لنسأل مولاي الباقر (عليه السلام) عن مصائب وما عاشه في الطف ليتحدث لنا في هذه القصيدة عن تلك المصائب
نسأل عن محنته
الچان اويه عمته
الباقر عن رحلته ...... وسفرة عذابه .. وسفرة عذابه
**
خلي نسأل سيدي عن المصاب
وادري يحتار شيرجعنا جواب
ياهي يبدي بيها من جرح الرباب
لو يسولف محنة الضل عالتراب
لو عالمخيم ..... من أحترگ ذاك الظهر .. آ يالمخيم
وما ضللهم عم.... يفزع يلم طش الخدر .. ما ضللهم عم
يالشفت الأذيه
وي عمتك رقيه
بعمر چنتو سويه ...... ونفسه حبلكم .. نفسه حبلكم
**
آخ جدي وحيرته ذاك الغريب
يمه لا صاحب بقه لا ضل حبيب
وتالي ما تالي صبح جسمه سليب
وفوگ تسليبه انترك بالحر تريب
ومرينه يمه .. ونشوفه عاري عالترب .. مرينه يمه
وشاهدنه جسمه ..عطشان ما مره الشرب .. شاهدنه جسمه
ذبلانه رسومه
ودنيا كلها حومه
وياذي الحر سمومه..... ومكشوفه جروحه .. مكشوفه جروحه
***
آ يعملة كربله وذاك النهار
منين ما نتلافت اتلاگينه نار
الكبار اتحملوا چا والزغار
اهواي شغنه من الجمر تدرونه حار
بحرگه بچينه .. ما نعرف الحسره شنو .. بحرگه بچينه
وليه انولينه .. وصرنه تحت رحمة عدو. وليه انولينه
وحسرات المداليل
تچوي اعله المهازيل
أبونه أحنه الدخيل ..... عالهزله تالي .. عالهزله تالي
****
راح جدي وبقت بس ذكرى الخيام
وانوخذنه بلا أذن وبلا سلام
راحه ما شفنه مشي صبح وضلام
واليودع كافل محظريله شام
هضمه چبيره .. صعبه المدلل ينهضم .. هضمه چبيره
مومال اسيره.. أرض وسمه إلها الحكم .. مومال اسيره
دنيا وغربتنه
والوادم حچتنه
وسفه أسرتنه ..... وادم ذليله .. وادم ذليله
****
السبي ما عنده ذني مدللات
ولا يعرف رسوم عز مخدرات
وين چنه وين تاليها نبات
وميزوا شماتنه طول البنات
الهاشميه .. أكبر عدو إلها الضوه .. الهاشميه
تالي سبيه .. خلتها بالطف نينوى .. تالي سبيه
ودموع النساوين
صبت بالدواوين
ويمهن راس الحسين...... دمه بجبينه .. دمه بجبينه
*
عزت السماوي
نسأل عن محنته
الچان اويه عمته
الباقر عن رحلته ...... وسفرة عذابه .. وسفرة عذابه
**
خلي نسأل سيدي عن المصاب
وادري يحتار شيرجعنا جواب
ياهي يبدي بيها من جرح الرباب
لو يسولف محنة الضل عالتراب
لو عالمخيم ..... من أحترگ ذاك الظهر .. آ يالمخيم
وما ضللهم عم.... يفزع يلم طش الخدر .. ما ضللهم عم
يالشفت الأذيه
وي عمتك رقيه
بعمر چنتو سويه ...... ونفسه حبلكم .. نفسه حبلكم
**
آخ جدي وحيرته ذاك الغريب
يمه لا صاحب بقه لا ضل حبيب
وتالي ما تالي صبح جسمه سليب
وفوگ تسليبه انترك بالحر تريب
ومرينه يمه .. ونشوفه عاري عالترب .. مرينه يمه
وشاهدنه جسمه ..عطشان ما مره الشرب .. شاهدنه جسمه
ذبلانه رسومه
ودنيا كلها حومه
وياذي الحر سمومه..... ومكشوفه جروحه .. مكشوفه جروحه
***
آ يعملة كربله وذاك النهار
منين ما نتلافت اتلاگينه نار
الكبار اتحملوا چا والزغار
اهواي شغنه من الجمر تدرونه حار
بحرگه بچينه .. ما نعرف الحسره شنو .. بحرگه بچينه
وليه انولينه .. وصرنه تحت رحمة عدو. وليه انولينه
وحسرات المداليل
تچوي اعله المهازيل
أبونه أحنه الدخيل ..... عالهزله تالي .. عالهزله تالي
****
راح جدي وبقت بس ذكرى الخيام
وانوخذنه بلا أذن وبلا سلام
راحه ما شفنه مشي صبح وضلام
واليودع كافل محظريله شام
هضمه چبيره .. صعبه المدلل ينهضم .. هضمه چبيره
مومال اسيره.. أرض وسمه إلها الحكم .. مومال اسيره
دنيا وغربتنه
والوادم حچتنه
وسفه أسرتنه ..... وادم ذليله .. وادم ذليله
****
السبي ما عنده ذني مدللات
ولا يعرف رسوم عز مخدرات
وين چنه وين تاليها نبات
وميزوا شماتنه طول البنات
الهاشميه .. أكبر عدو إلها الضوه .. الهاشميه
تالي سبيه .. خلتها بالطف نينوى .. تالي سبيه
ودموع النساوين
صبت بالدواوين
ويمهن راس الحسين...... دمه بجبينه .. دمه بجبينه
*
عزت السماوي
السلام على الشفاه الذابلات
السلام على العيون الحائرات
السلام عليك ايها الغريب وابن عم الغريب
انت اول من عـطَش لجـل الحـسيـن
وانت اول دمـعه بالـغربه أنچـِفـت
وأنـت أول هاشـمـي أتـبده جـمال
وانت أول جــثـه بـالحَـر سومِـرَت
وأنت أول حــايـر بــگــاع العــراق
وأنــت اول عـيـن هــضمه اتلفِــتَت
وأنت أول صوت حيٍَّ إعـله الـدمـاء
وأنت أول گــطـره بالـحب گطِــرَت
سولَفِت بـالـدم وكـت كـلشي سـكوت
وبــأذان الـــحـب اشــفـافـك أذِنـَت
ادخيلك اديـت الفـروض بكـل تـمام
حـرگ ذبــح وجـثـه قبـله اتسـلِبـَت
يــا ســفــيـر الآه يـا أول ضــيــاع
يا اجـدام الـقَبِل جــدمــه ادوهـِنـَت
بالأزقه اطـَــشرِت حيـــره وســؤآل
حيــرة حـسين بصـحاري اطَشِــرَت
الزلمه التهضمه يهضـمـونه الأشـباه
الكـضّو اشواربهـم وتـالي اخـلِفَــت
فــوگ نــار الـغـربه شعلو بيك نـار
والـرسايـل حـطب نار شما نـِـصَـت
هـوه هـذا الحبّـه نـار يضــوگ نــار
بيــك شبـت وبـجـدم بتـك طُـفَــت
**
عزت السماوي
السلام على العيون الحائرات
السلام عليك ايها الغريب وابن عم الغريب
انت اول من عـطَش لجـل الحـسيـن
وانت اول دمـعه بالـغربه أنچـِفـت
وأنـت أول هاشـمـي أتـبده جـمال
وانت أول جــثـه بـالحَـر سومِـرَت
وأنت أول حــايـر بــگــاع العــراق
وأنــت اول عـيـن هــضمه اتلفِــتَت
وأنت أول صوت حيٍَّ إعـله الـدمـاء
وأنت أول گــطـره بالـحب گطِــرَت
سولَفِت بـالـدم وكـت كـلشي سـكوت
وبــأذان الـــحـب اشــفـافـك أذِنـَت
ادخيلك اديـت الفـروض بكـل تـمام
حـرگ ذبــح وجـثـه قبـله اتسـلِبـَت
يــا ســفــيـر الآه يـا أول ضــيــاع
يا اجـدام الـقَبِل جــدمــه ادوهـِنـَت
بالأزقه اطـَــشرِت حيـــره وســؤآل
حيــرة حـسين بصـحاري اطَشِــرَت
الزلمه التهضمه يهضـمـونه الأشـباه
الكـضّو اشواربهـم وتـالي اخـلِفَــت
فــوگ نــار الـغـربه شعلو بيك نـار
والـرسايـل حـطب نار شما نـِـصَـت
هـوه هـذا الحبّـه نـار يضــوگ نــار
بيــك شبـت وبـجـدم بتـك طُـفَــت
**
عزت السماوي
من قصائد التراث التي لا يمكن تجاوزها في مناسبة عيد الغدير الأغر من قبل خدام المنبر الحسيني في جميع المحافل والتي من الجميل والرائع قرائتها لولاء وحب سيدنا وأميرنا وفخرنا وماء وجوهنا أبا الحسن علي ابن أبي طالب ( سلام الله تعالى عليه)
مفروض عالناس حبك ياعلي
علاك رب العرش علاك غصبا عله إعداك
ــــــــــــــــــــــــــــــــــــــ
يا علي إختارك الباري إبعلمه وإبغامض أسراره
إوصورك من نور ذاته إو بهجتك بهجة أنواره
إو صاغ إلك من لطف ذاته نفس بأحكام إقتداره
الباري مثيله مثلك إو أمّرك حته إعله الملك
إو سلمك دوران الفلك إو درت للعالم مداره
وجدان ألأفلاك وجودك يا علي
وإزمامها إتسلم إبيمناك غصبا عله إعداك
ــــــــــــــــــــــــــــــــــــــ
يا علي إستصفاك ربك صفوه من عطفه إو وداده
وإنته قنديل ألأحكام اليزهر إبأفق السعاده
وإنته بالسته الجهات إموكل إبنص الإراده
قدرك ربك قدرك تصوير قدسي صورك
لاهوتي جوهر مصدرك إو قدس إبحبك عباده
يكفيك تقديـر من رب السمه
من إسمه شگ إسمك وسمّـاك غصبا عله إعداك
ــــــــــــــــــــــــــــــــــــــ
يا علي هيكلك قدسي إو جوهرة تقديس ذاتك
إمن الخلگ غير إبن عمك ما تسلم درجاتك
وإبمغيب الشمس لمّن ردت لا تقضي صلاتك
والفلك دورانه وگف إو قرص الشمس رد وإنعطف
لأمرك وبالطاعه إعترف إو هاي أسهل معجزاتك
ما نعتجب بيك إو ندري إبقدرتك
من قدرت ألله إتسير ألأفلاك غصبا عله إعداك
ــــــــــــــــــــــــــــــــــــــ
يا علي إبمصباح مدحك نور فاكرتي وشعوري
لو سره إبفضلك لساني علي تتساهل أموري
وآنه أقرلك بالولايه گبل ما قر إبنشوري
يالحبك إبريجي حله والگلبي منه إتمثله
سطرين أشـوف إمسجله وإبمعانيهن سروري
أول التوحيـد وإبثاني شطر
حبك وحبك حمه الـوالاك غصبا عله إعداك
ــــــــــــــــــــــــــــــــــــــ
يا علي نشأتك حجه إعله الخلگ من مبتداها
والتخوض إبّحر علمك روج طوفانك علاها
