اادخل حضرتك ها ياامامي؟؟؟؟
ـــــــــــــــــــــــــــ


سلام بگد الجروح
عليك هنا يمذبوح
بداعة زينبك رده سلامي
وگفت وكلي اهموم
يم بابك يمــــظلوم
اادخل حضرتك ها  ياامامي؟؟؟
،بهالحضره ،،ردت نظره،،، يبو العتره،،، تقر عيني
ـــــــ
اجيت اليوم عنايه
سوالف عندي هوايه
جارت حيــل دنيايه
يمك تنحچي
اسولف همي  لو امشي
يبعد اهلي وبعد كلشي
دمعاتي عــــــلى رمشي
عمه عيوني  البچي
الكثر،همه ،،، يبو اليمه ،،،،بس انت التسمعه
تعنيتك  ،،،  ناديتك ،،،، تمسح مني دمعه
المــــــثل يابو  الكرامات
اگصــــــــد  لابو الكلفات
للمهموم  مضمونه  كلامي
من اهلها اطلب الحاجات
تعنه لطــــــــــــــيب الذات
من تريد شي اگصد الضامي
اادخل حضرتك ها ياامامي؟؟؟
يمه اقره،،، ردت نظره،، يبو العتره،، تقر، عيني
بهالحضره،،، ردت نظره،،، يبو العتره،،، تقر عيني
ـــــــــــــــــــــــــــــــــــــــــــــــــ
حديث المصطفى نصه
عن حسين من   وصه
بثلاثة خالقــــــــك خصه
الدعاء بحضرته
تاخذ مـــــــــنه اجوابك
الك ولبـــــــاقي  احبابك
تگله استعطي   اابابك
يشافي  بتربته
تشافيني،،،، تعافيني،،،،، يباب الله الوسيعه
تسر حالي،،،ياامالي،،،،،  و  تحَلفه برضيعه
يمفـــــسر الاسرار
يمك تــــطفي النار
تخفف سيدي مني  اآلامي
وارد فرحان للدار
منك يبن الاطهار
اادخل حضرتك ها ياامامي؟؟؟
بيه ادره ،،، ردت نظره،، يبو العتره،،، تقر عيني
بهالحضره،،، ردت نظره  ،،،يبو العتره،،، تقر عيني
ــــــــــــــــــــــــــــ
يلتمشي بشراييني
على دربي.تدليني
تنظر حـــــــــــالتي
بيك اعرفت كل ديني
فدوه اني وسنيني
تحضر شدتي
يمولايه،،، اعگدت رايه،،،،،، بشباجك الضاوي
امل عندي،،،،،على وعدي،،،،،الجرح انت التداوي
مترده  التعـناك.
تكله بيمنتك هاك
تحققها  يثار الله    احلامي
اضل للدوم بحماك
دنيا واخره وياك
اادخل حضرتك ها ياامامي
بالزهره،،، ردت نظره،،، يبو العتره،،، تقر عيني
بهالحضره،،، ردت نظره،،، يبو العتره،،،، تقر عيني
ـــــــــــــــــــــــــــــــــــــــــــــــــــــ
للمعتني تحـــل شده
الكريم الينطي  العنده
حتى  الطفل البمهده
فداها رگبته
للحق  ابــــد ماتبخل
هدايه بغير مانسال
دمع ودموم هم وشل
من  ابنيته
فده منحر  ،،،،،، وعلي الاكبر ،،،،، وجسام وعضيده
عباسه ،،،،واعز ناسه ،،،،، بس تبقى العقيده
ابن سيد الاكوان
للكون انطه عنوان
رغم بالحومه ضل ينزف ودامي
انتصار الدم على السيف
حيف يموت ياحيف
اادخل حضرتك ها ياامامي
بالحره ،،،، ردت نظره،،،، يبو العتره،،، تقر عيني
بهللحضره،،، ردت نظره،، يبو العتره،،، تقر، عيني
ــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء لي ولوالديه
https://www.tg-me.com/DmoaaAlhwraa

