‏انا حسب عرِفي وفهمي وتفكيري
‏ما ودك ان الحبيب يكون متسارع

‏صح اني اخطيت في حقك بتاخيري
‏لكن ما توصل تقط الورد فالشارع !

ليلة وداعك على كثر الحروف الابجدية
‏ما لقى من ودعك حرفين ينطقها لسانه

‏قلت لي بنساك ، قلت الله يهنيك وهنيّه
‏واحدٍ خلاك من رباك تنساني عشانه

‏قلت لي قلبك لا ينسى قلت ليت القلب فيّه
‏دوّره .. واليا لقيته وصه ورّده مكانه

‏وص نفسك ولا انا مانيب في حاجه وصيّه
‏واعتبر فرقاك امانه ..

وهالله هالله بالامانه.

قصيدة الليله (:

‏سولف فديتك وفضفض لي وانا منسجم
‏مع نبرة الصوت ذوبت أذني الصاغيه

‏يضيع الأسلوب و تصير المشاعر عجم
‏هداوة اجواك ما يسمع بها لاغيه

‏فرصة حضورك لها هيبه وثقل وحجم
‏قبل اتمعن مفاتن حسنك الطاغيه

‏ما أشوفك الا قمر ساطع ولمعة نجم
‏عليك بِسْم الله من الأنفس الباغيـه

خلصنا (:

⁣اصدقاء الليل سيّرو

‏صباح الخير..عمومًا الإنسان مهما كان مكتظ بأمور لا تُطاق يكفيه الرضا واليقين، بأنه مثل ما أشرقت الشمس ومحت ذاك الظلام بتشرق أحلامي وتضحك لي الأيّام

‏صاحبي ؟ والله انك غايتي والسلاام
‏رغم هذا التناقض في مروري عليك

‏أتجاهلك . . وأنا أكثر عربك إهتمام
‏وأتعداك وأنت القصد قدّام أجيك :)

‏وجرّت طرف ثوبها وأقفت مع المقفين
‏والظاهر إنه تعلق في طرف ثوبها !
‏- تخيلوا اللي تعلق بطرف ثوبها كان قلبه ،
‏وصف تحت تأثير الغرام

‏اخوض لي حرب نفسيّه مع ذاتي
‏منهو شبيهي يخوض حروب نفسيّه

‏احيان ودي اغير من علاقاتي
‏واحيان عندي قناعه غير عكسيّه

‏تجديد الأفكار يأثر في قناعاتي
‏وتكرير الأفكار لا حسنه ولا سيّه

‏رجعت للماضي استرجع بداياتي
‏مجنون وش لي مع حاجات منسيّه

‏"عليه يجرّني سلك الغلا، ما جرّني له عرق
‏شمَخ فالقلب لو مابه نسب من بيني وبينه."

‏يجوَز الغير ناسيني يجوز أني نسيت الغير
‏ولكن مانسيت أحس ولا قفلت بيبانيّ

‏يجوز أني أبان أبعد ولكن مَامعي تبرير
‏سوى أنه ولا جربّ أحد منكم وناداني

‏ويجوَز أني مثل صوره لها بعيونكم تفسير
‏أبد ماتشبه لروحي ولا الصوره هي الوانيّ.

‏ياحمام الدوح تلعي معي ولا لعيت
‏ ضايق صدري وشفي على الونة جذوب

‏كل ماجيت ابغي النفس تدله ماقويت
‏ والمواجع تبتدي كل ما حل الغروب

أخاف التعجّل والحيرة، وأخاف بالأكثر من أني أتردّد مرّه ثانيه لمكان كنت قد حطيت له حد فاصل، أو أن أبرر الموقف و أخطيّ في صياغته ، و اطيح لاقدّر الله في وهقة قالها الرشيدي :
"أخاف إن قلتها ما قلتها، وإن قلتها بوضوح
توسّدني ملامات الرفيق وشرهة الغالي"

— مشهد شِعري

صدري اللي كنت احسبنه شمالي
‏لين ميزت التطبع والطبيعه

‏والظروف اللي قضت حالي ومالي
‏وحملت نفسي مالا تستطيعه

‏واعذابي لا طرالي ماطرالي
‏ضيعتٍ ماعقبهاا فالعمر ضيعه