إو ظافرت علم اليضدك غيض ألإبگلبه عماها
غالب عله علمه الجهل إو ضارب عله عقله الخلل
إو حي على خير العمل للتحبك مقتداها
ميعيجنه اللـوم عن إولايتك
وياك دنيه إو آخره إوياك غصبا عله إعداك
ــــــــــــــــــــــــــــــــــــــ
يا علي ألإيمان سيفك بالضماير غرز عوده
إو زهت للإسلام روضه وأثمرت روضة سعوده
والثمر يوم الغدير إنعقدت إبإسمك عهوده
إشما كتب باللوح القلم ترجمه الهادي للأمم
وإنصبك عالعالم علم إو ثبت هالدين إبوجوده
وين اليضاهيك والعالم صبح
منشغف يا بالحسن بهـواك غصبا عله إعداك
ــــــــــــــــــــــــــــــــــــــ
يا علي إثلثميت آيه إتصرح إبفضلك وتشهد
إو آية التبليغ نزلت بيها إنذار المحمد
وأعلن إبخطبته الهادي إو صار إلك بالخطبه مشهد
ما حملته إعيون الحسد من شافت الحگ إنرصد
بالتاج والتاج إنعقد بإسمك إو بالله تأيّد
وإبراسك التاج معانيّه حلت
وإنصاغ من جوهرة معناك غصبا عله إعداك
ــــــــــــــــــــــــــــــــــــــ
كلمات المرحوم الحاج خادم الحسين( عليه السلام)
كاظم المنظور الكربلائي
مفروض عالناس حبك ياعلي
علاك رب العرش علاك غصبا عله إعداك
ــــــــــــــــــــــــــــــــــــــ
يا علي إختارك الباري إبعلمه وإبغامض أسراره
إوصورك من نور ذاته إو بهجتك بهجة أنواره
إو صاغ إلك من لطف ذاته نفس بأحكام إقتداره
الباري مثيله مثلك إو أمّرك حته إعله الملك
إو سلمك دوران الفلك إو درت للعالم مداره
وجدان ألأفلاك وجودك يا علي
وإزمامها إتسلم إبيمناك غصبا عله إعداك
ــــــــــــــــــــــــــــــــــــــ
يا علي إستصفاك ربك صفوه من عطفه إو وداده
وإنته قنديل ألأحكام اليزهر إبأفق السعاده
وإنته بالسته الجهات إموكل إبنص الإراده
قدرك ربك قدرك تصوير قدسي صورك
لاهوتي جوهر مصدرك إو قدس إبحبك عباده
يكفيك تقديـر من رب السمه
من إسمه شگ إسمك وسمّـاك غصبا عله إعداك
ــــــــــــــــــــــــــــــــــــــ
يا علي هيكلك قدسي إو جوهرة تقديس ذاتك
إمن الخلگ غير إبن عمك ما تسلم درجاتك
وإبمغيب الشمس لمّن ردت لا تقضي صلاتك
والفلك دورانه وگف إو قرص الشمس رد وإنعطف
لأمرك وبالطاعه إعترف إو هاي أسهل معجزاتك
ما نعتجب بيك إو ندري إبقدرتك
من قدرت ألله إتسير ألأفلاك غصبا عله إعداك
ــــــــــــــــــــــــــــــــــــــ
يا علي إبمصباح مدحك نور فاكرتي وشعوري
لو سره إبفضلك لساني علي تتساهل أموري
وآنه أقرلك بالولايه گبل ما قر إبنشوري
يالحبك إبريجي حله والگلبي منه إتمثله
سطرين أشـوف إمسجله وإبمعانيهن سروري
أول التوحيـد وإبثاني شطر
حبك وحبك حمه الـوالاك غصبا عله إعداك
ــــــــــــــــــــــــــــــــــــــ
يا علي نشأتك حجه إعله الخلگ من مبتداها
والتخوض إبّحر علمك روج طوفانك علاها
إو ظافرت علم اليضدك غيض ألإبگلبه عماها
غالب عله علمه الجهل إو ضارب عله عقله الخلل
إو حي على خير العمل للتحبك مقتداها
ميعيجنه اللـوم عن إولايتك
وياك دنيه إو آخره إوياك غصبا عله إعداك
ــــــــــــــــــــــــــــــــــــــ
يا علي ألإيمان سيفك بالضماير غرز عوده
إو زهت للإسلام روضه وأثمرت روضة سعوده
والثمر يوم الغدير إنعقدت إبإسمك عهوده
إشما كتب باللوح القلم ترجمه الهادي للأمم
وإنصبك عالعالم علم إو ثبت هالدين إبوجوده
وين اليضاهيك والعالم صبح
منشغف يا بالحسن بهـواك غصبا عله إعداك
ــــــــــــــــــــــــــــــــــــــ
يا علي إثلثميت آيه إتصرح إبفضلك وتشهد
إو آية التبليغ نزلت بيها إنذار المحمد
وأعلن إبخطبته الهادي إو صار إلك بالخطبه مشهد
ما حملته إعيون الحسد من شافت الحگ إنرصد
بالتاج والتاج إنعقد بإسمك إو بالله تأيّد
وإبراسك التاج معانيّه حلت
وإنصاغ من جوهرة معناك غصبا عله إعداك
ــــــــــــــــــــــــــــــــــــــ
كلمات المرحوم الحاج خادم الحسين( عليه السلام)
كاظم المنظور الكربلائي
هنيالنا وعدنا علي .. هنيالنا
هنيالنا وعدنا علي .. هنيالنا
..............
دگيت بيبان الخلگ .. محد فتح بابه إلي
وبيبانك انته مفتحه .. وهسه آنه جيتك يا علي
وماي الوجه يمك كثر .. غيرك يبو الكافل شلي
أنته الهوه ومو أي هوه .. مو ذوله اهلي انته هلي
ياهو إلي ... بدنيا إلك والنه عدو
ياهو إلي ... آنه يتيم وانته ابو
ياهو إلي ... بس انته من ترحم كفو
هنيالنا وعدنا علي ... هنيالنا
................
مشكور يا عشگ النبي .. هذا النبض بسمك يدگ
واليسأل اعلينه منو .. صرنه نگله للعشگ
صرنه لحب حيدر بشر .. وعن حبه ابد ما نفترگ
وكل حب سراب من انولد .. بس حب علي حيدر صدگ
محله العشگ.... لمولانا لمن ينتسب
محله العشگ .... ايشيله حرز گلب المحب
محله العشگ .... الما تطفه ناره بس تشب
هنيالنا وعدنا علي ... هنيالنا
.............
شما نعشگ بدنيا الوهم .. بالتالي هم يمك نرد
واللي نحبه يا علي .. يمك نسويله لحد
أكبر دليل أعله العشگ .. بالموت هم ما نبتعد
بأنفاسنه ؟؟ بگطع النفس .. درب النجف مأوى العبد
يم عتبتك ... ميت عدل يم عتبتك
يم عتبتك ... صك الأمان لحظرتك
يم عتبتك ... مركز دخول لرحمتك
هنيالنا وعدنا علي ... هنيالنا
................
آخر محطات الهوه .. يمك يحيدر تبتدي
ودين الله لو ما طاوعك .. چا ما صبح هلگد ندي
قانون اليبغضك كفر .. والحبك اجمل مُهتدي
مقياس اشوفك يا علي .. بين الموالي والردي
شيعي صرت ... أستحمد الله وأشكره
شيعي صرت ... أحچيها وبكل مفخره
شيعي صرت ... سلطان يوم الآخره
هنيالنا وعدنا علي ... هنيالنا
..............
كرهونه چي حبك وشم .. بالروح مو فوگ الجسد
ونقسملك بحبك وعد .. وياك ما نشرك أحد
هنيالنا وعدنا علي .. ذكر اسمه أحله من الشهد
أنته علي ويكفي الأسم .. ماضن أكوا أكثر بعد
ذكرك وحي ... يقرالنه آيات العطف
ذكرك وحي ... معروف بس ما تنعرف
ذكرك وحي ... أنته اول وآخر حرف
هنيالنا وعدنا علي .... هنيالنا
....... هنيالنا وعدنا علي ..........
عزت السماوي
هنيالنا وعدنا علي .. هنيالنا
..............
دگيت بيبان الخلگ .. محد فتح بابه إلي
وبيبانك انته مفتحه .. وهسه آنه جيتك يا علي
وماي الوجه يمك كثر .. غيرك يبو الكافل شلي
أنته الهوه ومو أي هوه .. مو ذوله اهلي انته هلي
ياهو إلي ... بدنيا إلك والنه عدو
ياهو إلي ... آنه يتيم وانته ابو
ياهو إلي ... بس انته من ترحم كفو
هنيالنا وعدنا علي ... هنيالنا
................
مشكور يا عشگ النبي .. هذا النبض بسمك يدگ
واليسأل اعلينه منو .. صرنه نگله للعشگ
صرنه لحب حيدر بشر .. وعن حبه ابد ما نفترگ
وكل حب سراب من انولد .. بس حب علي حيدر صدگ
محله العشگ.... لمولانا لمن ينتسب
محله العشگ .... ايشيله حرز گلب المحب
محله العشگ .... الما تطفه ناره بس تشب
هنيالنا وعدنا علي ... هنيالنا
.............
شما نعشگ بدنيا الوهم .. بالتالي هم يمك نرد
واللي نحبه يا علي .. يمك نسويله لحد
أكبر دليل أعله العشگ .. بالموت هم ما نبتعد
بأنفاسنه ؟؟ بگطع النفس .. درب النجف مأوى العبد
يم عتبتك ... ميت عدل يم عتبتك
يم عتبتك ... صك الأمان لحظرتك
يم عتبتك ... مركز دخول لرحمتك
هنيالنا وعدنا علي ... هنيالنا
................
آخر محطات الهوه .. يمك يحيدر تبتدي
ودين الله لو ما طاوعك .. چا ما صبح هلگد ندي
قانون اليبغضك كفر .. والحبك اجمل مُهتدي
مقياس اشوفك يا علي .. بين الموالي والردي
شيعي صرت ... أستحمد الله وأشكره
شيعي صرت ... أحچيها وبكل مفخره
شيعي صرت ... سلطان يوم الآخره
هنيالنا وعدنا علي ... هنيالنا
..............
كرهونه چي حبك وشم .. بالروح مو فوگ الجسد
ونقسملك بحبك وعد .. وياك ما نشرك أحد
هنيالنا وعدنا علي .. ذكر اسمه أحله من الشهد
أنته علي ويكفي الأسم .. ماضن أكوا أكثر بعد
ذكرك وحي ... يقرالنه آيات العطف
ذكرك وحي ... معروف بس ما تنعرف
ذكرك وحي ... أنته اول وآخر حرف
هنيالنا وعدنا علي .... هنيالنا
....... هنيالنا وعدنا علي ..........
