يا نسيم الروض زورنى في الماسيه
وجيب لي الطيب من جناين آسيا
وأنعش روحي من الم البين
نسيم الروض نفحاتك باديه
غمرت أرجاء الحضر والباديه
أظنك مريت في ساعة هاديه
وعانقت غصين الزهره الناديه
جاتنى النسمات بطيبك ساريه
وجدت عيني دموعن جاريه
قالت ياعشوق محبوبتك داريه
بحالك وليك دائما طاريه
شكرا يا نسيم أخبارك وافيه
لكن رياك لشفاى ما كافيه
ما اظنى أطيب وأشوف العافيه
غير ما أنظر الجميلة وجافيه
زوري في الطيف ياغانيه
انا روحي للموت دانيه
لو أشوف ناعساتك رانيه
الامى تضيع في ثانيه
ياخلاصة الدرة الغاليه
غير فصدة خدودك حاليه
ليك حق لو لعاشقك ساليه
مادام فاتنه من حب خاليه
نيران هجرك لاعضاى كاسيه
مازينى جفاك ولى ما ماسيه
كيف شوفتك ما تصبح قاسيه
والنجوم قصرت لعلاك ما مواسيه …

أمانة عليك يا تايه الخصل
ويا خير عمّ في دروب عمرنا الضايع هطل
أنحنا متين عرفناك
ومتين الكنا ما دايرنو يحصل
داس مشاعرنا وحصل
شلناك شمعة نسقيها الحنان
غصونها ضوها ما فتر
وغنيناك
كاشواق شاربة روعتنا وحنان
همساتنا روعتنا وحنان
همساتنا لابسة ضي القمر
وغنيناك كآمال ما بتخيب
ريانة تنضم نجمة نجمة
تغزل الآهات بعهود مغسولة بعرق السهر
شلناك فوق رموش العين
سنين يا عمري كانت ساهرة تواهة درب
وحياة الحنان الدقنا ليلات لو بتتزكر عسل
وحياة آهة
ساقيها الدلال من النعاس خدر الكسل
تايه الخصل

