ﺍﻧﺖ ﻣﺎ ﻋﻠﻤﺘـﺎ ﻗﻠﺒـﻰ ﺍﻟﺮﻳـﺪ ﻭﻗﺒﻠـﻚ ﻣـﺎ ﻋﺮﻓﺘـﻮﺍ
ﺍﻧﺖ ﻣﺎ ﺻﻮﺭﺗﺎ ﻟـﻰ ﺍﻟﻜـﻮﻥ ﻣﺪﺍﺋـﻦ ﺭﻭﻋـﺔ ﺷﻔﺘـﻮﺍ
ﻭﺍﻧﺘـﻰ ﺍﻭﺣﻴـﺖ ﻟـﻰ ﺑـﺪﻳـﻊ ﺷـﻌـﺮﻯ ﺍﻟﻜﺘﺒـﺘـﻮ
ﻭﺍﻧﺖ ﺭﺍﺳﻢ ﻟـﻰ ﻗﻠﻴﺒـﻰ ﻃﺮﻳﻘـﻮﺍ ﺳﻴﺮﺗـﻮ ﺣﻜﻤﺘـﻮﺍ
ﺍﻧـﺘـﻰ ﺳـﺒـﺐ ﺷﻤـﻮﺧـﻮ ﺳـﺒـﺐ ﻋﻈـﻤـﺘـﻮ
ﺍﻧﺘﻰ ﻛﻢ ﺃﺭﻭﻳﺘـﻮ ﻣـﻦ ﺃﻧﻬـﺮ ﺣﻨﺎﻧـﻚ ﻣـﺎ ﺣﺮﻣﺘـﻮ
ﻛﻮ ﻭﻛﻢ ﺻﺮﺣﺘـﺎ ﺑﺎﻟﺸـﻮﻕ ﺍﻟﺒﺠﻴﺒـﻚ ﻭﻣـﺎ ﻛﺘﻤﺘـﻮﺍ
ﺍﻧﺖ ﻋﺸﺘﺎ ﻣﻌﺎﻫﻮ ﺍﺣﺰﺍﻧﻮ ﻭﻋﺬﺍﺑـﻮ ﺭﺿﻴـﺖ ﻗﺴﻤﺘـﻮﺍ
ﻣﺎ ﻗﺴﻴﺖ ﺃﺑﺪﺍً ﻋﻠﻴﻬﻮ ﻣﺎ ﺣﺼـﻞ ﻓـﻰ ﻳـﻮﻡ ﻇﻠﻤﺘـﻮﺍ
ﻛﺎﻥ ﺳﻌﺎﺩﺗﻚ ﻟﻴﻬـﻮ ﻏﺎﻳـﺔ ﻭﺍﻧﺘﻈـﺮ ﺭﺍﺟـﻰ ﺍﻟﻨﻬﺎﻳـﺔ
ﻣــﺎ ﻋــﺮﻑ ﺁﻳــﻪ ﺍﻟﺤﻜـﺎﻳـﺔ ﻓــﻰ ﺍﻟﻨﻬـﺎﻳـﺔ
ﻳــﺎ ﻣـﻨـﺎﻳـﺎ ﺇﻧـــﻚ ﺃﺻـﺒــﺢ ﻣﺎﻗﺴـﻤـﺘـﻮ
ﺍﻧﺖ ﻛﻴﻒ ﺭﻳﺪﻙ ﺑﺪﻳﺘﻮ ﻟﻴـﻪ ﺑـﺪﻭﻥ ﺍﺳﺒـﺎﺏ ﺧﺘﻤﺘـﻮﺍ
ﺳﺒﺘﻮ ﻟﻸﺣـﺰﺍﻥ ﺑﺮﺍﻫـﻮ ﺯﻯ ﻳﺘﻴـﻢ ﻓـﺎﺭﻕ ﺿﺮﺍﻫـﻮ
ﻫﻮ ﻟﺴﻪ ﻣﺘﻤﺤﻦ ﺗﺮﺍﻫﻮ ﻓﻰ ﺍﻟﻠﻘﺎﻫﻮ ﻣﻦ ﺷﻘﺎﻫﻮ ﻣﻦ ﺃﺫﺍﻫﻮ
ﻏﻴﺮﻛﻢ ﺍﻧﺘﻮ ﺍﻳﻮﻩ ﺍﻧﺘـﻮﻩ ﺍﻧﺘـﻮ ﻣﻬﻤـﺎ ﻳﻄـﻮﻝ ﻋﺬﺍﺑﻜـﻢ
ﺍﻟﻠﻪ ﻣﺎﺑﺘﻘﻴـﻒ ﺭﺣﻤﺘـﻮ ﻣﺎﺗـﺮﻯ ﺍﻟﻔـﻰ ﺳـﺮﻯ ﻗﻠﺘـﻮ
ﻭﺃﻯ ﺷــــﻚ ﻣــــﻦ ﻗـﻠـﺒــﻰ ﺷـﻠـﺘــﻮ
ﻛﺎﻥ ﺍﺑﻴﺘﻮ ﻭﻛﺎﻥ ﻗﺒﻠﺘﻮ ﻛـﺎﻥ ﺭﺿﻴﺘـﻮ ﻛـﺎﻥ ﺯﻋﻠﺘـﻮﺍ
ﺃﻧﺎ ﻣﺎ ﻗﻨﻌﺘﺎ ﺍﻧﺎ ﻛﺎﻥ ﻗﻨﻌﺘﻮﺍ ﻭﻣﺎ ﺟﻨﻴﺖ ﺷﺊ ﻣﻦ ﺍﻟﺰﺭﻋﺘﻮﺍ
ﻭﺍﻟﺴـﺒـﺐ ﻟــﻮ ﻣــﺎ ﻋﺮﻓـﺘـﻮﺍ ﺩﻳــﻼ ﺍﻧـﺘـﻮ
ﻣﺮ ﻋﺬﺍﺑـﻚ ﻛـﻢ ﺷﺮﺑﺘـﻮ ﻭﺍﻟﻤﺜـﻞ ﻟﻠﻨـﺎﺱ ﺿﺮﺑﺘـﻮ
ﻗﻠﺒﻰ ﺑﺎﻷﺣـﺰﺍﻥ ﺣﺮﻗﺘـﻮ ﺑﺸﺠـﻰ ﺍﻷﻟﺤـﺎﻥ ﻃﺮﺑﺘـﻮ
ﻓﻰ ﻗﺮﺍﺭ ﺍﻟﺠﻮﻑ ﺳﻜﻨﺘـﻮ ﻭﺍﻟﻔـﺆﺍﺩ ﺑﺎﻟﺸـﻮﻕ ﻣﻜﻨﺘـﻮ

