#ليله_في_ديسمبر53

شهد..
شهد سامعاني إنتِ؟
في اللحظة دي إنتبهت لصوته وهو بتكلم معي وانا سرحانه ،وإستوعبت حجم الغلطة الكنت حأعملها لو قلت ليه بموضوع زواجي دة..

انا تمام ،في مكان ما لقيتني فيه ،ما حأطلع ولا حأنتقل لمكان تاني اياً كان السبب ،الخدمة الوحيدة الحتقدر تقدمها لي إنه ما تحاول تتصل علي مرة تانيه..

شهد انا بتكلم عشانك ولسلامتك الله يرضى عليك

انا بخير وسلامة ،طول ما أنا بعيدة عنك ما جايني شي خليني في حالي يا إنسان وم تتعرض لي بأي شكل كان ممكن؟

شهد إنتِ عارفة روحك شغالة وين ومع منو حالياً؟عارفة دخلتي نفسك في اي مكان؟
عايزة تصلي لشنو إنتِ؟
شوفي طول ما إنتِ هناك ما حتقدري تثبتي شي ولا حتقدري تتحصلي على شي،إنتِ هناك بتودي نفسك للهلاك صدقيني يا شهد الإنتِ بتعملي فيه دة حيصل حد روحك بس إنتِ ما حتقدري تصلي حده،حتقضي نص عمرك وإنتِ بتحاولي تصلي حد الدوامة دي والنص التاني وإنتِ بتحاولي تطلعي منها وكلامي دة لأني عشت الحاجة دي ..
والدتك ماتت في السودان،اختك ماتت في السودان،اي شي مس اسرتك بسؤ في يوم حصل ليهم في السودان لو عايزه تثبتيه حتلقي أدلته في السودان ،إنتِ هناك متبنية قضية ما قضيتك ،وصولك لجذورها ما فيه اي مكسب ليك ،دي قضية أمن الدولة نفسه بكل مقوماته والياته البمتلكها وقوة إستخباراته عاجز عن حلها وكل البصلو ليه بيكون نقطه في بحر وفي الأخير بينتهي المطاف بالإستخباراتين منتحرين او فاقدين لعقلهم لأنه في الحقيقة دي دولة عميقة داخل دولة..

انا ما عارفة إنت بتتكلم عن شنو بس البتتكلم عنهم ديل ما اعتقد يكونو اسوأ منك واسوأ من العيشتني ليه ،انا اليوم بسببك ما بقدر اتكلم مع اهلي فيديو ساي عشان ما جاهزة اوريهم وشي ،ما جاهزة اشوف الحيرة والدهشة في نظراتهم لي،انا لسة بحاول اتعالج منك إنت نفسك ،إنت حتخاف علي من شنو؟

خايف عليك مني،خايف حقدك تجاهي عاميك و يهلكك،إنتِ بتضري في نفسك الأن إنتِ مستوعبة ؟

إنت خايف على نفسك يا عمار و..

قاطعني وقال لي طيب يا شهد الأن النقاش دة ما مُجدي،إتكلمنا قبل كدة كتير وم وصلنا لشي،عارفة المشكلة شنو؟
إتجاهك الواحد دة،يعني لو في يوم عرفتي إنه ابوك زاته كان جزء من وفاة امك دة حيكون موقفك منه؟

إنت بتقول في شنو؟ابوي علاقته شنو ؟

شايفة بتاخدي اي حرف على محمل الجد ،انا قايل ليك الكلام دة ك ضرب مثل..
اخد نفس وإتنهد وهو بقول لي بصوت خافض شهد اديني فرصة اساعدك وانا ربنا يشهد على كلامي واغلى من الله ماف شي ما عندي اي نوايا غير إني اساعدك واحميك

حتحميني من منو؟لو عايز تساعدني بالجد وريني حتحميني من منو وليه حتحميني منه؟
لو عايز تساعدني حتوريني عارف شنو عن وفاة أمي؟
ومنو المسؤول عن موتها..

مش دة العايزة تصلي ليه؟تمام يا شهد مستعد اساعدك وأخطي معاك خطوة بخطوة لغاية ما تصلي للعايزاه بس اديني فرصة..

قصدك مقابل إنك تساعدني لازم اديك فرصة ؟إنت بتساومني؟

ليه إعتبرتيها مساومة؟
شهد انا وشاهد الله على كلامي أعظم إبتلاء إبتلاني بيه ربنا هو إنه كشف ليك الجانب السيء مني وبالطريقة دي بس والله انا من يوم ما إتزوجنا وانا بجاهد في نفسي عشان أبعدها عن الحرام عشانك وكنت بصرف عليك وعلى بيتنا من راتبي حق المستشفى ومن شغلي وتعبي وسهري وحلالي لأني وبعيداً عن كل السؤ الفيني بس انا شفت فيك الزولة اللي ما ينفع أعيشها بالحرام ،وبغض النظر عن الطريقة العرفتي بيها بس كل مرة بيزيد يقيني وتعلقي بيك كل م اتذكر إنك كنتِ سبب في إني اليوم ببعد عن الحرام ،زمان كان م عندي سبب امنع بيهو نفسي عن الغلط وإنتِ بقيتي سبب كافي..
أنا كنت مستني منك تقولي عني أي شي كعب كنت حأكون راضي اسمعه واقبله واتحمله بس إنتِ إتعاملتي معي كأن البني أدم معصوم من الخطأ زيه زي الملائكة،شهد المرتد عن دينه زاتو الدين بيكفل ليه التعزيز قبل الرجم،ربنا سبحانه وتعالى بذات نفسه ابواب التوبة والمغفرة عنده فاتحة لعباده في اي وقت،..
إنتِ شفتي غلطي،بس ما شفتي محاولاتي في تقويم نفسي عشانك وخليأرتكب خطأ اكبر كمان من خوفي من رد فعلك انا الما حصل خوفني شي..

كنت ساكتة وانا بسمع ليه وهو لسة بتكلم،للحظة إستوقفتني نبرته وهو بتكلم قبل ما افهم هو بقول في شنو..

في اخر المكالمة قال لي حتى ولو م عايزة تستعجلي في إتخاذ اي قرار أديني وأدي نفسك فرصة في إنه تخليني اساعدك واقدم ليك البقدر عليه ،جربي تصدقيني المرة دي وم شرط تثقي فيني..

كنت لسة مستمعة بصمت..

قال لي حأستنى ردك،وحأفضل اتصل وارسل واتطمن عليك كل يوم حتى لو م حتردي حأفضل أتصل ولو إتضطرني الأمر اخلي كل شي في يدي والغي كل شي وارجع هناك عشانك..

المكالمة إنتهت شكلياً بس م إنتهت في مسامعي وجوا راسي لسة كنت سامعة صوت عمار وهو بتكلم معي،وعديت طول اليوم بفكر في كلامه..

كان في مراسم تأبين بخصوص العامل الإتوفى في الدار لازم تتعمل من باب إنه من الثوابت البتتعمل في الدار على أي زول إتوفى وكان جزء منه سواء عامل او مُسن،كل العمال وجزء كبير من المسنين البتربطهم بيه علاقة كانو في الحديقة تحت..

وانا كنت في الشباك واقفة بعاين ليهم وفي قمة سرحاني،حسيت بحركة وراي وإتلفته مخلوعة لما شهقت ف لقيت سياف في وشي

قلت ليه بسم الله جيت متين؟
رفع لي التلفون قال لي جادعة تلفونك وين؟إتصلت ما رديتي خفت وجيت لقيت الناس ديل متجمعين برة خفت عليك اكتر حتى ما حسيت برجلي دي وانا طالع السلم عشان اصل مكتبك دة..

تلفوني في الدرج بس ودي مراسم تأبين للعامل الإتوفى..

بقى يعاين لي في عيوني وبتفحص ملامح وشي كعادته وهو ساكت..
قلت ليه مالك؟
ماف شي كدة بس
سرحت فيه مساااافه بعدها قلت ليه رجلك كيفها اليوم احسن؟

أحسن ايوا الحمدلله ،خلصتي نطلع ولا عليك شويه؟
إنتبهت لصوته وهو بقول :شهد
بتوتر قلت ليه ايوا
مالك إنتِ؟
ماف شي انا ،انا كويسة بس راسي جايط شويه،قلت شنو إنت؟
الجوطة بتترتب إن شاء الله، قلت ليك نطلع ؟
مشيت على مكتبي وقلبت الحاجات الفيه وقلت ليه عندي شويه شغل لازم اراجعه اول حتى امشي البيت،إنت ممكن تتقدم وانا بلحقك بس اخلص..

لأ،رجلي على رجلك ،خلصي شغل وخلينا نطلع مع بعض..

انا ممكن اتأخر حتقعد تعمل شنو ؟يمكن تزهج..

انا معاك م بزهج..
سكتت وانا بعاين ليه ،رجع قال لي إلا إذا إنتِ زهجانة مني طبعاً دة شي تاني..
أشرت ليه على المقعد وقلت ليه قهوة ولا شاي؟
اي واحد فيهم بس خالي سكر
اخدته وقت وانا شغالة في اللابتوب قلم وملفات في يدي..
كل ما ارفع عيني بلاقيه بعاين لي،اخر مرة ضحكت..

مالك؟
ماف شي ،إنت المالك بتعاين لي كدة؟
لأني فخور بيك
فخور بي؟
ايوا ،ك زول اغلب المجتمع الحوالي ما بعترف بحاجة إسمها تعليم او قرايه للمره بحس بالدهشة لما اشوف اي مره بتدير او على رأس اي وظيفة..

قصدك جماعة المره كان وصلت القانون مكانها الكانون؟ ما يكونو اهلك منهم بس ؟

ضحك وهو بقول لي المشكله المثل نفسه مدي للمره حقها م عارف هم بقولوه من باب إنه يضايقوكم او يقللو منكم ليه؟ انا شايفه بيثبت قدرة المره على تولي وإدارة اي شي طالما قادرة تقيف في المطبخ لأكتر من كم ساعة ورا بعض عشان تطلع اكتر من تلاتة وجبات في اليوم ومكفية ومرضية لكل افراد البيت والضيوف كمان دة غير باقي شغل البيت ومسؤولياته الهي متولية إدارتها

قلت ليه واحياناً البتلقاه بقول المثل دة اساساً بتكون مربياه مره ..

او تلقيه مغترب ومخلي مرته واولاده وراه والمره المخليها دي هي القايمة بكل مسؤولية البيت وتربية العيال ،كلنا الطرف الأساسي في تربيتنا هي المكانها الكانون دي ،هو لو م كانونها دة زاتو كنا ربينا ولا كبرنا؟

عارف لولا إني عندي ترست إيشوز من الناس العقليتها زيك كدة وكلامها حلو وافعالها ومواقفها حلوة كنت حأبدأ احبك واقفل عليك بس انا عارفة إنه دة فخخخ والحاجات دي كلها بالنسبة لي "رد فلاق"🚩

للحظة حسيت إني إتصدمت من القلتو وهو كمان ف بقينا نعاين لبعض

حاولت اعدل كلامي قلت ليه قصدي إنه انا م أتأزيت ووصلت لهنا إلا من الناس الكدة يعني ف بقت عندي مشكلة م قصدي إنه إنت سيء فهمتني؟

لاحظ لإجتهادي في الكلام وانا بحاول ابرر واشرح قال لي شهد كملي شغلك عشان الزمن

هو مسك تلفونو وانا كملت شغلي ،كنت بعاين ليه من وقت للتاني وحاسة بشعور متناقض وانا بعاين ليه..

في طريق الرجعة طول الطريق كنت ساكتة وافكاري مشتتة وبسأل نفسي هو عمار ممكن يكون صادق في كلامه؟
سياف قال لي يا ريت لو رجلي كويسة كنت قلت ليك خلينا نتمشى في الجو الحلو دة ونرجع البيت بالمترو ..

قلت ليه يا ريت وسكتت

لما وصلنا نزلت وفتحت ليه الباب ضحك و قال لي العادي إنه الحركة دي الراجل يعملها صح..
في اللحظة دي رجعت بذاكرتي لعمار ،عُمره ما خلاني انزل من العربية بدون م يكون هو فاتح لي الباب..

وهو نازل إتسند علي قفل الباب ومسك يدي،
لما دخلنا البيت سلمنا على لين كانت شغالة في المطبخ،غيرنا ملابسنا جيت طالعة من الغرفة سياف كان مع لين في المطبخ كنت سامعة اصواتهم وهم بتونسو
طلعت على طول برة البيت وقعدت في عتبة الباب لسة تفكيري كان مع عمار وكلامه ،اخدتة اكتر من نص ساعة وانا قاعدة سرحانة وم حاسة بأي شي،
فجأة إنتبهت لقيت سياف قاعد جمبي وماسك كبايتين في يده
قلت ليه إنت هنا من متين؟
من لما كنتِ بتعايني لضفورك..
ضحكت
مد لي الكباية وقعدنا ونحن ساكتين و بنعاين حوالينا ،
قلت ليه بالمناسبة قبيل لقيت منك رسالة م فهمتها كنت عايزة ارجع ليك وإتلخمت،كنت قاصد بيها شنو؟

شنو هي؟

حتكون شنو يعني الرسالة قاصد بيها شنو؟

مش إنتِ قلتي لي ما تنسى تكتب امنيتك للشهر دة وإتفائل خير؟

ايوا قلت ليك اكتبها علاقتها شنو الأمنيه بالرسالة؟

وانا كتبتها..

ياخي يا سياف ما تتغاب..
سكتت مسافة واخدته وقت حتى إستوعبت هو قاصد شنو وهو كان بعاين لي
بقيت اعاين للكباية وانا ساكتة

ما اديتيني رايك في الشاي

إبتسمت وقلت ليه ريحته حلوة شكراً..
بعد لحظة صمت قلت ليه سياف وسكتت بحيرة وبتنهيدة قلت ليه رغم كل شيء صعب هنا وماف حتى بصيص امل واحد للوصول لنتيجة مرضية بعد كل التعب والمعافرة والجري دة بس بحس إنه لولا وجودي هنا كنت لسة حأكون عايشة في وهم ،المعالجة النفسية بتاعتي كانت بتاخدني في حضنها وبتربت على كتفي حتى لو حست إنه ملامح وشي متغيره ساي ،كنت بشاركها كل مشاكلي وافكاري وطموحاتي واهدافي بالتفصيل ،حتى قراراتي لو م اخدته رأيها وأثنت عليها هي ما بقتنع بيها، كانت بتناديني بتي من وانا عمري 17سنه معاها ولولاها ما كنت إتخطيت مشكلة فقدي لأمي ،
كنت بتكلم وانا سرحانه في الكباية..
بعدين جيت هنا و إكتشفت إنه اساساً راجلها ليه يد في موت امي مع العلم إنه راجلها دة صاحب ابوي لزم،ضحكت بإستنكار وحزن وقلت ليه عارف شعور إنه تم إستغفالك و إتلعب بيك سياسة لا سنه ولا سنتين ولا تلاته؟ومن منو؟من الناس الكانت في المقاعد الأمامية في كل مراحل حياتك؟
في تخريجي من الجامعة ما بتذكر إنه عندي صور لي مع واحد من اخواني بس هي وراجلها كانو اول الموجودين وهم الطلعو معي منصة التخريج وإستلمو معي الشهادات،عدت علي فترة هنا كل م افكر في الموضوع بطعن جسمي بدبوس عشان استوعب إني ما بحلم وإنه دة واقع فعلاً ما كابوس...