ﺍﺟﻤﻞ ﻣﻨﻮ ﻓﻲ ﺍﻟﻜﻮﻥ ﻛﻠﻮ ﻣﺎ ﺷﻔﻨﺎ
ﺟﻮﺩ ﻳﺎ ﺍﻟﻠﻪ ﺑﻲ ﻟﻘﻴﺎﻫـﻮ ﺃﻧﺼﻔﻨـﺎ
ﺭﺍﺿﻴﻦ ﻧﺤﻦ ﻣﻬﻤﺎ ﺣﺒـﻮ ﻛﻠﻔﻨـﺎ
ﻷﻧﻮ ﻣﻠﻚ ﺷﻌﻮﺭﻧﺎ ﻣﻠﻚ ﻋﻮﺍﻃﻔﻨـﺎ
ﻭﺍﻟﻔﻨﺎﻫـﻮ ﻟـﻮ ﻳﺮﺣـﻢ ﻳﻮﺍﻟﻔﻨـﺎ
ﻧﺤﻦ ﻧﻄﻴﻌﻮ ﻣﺎ ﺩﺍﻳﺮﻳـﻦ ﻳﺨﺎﻟﻔﻨـﺎ
ﺣﺎﻭﻝ ﻣﺮﻩ ﺯﻭﺭﻧﺎ ﻋﺸﺎﻥ ﺗﺸﺮﻓﻨـﺎ
ﻭﺑﻲ ﻣﻌﻨﻰ ﺍﻟﺠﻤﺎﻝ ﺍﻟﻔﻄﺮﻱ ﻋﺮﻓﻨﺎ
ﻟﻔﻴﻨﺎ ﺍﻟﻤﺪﺍﻳـﻦ ﻭﺍﻟﻘـﺮﻯ ﻭﻃﻔﻨـﺎ
ﺯﻳـﻚ ﻻ ﺑﻨﻼﻗـﻲ ﻭﻻ ﺑﻴﺼﺎﺩﻓﻨـﺎ
ﻳـﺎ ﺳﻮﺍﻗﻨـﺎ ﻗـﺪﺍﻡ ﺑﻴﺘـﻮ ﻭﻗﻔﻨـﺎ
ﺧﻠﻴﻬﺎ ﺍﻟﺰﻫـﻮﺭ ﺗﻤـﺮﻕ ﺗﻼﻃﻔﻨـﺎ
ﻣﺎ ﺣﺒﻴﻨﺎ ﻏﻴـﺮﻭ ﻭﻫـﻮ ﻋﺎﺭﻓﻨـﺎ
ﺩﺍﻳﺮﻳﻦ ﻟﻲ ﻟﻤﺎﻫﻮ ﺍﻟﺤﻆ ﻳﺤﺎﻟﻔﻨـﺎ
ﻟﻴﻚ ﻏﻨﻴﻨﺎ ﻭﺗـﺮ ﺳﻠﻜـﻮ ﻋﺎﺯﻓﻨـﺎ
ﻧﻈﻤﻨـﺎ ﺍﻟﻘﺼﺎﺋـﺪ ﻓﻴـﻚ ﻭﺃﻟﻔﻨـﺎ
ﺩﺍﻳﻢ ﺣﺒﻲ ﻟﻴﻚ ﻭﻣﺴﺘﺤﻴـﻞ ﻳﻔﻨـﻰ
ﻭﺳﻴﻞ ﺍﻟﺸﻮﻕ ﻋﻠﻰ ﺍﻟﺤﺎﺑﻨﻮ ﺟﺎﺭﻓﻨﺎ
ﺗﻌﺎﻝ ﺑﺎﻟﻠﻪ ﺃﺭﻗﺺ ﺗﺎﻧـﻲ ﺃﺗﺤﻔﻨـﺎ
ﻭﺑﻲ ﻋﻴﻨﻴﻚ ﻟﻮ ﺑﺘﺤـﺐ ﺗﻜﺎﺷﻔﻨـﺎ
ﻧﺎﺭﻱ ﺃﻧﺎ ﻣﻦ ﻋﻴﻮﻧﻮ ﺍﻟﻤﻨﻬﻦ ﺧﻔﻨـﺎ
ﻋﻴﻮﻧﺎ ﺑﺎﻟﺴﻬـﺎﻡ ﻛـﺎﺩﺕ ﺗﻨﺸﻔﻨـﺎ
ﺇﻥ ﻧﺴﻔﺖ ﺳﺒﻴﺒﻪ ﻣﻌﺎﻫـﻮ ﺗﻨﺴﻔﻨـﺎ
ﻭﺇﻥ ﻣﺎﻟﺖ ﺑﻌﺪ ﺳﺎﺑﺘﻴـﻦ ﺗﺮﺟﻔﻨـﺎ
ﺣﻴﺎﺗﻨﺎ ﻋﻠﻴﻬﺎ ﻣـﻦ ﻗﺒﻠـﻚ ﺗﺄﺳﻔﻨـﺎ
ﻭﻟﻮ ﻣﺎ ﺷﻔﻨﺎ ﺣﺴﻨﻚ ﺗﺎﻧﻲ ﺷﻦ ﺷﻔﻨﺎ

وحياة شبابك ذبت في عينيك حنان ومغازلة
سافرت فى رحلة مشاعر ملهمة ومتأملة
شفت الورود من وجنتيك غيرانة جات متوسلة
حتى القمر غار من صفاك واصبح يردد فى الصلاة

شوك الشوق لى الشوف آ خَىْ
ضارب فِطن النسج الحى

قصة اغنية
كيف لا اعشق جمالك
قيل والعهدة علي الراوي:

