#xalqaro_hamkorlik

Yurtimiz diniy-ma’rifiy soha vakillaridan iborat delegatsiyaning Iordaniya Podshohi bilan uchrashuvi o‘tkazildi

🔹 Xabaringiz bor, joriy yilning 25-26-avgust kunlari Iordaniya Hoshimiylar Podshohligi Podshohi Abdulla II ibn al-Husayn mamlakatimizda davlat tashrifi bilan bo‘lgan edi.

🔸 Mazkur tashrif davomida O‘zbekiston Respublikasi Prezidenti Shavkat Mirziyoyev va Iordaniya Hoshimiylar Podshohligi Podshohi Abdulla II ibn al-Husayn o‘rtasida keng ko‘lamli hamkorlik kelishuvlari imzolangan edi.

✅ Ana shu tashrifda belgilangan hamkorlik aloqalarini yanada rivojlantirish maqsadida O‘zbekiston Respublikasi Prezidenti maslahatchisi Sardor Umrzoqov, Prezident maslahatchisi o‘rinbosari, O‘zbekiston xalqaro islomshunoslik akademiyasi rektori Muzaffar Kamilov, Din ishlari bo‘yicha qo‘mita raisining birinchi o‘rinbosari Davronbek Maxsudov, O‘zbekiston musulmonlari idorasi raisi o‘rinbosari Muhammadolim Muhammadsiddiqov hamda mamlakatimiz rasmiylaridan iborat delegatsiya Iordaniya mamlakatida xizmat safari bilan bo‘lib turibdi.

📌 Delegatsiya a’zolari Iordaniyada bir qator hamkorlik uchrashuvlarini o‘tkazishlari rejalashtirilgan. Ana shu muloqotlarning dastlabkisi Iordaniya Hoshimiylar Podshohligi Podshohi Abdulla II ibn al-Husayn o‘rtasida o‘tkazildi.

🔰 Unda O‘zbekiston Respublikasi Prezidenti maslahatchisi Sardor Umrzoqov hamda Prezident maslahatchisi o‘rinbosari, O‘zbekiston xalqaro islomshunoslik akademiyasi rektori Muzaffar Kamilov ishtirok etdi.

❇️ Uchrashuvda Prezident maslahatchisi Sardor Umrzoqov Podshoh Abdulla II ibn al-Husayn Janobi Oliylariga samimiy qabul uchun minnatdorlik bildirdi. O‘zbekiston va Iordaniya o‘rtasida hamkorlik aloqalarida yangi davr boshlanganini e’tirof qildi.

✔️ O‘z navbatida Podshoh Abdulla II ibn al-Husayn Iordaniya va O‘zbekiston o‘rtasidagi mustahkam do‘stlikni yuqori baholab, hamkorlikni davom ettirish va mavjud o‘sish imkoniyatlaridan, xususan, savdo, sarmoya, sog‘liqni saqlash, ta’lim va turizm sohalarida foydalanish zarurligini ta’kidladi.

▫️ Shuningdek, delegatsiya a’zolari kun davomida Qirol hazratlarining Din va madaniyat masalalari bo‘yicha bosh maslahatchisi, shahzoda

Amir G‘oziy,

Vaqf islom ishlari va muqaddas qadamjolar vaziri

Muhammad al-Halayala,

Iordaniya bosh muftiysi

Ahmad al-Hasanot

hamda Tashqi ishlar vaziri

Ayman Safadiy

bilan ham uchrashuvlar o‘tkazdi.

♻️ Tashrif davom etmoqda.

🌐 Din ishlari boʻyicha qoʻmita
Axborot xizmati

Telegram | Instagram| Facebook | X |Youtube

#Umra
#Noqonuniy_faoliyat

Umra tadbirlarini tashkil etishga oid reklama qonunchiligi buzilishi yuzasidan tegishli choralar ko‘rildi

🏢 Raqobat qo‘mitasining Farg‘ona, Andijon va Buxoro viloyatlari hududiy boshqarmalari tomonidan o‘tkazilgan o‘rganishlar davomida “Umra” tadbirlariga oid reklama qonunchiligi buzilish holatlari aniqlandi.

📍Farg‘ona viloyati misolida

Hududiy boshqarma tomonidan o‘tkazilgan o‘rganish jarayonida fuqaro X.S o‘zining “Umra” Telegram sahifasida tegishli litsenziya va ruxsatnomalarsiz safar xizmatlariga oid reklamalar tarqatganlik holatlari aniqlandi.

Holbuki, amaldagi “Reklama to‘g‘risida”gi Qonunning 16-moddasiga ko‘ra, litsenziya va maxsus ruxsatnoma talab etiluvchi xizmatlarni hujjatlarsiz reklama qilish qat’iyan taqiqlanadi deb belgilangan.

Yuqorida aniq­langan holatlar yuzasidan hududiy boshqarma tomonidan fuqaroga nisbatan ma’muriy javobgarlik chorasi ko‘rishi bo‘yicha ma’lumotlar sudga yuborildi.

📍Andijon viloyati misolida

Hududiy boshqarma tomonidan o‘tkazilgan o‘rganish jarayonida “ABU ZUBAYR TREVEL” MChJ litsenziya va ruxsatnomalarsiz “Umra” tadbirlarini tashkil etish bilan shug‘ullanib, Telegram ijtimoiy tarmog‘ida ularni keng targ‘ib etganlik holatlari aniqlandi.

Yuqoridagi aniq­langan holatlar yuzasidan hududiy boshqarma komissiyasi tomonidan “ABU ZUBAYR TREVEL” MChJga nisbatan “Reklama to‘g‘risida”gi Qonunining tegishli moddalarini buzish yuzasidan ish qo‘zg‘atilib, ishni ko‘rib chiqish yakunlari bo‘yicha moliyaviy jarima qo‘llash yuzasidan qaror qabul qilindi.

Shuningdek, qonunbuzilish holatini bartaraf etish va kelgusida yo‘l qo‘ymaslik yuzasidan ko‘rsatma berildi.

📍Buxoro viloyati misolida

Hududiy boshqarma tomonidan o‘tkazilgan tahlillarda “SOKIN TURIZM BUKHARA” MChJ tomonidan ham tegishli litsenziya hujjatlari mavjud bo‘lmagan holda “Umra” tadbirlariga oid reklamalar tarqatilgani aniqlandi.

Yuqoridagi aniq­langan holatlar yuzasidan hududiy boshqarma komissiyasi tomonidan “SOKIN TURIZM BUKHARA” MChJga nisbatan “Reklama to‘g‘risida”gi Qonunining tegishli moddalarini buzish yuzasidan ish qo‘zg‘atilib, ishni ko‘rib chiqish yakunlari bo‘yicha moliyaviy jarima qo‘llash yuzasidan qaror qabul qilindi.

Shuningdek, qonunbuzilish holatini bartaraf etish va kelgusida yo‘l qo‘ymaslik yuzasidan ko‘rsatma berildi.

📌 Raqobat qo‘mitasi fuqarolar va tadbirkorlik subyektlariga eslatadi: litsenziya yoki maxsus ruxsatnoma talab etiluvchi xizmat va mahsulotlarni hujjatlarsiz reklama qilish qonunbuzilish hisoblanadi.

🔹 Norasmiy reklama iste’molchilarni chalg‘itishi va insofsiz raqobatga olib kelishi mumkin.

🔸 Qonunga zid holatlarda moliyaviy jarima va boshqa huquqiy choralar qo‘llanishiga olib keladi.

🔰 Barcha fuqarolar va tadbirkorlardan reklamada qonun talablariga qat’iy rioya etishni so‘raymiz.

🌐 Din ishlari boʻyicha qoʻmita
Axborot xizmati

Telegram | Instagram| Facebook | X |Youtube