مولد للامام الرضا. ع
{{وزن الطردي}}
(مستفعلن فعلان مستفعلن فعلن)
ـــــــــــــــــــــــــــــــــــــــــــــــــــ
مـــــــيلاده هليله ميلاده هليله
ثامن اليمه الرضا يادنيه هنيله
⚘⚘⚘⚘🚨⚘⚘⚘⚘
نثرو ورد وزهور
زينـــو صـوانينه
اليله الرضا مولود
وللحفل هل جينه
وجو شمع وبخور
واليـــاس والزينه

بالفلـــــق عوذيله والناس اقريله
والقل هو الله احد بالمهد شديله

✍️العلويه ام مرتضى الموسوي
⚘⚘⚘⚘🚨⚘⚘⚘⚘

نزلت أله الاملاك
والساده فرحانه

نور الرضا مولود
اوضـــگوه بسمانه

وطير السعد تغرید
مــالـيـها دنـــيــانه

من المهد اتشيله المولود هالليله
من عين كل حاسد يانجمه عوذيله

✍️العلويه امامه ام علي
⚘⚘⚘⚘🚨⚘⚘⚘⚘

فرحانه كلها اليوم
الشيعه بقــــدومه

طشت اله جكليت
يامحله ارســـومه

اتهني للــــمـوعـود
اتـــبـارك بيــــومـه

اتهني العيله،،،،،وورود تهــديـــله
طير السعد فرحان باسمه يغـنيله

ام علــــ✍🏻ـــي البابلي
⚘⚘⚘⚘🚨⚘⚘⚘⚘

بیك العرش فرحان
یاضـــــامــن الجنـه

والحـــور فرحــانه
وتـــــوزع الحـــنـه

یاقبـــلة العـشاگ
یل شوفتک جـنه

یا روحي روحیله بالفرحه هتفیله
گلبي الك مشـتاگ مــــولاي گلیله

✍️ العلویه ام ضیغم المحنا
⚘⚘⚘⚘🚨⚘⚘⚘⚘

نور الكـــــــون اليوم
يامـــــــحله ميلاده

والگلب بي فرحان
ضل هايـم اوداده

ياربي كون تـــزيد
عــالشيعي اعـياده

والكاظم يشيله،،،،واگف على حيله
مبتشر بيه فرحان،،،،وامه تلوليــله

ام عــــ✍🏻ــــلي.البابلي
⚘⚘⚘⚘🚨⚘⚘⚘⚘
حن كلبي وشتاكيت
اتمـــــــــنه ازورنه

يـابخـــت كلمن راح
الــضـامــن الجــنـه

والطب ضريحك دوم
بالــنــــــــور یــتـهـنـه

اتمنه امشيله...واقــــرا وادعيله
ونشارك الفرحه باحلى مواويله

✍️ام احمد الهاشمي
⚘⚘⚘⚘🚨⚘⚘⚘⚘
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 10/ذوالقعدة/ 1442🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
https://www.tg-me.com/DmoaaAlhwraa

(( موشح )) مولود للامام الرضا عليه السلام
.............................🌹

فـرع ازهـر ياخـلگ للساده
ابن موسى وياهلا ابميلاده

.............................🌹
ورد فـتـح وابـجـميع الوانه
الـيـوم مولـود الرضا مولانه
امه فرحت والسمه فرحانه

هـذا لـيـچـهـبـه يبَرد افاده
ابن موسى وياهلا ابميلاده

بقلم خادمة آل البيت ع

.............................🌹
فرع ازهر شعشعت انواره
الدنيا ضوت والسمه مطاره
وللملائك بلجنان ابشاره
اليحضر المحفل ينول امراده

خادمة اهل البيت عليهم السلام العلويه ام سيد مهدي الموسوي

............................🌹
ثامن العتره يمـــحــله جيته
نزلت الاملاك كــــــــلها حيته
ابو محمد كلنـه لذنه بصايته
نظره يامولاي للگصاده

ام علي البابلي
.............................🌹
نظره منك والشفاعةمأملين
يا أنس للمؤمن وقرة العين
احضرنا بالدارين جينه طالبين

وانت باب الله التگصده عباده

العلوية أم منتظر جمال الدين

.............................🌹
هله يامولاي محله طلتك
نزلت الاملاك كلها حيتك
وللانس والجان فرحه بجيتك

انهني بيت المرتضى واحفاده

ام ✍️حسين الحسني
.............................🌹
بالحفيد اليوم هنوو المرتضى
انبارك الباب الحوائج بالرضا
بالمهد ينطي دروس وموعظة
اليوم مولودك نزيد انشاده
ام وليــ✍️ـد الموسوي



ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/DmoaaAlhwraa

يامولاي ياكريم اهل البيت وانت تعلم

لسان حال عليلة الحسين عليهما السلام
وزن النعي

وين اليودي كتابي لـــحسين
يگله المـفارَگ يعـــــمي العين

ياطارش اليوصـــــل للعراگ
يگله العلـــــيله حيل تشتاگ
والعــلته بي  مو  مالت فراگ
ابچي واون وماخـــذه الراگ
كل لحظه عندي تعادل سنين


كل لحظه التمر  تاخذ الحيل
واگف تراه مايمــــــشي الليل
نار وجمر ودموعــــي تسيـل
من شال ضعنه  ويه المداليل
بصدري احس چنهن سچاچين

يادمع عگب حسين   شيــفيد
مو يدري  عنـدي وياه  مواعيد
من گلي ادزلج  عمــــــچ الحيد.
بلــكي الوجــــع والونه تهيـــــد
ضليت بس  بالهــــم والونين

شفت الوجع شــــوفه بالعيون
وكل ساعه اگول شلون وشلون
مذبـــــــــــوح لو رادو. يگولون
وجسمه بقى بالترب  مرهون
  ياهو اليدايني دمــــــع  دين

مايحمـــــــــل امفارگه الدلال
يا خيّر يوديلي   مــــــــرسال
ثگلت اجدامي  وگوه تنشال
وهم العــــلي ماشالته  اجبال
ومنين اجتـــني كربــله منين

عطشانه روحي تريـــد ملگاه
گلبــــــــي يگلي گومي ننعاه
وسهم المثـــــلث مارد احشاه
هيلي التــراب يطـول ممشاه
كافي يروحي لاتنـــــــشدين
ـــــ
بقلمي
ام علي البابلي
اسالكم الدعاء
https://www.tg-me.com/DmoaaAlhwraa

قصيده للامام الجواد ع
الوزن موشح
ــــــــــــــــــــــــــــــــــ


ناحت الاملاك كلها اعلــه الجـواد.
والعرش لمصيبتـــه قام الحـداد
ـــــــــــــــــــ
خل نعازي اليوم جده الـــــــمرتضى
عظم الله اجرك علي اعله القضـــــه
نصيح كلنه بصـوت ياابن الرضــــا
نقره مجلس فاتحه.ونلبس ســــــــواد

ام عــــــــ✍🏻ـــــلي البابلي

ـــــــــــــــــــــــ

نقره مجلس فاتحه وننعى بانين
للجواد اليوم كلنه محزنين
بثار ال العتره كلنه طالبين
جينه وفاده اله باب المراد
ام وليــــ✍️ــــد الموسوي
ـــــــــــــــــــــــــــــــــــ
نعازي الساده وأبوه ليله
وجده الكاظم عزه نسويله
يامصاب أبن رضا هد حيله

ياحكيمه علنت ليوم لحداد

رمـ✍ـآد آلخـيآم
ــــــــــــــــــــــــــــــــــــــ
نعازي جينه اليوم امه فاطمه
حاضره المجلس ويانه ولاطمه
عالصدر نلطم يويلي. من دمه
وبعترة آل النبي منمل الوداد

أم صـــــ✍️ـــــادق المنصوري
ـــــــــــــــــــــــــــــــ

بالسطح ممدود ياويلي عليه
ظل ثلث تيام محد وصل ليه
ايعالج ابسمه كضه وشمر اديه
اشلون موته موتته نسل الامجاد

✍️ام احمد الهاشمي
ــــــــــــــــــــــــــــــــــــ
ضل ثلث تيام مرمي اعله السطح
مثل جده. حسين ويلي المنذبح
كلمن العاداهم ابدا ماربح
هناك خصمه المصطفى بيوم المعاد.
ام.عــــــــ✍🏻ــــــــــــلي البابلي
ـــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 23 / ذي القعده / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترهhttps://www.tg-me.com/DmoaaAlhwraa

قصيدة للجواد عليه السلام
وزن فائزي

-----------------------

هاليوم للمسموم اجت تحضر ابنهه
تجري المدامع فاطمة والحزن فنهه
_~•❥•✿🕯✿•❥~_
هاليوم للمسموم اجت زهرة الزجيه
تنادي الجواد او والهه بدمعه جريه
صدّعت گلبي مصيبتك سوده عليه
جثتك بقت فوك السطح محد دفنهه

✍🏻العلوية أم منتظر جمال الديــــــــــــن
_~•❥•✿🕯✿•❥~
فكد النودهم بالكلب يترك جراحات
ناحت الزهره بالحزن من الولد مات
مهظومه تنعه امصيبته بحر الكرامات
صبت مدامع من دمع جرحت جفنهه

