⌯ Rita Bot

- ملاحظات مهمه ممكن تفيدكم وما تنقطون
- حجي هواي صح بس مهم للكل

1- بالنسبه الي ديعرضون نسخ من سورس فايدر ب ٢٠ وبهالاسعار الكسر
- هاي النسخه اني ناشر ملفاتها
- ما محدثه ع 64 بت يعني متفيد ابد
- النسخ الي ابيعها حاليا فقط تنصيب مصانع يعني محد عنده ملفاتي الجديده يعني تريد نسخه من سورسي فقط عن طريقي فديرو بالكم احد يضحك عليكم بهالموضوع

2- الي ديعرضون بالسوبرات انسخلك سورس بحقوقك ب ١٠ وب ٥ وب ١٥
- اخذها قاعده ٩٠% من اهل السوبرات قفاصه اذا ما تخلي وسيط تنقط مثل ما الله واحد
- النسخ الي يسوولك منها يكلك بيها مميزات وهو جذب يكلك خاليه من الاخطاء وهي جذب يكعد يصبغلك بيها بس كون تشتري وهي نسخته تعبانه مثل سعره شتتخيل مثلا نسخه بهالسعر بيها حظ ؟ احسبها بعقلك لو فاشله لو يريد يقطك
- الافضل انو تروح لابو سورس معروف وتاخذ منه نفسه والمعروفين معدودين مو اي سورس تشوفه تروح لصاحبه وتنطي فلوس

3- اكو هواي ناس من اهل الله يكلك هذا قناته بيها هواي مشتركين اكيد ثقه
- هالشي مو مقياس قناته صاعده وهو قفاص يصير هالشي
- قناته صاعده بس الشي الي يبيعه الك يكون رديئ
- لا تنسه اكو شي اسمه رشق وهواي اهل سورسات ٨٠% من قنواتهم رشق

4- اذا فكرت تشتري سورس ياهو الي تراسله حيكلك كتابتي
- هالشي مو صحيح كتابه السورس يرادله خبره + وقت
- اغلب اهل الخبره القدامه تركو التلي نسبه جبيره من اهل السورسات هسه همه طلعو بعد تحديث التليكرام لل 64 بت
- السورسات الاصليه بعد تحديث التلي هنه نسختين والبقيه الكل نسخه منهن يا اما نسخه طه يا اما نسختي الخاصه الي جنت ابيع منها قبل تحديث التلي وبعد تحديث التلي والبقيه ياهو الي يجي ببالك بدون ذكر اسماء خلي ببالك هو نسخه من ذني ال٢ ومعدل ع النسخه
- الي يكتبون بيديهم معدودين كلش والبقيه كلهم كوبي بيست والدليل ٩٥% من السورسات نفس الشي بس الترتيب يختلف
- فاذا عندك فكره تريد تسويها او تحديث لبوتك او سورسك مو ياهو الجان تروحله مو شرط عنده سورس معناها هو يكتب دير بالك من هالشغله هم

- الملاحضات هواي بس راح اختصر باخر نقطه حته ما طول الكلام

5- موضوع السيرفرات
- اخوان السيرفرات صارت حته الي ماله علاقه بالبرمجه هم يبيع لا طاكه ولا مدربيها وحاط روحه بهالسالفه اتمنه الله يرزق الكل بس هالشي اله مردود سلبي عليك انت المشتري
- اغلب الي بيعون همهم انو يربح منك وبس مو همه الخدمه الي يقدمها جيده لو سيئه
- اغلب الي يبيعون يكلك رام 4 ب 5$ او رام 8 ب 15$ اخويه وحبيبي رام 4 بالمواقع الراقيه سعره بدون ربح فوك ال 10$ ورام 8 فوك ال 30$ هاي الاسعار بال $ ارجع طلعها بالعراقي شكد وضيف ربح البائع وانت قيس شلون يبيعلك شغله بالعراقي بسعر اقل من فلوسها بال $ هاي بيها سبب من سببين
١- انو هو يريد يقطك
٢- هذا ديبيعلك من بنل
- شنو هو البنل ؟ اغلب مواقع السيرفرات القويه ينطوك تجربه لموقعهم ينطوك مبلغ مادي كمثال 100$ مثل موقع ديجتال ويكلك جرب السيرفرات لمده شهرين الربع شيسوون يسحبون بنل ويكعد يبيع منه لمده شهرين ويكلك بدون تجديد هو مو بدون تجديد انما من تخلص الشهرين لازم تدفع المبلغ الرسمي الي عارضه الموقع وهو مبلغ قوي حسب السيرفر واكو بيهم ما يكلك اصلا فقط تشتري منه ويوقفه من تخلص المده
- بكل الحالات بالنهايه انت سيرفرك راح ينحذف
- الحل شنو ؟ اغلب المبرمجين القدامه معروفين يخافون ع سمعتهم اذا قدمو خدمه سيئه تاثر ع سمعتهم حلك يا اما تاخذ منهم وهمه قليلين ومعروفين ويا اما تسحب بيدك

- واسف ع الاطاله بس هالاخطاء هواي ديوكعون بيهن

- شتحتاج راسلني #Faeder : @KKKKF

1.3K viewsedited 16:11