خت الكبايه من يده على جنب ومسك يدي وكان ساكت مساااافة..
انا محترم مشكلة الثقة العندك حتى من غير ما اعرف تفاصيل وعارف قدر شنو الحاجة دي صعبة على النفس ف ما محتاج منك تبرير او توضيح ابداً ولا تحسي بنفسك ملزمة توضحي لي وصدقيني انا بحب اسمعك وحأكون دايماً عايز اسمعك لما تكوني عايزة تحكي وحتكوني مرتاحة وإنتِ بتحكي ،مش لما تكوني مجبرة عشان تبرري موقف انا كمان بيوصلني شعور سيء شديد لما اشوفك بالحالة دي وبتضايق اكتر من نفسي..

اسألك سؤال يا سياف وتجاوبني بصراحة؟

أسألي

بيقولو ماف زول بمسكوه القلم بكتب على نفسه شقي ليه مختار تتشاقى معي انا ومشاكلي رغم إنه إنت ما مجبور وعلاقتنا وضعها معروف شكلو كيف..

انا حأختارك دايماً ،ولو دة الشقى معاك يا زولة حبابو وحباب كتابتو حتى لو ما بينا شي ما شرط يا شهد وانا م معنى إني معاك معناها منتظر مقابل لا ابداً ما تنسي نحن هنا اولاد بلد واحدة وانا مستحيل اتخلى عنك وما ناسي وضع علاقتنا وشكلها بدون ما تذكريني حتى ولو بالنسبة لينا دي فترة وحيجي يوم وتنتهي انا مبسوط بالفترة دي..
كنت ساكتة وبسمعه بكل حواسي حتى السادسة كانت حضور في اللحظة دي..

كمل كلامو ب إلا إذا إنتِ عندك رأي غير كدة..

وقف على حيلو وهو ماسك يدي وقال لي المهم أنسي كل شي و تعالي أعلمك تلعبي "سلة"
سجلي عندي إشتراك تدريب شهر وأدفعي بالتقسيط م مشكله انا رغم إني مدرب رهيب وعالمي إلا إني متعاون مع متدربيني..

ضحكت وانا بقول ليه مدرب رهيب وعالمي ومتعاون متأكد إنك عايز تعلمني "كرة السلة"ما النرجسية ..

قال لي طالما ضحكتي كدة ممكن نقول شمس بكره شرقت من هسي

السعودية/الرياض

عارف يا طارق انا ما عاوزة ارجع السودان ما عشان إنت معيشني في نعيم لأنه بالعكس أنا طلعت من نعيم كنت عايشة فيه عشان اجي واعيش معاك في الجحيم دة وبين الأربعة حيطان دي،لكن السبب الأساسي إنه لو رجعت وانا مطلقة "وعزباء" زي ما بقولو عندنا في جحيم تاني مستنيني واسوأ من الأنا فيه دة،انا اساساً عرستك وجيت هنا لأني كنت بتعرض لمضايقات من شهاب ،طول الوقت كنت خايفة نايمة او صاحية انا خايفة معي ناس او بدونهم خايفة على نفسي منه ولما جيت قلت ليك عرسني وأستر علي منه حكيت ليك جزء قليل من افعاله..
بعيداً عن إني بحبك بس الله بعلم إني كنت مستعدة اعمل اي شي يحميني منو ويوقفه في حده،وماف زول لجأته ليه و عمل كدة ووقف معي غيرك،ما حسيت إني براي لما لقيتك نازل السودان عشاني ومتكلم معاه ومواجهو وموقفه في حده،ما حسيت بأمان من فترة طويلة إلا بعد ما شفتك قدامي يومها..

انا بكل الرضى هسي بقول ليك من وقتها وإنت كبير في عيني والموقف دة بيمحي عندي كل الأفعال السيئة البتجي منك..
وانا قاعدة مع نفسي إتذكرت وحسيت إني عايزة اقول ليك الكلام دة ♥️

تعالي ما تمشي..
مسكها من يدها وقعدها جمبه في طرف السرير وقال ليها خلينا نحاول..

نحاول؟

ايوا خلينا نحاول نتجاوز كل شي فات ونمشى لقدام،مش دة العايزاه إنتِ؟

بدهشة وإستنكار سندس كانت بتعاين ليه..

بس بشرط مشاكلنا تكون في حدود علاقتنا بدون ما يكون سببها اي اطراف تانيه إنتِ فاهماني اكيد
إنتِ يوم م قلتِ لي يا طارق انا حاصل معي لقيتيني معاك صح؟

صح

طيب انا اهلي بالنسبة لي بدل خط واحد احمر الف خط ،والناس ديل انا قمت وربيت وسطهم وجزءما بتجزأ من حياتي ف انا ما بتردد اساعد واقيف مع اي زول من اهلي ديل لمجرد إني حسيت إنه ماري بظرف ومحتاج لوقفتي معاه،ما ببدلهم ده انا كدة وما بتغير وصدقيني حأعمل ليك الف حساب لما اللقاك محترمه طبعي دة،في حاجات انا لا مؤاخذ عليها وم في يدي اتحكم فيها بس حتشوفيني وانا بجاهد نفسي عشان اخلي المُركب تمشي وأكون متأقلم..

إترمت في حضنه وهي بتقول لين وانا علي محاولاتك عشاني دي يا طارق ♥️

النساء نوعان..
هناك من تكتفي بقلة العطاء لشدة بؤسها وقِلة تقديرها لذاتها..
وهناك من يُكتفى بها

الخرطوم/سانفرانسيسكو ☎️📞

السلام عليكم عليكم أستاذ سياف معاك امجد..

وعليكم السلام يا سعادتك كيفك ياخي إن شاء الله بخير؟
الحمدلله والله بخير ،بعتذر جداً ضارب ليك في وقت يمكن يكون متأخر نسبة لفروقات الوقت وكدة

العفو يا حبيب ياخي حبابك في اي وقت ،انا لقيت رسايلك بس لأني كنت بعيد رديت عليك متأخر ،كيفك وكيف البلد واهلها كلهم بخير إن شاء الله؟

لالا عادي ولا يهمك يا استاذ ،الحمدلله في اتم الصحة والعافية،ادخل ليك في الموضوع طوالي عشان ما امسك بيك زمن،انا عندي زول هناك في امريكا عايز اصل ليهو بأي طريقة كانت وعشان الموضوع بالنسبة لي حساس شويه ما عايز اكلف زول بعرفو بيه او قريب مني بالحاجة دي ،ف الزول الوحيد الفكرت فيه وقلت اللجأ ليه إنت إترددت كتير لأني عارف نظام الشغل والحياة هناك عندكم كيف ويمكن صعب تلقى وقت لكن لو حصل وإتوفقت او صادف إنه عندك زول في المنطقة الهو فيها وبقدر يصلو تكون خدمتني شديد..

عيب عليك الكلام دة يا سعادتك والله،إعتبرها مقضية بس رسل لي بيانات الزول تلفونه وعنوانه وبصلو ليك إن شاء الله حتى لو في ولاية تانيه ابشر

انا تلفونو الأدوني ليه لقيته مقفول دة سبب إني م قادر اوصل ليه ،لكن بحاول اصل لتفاصيل عنوانه وين بالظبط وارجع ليك وافهمك كل حاجة فيما بعد وزي ما قلت ليك إنت ما تكلف نفسك بس لو لقيت زول من معارفك في الولايه الهو فيها يكون ما قصر

إعتبر الموضوع منتهي إن شاءالله حأكون في إنتظارك

تسلم يا استاذ شكراً ليك شديد ياخ بارك الله فيك يلا في امان آلله

من لحظة ما وصلتني رسالة من امجد وانا التوتر مسيطر علي بالكامل وحاسس بضغط في الأعصاب،بالنسبة لي كانت مكالمة مليانة قلق وبعد إنتهت زاد خوفي وتوتري اكتر..

معقول يكون عنده علم بزواج شهد من وراهم وجاهل شخصية الزول الهي إتزوجته وعايزني انا اساعده؟
بس حسب علمي شهد داسة الموضوع دة تماما من اهلها
و يمكن حكت لقريبتها او اختها،
لو حاولت افتح الموضوع واسأل شهد بطريقة مباشرة او غير مباشرة يمكن تضايق ما بقدر اتوقع رد فعلها
ويمكن اكون انا غلطان وفاهم غلط؟
كنت بتكلم مع نفسي إلى أن حسيت نفسي مصطدم مع زول وهو بقول لي:هل أنت بخير؟
انا بخير ،اعتذر
لا عليك توخ الحذر فحسب
بطريقة ما محتاج اعرف من شهد إذا في زول من اهلها عنده علم ولا لأ..

US🇱🇷
سيدة شهد سررنا بتعاونك، شكراً لك على وقتك..

على الرحب والسعة..

كنت في المكتب وإتفاجأت بزيارة افراد من الشرطة للدار بخصوص وفاة العامل وكان تحقيق روتيني في الواقع بس كنت فيه متوترة شديد ومخنوقة لأني حاسة بنفسي بضلل في الحقيقة،وفي طرف بريء حيكون متضرر بسبب سكوتي دة لو حاولو يضغطو علي شويتين كنت حكيت ليهم الأنا عارفاه،حتى لو ما ضغطو علي انا ضميري ما حيريحني..
وانا غرقانة في التفكير مع باب الغرفة دق ومادلين جات داخلة
قالت لي لدي اخبار جيدة اعلم انك تحتاجين سماعها..

كنت ساكتة وبعاين ليها لسة

رجعت قالت لي بنبرة توكيديه :لدي اخبار جيدة بالفعل لست امزح

إتفضلي مادلين

حبيبة العامل لم تكن بالمنزل عند وقوع حادثة الوفاة ،اثبتت التحقيقات أنها بمنزل اهلها في لاس فيغاس لحضور زفاف شقيقتها منذ عطلة الأسبوع الماضي..

وانا بسمع كلامها حسيت إنه إتردت فيني الروح،لقيت نفسي تلقائياً باخد نفس وبقول الحمدلله ،الحمدلله يا رب

كملت مادلين كلامها ب:يبدو انها حادثة إنتحار

ماذا تقول الشرطة؟

يقال انه كان ثملاً ،من الممكن انه قام بإغراق نفسه

أو ان احداً ما قد قام بإغراقه ظناً منه ان حبيبته السابقة متواجدة بالمنزل،لا أعتقد ان موته بهذه الطريقة صدفة تزامناً مع ما حدث هنا وإكتشاف امره..

تلفوني فجأة رن..
إنه الدكتور..
فتحت الخط وقلت ليه مرحبا دكتور كيف حالك؟كنت سأتصل بك
انا بخير،لا اعتقد ان ما سأقوله سيعجبك ولكن هذه الأدوية ستجعلك تواجهين الكثير من المشاكل لأن المواد التي تدخل في تركيبها يصعب ظهورها في الدم عند الفحص ويصعب تحديد تأثيرها المخدر في الدم ،وايضاً لا يوجد قانون يُجرمها او يحاسب من إستخدمها لأنها في الأصل ادوية ولكن تم تخليقها لإستخدامات بعيدة التأثيرات الدوائية

كيف يمكن معرفتها إذاً ؟او ما الذي علي فعله في هذه الحالة؟
ما يمكنني قوله وتنبيهك به هو ان هذه الأدوية مؤثرة على الحالة النفسية ككل منها المهلوسة ومنها المنومة ومنها المنبهه وتأثيرها يعادل 800مره من تأثير بقية الأدوية المخدرة..

ايضاً حال تعرض متعاطيها لمضاعفات لن يتمكن الأطباء من التعامل مع حالته لعدم قدرتهم على تحديد تلك المواد في جسمه..

الوقاية خير من العلاج لا يمكنني القول غير ذلك،لا يوجد ما يمكن قوله في هذه الحاله سوى التشدد في المراقبة لمنع دخولها إلى المسنين ومن ثم اللجؤ للقانون ورفع التقارير الطبية لمعرفة اهداف من يفعل ذلك ومعاقبة من يرتكبون هذا الجُرم بحق المسنين..

ساعية لحل هذا الأمر ،سأفعل كل ما يلزم..

وانا جاهز لتقديم المساعدة اللازمة طبياً وقانونياً حال تطلب الأمر ذلك

شكراً لك دكتور سأعاود الإتصال بك مرة اخرى

بعد ما قفلت الخط إتنهدت،مادلين قالت لي حسناً اعتقد انتِ من تحملين الأخبار السيئة اليوم
نزلت في تلفوني رسايل ،عاينت ليها لقيتها من عمار ومحتواها..

شهد،طمنيني إنتِ بخير؟
انا لسة مستني ردك
فكرتي؟

قفلت التلفون وبعدين قلت لمادلين:دعينا نتحدث لاحقاً

بعد ما طلعت فتحت الرسايل هو كان اونلاين بديت اكتب بعدين إتراجعت..

إتصلت على صاحب مستر جو..
اول ما رد قال لي اصبحتي تفتقدينني كثيراً هذه الأيام..

قلت ليه وجدت مكالمتك ليله البارحة ،هل من جديد؟

اجل ،لقد قمت بمهاتفتك لأنني اردت سؤالك عن الأشياء التي اخبرك بها تايسون عند زيارتك ،اقصد الأشياء التي قام بذكرها لك او الأشياء التي قام صديقي جو بإخباره بها او اركها له

حسناً اتذكر انه اخبرني ان السيد جو قد قام بإرسال رسالة صوتيه له و...الخ
بعد ما ذكرت ليه كل البتذكره عن لقائي مع تايسون قال لي،إذا هو لم يقم بذكر شيء عن أي مُخطط بحوزته..

لا افهمك

قام صديقي جو برسم مخطط للمبنى الخاص بالدار وتوضيح ما توصل له فيه ،كان قد ذكر لي أن المخطط الذي بحوزته ليس مجرد مخطط للدار فحسب وإنما هو لما لا يعلم به احد عن الدار والذي يدور بداخله،وذكر لي ايضاً ان عالم الجريمة هنا بالداخل لا في الخارج وان هذا المكان هو مسرح عالم الجريمه نفسه، وكان قد اخبرني ايضاً انه اعد كل ما يلزم لنشر كل ما يدور داخل الدار والشخصيات المرتبطة بعالم الجريمة فيه ،وانه إستعان ببعض الفدراليين لمساعدته سراً وان الذي سيقدمه سيكون نقله في عالم الصحافة الإستقصائية لمحاربة الجريمة،الأيام التي قُتل فيها كانت اخر ايام له بالدار..

بحوزة من ذلك المخطط الان؟

صديقي جو لا يثق إلا بنفسه ولكن تايسون معتوه وماكر كالثعلب،دائماً ما كان يستخدم قضية إبنته وإختفاءها للتأثير على جو،اعتقد انه لا يخفى عليه أمر المخطط والتقرير الذي أعده جو وكل ما توصل له عن ذلك المكان،واعتقد انه بحوزته بالفعل ولكن هناك ما لا أفهمه حيال إلتزامه الصمت حتى الان،اعلم تماماً ان تايسون تهمه شخصيته السياسية اكثر من اي شيء ومثل هذه القضية هي بمثابة ضربة حظ له وكسب سياسي يُلفت حوله الأنظار،وستحدث نقله لوضعه المجتمعي،
هذه القضية ليست كمثلها من القضايا كثيرون من سعو لحلها ،وهناك الكثير من السعي لجعلها أسطورة لا واقع لها...

هذا يعني ان السيد جو قد توصل لحل لغز هذه القضية بالفعل ولكن تم الغدر به قبل ان يخرج من هذا المكان،ولكن إذا كان المخطط بحوزة تايسون بالفعل ما العمل الان ؟هل نحن بمنطقة الصفر الان؟

الصفر لمن يجهل أصل القضية،نحن على بعد نانو مترات من الحل ولكن يلزمنا بعض الجهد

لا افهم ماذا تعني؟سيأخذ منا البحث عن هذه القضية اضعاف ما اخذته من السيد جو بخبرته ومقدراته،عن اي نانومترات تتحدث؟

لم سنبحث ونحن بحوزتنا ما هو جاهز ؟!