عزت السماوي
ضعن آل محمد( عليهم السلام) هذه الأيام في طريق العز والدلال
****
متن يسبگ متن اصحابه سبعين
واللبيك تـسبـگ كـل حـچيهم
غزلهم بالدرب ياهو اول يموت
ويبچي حسين من ايصد عليهم
وگـلهم والنعـم منكم يصـحبان
ومقـبض سيفهـم دخـن بديهـم
تروحون ابقى محتار
وأظل من دون انصار
واناديكم والاگي السكته اللي اجواب
واصـيح حسـينـكم من دون نـغـار
السلامُ على أهل بيت العلا
مرحباً يا كِرام إنزلو كربلا
*****
رقيه تنام مامونه بهالأيام
وفوگاها ترف يا ناس رايه
ما تستاحش الوياها عباس
ويسگي بجوده حنيه اويه مايه
تسيّر عالهوادج ونسة گلوب
وما بين السور محظونه آيه
بعدها بنص الأحضان
آيـه بضـعن قـرآن
حميده وياها واطفال المضعنين
ومأمـنات يـم رايـات عـدنـان
السلامُ على أهل بيت العلا
مرحباً يا كِرام إنزلو كربلا
*****
شابع ماي ومناغه اويه الأزغار
عبد الله شحلاته ابين اهله
النوگ تهزه ما محتاج كاروك
وعيون الرباب بعينه قبله
كل ساعه ويمره يشمه الحسين
ويبچي من النحر لمن يقبله
ويگله ادور الأيام
ومن اضماك متنام
گرب يوم التدور بشفتي الماي
وأدورلك عذب ما بين الخيام
السلامُ على أهل بيت العلا
مرحباً يا كِرام إنزلو كربلا
*****
رمله بهالليالي تشوفه عريس
وتتمايز ابنها خطوه خطوه
يمحله طولك وليدي يجسام
يمن صرت لضعنه هذا سلوه
يوصية أبوك لعمك حسين
بالطف لو يريد حسين نخوه
و تحله أكثر اهناك
من تتغطه بدماك
ومدرعة الحسن مطرزه برماح
وأگــل لوالدك وافه بوصاياك
السلامُ على أهل بيت العلا
مرحباً يا كِرام إنزلو كربلا
*****
بعدها اسمائهن يالهاشميات
أسمهن حده ظهر الطف مصيبه
أم الأكبر أم عبد الله وأم عون
وحدتهن تصير أسم الغريبه
والتهضم يعالم موش بس هاي
غرايب كلفه بس والأصعب سليبه
علـويات يـا ناس
وفنه البالنظر جاس
يصفن تالي غـربه بـين الأجـناب
من يغفه إعله شاطي الموت عباس
السلامُ على أهل بيت العلا
مرحباً يا كِرام إنزلو كربلا
*****
عزت السماوي
****
متن يسبگ متن اصحابه سبعين
واللبيك تـسبـگ كـل حـچيهم
غزلهم بالدرب ياهو اول يموت
ويبچي حسين من ايصد عليهم
وگـلهم والنعـم منكم يصـحبان
ومقـبض سيفهـم دخـن بديهـم
تروحون ابقى محتار
وأظل من دون انصار
واناديكم والاگي السكته اللي اجواب
واصـيح حسـينـكم من دون نـغـار
السلامُ على أهل بيت العلا
مرحباً يا كِرام إنزلو كربلا
*****
رقيه تنام مامونه بهالأيام
وفوگاها ترف يا ناس رايه
ما تستاحش الوياها عباس
ويسگي بجوده حنيه اويه مايه
تسيّر عالهوادج ونسة گلوب
وما بين السور محظونه آيه
بعدها بنص الأحضان
آيـه بضـعن قـرآن
حميده وياها واطفال المضعنين
ومأمـنات يـم رايـات عـدنـان
السلامُ على أهل بيت العلا
مرحباً يا كِرام إنزلو كربلا
*****
شابع ماي ومناغه اويه الأزغار
عبد الله شحلاته ابين اهله
النوگ تهزه ما محتاج كاروك
وعيون الرباب بعينه قبله
كل ساعه ويمره يشمه الحسين
ويبچي من النحر لمن يقبله
ويگله ادور الأيام
ومن اضماك متنام
گرب يوم التدور بشفتي الماي
وأدورلك عذب ما بين الخيام
السلامُ على أهل بيت العلا
مرحباً يا كِرام إنزلو كربلا
*****
رمله بهالليالي تشوفه عريس
وتتمايز ابنها خطوه خطوه
يمحله طولك وليدي يجسام
يمن صرت لضعنه هذا سلوه
يوصية أبوك لعمك حسين
بالطف لو يريد حسين نخوه
و تحله أكثر اهناك
من تتغطه بدماك
ومدرعة الحسن مطرزه برماح
وأگــل لوالدك وافه بوصاياك
السلامُ على أهل بيت العلا
مرحباً يا كِرام إنزلو كربلا
*****
بعدها اسمائهن يالهاشميات
أسمهن حده ظهر الطف مصيبه
أم الأكبر أم عبد الله وأم عون
وحدتهن تصير أسم الغريبه
والتهضم يعالم موش بس هاي
غرايب كلفه بس والأصعب سليبه
علـويات يـا ناس
وفنه البالنظر جاس
يصفن تالي غـربه بـين الأجـناب
من يغفه إعله شاطي الموت عباس
السلامُ على أهل بيت العلا
مرحباً يا كِرام إنزلو كربلا
*****
عزت السماوي
ترى مولاتي أحلام غريبة بعد أن رحل الضعن في ناس لم تعرف هي أهلها فينكسر خاطرها وقلبها على هؤلاء الناس ولنرى ما هي هذه الأحلام
**
أحلام العليله بهاي الايام
كلهن كربله والكوفه والشام
من مذبح ابوها .. للعمه السبوها
بلّي ما أجوها .. أحلام العليلة
**
چانن أحلام .. بيهن آمال
قبل لا يبدي الجره بطف المصيبة
وبعد ايام .. تبدل الحال
ظلت تفززها الأحلام الغريبة
كربله وشام .. وچلمة احبال
وشني معنى حچاية الجثة السليبة
** تفز بشوغه ويفز الدمع عالخد
**وتريد اللي يفسر ما تشوف أحد
وكل ضنها الحلم يعني بهلا يبات
ما تدري الضعن بين الخرابات
من رض الحوافر .. وخدر يريد ناصر
وتالي يروح حاير .. أحلام العليلة
*****
بين الضنون .. وگعدة الباب
تنتظر وترد للفراش بملامه
بتعب الجفون .. ونطر الأحباب
تغفه وتشوف بحلم رگضة يتامى
چن يصيحون .. ومات الجواب
وظرف شافت يحترگ هوه وسلامه
** شهگت وانچوت بالأصبع اللي خط
** سلام إعله المخيم وإعله المگمط
وگالت ياهو هسه يفسر الصار
وشفت مكتوبي چنه الحرگته النار
من ذبح الرسايل .. و عفه بلا محامل
للنوگ الهزايل .. أحلام العليلة
*****
تشتم الهيل .. تگول مرتاح
عطر أبوها بالحلم سيّر عليها
ما درت خيل .. ودمه هالفاح
وأثر شبگتها إعله صدره ساحگيها
والضعن ليل .. بالضوه راح
استغربت معنى الحلم هذا اليجيها
** شني معنى الخدر نص الضوه من طر
** وشني معنى الترافه اتراگضت بالبر
وتعاين عالعبي متغيره الوان
تفسرها جديده عبي النسوان
من طيحت شيمهن .. للنار بخيمهن
للهيمه التلمهن .. أحلام العليلة
**
تشوف الطيوف .. وضعن محروس
بس حراسه بلايا رايه ترف عليهن
وظلت تشوف .. طايحه الطوس
واليشيلن طوس مشدودات اديهن
وگطعة چفوف .. وعاليه الروس
وبالحلم گالت أضن ذبحو وليهن
** مبين هالضعن ماكو زلم عدهم
** ما تدري الضعن هذا الضعن إلهم
وحلي شافت عليهن دم والتراب
وموش بأذن طفله بيد سلاب
هالمنظر رعبها .. السالبها ضربها
ورف ليها گلبها .. أحلام العليلة
***
تسمع اصوات .. كلهن افراح
وديره كلها مزيّنه ومدنگه الخيام
وبالقصر فات .. عرش برماح
والضعن بي ونه وحده آ يهالشام
تفزز المات .. الدمعه عالراح
حاره ومكسورة تنزل نص الأزلام
** وشفايف شافت بلون الترب جفّت
** والدمعه لچم لو عالجرح ندّت
وشافت ورده حضنت عرش ذبلان
رقيه وهذا ابوها اللي بالأحضان
من طف النوايب .. لونين الخرايب
عاشتها المصايب .. أحلام العليلة
****
عزت السماوي
**
أحلام العليله بهاي الايام
كلهن كربله والكوفه والشام
من مذبح ابوها .. للعمه السبوها
بلّي ما أجوها .. أحلام العليلة
**
چانن أحلام .. بيهن آمال
قبل لا يبدي الجره بطف المصيبة
وبعد ايام .. تبدل الحال
ظلت تفززها الأحلام الغريبة
كربله وشام .. وچلمة احبال
وشني معنى حچاية الجثة السليبة
** تفز بشوغه ويفز الدمع عالخد
**وتريد اللي يفسر ما تشوف أحد
وكل ضنها الحلم يعني بهلا يبات
ما تدري الضعن بين الخرابات
من رض الحوافر .. وخدر يريد ناصر
وتالي يروح حاير .. أحلام العليلة
*****
بين الضنون .. وگعدة الباب
تنتظر وترد للفراش بملامه
بتعب الجفون .. ونطر الأحباب
تغفه وتشوف بحلم رگضة يتامى
چن يصيحون .. ومات الجواب
وظرف شافت يحترگ هوه وسلامه
** شهگت وانچوت بالأصبع اللي خط
** سلام إعله المخيم وإعله المگمط
وگالت ياهو هسه يفسر الصار
وشفت مكتوبي چنه الحرگته النار
من ذبح الرسايل .. و عفه بلا محامل
للنوگ الهزايل .. أحلام العليلة
*****
تشتم الهيل .. تگول مرتاح
عطر أبوها بالحلم سيّر عليها
ما درت خيل .. ودمه هالفاح
وأثر شبگتها إعله صدره ساحگيها
والضعن ليل .. بالضوه راح
استغربت معنى الحلم هذا اليجيها
** شني معنى الخدر نص الضوه من طر
** وشني معنى الترافه اتراگضت بالبر
وتعاين عالعبي متغيره الوان
تفسرها جديده عبي النسوان
من طيحت شيمهن .. للنار بخيمهن
للهيمه التلمهن .. أحلام العليلة
**
تشوف الطيوف .. وضعن محروس
بس حراسه بلايا رايه ترف عليهن
وظلت تشوف .. طايحه الطوس
واليشيلن طوس مشدودات اديهن
وگطعة چفوف .. وعاليه الروس
وبالحلم گالت أضن ذبحو وليهن
** مبين هالضعن ماكو زلم عدهم
** ما تدري الضعن هذا الضعن إلهم
وحلي شافت عليهن دم والتراب
وموش بأذن طفله بيد سلاب
هالمنظر رعبها .. السالبها ضربها
ورف ليها گلبها .. أحلام العليلة
***
تسمع اصوات .. كلهن افراح
وديره كلها مزيّنه ومدنگه الخيام
وبالقصر فات .. عرش برماح
والضعن بي ونه وحده آ يهالشام
تفزز المات .. الدمعه عالراح
حاره ومكسورة تنزل نص الأزلام
