ياعلي مدد اللهم انصر شيعة امير المؤمنين

📜هتافات اخر المجلس


هالله هالله شهالفجيعه
جينه انواسي الشفيعه
ــــــــ
عظم الله اجر الزچيه
بجثة حسين الصريعه
هالله هالله شهالفجيعه
جينه انواسي الشفيعه
ــــــ
شگال گلبچ يالحنـــينه
وماسلم حتى  رضيعه
هالله هالله شهالفجيعه
جينه انواسي الشفيعه
ـــ
مگابل ونلــــطم وياها
گمر نايم علــــــشريعه
هالله هالله شهالفجيعه
جينه انواسي الشفيعه
ــــــــــ
صيحي عريس الهواشم
خلص عمره اول ربيعه
هالله هالله شهالفجيعه
جينــــه انواسي الوديعه
ـــــــــ
وياشبيــه الهادي احمد
امصاب مامنه يشيعه
هالله هالله شهالفجيعه
جينه انواسي الوديعه
ـــــــــ,
علگوا الرايات ســـوده
واجب  اعلينه و نطيعه
هالله هالله شهالفجيعه
جينه انواسي الوديعه
ـــــــ
ام علي البابلي
نسالكم الدعاء
https://www.tg-me.com/DmoaaAlhwraa

وصيه خادمه. بقلمي ام علي البابلي
'ـــــــــــــــــــــــــــــ

اوصيتي يبني الموت لو  يلفيـني
ابيرغ ابن المرتضــــــــى  غطيني
هناك اذا اضلن بلحدي  اوحيده
بيت من الشــــــعر اقره وعيده
ابـــــــيرغ ابن المــــرتضى غطيني
ـــــ
شلون بيـــــــــــه وثگل وزن احـــسابي 
وانمله من المعاصـــــــــــــي اكـــــتابي
وگام دفاني يهــــــــــــــــــيل اتـــــــرابي
گله   امــــانه امي لاتنســــــاها
اعليك امك سيـــــــدي  اتعناها
خادمــــــــــــــة ابن الفـــحل سميني
ـــــــــ
خلي يــــــم راسي ذخـــــــــر  من تربته
يعز عليه يــــــــــــــــبن گـــــــلبي فرگته
ادري يوگفلي و اعـــــــــــُرف  امحنُته
   وتربته بلحدي ييمه من تشع
   بلكي يخفف علي ذاك الوضع
احنـــــــــــــــين ابو السجاد ميجافيني

فوگ گبري من  تعــــــــــــلگ  الـــرايه
وكل سنه بعاشور ســـــــــــــوي اقرايه
اهديلي جم خطوه وره  المشــــــــــايه
والطم اعله الصدر حيـــل ابدالي
بخدمة حســــــين وهلـــه هنيالي
 عشگي هذا  مـن الزغر تـــــــــــــدريني
ـــــ
ومن تريد تروح يبـــــــــــــــــني لكــربله
تزور  ابو السجاد واحــــــــــــبابه وهله
بالنــــــيابه اذكرني والـــــــــــــعن حرمله
صيح اه يحسين اه   يمصابه
وخلي دمعاتك تكـــــــت لهابه
وبرقيه حلــــــــــــــــــــــــفه ليخـليني
ــــ
اخر ا وصيـــــــــــــــــــــــه اذا حان الامر
لاتــــعوف.المـــــــــــــــــــنذبح لا  تعتذر
خلي دمعك بس اله  يســـــــــــچب جمر
عوفها الدنيه تره خلصانه
بس على المظلوم كل  مبچانه
گله دربك سيــــــــــــــــــــــــــــدي دليني
ـــــــــــــــ
بقلمي ام علي البابلي
اسالكم الدعاء
https://www.tg-me.com/DmoaaAlhwraa

عندما تكون الدولة 🇮🇷 محاصرة منذ 46 عامآ و تكون بهذه الشجاعة و الكرامة و عزة النفس و الإقتدار و القوة #فأعلم بل #تأكد أنهم من أتباع علي بن أبي طالب ..عليه السلام.. النصر قريب إن شاء الله

وأخيراً، صار من حق كل شيعي يرفع راسه،
فلا أمريكا بكل جبروتها، ولا الكيان بكل حلفائه، قدروا يوقفون بوجه شيعة علي بن أبي طالب ع…
هم وحدهم من ثبّتوا ميزان الكرامة، يوم ارتجف العالم صمتاً وخنوعاً.