تقصد بحوزة صديقك تايسون

سنحصل عليه بطريقة ما !!

كيف ؟

سنتحدث بهذا الأمر غداً،حتى لا أنسى سيكون عليك التواجد في ذلك المكان عند التاسعة صباحاً

بعد ما فصل رميت التلفون من يدي في الدرج،وبنظرة تشاؤمية رجعت شلته وفتحت رسايل عمار وبقيت اعاين ليها وانا بفكر بيني وبين نفسي في إنه هو ممكن يكون صادق في موضوع حمايتي ومساعدتي دة ولا دي حيلة جديدة عشان يتلاعب بيها علي؟انا لو وافقت على كلامه دة مقابله حيكون خسارتي لحياتي الحالية دي بما فيها،حتى سياف..
بعد ما رجعنا البيت كنت في المطبخ جهزت الأكل وبعدين بديت اغسل العدة وغرقانة في افكاري ،في حال عمار اثبت صفاء نيته ومصداقيته في مساعدتي كيف انا ممكن اخطى خطوة إني اسيب كل شي وكيف ممكن اواجه سياف وأخليه في الصورة او الصح إني أختفي وينتهي الموضوع؟..
اسوأ صفة ما محمودة فيني وبتخليني احس بالسؤ تجاه نفسي دايماً هي جاهزيتي للتخلي دايماً ،كنت بتخلى لما يتطلب الأمر كدة ،والأن حاسة بنفسي إني ممكن أتخلى لما مصلحتي تطلب كدة،شعور ما لطيف بحس بيه تجاه نفسي ولكن هل دة بيعني إني سيئة؟

في نص سرحتي دي فجأة لقيت سياف جمبي بيقفل الماسورة وبقول لي على فكرة في غسالة عدة ما إلا تغسليها في الحوض

كنت بعاين ليه وانا ساكتة،كان ماسك كتاب في يده..

بادرني بسؤال كل شيء تمام؟

ايوا بس إنشغلت شويتين،عاينت للكتاب وقلت ليه بتقرا في شنو؟

كتاب إسمه "إبدأ والنهاية بمخيلتك"..
بيحكي عن شنو؟
يا داب حأقراه،اهدتني ليه صديقة ومعاه مجموعة من الكتب قبل فترة..

بنبرة غريبة تلقائياً لقيت نفسي بقول ليه صديقة؟

بإستعجال قال لي اقصد زميلة دراسة سابقة كانت.

حسيت إني عايزة اضحك على الجدية القالها بيها ،قلت ليه انا إستغربت حبتين بس،إنت بتصاحب بنات؟

يمكن ما تصدقي بس عمري ما إقتنعت بموال إني اصاحب بت دة،لكن في تعامل،في علاقات ما هي صحبة بس مجرد معرفة وسطحية وفي حدود ودة المجتمع والبيئة العايشين فيها بفرضو علينا النوع دة من الإختلاط و..

فتحت الحلة شلت ملعقة مكرونة وقربت عليه ووديتها على خشمه ،بعدها قلت ليه رأيك شنو فيها حلوة؟

شال الملعقة ختاها على جنب ومسك يدي باسها وقال لي عاملاها إنتِ لو م طلعت حلوة يبقى المشكلة يا في مصنع المكرونة يا في مصانع مكوناتها العملتيها بيها الأكيد المشكله م منك

إبتسمت لكلامه وإتوترت من طريقه قربو مني ومسكتو لي يدي..

حتفضل تطبل لي كدة لما طبعي يخرب وابقى نرجسية زيادة عن اللزوم

ضحك وقال لي بكبر ليك راسك عشان تستعجلي تختي الأكل انا جعان..

إجتمعنا انا وهو ولين في سفرة العشاء ،لين كانت قالبة وشها وملامحها ما طبيعية وفي حالة صمت ما بينا نحن ال3
حسيت إني عايزة اللطف الجو ،قلت ليهم ما نفسكم تدوني رايكم في المكرونة بتاعتي لاحظو انا واقفة في المطبخ مما رجعت من الشغل

سياف قال لي والله رأينا قبيل إتقال عليه تطبيل ،نخلي الرأي ل لين حتنصفنا نحن الإتنين..

لين قالت لي حلوة حبيتها وحبين المقبلات العاملاهم معاها،عاينت لسياف وقالت ليه بس طبعاً ما احلى من حقت ماما البتعملها لأنه ماما ماف زول بفوتها في الطبيخ،لو عرست ماما كنت زي الزمن دة حتكون اخ دلعر وفرفشة مافي الأكل بس في كل ش ضيعت حاجة عظيمة من يدك..

في اللحظة دي انا بقيت اعاين ليها بصدمة كدة..

غيرت نبرة الجدية في صوتها لنبرة ساخرة وكملت كلامها ب :بس هسي ما فات شي العرض ما زال قائم ربنا قال مثنى وثلاث وربنا وشهودة زولة محجبة وبتاعة ربنا أكيد ما حتعترض على شرع ربنا واهو ماما حتبقى لينا أخت الإتنين..

لما لاحظت لملامحنا نحن الإتنين ضحكت وقالت لينا امزح امزح مالكم يا جماعة وشوشكم دي بقت كدة؟
وكملت أكل..

ما كنت فاهمة هي بتقول في شنو؟بس مقتنعة تماماً إنه اصدق كلام هو البترمي وسط الهظار دة
كيف امها تعرس سياف وهي مرت صحبو؟وكلامها و نبرة الجدية حقتها بتأكد حاجة انا ما عارفاها بس سياف عارفها..

كنت بعاين لسياف عشان اشوف رد فعله ،الغريب إنه كان ساكت وكل ما ارفع عيني اللقاه بعاين ليه..
حاولت على قدر ما اقدر ما افكر في الموضوع وم اطرح اي سؤال واتعامل بتغابي لغاية ما هو يجي يفتحه معي يمكن يكون عنده تفسير او توضيح للكلام الإتقال قدامي دة،وفي الحقيقة لغاية ما شرقت شمس اليوم التاني وكل واحد فينا مشى دوامه وهو في حالة تغابي و تجنب تام للموقف..

وصلت للورشة او مكب العربات بتاع المرة الفاتت ،ونزلت تحت في نفس المكان الإجتمعنا فيه..
وضعه المرة دي كان مختلف شويه عن قبل،او يمكن المرة الفاتت ما كان في فرصة نشوف المكان كويس..
لما وصلت لقيت ليز هي الوحيدة الكانت موجودة..
قالت لي ظننت انني تأخرت..

قلت ليها لست الوحيدة من ظننتِ ذلك كيف حالك؟

بخير ،يا إلهي هل ترين ؟
لطالما كنت احلمُ بالعمل في مكان يشبه وكالة والإستخبارت ومكاتب التحقيقات الفدرالية غرف خاصة ممتلئة بالشاشات واجهزة الحاسوب وكاميرات المراقبة،لم اكن اعلم ان حلمي سيتحقق ولكن ليس بمبنى ضخم كما تخيلت إنما اسفل مكب خاص بمخلفات السيارات..

ضحكت وانا بقول ليها :إذاً الطريق إلى مبنى وكالة الإستخبارات ومكاتب الفدرالية يبدأ من هنا،تخيلي نفسك متدربة هنا الأن..

اتمنى ذلك..
حسينا بصوت إتجاه السلم إتلفتنا كانو اكيمي وساتشي ومعاهم لويس..
بعد ما نزلو كلهم لويس قال لينا مرحباً هل الجميع على ما يرام؟

قلت ليه اجل نحن على ما يرام ولكن هناك من تأخر عن الموعد بأكثر من 5دقائق

ساتشي قالت لي المعذرة ف والدنا العزيز يجعلنا نقود دراجات للوصول إلى هنا بدلاً عن مارسيدس" كانت متنرفزة"

لويس قال ليهم هيا لنرى ما لدينا لا وقت لدينا..
قلت ليهم في حادثة وفاة العامل بالدار وجدت جثته ملقاة بحوض السباحة بالفعل ولكن قيل ان حبيبتة كانت ب منهاتن منذ عطلة الأسبوع الماضي لحضور زفاف شقيقتها،ويقال ايضاً انه كان ثملاً تلك

ليز قالت لي هذا يعني ان من إرتكب الجريمة كان يظن ان حبيبته متواجدة بالمنزل

لويس قال لينا من المرجح انه قد تم إستدراجه إلى هناك

اكيمي قال لينا هلا تحدثنا بما هو اهم لكسب الوقت؟

ليز قالت ليه حسناً انا سأبدأ..
شالت اللابتوب حقها وكان موصل بشاشة كبيرة من بين الشاشات الموجودة في الغرفة..
قالت لينا لقد توصلت لهذا..
ظهرت في الشاشة صورتين لبصمات إصبع
ساتشي قالت ليها هل تمازحيننا؟

ليز قالت ليها لا وقت لدي للمزاح،دعيني أُكمل..
وفقاً للتقرير الذي حصلت عليه ان السيدة كاثرين كانت تعاني من إكتئاب حاد ف حسب ،يبدو ان الدكتور قد قام بالتلاعب بالتقرير لدواعي امنية حتى لا يتم تسريبه ف بالتالي التقرير غير مفيد حال إستخدمته شهد لإحالتها لمركز تأهيل نفسي او مصح عقلي..

لويس قال ليها وما علاقة هذه البصمات بهذا الأمر؟

قالت ليه واحدة من البصمات تخص السيدة كاثرين،اشرت على واحدة من البصمات وقالت لينا هذه هي بصمة السيدة كاثرين ولكن طبياً شكل البصمة يوحي بأنها مصابة ب إتضطراب الهوية التفارقي او إتضطراب تعدد الشخصيات..

لويس قال ليها ما زلت لا افهم ما علاقة هذا ب ذاك؟

رجعت وأشرت ليه على شكل البصمة الأولى وهي بتقول ليه انظر لشكل البصمة هذه هي لشخص طبيعي ،اما بصمة السيدة كاثرين يلاحظ ان شكل البصمة وما بها من تعرجات يؤكد انها واحدة من بين المصابين بإتضطراب الهوية التفارقي ،يمتلك هؤلاء الأشخاص بصمات مميزة على غيرها من البصمات ،ومن شكل البصمة يمكن التنبؤ بإصابة الشخص مستقبلياً بهذا المرض إذا كان غير مُصاب به في الوقت الحالي..
وعند البحث وجدت ايضاً ان هناك بعض الحالات الغريبة التي كانت تصيب الطلاب من فترة لأخرى في فترة تولي السيدة كاثرين رئاسة الجامعة التي كانت تعمل بها، وقعت العديد من حالات الإختفاء لبعض الطلاب وعودتهم بحالة غريبة وإنتحارهم بعد مرور فترة من الوقت اكثرها عامين..

قلت ليها بهذه البصمات هل يمكننا إثبات ان السيدة كاثرين مصابة بهذا المرض ؟

المشكله هي انه من الصعب مواجهه مجرم مصاب بهذا المرض لأنه يصعب توقع السلوك الإجرامي له ،ولأنه بسبب تعدد الشخصيات يكون سلوك مختلف في كل جريمة حسب الشخصية المستحوذة عليه وهذا هو الأخطر من إثبات صحة إصابتها به..

لويس قال لينا هل من معلومات عن وجود اي بصمات على جثة العامل ؟

قلت ليه لا أعتقد،الشرطة ما زالت تحقق في الأمر ولكن الان اصبح يراودني الشك بأن السيدة كاثرين هي من قامت بهذا الأمر..

ليز قالت لي لماذا ؟

قلت ليها سأخبركم لاحقاً ،ساتشي اكيمي هل هناك ما تودان إخبارنا به؟

ساتشي قالت لينا حسناً فيما يخص السيد ادامز ومصطلح البيتزا جيت..
قبل ما تتم كلامها أكيمي قال مرحباً ابي ،جميعاً هنا نسمعك..
كان فاتح المكبر..
قال لينا لديكم 60دقيقة للخروج من هنا
بقينا نعاين لبعض..
قال لي شهد،ليز ،لويس ستذهبون إلى الحي الصيني حيث مكتبة شقيقة تايسون ..
قلت ليه الان؟ لماذا؟
قال لي لقد سالتني كيف سنحصل على المخطط الذي بحوزة تايسون؟
اجل
إنه بخزنة المكتب الخاص بشقيقته اعلى المكتبة

هل أنت جاد؟
لويس وليز في نفس الوقت"عن اي مخطط تتحدثون؟"..

ضاحب مستر جو قال لأولاده أكيمي ساتشي اخبرانا عن الأمر

اكيمي فتح لابتوبه وبعدها على طول ظهرت لينا في الشاشة المكتبة وقال لينا هنا تماماً يقع المكتب بهذا الطابق..
ولكن السيد ادامز ليس بالسهل ظننت انها خزنة عادية ولكن يبدو أن الأمر اكبر من ذلك..

شهد ،ليز ستدخلان المكتبة ك مشتركات ،سيقوم لويس بتعطيل جهاز الإنذار لمدة لا تتجاوز ال20دقيقة ،في هذا الوقت ستكون السيدة ادامز بالمنزل قد تناولت ادويتها وخلدت للنوم لساعة فقط من الزمن ومن ثم العودة للمكتبة لمواصلة العمل ،مع العلم ان السيدة ادامز فقط هي من تقوم بالدخول لهذا الطابق لا أحد غيرها ولكنها تراقبه طوال الوقت من الهاتف..
ستقوم شهد وليز بالذهاب للمكتب،لقد حصلنا على ما يلزم من بصمات السيدة ادامز لإستخدامه لفتح الباب..
ليز ستقومين بحراسة طابق المكتب والتغطية على شهد وتنبيهها حال شعرت بحركة غريبة او شيء من هذا القبيل..
قلت ليه انااا؟ولِم انا ليس احداً اخر؟
صاحب مستر جو قال لي لأنهم مؤهلون لتدارك الأخطاء والقيام ما يلزم حال حدث اي شيء ليست هناك خطة محكمة ما نقوم به هي خطوة إرتجالية ،وإقتحام مكتبة السيدة ادامز ليس بالأمر السهل كما تظنين لذا سيتعاون الجميع هنا لينجح الأمر وحمايتك
كمل كلامو ب ساتشي ستقوم بمراقبة المكتبة من هنا والتحدث إليكم طوال الوقت وتوجيهكم إلى مخرج بديل حال وقعتم في مشكلة..
أكيمي قال ليهو اما انا سأكون هناك للتلاعب بنظام كاميرات المراقبة الخاصة بالطابق حتى تظن السيدة ان كل شيء على ما يرام كما تراه
وسأقوم بتعطيل بقية الكاميرات لدقائق معدودة حتى لا تراكم السيدة ويتم التعرف عليكم فيما بعد..

كل هذا الأمر يجب ان يبدأ عند الساعة الحادية عشر وينتهي عند الساعة الثانية عشر ظهراً،عند وجود السيدة ادامز لا يمكننا التواجد هناك..

قلت ليه حسناً ولكن كيف علمتم بوجود المخطط هناك؟حتى لا نفعل شيئاً بحماقة يعرضنا للأذى..