لسان حال الشاعر 
ــــــــــــــــــــــــــــــــــ
ردت اكتب جروحــــك بالقصيده
اكتب چم جرح والبـــــيت اعيده
وانت اجروحك اهواي
ضامي بصفك الماي
اكتب چم جـرح والبيت اعيـــــده
ــــــــــــــــــــــــــــــــــــــــــــــــــــ
ياچلمة التوفيها المصيبه محــــــــتاره القوافي
اموذر من اكتبك فوگ التراب يگلي البيت كافي
نايم بالشمس وحرورة الگاع عسن نوم العوافي
عجيبه يموت ضامي وماشرب ماي ويجري الماي صافي
واني متـــــيه الراي
ضامي بصفك الماي
اكتب چم جرح والبيت اعيده
ـــــــــــــــــــــــــــــــــــــــــــــــــــــــــ
اعد اسهامك امزجها  ويلحروف تاخذني الحيره
چبير انت تضمك ياقواميس والكلـــــــمه زغيره
اذا رب العرش ســـوالك الكون وانت الي تديره
ولجلك خالق  السبعه السماوات شلون اختك اسيره
وعباســــــك الوفاي
ضامي بصفك الماي
اكتب چم جرح والبيت اعيده
ــــــــــــــــــــــــــــــــــــــــــــ
بانفاسه ابد لامـــــو بالاقلـــــــام اليكتبها المصيبه
سورة والفجر والـــــــله قسم بيك  تتـوذر عجيبه
ستر للكعبه انـــــت يبــن الاركان وهدومك سليبه
منهو اليوفي حقــــك يكتب اهات اي والله غريبه
يلونتك بهــــــــداي
ضامي بصفك الماي
اكتب چم جـــــــــــــرح والبيت اعيده
ــــــــــــــــــــــــــــــــــــــــــــــــ
شاعر وبخياله لكربله راح راد يجـــــسد الحال
على تل الجرح ضل واگف ينوح ينزف دمه الدلال
شاف السمه ضلت تمطر ادموم صوره بشكل شلال
ونعمه مطشره تارسه التربان ومتگُطعه الاوصال
وحره بايد توماي
ضامي بصفك الماي
اكتب چم جرح  والبيـــــــــت اعيده
ــــــــــــــــــــــــــــــــــــــــــــــ
جف مني القلم ودموع العيون وختمت اني القصيده
عفاها ام الخدر  شافت الملعون من يگطع وريده
شگالت والشمر يرفس بالضلوع شال الراس بيده
شصاحت يمه يازهره الحگي  لو بـــويه الصميده
ياهو الگالها جاي
ضامي بصفك الماي
اكتب چم جرح والبيت اعيده
ـــــــــــــــــــــــــــــــــــــــــــــــــــ
تمت وبعون الله وفضل من الزهراء عليها السلام
بقلمي ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

نعي لااولاد مسلم ﷽
الابوذيه من ديوان دماء خالده الجزء الاول
.........................
من يوم الـــخبر يمه  ،،،   وردني
بيدي  امسح دمع عيني،،، وردني
دفعني الظالم  بسوطه  ،،، وردني
صحت ياطهر گوم انهض عليه
ردتك تسد عـــــين الليالي
تدري غريبـــه بلايه والي
ياسباح گلبـــــي ها يغالي

حالي صفت بالهظم حالي
يمه الولد عـــــــزي ودلالي
ماتدري بلصــــــار وجـرالي

نامو خوال ابنــــي شـــبقالي
غيرك طهر مـحد حــــــــلالي
بس هاي ماجانــــــــت ابالي

تروح واني اجـــهر بالونين
المن اصد لو اديـرها العين
وكلهم خـوال ابني مطاعين
يلغربت مـــــــاادري لا  وين
....................
گالو على نهــــر المسيب
راح الولد ودمومه تصب
منهو الذي اعزاك ينصب
ــــــــــــــــــــــــــــ
تمت وبعون الله تعالى بقلمي ام علي البابلي لااجيز شرعا حذف الاسم اسالكم الدعاء
https://www.tg-me.com/DmoaaAlhwraa