✍🏻الشاعره ام سكينه العبوديه

_~•❥•✿🕯✿•❥~

صبت مدامعها وجرت لابن الرضا اليوم
وتنادي ظلت فاطمه والكلب مالوم
وصرخت ابعالي الصوت يوليدي يمسموم
ظلت تون طول الدهر مافل حزنهه

✍️ام احمد الهاشمي

_~•❥•✿🕯✿•❥~
مــــات الجواد ابغربته ومايمه الاحباب
والسم مرد چبده ويون والجرح ماطاب
صايم وغدروه العده من دون اسباب
وأعلـيه امـه فاطـمه زيـدت ونـهـه

زيــ✍️ــنـــب الواسطي
_~•❥•✿🕯✿•❥~
محنيه بت المصطفى وتصرخ يـــيمه
جرح الگلب ياسلوتي شنهو الــــــيلمه
انطوني الولد باخر نفس خلوني اشمه
يمصايبك يبن الرضا عيوني عمنهه
ام عــــــ✍🏻ــــــــــــلي البابلي
_~•❥•✿🕯✿•❥~

زايد ونين ام الحسن للمات مسموم
حظرت ابنها الي گضه والضلع مالوم
يبني غريب الكاظميه اتطيح وتگوم


ولنوح يحله للولد محلاته حنهه

ر✍🏻ماد الخيام

-----------------------

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 26 / ذي القعده / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
https://www.tg-me.com/DmoaaAlhwraa

قصيده للجواد ع
ـــــــــــــــــــــــــــــــ

التاسع اليمه بحزن ننصب عزيه
نعازي ابنه الهادي ونعازي الزجيه
ــــــــــــــــــــــــــــــــــــــــــ
يبجي حتى العرش لاجل مصيبته
والســـــــــمه والارض كلها ناحته
سمته العــــــــــدوان مردو جبدته
سمومهم مض بي والجـبده فريه

ماسدت عل كـــون هاي الـفاجــعه
ضل ثلث تيام مـــــــــحد شيـــعه
مثل جده حسين حـاله موجـــــعه
فوگ سطح الدار بس جثه رميه
ــــــــــــــــــــــــــــ
لابو الهادي الــــيوم خـــــــلونه نون
لهالمصـــــيبه نلبس اهدوم الحزن
ونلطم اعله الهام ونعلي الشجن
نبجي بحرگه ونهل دمعه شجيه
ـــــــــــــــــــــــــــــــــ
نشيل رايات الحزن نعلـن حداد
نقيم مجلس فاتحه لاجل الجواد
اه واويلاه ياباب المــــــــــــــراد
شهالفجيعه المرت اعله الجعفريه
ـــــــــــــــــــــــــــــــــــــــ
شاب وبعمر الورد ويســـــــــمموه
هذا امام الرافضه جـــبده امردوه
وابنه الهادي بحـــــقدهم روعوه
يصيح سد بابه الابو وداره خليه
ــــــــــــــــــــــــــ
گلب كل شيعي لابو الهادي انفجع
يبجي من دمـــــــوم لامو من دمع
بين سم وقتل والـــــحال انصدع
گضو ال المصطفى سيد البريه
ــــــــــــــــــــــــــــ
تمت وبعون الله تعالى
بقلمي ×ام علي البابلي*
لااجيز شرعا حذف الاسم،،،، اسالكم الدعاء
https://www.tg-me.com/DmoaaAlhwraa

قصيده للجواد ع
الوزن دارمي ﷽
ـــــــــــــــــــــــــــــــــــ

لابن الرضا هاليوم ننصــــــب عزانه
وانواسي اهل البيــــــت اهل الديانه
ـــــــــــــــــــــــــ😭ــــــــــــــــــــ
مات اعله سطح الدار بحالته شسادي
صايم تفطره بســـــــــم بت الاعادي
نعازي الزچيه بيه و النبــــي الهادي
واهل العلم يبچون كلهـــــم حــــزانه
ــــــــــــــــــــــــــــــ😭ــــــــــــــــــــــ
نشيل النعش عل راس ونشيعه اليوم
نبچي بدمع وننوح نصــــرخ يمسموم
كل شيعي ون عليه و لمصابه مهظوم
من الفحل داحي الباب ناخذ جزانه
ـــــــــــــــــــــــــــــ😭ـــــــــــــــــــــ
تاسع انــــــوار الأل اية التكــــــــوين
يمفسر الــــقران ومثـــــــــبت الدين
يشبه مصابه الصار بمصيـبة حسين
باقي ثــــــلث تيام يومــــــه عمانه
ــــــــــــــــــــــــــــــ😭ـــــــــــــــــــ
باقي ثلث تيـــــــــام جثـــته رهينه
مردو جـــــــــــــبدته بسم ومعذبينه
يمه وتدگ عل راس امـــــه الحزينه
مسك و عطر الجنان يسطع مكانه
ـــــــــــــــــــــ😭ـــــــــــــــــــ
يبجي القلم واللوح للبعده اشبـــــاب
ينعى الحرم والبيت متصوب اصواب
ابن الفرض ياحيف من النزل غاب
والكاظميه تصيح طافي ضوانه
ــــــــــــــــــــــــــ😭ـــــــــــــــــ
صبح الف ياحيف مــــــسدوده بابه
محزونه الاكوان تنعـــــى مـــــصابه
ابنه يون اعليه يصـــــــــــرخ ييابه
عايفنه بالاهــــــــات ها ياحمانه
ـــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