كيف لا أعشق جمالك والتي تغني بها عثمان حسين قبل ما يقارب نصف القرن كان شاعرها علي محمود التنقاري له دكان في السوق بشارع العناقريب وفي مرة هو في دكانه مرت فتاة ممشوقة القوام فنظر إليها ولكن لم يتأكد من ملامحها وفي ذاك الزمان كان الحياء والعفة تمنع الرجل من الحديث المباشر مع مرأة لا يعرفها فظلت الفتاة في ذاكرته بعد ثلاث اشهر وهو في دكانه رأي أهل الفتاة قادمين من السفر وكان منزلها قرب دكانه فإنتهز الفرصة لرؤيتها وقدم يد المساعدة في حمل الحقائب حمل الحقيبة الاولي والثانية فكانت خفيفة الحقيبة الثالثة كانت تقيلة فتعب من حملها فجاءت الفتاة وقالت ياعم ليه تتعب نفسك أرتاح شوية فرفع راسه فرأي وجه الفتاة أية من الجمال هي نفس ملهمته فإنطلقت الكلمات.
كيف لا اعشق جمالك
ما رأت عيناى مثالك .. و كيف لا اعشق جمالك
كيف لا اعشق جمالك .. و انت مغرى
أعجب بجمال الفتاة وادبها لانها طلبت منه الراحة وسقته الماء الباردفقال:
زنت بى ادبك جمالك .. و انت سحرى
عندما حمل الحقيبه وشعر ببعض التعب رأي في ذلك بعض الزل والهوان ولكن كل يهون من أجل هوي هذه الفتاة فقال :
فى هواك لاقيت هوانى .. و بيهو راضى

كيف لا اعشق جمالك

ما رأت عيناى مثالك .. و كيف لا اعشق جمالك
كيف لا اعشق جمالك .. و انت مغرى
زنت بى ادبك دلالك .. و انت سحرى
فيك اجمل شي خصالك .. و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
...
بسمتك توحى الاغانى
و اسمى ايات المعانى
فى هواك لاقيت هوانى ..
و بيهو راضى
معتلى قلبى و لسانى
تندى زى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك
....
انت رافل فى نعيمك
و بس انال منك جحيمك
و قول لى كيف اظفر بليمك
نارى تتطفى..روحى ترقى
فى سما العز ذي كمالك

وحياة ابتسامتك ياحبيبى وحياة عينيك
قلبى حاذرك ومن زمان سائل عليــك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات ولويل

ﻗﻬﻮﺓ ﻣﻨﻚ ﻟﻮﺣﻪ ﻳﺴﺤﺮ ﻓﻴﻬﺎ ﺑﻨﻚ ﺍﻧﺼﻬﺮ ﻓﻴﻬﺎ
ﺍﻟﺪﻭﺍ ﻓﺮﺯ ﺍﻟﺒﺨﻮﺭ ﻋﻄﺮ ﻣﻜﺎﻧﻚ ﻭﻟﻲ ﻣﺤﺎﺳﻨﻚ
ﺍﺣﺘﻮﻱ ﺍﻗﻠﻲ ﺑﻨﻚ ﻧﺠﻀﻲ ﺍﻧﺎ ﻗﻠﺒﻲ ﻟﻲ ﻧﺎﺭﻙ
ﻫﻮﺍ ﻳﺎﻗﺴﻤﺔ ﺍﻟﺰﻭﻝ ﺍﻟﺸﺮﺏ ﻣﻨﻚ ﺭﻭﻱ ﻭﻣﻦ
ﻗﻬﻮﺗﻚ ﻣﺎﻗﻬﻮﺗﻚ ﻳﺎ ﻗﻬﻮﺗﻚ ﻣﺎﻣﺎ ﻗﻬﻮﺗﻚ ﻳﺎ
ﻗﻬﻮﺗﻚ ﺭﺍﻳﻘﻪ ﺑﻲ ﺭﻗﺔ ﺍﻧﺎﻣﻠﻚ ﻭﻣﺎﺧﺪﺍ ﻟﻮﻥ ﻣﻦ
ﺳﻤﺮﺗﻚ ﻛﺒﻲ ﺑﻜﺮﻱ ﻛﺒﻲ ﺑﻜﺮﻱ ﻭﺍﻟﺒﻀﻮﻕ
ﻓﻨﺠﺎﻧﺎ ﻣﺮﺓ ﺗﺎﻧﻲ ﺑﻜﺮﺓ ﻳﺠﻴﻬﺎ ﺑﺪﺭﻱ ﻳﺒﻘﻲ
ﻣﺸﺮﻭﻕ ﻣﻦ ﺷﺮﺍﺑﺎ ﻭﺭﻋﺸﺔ ﺍﻟﺸﻮﻕ ﻓﻴﻬﻮ
ﺗﺴﺮﻱ ﺑﺨﺮﻳﻨﺎ ﻭﻓﺮﺣﻴﻨﺎ ﻭﻣﻦ ﻋﻴﻮﻥ ﺧﻠﻖ ﺍﻟﻠﻪ
ﺗﺒﺮﻱ...ﺍﻧﺖ ﺗﺒﺮﻱ ﻭﺗﺒﺮﻱ ﺍﻧﺖ ﻭﻣﻦ ﻋﻴﻮﻥ ﺧﻠﻖ
ﺍﻟﻠﻪ ﺗﺒﺮﻱ..ﺗﺒﺮﻱ ﺍﻧﺖ ﻭﺍﻧﺖ ﺗﺒﺮﻱ ﻭﻣﻦ ﻋﻴﻮﻥ
ﺧﻠﻖ ﺍﻟﻠﻪ تبري

