السلام ياروح البدن
يا غصين النقا يا لدن
يا مهفهف يا املدن
ليك غصون البان قلدن
اشكو ليك ايامآ عدن
الامان يا جنة عدن
غنى قمري الليل منشداً
اسكر العشاق غير دن
كل من يتعشق شدن
قل منامو ليترك سدن
جاز سربا زاينو الفطن
للاحتفال بي قرب الوطن
كلما ماسن خطن
خطوه لي بالقنبل سطن
بي وحل للتبر نقل
يمشي حبه وشعره واقل
انعقد رجحن بى العقل
وهط المهدول في الكفل
النسيم سارقني وركن
لي تسرب نديدو العكن
انعشاني وهاج من سكن
والعيون لا اشعر بكن
غنى شادى وسفر الحشيم
فاق للابريز الغشيم
قلبي انا المحسور الوشيم
كهربائي وسلكو الرشيم
كم قلوبا بك هلوسن
تصحى يا ذو الوجه الحسن
كيف عيوني الليل ينعسن
وانت ساكن بدل الوسن
بوبح المبروم وانفقل
حاكي ظبى الريل الوقل
يا سلام هاتيك المقل
ما راءهن عاقل وعقل
والعجب في الدور الخفيف
حاكي راسي الموج مو اب زفيف
ما دنا شبالن طفيف
الا راسي وزولا عفيف

ود الرضي لمن كتب أغنية (أنا في التمني ) ..
إتهموه بالفسوق والصعلكه.. في إنو كيف يقول ( أقيس الفم بودعه وألقى الودع واسع )
شاكلوه ومسحو بيو البلاط.
وقالوا ليو انت زاتك شفت خشمها دا وين؟ لمن عرفتو قدر شنو، وخصوصا إنو البنات في الوقت داك متبلمات وبتغطو ويظهرو عيونهم بس زي النقاب.

قام قال ليهم ود الرضي :
البت دي انا صراحة ما شفت خشما والله، كل الحكاية جات داخله الحفلة، وكانت ترقص في السباته وشفت اثر كرعينا في الرمله.. وقديما (متبور) يعني صغير ومقعر للداخل يعني محفور..
والقدم المتبور دا تلزمو الساق الملانه .. والساق الملانه يلزما الردف الملان .. والردف الملان يلزمو الضهر الطويل ..
ومافي ضهرا طويل رقيبتو قصيره .. يعني ضهرا طويل ورقبتا طويله .. والرقبه الطويله يلزما الشعر الطوال ..
والشعر الطوال معروف يشد النخره ويصغر الخشم.

يحكى أن
أولاد الموردة
كانوا بغنوا
(في راديو أم درمان) بكلمات عبدالرحمن الريح ،
أنا بيك سعادتي مؤكدة ، وبلاك حياتى منكده.
وكانت من الحضور إمرأة كبيرة صالحه ، وكانت كثيرة الصلاة على النبي صلوات ربي وسلامه عليه !!
فكانت تتمايل مع الأغنية ، وتقول بعد كل مقطع (عليه افضل الصلاة والسلام) !!
ثم يردد أولاد الموردة :
وأنا بي محاسنك بفتخر ،
وإنت المحاسن سيدا،
يومي الاشوفك
يبقى عيد ، والدنيا تبقى معيده !!
هنا .. ذرفت الحاجة دموعها بغزاره !!
فأوقف صاحب الدكان الراديو رفقا بها !!!
فالحاجة ما كانت تظن أبداً بأن تلك الأغنية في الغزل !!
فصدق القائل :
(يغني المغني وكلا يبكي علي ليلاه) !!
البدر لو شافك يدوب من الأنوار الجيدة ،
أما الشمس لو شافتك ترجع أسيرة مقيدة !!
مهما أعاين في الوجوه،
وين زي محاسنك أوجدا ؟ !!