حديث استشهاد الامام الجواد ع
ــــــــــــــــــــــــــــــــــــــ

صلى الله عليك يارسول الله،، صلى الله عليك ياابا عبد الله يارحمة الله الواسعه وياباب نجاة الامه ماخاب والله من تمسك بكم سادتي وامن من لجأ اليكم فياليتنا كنا معكم فنفوز والله فوزا عظيما
اروحك ام روح النبوة تصعدُ
من الارض للفردوس والحور سجدُ
ارأسك ام رأس النبي على القنا
باية اهل الكــــــهف راح يرددُ

بعد أن سرى سم أم الفضل بنت المأمون العباسي بجسم أمامنا الجواد (عليه السلام) الطاهر وسدت عليهِ أبواب ألبيت، أشتدت حرارة ألسم حتى تورم جسم الإمام،وكان يقطر دما من كل مكان
يامحبات الزهراء عظم الله لنا ولكم الاجر بمصيبة استشهاد مولانا الامام الجوادع قامت اللعينه لع واخرجت الجواري من الدار واغلقت على امامنا باب الدار وتركته يجود بنفسه يتقلب على فراشه،، التهب قلبه عطشا كلما استسقى ماء لم يجد. احدا يسقيه الى ان قضى نحبه وفارقت روحه الدنيا مسموما عطشانا غريبا وحيدا رحم الله من نادى واماماه واسيداه واغريباه واجواداه

، فلمّا قضى نحبه أمر المعتصم بأن يرموا جسده الشريف من أعلى السطح إلى الأرض، ومنع الناس أن يحملوه ويشيّعوه ويدفنونه ويدنوا منه، وبقي جسده ملقى على الأرض ثلاثة أيام بلا غسل ولا كفن ولا دفن، وكان يسطع منه رائحة المسك والعنبر، فلمّا علم المعتصم ذلك خاف الفتنة وخشي الفضيحة أمر بدفنه.»فقام ابنه الامام الهادي ع بمواراة جسده الشريف واودعه قبره وهال عليه ترابه الطاهر في الكاظميه الى جوار جده موسى ابن جعفر ع رحم الله من نادى
اي واماماه واجواداه

عظم الله أجوركم


نعي للجواد ع
ـــــــــــــــــــــــــــــــــــ

خل نلبس سـواد بـهالمسيـه
ونقيم العـــــزه باالكاظميـــه
نصرخ حيل ها يبن الزچيـه
ضل فوگ السطح جثـه رميه


خل نگعد نون للمات مســـموم
وجسمه من الورم يتنازف ادموم
نگله عليك گلب الشيعي مالوم

نبچي عليه ها يبن المــــــيامين
ممرود چبده ومــــــاله معـــــين
باخر نفـــــس و يديــــــر بالعين

ضل بالغرب ماهمــــــه اهـــــله
ولحد حضر دمــــــــــعه يهلـــــه
وجرح البــــــــــــگلبه مــــن يشله
ــــــــــــــــــــــــــــــــــــــــــــــــ
نعي فائزي
ـــــــــــــــــــــــــــــ
قيمو العزه ياشيعته ونو اعـله حــــاله
مسموم ويلي ابن الرضا ومنهو البچاله
ويه امه بنت المصطفى والدمـــــع هاله

فوگ السطح يبن الرضا جـــــــثه رميه
مثل الغريب بكربله ســـــــــــوده عليه
محد وصـــله وگلـــــــبه فوگ الوطيه

عينو الزچيه ام الحسن تبچي وحزينه
يومك ييمه ماسده يصـــــــــــعب علينه
نايم بقى بــــــحر الشمس ومسممينه
ــــــــــــــــــــــــــــــــــــــــــــ
نعي للشباب اهدي ثوابه للامام الجواد ع
لسان حال الام
ـــــــــــــــــــــــــــــــــــــــــ
ونينك ييمه شعــــب گلبي
عميانه اوماشــــــــوف دربي
يادمعتي من ادمـــوم صبي