(ﺍﻟﺪﻣﻌﺔ ﻟﻮ ﺑﺘﻌﻴﻦ)
ﺍﻟﻠﻴﻞ ﺍﺳﺎﻫﺮﻭ ﺣﺰﻳﻦ ﻭﻧﻬﺎﺭﻯ ﻛﻠـﻮ ﺍﻧﻴـﻦ
ﺍﺯﺭﻑ ﺩﻣﻮﻉ ﻭﺩﻣـﻮﻉ ﺍﻣﻼﺑـﻦ ﺍﻟﻌﻴﻨﻴـﻦ
ﺗﺼﺒﺢ ﺩﻣﻮﻋﻰ ﻣـﺪﺍﺩ ﺍﻛﺘﺒـﻮﺍ ﻟﻠﻌﺎﺷﻘﻴـﻦ
ﻟﺤﻈﺎﺕ ﻓﺮﺣﻨﺎ ﻗﻼﻝ ﺃﺧﺪﻭ ﺍﻟﻔﺮﺡ ﻓﻰ ﺍﻟﺤﻴﻦ
ﻭﺍﻟﺪﻣﻌﺔ ﻟﻮ ﺑﺘﻌﻴﻦ ﻛـﺎﻥ ﺑـﺪﺭﻱ ﻋﺎﻧﺘﻨـﻰ
ﻣﺎﺧﻠـﺖ ﺍﻷﻳــﺎﻡ ﺁﻻﻣــﻪ ﺻﺎﺑﺘـﻨـﻰ
ﺍﻧﺎ ﺭﺍﺿﻲ ﺑﺎﻟﻤﻘﺴﻮﻡ ﻣﻬﻤﺎ ﻳﻜـﻮﻥ ﻗﺎﺳـﻰ
ﻭﺃﺫﻛﺮ ﺣﺒﻴﺒﻰ ﺩﻭﺍﻡ ﻟﻮ ﻟﻰ ﺻﺒـﺢ ﻧﺎﺳـﻰ
ﻣﺮﻛﺐ ﻫـﻮﺍﻯ ﺍﻟﺘـﺎﻩ ﺑﻠﻘﺎﻟـﻮﺍ ﺭﻭﺍﺳـﻰ
ﻳﻮﺻﻠﺒﻮ ﺷﺎﻃﺊ ﺍﻟﺮﻳﺪ ﺗﺨﺘﺎ ﺍﻟﻬﻤﻮﻡ ﺭﺍﺳـﻰ
ﻃﺎﻭﻋﻴﻨـﻰ ﻳـﺎ ﺃﻳـﺎﻡ ﻭﺩﻳﻨـﻰ ﻟﻠﻤﺎﺿـﻰ
ﻣﺎﺿﻰ ﺍﻟﻐﺮﺍﻡ ﻭﺍﻟﺮﻳﺪ ﺍﻟﻔﻴﻬﻮ ﻛﺖ ﻗﺎﺿـﻰ
ﺑﻴﺒﻘﻰ ﻛﻠﻮ ﻋﺬﺍﺏ ﺃﻧﺎ ﺑﻜﻮﻥ ﺑﺎﻟﻜﻞ ﺭﺍﺿـﻰ
ﻣﺴﺘﻘﺒﻠﻰ ﺍﻟﻤﺠﻬﻮﻝ ﺟﻴﺖ ﻓﻰ ﺯﻣﻦ ﻓﺎﺿـﻰ
ﻳﺎﻣﺎ ﺑﻜﻴﺖ ﻭﺑﻜﻴـﺖ ﻳﺎﻣـﺎ ﺯﺭﻓﺘـﺎ ﺩﻣـﻮﻉ
ﻛﻠﻤﺎ ﺗﻄﻮﻑ ﺑﺎﻟﺒﺎﻝ ﺫﻛﺮﺍﻙ ﻭﺻﺎﻝ ﻣﻘﻄـﻮﻉ
ﺫﻛﺮﺍﻙ ﺷﺮﻳﻚ ﺍﻟﺮﻳﺪ ﺍﻟﻔﻰ ﻓـﺆﺍﺩ ﻣﻄﺒـﻮﻉ
ﺃﻳﺎﻡ ﻟﻘﺎﻧﺎ ﺍﻟﻔـﺎﺕ ﻣﺎﺃﻇـﻦ ﻟﻴﻬـﺎ ﺭﺟـﻮﻉ
ﺍﻟﻤﺎﺿﻰ ﻭﻟﻰّ ﺧﻼﺹ ﺍﻧﺴﺎﻫﻮ ﻳـﺎ ﻗﻠﺒـﻰ
ﻻ ﺗﻌﻴﺪﻭﺍ ﻓﻰ ﺍﻷﻳﺎﻡ ﺗﻤﻸ ﺍﻟﺼﻌﺎﺏ ﺩﺭﺑـﻰ
ﺗﻤـﺪﺩ ﺍﻵﻵﻡ ﻣـﻦ ﺷﺮﻗـﻰ ﻟـﻰ ﻏﺮﺑـﻰ
ﺗﺘﺒﺎﻋﺪ ﺍﻷﺣﻼﻡ ﻣـﺎ ﺑﻴﻨـﻰ ﺑﻴـﻦ ﺣﺒـﻰ