اللهم صلِّ وسلم وبارك علي طب القلوب ودوائها، وعافية الأبدان وشفائها، ونور الأبصار وضيائها، وعلي آله الطيبين الطاهرين، وصحبه الغر الميامين، ومن اتبعهم بإحسان إلى يوم الدين 💙💙

جافي المنام

جافي المنام لاسعني حي
ام زاد غرام ضاوي المحي
قالب الدرع يقدل ضحي
طال جيدو فاق ظبي السحي
قال لي تطوف بي كل حي
كيف تبقي عاشق وانت حي
لو يا نسيم مريت عشي
قبل فويطرات الرشي
قوليه قط ما بي شي
الا الغرام شاويني شي
خليك حنين رايق بني
لاتتني قامة الدابو ني
املد خصر خاتي التني
حق صدرو يلعبو التني
عينيك متل عين الجدى
السارحة بي شويدن الربي
كم بالدعج هلكن صبي
جاهلابو زي ماجاهلة بي
يا الفى الردف خصرك تكي
انا من هواك دايماً شكي
فاطرك وقد بالبسمة كي
يشويني لا يكويني كي
نورتي يالخد الجلي
تخفي الجواهر و الحلي
خبرني يا اب صدراً عُلي
البرتكان ليك والا لي
قالت دا لا اتباع لا شُري
احسبلو فوق نجم التري
لسع رخيص ناعم طري
خمر الدلال باقيلو ري
سائل حميمات الودي
بالزمة يغشن للجدي
يردن ذلال فاهو الندي
عن نيلو قصرن ساعدي

سألوني عن طعم الفرح
وصفت ليم عينيك وصف
انت البشوفك ما بفوت
غير لما بالريد يعترف

وجهك بفيض رقة ودلال
والكل عشمان يرتشف
ونا يا ملاك انا حظي بيك
خلاني عندك اعتكف

فيك حاجة ما مفهومه لي
بتشد قلوب الناس عليك
خليتني اعتزل البشر
واشد رحالي لمقلتيك

شارد وتايه في الفكر
وقليبي مملوك بس اليك
انا من ما شفتك يا ملاك
صبحت حياتي تحت ايديك

انا لو طبيب لي كل مريض
في كل روشتة حأكتبك
وبكون ملكت الكون خلاص
ساعة خلاص انا اعجبك

واسورك جوة القليب
شان من عيونهم احجبك
واكتر الشوق والحنان
بي قوة في الريد اغلبك

لو يزور طيفك خيالي ** يبقى وعد اللقيا قرب

أصلي مغرم بعيونك ** قلبي في بعدك معذب

أصلي في أيام غيابك ** ما بيزور النوم عيوني

طالعة في أنفاسي آهة ** يالهواك مصدر شجوني

ياما ديمة بغني ليك ** انت يا الهام عيوني و

تشرق الآمال في قربك ** وياما بيكي يضوي نوري

دنيك غير دنياك قاسية ** انت ساقطة وديمه ناسية

يا ما شوفتك لي شافية ** ابتسامتك ليا عافية

لو يزور طيفك خيالي

شغل القليب بالشوق على زولاً بحن
طبع الفراق الجوة إحساسي الدفين صورة شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيلة وبدلا
عشرة سنين ممزوجة بي أحرف وفاء ما أجملا
عزاي حروف بعد الشقاء مسح الليالي وحولا
سلواي قصايد شاعر إتغرب وزادو بقى الصبر
نعمل شنو إلا الحصل بيناتنا ما نفذ القدر
يرجع يعاودني الحنين خاطري إنكسر يوم إنجبر

ما تنسي لي ترسلي يسعدني انك تذكريني
وعني دايماً تسألي
إذكري الريدة الكتبنا حروفا بي أجمل وفاء
أذكري الريدة القبيل عجز الخيال ما يوصفا
أطري الحنان المني ليك ساعة شقا وساعة صفا
أذكري الود الزمان بيناتنا وأطري المعرفة
بوصيك أنا لو إفتكرتي في يوم في زاتك
وبحثتي عن الما إنقضى من عمري من فيض إمنياتك
ولقيتي في جواك أوصافي وصفاتك
أنا لسا ما سكت النغم في صدري من فيض إمنياتك
على أي حال إن شاء الله ما آخر وداع
عشم اللقاء بيك ما إنقطع لو مستطاع
أصلو الحياة بين الأمل والشوق صراع
لكني زورق حبي ليك ياغالية ما داير شراع

الزمان زمانك أهدي لي من فضلك نظرة من رمانك
ياالفريد في عصرك قلبي فاقد أمانك
حرام عليك تهجرني وترضي بحرمانك
بالكمال شرفت مواطن أمدرمانك
بالجمال امتزت علي شباب أزمانك
يا أنيس الصيد أنا في الغرام إنسانك
إنت روح شعري وأنا في الشعر حسانك
لوقصدت هلاكي تجدني من فرسانك
وان عطفت علي فذاك من إحسانك
ياالحنين في نفسك قول لي وينو حنانك
شلت قلبي ودمي خضبت بيهو بنانك
لو مرقت تمر في الروض علي أفنانك