راح الولد شــــــــــيرده اليه
وعيني عـــــــلى دربه اربيه
ضليت بس اصـــــفگ بديه

انا لله وانا اليه راجعون وسيعلم الذين ظلمو حق ال محمد اي منقلب ينقلبون
https://www.tg-me.com/DmoaaAlhwraa

قصيده للامام الجواد ع
المستهل فائزي
النص مجرشه ﷽
ــــــــــــــــــــــــــــــــــــــ

گومو يشيعة حيـــــــــدره للكــــــــاظمــــــيه
نشيل النعش لابن الرضا جـــــــــته الـــمنيــه
ـــــــــــــــــــــــــــــــــــ
فوگ السطح ون وغمض جاه الاجــــل هالليله
وحده وبعيدين الاهل ماصحــــله مــــن يشيله
بهوسه وعراضه للگــــــبر واتـــراب لحده نهيله
ونقيم مجلس فاتحـــــــــــــــــــه نعازي الزچيه
ام عــــــــ✍🏻ـــــــلي البابلي
ـــــــــــــــــــــــــــــــــــ
انقيم المئآتم للحزن يستاهل  ابن الزهره
كل من يحب ال النبي هذا العزاء ايحضره
واليوصل وهل الدمع فاطمه اهناك اتنضره

واتسجل اسمه ويه الخدم هاي المسيه

ام ســ✍ــجاد العسكري
ـــــــــــــــــــــــــــــــــــ
واتسجل أسمة ام الحسن للحضر يبچي وينعه
ويانه حضرت للعزة تحسبها الك كل دمعه
للمات بالسم والغدر وياها خلي نشيعه
امفطر دليله ابن الرضا راد الميه

✍️زينب الواسطي
ـــــــــــــــــــــــــــــــــــ
نحضر بكل عبره نون لابن الرضا ومصابه
مسموم ويلي الوحده ونار الكلب لهابه
تبجي الزجيه تون اله و ادموعها سجابه
مثل الحسبن مصيبة وجثته رميه
✍️أم أحمد الهاشمي
ـــــــــــــــــــــــــــــــــــ
مثل الحسين مصيبته نام وغمضها عيونه
محد المن اهله اجـــــــــه وبتربته  يوارونه
وينه اليزوره ويعتني وبمصيبته يواسونه
يبجي ويون بحضرته دمعه جريه

✍️ام صادق المنصوري
ــــــــــــــــــــــــــــــــــــــــــ
چنه الحسين وقصته من نام فوگ الغبره

مطروح ظل بلا وطه والخيل داست صدره
عطشان ضامي والاهل عافوه وراحو يسره
وونوا يشيعه للكضه ونه شجيه
*✍🏻أم عبـــــد اللـــــــه العـــــابدي*
ـــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /19/ذو القعده  / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره

https://www.tg-me.com/DmoaaAlhwraa

قصيدة للإمام الجواد "عليه السلام" طلب حاجة

يل عندك مريض وحاير بامره
دگ باب الجواد وحلفه بالزهره
ــــــــــــــــــــــــــــــــــــــــــــــ
دگ باب الجواد وصـــــــفي النيه
واحچي اوياه بحرگه  ودمعه مجريه
ترد من ابو الهادي  الحاجه مگضيه
شعندك هم يزيله وگلبك يجبره
ــــــــــــــــــــــــــــــــــــــــــــــ.
لو ايس طبيــــــبك حالتك حاله
شد احزام لابن الرضا  اتعناله
واگعد يم ضريحه بدمعه هماله
گله اعليك امشي الضل على الغبره
ــــــــــــــــــــــــــــــــــ
عفــــــــت كل باب مولاي وتعنيتك
وگفت بعتبتك ابچي وتنخيتك
تداوي علـــــــــــتي البيه ترجيتك
وجروح العليه ســـــــــيدي تبره
ــــــــــــــــــــــــــــــــــــــــ
اليگصد باب خيّر حاشــــــا ميرده
شلون ابن الفحل لو حضر بالشده
  گله الـــــــحيل طايح مني وتبده
الطايح بالشدد بس انت التحضره
ـــــــــــــــــــــــــــــــ
الطايح بالشدد والهم يدگ بابك
يبن الرضا ايگلك هبني اجوابك
نحلفك بالحسين ولوعة امصابك
خلّف همي البگلبي الف حسرة
ـــــــــــــــــــــــــــــــ
عاداتي الحوائچ لو ردت اطلب
اقدم حاجة المهدي ودموعي اتصب
من جاهه نريد وللضريح انطب
نذكر يمه أبو اليمه وذبح نحره
ـــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم. الدعاء
https://www.tg-me.com/DmoaaAlhwraa