** وشفايف شافت بلون الترب جفّت
** والدمعه لچم لو عالجرح ندّت
وشافت ورده حضنت عرش ذبلان
رقيه وهذا ابوها اللي بالأحضان
من طف النوايب .. لونين الخرايب
عاشتها المصايب .. أحلام العليلة
****
عزت السماوي
فزاعيات لمولاتي العليلة ( عليها السلام)
أسمع صوت كلها التمت اهل البيت
ويحچون بسفر وآنه غفل طبيت
وحسبو بالزغار وخلصو الحساب
گلت وآنه يجوز اوياهم انعديت
** اويه العلويات
اويه العلويات فرحانه بسفرتي
**
مبتسمه اروح اويه اهلي بالسفره
مثل خياتي عود اهواي متحظره
شما عاينهم يديرون عني العين
عليله والعليل يريد اليجبره
** يا أهلي شصار
يا أهلي شصار عاد اعليه ردو
**
همو بالسفر واتلهوج بروحي
وكل اليطلع ألزم ايده بجروحي
ولحد هالساعه متأمله يگلي حسين
أصعدي اويانه بويه وينجبر نوحي
** بس أسمع صوت
بس أسمع صوت ودعوها العليله
****
بده التوديع وعيوني بدت تهمل
ما فاد البچي والنوح واتوسل
بچّيت الگمر وأم الخدر والناس
مريضه لا تگولون آنه كلشي احمل
** محدبه وناديت
محدبه وناديت يهلي مو عليله
****
إجاني والدي وهدومه نگعانه
گلت هسه يگلي أمشي ويانه
ومسحت دموعه بيدي برجعته انسريت
أرجعي كافي گلي بويه المتانه
** رديت الدار
رديت الدار وعيوني اتلافت
****
ورجعتلهم وأصيحن يهلي يالماشين
آخر مره أطلب صيحو ابوي حسين
گلتله ابنيتك وحگ الزياره تريد
أخذوني لزيارة جدي ابو الحسنين
** وما حظر هدوم
ما حظر هدوم أمشي بفد عباتي
***
( وطلع الضعن ومشه الضعن وابتعد الضعن وهيه تمشي وراه وتعاين يبتعد اشويه اشويه) وصاحت
خلصت المدينه اتچه عالحيطان
وهدمي والدرب من الدمع نگعان
رقيه وي حميده اتشابچن بالأيد
وأنه وعكازتي نرجع لحي عدنان
وشتشوف
** دار العباس
ودار العباس ظلمه ودار الحسين
****
عزت السماوي
أسمع صوت كلها التمت اهل البيت
ويحچون بسفر وآنه غفل طبيت
وحسبو بالزغار وخلصو الحساب
گلت وآنه يجوز اوياهم انعديت
** اويه العلويات
اويه العلويات فرحانه بسفرتي
**
مبتسمه اروح اويه اهلي بالسفره
مثل خياتي عود اهواي متحظره
شما عاينهم يديرون عني العين
عليله والعليل يريد اليجبره
** يا أهلي شصار
يا أهلي شصار عاد اعليه ردو
**
همو بالسفر واتلهوج بروحي
وكل اليطلع ألزم ايده بجروحي
ولحد هالساعه متأمله يگلي حسين
أصعدي اويانه بويه وينجبر نوحي
** بس أسمع صوت
بس أسمع صوت ودعوها العليله
****
بده التوديع وعيوني بدت تهمل
ما فاد البچي والنوح واتوسل
بچّيت الگمر وأم الخدر والناس
مريضه لا تگولون آنه كلشي احمل
** محدبه وناديت
محدبه وناديت يهلي مو عليله
****
إجاني والدي وهدومه نگعانه
گلت هسه يگلي أمشي ويانه
ومسحت دموعه بيدي برجعته انسريت
أرجعي كافي گلي بويه المتانه
** رديت الدار
رديت الدار وعيوني اتلافت
****
ورجعتلهم وأصيحن يهلي يالماشين
آخر مره أطلب صيحو ابوي حسين
گلتله ابنيتك وحگ الزياره تريد
أخذوني لزيارة جدي ابو الحسنين
** وما حظر هدوم
ما حظر هدوم أمشي بفد عباتي
***
( وطلع الضعن ومشه الضعن وابتعد الضعن وهيه تمشي وراه وتعاين يبتعد اشويه اشويه) وصاحت
خلصت المدينه اتچه عالحيطان
وهدمي والدرب من الدمع نگعان
رقيه وي حميده اتشابچن بالأيد
وأنه وعكازتي نرجع لحي عدنان
وشتشوف
** دار العباس
ودار العباس ظلمه ودار الحسين
****
عزت السماوي
أجيتك يا كليم الشوگ
أجاك الخادم بزغره
ما عندي شريك اوياك
أدري بسيدي شكبره
****
حلو دمع الزغار اهواي ... بدمع ازغار اسولفلك
واريد اكضي العمر يحسين... شايب وآنه اخدملك
شيبات العشگ حلوات... وهنيالي من اشيبلك
يالمنزل دمعتي اعليك
منك هيه لاچن ليك
يكلشي البيه من البيك
أحبك من گلب والسان
يالبس عشگك شثمره
***
شثمر حبك على الحبوك ...عشگك صار طعم ولون
ومبخوت اليحبك صار ...وصيت وناس بي يحچون
سمه الرحمه يبو السجاد... الما شافك يعيش اشلون
شيشوف الما يشوف اضواك
شيرحمه الما تضله اسماك
عايش عالدمع وارباك
بيدك خلي دوم الراي
رايي شما كثر گطره
***
گطرة راي من عندك ... أحسبها بحر عندي
شسوه سيدي بجفاك ... وبلايا دموع البخدي
أحبك والله يا مولاي ... أگضي بيك بيك أبدي
خفگ گلب العشگ يحسين
و عطشت شوف إلك هالعين
والملاگه يريد ونين
ومحله اوياك الملاگه
صحنك يحضن العبره
****
العبره تريد شارب كون ... يغرگ بالدمع يمك
ونين ازلام كون اعليك ... ويهضمهم ذكر اسمك
حسين شمحله اسم حسين ... اسمك راحه وي همك
أحضنك وابتسم هايم
واگلك يا ابو الوادم
اشتاگ لسيده الخادم
رزق گلوبنه محتام
لأمان السجده بالحضره
***
بالحضره تذوب الروح ... بضماك وتروي اضماي
عبودية العشگ حلوه ... والأحله إلك مولاي
اليعطشنلك ينبع الروح ... تشربه عتبتك مو ماي
المناير لهفة المشتاگ
مو مالت بعد وفراگ
الما ضاگك ما كلشي ضاگ
صحره وصبخه الفيلك
وارد بروحي الخضره
*
بروح الخضره ارد لهلي ... عفواً انت كل اهلي
غريب بنص هله الما جاك ... بدونك بالخلگ شلي
يكلشي انت بحياتي حسين ... عهدي اوياك يشهدلي
عاهدتك لحد الموت
أبد ما ينخمد هالصوت
حتى بشيلة التابوت
بيحسين ويشيعوني
وخادم چان للزهره
**
عزت السماوي
أجاك الخادم بزغره
ما عندي شريك اوياك
أدري بسيدي شكبره
****
حلو دمع الزغار اهواي ... بدمع ازغار اسولفلك
واريد اكضي العمر يحسين... شايب وآنه اخدملك
شيبات العشگ حلوات... وهنيالي من اشيبلك
يالمنزل دمعتي اعليك
منك هيه لاچن ليك
يكلشي البيه من البيك
أحبك من گلب والسان
يالبس عشگك شثمره
***
شثمر حبك على الحبوك ...عشگك صار طعم ولون
ومبخوت اليحبك صار ...وصيت وناس بي يحچون
سمه الرحمه يبو السجاد... الما شافك يعيش اشلون
شيشوف الما يشوف اضواك
شيرحمه الما تضله اسماك
عايش عالدمع وارباك
بيدك خلي دوم الراي
رايي شما كثر گطره
***
گطرة راي من عندك ... أحسبها بحر عندي
شسوه سيدي بجفاك ... وبلايا دموع البخدي
أحبك والله يا مولاي ... أگضي بيك بيك أبدي
خفگ گلب العشگ يحسين
و عطشت شوف إلك هالعين
والملاگه يريد ونين
ومحله اوياك الملاگه
صحنك يحضن العبره
****
العبره تريد شارب كون ... يغرگ بالدمع يمك
ونين ازلام كون اعليك ... ويهضمهم ذكر اسمك
حسين شمحله اسم حسين ... اسمك راحه وي همك
أحضنك وابتسم هايم
واگلك يا ابو الوادم
اشتاگ لسيده الخادم
رزق گلوبنه محتام
لأمان السجده بالحضره
***
بالحضره تذوب الروح ... بضماك وتروي اضماي
عبودية العشگ حلوه ... والأحله إلك مولاي
اليعطشنلك ينبع الروح ... تشربه عتبتك مو ماي
المناير لهفة المشتاگ
مو مالت بعد وفراگ
الما ضاگك ما كلشي ضاگ
صحره وصبخه الفيلك
وارد بروحي الخضره
*
بروح الخضره ارد لهلي ... عفواً انت كل اهلي
غريب بنص هله الما جاك ... بدونك بالخلگ شلي
يكلشي انت بحياتي حسين ... عهدي اوياك يشهدلي
عاهدتك لحد الموت
أبد ما ينخمد هالصوت
حتى بشيلة التابوت
بيحسين ويشيعوني
وخادم چان للزهره
**
عزت السماوي
لسان حال مولاي سيد الشهداء وهو يندب مصيبته للخدام ( شوط كربلائي )
******
بده شهر الذبح يا ناس شهر البي متت عطشان
شهر البي حوافـر خـيل سحگـتـني على التربان
...............
أنه المضلوم اريد اليوم أسولف غـربـتي بنحري
شسولف والجروح اهواي أبـديـها بـكـسـر ظـهـري
وچبيره اعليه يــم شـمات بـانـت خــلـتي وكـسـري
حيرنــي الگــمـر عبــاس
چان ازماطــي والنوماس
خلانــي أدنــگ الـــراس
ورجعت لزينب بــيــا حال
حســيــن وشافــتــه حيــران
................
حيران وغــريب وگــوم استـوحدوني چي وحدي
و آخ امن اللي راح ايصير وكـسـرة خـاطـر التـبـدي
ورحــت يم زينب بحـسـرات وشافـت دمعــتي بـخـدي
وتــقــره بـالــدمع مـذبـــوح
وخيل أعـلي تجي وتـــروح
وتــنـظرلي بعــره مطــروح
بس بجســمـي مــا مــش راس
و مــوزعــيــنـي بـالـــمـــيــدان
بالـميـدان اشـوف الـنـار وجــت وشـيـطـفـيـهـا
ورعب نسوه وركض اطفال تـنخه جـسوم اهاليهـا
وزيــنب بـيـن هـــذا وذاك كـلهـا اتحـيــرت بـيهـا
وأســمـع صـوت بـويــه حـسـيـن
حـــرگــوا گــلـبـي عــنــي ويـــن
وسـطروني إعـلـه هــاي الـعـيـن
وخـذوا مــنـي الــتــراچــي لــيـــش
يكفي حرﮔــوا الــصــيــوان
................
بالصيوان صار الصار وبـده طـف الـسبي وضيـمـه
اول تـالي زيـنب ذيــچ ركـض طــلـعـت من الخيمه
وأشوف أتطشرن عالگاع حرمــنه طـــرن الــهــيــمــه
الــدللــهـــن عـلــــي الـــكـــرار
مــو ســهــلــه يـسـحــگن نــار
يــاويــلـــي وكـــتــهــــا أنـــدار
المــهــيــوبــه قــبــل يــاحــيـف
خــــدرهـــا كـــــان يـــامـــا كـــــان
.............