صاحب مستر جو قال لي شوهد تايسون وهو يخرج من منزلة ويذهب إلى المكتبة عند الساعة الرابعة صباحاً من فجر اليوم قبل سفره إلى نيويورك، وانا اعلم جيداً ان تايسون ليس من الأشخاص الذين يهتمون بقراءة الكتب والتواجد بالمكتبات ،إنه يصعب عليه قراءة مقال عليه إسمه في وضح النهار حتى ، وإن لم يكن المخطط ف هو لديه ما يخفيه ويخص القضية بهذه الخزنة لأن علاقته بشقيقته امام العامة ووسط الإعلام ليست بالجيدة لذا لا أحد سيلاحظ او يفكر بأنه من الممكن ان تكون لديه خزنة خاصة في المكتبة الخاصة بشقيقته ..

اكيمي قال لي شهد،ليز سأعيد ما قلته لكم،لويس يستيطع تعطيل جهاز الإنذار ل 20دقيقة فقط لأن جهاز الإنذار الخاص بها في حال تعطله بعد 20دقيقة هناك اخر يبدأ في العمل اوتامتيكياً ونحن لم نستطع معرفة أين هو لتعطيلة ،اكرر لا يمكن تعطيله لأكثر من 20دقيقة

قلت ليه حسناً فهمت سأحاول جاهدة ان اقوم بالأمر في 20دقيقة

صاحب مستر جو قال لي حال إنتهت ال20دقيقة ولم ينجح الأمر أتركي كل شيء واخرجي من المكتب هل فهمت؟لا يجب ان يكشف تايسون اننا نشك به ونبحث خلفه،ولا يجب ان تعلم شقيقته بتواجدكم داخل المكتبة..

اجل فهمت ولكن كيف يمكننا فتح الخزنة؟

بهذا
أكيمي طلع لي حاجة في شكل اصبع جلد كدة في كيس،قال لي إنها البصمة الخاصة بالسيدة ادامز
الخزنة تفتح ببصمة العين او اليد،بحوزتنا بصمة الإصبع هذه سنجرب بها الأمر،لا علم لدينا عن نظام الأمن الخاص بالخزنة،قد تحتوي على جهاز إنذار هي ايضاً حال حدث ذلك سيكون هناك خطة B سأخبركم بها لاحقاً ولكن الأهم من ذلك كما قال ابي في حال لم ينجح الأمر يجب أن تخرجو في الحال والذهاب إلى قسم القراءة والجلوس لبعض الوقت هناك حتى اقوم بالتحدث إليكم

صاحب مستر جو قال ليها ليز عليك فعل كل ما يلزم لحماية شهد والتركيز على كل ما هو حولكم وتوخي الحذر

ليز قالت ليه حسناً فهمت سأفعل لنذهب إذاً إنها العاشرة والنصف الان

أكيمي يجب ان تكون هناك لتعطيل نظام الكاميرات قبل وصولنا
سأكون هناك خلال 10دقائق

بعد ما طلعنا وانا في العربية مستنيه ليز ،فتحت تلفوني لاحظت لإشعارات رسايل نازلة

مفتقدك
ما سعيت لشي وإتمنيت احصل عليه غيرك
العرس إستقرار وانا ما حسيت بالإستقرار إلا وانا معاك
بكتب ليك الكلام دة وانا على يميني سندس نايمة ومتطمئنة
انا ما إبتديت افكر في المستقبل إلا وانا معاك،إنتِ ما بس كنت شريكة أحلامي كنتِ بطلة قصتي
محتاجك توجهيني كيف اتناسى كل دة وأقضي حياتي وانا متأقلم؟..

#ليله_في_ديسمبر54

كنت ماسكة التلفون و بعيد في قراية الرسايل لغاية ما لقيت ليز بتقول لي انا هنا..
ختيت التلفون على جنب وقلت ليها اسفة ما لم أنتبه لوجودك

ما المشكلة هل انتِ خائفة؟
لا لست خائفة،انا بخير
هل اتاك خبر سيء او شيء من هذا القبيل؟وجهك شاحب..
لا..سكت مسافه وانا مغمضة عيني بعدها قلت ليها إنه فقط موسم عودة الإكسات كما يقال عنه..

ضحكت وهي بتقول لي يبدو انك لم تتخطي الأمر بعد؟

بنظرة ساخرة قلت ليها لقد تزوجت..

فخورة بك عزيزتي تهانينا " مربيتي قالت لي ذات مرة الرجال نوعان ،لا داعي لكثرة الشكوى منهم والشقاء لأجلهم فالرجل :غيريه او غيريه"...🤹‍♀️

ضحكت وقلت ليها إمرأة حكيمة

تفضلي هذه إنها" سماعة اذن" سنكون على تواصل بالجميع بها
ادتني ليها ركبتها في اضاني بعدها قالت اكيمي اخبرني نحن على الطريق الان
قال ليها سأكون بالداخل خلال دقائق

ونحن ايضاً
اول ما وصلنا قلت ليها ها نحن ذا بالمكتبة
فجأة جانا صوت صاحب مستر جو وقال لينا ستكونا بالسيارة حتى يخبركم أكيمي بأن كل شيء جاهز،
ساتشي هل تسمعينني؟
اجل ابي اسمعك،لا شيء يدعو للقلق هنا

لويس ماذا حدث معك؟
انا بالداخل بالفعل واقوم بعملي بإنتظار دخول الفتاتان

رجع قال لي شهد تذكري جيداً أن..

قلت ليه إذا لم ينجح الأمر علي الخروج من هناك في الحال

أكيمي قال لينا انا اتحكم الان بنظام كاميرات المراقبة الخارجية للمبنى ،هيا ادخلا بسرعة..

نزلنا بسرعة عايزة ادخل المكتبة الكنت دخلتها قبل كدة ليز مسكتني بسرعة وقالت لي من هنا..
قلت ليها هل من تغير في اخطة؟

لا إنه الفرع الرئيسي للمكتبة ، مشينا على إتجاه مبنى تاني وكان ضخم كدة ،دخلنا على الإستقبال ليز طلعت كرت او بطاقه مدتها لي وكان في واحدة في يدها قبل ما نصل الإستقبال
قلت ليها ما هذا ؟
بطاقة الإشتراك الخاصة بالمكتبة يجب ان تكون بحوزتك لتعبري إلى الداخل
لما وصلنا قالت للفي الإستقبال مرحباً سبدتي،أحمر شفاه جميل احببته
ردت ليها ب:شكراً لك عزيزتي
كان في زي حاجز كدة في المكتبة ما بفتح إلا بتمرير البطاقة ،مررتها عليه فتح وقفل اول ما دخلت هي
قالت لي هيا
دخلت وراها بعد ما مررت البطاقة وقلت ليها من أين حصلت عليه؟
كل هذه مكتبة؟يا للهول إنها ضخمة للغاية

إنها الغلاف الإعلامي لتايسون والغطاء لأفعاله في الوقت ذاته

كفا عن الثرثرة ارجوكما "كان صوت ساتشي"

ليز قالت :أكيمي نحن على المصعد،أي طابق يفترض ان نكون به؟
الطابق الرابع ،أجلسا عليه لبعض الوقت
نزلنا الطابق الرابع..
كانت صالة ضخمة شديد ومبهرة في شكلها وتصميمها وفيها عدد قليل من الناس..
قبل ما نقعد ليز شالت كتاب من واحد من الرفوف وانا وراها شلت..
قعدنا وبقينا نقلب في الكتب لدقايق معدودة بعدها لويس قال لينا ها تسمعانني؟
قلت ليه اجل لويس تحدث
انا جاهز لقد تحصلت اخيراً على مفتاح جهاز الإنذار ..

ليز قالت :اكيمي..
قال ليها لقد عطلت نظام المراقبة بالكامل الان عدا الطابق الذي ستصعدان سيكون من الصعب تعطيل جميع الكاميرات لأنها تجميعية كاميرات ذات شركات و انظمة مختلفة
قلت ليه إذا هل سنلغي الأمر؟
لا سأفعل ما يلزم للتغطية سيكون كل شيء على ما يرام ،اذهبا بالمدرجات حتى لا يلاحظ أحد

ابوه قال ليه امتأكد ان كل شيء سيكون على ما يرام؟

أجل ابي ثق بي

ليز قالت لي هيا لنذهب إذاً،لويس نحن ذاهبتان سأخبرك عند الوصول..

حسناً انا بإنتظاركم
طلعنا بالسلالم وانا خلاص بديت اتوتر،قلت ليها حال كُشف امرنا او قُبض علينا ما هي..

قبل ما اتم كلامي اكيمي قال سنكون جميعاً تحت رحمة تايسون ادامز..

لويس قال لينا هل وصلتما؟
أكيمي قال ليه تقصد هلا تعجلتما؟

وصلنا الطابق،
ليز قالت ليه اكيمي هل نحن بأمان ؟
قال ليها اجل
وصلنا المكتب ليز قالت ل لويس هل تسمعني قم بتعطيل جهاز الإنذار الان

أجل ،تم الأمر هيا لديكم 20دقيقة..
ليز طلعت بطاقة وبتفتح الباب..
قلت ليها لديك نسخة لهذا الباب ايضاً؟من اين حصلتي عليه؟
يا إلهي ! كفي عن الأسئلة عزيزتي هيا،سأكون بإنتظارك في الأسفل لأن اكيمي قال انه لم يستطيع إختراق نظام تحكم جميع كاميرات المراقبة لذا سيكون من الصعب إنتظارك هنا
دخلت بتردد وليز ادتني البطاقة وقالت لي عند الإنتهاء إستخدمي هذه للخروج من هنا،قفلت الباب وراي ،بقيت اتلفت في الغرفة..
ساتشي قالت لي لديك 19دقيقة..
كنت بتلفت وانا ما شايفة خزنة في اي زاوية في الغرفة..
لويس قال لي هل وجدتِ الخزنة؟

لا،لا اراها
صاحب مستر جو قال لي ابحثي جيداً إنها بالغرفة

لسة كنت بعاين وانا متوترة..
ليز قالت لي شهد،متبقي من الوقت 15 دقيقة..
صاحب مستر جو بصوت حاد قال ليهم توقفو عن تشتيت إنتباهها بذكر الوقت..
لويس ،اكيمي هل الخطة B جاهزة؟
اجل ابي جاهزة ولكن ايضاً لن يكون لدينا متسع من الوقت سوى 5دقائق اخرى

لا بأس ،اعتقد إنها كافيه للخروج

انا فعلاً كنت مشتتة وم كان في اثر لوجود خزنة في الغرفة ولا بأي شكل كان ،وكنت مركزة مع الزمن اكتر ،وللحظة حسيت من التوتر ألم القولون قايم علي وجاتني الالام في بطني..
وكانت في حالة من الصمت بينهم كلهم
عاينت للزمن لقيت متبقي 10دقائق..
اكيمي قال لي شهد تسمعينني؟

لاحظت ل لوحة كبيرة معلقة في الحائط ،الرسمة العلى اللوحة نفس شكل المندولة السيد جو اهداها ل تايسون وحكى لي عنها وكان في واحدة منها في باب حمام السيدة إيفا..
وقفت عندها للحظات وانا بعاين ليها،ما كانت شكل مشابه كانت هي نفسها في شكل رسمة،شلت كرسي المكتب بسرعة ومشيت عليها حركت اللوحة فعلاً كانت الخزنة وراها..

لويس قال لي شهد الوقت ينفذ هيا سيكون عليك الخروج بعد دقائق اخبرينا ما الذي يحدث معك

ليز قال لي 9دقائق هيا شهد لنذهب،هل تسمعينني؟
اللوحة كانت كبيرة شديد وتقيله في وزنها كنت على وشك إني اقع..
نزلتها على جنب..

ساتشي قالت لي لا اريد ان اكون تحت رحمة العم تايسون بسبب عنادك،عليك الخروج الأن

قلت ليهم هل الوقت نفذ؟ لا
أتركوني إذاً ،توقفو عن تذكيري بأن الوقت ينفذ

الخزنة كان حجمها كبير بحجم اللوحة،وزي ما إتوقع اكيمي هي فعلاً بتفتح بالبصمة..
بقيت بفتش في الأصبع المصنع عليه بصمة تايسون الأداني ليه اكيمي..
صاحب مستر جو قال لي شهد تتذكرين جيداً ان عليك الخروج عند نفاذ الوقت صحيح؟
ليز قالت لي تبقت 5دقائق بدا العد التنازلي ،
إفتحي الباب دعيني اساعدك

لويس قال لي عند نفاذ الوقت ساقوم بقطع التيار الكهربائي من المبنى لمدة لا تتجاوز ال5دقائق وهي المدة التي سيستغرقها العاملون في الوصول لغرفة التحكم لمعرفة المشكله وحلها،لا خطة بديله..
لقيت البصمه لبسته وختيت صباعي في زر البصمة الخزنة فتحت،اول ما فتحت بقى في زي بخار متصاعد من جوانب او اطراف الخزنة ،ريحته نفاذة وغريبة بس من شدة توتري ما ركزت معاه
بقيت بعاين في الخزنة كانت فيها فايلات كتيرة ،بقيت اقلب في الفايلات واقرا فيها واحد ورا التاني

ليز قالت لي شهد انا قادمة إليك هيا افتحي الباب..

لويس قال لي الان سأقوم بقطع التيار الكهربائي،ليز عليك مساعدتها في الخروج خلال 5دقائق وإلا كُشف امرنا..
فجأة لاحظت لشنطة شنطة حجمها صغير تحت الفايلات طلعتها من تحتهم بسرعة وشكلها مقفولة برمز،بقيت احاول افتح الشنطة م قادرة افتحها والبخار متزايد وقالب على لون غريب كدة بقيت اكح ،وحاسة ،للحظة حسيت إنه اطرافي ماشة تبقى تقيله وشبه جاتني دوخة،وانا لسة مُصرة افتحها..

فجأة الكهرباء قطعت..

اكيمي قال ماذا يحدث؟
ليز قالت ليه انا في طريقي للمكتب
كانو كلهم في حالة توتر وكلهم بتكلمو في نفس الوقت وبرددو عليكم الخروج الان،
شهد..
وانا جايطة وكنت حاساهم كلهم بتكلمو في راسي
كنت برجع في الفايلات بسرعة وانا حاسة بنفسي ما قادرة ارفع شي،وبعاين للساعة في نفس الوقت..
بعد دقايق معدودة،كانت في حالة من الصمت حاصلة..

ماذا حدث؟هل تم القبض عليهم؟
هل نحن في ورطة مع تايسون؟
ليز؟
ليز هل تسمعيني؟
اكيمي قال ليهم لقد قمت بتعطيل نظام المراقبة بالكامل ونجحت بتعطيل الطاقم الذي هم به، لا علم لدي عما يجري هناك الان ..

كان خطأً فادحاً قرار التسلل بهذه الطريقة دون خطة محكمة،اجل إنها مكتبه فحسب ولكن نحن نعلم تماماً من هو تايسون وما الذي يمكنه فعله..

قلت ليه لا يمكنه فعل شيء لويس لأننا بالخارج بالفعل وفي طريقنا لورشة السيارات..

كلهم حسيتهم إتنهدو بصوت واحد وصاحب مستر جو قال لينا ماذا حدث معكما ؟
قلت ليه لا شيء ،سنتحدث عند الوصول إلى هناك..

ليز كانت سايقة العربية لأنو انا طلبت منها كدة،اول ما وصلنا ونزلنا مكانا المعتاد اكيمي ولويس كانو واصلين قبلنا
ساتشي اول ما شافتنا قالت ليهم ها قد اتت بقيه الجرزان..
لويس قال ليها هلا تكلمتي بقليل من اللباقة؟

قالت ليه نحن جرزان بالفعل وإلا كنا بمكان افضل من هذه الحفره..
اكيمي قال لينا هل انتما بخير؟اين كنتما قلقنا عليكما كثيراً..
ليز قالت ليه كنت اقود السيارة لأن شهد كانت متعبة قليلاً..