موشح للامام الجواد عليه السلام
ـــــــــــــــــــــــــــــــــــــــــ

جينه ننشد علجـــــــــــواد الليله
من لشــــــمس بارواحنه نفييله
ــــــــــــــــــــــــــــ
گالو ام الفـــــــضل سمت جبدته
وضل ثلث تيـــــــــام توجع حالته
مثل جده حـــــسين ضلت جثته
علسطح مرمـــــي وذاب ادليله
ـــــــــــــــــــــــــــــــــ
جيـــــنه كلنه اليوم  نلطم علصدور
يوم ابو الهادي فطر گلب الصخور
نلعن.اهل  الكفر  واصحاب الفجور
ودمع من دم علشباب  نسيله
ــــــــــــــــــــــــــــــــــــــــــــــ
يامصــــيبه الحــــزُنت كل العباد
مظلم الكون وصبح لابس حداد
ناحت الاملاك والسبعه الشداد
نعشه فوگ  الرؤؤس كلنه  نشيله
ــــــــــــــــــــــــــــــــــــــــــــــــــ
جبنه راية حزن  ننصب فاتحه
وي حكيمه نعلي صوت النايحه
امتونه من اللطم كلها . طايحه
اه يامســـــــــموم خل  ننعيله
ــــــــــــــــــــــ
اه يالمسموم يــــــــومك ماسده
سنين عمــــرك يالجواد امفرهده
شلون جثـــتك بالشموس امدده
باچر ال سمك الف  ياويله
ـــــــــــــــــــــــــــــــــــــــــ
باچر بيوم الحـــشر لله شيگول
شيعتذر من النبي ومن البتول
شنهو عذره هناك والوگفه تطول
والزجيه لربها لو تشكيله
ـــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم. الدعاء
https://www.tg-me.com/DmoaaAlhwraa

فزاعيه جنوبه بهوسات للامام الجواد عليه السلام
سوت تعزينه بـــــــــت النبي طاها
تبچي والعرش يبچي اعله مبچاها
ــــــــــــــــ
سوت تعزينه وتـصرخ يبـو الهادي
من سم العده ابحـــــــالك شسادي
هظيمه يلـــــــــشباب تنام بالوادي
شدي لطمة المسمــــــــــوم  وياها
  ((وسعي الميدان وعينيها))
ــــــــــــــــ
شدي لطــــــــمته ووني  يشيــــــعة
وخلي دمعتج لمـــصابه   مـــــجريه
حا يبن الحـــــــياده ناره ســــــعريه
اضلوع الكون كله ابن الرضا احناها
((محزونه املاك الكون))
ـــــــــــــــ
مثل يوم الحســـين امصابك اعلينه
شما نلطم ونبـــــــــچي  والك ونينه
ولام حســــــــين كل ونه و تعازينـه
يهنيال الـــــــــــحضر باللطم عازاها
((ونيله  سمعيها الزهره ))
ــــــــــــــــــ
كون اونينه يــــــداوي جرحها  اليوم
يعين الله گلبــــــــــها  بالولد ملچوم
ثلث تيام جثه اعله السطح  مسموم
مــــــــحد من هــــــله حاضر، واراها
مافزعوله  نومه بتربان))
ـــــــــــــــــــــــــــــــــــــــــــــ
مافزعو  هله واخـــــــــذو بثـاراته
للسبعــــــــه الشدد وصلت يوناته
وين المنتظر يــــــــــــظهر براياته
وايد اهل الكفر بالسيف شلاها
((وبثاره ياخذها امربع ))
ــــــــــــــــــــــــــــــــــــــــــ
اله ثارات من يوم الضـــــلع والباب
وسورة قل هو والطبره والمحراب
سم چبد الحسن وحسين ضل بتراب
وكل اهل الفخر العدو  صاباها
((ياخذ حيفه من كل اعداه ))
ــــــــــــــــــــــــــــــــــــــــــــــــــــــــ
تمت بعون الله بقلمي. ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