حيرت أفكاري
كلمات : خالد أبو الروس
لحن و غناء : إبراهيم الكاشف
حيرت أفكاري معاك
إنت وين يا سيدي
أخذ الرياض لطفك
و النسمه من ظرفك
أسكرني طيب عرفك
و إحترت في وصفك
إنت وين يا سيدي
يا فتنه يا مغري
يا باسم الثغري
يا طلعة الفجري
يا دنيا من زهري
يا الخمري في لونك
ساحرني بعيونك
كل شئ جميل دونك
كالشمس في علياك
سامي و جهرني ضياك
اسكرني طيب رياك
إنت الملاك إياك
يا نوري يا ناري
بهواك و ما داري
ناسيني ليك طاري
وساكن قريب جاري
انت وين يا سيدي .

شوف روعة شعراء الحقيبة محمد بشير عتيق بقول
ﻛﻨﺎ ﺩﺍﺧﻞ ﺭﻭﺿﺔ ﻣﺎﻓﻴﺶ ﺣﺪ ﺳﻮﺍﻧﺎ
ﻏﻴﺮ ﺍﻥ ﺍﻟﻘﻤﺮﻱ ﻳﻬﺘﻒ ﺑﻲ ﻫﻮﺍﻧﺎ
ﻣﻦ ﺍﻏﺎﺭﻳﺪ ﻓﻨﻮ ﻳﺴﻤﻌﻨﺎ ﺍﺳﻄﻮﺍﻧﻪ
لحدى هنا كويسين وهو بوصف في الحديقة مع حبيبته براهم وكيف القمرى فرحان بالحب دا .. اها شويه كدا وقال
ﺍﻣﺎ ﺍﺭﻭﺍﺣﻨﺎ ﺍﻟﺨﻔﺎﻑ ﺭﺍﻓﻠﻪ ﺑﻲ ﺍﺛﻮﺍﺏ ﻋﻔﺎﻑ
ﺯﻱ ﻋﺮﺍﻳﺲ ﻳﻮﻡ ﺯﻓﺎﻑ
ﻭﺍﻟﻨﺠﻮﻡ ﺑﻌﻴﻮﻥ ﺗﺴﺎﺭﻕ ﻓﻲ ﺍﺷﺘﻴﺎﻕ
ﺗﻨﻈﺮﻧﺎ ﻣﻦ ﺧﻠﻒ ﺍﻟﺴﺘﺎﺭ
زى عرايس يوم الزفاف يعني هنا حاجة حاصله شويه كدا ما قالها لكن انت براك بتعرف الحاصل من الوصف والبياكد في شي حصل قال من خلف الستار يعنى في ستار حتى لو كان غيم حجبهم من النجوم بالبتتاوق بالليل دى
وتعال شوف عبيد عبدالرحمن قال شنو
تحت فيحاء الخميله
كنا والأطيار تغني
ترقص الأطيار تغني
بيننا أوجه جميله
هناك في قمرى يهتف بهوانا وهنا الطير يغرد كلما العصفور يغرد
والنسيم يهفو يبرد
تزدهي الأزهار تورد
اها شوف الوصف للحاصل بينهم مع الجو بالحديقة قال شنو في العيون
واحدة صاحية
وواحدة وسنى
وواحدة فاترة فاتنة حسنه
فى غفلة الدهر أختلسنا
نحن بيناتن جلسنا
جلسة ما منظور مثيلها

اها هنا تعال لوصف الحاصل برضو متركة لخيالك
عندما أتلاقت عيوننا
تهنا واتوافت ميولنا
وأنضوينا
بين أحضان الجنينة
اهااااااااااااا شوف الحصل بعد النجيلة دى
فوق أعشابها الحنينة
من سلاف الحب رشفنا
أرتوينا

لغاية ما قال ........ عيونه لى عيونى محاربة
وشفاه لشفاى مقاربة
وزى ما الناس يقولوا
خليهم يقولوا

اها بعد الحصل دا خليهم يقولو ..... تحياتي

عيوني النوم مجافيها.... ان لقت فيك نظرة قول لي شن فيها

من طريف الشعر :

أهدى شاعرٌ صديقًا له اسمه ( توفيق) حذاءً وأحب أن يمازحه، فأرسل له الحذاء مرفقًا بهذين البيتين :

لقد أهديتُ توفيقًا حذاءً
فقال الحاسدون : وما عليه

أما قال الفتى العربيُّ يومًا
شبيهُ الشيءِ منجذبٌ إليه

فرد عليه توفيق :

إضغط هنا للتكمله