هوسات لمسلم ع ﷽
ــــــــــــــــــــــــــــــ
مسلم خانته الكوفان ضل يدير بعيونه
محد من هله يمه والــــــعدوان يـــــولونه
توجه بيت طوعه يريد شربة ماي  يسگونه
(((غريب اهنا يطوعه  ورايد اميه))
ـــــــــــــــــــــــــــــــ
غريب ولااهل عنـــــدي بس هاليله خليني
باجر بالحشر.وهناك  يم جــــــدي ارد ديني
العطش فت الجبد ويزيد جايب جيشه يوليني
((تگله لداركم ارجع  غريب انت))
ـــــــــــــــــــــــــــــــــــــــــ
انه اهلي اهــــــالي الزود همه للوجود اسرار
عمي المرتضى حيدر  وحمزه وجعفر الطيار
يطوعه الكوفه خانتني وبيه الوكت وسفه اندار
((لطمت عل وجه وتصيح تعذرني))

اعذرني يبعد اهلي انه شـــــــلون معرفتك
وبيك من اهلك الغيره بانت ساعة الشفتك
لابد ما تنام الليل باسم حسيـــــــن حلفتك
((بروحي افديك يبن الدين وبعيني))
ـــــــــــــــــــــــــــــــــ
تمت وبعون الله تعالى بقلمي ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

لاولاد مسلم ع الوزن نصاري ﷽
ـــــــــــــــــــــــــــــــــــــــ

تهتو وين ياطاهر ييمـــــــه
ريت العين عكب الولد  تعمه
ـــــــــــــــــــــــــــ
جن ليلي وظـلامه شلون بيه
وعيني اعله الدرب يمه اربيه
منو يدوركم  وتلــــــفون ليه.
وكلمن من هلي  غارگ بدمــــه
ـــــــــــ
حسبالي يگوم وياي عـــــباس
يسل بصارمه والرايه والطاس
وللمسيب يجي وتخافه الناس
ماادري الگلب عايش بحلمه
ــــــــــــــــــــ
ندهت حسين شو مانهض وياي
گتله يالاخو ويانور عيــــــــــناي
دورلي الولد خل  يبرد احــــشاي
لگيته اموذر ومحـــــــتاره  المه
ـــــــــــــــــــــ
رحت صوب المعاره وصحت جسام
شــلون المثـــــــــل طولك عمه ينام
گلبـــي اعله الولد هاليـــوم منـضام
محتاجه اشوفه ابني واشمه
ـــــــــــــــــــ
رديت ورحت يم عــــــلي الاكبر
گلبي اخلافكم عمـــــــه .  تفطر
تاهو ولدي مني .    گوم وانظر
موذر ابن اخيي واني اكلمه
ـــــــــــــــــ
على صوب الغري للابو صديت
وينك ياعلي بــــصوتي ناديت
تحضر يالابو اتمنى ياريت
دولبني الدهر بالگلب  سهمه
ـــــــــــــــــ
تمت بعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

نعي للقاسم ع ﷽
ــــــــــــــــــــــــــــــ
يزغيرون يالچنه  غصن بان
شلون تنام يمه بين  تربان
شبيت وسط الگلب  نيران
يمه الولد

عيني على دربـــــــك اربيه.
ترجع بعـــــــــــد لو هاي هي
شلون تعوفـــــها ديارك خليه
تمنيت موتتــــــــــنه سويه

اربعطش عــــــمرك يالوليد
يالشوف  وجهك يشبه العيد
شلون تعوفني وتسكن البيد

مــــــحله الولد لو گال يمه

لحد يگلي يالولـــــــد مات
بحظن الترابه اليله  يبات
ماجنت احسب ابد هيهات

يالوجهك مثل شوفة الهلال
حسبالي تضل للحمل شيال
موتدري يمه   الوكت ميال

مكابل واشوفنك   تمنيت
لاسيرت يمه ولاجــــــــيت
لسه اعطورك تارسه البيت
ـــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

الليله مجـــلس  العباس
يستاهـــــــل تنصـــبيله
ـــــــــــــــــــ
شيلي رايـــــــــته الحمره
خل نتـــــــــــــگابل ونقره
ويه زينــــــــــــب الحــره
فوگ المـــــــــــتن لطميله
ـــــــــــــــــــــــــــــــــــــــ
خل نبـــــچي وندگ علراس
يستاهل ابــــــــــو النوماس
 غيور وللوفـــــــه دگ ساس
شيلي الرايه هوســـــــيله
ـــــــــــــــــــــــــــــــ
حيف السهـم طفه العين
فدوه انطاهن الچفـــــــين
امصابه الكسر ظهر حسين
وضل المـــــدمع يسيله
ــــــــــــــــــــــــــــ
واجب.علغيــــــور النوح
ونبچيله بدمع مسـفوح
شلون اعله النهر مطروح
وعليه السبط هد حيله
ـــــــــــــــــــــــــــــــــــــ
يلوگ اللــــطم للفرسان
شــــــــايل ياگمر عدنان
شلون اتوـــــسد التربان
شــــــــنلطم مانوفيله
ــــــــــــــــ
تمت وبعون الله تعالى
بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

فزاعيه للاكبر ع ﷽
ــــــــــــــــــــــــــــــــــ

ماردت عمري يالـــــولد
رايـح عـــــلي وماجاني
ــــــــــــــــــــــــــــــــــ
ماردت عـــمري بغيبته
طفوها ابنـــــي شمعته
بنص التــــرب يانومته
يمه الــــــــــولد خلاني
ـــــــــــــــــــــــــــــــ
نايم شبيه المصــطفى
ويانور من بيتي طفه
محتاره.مدري شوصفه
البين اعليه وازاني
ـــــــــــــــــــــــــ
شلون يغـــــفه  بالـگبر
وكل عظــم منه منكسر
ياگلبي هاليـــوم انفطر
حيـــــــل الولد صاباني
ــــــــــــــــــــــــــــــــــ
ياحيل. يبني صـــوبت
اتعثر بــــــجدمي گمت
وجفون عيني مولحت
منــــــــــــهدم يابنياني
ــــــــــــــــــــــــــــــــ
شال وبقيت مــــحيره
ياكسر بيـــــه شيجبره
وروحي علـيه امرمره
مكسور ظهري وحاني
ـــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

لعن الله كل وحده اتاجر بالحسين الشهيد واهل بيته عليهم الصلاة والسلام

📌 امنعوا النساء من اللطم مع الرجال

في الأعوام الماضية، بدأت تظهر ظاهرة لطم النساء مع الرجال وسط المواكب الحسينية في الطرقات والأماكن العامة، ورأينا من يتعاطف مع هذه المواقف بدافع العاطفة، ورأينا من انتقدها لأنها مخالفة شرعية واضحة لمبدأ الفصل بين الجنسين الذي أكد عليه العلماء لحفظ الأدب والحشمة في الشعائر.

❌ في العام الماضي، شاهدنا امرأة كبيرة في السن تلطم وسط الرجال، واليوم نرى فتيات يقمن بذلك دون أي رادع من أصحاب المواكب أو الهيئات الحسينية.

🔻 هذه مخالفة شرعية واجتماعية تهدد قدسية الشعائر وتفتح بابًا للفوضى إذا لم تتم معالجتها، وقد تُخرج المجالس عن أهدافها الحقيقية.

✋ ندعو الجهات الدينية والهيئات الحسينية والأجهزة القانونية إلى التدخل لمنع هذه الظاهرة قبل أن تتحول إلى أمر معتاد لا يمكن السيطرة عليه.

❤️ لطم النساء يجب أن يكون في أماكن مخصصة لهن بحجاب وستر وحشمة، حفاظًا على كرامتهن وقدسية الشعائر، ولمنع إثارة الفتنة أو التعدي على حدود الله في عزاء سيد الشهداء عليه السلام

●●●●●●●●●●●●●●●●●●●