اقول بس نسيتك وجرحك يتاور
..

أنا لي مدة طالت ما شاهدت قمري
ما شاهدت غصن اليانع فيه ثمري
أنا ماشفت محبوبى البيفداه عمري
اسكر من عيونه هي كأسات فيها خمري

غناء: عبدالعزيز داؤود

يا نديماً عب من كأس الصبا
ومضي يمشي الهوينى طربا
بت أشكو لنجم في الليالي دمعا
ولطل فوق زهر كاللآلي جميعا
ونديمي عب من كأس الصبا وسقاني
ثم عاف الكأس عاف الملعبا وجفاني
هاهنا الزهر وروض واختلاء
وهنا الليل وبدر وضياء
وهنا الكأس وخمر وانتشاء
وهنا الشادي يغني عجباً وأماني
يا نديمي طافت الأحلام بالفكر حيارى
وسرت تسبقها الأنغام في طهر العذارى
ونديمي أول الآطياف في الفجر توارى
واذا ما القلب اضحي لهبا كم يعاني
ونديمي عب من كأس الصبا وسقاني

غبت عن إنساني

كلمات : عبد الرحمن الريح
غناء : أولاد الموردة

غبت عن إنساني
يا وحيد الكون السقام مساني
إذا فراقك طال أبقي لا تنساني

غبت عن إنساني
و إنت ساكن قلبي و ذكرتك في لساني
صابحتني دموعي و السهر ماساني
عيني بعد فراقك فارقت اوساني

أشكو ليك هواني
لو تبطل هجري و نفرتي و سلواني
ديمة أراقب هجرك شبت قبل أواني
حبك أمرض قلبي و ما رجع داواني

ذنبي إيه تسلاني
سيب نفورك و أترك طبعك الغزلاني
قبل طرفي يشوفك حبك إتوالاني
قل صبري و في نار العشق خلاني

يا سرور أحزاني
كلما زاد شوقك فيك تزيد أوزاني
لي غرام في جمالك بي الغرام جازاني
الدعج في عيونك يا حبيبي أذاني

عينك الساحراني
تزري عين الشادن و الغزال الراني
أمدحك بمحاسنك يا جميل و أراني
شفت كم من شاعر في غناك جاراني

عندي فيك معاني
غيري مين يدريها سيبني وحدي أعاني
أسعي لرؤياك و للعذاب تسعاني
في إشتياق لشوفتك و الظروف مانعاني .