(انا بعشقك)
ﻟـﻴــﻚ ﻣـــﻦ ﻏـﻴــﺮ ﺗـﻘـﻮﻟـﻰ ﺳـــﻼﻡ
ﺑﻘـﻮﻟـﻚ ﺍﻫــﻼً ﺣـﺒــﺎﺏ ﺃﻧـــﺎ ﺑﻌـﺸـﻘـﻚ
ﻭﺃﻓﻀـﻞ ﺍﺳﺘـﻨـﺎﻙ ﻗــﺪﺭ ﺯﻣـﻨـﻰ ﺍﻟﺮﺟﻴـﺘـﻚ
ﻓﻴﻬـﻮ ﻟـﻮ ﻗــﺪﺭﻯ ﺍﺳﺘـﺠـﺎﺏ ﺃﻧــﺎ ﺑﻌﺸـﻘـﻚ
ﻛﻞ ﻋﻤﺮﻯ ﻧﺰﺭﺗﻮ ﻟﻘﻤﻴـﺮﻯ ﺍﻟﻤﻄـﻮﻝ ﻭﻣﻨـﻰ ﻏـﺎﺏ
ﺍﻧﺘﻰ ﻣﻬﻤﺎ ﻳﻄـﻮﻝ ﻋﺬﺍﺑـﻚ ﻟﻴـﻚ ﺁﺧـﺮ ﻳـﺎ ﻋـﺬﺍﺏ
ﻣﻬـﻤـﺎ ﺍﻟﺴﻨـﻴـﻦ ﺳﺮﻗﺘـﻨـﻰ ﺍﻳــﺎﻡ ﺍﻟـﺸـﺒـﺎﺏ
ﻣﻬﻤـﺎ ﺍﺭﻯ ﺍﻷﻓــﺮﺍﺡ ﻣــﻦ ﺗــﺎﻻﻙ ﺿـﺒـﺎﺏ
ﻣﻬﻤـﺎ ﻳﻘﻮﻟـﻮﺍ ﺍﻟﻨـﺎﺱ ﻋﻠـﻰ ﺟـﻨـﺎ ﻭﻣـﺼـﺎﺏ
ﺃﻧــﺎ ﺑﻌـﺸـﻘـﻚ ﻣـــﻦ ﻏـﻴــﺮ ﺣـﺴــﺎﺏ
ﺑﻌﺸﻘﻚ ﻭﻣﺎ ﺷﻔﺘﺎ ﺇﻧﺴـﺎﻥ ﺃﺩﻣـﻦ ﺍﻟﺮﻳـﺪ ﻣﻨـﻮ ﺗـﺎﺏ
ﺃﻧﺎ ﺑﻌﺸﻘﻚ ﻭﻣﺎ ﺷﻔﺘﺎ ﻣﺠﻨﻮﻥ ﻏﻴﺮ ﻃﺒﻴﺒﻮ ﻳﻤﺴﻮ ﻃـﺎﺏ
ﺇﻻ ﺧﺎﻳﻒ ﻋﻤﺮﻯ ﻳﻜﻤﻞ ﻭﻟﺴﻪ ﻓـﻰ ﺻﺒـﺮﻱ ﺍﻟﻌﻘـﺎﺏ
ﻭﻛﺖ ﺑﻤﺪ ﺍﻳﺎﻣﻰ ﻟﻮﻻ ﺍﻧﻮ ﻟﻜﻞ ﺍﺟﻞ ﻛﺘﺎﺏ .. ﺍﻧﺎ ﺑﻌﺸﻘﻚ
ﺑﻌﺸﻘـﻚ ﻭﻟـﻰ ﻣﺎﻓـﻰ ﻏـﻴـﺮ ﻋﺸـﻘـﻚ ﻣــﺂﺏ
ﻛﻞ ﺷﻌﺮﻯ ﻭﻧﺜﺮﻱ ﻛﻠﻮﺍ ﻭﻛﻠﻰ ﻓـﻰ ﻭﺍﺩﻳـﻚ ﺻـﺎﺏ
ﻣﺎﻧﻰ ﺧﺎﻳﻒ ﻓﻰ ﻧﻬﺎﻳﺔ ﺩﺭﺑـﻰ ﻇﻨـﻰ ﻳﻘﻮﻟـﻮ ﺧـﺎﺏ
ﻭﺍﻧﻰ ﻟﻴﻚ ﺑﺮﺿﻰ ﺭﺍﺟﻊ ﻳﺒﻘﻰ ﻇﻨـﻰ ﺧـﺎﺏ ﻭﺟـﺎﺏ