يــامـا كـان خـدر الله نّــزل بــالــشــرف آيــه
تـالـي تـنچـتـف بـحـبال وأخـوها صاحـب الـرايـه
أحـچـايـه چانت وتنهاب وطـاحـت هـاي الـحچـايـه
أشــوف اخـتي تــدور أدخـيـل
والطـف كلشي بــيـــه ايـعـيـل
ﭼــبـيـره مــو حـمـل هـالـحيـل
تــرد الـســوط بــس أشـلـــون
تــــرد حــــچــايــــه الـــعــــدوان
..............
عـدوان وعـلّي صوبـين وصعـبه اعـليكم أحچيها
صعد صدري الشمر يا ناس وأوداجــي گـطـع بـيـهـا
ومشه صوب العـقيله وگال جـروح حسيـن شوفيها
تــصـيـح ومـا يـفــيــد اصـيــاح
وأخـوهــا اتـشوفه فوگ ارمـاح
ويـــسـبــيــهــــا أجــه الــذبــاح
وصاحوا جيبوا أخـت حسـيـن
خـــنـــلـحــگ عــــلــى الــــديـــوان
..............
ديــوان وخـرايــب راح تــطبـهـن غـصبـاً وگــوه
ونماشيها لچن بس روس وشــايـلـنه اللـي مـايسـوه
ويعــايــن للـخـدر بالعـيـن بـــلايـــا رحـــمه ومــروه
للــشــام ادخــلــت بــالـعــيــد
ودخـلــوهــا لـقـصـر ايـزيـــد
الـگـادوهــا خــدم واعــبـيــد
وصــدت للــطــشـت وتـگـول
شــوفــوا الــــتــــالــــي يــــالـــخــوان
****
عزت السماوي
******
بده شهر الذبح يا ناس شهر البي متت عطشان
شهر البي حوافـر خـيل سحگـتـني على التربان
...............
أنه المضلوم اريد اليوم أسولف غـربـتي بنحري
شسولف والجروح اهواي أبـديـها بـكـسـر ظـهـري
وچبيره اعليه يــم شـمات بـانـت خــلـتي وكـسـري
حيرنــي الگــمـر عبــاس
چان ازماطــي والنوماس
خلانــي أدنــگ الـــراس
ورجعت لزينب بــيــا حال
حســيــن وشافــتــه حيــران
................
حيران وغــريب وگــوم استـوحدوني چي وحدي
و آخ امن اللي راح ايصير وكـسـرة خـاطـر التـبـدي
ورحــت يم زينب بحـسـرات وشافـت دمعــتي بـخـدي
وتــقــره بـالــدمع مـذبـــوح
وخيل أعـلي تجي وتـــروح
وتــنـظرلي بعــره مطــروح
بس بجســمـي مــا مــش راس
و مــوزعــيــنـي بـالـــمـــيــدان
بالـميـدان اشـوف الـنـار وجــت وشـيـطـفـيـهـا
ورعب نسوه وركض اطفال تـنخه جـسوم اهاليهـا
وزيــنب بـيـن هـــذا وذاك كـلهـا اتحـيــرت بـيهـا
وأســمـع صـوت بـويــه حـسـيـن
حـــرگــوا گــلـبـي عــنــي ويـــن
وسـطروني إعـلـه هــاي الـعـيـن
وخـذوا مــنـي الــتــراچــي لــيـــش
يكفي حرﮔــوا الــصــيــوان
................
بالصيوان صار الصار وبـده طـف الـسبي وضيـمـه
اول تـالي زيـنب ذيــچ ركـض طــلـعـت من الخيمه
وأشوف أتطشرن عالگاع حرمــنه طـــرن الــهــيــمــه
الــدللــهـــن عـلــــي الـــكـــرار
مــو ســهــلــه يـسـحــگن نــار
يــاويــلـــي وكـــتــهــــا أنـــدار
المــهــيــوبــه قــبــل يــاحــيـف
خــــدرهـــا كـــــان يـــامـــا كـــــان
.............
يــامـا كـان خـدر الله نّــزل بــالــشــرف آيــه
تـالـي تـنچـتـف بـحـبال وأخـوها صاحـب الـرايـه
أحـچـايـه چانت وتنهاب وطـاحـت هـاي الـحچـايـه
أشــوف اخـتي تــدور أدخـيـل
والطـف كلشي بــيـــه ايـعـيـل
ﭼــبـيـره مــو حـمـل هـالـحيـل
تــرد الـســوط بــس أشـلـــون
تــــرد حــــچــايــــه الـــعــــدوان
..............
عـدوان وعـلّي صوبـين وصعـبه اعـليكم أحچيها
صعد صدري الشمر يا ناس وأوداجــي گـطـع بـيـهـا
ومشه صوب العـقيله وگال جـروح حسيـن شوفيها
تــصـيـح ومـا يـفــيــد اصـيــاح
وأخـوهــا اتـشوفه فوگ ارمـاح
ويـــسـبــيــهــــا أجــه الــذبــاح
وصاحوا جيبوا أخـت حسـيـن
خـــنـــلـحــگ عــــلــى الــــديـــوان
..............
ديــوان وخـرايــب راح تــطبـهـن غـصبـاً وگــوه
ونماشيها لچن بس روس وشــايـلـنه اللـي مـايسـوه
ويعــايــن للـخـدر بالعـيـن بـــلايـــا رحـــمه ومــروه
للــشــام ادخــلــت بــالـعــيــد
ودخـلــوهــا لـقـصـر ايـزيـــد
الـگـادوهــا خــدم واعــبـيــد
وصــدت للــطــشـت وتـگـول
شــوفــوا الــــتــــالــــي يــــالـــخــوان
****
عزت السماوي
شرع الحب .. يصدر من أحاسيس ومشاعر
شرع الحب .. اليقدسه كون ما يعرف يكابر
شرع الحب .. مصاديقه لوّن تحچي النواظر
حچي الگلب ما ينسمع
يشوفونه من يگطر دمع
لوحدة غريب ونص فزع
اويلاه
إبچي لحبيبك كسرته
وعالغبره صارت تچوته
ونظرة عياله الهضمته
أويلاه
ينادي وحده .. أبن حيدر ما إلي واحد معين
ودمع خده .. نشف ما واحد يمسحه من الحسين
شلون شده .. طاح ظهره ونسمع صوت الونين
وا ويــلاه *** يــا أبــا عــبـد الله
**
محبوبي .. أبعثله مراسيل الندامه
محبوبي .. ابعثها بكائي والخدامه
محبوبي .. شفت دمعي لرضا اصدق علامه
كينونة الشوگ العشگ
وأحله نبض بسمه اليدگ
وبس عشگه عشناه من صدگ
حبيبي
چلمة حبيبي تلوگ إله
اتصور حبيبك بالفله
عاري وفلا حد غسله
حبيبي
مات ضامي .. انذبح وشفافه فلا ضاگن شراب
آخ امامي .. لون ذيچ خدوده غيرها التراب
لي سلامي .. ولهذيچ الشيبه البدم الخضاب
وا ويــلاه *** يــا أبــا عــبـد الله
***
ياخذني .. غيره وأرجع لحضن المجالس
ياخذني .. أسمه وبي شفت أعظم مدارس
ياخذني .. ويگلي اتعلم من اطباع عابس
جرد وجوده وهيبته
الهيبه لگاها محبته
رحمة حسين الجذبته
وهيامه
وگال اليحب لازم يهم
بمحبوبه ويدوس الأسم
وعنده الحسين وبي يشم
وهيامه
يا رحمته .. جروحه وزعها على احبابه خيام
يا عظمته .. خيامه حرگوها وخلق لينه سلام
يا دمعته .. شرح بيها جروحه ما داعي كلام
وا ويــلاه *** يــا أبــا عــبـد الله
***
أيامي .. ما بيها طعم لو ما عطائه
أيامي .. ثمرتها السجود بكربلائه
أيامي .. معانيها سراب بلا عزائه
مِنه وإله أعظم رزق
وما عنده بالرحمه فرق
لأحلى مليك آنه انعتق
مليكي
الدنيا والبيها وهم
وسوانه نوره من العدم
وخلانه نص هاي النعم
مليكي
يا خساره .. الما يقدس دموعه لجروح الحبيب
وأي عباره .. كون تلچم گلبك بأسم الغريب
وبالزياره .. ضوگ دمعك لو يحل فرض النحيب
وا ويــلاه *** يــا أبــا عــبـد الله
***
تسليمي .. لمصابه جرح ماريده يشفه
تسليمي .. گلب أعمى وخذاني لدربه چفه
تسليمي .. شكبر غفرانه مولاي وأعرفه
شحنيته گلبه إعله الخدم
والحبه من كلشي سلم
يعيشه الحقيقه شما حلم
بجماله
آ يا جماله شينوصف
يسحگونه يتوزع عطف
سيد الجرح سيد اللطف
بجماله
يا هدوئه .. مترب ومجروح ويحاچي الإلاه
شگد مروئه .. يگله نحري وهاك للعلويه آه
وحَب لجوئه .. لأن راح يلاگي محبوبه بدماه
وا ويــلاه *** يــا أبــا عــبـد الله
***
عزت السماوي
شرع الحب .. اليقدسه كون ما يعرف يكابر
شرع الحب .. مصاديقه لوّن تحچي النواظر
حچي الگلب ما ينسمع
يشوفونه من يگطر دمع
لوحدة غريب ونص فزع
اويلاه
إبچي لحبيبك كسرته
وعالغبره صارت تچوته
ونظرة عياله الهضمته
أويلاه
ينادي وحده .. أبن حيدر ما إلي واحد معين
ودمع خده .. نشف ما واحد يمسحه من الحسين
شلون شده .. طاح ظهره ونسمع صوت الونين
وا ويــلاه *** يــا أبــا عــبـد الله
**
محبوبي .. أبعثله مراسيل الندامه
محبوبي .. ابعثها بكائي والخدامه
محبوبي .. شفت دمعي لرضا اصدق علامه
كينونة الشوگ العشگ
وأحله نبض بسمه اليدگ
وبس عشگه عشناه من صدگ
حبيبي
چلمة حبيبي تلوگ إله
اتصور حبيبك بالفله
عاري وفلا حد غسله
حبيبي
مات ضامي .. انذبح وشفافه فلا ضاگن شراب
آخ امامي .. لون ذيچ خدوده غيرها التراب
لي سلامي .. ولهذيچ الشيبه البدم الخضاب
وا ويــلاه *** يــا أبــا عــبـد الله
***
ياخذني .. غيره وأرجع لحضن المجالس
ياخذني .. أسمه وبي شفت أعظم مدارس
ياخذني .. ويگلي اتعلم من اطباع عابس
جرد وجوده وهيبته
الهيبه لگاها محبته
رحمة حسين الجذبته
وهيامه
وگال اليحب لازم يهم
بمحبوبه ويدوس الأسم
وعنده الحسين وبي يشم
وهيامه
يا رحمته .. جروحه وزعها على احبابه خيام
يا عظمته .. خيامه حرگوها وخلق لينه سلام
يا دمعته .. شرح بيها جروحه ما داعي كلام
وا ويــلاه *** يــا أبــا عــبـد الله
***
أيامي .. ما بيها طعم لو ما عطائه
أيامي .. ثمرتها السجود بكربلائه
أيامي .. معانيها سراب بلا عزائه
مِنه وإله أعظم رزق