كنت شايلة الشنطة في يدي وكلهم كانت نظراتهم متوجهه ليها..
لويس قال لينا هل وجدتما شيئاً؟
ليز قالت ليه اجل،اعتقد انا شهد لديها ما سترينا إياه..

فتحت الشنطة
كانت واحدة من محتوياتها فلاشين،وفي زي علبة مستطيلة كدة شكلها زي شكل علبة طلبة هندسة البشيلو فيها الورق وفيها مجموعة من الملفات..

قلت لي ليز هل يمكنني إستعارة جهاز الحاسب الخاص بك لدقائق؟

قالت لي بالتأكيد وناولتني الجهازها قلت ليهم سنعلم الان ما بداخل هذه الفلاشات اولاً...

دخلت الفلاش الأول ودخلت على الملفات الموجودة فيه..
كان في ملف مكتوب فيه ضحايا..
فتحنا الملف كانت فيه تجميعية صور كتيره شديد لناس اغلبهم افارقة في شكلهم،طبعاً في منهم جنسيات تانيه بس الغالبيه العظمى منهم افارقة،تجميعية الصور دي متشكلة في شكل سفينة في نص البحر ..

ساتشي قالت :ماذا يعني هذا؟
طلعنا من الملف دة..
لاحظت لوجود فيديوهات،دخلت فيهم ،فتحت اول فيديو..
كانت في لحظة صمت ونحن بنحضر في الفيديو..
افكاري كانت متضاربة،تقريباً دي الفلاشات نفسها الإتسرقت من مستر جو ،بس كيف وصلت لتايسون؟وليه إتغابى عن معرفتو بيها؟

الفيديو كان لمجموعة مهاجرين بحسبو فيهم وهم بركبو في سفينة وبقولو في اسماءهم واحد ورا التاني،رجال،نساء،اطفال..
اشكالهم كانت بتوحي بالعجز والخوف ممزوج بالحماس والشجاعة في نفس ذات الوقت..
عجز وخوف بفسرو قله حيلتهم الوصلتهم للطريق دة عشا ينجو بنفسهم من واقع الحياة السيء في وطنهم رغم إحتمالية نجاتهم الضئيله..
وحماس وشجاعة مرسومة على ملامحهم للأحلام الحتتحقق في حال عبورهم المياه الدولية ونجاتهم من خفر السواحل ووصولهم لبلاد العم سام..
وفي الحقيقة هم شجعان بالفعل
في فيديو تاني كانت متعالية اصواتهم لحظة تصوير الفيديو
واحد منهم قال جاهزون للمخاطرة من اجل عيش حياة كريمة لنا ولأبناءنا ،افريقيا لديها كل شيء لتعيش في نعيم ولكن مواطن افريقيا يفتقر لكل شيء حتى العيش في سلام،لطالما كنا نردد ان الهجرة مجرد خدعة للهرب من فشلنا ،وان الوطن اولى بنا ،ولكن الوطن لم يقدم لنا حتى ابسط المقومات للحياة فيه،احلام الشباب تتساقط ،لا يوجد اي ضؤ في اخر النفق كما يقول البعض،جميع الذين يتحدثون عن حب الوطن تجدهم بالفعل بالخارج ،لأنهم يدركون أن العيش به مضيعة للعمر فحسب..

إنتقلت الكاميرا لواحد تاني قال :أؤمن بمقولة ان من سار على الدرب وصل،وها انا ذا على الدرب الأن...

رد ليه واحد تاني وهو بقول ليه سمعنا بأن العشب في الجانب الأخر اكثر إخضراراً وها نحن ذا ذاهبين لرؤيته..

الفيديو دة كان لناس نبرات صوتهم بتخلي مشاعرك مختلطة،ما بين هم على حق وما بين إختيارهم للطريق ورهانهم عليه خطأ

إتخطينا الفيديو دة بفيديو غيرو وهنا كانت الصدمة..
كان فيديو بوثق لجريمة قتل..
بعد مرور دقيقة قفلته وإنتقلت لفيديو تاني كان توثيق لجريمة قتل برضو ابشع..
والتالت برضو نفس الشي وطريقته كانت ابشع من الإتنين القبلها..
الرابط المشترك بينهم كانت الفيديوهات كلها لنفس الشخص
قفلتو بسرعة وانا برجف،وانا اصلاً كنت حاسة برجولي ما شايلني ف قعدته بسرعة على الكرسي..
ليز قالت لي هل أنتِ بخير؟
ناولتني البوتل بتاعة الموية حقتها..
لويس قال لينا ما كان هذا؟
كلنا كنا ساكتين
ساتشي قالت لينا هل من تفسير لهذه الفيديوهات؟هل هي مشاهد من فيلم رعب ام ماذا؟

ليز مسكت اللابتوب بتاعها وقالت:يا إلهي أنظرو يوجد العشرات منها..
اكيمي قال :ما الدافع لكل هذا؟

قلت ليهم يمكنني التوضيح..
كلهم بقو يعاينو لي
قلت ليهم إنها مافيا الإتجار بالبشر والهجرة غير الشرعية ،وهذه الفيديوهات في الأرجح تعود لأحد المهاجرين، هؤلاء المهاجرين يتم إستغلالهم لمثل هذه الجرائم،ولأغراض اخرى مقابل العيش هنا..
ليز قالت لي قتلة مأجورين؟

قلت ليها شيء من هذا القبيل،ولكن بالطيع هذه الفيديوهات تؤكد انهم يرتكبون تلك الجرائم تحت الضغط والتهديد ومن ثم التحول تدريجياً لجزء لا يتجزأ من المافيا وهكذا تتشكل كتلة المافيا وقتلتها المتسللين وتتوسع دائرتها شيئاً ف شيئاً،وهذه الفلاشات تعود للسيد جو ،تمت سرقتها منه في ايامه الأخيره قبل وفاته ما تسبب في تأخير خروجه من ذلك المكان

اكيمي شال العلبة الوصفتها قبل من الشنطة وفتحها طلع ورقة لونها مايل للبيج وم كانت كاملة واضح إنها مقسومة نصين..
رفعها وقال لينا ما هذه؟

بإستغراب ليز قالت ليه هل هذا المخطط الذي خاطرنا لأجله؟

لويس قال ليها لأ ارى سوى ورقة بيضاء

ساتشي بحيل متهالك إتنهدت وسندت راسها في الكرسي يبدو ان السيد تايسون قد نصب لنا فخاً

اكيمي رماها من يده بنفاذ صبر وغضب
شلتها وبقيت اعاين ليها مسافة بعدها قلت ليهم هلا تريثتم وهدأتهم؟دعونا نحتفظ بها الان..

لويس قال لا احد منكم علق على ان هذه الفلاشات تحوي اهم شيء يمكن ان يقوم بإيصالنا لمن نبحث عنهم،او بالمعنى الأصح هم من سيبحوثون عنا بعد الان..

ليز قالت ليه في البدايه يمكننا البحث عن احد هؤلاء القتلة ومعرفة من هو وكيف يعيش حياته هنا ومن ثم التفكير في الخطوة القادمة..

سكتت مسافة وقلت ليها فكرة جيدة

اكيمي قال ليهم لنفكر في الأمر جيداً قبل اي خطوة،ويجب علينا التشاور وإطلاع بعضنا البعض عن اي خطوة قبل القدوم عليها حتى لا يقع احدنا في كارثة،

انا كنت تعبانة للحد المخليني اسمع اصواتهم بعيدة وهم بتناقشو بس كنت بقاوم على قدر ما اقدر،لما حسيت إني ما قادرة اتجاوب او اركز معاهم
قلت ليهم هل يمكننا الإجتماع غداً ؟لست بخير الان
قال لي حسناً ،ليز قالت لي انا ايضاً لدي ما علي فعله،لويس هل يمكنك صيانة دراجتي الان؟

قال ليها يمكنني ذلك في الحال
مشيت على جهاز ليز وشلت منه الفلاشات وشلت العلبة الملفوفة فيها الورقة دخلتهم الشنطة وقفلتها..
ساتشي قالت لي ستتركينها هنا صحيح؟
قلت ليها لأ ،سأحتفظ بها ولكن ليس هنا هل لديك مانع؟
سكتت
وأنتم يا شباب هل لدي احد منكم مانع؟
ليز قالت لي بالطبع لا
اكيمي قال لي وانا لا مانع لدي،
لويس قال لينا وانا ايضاً..

إستأذنتهم وطلعت ،للحظة كنت حأقول ل ليز وصليني بعربيتي بس لاحظت لإنشغالها مع لويس بعد ما طلعنا،إتوكلت ركبت العربية وبلعت حبوب مسكن ووقفت مسافة حسيت إني إستعدتة تركيزي بعدها إتحركت..

.........................................

سافر تجد عوضاً عن من تفارقه...♥️
"الامام الشافعي"

اخدته وقت طويل عشان تتشكل قدامي رؤية المقولة دي بصورة واقعيه اكتر من الكنت متخيلها..
حاجات كتيرة عشتها بعد وصولي للولايات المتحدة وإتملكتها بعد تعب ومعافرة ومعاناة وكنت بعدها بردد المقولة دي وبقول دة العوض المعني فيها سواء شغل،بيت،حياة افضل بكتير من الكنت راسمها في مخيلتي في يوم..

من جات شهد وانا ما حاسي بشيء غير إنه حضورها لغى كل الحاجات الفوق دي..

عادي اقول صباح الخير مرة تانيه صح؟..

اهلين إتفضلي لين
إتأخرت عليك؟عارفة نفسي إتأخرت من غير ما تقول

لالا ما مشكلة إتفضلي،تشربي شنو؟
ولا شي،انا جايه وانا متوترة منك خير اللهم اجعل خير طالما طلبتني بالطريقة دي وملامح وشك م بتتفسر خالص معناها في مصيبة..

ما مصيبة ولا شي ،حنتكلم بس

طيب قول لي
لين ،انا عمري ما قللت منك قدام زول لأي سبب كان ودة لأني بتعامل معاك معاملة الزولة الكبيرة وعاقلة ودارسة تصرفاتها

حصل وماف زول غيرك بعاملني كدة علشان كدة بقول إنه إنت افضل حاجة حصلت في حياتي وتعلقي بيك دة ما جاي من فراغ ابداً

الحاجة دي من ناحية كويسة ومن ناحية بتخلي عندك تصرفات بالنسبة لي ما مقبولة حتى ولو كانت عفوية وم مقصودة
لين سبق نحن إتناقشنا في موضوع امك الفتحتيه معي قبل كدة وانا موقفي وقتها كان واضح والأن انا برضو ما اظن انا محتاج أعيد ليك نفس الكلام لكن حأعيدو ،لا يمكن انا وامك في يوم يحصل بينا الإنتِ عايزاه،انا رفضي لوالدتك نفسها ما مفروض اوضح ليك ليه واعدد ليك الأسباب إنتِ بعد كدة ما شافعة وبتفهمي صح يا لين؟
شهد زولة في حالها للأخر و متحفظة شديد وكتومة م بترد حتى على الكلام البضايقها وما ندر تاخد موقف بصورة واضحة دة لإنشغالها الدايم وعدم تركيزها الشديد بس دة ما بخليني اتجاوز كل تصرفاتك الما مسؤولة تجاها بالتحديد ،انا بحترم شهد جداً وبحترم مشاعرها وبعمل ليها الف حساب طبيعة العلاقة بيني وبينها قايمة على الإحترام قبل كل شيء ومتأكد اي واحدة مكانها حتضايق من طريقة كلامك المتعمدة سواء اليوم او غيره من الأيام ،إحترامك ليها دي طبيعة العلاقة المفروض بينكم يعني ما شي انا مفروض اطلب منك تقدميه ليها

انا بهظر يا سياف هي لحقت تشكي ليك؟

هي ما إتكلمت بس الموضوع ضايقني اكتر منها وطالما ضايقني معناها سبب كافي يخليني اتكلم معاك وحتى لو جات شكت دة حقها ودة ما الموضوع الأنا جايبك عشانه،انا النقطة المهمة بالنسبة لي هي..

فهمت يا سياف ،ولعلمك انا كنت بهظر بس ما اكتر كبرت الموضوع شديد واخدته لمنحنى تاني،وبالنسبة لموضوع امي دة باب وإتقفل من بدري شديد إلا إذا إنت شايف غير كدة..

انا شايف إنه طالما إتقفل يبقى ماف سبب يخليه يتفتح الصباح على سفرة الفطور وبالطريقة دي،ولا يتفتح اساساً ،في حاجات ما ينفع فيها الهظار ،إنتِ عارفة يا لين انا اهم حاجة في حياتي ماشي عليها هي الوضوح والحدود الما قابلة للتجاوز ابداً

تمام يا سياف انا اسفة إذا ضايقتك وحأعتذر لشهد برض،عن إذنك لازم ارجع المعهد

كنت متضايق جداً لأني إتجبرت اتكلم معاها بالإسلوب دة وم كان عندي خيار غيره،وسط الجوطة الأنا فيها دي وصلتني رسايل من امجد اخوها لشهد..

قبل ما افتحها شهد جات داخلة علي المكتب..
دخلت بإندفاع حتى إني إستغربت..
كانت ملامحها غريبة ،وم متزنة في وقفتها متمايلة..
قلت ليها شهد؟
وهي عيونها مغمضة كإنه زول بغالب النعاس وبصوت خافض قالت لي سياف..
وقفت على حيلي ومشيت عليها
إنتِ كويسة؟
عايزة قهوة او شاي ممكن تطلبهم لي؟مصدعة شديد،وراسي تقيل ،وكمان اطرافي ما حاسة بيها،اخدتة حبوب مسكن بس عملت لي شي..
من متين حاسة بكدة ؟ليه ما إتصلتي علي؟
وانا ماسكها في اللحظة دي إترمت بكل مافيها علي فاقدة للوعي تماماً وم متحرك ليها ساكن حتى..

حالتها دي خلتني فاقد التركيز للحد الخلاني إستنجدت بصديقي الدكتور بدلاً عن طلب الإسعاف..
فقدت قدرتي على عمل الإسعافات الأولية رغم إني ماخد اكتر من كورس و شهادة فيها بحكم شغلي في المخيمات

لما الإسعاف وصل شهد حتى التنفس بتاعها كان شبه متوقف..
كنت متصلب في مكاني وانا بعاين للمسعفين وهم برفعوها في النقالة وبشيلوها للعربية..
كنت وراهم لما كانو بركبو ليها في الأوكسجين ،وهي ما كان بتحرك ليها ساكن..
واحد من المسعفين كان بسألني عن إسمها وعمرها و...الخ
كنت بسأل فيه مالها حاصل ليها شنو؟الصباح كانت كويسة،هي وصلت هنا برجولها..
كان كل ما هو يسأل انا برد بسؤال..
وصلنا المستشفى المسعف كان بتكلم مع الدكتور بسرعة..
شهد عبدالله
32عام
...الخ
الجمله الوحيدة الركزت فيها حاولنا إعادة التنفس للوضع طبيعي ولكن وضعهها حرج للغاية..