ﻣــــﻦ ﺍﻻﺯﺍﻫـــــﺮ ﺍﻧـــــﺪﻯ ﻳـــــﺎ ﺿـــــﻮﺀ ﺍﻟـﻘــﻤــﺮ
ﻳـــﺎ ﺍﻟـﻤـﻨـﻮ ﺻـﺎﻓــﻰ ﻭﺍﻫــــﺪﺍ ﻳــــﺎ ﺯﻳــﻨــﺔ ﺍﻟـﻌـﻤــﺮ
اﻟﻬﻮﺍﻛﻰ ﻣﺎﺑﺘﻌﺪ ﻭﺍﺣﻔﻆ ﻟﻰ ﻋﻬﻮﺩﻙ ﻳﺎ ﺍﻟﻤﺤﺎﺳﻨـﻚ ﻋـﺪﻩ
ﻋﻦ ﺣﺒﻰ ﻣﺎ ﺑﺮﺗﺪ ﻟﻰ ﻟﻴﻠﺔ ﺍﻟﺰﻓـﺎﻑ ﺑﻌﻤـﻞ ﻭﺍﻋـﺪ ﺍﻟﻌـﺪﻩ
ﺭﻳﺪﻙ ﻟﻰ ﻃﺮﻳﻖ ﺍﻧـﺎ ﻣﻨـﻮ ﻻﺯﻡ ﺍﺑـﺪﺍ
ﺑﺤﺴﺐ ﺟﻔﺎﻛﻰ ﻣﻮﺩﻩ ﻭﺍﺗﺮﻗﺐ ﻟﻘﺎﻙ ﻣﻬﻤﺎ ﺗﻄـﻮﻝ ﺍﻟﻤـﺪﻩ
ﺍﻩ ﻣﻦ ﺷﺬﺍﻙ ﻳﺎ ﻭﺭﺩﻩ ﻭﺍﻩ ﺍﻧﺎ ﻣﻦ ﻋﻴﻮﻧﺎ ﺑﺎﻟﺴﻼﺡ ﺗﺘﺤﺪﻯ
ﻓﻰ ﻫﻮﺍﻧﺎ ﺍﻳﻪ ﺍﻟﺠﺪ ﻟﻴﻪ ﻗﻠﺒﻚ ﻧﺴﺎﻧـﺎ ﻭﺟـﺎﺭ ﻋﻠﻴﻨـﺎ ﻭﺻـﺪ
ﻋﻄﻔﻚ ﻋﻠﻰ ﻻﺑﺪ ﻫﺠﺮﻙ ﻻﻳﻄـﻮﻝ ﻳـﺎ ﺍﻟﺠﺎﻫﻠـﻪ ﻻ ﻳﻤﺘـﺪ
ﺧﺎﻳﻒ ﺍﻟﻄﺮﻳﻖ ﻳﻨﺴﺪ ﺧﺎﻳـﻒ ﻟﻠﺒﻨﻴﺘـﻮ ﻣﻌﺎﻛـﻰ ﻳـﻮﻡ ﻳﺘﻬـﺪ

ا بريدك تانى
عبدالله محمد خير
صديق احمد


ما بريدك تانى
مادام البريدو نفسو بيقولو ( انانى )
انت ياك نفسى وحياتى وياك كل كيانى
وانت ياك صمتى وحديثى
وبهجتى ..... واحزانى
لكين وين اودى حنانى ؟؟
وفى مين عاد اقول شعرى واجيب اوزانى
كم مرات على حبى ووفاى جازانى
كلما اعتز بى نفسى وكمان عزانى
وكم مرات .... ومرات بالفرح هزانى
كلما فر فاطرو وبى بسيمتو ادانى
حاسس بى وجودك جوه فى وجدانى
وكلما يوم اداعب خدك الوردانى
من ظرفوا الشديد لا صد لا عادانى
وما قادر اقرب من قطوفو الدانى