وما عنده بالرحمه فرق
لأحلى مليك آنه انعتق
مليكي
الدنيا والبيها وهم
وسوانه نوره من العدم
وخلانه نص هاي النعم
مليكي
يا خساره .. الما يقدس دموعه لجروح الحبيب
وأي عباره .. كون تلچم گلبك بأسم الغريب
وبالزياره .. ضوگ دمعك لو يحل فرض النحيب
وا ويــلاه *** يــا أبــا عــبـد الله
***
تسليمي .. لمصابه جرح ماريده يشفه
تسليمي .. گلب أعمى وخذاني لدربه چفه
تسليمي .. شكبر غفرانه مولاي وأعرفه
شحنيته گلبه إعله الخدم
والحبه من كلشي سلم
يعيشه الحقيقه شما حلم
بجماله
آ يا جماله شينوصف
يسحگونه يتوزع عطف
سيد الجرح سيد اللطف
بجماله
يا هدوئه .. مترب ومجروح ويحاچي الإلاه
شگد مروئه .. يگله نحري وهاك للعلويه آه
وحَب لجوئه .. لأن راح يلاگي محبوبه بدماه
وا ويــلاه *** يــا أبــا عــبـد الله
***
عزت السماوي
أول نفس بالعمر ... صب دمعي وي الذكر
اسمه حبيبي ..مصدر نحيبي ...عالفطرة صار الأمر
و ونيني أصبح طبع ... من زغري راضع دمع
من دمعة أمي .. خلقتلي هضمي ... و أمني من كل فزع
تارس حضنها وأسمع نعيها
وبحلگي تگطر دمعة بچيها
وتناغي يا عبد الله وتلولي
النيه الرباب وموش لبنيها
موش آنه بالحسبان ... تلولي لطفل عطشان
وتگلي صرنه لهاي ... نبچي على الحيران
مولاي ..... مولاي .... يا أبا عبد الله
*****
ونسّم عبير الجرح ... ودمه خلق چم صبح
سيد نعمنه .. وفطرة أهلنه ... صرحه إعتله إعله الرمح
شگد سولفو عالعشگ ... ما شفنه مثله صدگ
برحمة وجوده .. صرنه إعله موده... لجله نبضنه اليدگ
شگد بسمه صاحت ذيچ اليتامه
وهوه يعاين كسرة خيامه
بس نسوه بيهن تعبن بواچي
وباقي حبيبي بحيرة سهامه
حب وجرح مولاي ... صدره هلا لكل جاي
يا رحمتك يحسين ... تسگي اليعطشَك ماي
مولاي ..... مولاي .... يا أبا عبد الله
**
كلبه شمل كل گلب ... وخطلنه أعظم درب
بذيچ الحوافر .. موطن مشاعر ... ويا هضمته بنص غرب
ما تكفي شكراً إله ... شنوفي جرح كربله
لو ابچي عمري .. واخسفله صدري .. ما وافي دمعه لهله
بدمعة رقيه انهد كبريائه
وخدها الترف محمّر بنقائه
بت گلب ابوها بچاها شامت
وعرش الحسين يون بسمائه
إنطانه دمعة عين ... وياهو اليرد الدين
كون اليواسي يموت ... يصح هالعشگ لاوين
مولاي ..... مولاي .... يا أبا عبد الله
**
الحب هدوء النده ... من ينولد وحده
چلمة محنه .. وأسمه اليلمنه .. ما ينتهي شما بده
قاموسه من الأزل ... يبقى لبعد الاجل
نحيى بگبرنه .. بدمعة عمرنه ... الدمعه خير العمل
الدمعه تحيي العاش المصيبه
واللي بحياته يصرخ نهيبه
بالدنيا صرخه اهناك ابتسامه
لو تم لقاء العبد بحبيبه
آ يا هذاك الشوگ ... سيد وگلب محروگ
بخته اليحضنه بآه ... لحسينه ياهو يلوگ
مولاي ..... مولاي .... يا أبا عبد الله
**
نتمنى يوم الحشر ... مجلس عزاء وطبر
والزهره أمنه .. تشاهد لطمنه .. من نلطم إعله الخدر
وحتى إله السمه ... يستبشر لفاطمه
يگلها وفولچ.. وبدمعه اجولچ ... وادم صدگ مغرمه
ليوم القيامه وفو عهدهم
وجابو عشگهم شايل دمعهم
حرز البواچي عدهم قضيه
و همهم مصيبة مو جنه همهم
يصرح إله الكون ... للي أجو ينعون
بكنف الحسين أحباب ... ما دام إله يبچون
مولاي ..... مولاي .... يا أبا عبد الله
**
عزت السماوي
اسمه حبيبي ..مصدر نحيبي ...عالفطرة صار الأمر
و ونيني أصبح طبع ... من زغري راضع دمع
من دمعة أمي .. خلقتلي هضمي ... و أمني من كل فزع
تارس حضنها وأسمع نعيها
وبحلگي تگطر دمعة بچيها
وتناغي يا عبد الله وتلولي
النيه الرباب وموش لبنيها
موش آنه بالحسبان ... تلولي لطفل عطشان
وتگلي صرنه لهاي ... نبچي على الحيران
مولاي ..... مولاي .... يا أبا عبد الله
*****
ونسّم عبير الجرح ... ودمه خلق چم صبح
سيد نعمنه .. وفطرة أهلنه ... صرحه إعتله إعله الرمح
شگد سولفو عالعشگ ... ما شفنه مثله صدگ
برحمة وجوده .. صرنه إعله موده... لجله نبضنه اليدگ
شگد بسمه صاحت ذيچ اليتامه
وهوه يعاين كسرة خيامه
بس نسوه بيهن تعبن بواچي
وباقي حبيبي بحيرة سهامه
حب وجرح مولاي ... صدره هلا لكل جاي
يا رحمتك يحسين ... تسگي اليعطشَك ماي
مولاي ..... مولاي .... يا أبا عبد الله
**
كلبه شمل كل گلب ... وخطلنه أعظم درب
بذيچ الحوافر .. موطن مشاعر ... ويا هضمته بنص غرب
ما تكفي شكراً إله ... شنوفي جرح كربله
لو ابچي عمري .. واخسفله صدري .. ما وافي دمعه لهله
بدمعة رقيه انهد كبريائه
وخدها الترف محمّر بنقائه
بت گلب ابوها بچاها شامت
وعرش الحسين يون بسمائه
إنطانه دمعة عين ... وياهو اليرد الدين
كون اليواسي يموت ... يصح هالعشگ لاوين
مولاي ..... مولاي .... يا أبا عبد الله
**
الحب هدوء النده ... من ينولد وحده
چلمة محنه .. وأسمه اليلمنه .. ما ينتهي شما بده
قاموسه من الأزل ... يبقى لبعد الاجل
نحيى بگبرنه .. بدمعة عمرنه ... الدمعه خير العمل
الدمعه تحيي العاش المصيبه
واللي بحياته يصرخ نهيبه
بالدنيا صرخه اهناك ابتسامه
لو تم لقاء العبد بحبيبه
آ يا هذاك الشوگ ... سيد وگلب محروگ
بخته اليحضنه بآه ... لحسينه ياهو يلوگ
مولاي ..... مولاي .... يا أبا عبد الله
**
نتمنى يوم الحشر ... مجلس عزاء وطبر
والزهره أمنه .. تشاهد لطمنه .. من نلطم إعله الخدر
وحتى إله السمه ... يستبشر لفاطمه
يگلها وفولچ.. وبدمعه اجولچ ... وادم صدگ مغرمه
ليوم القيامه وفو عهدهم
وجابو عشگهم شايل دمعهم
حرز البواچي عدهم قضيه
و همهم مصيبة مو جنه همهم
يصرح إله الكون ... للي أجو ينعون
بكنف الحسين أحباب ... ما دام إله يبچون
مولاي ..... مولاي .... يا أبا عبد الله
**
عزت السماوي
بسم العشگ ابتديلك
وبسم الجرح انتهيلك..... عجيبه
اسمك أكتبه واشـوفه
مراية عطش كل حروفه .... مصيبه
شنـهالهضيمه تعـطش وأنت غـريب
يا وحدتك يبن النبي وصبرك عجيب
دمعـك يگـطر عالشـفايف يا عـذاب
وقبل الذبح من العطش صرت التريب
حيـران .. يا حالك تشوف الضـعـن
عطشان .. وعينك بعين اخت الحسن
ذبـلان .. گـد مـا شفت نسوه ضمن
يـــا حــســيـــن يـــا حـبـيـبـي
****
والله احـبـك حبيـبي
والدمعه أعظم نصيبي ..... دخيلك
رغم الذنوب اللي بيه
چـنـك تـنادي عـليه....... وأجيلك
يا فشلتي من اوگف على باب الرجاء
واتـوسـلك تـغـفـر ذنوبي بالبكاء
شگد الفرق ما بيني ما بين اللي طاح
دم السـحـگ خـالط دمـوعه بالعــزاء
مـولاي .. حـتى اليحبك ينسحـگ
رجواي .. موتني مثل اهل العشگ
منـواي .. كون بشرف نية صـدگ
يـــا حــســيـــن يـــا حـبـيـبـي
****
يا رحـمـة الله الوسيعه
شيلگه اللي حبك يبيعه ....... ضياعه
للي تـقبـلـه وتريده
أنت السفـينه الوحيده .......شراعه
جرحك رحم گلب اليحبك يا حسين
لو ما عـزائك ما دريـنه أحـنه ويـن
ترزقني دمـعه وتنحسب عـند البتول
ما ترضى أوكف بالحشر خالي الادين
حنّان .. ترزقنه دمعه وتنحسب
منّان .. تنطينه رغم اكبـر ذنب
سلطان .. مثلك فلا واحد يحب
يـــا حــســيـــن يـــا حـبـيـبـي
****
يا غربتك يا وحدتك
وانت تنادي صحبتك ....... هضيمه
دمـعة غربتك تگاطـر
ابن النبي ماله ناصـر ...... عظيمه
يا حيرتك بين العده وبين الخيام
لمن تروح يودعن وجـوه السـلام
ويا حسـرتـك لمـن تعاين للزغـار
وشفـتَّك تـقـره قبلهـم آ يشـام
وتشوف .. ضـعن الكوافل عالهزل
وچفوف .. محزوزه من شد الحـبل
ودفوف .. دگـت لسبي اخـت النفل
يـــا حــســيـــن يـــا حـبـيـبـي
****
بعين الجرح ياما شفتك
وانت تعاين على اختك ........ تنطرك
ولحضه الحجر لنه صابك
وعينك طفت من خضابك ...... يصبرك
يا شيمتك جرحوها نص ذاك النهار
وانتَ تـشاهد حظرو للخـيمه نـار
يا هضمة اليستوحدونه بيـن الوف
لكنه شاء الله وشئت صار اللي صار
ضربوك .. ودمـاك خـضّب بالمهر
اذوك .. چـم رمح چـواك الـظهر
سحگوك .. وما يرحم الحافر صدر
يـــا حــســيـــن يـــا حـبـيـبـي
****
عزت السماوي
وبسم الجرح انتهيلك..... عجيبه
اسمك أكتبه واشـوفه
مراية عطش كل حروفه .... مصيبه
شنـهالهضيمه تعـطش وأنت غـريب
يا وحدتك يبن النبي وصبرك عجيب
دمعـك يگـطر عالشـفايف يا عـذاب
وقبل الذبح من العطش صرت التريب