يا جاهل نفورك ممزوج بالحنان
طـــــرفك فطره فاتر واسهامك سنان

حين ما نظرت خدك لي قدت العنان
من نظراتك صرت زي شارب الدنان

اطفي لهيب جواي يا حور الجنان
وليك ضحيه دمي خضــبه البنـــــان

في الليل المعتم محياك بدري بان
لونك زاهي اسمر وقامتك غصن بان

اردافك بخصرك ياحبيب لاعبان
وقدام ناعســــاتك الفـــارس جبـــان

انا في اوصاف محاسنك سجلت الرهان
وكل عزيز لعزك يا مصـــيون مهــان

والبدرين وخدودك هم متشابهان
وقلبك لي قاسي وكيف ليك موتي هان

ياكروان ترنم بي صوت الكمان
وشوف محبوبي باسم بالدر ما جمان

بهواك يا نعيمي وخائف من زمان
عارفك يا المـتدلل مـا عندك امــــــان

مالو حبيبي قلبك لو كان لي لان
وشاف تعذيب فؤادي البي حبك ملان

الناس عرفوا حبي في السر والعلن
بس ما عرفوا اسمك يالاسمك فلان

كلمات : عبيد عبد الرحمن
لحن و غناء : سرور

صفوة جمالك
صافي الماء علي البنور
ينعم صباحك خير
يسعد مساك النور

نور من جمالك بان
لا نور شموس لا بدور
فقت المعاك في الجيل
فقت المعاك في الدور
يا الفي علاك بعيد
و سماك سابع دور
ذقت الهلاك يا ملاك
في هواك هلاكي بدور

أنا في شقاي ولهان
يا الفي النعيم مغمور
فرشي القتاد يا جميل
ثم اتسادي جمور
يرضيني ما يرضيك
و الناس امورها امور
و محال اسيبه هواك
إذا السماء تمور

طرفي السهير يا سمير
النوم يضره ضرور
و عذابي لو سراك
طبعآ اكون مسرور
اوعد جفوني غميض
و الطيف يزورني مرور
أفرح و أقول يا ليل
و أشرح و احاكي سرور

يا فرحة المحزون
يا نفثة المصدور
مرآك يزيل الهم
يمحي الأسي الفي صدور
اسمحلي اتلو ثناك
و الدور يفاخر الدور
و يفوح نشيدي الفيك
زي نفحة الريفدور

بين القلوب ميزان
صفا وزنها المعبور
قلبآ يميله الحب
و قلبآ يميل مجبور
إنسان عشق إنسان
و إنسانه ما مخبور
شخص الوفاء المفقود
و لفقده ماني صبور .

: محمد بشير عتيق
دكــــتوره - عتيق


دكــــتورة


مريض سيادتك طايع أرادتك وقاصد عيادتك
من نظره خاطفه . وأقل عاطفه آلامه تشفى وحرارته تطفى



مرضان سيادتك لازم عيادتك
أصبح أسيرك وصار مستجيرك . وماليه غيرك . وماذا يضيرك
بى روح وإلفه . لى روحه تلفى . بس حبه ( سًلْفه )
ولو فيها كُلفه



فيك المحاسن سطعت شموسه أجمل رشاقه والطف أنوثه
وإذا سَفَرت وفي الروض خَطَرَت
ليك الأزاهر
تعزف مزاهر
والناس تظاهِر في كُل غرفه وكل شُرفه



أياك طبيبي وأنت المداوي
وأياك حبيبي الخليتني راوي
لى فكرِي توحي . أدبي وطموحي وبالله روحي
أطلق صراحا
وأضمُد جراحا
وأدِّيها راحا
وقول فيها (وصفه) مع إبتسامتك دنياها تصفى (1)