هيدات الجدي
عبدالله محمد خير

مالكن على وليه يا نهيدات الجدى
سويتا العجب العجيب فى قلبى بهدلتنو لى
نوسرتن الجرح القديم الكان مسهد لى عينى
ومن شفتكن ما شفتن الحاصل على
ما شفتن القرن القبيل كت قايلو مات
تاريهو حى تاريهو زى ما كان زمان
ينبض ... شباب ... وشجون ... وغى
ليه يا نهيدات الجدى يا برتكانات استون
فوق عودن اللدن الطرى
مضمور محل متبور محل نجضان ونى
لين هنا ونديان هناك وسط قوى
بس عندو سيد مرات عنيد مرات هدى
ليه يا نهيدات الجدى واقفات بلا قببا
فقيرن ديمه شالع فوقو ضى
ينشاف قريب وينشاف بعيد
بتق فى احساس جديد ينتر شديد
لا عرفتو ريد لا عرفتو جن دايرلو قيد
وقفت حدود معرفتى فوق حلما صبى
يرجف يغازل النسمه كان هبهب هوى
مالك على آ بنى هوى مالك على
وانا عمرى ما اتحدث مع زولا اسمو (مىّ)
بس قولى شن قارنى فيك لاك عارفى (هوىّ)
لاك عارفى(هيى) لاك عارفى هىّ
وللشىء البعجبك ما بتعرفى تقولى (سىّ )
يا بت عليك (زاد الشجون)
وبوب مارلى والحزن القديم
اتمهلى لا تستهزى بىّ
عمك انا وجدك كمان لكن مصيبتى على العلى ّ
بهوى الجمال وبهوى السبيب كلما هو طال
وبهوى الصدير كل ما حضن رمان وشال
وبهوى البنات كلما بقن شبه الغزال
وما فيش بلا الهوى بين ايدى ّ
وانا من زمن بارى السراب سارح معاهو ودىّ ودىّ
كل ما اقول بى داك عمار ادنالو القى هويد وصىّ
ليه يا نهيدات الجدى يالزى (نواطير) الترك
فى العالى ما طلاها رىّ يا الزيكن .... ما شفنا زى ّ
طماع انا ..!! ومابرضى بى شيتن شوىّ
وما بيسعد المكتوبلو فى المحفوظ (شقىّ)

اجمل منو في الكون كلو ما شفنـا

جـود يـا الله بـي لقيـاهـو أنصفـنـا

راضيـن نحـن مهمـا حـبـو كلفـنـا

لأنو ملك شعورنـا ملـك عواطفنـا

والفـنـاهـو لـــو يـرحــم يوالـفـنـا

نحـن نطيعـو مـا دايريـن يخالفـنـا

حاول مره زورنا عشـان تشرفنـا

وبي معنى الجمال الفطري عرفنا

لفيـنـا المـدايـن والـقـرى وطـفـنـا

زيــك لا بـنـلاقـي ولا بيصـادفـنـا

يــا سواقـنـا قـــدام بـيـتـو وقـفـنـا

خليهـا الـزهـور تـمـرق تلاطفـنـا

مـا حبيـنـا غـيـرو وهــو عارفـنـا

دايريـن لـي لماهـو الحـظ يحالفنـا

ليـك غنيـنـا وتــر سلـكـو عازفـنـا

نظـمـنـا القـصـائـد فـيــك وألـفـنـا

دايـم حبـي ليـك ومستحيـل يفـنـى

وسيل الشوق على الحابنو جارفنا

تعـال بالله أرقــص تـانـي أتحفـنـا

وبـي عينيـك لـو بتـحـب تكاشفـنـا

ناري أنا من عيونـو المنهـن خفنـا

عيـونـا بالسـهـام كـــادت تنشـفـنـا

إن نسفـت سبيبـه معـاهـو تنسفـنـا

وإن مالـت بـعـد سابتـيـن ترجفـنـا

حياتنـا عليـهـا مــن قبـلـك تأسفـنـا

ولو ما شفنا حسنك تاني شن شفنا

تعال كلمنى عن رؤياك وما فيها
صحيح بالله شفت النار وشفتنى ياجميل فيها
قول لى كان شعورك كيف وهل حاولت تطفيها
والله كمان رضيت بالحال وقلت اسيبو فى الفيها
دى ما احلام ؟؟؟ دى حاجة خفيه ما اظنك تعرفيها
وحاتك ظاهرة فى عينيك لو جاولت تخفيها
ليه ما تشوفى روضة غنية بالازهار تطوفيها
وتلقى كمان طيور الريد تناديك وتشوفيها
بقيت محتار شفاهك تروى حكاية القى عينيك تنفيها
وارجع اناجى نفسى براى يبقى عهوده توفيها
وتشوف آيه وتنال غاية وتقول احلى الشعر فيها
وتسال الله من شر خلقو والحساد يكافيها
وتنوم مسرورة من هلواسا يشفيها
وتشوف الجنا فى احلاما والاحباب تصافيها
وعيونا تقول حكاوى الريد تصالحنا ونعافيها
ونعيش ف دنيانا فرحتا وابتهاجا وكل ترفيها
حليلى انا البنات افكارى ضاعت بين قوافيها
وتاهت فى بحور الريد بتسال مين مرافيها
وين مرسالا كان يا حليلو بالاخبار يوافيها
بعد عاش السعادة معاها كيف يقبل يجافيها