قصيده  حدي للامام الجواد
بدايتها نعي
ـــــــــــــــــــــــــــــــــــــــ

لدرب النجف يلناوي تروح
عندي وصيه بگلب مجروح
مر بعلي ويمه اگعد ونوح
وهل الدمع علوجن مسفوح
ــــــــــــــــــــــــــــــــــــــــــــــــــ
خل يفزع يشيل الولد طايح يون فوگ السطح
من عنده.ممرود الچبد  مسموم اله ثالث صبح
ــــــــــــــــــــــــــــــــــــ
وينه الليله حـــــيدره  اليحضر بوكت الموزمــه
ماجه ودفن بيده الولد الناحت اله ارض وسمه
سمو جبدته اهل الردى. وعافوه وبلا مرحــــمه
مثل الغريـب بكربله   مرمي  ابو صدر الســمح
ـــــــــــــــــــــــــــــــــــــــــــــــــــــــــ
گله ابو الهادي بـــــــــــقه لاغسل لاتچـفين اله
ذاب العمر مثل الورد وبعيـــــــده عنــه كل هله
بس ابنه ويبچي الصخر  والروح منه معـلعــله
مهموم مابين الغرب ينظرله و  بگــــلبه الجرح
ــــــــــــــــــــــــــــــــــــــــ
لامن عشيره ولااهل حاير غريـــــــــب  لوحده
بالعاده اليــفگد ابو تحــضر  عمامــــــه توسـده
هذا الجره يابا الحسن مامـــــــر علكون وسده
محد.يعازي امصيبته لامن  هـــــله واحد يصح
ـــــــــــــــــــــــــــــــــــــــــ
يللي طويت انت الارض ودفنت سلمان بحزن
هذا الجواد ابن الرضا بـــــــيه المصايب دولبن
ريتك تحضره اتغسله وياســـــين تقراله وتون
يهل المكارم ياوسف   ليش الوكت بيكم يشح
ـــــــــــــــــــــــــــــــــــــــــــــــــــــ
حاربكم  هوايه الدهر  ياحيف   بيكم مارحم
عشتو غرب كل العمر  من المصـــايب والظلم 
يوميه.يتـــــــــجدد جرح بگلب الزچيه منلچم
خلصو اهالي المرجله مابين السمــــــوم وذبح
ــــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء

https://www.tg-me.com/DmoaaAlhwraa

ثلاثةُ أيام ملقىً على السطح 💔

بعد أن سرى سم أم الفضل بنت المأمون العباسي بجسم أمامنا الجواد (عليه السلام) الطاهر وسدت عليهِ أبواب ألبيت، أشتدت حرارة ألسم حتى تورم جسم الإمام وأخذ يتفايض منهُ الدم، فأخذ ينأى بنفسهِ حتى وصل سطح ألدار وفاضت روحه ألطاهرة إلى بارئها وبقي مسجى في ألسطح ثلاثة أيام تلفح جسمه حرارة الشمس كما جدهُ ابو عبد الله💔💔

وعندما علم المعتصم بخبر شهادة الإمام محمد ألجواد (صلوات الله تعالى عليه) أمر برميه من أعلى السطح💔!!!!!

«تورّم جسده وكان يقطر جلده شبه ألدم، فلمّا قضى نحبه أمر المعتصم بأن يرموا جسده الشريف من أعلى السطح إلى الأرض، ومنع الناس أن يحملوه ويشيّعوه ويدفنونه ويدنوا منه، وبقي جسده ملقى على الأرض أياماً بلا غسل ولا كفن ولا دفن، وكان يسطع منه رائحة المسك والعنبر، فلمّا علم المعتصم ذلك خاف الفتنة وخشي الفضيحة أمر بدفنه.»في ٢٩من ذي القعده سنة ٢٢٠ هجرية استشهاد الامام محمد بن علي الجواد (عليه السلام)....
وآماماه وآسيداه وآشهيداه وآمظلوماه
عظم الله أجورنا و أجوركم وأحسن عزائكم.