دخلوها غرفة الإسعافات بسرعة ونزلوها على السرير وبسرعة كانت في حركة مريبة حولها..
اللحظة دي مألوفة عندي وكأنها بتعيد نفسها مع إختلاف الشخصيات..
عيني وقت على جهاز الصدمات..
والباب إتقفل ،وقفت ورا الباب وانا بعاين ليها وهي بنعشو فيها بجهاز الصدمات ..
الموضوع كان اشبه بالخيال..
لسة صوتها وهي بتقول عايزة قهوة مصدعة شديد يتردد في مسامعي..
واقف جمب غرفة الإسعافات وبتخيل الحاصل دة كأنه حلم ما واقع..
طلعوها من غرفة الإسعافات ،كنت ماشي وراهم وبسأل مالها حصل ليها شنو؟
كان رد الممرضة إنه الدكتور حيشرح ليك الوضع
دخلوها غرفة الإنعاش..
عدت اكتر من نص ساعة حتى طلع الدكتور..
دكتور ما بها ؟هل هي بخير؟
لقد تعرضت زوجتك لأحد الغازات السامة ،توقف قلبها عن العمل وعاد من جديد ، والان بدأ التنفس يعود تدريجياً بعد عملية الإنعاش،نقوم بفعل كل ما بوسعنا لإنقاذها لا يمكنني القول غير ذلك لأن الغاز الذي تعرضت له من الغازات السامة والخطرة للغاية وهو ما تسبب في توقف عمليه التنفس تماماً ،ارجو المعذرة علي الذهاب..

لغاية قبل كلامي مع الدكتور كنت فاكر حالتها دي سببها القولون العصبي ما اكتر،وإنه من غرفة الإسعافات بس حنطلع على البيت..
عدت ساعة وإتنين وتلاتة ولسة ما كان في جديد في حالتها..
إتصلت علي مادلين..

مرحبا سيد سياف
مرحبا مادلين
أعتذر على الإزعاج ولكن هاتفت السيدة شهد كثيراً وهي لا تجيب، وكانت قد اخبرتني منذ 4 ساعات انها قادمة في الطريق هل بخير؟

ألم تكن شهد بالدار اليوم؟

لا لم تأتي اليوم

متأكدة مادلين؟

اجل مادلين لماذا؟ماذا حدث؟

إتفاجأت بقولها إنه شهد ما مشت الدار،طيب كانت وين؟

سيد سياف هل أنت معي؟

اجل اسمعك،إنها بالمستشفى

مستشفى؟اي مستشفى ولماذا؟

اديتها عنوان المستشفى وما قدرت اشرح ليها مالها إلا بعد وصولها للمستشفى..

عندما اخبرتني بأن السيدة شهد بالمستشفى ظننت انها تعرضت لحادث سير او شيء من هذا القبيل ،لم أتخيل قط انها قد تكون بهذه الحالة ،محاطة بالأجهزة وتحارب للعيش،بالأمس اخبرني مديري أنني وفريقي سنكمل العمل بالدار لأن السيدة شهد رفضت تبديل الشركة لنا بفريق اخر ،واخبرني ايضاً بأنها قامت بتقييمنا بأننا الأفضل،إنها سيدة جيدة للغاية...

لم تخبرك شهد أين كانت او إلى اين هي ذاهبة عندما قامت بالإتصال بك؟

لا ،اخبرتني فقط انها في الطريق قادمة إلى الدار.
سكتت للحظات وسالتني..
متى تعرضت لهذا الغاز السام وأين؟
هل قمتم بإستخدام مبيد للزرع او للحشرات بالمنزل وتسبب لها بالتسمم ام ماذا؟

لا نستخدم اي نوع من المبيدات بالمنزل، خرجنا معاً كانت بخير ،هي من قامت بإيصالي للعمل،عندما احضرتها إلى هنا اخبرني الدكتور انها تعرضت له منذ مدة لا تتجاوز الساعتين او اقل..

هذا يعني انها قامت بإيصالك للعمل وذهبت لمكان اخر ربما لمزرعة او لحديقة الحيوانات وتعرضت لإستنشاقه هناك..

كنت ساكت لأني عارف شهد بتواجه شنو في المكان داك،والمشهد دة شبيه بمشهد وفاة مستر جو ،المشهدين متقاطعين في نفس السبب..

مادلين وقفت على حيلها وهي ماشة بعدين رجعت وقالت لي :ام ان السيدة شهد تعرضت لمحاولة إغتيال؟
سكتت مسافة وهي بتفكر قعدت جمبي وهي بتقول
يا إلهي لما لم افكر في هذا؟
رفعت عيني عاينت ليها وانا ساكت..
قالت لي اجل ،إنها بالفعل كذلك،ولكن اين؟..

قلا ليها لا استطيع التفكير في شيء الأن ،كل ما يهمني هو سلامة شهد والإطمئنان عليها،اخبرني الدكتور ان وضعها غير مستقر لذا ستكون بالإنعاش وتحت المراقبة ل72ساعة،حتى انني ممنوع من رؤيتها ..

ستكون بخير ،انا واثقة من ذلك سيدي

قعدنا انا وهي لساعات في نفس المكان،بعدين قلت ليها:وجودك بالدار اهم من هنا،اسدي لشهد معروفاً بالوقوف على أمر الدار إلى حين عودتها..

لا تقلق لأمر الدار،انا وعائلتي وفريقي جميعاً سنقف جنباً إلى جنب لحماية هؤلاء المسنين كما كانت تفعل السيدة شهد..

وايضاً لا تخبري احداً عن حادثة التسمم هذه،اخبريهم انها مريضة وتعرضت لوعكة صحية فحسب

حسناً سيد سياف ،سأفعل

مرت 72ساعة وانا ما عارفها هي مرت كيف،ما كان بكون في جديد عن وضعها،بعد ال72ساعة دي اصريت شديد على إنه يسمحو لي اشوفها..
كان رد الدكتور إنه الغاز الهي إتعرضت ليه بيفضل عالق بالجلد لفترة طويلة،يعني إنت كمان معرض للتسمم معاها..

اصريت على دخولي ليها وإستجاب الدكتور بشرط إنه يلبسوني ملابس الوقاية لضمان سلامتي،ووضح لي إني اصلاً ما حأشوفها مباشرة حيكون في حاجز زجاجي بيني وبينها..

دخلت وم اخدت اكتر من 5دقايق في الغرفة،غرفة ما فيها صوت غير صوت واحد من الأجهزة الحواليها
جسمها كله انابيب وتوصيلات،إتعودتة اشوف شهد وهي بتتحرك حتى في اسوأ حالاتها ما بتكون بالسكون دة
اول ما طلعت أخدوني لغرفة الفحص والتعقيم على طول..

وانا باخد في اغراضي الإحتفظو بيها قبل ما يدخلوني الغرفة لشهد الموظفة قالت لي سيد سياف ،هذا الرجل بإنتظارك منذ 10دقائق..

شكراً لك
إتحركت مشيت عليه
كان راجل لابس لبس كلاسيكي،وطاقية وكمامة..
مرحباً
اول ما شافني وقف على حيلو وقال لي مرحباً كيف حالك؟
بخير
نزل الكمامة من وشو..

أنت؟

اعلم انك متفاجأ برؤيتي هنا ولكن يهمني امرها تماماً كما يهمك،إنها فتاة جيدة،كيف حالها الان؟
"كان الراجل الزرناه انا وشهد بالمصح"..

ستكون بخير حال إبتعادها عن هذا المكان ،كيف علمت انها هنا؟

اعلم كل شيء ،واعلم ايضاً ما الذي تسبب في حالتها هذه..

بما انك تعلم ما الذي تسبب في حالتها هذه إذاً تعلم من المسؤول عن هذا أليس كذلك؟

ليس تماماً ولكن نعمل على ذلك، اتيت هنا لتحدث معك بشأن هذا الأمر..

..........................................
لا اثر لوجود الحقيبة لا بسيارة شهد ولا بصالة الرياضة والمكتب الخاص بزوجها ولا بالمنزل..

لحظة لويس هل قمتم بالتسلل لمنزل شهد ومكتب زوجها وفتح سيارتها؟

العمل هو العمل ليز كان علي فعل ذلك

أنت لا تُصدق هل تعلم الحالة التي عليها هي بسببنا الان ؟كيف امكنك فعل شيء لا اخلاقياً هكذا؟

لم نكن نعلم ان المعتوه تايسون يضع غازاً ساماً على الخزنة

ليز لويس هلا توقفتما عن الشجار؟بالنظر إلى الجانب الجيد من هذه الحادثة نجد الطريقة التي تسممت بها شهد مشابهه تماماً لطريقة وفاة العم جو ،اليس لديكم تعليق على هذا الأمر؟

ليز:كنت افكر في الأمر البارحة

اكيمي:وما الذي توصلتي له؟

اعلم انه من الممكن ان تكون السياسة قذره ومن الممكن تكون قد رمت بالعم تايسون في قذارتها ،لكن..

لويس:لكن؟

ساتشي:يستحيل شباب كيف امكنكم التفكير في هذا الأمر حتى؟العم تايسون هو سيء بالفعل ولكن ليس للحد الذي يجعله يقتل صديق عمره..

بلى يمكنه ذلك..

في لحظة واحدة إتلفتو كلهم مع بعض..

ساتشي:ابي؟كيف اتيت إلى هنا ؟

لويس اخبرتني ان إبن تايسون يمتلك شركة ضخمة تعمل في مجال الإستثمارات المتعددة صحيح ؟

اجل سيدي
هل تعلمون ماذا تضم هذه الشركة ؟مجموعة من المصانع من بينها مصنع خاص بالأدوية الطبية..
ومصنع لصناعة المبيدات الحشرية
مؤخراً اصبحت زوجته جوليا شريكة له بالشركة علمت حديثاً بهذا الأمر..

ليز:إذاً الغاز السام الذي تم به قتل العم جو هو نفسه الذي إستخدمه تايسون كوسيلة حمايه لخزنته ؟
والأدويه التي يتم إدخالها للمسنين قادمة من المصنع الخاص بإبن السيد جو؟

ساتشي:ابي ما الخطوة القادمة ؟حال إستطعنا إثبات ان العم تايسون هو المسؤول عن وفاة العم جو وعن التلاعب بصحة المسنين؟

بدانا العمل بالفعل على مقاضاته قانونياً،سنثبت صحه تورطه في الأمر ،اعلم ان الأمر صعب وسأضع العذر لمن يود عدم المشاركة في مساعدتي منكم،لطالما كنتم فريق جيد وكفؤ ،اخبرتكم سابقاً انها اخر قضية سنعمل على حلها والأن الخيار بين يديكم..

لويس: لطالما كنت بجانبك ولكن من المحامي الذي سيخاطر بحياته المهنية للوقوف امام عائلة ادامز ؟نعلم جميعاً وزن عائلة ادامز وصداها السياسي واهتمامها لصورتها العامة وكسف تحارب كل من يحاول مجرد محاولة تشويه إسمها وطريقة كسبها للقضايا التي ترفع ضدها والتعويضات التي تطالب بها خصومها بعد كسب قضاياها ،اصبح لدي فضول ان عرف من هو هذا الشخص الذي إختار مصيبته بنفسه...

..................................................

سيد سياف،زوجتك إستعادت وعيها،وتم نقلها لغرفتها،يمكنك الذهاب لرؤيتها رقم الغرفة 234..

كنت واقف وبستوعب هي بتقول في شنو؟
جريت في إتجاه معاكس إلى ان قالت لي الغرفة من هنا سيدي..
رجعت بسرعة وانا شبه جاري وبعاين للغرف لغاية ما وصلت الغرفة ودخلت بإندفاع كان صوت شهد عالي وفي ممرضتين في الغرفة،وهي بتتكلم معاهم بنبرة حادة ومليانة خوف وبتطلب منهم يطلعو من الغرفة مع محاولتهم تهديتها..
..............................
فتحت عيني وانا بردد إسم الدار..
كنت في حالة هلع لأني لقيت قدامي ممرضة،لحظتها بس ميه سيناريو إتكتب في راسي،بطريقة هستيرية بقيت اصرخ وانا بقول للقدامي إنتِ منو؟
ابعدي مني...الخ
وكل ما واحدة تقرب مني كنت بتقاوى معاها بإحساس إني بقاوم،إلى ان فجأة جا داخل سياف بسرعة وهو بقول ليهم خلوها
شهد،انا هنا،اهدي ،مسك يدي وقعد جمبي وهو بقول عايني لي انا هنا ماف شي ما تخافي وضماني عليه..

في الوقت دة في ممرضة ماسكة حقنة عايزة تجي علي قال ليها لأ خليها انا معاها خلاص،حتهدأ
ما كنت فاهمة انا وين والساعة كم ونحن في اي يوم ولا في اي تاريخ..
مسك وشي بيديه وقال لي تعبتي شويه وجينا المستشفى وأول ما الدكتور يأكد لينا إنك بخير حنطلع تمام؟
كنت لسة خايفة وبرجف وبعاين حوالي رجع ضماني عليه وهو بقول لي ماف شي اهدي

بعد مسااااافة لقيت نفسي بقول ليه الدار؟حصل فيه شنو؟
المسنين ،عملو فيهم شنو انا عايزة امشي بقيت بحاول انزل..
مسكني وهو بقول لي كل شي فيه ماشي تمام ما تخافي متواصل مع مادلين اول بأول،هي واهلها واقفين فيه برجل واحدة حتى انا بذات نفسي مشيت هناك وشفت بعيني،حاولي تهدي وترتاحي عشان تقدري ترجعي بشكل احسن..
وهو بتكلم معي جا الدكتور داخل..
مرحباً
سياف قال ليه مرحباً
هل يمكنني اخذ السيدة من بين ذراعيك لبعض الوقت لفحصها؟
اجل تفضل دكتور
.................................
كانت متوترة ونظرات الخوف حوالين عيونها وهي بتعاين لي وبتعاين للدكتور،ضغطته على يدها وانا بقول ليها بصوت خافض ما تخافي فحص عادي عشان يورينا إذا كويسة وممكن نطلع من هنا ولا لأ
قالت لي طيب
قلت ليه إتفضل دكتور
وقف جمبها وبدا يفحص فيها وبقول ليها ارفعي عينيك للأعلى والان قومي بتحريك احد اصابعك..الخ

كنت واقف وبتفحصها بعيوني اكتر من الدكتور نفسه،
خليتها مع الدكتور وطلعت لدقايق برة الغرفة بعدين رجعت
الدكتور بعد ما خلص قال لينا سأترككم قليلاً الان،سيد سياف هل يمكنك ان تأتي إلى مكتبي بعد قليل؟

حسناً دكتور
كانت بتعاين لي وبتحاول تقعد ،بإستعجال مشيت عليها وساعدتها..

كالعادة تاعباك معي صح؟

شديد

سكتت مسافة بعدين ضحكت وقالت لي:الدكتور قال لي إنك كنت حريص كل الحرص على إنه تلبسني الإسكارف دة حبيت شكلو بس دة ما بتاعي..

لأ حقك،انا جبتهم ليك وطالما حبيتيه اول ما نطلع من هنا حأجيب ليك منه عشره،عشرين ،تلتين؟..

ضحكت وهي بتقول لي حبيت شكله لدرجه إني عايزة المصنع كله..
......................................
مسسك يدي وباسها مساااافة بعدين قال لي ومالو؟نجيب المصنع كله طالما إنتِ عايزاه..