أنا المعجب
كلمات الراحل عبدالله محمد خير

أنا المشتاق أشوف عينيك
كل صباح واتعذب
وأسمع من شفاهك ديل
ألذ نغم برأى أطرب
وتلوح لي في صفاء عينيك
بحور من ريد ... أدور اشرب
ومرة اتوه ... اقيف مشدوه
اقول يا عـــبدو أتــــادب
زمـــــــانك فــــــات ..
والــــريد في قليبك مات
ليه فوق جـــمرو تتقلب
واشيل مـــــن عمــــرى
عشــــرة ســـــنين
اقول يمكن يكون انسب
وأدلى دلوى مع الخطاب
مع العشاق يجوز اكسب
وأعاين لي عيونك يمكن القى سعادة
القـــــى غضــــب ...
واشيل فوق رأسي هم الدنيا
فوق افكارى يترسب
قلبي رهيف
ما خاض زي حروبك ديل ولا جرب
وفجأة يعود صوابي الغاب
أشوف انا نفسى جنبك زي وليد يلعب
بيجرى وراء سراب ورهاب
بعيييد...................لليلة ما قرب
وهل مـعقول ..!!!
يكون فى وصول ؟
متين يا رب ..؟
ما تصارحيه ........ خافي عليهو
قولي ليهو لا يتعب
انا المعجب
انا الولهان ولى سنين
بعاني من الصعاب أصعب
وقالوا على كبرت خلاص
ولسع ماقدرت خطب
انا المعجب
انا المشتاق ....
انا الطوالى بترقب
انا التائه
وعيوني بلاك ما شافت
يمين كوكب
شوية ريده
ليه يا صيده
ما دا انا المتيم تب

تسالي في ايش فيك ياخي بتطالع
بطالع في بدر فتق الخمار طالع
و اطالع في برق بهر خطف شالع
بطالع في القوام الامرد الفراع
و بطالع و في جمر بيك ببلاك والع

و تسالي في ايش فيك ياخي بتطالع
بعاين بختي في سمر الرياض ضايع
مبعثر حظي بينا لذكري و الشايع

و تسالي في ايش فيك ياخي بتطالع

بطالع الا انا قبلك شبعت جايع
و بطالع ويش في بين الشاري و البايع
يفتح الله يستر الله يا رايع

و تسالي في ايش فيك ياخي بتطالع

بطالع في اللي في صيد القلوب بارع
و اطالع في عزيزتي تلاوي و تصارع
و اطالع في القيامي القايمي في الشارع

و تسالي في ايش فيك ياخي بتطالع

بطالع في بهاك يا حسنةالطالع
و اطالع في النفس لا يبقى مو طالع

سيد الفتنة
كلمات الراحل عبدالله محمد خير
سيد الفتنة يالحبك ملكنا
فتنا وفى هواك الشوق هلكنا

خلاص جنينا وأتقطع سلكنا

من يوم لي طريق ريدك سلكنا
فرحنا وقلنا ليك نحن إمتلكنا
ياخى مالو أبوك تانى أداها لكنا

كان قربنا تتعبك دلكنا
وتدور كل المباهج في فلكنا
نساهر في جديدك ياملكنا
ونوهب ليك حياتنا وماملكنا

ياسيدى الحسن ليك ما تركنا
وجينا الليلى قدامك بركنا
بعد ماجبنا ريحتنا وفركنا
دي تالت مرة مالو هبرشركنا

صبرنا ولاخطبناك لاشبكنا
راجين قلنا تتحلحل شبكنا
كم خططنا يازول وكم حبكنا
وأبوك بي ردو دوخنا وربكنا

بلا الهوى من هواك تب ما مسكنا
نحن شن سوينا يا طيبنا ومسكنا
زهدنا الدنيا لي ريدك نسكنا
وفى عينيك هناك س
كنا سكنا

عمر البنا

بالحاصل بي إنت عالمه
لكنك ظالمه وين يا ظبية المسالمه
يا منيره يا عطوفه وحالمه
في الادب ممتازه فيك طبيعه مسالمه
ليه نفرتي مني ولعشوقك ظالمه
بتمنى ليك يا ظبيه
تعيشي هانيه وسالمه
انت طيبة أسماء في الجمال أعطاكي المولى أكبر قسمه
في مشيتك طبعه فيها أجمل رسمه
تتمايل قامتك في النصيف منقسمه
إنت عارفه فراقك ذي جنهم وأحمى ليه ما يبقى قليبك
فيهو شفقه ورحمه
في ضياك المشرق النفوس مزدحمه أما صورتك ساكنه
في الفؤاد ملتحمه
قمر السبعتين إكتمل وإتدور والوصول لسماكي أصلو ما
بتصور
حي المسالمه بيك يا رشيقه إتنور بي ثقافتك وعلمك
إذدهر وإتطور