📜قصيدة ليلة العاشر

كون مايطلع صبــــــحها الليــــله
ويافراگ حــــــسين مالي حــيله

كون مايطلع صــــــــــــباح لــباچر
شلون شيحملك  ييــــــوم العاشر
بصدره اشوفن چم سهم چم حافر
ومن خرز ظهره يــــــجر  ادليلـــه

كون اموت  ولااشوفن منـــــــــحره
وخيل اميه فوگه من تلزم ســـــره
وبالترب مشمــــور ويلي  خنــصره
وين ابو الحمله يجي و اشكــــــيله

شلون اصدن راسه فوگ اعله الرمح
شرد اداوي من اخـــــيي  ياجـــرح
وطفله العـــــطشان  بيـــده يــنذبح
وامه بدمــــــــــــــوع. ونعي تلوليله

فوگ صبري ربي انطيــــني الصــبر
لازمه اصفاحي واون من العــــــصر
وگلبي علمظلوم ضــــــل يسعر جمر
واسمع املاك السمــــــــــــــه تنعيله

تعاي يـــــــــــمه يم حسن عيــنيني
وعلى هم هـــــذا الوكت   واسيني
باچــــــر يذبحونه يـــــــمي  حسيني
ودمه الطاهر  يكت امســــــــــــــيله

عمت عينــي حسين لو ضل علترب
ودمـــــه يم حسين من نحره يصب
واني اروح ويه العده يمه  غصب
منهو مجـــــــــــلس فاتحه يسويله
ــــــــــــــــــــ
ام علي البابلي
اسالكم الدعاء
https://www.tg-me.com/DmoaaAlhwraa

قصيده عشق 📝
الله حرم كل عشگ والكم عباده
وانه رابي اعله عشككم بالولاده
ـــــــــــــ
الف رحمه لوالدي عـــــلمني حبكم
ياسفيـنه  للنجا والـــــــمرسى يمكم
كون كل افعالي بس تشــــبه فعلكم
 اسمي خادمكم ردت هاي السعاده
ــــــــــــ
الله عاجن طيني خدمه  بعالم الذر  
عمر خلصـــــته بذكركم عيني  اتدر
اعذروني ســــــادتي لو ردت اقصر
بس رضاكم غايتي  يهل السياده
ـــــــــ
كلمه منــــطيها وعهد لامي الزجيه
ابقى امــــــشي بهالدرب حد المنيه
ودوم الهج بيـــــــكم وعيني جريه
يااساس الدين  انتــــــم يا عماده
ــــــــــــــــــــ
ياصلاتي وصومي ونسكي ونجاتي
كون بالـــــــــخدمه اگضيها حياتي
وانتم تحضروني ابســـــاعة مماتي
خادم العتره الملك لو باسمي ناده
ـــــــــــــــــــــــــــــــــــــــــ
اليفني عمره بهالعشگ  محد يلومه
گاضي ليله وي نهاره براسـه حومه
بالولد والـــــمال مايكفي ويســومه
امنيه ينال اعله منبركم  شهاده
ـــــــــــــــــــــــــــــــ
الـــــــــف هنياله اليموت اعله المنابر
ولمصايبكم يــــنوح  و   گلبه شاجر
باخر اللــــــــحظه يون اعله المناحر
الخادم يصح منــــبره ساحة جهاده 
ــــــــــــــــــــــــــــــــ
تمت وبعون الله تعالى بقلمي
ام علي البابلي
https://www.tg-me.com/DmoaaAlhwraa

ابوذيه ونعي لسان حال ام الخدر
ـــــــــــــــــــــــــــــــــ


عسن يلعلگمي مايـــــك تراييــف
شوكت بالضامي وچـبده تراييف
يون يلمـــــــــنه العســكر تراييف
عطش.وسيوفهم صارن سويه
ـــــــــ
عـــــتب عندي عليك اليوم ياماي
تعوف ابن النبي عـطشان   ياماي
عسن لاصرت لامر مثل    ياماي
وعسني متت گبل الغاضريه

ياماي يامـــــــــــــــهر الزچيه


ياطــــارش الي يروح عنــــــــــاي
لحيدر ابونه وصاحب الــــــــــراي
يگله  اعله.اخيي ضل بلا افــــياي

ياطارش اليوصــــــــــــــل بهليوم
صوب النجف ويودي العــــــــلوم
بويه الجرج چم لچمه ملچــــــوم
محتاره الم ومطشــــــــره ادموم