جمعة طيبة
نتمنى لكم قضاء وقت ممتعا في قناتنا

من إروع القصص الشعرية روعة التصوير تتجلي في الأبيات وعفويتها وبساطتها
*يا ساري الليل ما شفت عوض؟*
*بقلم: الفاتح عبد الله طه*
🏞 في العام ١٩٨٨ .. أطل النيل بعنفوانه الرهيب ! وبدأ زحفه الكاسح نحو الزرع والضرع ! تشمّرت سواعد الرجال والنساء والشباب يحملون التحدي في نفوسهم ..ومعاول بناء الجسور والسدود في أيديهم ..انتظمت ملحمة أهل البلد وتشكلت ورديات الحراسة والمتابعة ليلا نهار ..
🏞 ( عوض ) ابن العشر سنوات كان يشاهد تدافع أهله وأبناء عشيرته ، وهم يردمون سواحل النيل بجوالات الخيش درءا للخطر القادم ! يتناوبون على نقاط المتابعة ،ويضربون اروع الامثله في تماسك نسيجهم الاجتماعي الفريد !
تسلل ( عوض ) من بين دروب الحِلّه المشغولة بحديث (فيضان النيل ) ..كاتماً اسرار نفسه بين جوانحه ..وحديثه الصامت !
🏞 فجأة ..غاب عوض عن المشهد الدراماتيكي ! لا احد يعرف أين ذهب ؟ وكيف اختفى ؟ توزعت عيون الناس ما بين مراقبة ارتفاع منسوب النيل ، والبحث عن عوض !
🏞 على الجسور ونقاط مراقبة الفيضان الممتده عبر النيل ،بدأ الناس يتداولون حكاية عوض الذي غاب ! ..تُنسج القصص الواحدة تلو الاخرى ... بعضهم يقول رأيناه يمشي في اتجاه البحر ! وآخر يقول رأيته على حافة البئر ..وآخرون يؤكدون بأنهم رأوْا جثته تمسك بها أشجار جزيرة في عرض النيل مقابل منطقة اوسلي ومساوي! وتتبدد الحكايات عند سماع صيحات الاستغاثة بان ( الجُسر ) انكسر في نقطة ما !
🏞 تسرب لُغز اختفاء عوض وانتشر بين البوادي والحضر ...
🏞 اسقط الاستاذ حاتم حسن الدابي اشعاعاته الشعرية على المشهد الحزين ، فكان ميلاد ..يا ساري الليل..ما شفت عوض ...
انطلقت القصيدة بلحنها الجميل وكلماتها الأنيقة بصوت الفنان عبد الْقَيُّوم الشريفي ..ويرددها كل أهل السودان ..
ما شفت عوض تابع النجمات فات لي قدام ..
يا ساري الليل
درويشاً من يا دوب صغير عشرة أعوام
الزول زول الله من الصلاح الرفعت عنهم الأقلام
دي بركة الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
في يوم البحر الجانا تسب وقام
يوم دخل الحلة وهد بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق في سفره طويله مع الأيام
متجلبب بي تيبان الرحمة غطا وهندام
متنعلت بي أرض الله الواسعة خطى الأقدام
متزود شايل خير الزاد وحي وإلهام
ما شفت جناح جبريل غتاهو بقالو مظلة جلوس وقيام
فتشنا سما وفتشنا أرض ما شفنا منام
في التمر الشايل تكا سبيطو مدلدل خام
في الجرف الأخضر في لوبيهو وفي النجام
في جدول جاري يسقي الحلة تسرسر مويتو نعيماً دام
يبقالي نجع متوجه قاصد أرض الشام
ما شفتو هناك مع الحجاج لابس الإحرام
في يثرب ومكة وفي بيت الله المكسي رخام
يبقالي هناك يكون مندسي مع الخدام
يا ساري الليل أنا داير أوصيك وأديك كلام
الروح ان صعدت لي باريها وفي جنات الخلد مقام
لو كان لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام..
تحية الي أهلي في منحني النيل وهم يشمرون السواعد لدرء الفيضان