#شهادة_الإمام_الجواد
#آخر_ذي_القعدة_الحرام_تجديد_العهد_مع_جواد_الائمة

للامام الجواد عليه السلام
ــــــــــــــــــــــــــــــــــــــــــــــــ


مجلس المـــــــــــسموم خنسويله
والزجيـه ام الحـــــــــــسن تنعيله
تصيح يمه يالجواد
والسمه لبست سواد
لطم حار اعله الشــــــــــباب نشيله
ـــــــــــــــــــــــــــــــــــــــــ
لطم حار وحـــــــيل عـلـــنه الونين.
اه يايومه مثــــــــــــل يوم الحسين
علسطح لااهـــــــــــل يمه ولا بنين
لو لطمنه اعــــليـــــــه ايام وســـنين
ويلي يالبعدك شباب
شلون نايم بالتراب
وكل عــــــمرنه احـــــزان  مانوفيله
ـــــــــــــــــــــــــــــــــــ
لو تنوح اعــــــليه كــلها الرافضـه
وتلبس احداد الارض ويــه الفضه
مانوافي امصيبته  ابــن الرضــــه
انمرد چبده وعمره بسموم انگضه
لاجله حتى العرش ناح
والحرم واللوح صـــــاح
انمرد بالســـــم يالجـــــواد ادليله
ــــــــــــــــــــــــــــــــــــــــــ
ضل ثلث تيـــــام مـــــــحد غسله
فوگ سطح الدار وبعـــــــيده هله
مثل جده الســــــبط مرمي بكربله
وين عنه المرتــــــضى عــقد الوله
يسوي مجلس فاتحه
وياه نعـــــــلي النايحه
ويمه ملــــــــــــــــتمين كلها العيله
ـــــــــــــــــــــــــــــــــــــــــــــ
يسوي مــــــــجلس فاتحه وقرايه
الهادي  ايهوس وبــــــيده  الرايه
يگول حمل عني  حامي الثايـــــه
وصوت بته بالــــــــــعزه بچايه
فارگاني الغالي
اعليه دمعي هالي
يضل دمعي اعليه يجري مسيله
ـــــــــــــــــــــــــــــــــــــــــــــــ
هذا  ابوي وكلف حــــيل افراگه
شلون وياه بعــــد  ماكـو املاگه
تبجي  ودموع الحـــــــزن حراگه
هسه روحي لشوفته   مشتاگه
صعب يفراك الابو
ضاع من عندي الدفو
شلون تربانه علـــــــيه  انهيله
ـــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

قصيده للامام الجواد عليه السلام
ــــــــــــــــــــــــــــــــــــــــــ

هلي ادموع شال اليوم ابو الهادي
ممرود الچبد وبحــــــالته شسادي
ــــــــــــــــــــــــــ
هلي ادموع صيحي احاه وياوسفه
يايومك صعب.علشـــيعه شيوصفه
ياتاسع بدر حـــــــيف بترب   تـغفه
وتنام.بلحد  ويـــــــــــضمك  الوادي
ـــــــــــــــــــــــــــــــــــــــــ
ياتاسع بدر شايل عـــــــــــــلوم الال
عليك  ندگ صدرنه والدمـــــع همال
ولاجلك سيدي  ينزف دمـــه  الدلال
وحزن الكون باركان العــــرش بادي
ـــــــــــــــــــــــــــــــــ
محزون العرش والديــــن وفروعه
والمشعر يون وتكت دمه  ادمـوعه
الكعبه تنوح ضـــلت ليك مفجوعه
و سمعو ونه من گبر النبي  الهادي
ــــــــــــــــــــــــــــــــــــــــــــــــ
وام حسين ســـوت فاتــحه وتقره
مورمه العين من السوط و السطره
يامسموم يمــــــــه كسـرتي كسره
بسموم وقتل هل   خلصو  اولادي
ــــــــــــــــــــــــــــــــــــــــــــــــــ
وين الفاچده تبــــــــچي  وتون وياي
ونات الشباب  من الگلـب    بهداي
ضل فوگ السـطح ابني  بلايه افياي
اسموم ام الفضل  هالمارده افادي
ــــــــــــــــــــــــــــــــــــــــــ
ماتمم اوليدي الخامـــسه وعشرين
مردو چبدته ياويـــــــلـي الملاعين
وبوسط الگلب خـــــلولي  انياشين
اظــــــن ويه الحزن والنوح ميعادي
ــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tg-me.com/DmoaaAlhwraa

فزاعيه للجواد ع
الوزن نصف حدي
ــــــــــــــــــــــــــــــــــ

امصاب الجواد ابن الرضا
يشبه مــــــصاب المـنذبح
ـــــــــــــــــــــــــــــــ
سمو يويلي اهل الرده
والجـــــــبد منه امرده
محــــــد اجاله ومدده
جثته رميه اعله الــسطح

نفس الالــم والفاجعه
  محد وصــله وشيعه
بس ابنه ويهل مدمعه
طير انكسر منه الجنح

ياحيف امام الرافضــــه
بسموم عدوانه گضــــه
انفجعت عليه ارض وفضه
بمصيبته يطول الشرح

توجع يويلي مصيـــبته
وام الفضل من خـــانته
بالغدر  ســمها دســـــته
ياسيـــدي ووجه  الصبح

سوت عزاها ام الحسن
ودموعها من دم جرن
خل نبچي وياها بشجن
كون الدمع يسفح سفح

والگلب منها  منصـــــدع
وياها دگن  عـــــل ضلع
خلن الونه   تـنـــسمع
جرح الوكت ينــــثر ملح
ــــــــــــــــــــــــــــــ
تمت وبعون الله تعالى.
بقلمي ام علي البابلي

https://www.tg-me.com/DmoaaAlhwraa