وينه اليمــــــــــــــر بارض المدينـه
ايخبر النــــــــــــــــبي علصار بيـنه
وينده بدربه امــــــــــــنه الحنيــنه
بديـرة غرب گلــــــــــنــه   انسبينه
ــــــــــــــــــــ
بقلمي ام علي البابلي
اسالكم الدعاء
https://www.tg-me.com/DmoaaAlhwraa

السلام عليكم ورحمة الله وبركاته جميعا
نظرا لما التمسناه من فوائد دعواتكم ولعل دعائكم اقرب الى الله تعالى ارجو منكم الدعاء بالفرج وتسهيل الامر للاخ (عبد الرزاق  كامل ابو مصطفى) وقراءة هذا الدعاء امانه، تدعون اله بمجالسكم

"اللهم يا فارج الهم وكاشف الغم ويامجيب دعوة المضطرين، رحمن الدنيا والآخرة ورحيمهما، ارحمه واكشف كربه وأزح همه، وارزقه من حيث لا يحتسب، وقوِّ إيمانه وصبره، واجعل عاقبة أمره إلى خير".
اللهم امين يارب العالمين

ـــــــــ
اللهم يا مسهل الشديد ويا ملين الحديد، ويا منجز الوعيد، ويا من هو كل يوم في أمر جديد، أخرجه من حلق الضيق إلى أوسع الطريق، بك أدفع ما لا أطيق، ولا حول ولا قوة إلا بك. 

هتافات اخر المجلس
بقلمي ام علي البابلي
ـــــــــــــــــــ

واويلي اعله طفل حسين
واويلي اعله طفل حسين

جــــــــــينه نعازي الزهــره
اعله طفل حسين خل نقره
واويلي ونجـــــــر حــسره
الطمي اعله الصدر والعين
واويلي اعله طفل حسين

تون رمله وتــــــــدك الهام
ذبحو منــــــــحره الظلام
ميــــــــــــــت يلولد لو نام
اسم الله يــــمه وياسـين
واويلي اعله طفل حسين
ــــــ
يلضـــــــايع دلـــــــــــــلولك
اسم الله يلحلو طــــــــولك
وماداير بعد حــــــــــــــولك
على افراكك الباري يعين
ـــ
اعد واحســـــــــــبهن ايامك
عليه الدهــــــــــــــــر مادامك
يريت بامك اســــــــــــهامك
يلزغيرون يبــــــــــــني وين
ـــــــــ
عيني اعلــــــــــــــيك معميه
اهز المـــــــــــــــــــهد يوميه
واگولن هــــــــــــــــم يرد ليه
لو سدد سهامــــــــــــه البين

وين الگابلتــــــني اليوم
على ابني فارگاني النوم
ضلت عندي  بس اهدوم
وگماطه والنياشين
واويلي اعله طفل حسين
ـــــــــــــــــــــــ
ام علي البابلي
اسالكم الدعاء
https://www.tg-me.com/DmoaaAlhwraa

للاكبر عليه الاكبر ﷽
على طور مايحاجيها
ـــــــــــــــــــــــــــــــــــ
على التربان نايم ياضوه العين
من شافك تون إشگال الحسين
هظيــمه تروح ياشبل الميامين
اسم الله اعليك يايـمه وياسين
.ياصبي عيني  //تراها الموته لامك
ـــــــــــــــــــــــــــــــــــــ
اعثر بالجدم  والحيل  مبيوگ
اجيتك يالولد جايبني الشوگ
اكعدت وانده عليك بصوت مخنوگ
گوم وياي ردني جابو النوگ
تنزف ادمومه //جرحك بيش اضمده
ـــــــــــــــــــــــــــــــ
ياونه عليك التشفي الجروح
يلبعدك شــباب شلون مذبوح
واشوفك علترب و ادمومك تفوح
يمصابك ييمه يهد الصروح
تارس الحومه //شلون اگدر ولمك
ــــــــــــــــــــــــــــــــــــ
مو حار التراب وخاف يجويك
عن حر الشمس چاوين اوديك
ياجرح اليـــضهدك ياهو ياذيك
ادگ روحي دوه وبيها اداويك
شابحه عيوني //على طولك يالاكبر
ـــــــــــــــــــــــــــــــــــ
گلب امك عليك محمل اهموم
يسباح الگلب من الترب  گوم
حزينه الروح بس ضليت باللوم
حسبالي الفرح لرويحتي يدوم
والحلم ضايع  // ياحلمي التطشر
ــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa