي ادير فيه بيضرك والشخص هدا مش ليك ، بس حني مرات نغمضو في عيونا ونقولو هذا كله شي يمتحن في حبنا لبعض وتمسكنا ببعض ونستمرو في الغلط يلي مكملين فيه لين تجيك الحفره الكبيره يلي ح تغرق فيها وطلوعك منها بيكون شي شبه مستحيل ، قبل ماتوصل للحفره هادي ح تكون غايص في حُب الشخص الغلط مكمل في اكتر شي غلط صاير في حياتك ومتعود عليه لدرجة تخليك مش قادر تتخيل ان الشخص هدا غلط وكل الاشارات يلي بعتهملك ربي كانو امتحانات تختبر حُبك وتمسّكك بيه ، الغصه يلي تجيك وانت تكلم في الشخص هدا والشعور يلي يجي يقولك راك ماشي غلط ، هذا مش وسواس هذا حقيقه هادي إِشاره بطل تتغاضي عليهم شوف لكل شي بعِين للاعتبار وبمعنى ، باش ماتوصلش للحفره الكبيره يلي بيطيح فيها بسبب الشخص الغلط هدا ، لان عمره ما الغلط يكمل معاك مهما مشيت في طريق سالكه ح تجيك الحفره هادي ..

إِسراءْ .

{ قُل لَّن يُصِيبَنَا إِلَّا مَا كَتَبَ اللَّهُ لَنَا }♥️.

"بنفسٍ راضية تمامًا تقبَّلت فكرة أن هناك أشياء في الدنيا لا نصيب لي فيها ولا حظ رغم سعيي المُستميت لنيلها.

وأن السعي مُجرد إرضاء لنفسي، والسعي مطلوب، لكنه يشترط الوصول لغايتي؛ فأصبح الوصول غاية لا يحترق قلبي عليها لو لم تحدث.

الشيء المهم هو الرضا، الرضا عن نفسي وعن مجهودي وموقفي، أيًا كانت الظروف."

تساوى كل شي في نظري بدي معش في شي مهم وينزعل عليه ! ما اعتقدش في اسوء من يلي انا فيه .

الحمدلله الذي لا يُديم ضيقاً الا ابدله فرجًا .

من اكبر قناعاتي :
فاقد الشي يمنحُك ضِعفه .