ﺍﻟﺒﺴﺄﻝ ﻣﺎ ﺑﺘﻮﻩ ﺩﺍﺭﻧﺎ ﻧﺤﻦ ﻗﺮﻳﺒﺔ ﻟﻴﻪ ...
ﺍﻧﺖ ﻣﺎ ﻣﺠﺒﻮﺭ ﻋﻠﻴﻨﺎ ﻧﺤﻦ ﻣﺠﺒﻮﺭﻳﻦ ﻋﻠﻴﻚ ...
ﻛﺎﻥ ﺳﺄﻟﺖ ﻋﻠﻴﻨﺎ ﻛﻨﺖ ﻋﺮﻓﺖ ﺍﺣﻨﺎ ﺍﻟﻠﻴﻠﺔ ﻭﻳﻦ ...
ﻛﻨﺖ ﺍﻭﻝ ﻟﻤﺎ ﺁﺣﻨﺎ ﻧﻐﻴﺐ ﺛﻮﺍﻧﻰ ﺗﻘﻮﻝ ﺳﻨﻴﻦ ...
ﻏﻴﺮﻭﻙ ﻳﺎ ﻭﺣﻴﺪﻧﺎ ؟ ﻭﻻ ﺻﺎﺑﺖ ﺭﻳﺪﻧﺎ ﻋﻴﻦ ...
ﺍﺷﺘﻬﻴﻨﺎ ﺗﻜﻮﻥ ﻣﻌﺎﻧﺎ .. ﻣﺎ ﻟﻘﻴﻨﺎ ﺣﻨﺎﻥ ﻋﻴﻨﻴﻚ ...
ﺍﻧﺖ ﻣﺎ ﻣﺠﺒﻮﺭ ﻋﻠﻴﻨﺎ ﻧﺤﻦ ﻣﺠﺒﻮﺭﻳﻦ ﻋﻠﻴﻚ ...
ﻣﺮﺓ ﺷﻔﻨﺎﻙ ﻳﺎ ﺍﻟﺤﻨﻴﻦ ﻃﺎﻟﻰ ﻓﻰ ﺣﺎﺭﺗﻨﺎ ﺻﺪﻓﺔ ...
ﺟﺎﺑﻨﺎ ﻟﻴﻚ ﺍﻟﺮﻳﺪ ﻭﺟﻴﻨﺎ ﺍﻟﺤﺼﻞ ﺟﺎﺑﺘﺎ ﺍﻟﻔﻪ ...
ﻭﻻ ﻻﻻ ﺁﻟﺠﺎﺑﻨﺎ ﻟﻴﻚ .. ﻟﻮ ﺑﺘﻄﺮﺍ ﺩﺭﺑﻨﺎ ﻋﺮﻓﻪ ...
ﺍﻥ ﺳﺮﺣﺖ ﺷﻮﻳﻪ ﻓﻴﻨﺎ ﻭﻣﺎ ﺭﺟﻴﺘﻨﺎ ﻋﺸﺎﻥ ﻧﺠﻴﻚ ...
ﺍﻧﺖ ﻣﺎ ﻣﺠﺒﻮﺭ ﻋﻠﻴﻨﺎ ﻧﺤﻦ ﻣﺠﺒﻮﺭﻳﻦ ﻋﻠﻴﻚ ...
ﻟﺴﻪ ﻣﺴﺘﻨﻴﻦ ﺗﺠﻴﻨﺎ ﻧﺎﺳﻰ ﻃﺎﻟﺒﻨﻚ ﺯﻳﺎﺭﺓ ...
ﻳﺎ ﺟﻤﺎﻝ ﻓﺮﺣﺘﻨﺎ ﺷﺎﺗﻞ ﺍﻟﺼﺒﺎﺣﺔ ﺑﺎﻟﻨﻀﺎﺭﺓ ...
ﻛﺎﻥ ﻋﻤﺮﻧﺎ ﺯﻣﺎﻥ ﻭﺭﻭﺡ .. ﻓﻰ ﺭﺟﺎﻙ ﻣﺎ ﺭﺍﺡ ﺧﺴﺎﺭﺓ ...
ﺍﻧﺖ ﻣﺎ ﺗﻔﻜﺮ ﺗﺠﻴﻨﺎ .. ﻧﺤﻦ ﺑﺎﻻﻓﺮﺍﺡ ﻧﺠﻴﻚ ...
ﺍﻧﺖ ﻣﺎ ﻣﺠﺒﻮﺭ ﻋﻠﻴﻨﺎ ﻧﺤﻦ ﻣﺠﺒﻮﺭﻳﻦ ﻋﻠﻴﻚ

يا ستار عليّ من دورتك
بقيت أشيل صورتك
وأقراها طول الليل
زي نجمه نائية دليل
ضوايا فوق النيل
شبه البريدو جميل
تحمل شعوري بعيد
لخدار شباب نورتك
والصورة بالألوان
تختال تقول بستان
من ريدا من تحنان
شايله الزهور ألحان
خلاني أبدي وأعيد
بالعودة كيف شورتك
يا منتهى الأفراح