بنبره ساخره قلت ليه ثري عربي يتحدث

قرب علي وصلح لي الإسكارف وبعاين لي بنظرات زول عنده حاجه ضايعة ولقاها وهو فرحان ،ضماني عليه وهو ساكت..
دقايق معدودة وباب الغرف دق ،إتحرك من جمبي مشى على الباب وفتحه
جات مادلين داخلة بسرعة وهي بتقول لي سيدة شهد،قعدت جمبي و ضمتني ،هل أنتِ بخير؟
انا بخير انتِ اخبريني كيف تسير الأمور هل الجميع بخير؟

اجل لا تقلقي لأمر الدار ومن به انا اتولى جميع الأمور ،كل شيء بخير والجميع بخير يريدون الإطمئنان عليك فحسب

اخدنا وقت وانا وهي بنتكلم ،سياف شكلو مشى للدكتور ،لما رجع مادلين إستأذنت بإنها حترجع عشان لازم تقيف على الشغل..
قريب للمغرب مادلين جات راجعة سياف قال لي انا إتصلت عليها عشان اخليها معاك حأمشي البيت ساعة كدة وارجع..
قلت ليه طيب وبالمره حاول ترتاح

لأ حأمشي اجيب ليك ملابس وشويه حاجات وارجع

بضيق قلت ليه :ليه انا مطولة هنا ولا شنو؟
لأ بس لازم تبقي كويسة الأول حتى نرجع ،انا ما عندي مشكلة ارجعك البيت واخلي بالي منك بس الدكتور شايف إنه لازم تكوني تحت المراقبة الطبية

طيب تمام
مشى يده في خدي وهو بقول لي ما تخافي مادلين حتكون موجودة معاك لغاية ما ارجع وانا م حتأخر

حاضر

باسني في راسي وقال لي يلا انا طالع،مادلين كما اخبرتك..

لا تقلق سيد سياف سأعتني بها جيداً..
بعد ما طلع بفترة من الزمن جات ممرضة ركبت لي درب كنت ما بين صاحيه ونايمة،صحصحت على صوت الباب وهو بدق ،شويه كدة سمعت مادلين بتقول تفضل دكتور...
فتحت عيني وشهقت وانا بعاين للشخص الداخل علي دة
مادلين قالت ليه يمكنك فحصها دكتور، سأكون بالخارج،سيدة شهد سأجري محادثة مع من بالدار ،سأعود بعد قليل..
كنت بعاين حوالي وبحاول استوعب هل انا بحلم ولا دة حقيقة فعلاً ،كان واقف قدامي عمار وبلبس الدكاترة "الإسكرب واللابكوت والسماعة" ...

‏"أحب في نفسي صلابتي، أنا امرأة صلبة، واسعة الحيلة على أقدارها، ربما أبقى لساعات مع نفسي أراقب ما يتداعى مني، أبكي، أندب حظي، ولكني ألملم كل هذا الذي حدث في أرض الخفاء، وأخرج كأني لم أحصل يومًا إلا على النصر. "♥️

ها انا ذا في مطلع ال السابع والعشرين من العمر تُرى لأي قطر في العالم ستأخذيني اليوم يا امي..
داخل غُرفة مظلمة ،وعلى ضؤ شمعة شديدة التوهج
أحتضن صندوق خشبي ،أهم بفتحه ثم يطرق الباب:
شهد إنتِ صاحية ولا نمتي ؟
ألتزم الصمت ثم يتكرر السؤال إلى أن يتراجع من خلف الباب..

أضع الصندوق أمام حجري أفتحه والتقط ورقة مما بداخله،تزور مخيلتي بعض الأحداث:
ي أمي يعني هسي ضروري تصعبي علي المواضيع كل مرة كدة انا والله بقيت اكره عيد ميلادي لأنو كل مرة بدفع عليهو ضريبة
ايوة ضروري،إنتِ عايزة اي شي بسهولة كدة ؟عندك 7يوم من الان بدأ العد التنازلي من اللحظة دي
فتحت خشمي وقلت ليها بخلعة ديل كلهم و7يوم بس؟انا شايفة إنه دة تحامل مبالغ فيه علي،ليه حاسه إنك بتعاقبيني بإجمالي اغلاطي في السنة كلها؟

حساسة ممتازة يلا شدي حيلك وإجتهدي مواعيدنا بعد إسبوع في نفس الساعة دي لو زادت 10 دقايق ما تحاولي تفتحي معي الموضوع ..

يا ام...قبل م انطق ما تبقى من احرف على لساني
قالت لي :ولو لجأتي لأبوك او عمك وخليتيهم يساعدوك من وراي عارفة حيحصل شنو؟ 😆💔

والله أنا ضد اساليب الُقمع البتستخدميها ضدي دي بس لا بد يجي يوم والشمس تشرق،وبرضو بحبك اكتر من اي شي في الدنيا دي ☹
ضحكت وضمتني عليها وقالت لي اسرح ليك شعرك دة قبل تنومي وفي اللحظة دي دخلو علينا ابوي واخواني وهم شايلين تورتة وبرددو كلمات اغنية عيد الميلاد
ابوي:إجتماع السيدة الأولى وسيدة قلبنا شخصياً
انا:سيدة قلبكم بتواجه اشد انواع القمع والعراقيل من السيدة الأولى وإنتو عاملين فيها م شايفين ،شويه شويه كلكم بتتساقطو من نظري،وإنت بالذات ي ابوي عامل رايح عشان بتهرش من مرتك صاح ولا م غلط؟ 😔
ابوي:جدنا رحمه الله عليه بقول الما بخاف من مرتو م راجل وانا مع قول جدي 😂💔

إتعالت اصوات ضحكاتنا على كلام ابوي
وفي لحظة ما :
تودعني هذه الأحداث ذات الطله القصيرة فأعود لواقع غرفتي الساكنهه ذات الظلام الدامس ووحدانيتي في هذه اللحظة،إلى ان اسمع اصوات اقدام تقترب من غرفتي أطفئ الشمع ثم أعود للفراش واغمض عيناي ،
أصوات الاقدام تقترب شيئاً ف شيئاً ثم يطرق الباب ويفتح في ذات اللحظة،
لا صوت سوى حركة الأقدام التي تقترب مني شيئاً ف شيئاً ثم يستقر الداخل بالقرب من رأسي،يرفع الغطاء ويمسح على رأسي وخداي مراراً وتكراراً ثم يتهاوى إلى مسمعي أصوات نحيب مألوف،قبلني على رأسي وخداي وبعض من دموعه المتساقطه تستقر في أجزاء متفرقة على وجهي
أذناي تعلم جيداً اثار هذه الأقدام ،ولمسات هذه الأيدي،وهذا الهمس المختلط بقطرات الدموع ،إنه أبي لطالما ظل يفعل ذلك عند مطلع كل عام جديد من عمري،اعلم جيداً كميه الحزن الذي يخيم عليه وسواد هذه الليلة الذي يقاسيه كل منا وحدهه إلى مطلع شمس اليوم التالي
ربما تشرق الشمس لتؤدي واجبها الدنيوي ولكن يعز علي ان اقول أننا لم تُشرق شمسُُ في قلوبنا منذ سنوات 💔

التراجيديا الكبرى ليست الاضطهاد والعنف الذي يرتكبه الأشرار، بل صمت الأخيار على ذلك...
إحدى العبارات التي كانت ما بداخل الورقه،وكعادتي في كل ليلة من ميلادي،ينتهي بي المطاف واقفه امام حائطي الخاص المليء بالملصقات الورقية لاُعلق أعظم ما ورثته لي امي فيه وأعود لأقف عنده وأعيد قراءة ما به مراراً ثم ألتقط جوازى سفري وأقلب بين صفحاته وأدقق على ما به من تأشيرات وأعود بذاكرتي للماضي و أهمس بالقول :عشرُ أعوام ولم تشرق الشمس يا أمي...💔
أهم الى المصحف ف اقرأ بعض ايات الله الكريم وبعض الأدعية واختم ليلتي بإحتضان بعض الصور لكلتينا وقول:ليلة سعيدة السيدة الأولى ♥️
لطالما احبت امي ان تنادى بهذا الإسم 🌿🌻
...........

قد تتسلق رصاصة اجزاء جسدك خلسة وقبل ان تستقر تستند عليها أخريات،وتتبعها أخريات واخريات فقط لأنك شاركت المجتمع بعضاً من حروف اللغة العربية ،والقتل قد لا يكون كافياً،قد يطمع من تعتريه عقدة حُب السلطة او التسلط في سلب ما بقى لك من بعدك سواء كان إسمك،مكانتك الإجتماعية وحتى الأشخاص من بعدك لأنه يعى أن ذهاب الجسد لا يعني الخلاص،ف كل ذهابِ اثره باق،وكل نضال فكرتهه باقية ...

في حديث قصير لي مع صديقة بريطانية الجنسية في مخيم لتقديم المساعدات اقمناه بغرب السودان اثر وقوع احداث عنف تم فيها إغتصاب عشرات النساء من جماعات مسلحة منهن القاصرات ..
بنبرة يأس وحزن وشفقة وهي تحيط بنظراتها على من حولها من نساء واطفال واثار الحرائق التي تحيط بنا قالت :إنهم يستحقون حياة كريمة ،هل حق العيش في هذه البلاد باهظ الثمن لهذه الدرجه؟ ممن تحررتم انتم إذاً؟إذ ان ابناء جلدكم يفعلون بكم مالم يكن يفعله المستعمر،ماذا تعني الحرية إن لم يكن حفظ كرامة النساء والأطفال من اولويات المطالبة بها؟

جل م إستطعت قوله هو:
ليس هناك ما يسمى بالحريه هنا يا صديقتي، الحرية في مفهوم بلادي ما هي إلا إمرأة عارية الجسد تتراقص امام مرأى الجميع ،الجميع يختلس النظر إليها ،الجميع يشعر بالنشوة من حولها ولكن كل من لفظ إسمها فإنه قواد يُلجم لسانه...
لذا إنه لإثم عظيم ان تلفظ بالقول "حرية" ،في هذا المستنقع
لسنا احرار
يؤسفني القول أن من تنادي بحرية وحقوق الاخرين تعاقب،ومن لم تنادي بها تعاقب ايضاً،لم نولد هنا لنختار كيف نعيش،ولدنا لنتأقلم فقط هكذا هي الحياة هنا
......

الأول من سبتمبر \2017
الخرطوم///
سندس،يلا اطلعي انا مستعجلة ما عايزة اتأخر خليني اوصلك سرعة
إستني يا شهد اربط حزام جزمتي واظبط حواجبي دي..

صوت من اخر الزقاق :
يا بت ها حواجب شنو إنتِ بت متين لمن بتظبطي حواجبك والمدرسة دي فيها قراية ولا كلام فارغ لمن بتمشي ليها كدة ،قرايتكم دة القرو قدامنا كلهم ما شفنا
عمايل زي دي منهم ؟
"العمة سميرهه"📌
ي عمتي خلاص الزمن إتغير دة بقى ما زمنكم ولا زمن ناس شهد ما ضروري يكون فيها شي،بظبط نفسي لأني انثى وبس

عمتي سميرة:اجيي يا زمن ناس شهد وشهد دي بت متين لمن تقولي زمن ناس شهد ؟
شهد:خلاص عمتو خليها،ارح ي سندس 🤣🤣 🤣💔
عايني هاك مفتاح العربية والشنطة دي اصلي العربية خليني اقول لأبوي انا طلعتة..
سندس:طيب م تتأخري عارفاك لما تدخلي لي خالو بتتمي سنة

ابوي يلا أنا طالعة دعواتك السمحهه ديك غرقني بيها طيب،بعدين جهز نفسك للشطرنج ،المرة دي حألعب معاك بنزاهه بعيداً عن تطبيل عمتو ومساعداتها وغشها 😆🤣💔
عمتي سميرة:غشها ؟قصدك انا قاعدة أغششك ؟سمح انا زاتي المرة دي حأكون فريق مع عبداللة اخوي إنتِ شوفي ليك طريقة يا فتانة 💔
قلت ليها طيب طيب ي عمتو خلاص ما تزعلي حقك علي تعالي ابوسك بس خليني ابوس ابوي اول،يلا ي ابوي في أمان الله
عمتو يلا عمتو إنتِ كمان باااي بحبك 💋

طلعت لقيت سندس مستلمة مقعد السواقة ف قالت لي حتخليني اسوق ؟
قلت ليها لا مستحيل كفاية المرة الفاتت لغاية الان ما قادرة أصين العملتيه ،
بنبرة باردة قالت :طيب
زعلتي ؟
سندس:لأ
إتفاقي معاك كان الجمعة ،بنطلع بخليك تسوقي في الميدان ما ناسياه ما تعملي فيها مبوذة زمني وزمنك ي دوب حنقدر نصل ف شنو خلينا نلحق مع الزحمة والعوارض دي..

سندس:طيب Ok والتلفون عملتي لي في موضوعو شنووو ؟
التلفون أخر الشهر ي سندس ،كلمتة الزول بس اصرف واستلمو ظريف ؟
والحاجات القلت ليك عايزة اطلبها؟
طلبها ليك طارق كلمتو بس يلقى زول نازل السودان يشحنها ليك معاه
سندس:ياخ بحبك إنتِ احلى زول،بس طارق دة سخيف وانا عارفاه م حيجيبهم

ليه ليه بتقولي كدة ؟
سندس:عشان هو كدة فعلاً وعارفاه م بطيقني عشان كدة م تقولي ليه الحاجات دي حقت سندس قولي ليه حقتي عشان في ثانيه ممكن يوصلهم ليك م زي لما تقولي ليه حقت سندس

ضحكت وقلت ليها ي بت بطلي عوارة ،مشكلتك معاه شنو بس والله هو زول كويس شديد على فكره زيو زي شهاب واحمد و..
قبل م اتم كلامي قاطعتني وقالت لي مستحيل اشوفو زيهم زيك كدة،وعلى فكرة شعور متبادل هو م بطيقني وانا م بطيقو
قلت يلاااا خلي النقة وصلنا محتاجة حاجه؟قروشك معاك صح؟
قالن لي ايوة وباستني قالت لي مع السلامه
قلت ليها ركزي ركزي ركزي في دراستك يا سندس صلاتك على النبي
سندس:حاضر حاضر حاضر خلاص ما تعيدي لي الإسطوانة بتاعه كل يوم دي 😘♥️🌻
ههههههههههههههههه طيب يلا

على أنغام اغنيه الحزن نبيل سرحت بمخيلتي بكلماتها إلى أن إنتهى بي الطريق بمقر عملي

بجانب المبنى توقفت وهتفت:خالتو سعدية صباح الخير
صباح النور عليك ي بتي كيفك ؟
الحمدلله ،قهوة بجنزبيل وهبهان بالله عليك ي خالتو
حاااضر ي بتي مستعجلة ليها ؟عشان ي دوب النار ولعت لي والله
لا لأ على اقل من مهلتك بس ما تنسيني ي جميل.
وبعد كتير من التحايا وبعض الهزل هنا وهناك مع اصدقائي ،جلست داخل مكتبي وهممت ببدء القيام بالعمل ولا زلت ادندن:
والعندي ليك كان الفرح ،رغم إحتمالي أساكِ ياااااا جرح الألمممم..
صوت على الباب ثم:
شهددد شهد
نعم ي بت بسم الله مالك ؟
المنفسنة جات وبتناديك
خير اللهم اجعله خير انا اليوم دة إستبشرتة فيه خير،مالها كمان ؟
بري فايرة جات ،سألت منك
نبرتها كيف ؟
ماااا بتبشر بالخير
يوم متين نبرتها بشرت بالخير قولي ليها جاية قالت
طيب
طلعت فتحت جهاز الحاسب بتاعي ولسسة ي دوب بوصل فيه اصوات طرق على الباب ومن ثم:
يا شهد قالت ليك تعالي هسي ،خلي الفي يدك وتعالي
قالت كدة هي ؟
أيوة
قولي ليها قالت ليك لما تخلص الفي يدها حتجيك
بالفعل خلصت الفي يدي وطلعت إتجهت على مكتب الHR
السلام عليكم صباح الخير ..
قبل الرد على السلام :
شهد إنتِ ليه ما بتسمعي الكلام:
انا:بالنسبة لشنووو؟
الHR: مش انا ناديتك ؟يبقى المنادياك بخصوصو دة أهم من الشغل الفي يدك تجيني تشوفيني عايزاك في شنوووو+إنتٍ من بداية الشهر ما وقعتي في الشيت بتاع الحضور دة لييييهه زي باقي الناس ؟

بخصوص الشيت انا ما وقعت لأنو في جهاز بصمة في المدخل انا بجي كل يوم الساعة 8 وببصم في الجهاز

الHR:ما عندي حاجه اسمها طالما بصمتة في جهاز البصمة م حأجي اوقع في شيت الحضور ،تجي توقعي لي هنا في شيت الحضور قبل تصلي جهاز البصمة فهمتي؟؟
اوقع ليك في شيت الحضور على اي أساس وبأي منطق؟الفكرة شنو من جهاز البصمة إذا اصلاً مفروض اوقع هنا في الشيت وهناك؟
بدون أسئلة ونقاش تعملي البعملوه زملاءك في العمل زيك زيهم، م بتذكر القبلك اتناقشو في الموضوع ده..