حيـران .. يا حالك تشوف الضـعـن
عطشان .. وعينك بعين اخت الحسن
ذبـلان .. گـد مـا شفت نسوه ضمن
يـــا حــســيـــن يـــا حـبـيـبـي
****
والله احـبـك حبيـبي
والدمعه أعظم نصيبي ..... دخيلك
رغم الذنوب اللي بيه
چـنـك تـنادي عـليه....... وأجيلك
يا فشلتي من اوگف على باب الرجاء
واتـوسـلك تـغـفـر ذنوبي بالبكاء
شگد الفرق ما بيني ما بين اللي طاح
دم السـحـگ خـالط دمـوعه بالعــزاء
مـولاي .. حـتى اليحبك ينسحـگ
رجواي .. موتني مثل اهل العشگ
منـواي .. كون بشرف نية صـدگ
يـــا حــســيـــن يـــا حـبـيـبـي
****
يا رحـمـة الله الوسيعه
شيلگه اللي حبك يبيعه ....... ضياعه
للي تـقبـلـه وتريده
أنت السفـينه الوحيده .......شراعه
جرحك رحم گلب اليحبك يا حسين
لو ما عـزائك ما دريـنه أحـنه ويـن
ترزقني دمـعه وتنحسب عـند البتول
ما ترضى أوكف بالحشر خالي الادين
حنّان .. ترزقنه دمعه وتنحسب
منّان .. تنطينه رغم اكبـر ذنب
سلطان .. مثلك فلا واحد يحب
يـــا حــســيـــن يـــا حـبـيـبـي
****
يا غربتك يا وحدتك
وانت تنادي صحبتك ....... هضيمه
دمـعة غربتك تگاطـر
ابن النبي ماله ناصـر ...... عظيمه
يا حيرتك بين العده وبين الخيام
لمن تروح يودعن وجـوه السـلام
ويا حسـرتـك لمـن تعاين للزغـار
وشفـتَّك تـقـره قبلهـم آ يشـام
وتشوف .. ضـعن الكوافل عالهزل
وچفوف .. محزوزه من شد الحـبل
ودفوف .. دگـت لسبي اخـت النفل
يـــا حــســيـــن يـــا حـبـيـبـي
****
بعين الجرح ياما شفتك
وانت تعاين على اختك ........ تنطرك
ولحضه الحجر لنه صابك
وعينك طفت من خضابك ...... يصبرك
يا شيمتك جرحوها نص ذاك النهار
وانتَ تـشاهد حظرو للخـيمه نـار
يا هضمة اليستوحدونه بيـن الوف
لكنه شاء الله وشئت صار اللي صار
ضربوك .. ودمـاك خـضّب بالمهر
اذوك .. چـم رمح چـواك الـظهر
سحگوك .. وما يرحم الحافر صدر
يـــا حــســيـــن يـــا حـبـيـبـي
****
عزت السماوي
مـولاي .. مــولاي .. يــا ابــا عـبـد الله
***
هاك العهد هاك .. ما مخلف وياك
جايبني أنعاك .. كل الفضل ليك
عن هالخـدم هاي .. أتـشكر اهواي
وصرختنه مولاي.. يالضامي لبيك
وشعندي غيرك ياخذ بديه
ما بيدي حول ولا قوه بيه
ما أملك اسمي لو ما طفوفك
شلّي بحياتي بلايا عزيه
مـولاي .. مــولاي .. يــا ابــا عـبـد الله
***
يا شاري الگلوب .. يمضوي الدروب
يا أحلى محبوب .. يا جرح الايام
بيك الدهر خان .. والهضمه للآن
جرحك يعطشان .. ما يرضى يلتام
يلچمونه جرحك ترجع غربتك
الماكل فضلكم يهجر خدمتك
بغربيلك ايطيح انته ترجعه
ويرجع يكابر يجحد نعمتك
مـولاي .. مــولاي .. يــا ابــا عـبـد الله
***
جنه العزائات .. والبيها ما فات
عايش لچن مات .. عندچ يزهراء
تسجل اليخدمون .. واللي يلطمون
واللي ينوحون .. هيچ القلم شاء
ومضيعه تفتر بين المآتم ( أفتر بالمجالس مثل المضيعه)
نضيعها حاشه ومجلسها قائم
ويسر گلبها الباقي إعله وعده
ثبتيني گلها وخليني خادم
مـولاي .. مــولاي .. يــا ابــا عـبـد الله
***
أم گلب لهفان ..تمشي لي امچان(أنه الوالده والگلب لهفان)
بي نعي العطشان .. وتبچيله وتنوح
وين السنه ونين .. ومجلس نساوين
يبچي إعله الحسين .. تگصدله وتروح
متعوده تفتح باب المواكب
وهيه التهيّج بينه المصايب
مولاتي رحمي گلوب التريدج
دخيلچ يزهره حسن العواقب
مـولاي .. مــولاي .. يــا ابــا عـبـد الله
***
من اللي عافوك .. ورجعو يغربوك
ورادوا يعذبوك .. نبري من الافعال
فقره احنه للحيل .. ومناشغ اويل
للداسته الخيل .. مو مالت اقوال
عالغبره إمامي وحزني قراري
من الذر عزائي هوه اختياري
مو انت تحكم گلبي لحبيبي
وحسين أگلك عالرمله عاري
مـولاي .. مــولاي .. يــا ابــا عـبـد الله
***
عزت السماوي
***
هاك العهد هاك .. ما مخلف وياك
جايبني أنعاك .. كل الفضل ليك
عن هالخـدم هاي .. أتـشكر اهواي
وصرختنه مولاي.. يالضامي لبيك
وشعندي غيرك ياخذ بديه
ما بيدي حول ولا قوه بيه
ما أملك اسمي لو ما طفوفك
شلّي بحياتي بلايا عزيه
مـولاي .. مــولاي .. يــا ابــا عـبـد الله
***
يا شاري الگلوب .. يمضوي الدروب
يا أحلى محبوب .. يا جرح الايام
بيك الدهر خان .. والهضمه للآن
جرحك يعطشان .. ما يرضى يلتام
يلچمونه جرحك ترجع غربتك
الماكل فضلكم يهجر خدمتك
بغربيلك ايطيح انته ترجعه
ويرجع يكابر يجحد نعمتك
مـولاي .. مــولاي .. يــا ابــا عـبـد الله
***
جنه العزائات .. والبيها ما فات
عايش لچن مات .. عندچ يزهراء
تسجل اليخدمون .. واللي يلطمون
واللي ينوحون .. هيچ القلم شاء
ومضيعه تفتر بين المآتم ( أفتر بالمجالس مثل المضيعه)
نضيعها حاشه ومجلسها قائم
ويسر گلبها الباقي إعله وعده
ثبتيني گلها وخليني خادم
مـولاي .. مــولاي .. يــا ابــا عـبـد الله
***
أم گلب لهفان ..تمشي لي امچان(أنه الوالده والگلب لهفان)
بي نعي العطشان .. وتبچيله وتنوح
وين السنه ونين .. ومجلس نساوين
يبچي إعله الحسين .. تگصدله وتروح
متعوده تفتح باب المواكب
وهيه التهيّج بينه المصايب
مولاتي رحمي گلوب التريدج
دخيلچ يزهره حسن العواقب
مـولاي .. مــولاي .. يــا ابــا عـبـد الله
***
من اللي عافوك .. ورجعو يغربوك
ورادوا يعذبوك .. نبري من الافعال
فقره احنه للحيل .. ومناشغ اويل
للداسته الخيل .. مو مالت اقوال
عالغبره إمامي وحزني قراري
من الذر عزائي هوه اختياري
مو انت تحكم گلبي لحبيبي
وحسين أگلك عالرمله عاري
مـولاي .. مــولاي .. يــا ابــا عـبـد الله
***
عزت السماوي
زغيره إعله الفگد ومساهر الليل
ما متعوده انام بحسرة وبـويـل
فرد روحه خذاهم مني الحسين
وهوه حسين وحده يريدله حيل
*****
خذو كلشي ..وبقه رمشي.. مبلل بالدمع دومه
على الحيطان .. بقيت اشتم ..الچفوف البيها ملزومه
ولعبد الله ..شكثر حنيت .. من اتمايزهن هدومه
ولخياتي ..صور بيه .. الصور شتفيد مرسومه
بحضنه ** وشمه
يشفي الگلب وياهن
بالي ** يمهن
مدري شصفه ممشاهن
ليــل انهـار اســولف ويـه الــدروب
وما فك وحشه مني حزن الغـروب
لهــلـهـا الوادم تـرد وآنــه بــالبــاب
أفـتـح بابـي وي مـا تنغـلگ بــوب
******
أنه زغيره .. عالمتاناه .. وصارت عاده اتانيهم
أريد اوفي .. الابو حقه .. بتهم وارد أباريهم
يمروني .. بحلم ماريد .. إذا مو يمي احاچيهم
شكبر كسره .. الگلب يسمع .. الزغار بنص اهاليهم
وآنــه ** وحدي
أيدي إعله خدي وأنحب
ونـي ** ملـني
وبوني أغفه من اتعب
أنظـرهن اعـتاب بيـوتـنـه تـراب
من راحو لـهسـه مـا انـدگ بـاب
الخطـار اليجـيكم ينعى ويروح
يلاگي طفله عفتوها عالاعتاب
***
زرعت اهواي .. بعيوني .. ملگه وخضرت فرگه
خذو مني .. براءة روح .. وترجع ليه بالملگه
ويا ملگه .. البعد يرجع .. الزمن مني أخذ حگه
كلشي راح .. وياهم .. عگبهم چا بعد شلگه
وحـشه ** الچـلمه
تنحچي ومحد يسمع
وأبـقه ** انـعـى
باليمـته بويه تـرجـع
أنظر حينه مـوحِـش ماكـو أي نــور
وچانت تضوي بس عد هاشم الدور
لا نـــور الــهـواشــم لا فــوانــيـس
الــحــي بلا عـمـامـي حـي الـگبـور
( الحي بلا ابو فاضل حي الگبور)
*****
رفيجي صار .. نجم سهيل .. يغيب وآنه سهرانه
بدمعه وشوگ .. حيلي يبيد .. وأنام وآنه تعبانه
حسره وآه .. محد گال .. أصعدي يله ويانه
بچلمة وين .. أتناشغ .. شوكت يخلص هالمتانه
يمـتـه ** روحـي
تطـلـع لو تـرد بيـهـم
شنطر ** شصبر
وما مش خبر من عدهم
الطارش منتظرته يلفي كل يوم
لا عيـنـي سويت النـاس بـالنـوم
بابــي مـگـابلتــهــا والــروازيــن
وحظرت لسفرتي صـرة الـهدوم
*****
هلي وآخر .. رسايلكم.. عتگن وأنتو ما جيتو
بس آنه .. أحن إلكم .. لو هم ليه حنيتو
بقيتو ماي .. فد لمه .. لو هسه تبديتو
ويحس گلبي .. ابتسامتكم .. بدلها اهواي ونيتو
البسمه ** انذبحت
وي ما نزلت دموعي
والنار ** شبت
من هاجن بيه ضلوعي
طفكـم كـربـله وطـفـي آنـه بالبيت
ومثلكـم هم صحت وشكثر ناديت
أصيحن يا هـلي تصيحون يحسين
أنـوليتـو بخـيل وآنـه الولـيه تانيت
*****
عزت السماوي
ما متعوده انام بحسرة وبـويـل
فرد روحه خذاهم مني الحسين