دفقة عبير فواح
مليان طرب صداح
في قلبي ديمه جديد
لو بس اشوف صورتك

وينك أنت ؟؟.. وينك انت .؟؟. الطال غيابك
العيون تسألني عنك .. والقليب يقول حبابك
وينك أنت ؟؟.. وينك انت .؟؟. الطال غيابك
دي الخطاوي الباكية ترحل كل يوم واقفة
لا ..لا .. لا ..
في عيونك للعشق وأنهار وغابة
وا حبابك وا حباب عينك حبابا من جبيني تشع مهابه
وينك أنت ؟؟.. وينك انت .؟؟. الطال غيابك
العيون تسألني عنك .. والقليب يقول حبابك
يعني أيه ؟؟ يعني أيه؟؟ يعني أيه الدنيا يا شمس الضحى
يعني أيه ؟؟ يعني أيه؟؟ يعني أيه الدنيا يا شمس الضحى
ما السنين !!.. ما السنين!! .. يا غاليه بكرة مروحه
ما السنين !!.. ما السنين!! .. يا غاليه بكرة مروحه
والعمر أيام مشواره إلا في يوم سكتك ما نطرحه

كلمات سيف الدين الدسوقي
بتعرف اني من أجلك مشيت مشوار سنين وسنين
مشيت في الليل الى الغربة على الكلمات ودمع العين
وعشتك لما فارقتك .. حروف تتغنى بيها حنين
بتعرف انت ما بتعرف .. انحنا في حبكم هايمين
بتعـــــــــــــــــــــرف
ودارت دورة الأيــام ونحن مع الزمن اغراب
متين تتحقق اللقيا ومتين يتقابوا الأحباب
شربنا دموعنا ما روينا.. حملنا الشوق ملانا عذاب
وقلنا نجرب الصحرا .. لقينا تعبنا كلو سراب
بتعـــــــــــــــــــــرف
قليل في حقك المشوار .. بدور في دربك امشي كمان
وتحفى رجولي وتقطر دم ..واسبح في الطريق عطشان
محبة كتيرة في قلبي .. ودعوة تمجد الإنســــــان
وانت نموذجي الطيب .. نموذج يلهم الفنان
بتعـــــــــــــــــــــرف

حييك مابتحيينا ونرضيك مرة ارضينا
احكم فينا بالدايرو ده ريدك ونقسم لينا

نلاقيك والصباح نعسان وتتحاشانا يازينه

زمان الحال ده ماحالك ولا طبعك تجافينا
اتاريك كنت خادعنا سراب موجو غاشينا

خلاص اخترت ناس غيرنا هم اغروك تخلينا
بقيت لامن تشوفنا كمان بتهرب من تلاقينا

كأنك ماعرفت العيون ولا طليت فى عينيا
نحييك مابتحيينا ونرضيك مرة ارضينا
احكم فينا بالدايرو ده ريدك ونقسم لينا

نحـيـيــــــك : كلمات عــلى سـلطان

*****

نحييـك وما بتحـيينـا ونرضيـك مـرة ارضـينـا ....

احكـم فـينا بالدايـرو .. ده ريـدك وانقـسم ليـنا ....

* * * *

خـلاص اخـترت ناس غـيرنا ...

وهـم اغـروك تخـليـنا ....

بقـيت لمن تشـوفـنا كمـان ....

بتهـرب من تـلاقـينا ...

كانـك ما عـرفـتنـا يـوم ...

ولا طـليـت فى عـيـنـينـا ...

* * * *

نـلاقـيك والصباح نعـسـان ....

وتـتحـاشـانـا يا زيـنــة ....

زمـان الحـال ده ما حالـك ...

ولا طـبعـك تجـافــينـا ....

اتـاريـك كـنت خـادعـنـا ....

سـرابـك مـوجـو غـاشــيـنا .......



قليل فى حقك المشوار بدور من أجلك أمشى كمان

وتحفى رجولى تقطر دم وأصبح فى الطريق عطشان

محبة كتيرة فى قلبى ودعوة تمجد الإنسان

نسيتى انا وخلاص يعنى مافى طريق يرجعنى ...

ما بقول ارجع اصافيك الاقى العزة تمنعنى ..

*********

ياما طال مشوارى بقى مشاوير ....

لا آنت حسيت بالعليا ولا فرحت قلبى المقادير

ذى زولا" بغالب فى الندم لا ليهو سكة ولا مصير ...

مكسور جناح عصفور حزين ...

مشتاق يشوف مشتاق يطير ...

ساعتو تمشى وتحترق ...

شايله فرح يطاوى العبير ...

*********

انا بسأل كل زول فى الدنيا عن حالكم وحنيكم ...

بسالم كل زول فى الدنيا من أيـديـا ليمينكم ...

مكسور جناح عصفور حزين ...

مشتاق يشوف مشتاق يطير ...

ساعتو تمشى وتحترق ...

شايله فرح يطوى العبير ...