لا ي أستاذة انا بتناقش علشان حضرة سيادتك بتقومي من نومك الساعه 8وانا 8 دي مفروض اصبعي يكون في جهاز البصمة عشان كل دقيقة تأخير بتتخصم من مرتبي انا، انا م بناقشك من فراغ عشان كدة شيتك دة م
بيعنيني طالما انا الساعه8 اصبعي بكون في جهاز البصمة الفي المدخل دة ،انا ملزمة بالجهاز دة وم ملزمة بإنتظارك لغاية م تجي الساعة مليون،م شفع نحن علشان تقيف طابور وننتظرك

كلامك دة تحدي؟
لا دة منطق.
طيب منطقك دة اشرحيهو لمجلس الإدارة اتفضلي اقفلي وراك الباب
جداً🤝

بعد يوم اقل ما يقال عنه سيء وقبل ما اصل بيتنا دخلت بيت اخوي عشان شوية اولادو بفرقو علي سؤ اليوم ...
هيييي كيفكم وكيف امسيتو ؟بعد مجموعة احضان من كل واحد فيهم
رونق :شهدوووون ،الحمدلله كيف إنتِ؟
الحمدلله مالك لسسة ما بقيتي كويسه ؟
رونق"مرت اخوي شهاب"
بصوت مبحوح: كويس إنك جيتي عليك الله نضفي لي البيت دة من الصباح م قادرة ارفع راسي حتى واولاد اخوك الله يديهم العافيه بس ..

طيب كدة ردي علي اول
م مشيتي عملتي الفحص؟مش شهاب امبارح قال ليك خليك جاهزة عشان حيجي يسوقك؟

أنسي أنسي وادخلي نضفي سريع عليك الله ليهو الغداء قبل م يجي يكورك فينا عارفه اخوك لما م يلقى البيت نضيف تاني م بشوف قدامو..

القليل من الشهيق والزفير وبحيل متهالك قلت ليها :
طيب ..
خطوتين والتالتة كانت في المطبخ ،،وحالتو كانت يرثى لها كلو قايم وقاعد فوق بعض،
عدة وسخانه،حوض مليان مويه،
أكل مجدع في الأرض
التلاجه فاتحه
سله زباله مرميه في الأرض
سيراميك مصبوغ بأثار الشاي والعصاير وغيرو من الأكل

وانا واقفة و بحاول افهم مفروض أبدأ من وين فجأة اسمع صراخ
جريت وانا بقول في شنوو؟
أحمد :امي شال لي حاجاتي
أمجد:امي عايني ليهو يضربني كيف
مِنه:أحمد م تضربو،ما تضرب امجد ماما شوفي أحمد "وهي بتصرخ بإعتبار إنه احمد هو المفضل عندها"
امهم:اطلعو برة ،سرعه اطلعو لي من هنا انا عايزة انوم يلا اطلعو امشو لي عمتكم في المطبخ.
قالت كلامها دة ورجعت غطت راسها بالبطانيه وخلتهم بصرخو وبتضاربو مع بعض

م محتاجين شرح مفصل عن شكل حياتي لما اعتب عتبة بيت اخوي بكون كيف

بعد رحله نضافه وترتيب على داير م يدور في البيت بي المطاف في بيتنا اللي هو بينو وبين بيت اخوي باب،وبحيل متهالك وصلت غرفتي بعد م سلمت لعمتي وابوي..


المهم..
المفروض اني بعد كل العملتو من نضافة بيت لغيرو مفروض اقفل النور واخد لي غمضة بس لالااا لازم يحصل الأسوأ:
م فاهمين صح؟
دقيقه حتفهم!!
عمتووو..
ي عمتووو..
نزلت الغطاء من وشي وانا بتأفأف وقلت:
خير ي مِنه ؟
عمتو البِسهه بتاعتي هنا؟
طبعاً البسه دي مقصود بيها الكديسهه 🙃ايوة عادي اصحى من النوم علشان افتش باندة،علشان افتش كديسه،عشان اتسأل نايمة ولا صاحيه،أو عشان واحد عطس وأذكرو مفروض يقول شنو لما يعطس ولما يرمش ولما يتنفس برضو عادي عادي..
المهم :
لا ي مِنه البسه بتاعتك م هنا
طيب ي عمتو ماما قالت ليك تعالي حمينا ولبسينا وسرحي لينا قبل بابا م يجي
ايوة الفي البدايه داك كان جزء من المهمة ودي خاتمة المهمة اليومية طبعاً 😁

خاتمة الموال السعيد دة:
شهاب في الباب
رونق:
دقيقتين في الحمام،جلباب نضيف،الشعر اتسرح، ريحهه، البطانيه إتطبقت والسرير إتفرش
شهاب :كيف امسيتو:
صداع بس مع عيالك ديل ،م عارفه انا اللحق لشغل البيت ولا للعيال ولا أفضى لحالي ي شهاب انا تعبت ،تعبت بجد والله وانت م داير تجيب الشغالة
شهاب:كدة خليني اشيل نفس اول بعداك اشكي،قلت ليك اصبري شويه خلي الامور تمشي
بصوت مبحوح لمتين لكن ي حبيبي ؟انا باقية علي نضافه بيت،بصحى 6اجهزهم للمدرسه والروضه،على بال م اخلص نضافه الساعه 1جات اها التراحيل بتبدأ تجي اجهز ليهم اكلهم وشرابهم اقيف للغدأ وبعد دة كلو اي واحد لازم أراجع ليهو براه،شهاب انا حيلي إتهد ي شهاب
شهاب:ياخي انا ملابسي ريحتك منهم ؟طيب اجري مرة تغسل ملابس البيت وتكويهم،والبيت زاتو نضافتو أجري ليك واحدة تنضف ليك 3مرات في الأسبوع ووريني بتاخد كم كدة تمام ي ياست البنات ؟
حبيبي سيد الرجال انت عاااد انا محظوظة بيك حظ
شهاب:انا اي شي قصاد راحتكم اسويهو المهم طمنيني هسي كيف بقيتي؟

..............................
كونفرت زون:

ي بت
عيون البت 🥺
وين انتِ ياخ من قبيل بحاول اصل ليك تلفونك قافل وشبكتك قافله،إتصلت لخالتي سميرة قالت لي لسة م رجعتي انتِ كويسه؟حاصله عليك حاجه ؟
انا كويسه الحمد لله م عندي عوجه
طيب مالك انا مش قلت ليك تلفونك دة م تقفليه لأي سبب وحاولي خليه فاتح ؟
خلاص ي طارق تلفوني قفل وم انتبهت ليه بس مع زحمة الطريق
شهد لا إله إلا الله ؟
طيب معليش ، انا مليون مرة قلت ليك م تتكلم معي بالنبرة دي تعال كفتني عليك الله

غلطان انا ي شهد النبرة دي سببها اني بخاف وبقلق عليك متين حتستوعبي الحاجه دي؟
لحظه صمت

طيب يلا سلام واللبس توب امي تاني لو سألت عليك
انا :طارق إستنى ب..

قبل م اتم كلامي قفل الخط في وشي
رجعت ليه م برد
بعد 5دقايق بالظبط:
صوت إشعار رساله في التلفون ،
قبل م افتحها جاتني مكالمة فيديو رفعت التلفون
طارق وهو لابس توب في رأسو فعلاً 🤣🤣💔
فتحت الخط وانا بضحك وهو وشو ماخد تعابير الجديه قال لي:
صوتك مالو متغير عندك إلتهاب ؟مليون مرة قلت ليك م تشربي موية باردة شديد ،ما تطلعي من الحمام بدون غطاء
انا كنت لسه بضحك
قال لي م تضحكي انا جادي على فكرة ي شهد حاولي خلي بالك من نفسك انا حأفضل وراك كدة لمتين ؟
حاضر ي طارق ،حاضر والله حاضر ،انا اسفة فعلاً غلطانه بس مع زحمة الطريق التلفون قفل وم ركزت

اشحنيه من العربية ،انا عارف يمكن تكوني حاسه بالخنقة لكن انا بخاف،بقلق ،بتوتر والله ي شهد ختي الحاجه دي في الإعتبار،والله لما اللقاك م داخله ولا اللقاك م بتردي وزول من ناس البيت م يرد علي انا بحس إنه قلبي دة حيطلع من محله وبحس إنه عايز اقطع تذكرة وانزل لحظي،أعذريني كمان إنتِ عارفه سبب خوفي وقلقي دة كله شنو م عندي إستعداد اخسرك والله ي شهد ولا بأي شكل كان

سكتت م رديت عليه وسرحت
قال لي طيب احكي لي يومك كان كيف م لقيت طريقة اكلمك من الصباح،رسلت ليك إني مشغول في موقع بعيد من المدينه ،ي دوب رجعت
قلت ليه ماف شي مهم بتحكي حاول إرتاح
قال لي انا مفضي ليك نفسي وحابي اسمع الما مهم دة انا يلا احكي لي عندي كم يوم م إتكلمت معاك زي الناس بسبب الخلا الكنت فيه دة
قلت ليه شكلي حأترفد من الشغل 😁
ليييييهه؟؟موظفة الHRنفسها ؟مالها معاك تاني؟
قلت ليه الحصل إنو:....الخ
موقفك سليم حتى لو أجمعو إنك غلط انتِ صح م تخافي وانتِ م عامله حاجه ابداً

ايوة بس انت فاهم المدير دة صاحب..
عارف هو صاحب شهاب وشهاب متوسط ليك ودة م بينفي انو نظام شركتو فيهو خلل ودي م المرة الاولى يحصل موقف م سليم من موظف في الشركة ،انا قلت ليك خليهو الشغل الكلو ضغط دة وإنتِ م محتاجاه بس انتِ عنيدة

انا عارفه بس صدقني الشغل ظريف والمدير ظريف معي والمرتب حنين ي محسن و..
قبل اتم كلامي:
وانا قادر اديك اضعافو ي شهد شن فايدة الشغل وانتِ م مرتاحه

انا مرتاحة صدقني

طيب انا ..
قبل ما يتم كلامو جات سندس داخلة ومقاطعة كلامو ب:شهد عايني كدة تلفونك دقايق،عايزة تشيلو لقت طارق قالت ليهو هيييي إزيك مشتاقييييين ،عاين اقفل من البت دي ثواني بس وبعدين تعال اخلطها يلا بوسات كتارات باي ،شالت مني التلفون وفصلت المكالمة
ما رجعتو لي إلا بعد نص ساعة،تاني طارق رجع لي متضايق،قال لي يعني ما بتقدري تقولي ليها لأ؟
ضحكت قلت ليهو مفروض تكون إتعودتة 🤣💔
قال لي سغيلة ولزجة ياخي الشافعة دي
قلت ليهو هيييي ما تغلط في بتي،كلامك دة كانك بتشتم في تربيتي..
طارق:تربيتك فاشلة فعلاً
على فكرة حزعل بجد 🙂
ههههه لا بجد ي شهد البت دي إنتِ خاربة طبعها جداً ،مدلعاها زيادة عن اللزوم ياااااخ
ومالو أعيش وادلعها وادلعها وادلعها 🌚
اتمنى ما يجي يوم وتزعلي على كلامك دة،المهم خلينا من شافعتك دي ونرجع لموضوعنا على فكرة انا فهمت ردك بدون م تقولي قبيل وعارفك ما بترضي تاخدي مني جنيه ، المهم العايز اقولو ليك إنو انا من اولوياتي راحتك ومصلحتك بس
قلت ليه وانت عارف مصلحتي وراحتي وين صح؟وبعدين م قلت ليك عايزة اغير العربية ياخ مفروض تشجعني إني اكمل.
قال لي العربية الصرفتي قروشها بعد م لميتيها ولا غيرها؟

المهم انا عارف وفاهم صدقيني ،بس المفروض تفهميه إنو انتِ عامله حاجات كتيرة انا شخصياً فخور بيها ي شهد، شغاله،متحمله مسؤولية نفسك وحافظاها لا بتلفي ولا بتدوري مقدمة مسؤليات غيرك على اولوياتك،و
العملتيهو انتِ من وفاة خالتي ماف واحد من اخوانك عمل ربعو،كلهم بعد الوفاة انشغلو بأمور حياتهم البتخدم مصالحهم اما إنتِ لأ !ف شنو م عايز منك غير انو تفكري في نفسك شويه حبتين..

حاضر،بس برضو م حاسه اني وصلت للعايزاه وإنت مهما شرحت ليك م حتفهمني
حتوصلي او حنوصل ي شهد،انا م حأخليك الا وانتِ محققة العايزاه، المهم حتنومي؟

شبه نعسانة وبكرة ابوي عندو حجز مع الدكتور الأردني متذكرو لازم نمشي بدري
ايوة صح ،طيب انا حأخليك تنومي حأضبط ليك المنبه مع الساعه 7ص ،وخلي تلفونك عام عشان لو م صحوك ناس البيت م اتصل مليون مكالمة
طيب يلا
تصبحي على خير
وانت من اهلو.. هيييييي بالمناسبة زدته كم كيلو جضومك مالية الشاشة كدة، قلت ليك خفف كبسة واكل جاهز،ما ممكن ماشي وجاي صالات رياضة وماعطنا بالصور ومتجدع وبتاع وإنت كل يوم زايد كيلو 🤣🤣
قبل م يشتمني قفلت الخط في وشو،
رجع لي بعد دقيقتين
قلت ليه م تنفسن خلاص جضومك م ظهرت شديد ولا شي 🤣🤣😁
قال لي يا متخلفة اتصلت عشان اقول ليك إتأكدتي من إنه باب الشارع قافل؟
اهااااا ايوة قافل
طيب قفلتي الأبواب كويس عليكم
قلت ليه بإنزعاج ونفاذ صبر طاااارق..
طارق:طيب قبل تقفلي عايز اقول ليك بلسان خالي وناس البيت كلهم نحن فخورين بيك جداً جداً جداً،أبسط إنجاز ليك بالنسبه لينا يسوى الدنيا وم فيها، ابداً م تخلي شي بقيف في طريقك انا معاك زي ضلك دايماً ي شهد ♥️🌻

قلت ليه زولي والله ي طارق 😁

قال لي تزاولي من ضلك يلا اقطعي وشك ☹💔

‏”أحبّ الاحتفاء برصيد اللحظة الهادئة التي تأتي بعد يوم مزدحم بالسعي،وإنها لعافيه أن يكون لديك ملجأ امن وملاذاً لطيفاً يحنو عليك عند غروب شمس كل ليلهه...🌻♥️

#ليلة_في_ديسمبر1