وهوه حسين وحده يريدله حيل
*****
خذو كلشي ..وبقه رمشي.. مبلل بالدمع دومه
على الحيطان .. بقيت اشتم ..الچفوف البيها ملزومه
ولعبد الله ..شكثر حنيت .. من اتمايزهن هدومه
ولخياتي ..صور بيه .. الصور شتفيد مرسومه
بحضنه ** وشمه
يشفي الگلب وياهن
بالي ** يمهن
مدري شصفه ممشاهن
ليــل انهـار اســولف ويـه الــدروب
وما فك وحشه مني حزن الغـروب
لهــلـهـا الوادم تـرد وآنــه بــالبــاب
أفـتـح بابـي وي مـا تنغـلگ بــوب
******
أنه زغيره .. عالمتاناه .. وصارت عاده اتانيهم
أريد اوفي .. الابو حقه .. بتهم وارد أباريهم
يمروني .. بحلم ماريد .. إذا مو يمي احاچيهم
شكبر كسره .. الگلب يسمع .. الزغار بنص اهاليهم
وآنــه ** وحدي
أيدي إعله خدي وأنحب
ونـي ** ملـني
وبوني أغفه من اتعب
أنظـرهن اعـتاب بيـوتـنـه تـراب
من راحو لـهسـه مـا انـدگ بـاب
الخطـار اليجـيكم ينعى ويروح
يلاگي طفله عفتوها عالاعتاب
***
زرعت اهواي .. بعيوني .. ملگه وخضرت فرگه
خذو مني .. براءة روح .. وترجع ليه بالملگه
ويا ملگه .. البعد يرجع .. الزمن مني أخذ حگه
كلشي راح .. وياهم .. عگبهم چا بعد شلگه
وحـشه ** الچـلمه
تنحچي ومحد يسمع
وأبـقه ** انـعـى
باليمـته بويه تـرجـع
أنظر حينه مـوحِـش ماكـو أي نــور
وچانت تضوي بس عد هاشم الدور
لا نـــور الــهـواشــم لا فــوانــيـس
الــحــي بلا عـمـامـي حـي الـگبـور
( الحي بلا ابو فاضل حي الگبور)
*****
رفيجي صار .. نجم سهيل .. يغيب وآنه سهرانه
بدمعه وشوگ .. حيلي يبيد .. وأنام وآنه تعبانه
حسره وآه .. محد گال .. أصعدي يله ويانه
بچلمة وين .. أتناشغ .. شوكت يخلص هالمتانه
يمـتـه ** روحـي
تطـلـع لو تـرد بيـهـم
شنطر ** شصبر
وما مش خبر من عدهم
الطارش منتظرته يلفي كل يوم
لا عيـنـي سويت النـاس بـالنـوم
بابــي مـگـابلتــهــا والــروازيــن
وحظرت لسفرتي صـرة الـهدوم
*****
هلي وآخر .. رسايلكم.. عتگن وأنتو ما جيتو
بس آنه .. أحن إلكم .. لو هم ليه حنيتو
بقيتو ماي .. فد لمه .. لو هسه تبديتو
ويحس گلبي .. ابتسامتكم .. بدلها اهواي ونيتو
البسمه ** انذبحت
وي ما نزلت دموعي
والنار ** شبت
من هاجن بيه ضلوعي
طفكـم كـربـله وطـفـي آنـه بالبيت
ومثلكـم هم صحت وشكثر ناديت
أصيحن يا هـلي تصيحون يحسين
أنـوليتـو بخـيل وآنـه الولـيه تانيت
*****
عزت السماوي
يا حال العليله بهاليالي
بكل گطرة دمع مرسوم غالي
ما همه اهلها ....... بس دمعه تهلها
وما تدري بضعنهم وين تالي
****
تعاين والصور مالت امس تطلع
بمكانات الهواشم ظل يصب مدمع
قبل محلاها لمه ابيت اهل البيت
وكل ضنونها هذا الجمع يرجع
تگعد .. چانت وي رقيه وهسه وحدها
تگعد .. وتعاين للمچان العافه والدها
تگعد .. وغير الدمعه وام عباس ما عدها
حلم اليقضه أصعب عالزغيره
تحلم وي ابوها بغير ديره
يا خيبة حلمها ....... وما تسمع أسمها
وتفز من حلمها شلون حيره
**
بصدر البيت ابوها تزور آثاره
وما يصفن دمعها دوم يتجاره
قبل چان اليجي الكافل هلا بالجاي
عگب حسين غربه حتى خطاره
غربه .. والدنيا لچم للفاگد احبابه
غربه .. ورسم حسينها شيصبر غيابه
غربه .. شلها بالنسيم الما عطر جابه
أصبح كل حچيها بابا اريدك
مشتاگه اديه لشبگة ايدك
يا غربة اديها ........ ويا غربة حچيها
من تگله ردلي وجيبه عيدك
***
للعافو هله بكل ساعته غروبه
تصبح قبلة اعيونه على دروبه
المغرب حسرته تشرب شرب بالروح
و غريبه الدار تبقى بلايا دگ بوبه
بشهگه .. تسد الباب وي مشاهگ الدمعه
بشهگه .. من تگول ما منهم بعد رجعه
بشهكه .. ترد لفراشها بس تنحب وتنعى
تغفه وبالجفن يابس دمعها
واديها مخوصره بلزمة ضلعها
وچم ليله إعله ليله ......... تغفه بلايا عيله
آ يا هالزمن غيّر وضعها
**
كل لحظه التمرها تناشغ بعبره
صوت وصوره عاشت شوغة الحسره
شتلت عينها وخظّر دمع عالباب
مكسوره تناطر ترجع بكسره
هضمه .. دمعات الطفل هضمه بالمتانه
هضمه .. من تنحب أهلنه چانو اهنانه
هضمه .. تگله بس تعال وشوف ملگانه
هيه مأيسه بس ظلت تناطر
وتگول حسيني بلكي يردلي باچر
وتدري ما يجيها .......... ويكابر حچيها
يا حيرتها تنعى وهم تكابر
***
غيرها البُعد كل لحضه ملچومه
عليله ومن ابوها صعبه محرومه
كبرها الزمن ومفارگ الأحباب
چا شيصير لو شافتهن رسومه
صعبه .. عاشت كربله وذاك الهضم ضيمه
صعبه .. صار البيت نفسه بعينها الهيمه
صعبه .. والحرگه بگلبها حرگة الخيمه
يا صفنة اميره بلا عشيره
وديرتهم صفت ما چنها ديره
ذبلن حتى الجفون ......... عرفت ما يرجعون
طفله وشالت الحسره الچبيره
**
عزت السماوي
بكل گطرة دمع مرسوم غالي
ما همه اهلها ....... بس دمعه تهلها
وما تدري بضعنهم وين تالي
****
تعاين والصور مالت امس تطلع
بمكانات الهواشم ظل يصب مدمع
قبل محلاها لمه ابيت اهل البيت
وكل ضنونها هذا الجمع يرجع
تگعد .. چانت وي رقيه وهسه وحدها
تگعد .. وتعاين للمچان العافه والدها
تگعد .. وغير الدمعه وام عباس ما عدها
حلم اليقضه أصعب عالزغيره
تحلم وي ابوها بغير ديره
يا خيبة حلمها ....... وما تسمع أسمها
وتفز من حلمها شلون حيره
**
بصدر البيت ابوها تزور آثاره
وما يصفن دمعها دوم يتجاره
قبل چان اليجي الكافل هلا بالجاي
عگب حسين غربه حتى خطاره
غربه .. والدنيا لچم للفاگد احبابه
غربه .. ورسم حسينها شيصبر غيابه
غربه .. شلها بالنسيم الما عطر جابه
أصبح كل حچيها بابا اريدك
مشتاگه اديه لشبگة ايدك
يا غربة اديها ........ ويا غربة حچيها
من تگله ردلي وجيبه عيدك
***
للعافو هله بكل ساعته غروبه
تصبح قبلة اعيونه على دروبه
المغرب حسرته تشرب شرب بالروح
و غريبه الدار تبقى بلايا دگ بوبه
بشهگه .. تسد الباب وي مشاهگ الدمعه
بشهگه .. من تگول ما منهم بعد رجعه
بشهكه .. ترد لفراشها بس تنحب وتنعى
تغفه وبالجفن يابس دمعها
واديها مخوصره بلزمة ضلعها
وچم ليله إعله ليله ......... تغفه بلايا عيله
آ يا هالزمن غيّر وضعها
**
كل لحظه التمرها تناشغ بعبره
صوت وصوره عاشت شوغة الحسره
شتلت عينها وخظّر دمع عالباب
مكسوره تناطر ترجع بكسره
هضمه .. دمعات الطفل هضمه بالمتانه
هضمه .. من تنحب أهلنه چانو اهنانه
هضمه .. تگله بس تعال وشوف ملگانه
هيه مأيسه بس ظلت تناطر
وتگول حسيني بلكي يردلي باچر
وتدري ما يجيها .......... ويكابر حچيها
يا حيرتها تنعى وهم تكابر
***
غيرها البُعد كل لحضه ملچومه
عليله ومن ابوها صعبه محرومه
كبرها الزمن ومفارگ الأحباب
چا شيصير لو شافتهن رسومه
صعبه .. عاشت كربله وذاك الهضم ضيمه
صعبه .. صار البيت نفسه بعينها الهيمه
صعبه .. والحرگه بگلبها حرگة الخيمه
يا صفنة اميره بلا عشيره
وديرتهم صفت ما چنها ديره
ذبلن حتى الجفون ......... عرفت ما يرجعون
طفله وشالت الحسره الچبيره
**
عزت السماوي
نواعي
بعد ما صار الغروب ومولاتي طلعت بالباب تباوع كلمن رد لهله بس هي گعدت بعتبة الباب وتسولف
..............
وكت الغروب وكت الغروب
يا وحشة الفاجد وكت الغروب
صوب الدروب
تعبت عيني تنظر صوب الدروب
وسدو البوب
فتحت الباب آنه وسدو البوب
يهلي چمدوب
وحشه الدمعه تنزل يهلي چمدوب
***
يمي وتشيلون
هضمتني شكثر يمي وتشيلون
ويه الضعون
بهديماتي احظر ويه الضعون
والله العيون
تعبت من بچيها والله العيون
لو تردون
دهر ابقى أتاني لو تردون
***
يهلنه
ندك يا باب ويطلعون اهلنه
محد إلنه
بطرگ دمعي وعتبتي محد إلنه
وشوحشنه
ما واحد فگدنه وشوحشنه
****
بعد ما صار الغروب ومولاتي طلعت بالباب تباوع كلمن رد لهله بس هي گعدت بعتبة الباب وتسولف
..............
وكت الغروب وكت الغروب
يا وحشة الفاجد وكت الغروب
صوب الدروب
تعبت عيني تنظر صوب الدروب
وسدو البوب
فتحت الباب آنه وسدو البوب
يهلي چمدوب
وحشه الدمعه تنزل يهلي چمدوب
***
يمي وتشيلون
هضمتني شكثر يمي وتشيلون
ويه الضعون
بهديماتي احظر ويه الضعون
والله العيون
تعبت من بچيها والله العيون
لو تردون
دهر ابقى أتاني لو تردون
***
يهلنه
ندك يا باب ويطلعون اهلنه
محد إلنه
بطرگ دمعي وعتبتي محد إلنه
وشوحشنه
ما واحد فگدنه وشوحشنه
****